"भा जी! कदी सरबजीत नाल तुहाडी गरमा गरमी वी होई सी।" काहन सिंघ नें पुछ्छिआ।

मैं आपणे चेते 'ते ज़ोर पाइआ। मैनूं कुझ वी याद नां आइआ। सरबजीत दे थोहड़े जिहे उच्चे पीहड़ वाले हस्सदे दंद ही मेरे चेते विच लिशके। उह वालीबाल खेडदा अते मेरे नाल ज़िद के गोला सुट्टदा दिस रिहा सी। मुछ्छां दे वट्ट तिख्खे करन लई उहनां 'ते उसदीआं उंगलां फिर रहीआं सन अते होठ मंद मंद मुसकरा रहे सन। 'गरमा गरमी' तां कोई मैनूं महिसूस नहीं सी हो रही।

"ज़रा सोचो! किते कोई माड़ी मोटी गल्ल बात होई ज़रूर सी।" उह ज़ोर दे रिहा सी।

मैं नांह विच सिर फेरिआ। सरबजीत दा छे फुट्ट भरवां जुस्सा उसदे 'दुघ्घ दुघ्घ' करदे राइल इन फ़ीलड मोटर साईकल 'ते सज्जिआ बैठा नज़र आइआ। अख्खां 'ते कालीआं ऐनकां। उह सकूल विच धूड़ां उडाउंदा दाख़ल हुंदा। मोटर साईकल खलोंदिआं ही नांवीं दसवीं दे उसदे चहेते विदिआरथी मोटर साईकल सांभ लैंदे अते खड़ा करके उसदी मिट्टी पूंझदे उसनूं लिशकाउणा शुरू कर दिंदे। उह पब्बां भार मड़क नाल तुरदा होइआ, मुंडिआं दी 'सति स्री आकाल' दा जवाब दिंदा दफ़तर विच बैठे साथी अधिआपकां नूं हस्स हस्स के हत्थ मिलाउंदा। लगभग तीजे पीरीअड दे वेले, पिंड विच ही उसदे सरदे पुज्जदे रिशतेदारां दे घरों, मुंडे गरमा गरम खाणा तिआर करवा के लिआउंदे । मेरा इह पीरीअड विहला सी अते उसदा वी। उह थाल 'ते पिआ करोशीए नाल बुणिआ वड्डा सारा रुमाल उतारदा अते नेड़े बैठे साथी अधिआपकां नूं आपणा साथ देण लई आवाज़ां दिंदा। किसे मुंडे नूं कहिंदा , "जाह ! भज्ज के जाह, दरशन सुंह नूं बुला के लिआ। जिहड़ी जमात विच वी होवे। उहनूं आख किते नहीं पहड़ाई पछड़ चल्ली।" फिर मेरे वल्ल मूंह करके आखदा, भा जी! दरशन सिंघ हीरा बंदा है।"

दरशन सिंघ नाल उसदी चंगी बणी होई सी। दरशन आपणे पिंड इब्बण तों बस्स विच बैठदा अते झबाल आ के उत्तर जांदा । इत्थे सरबजीत आपणे पिंड नौशहिरे ढाले तों आपणे मोटर साईकल 'ते पहुंचदा । दोवें इक्को मोटर साईकल ते इकठ्ठे सकूल आउंदे । रोटी दा सुनेहां तां दरशन सिंघ उडीकदा ही हुंदा। कलास छड्ड के दौड़िआ आउंदा । उहदी 'सुंघण शकती' बड़ी तेज़ सी। हत्थ धोंदिआं ही दस्स दिंदा, "अज्ज तां गोभी तड़की लग्गदी है जां अज्ज मकई्ई दी रोटी ते साग दी ख़ुशबू आ रही है। अज्ज तां बई बाहरों ई लग्गदा ऐ कि करेले बणे नें। सगों भिंडीआं बणीआं नें अज्ज?" सारे उसदी इस 'सुंघण शकती' 'ते हस्सदे । "सुंघण शकती तां साडे वीर दी एनी तेज़ है कि मील 'ते सोहणी ज़नानी जांदी होवे तां इह हवा विच सुंघ के दस्स सकदा है कि उह किहड़े शैपू नाल नहाती है अते उसने किहड़ी करीम लाई है!" सरबजीत आखदा । दूजे अधिआपक हस्सदे तां दरशन सिंघ मुछ्छां विच मुसकराउंदा होइआ बुरकी तोड़ के सबज़ी नूं लाउण लग्गदा। "भा जी! भावें कुझ वी होवे, दो बुरकीआं तां तुहानूं खाणीआं ही पैणीआं नें।" सरबजीत मैनूं पिआर नाल आखदा ।

"अज्ज असीं चक्क सिकंदर गए सां सवेरे सकूल आउण तों पहिलां, किसे कंम। भा जी के पी सिंघ दे घर कोलों लंघे सां।" सरबजीत नें मुसकराउंदिआं सभ नूं सुणाइआ। साडे इक्क साथी अधिआपक दी बहिक पध्धरी राहीं हो के चक्क सिकंदर नूं जांदी सड़क 'ते सी। उस अधिआपक नें हस्सदिआं किहा, "मैनूं तुहाडे अज्ज ओधर जाण बारे दरशन सिंघ नें कल्ल्ह ही दस्स दित्ता सी अते मैं अज्ज आपणी घरवाली नूं उचेचा सावधान कर के आइआ सां कि वेखीं उहले विच रहीं। भावें मैनूं पता है कि साडा भरा तां ज़नानी नूं कंधां विचों वी वेख लैंदा है।"

" उह तां फिर भरा तेरे नें वेख लिआ। साडी भाबी नें अज्ज सगों केसीं इशनान कीता सी?" दरशन सिंघ नें मिंनहा मिंनहा मुसकराउंदिआं पुछ्छिआ। घर सड़क दे उत्ते ही सी अते दरशन सिंघ नें किते केसीं नहाती 'भाबी' दे दीदार कर लए सन। सारे अधिआपक हस्सण लग्ग पए। "बड़ा पापी ऐ इह!" के पी सिंघ वी हस्सण लग्गा।

"पापी नहीं जी, इह तां हीरा बंदा है।" सरबजीत नें फिर किहा।

इसतरहां सरबजीत दा दरबार सज्जिआ रहिंदा।

अध्धी छुट्टी हुंदी तां उह वालीबाल मंगवा लैंदा। मुंडे अते मासटर मिल के वालीबाल खेडदे । दुध्ध सोढे दी शरत लग्गदी। अध्धी छुट्टी मुक्कदिआं ही दूजे अधिआपक जमातां नूं तुरदे पर उह मुंडिआं नूं आखदा, "बज़ारों निंबू ते बरफ़ लिआओ उए। शिकंजवी बणाईए।" विहले पीरीअड वाले अधिआपक शिकंजवी पींदे। इक्क गलास मुख अधिआपक नूं वी भेजदा। "थोड़ा कु ठंढा रख्खणा चाहीदा उहनूं वी।" उसनूं पता सी कि उह कदी घट्ट वध्ध ही जमात विच जांदा सी। पी टी आई मासटर होण करके उह अकसर आखदा कि उसदा कंम तां मैदान विच है कमरिआं विच नहीं।

कदी गरमा गरम पकौड़िआं अते पूदने दी चटनी दा सवाद वेखिआ जांदा। कदी ख़रबूज़िआं दीआं फाड़ीआं हो रहीआं हुंदीआं। कदे हरीआं तरां ते निंबू निचोड़ के काला लूण लग्गदा। उंज तां बहुती वार ख़रचा अधिआपकां दा सांझा ही हुंदा सी पर कई वार इह ख़रचा सरबजीत आपणी जेब विचों ही कर दिंदा। किसे दिन आखदा , "भा जी! सुणिऐं इक फ़िलम नवीं आई है। आपां शनिच्चरवार वेखण जाणा है सारिआं, अंबरसर।"

जिंनहां दा करूरा मिलदा , असीं फ़िलम वेखण जांदे ।

उह रौणक लाई रख्खदा। इहो जिहे रौणकीले बंदे दीआं यादां विचों मैनूं कोई 'गरम याद' चेते नहीं सी आ रही।

पर काहन सिंघ नें आखिआ, "कोई गल्ल होई ज़रूर सी।"

उह गल्ल दस्सण दा मन बणाई बैठा जापदा सी!

शाइद काहन सिंघ नूं ही किसे गल्ल दा पता होवे! उहनां दोवां दा पिंड इक्को सी अते सरबजीत काहन सिंघ दा बड़ा चहेता विदिआरथी वी रिहा सी।

1979 विच मैं लंमी छुट्टी लै के धरदिओ-बुट्टर दे आदरश सकूल विच पंजाबी दा लैकचरार जा लग्गा सां। ओथे दिल नां लग्गण करके दो कु सालां बाअद मैं वापस आपणे पिंड वाले सकूल विच आइआ तां सोहलां वाले हरबंस पी टी दी बदली हो चुक्की सी। सरबजीत उसदी थां नवां नवां नियुकत हो के आइआ सी। उह मैनूं बड़े सतिकार नाल मिलिआ अते किहा, "मैं काहन सिंघ हुरां दा विदिआरथी हां अते उहनां दा गुरूआं वांग सतिकार करदा हां। उह तुहाडे मित्तर नें इस लई तुसीं वी अज्ज तों मेरे गुरूआं वरगे जे।"

उसदी मिठास नें मेरा मन मोह लिआ सी। काहन सिंघ मेरे पिंड तों पंज सत्त मील दी वित्थ ते ऐन हिंद-पाकि सरहद्द 'ते सथित पिंड नौशहिरे ढाले दा रहिण वाला है। काले समिआं नें उहनूं अंम्रितसर अते मैनूं जलंधर रिहाइश तबदील करन लई मजबूर कर दित्ता। फिर असीं कई साल नां मिले। पर पिंड रहिंदिआं साडी सांझ सदा बणी रही। असीं सभ तों पहिलां 1963 विच जे बी टी सकूलां दे जिल्हा टूरनामैंट विच मिले सां। उह खालड़े अते मैं सरहाली दी वालीबाल टीम वल्लों बतौर समैशर खेडे सां। जे बी टी करन तों पिछ्छों साडी ऐडहाक नियुकती वी इक्को सकूल विच हो गई सी जिस सदका साडी सांझ होर गूहड़ी हो गई। फिर असीं पक्के टीचर बण के आपणे आपणे पिंडां दे नेड़े चले गए। कदी कदी मिलण गिलण बणिआं ही रहिंदा। असां दोवां अग्गे पहड़ाई करके बी ए, ऐम ए अते बी ऐड्ड वगैरा कर लईआं। असीं आपणे आपणे पिंड दे हाई सकूल विच अधिआपक जा लग्गे। मैं जिंनां चिर पिंड रिहा, हर रोज़ शाम नूं गराऊंड विच जाणा अते दो तिंन घंटे वालीबाल खेडणा अते खिडवाउणा मेरा नित्त नेम सी। इंज मैं लगातार ढाई दहाकिआं तों उत्ते रोज़ वालीबाल खेडदा/खिडाउंदा रिहा। समें समें तिआर कीते मेरे नवें खिडारीआं दी टीम मैच खेडण लई तिआर-बर-तिआर रहिंदी। असीं आसे पासे दे पिंडां दीआं टीमां अते कलब्बां नाल मैच खेडदे। काहन सिंघ हुरां दे पिंड दी वालीबाल दी वी बड़ी मज़बूत टीम सी। कई वार काहन सिंघ दी टीम अते मेरी टीम इक्क दूजे नाल, इक्क दूजे दे पिंड जा के दोसतानां मैच खेडदे। आपस विच जित्तदे, हारदे। असीं दोवें इक्क दूजे दे खिलाफ़ मुख्ख खिडारी हुंदे। इहनां सालां विच ही असां दोवां नें वालीबाल दे कई खिडारी तिआर कीते सन। सरबजीत वी उसदा शागिरद अते तिआर कीता खिडारी सी।

तिंन-चार साल पहिलां मेरा इहो पुराणा जाणकार काहन सिंघ किसे सांझी पछाण वाले परिवार दे विआह-समागम विच जलंधर आइआ। असीं कई सालां बाअद मिले सां। खाणा खाण तों पिछ्छों उसने मैनूं किहा कि मैं उसनूं बस्स अड्डे उत्ते उतार दिआं। असीं कार विच बैठे तां पुराणिआं दिनां नूं याद करन लग्गे। पुराणीआं यादां दे रुमांचक धुंदलके विच गवाचणा किस नूं चंगा नहीं लग्गदा! मैं किहा, "काहन सिंहां! तूं मेरे नाल घर चल्ल। बैठ के कुझ चिर गल्ल-बात करांगे। चाह दा पिआला छकांगे। उथों ही मैं तैनूं बस्स अड्डे 'ते छड्ड आऊं। दिन तां अजे बड़ा पिऐ ते तूं किहड़ा वलैत जाणैं। आह पिऐ अंम्रितसर ।"

उह पहिलां ही तिआर सी। घर बैठे गल्लां करदिआं ही उसने किते सरबजीत नाल होई मेरी 'गरमा गरमी' बारे सवाल पुछ्छिआ तां मैनूं सोचण 'ते वी कोई गल्ल याद नां आई।

मैनूं तां याद आउंदा सी उसदा हस्सदा होइआ सांवला चिहरा। कीमती कप्पड़े। गुट्ट ते बध्धी महिंगी घड़ी। पैरीं तिल्लेदार कसूरी खुस्सा।

मैं सरबजीत दे खुस्से दी तारीफ़ कीती तां उसने किहा, "बंदा परसों लाहौर गिआ सी। चार खुस्से मंगवाए सी। तुसीं मंगवाउणां तां दस्सो। अगले हफ़ते बंदे नें फिर लाहौर जाणैं। आखदा सी लाहौर विच बड़ी वधीआ पंजाबी फ़िलम लग्गी है। इस फेरे वेखी नहीं गई। हुण सिरफ़ फ़िलम वेखण लाहौर जाणा सू।" उह खिड़खिड़ा के हस्सिआ। लाहौर जाणा उहनां लई इंज सी जिवें अंम्रितसर जाणा होवे!

उसदी तड़क भड़क पिछ्छे उहनां दे परिवार दी चंगी आरथिक सथिती सी। उहनां दा पिंड हिंद-पाकि सरहद्द उत्ते सी अते इह सभ इसे सरहद्द दीआं 'बख़शिशां' सन। उह इलाके दी पैसे वल्लों चंगी मोटी सामी सन। नौकरी तां सरबजीत शुगल वजों करदा सी। मिलदी तनख़ाह तों वध्ध पैसे तां उह हर महीने ख़रच कर दिंदा सी। सारे विदिआरथीआं अते अधिआपकां उत्ते उसदी 'सरदारी' दी पैंठ बणी होई सी। पर उसदे मिलापड़े अते ख़ुशदिल सुभा करके इह 'सरदारी' किसे नूं एनी चुभदी नहीं सी। उह इस हउमैं विच उड्डिआ फिरदा।

इस तों इलावा अज्ज कल्ल्ह उहनां दे टब्बर दीआं नवीआं बणीआं 'सांझां' वी उस दे लुकवें अभिमान दा कारन सन।

इह लाला जगत नराइण दे कतल तों बाअद अते बलू सटार आप्रेशन तों पहिलां दे दिन सन। संत भिंडरां वाले अते उसदे चेलिआं दी चहड़ मच्ची होई सी।

"संतां दा आपणे ते मिहर दा हत्थ है।" सरबजीत संतां नाल आपणे चाचे अते परिवार दे नेड़ दीआं गल्लां करदा। उसदीआं इहो जिहीआं गल्लां सुण के ही हैडमासटर उसनूं कुझ नहीं सी कहिंदा। उह जदों मरज़ी सकूल आवे, जदों मरज़ी जावे।

इक दिन अखबार विच इक्क पुलसीए 'ते होए हमले दी ख़बर पहड़ के उह जिवें ख़ुशी विच उछ्छल पिआ।

"आह रेहड़ 'ता ई। परसों संतां दे दरशन करन गए सां। घड़े 'च परचीआं पा के 'सोधण' दे फ़ैसले हुंदे नें ओथे। संतां नूं सुण के सवाद आ गिआ। इसे पुलसीए दी घरवाली आई साडे विंहदिआं। हत्थ जोड़ जोड़ तरले लवे। आखे: मेरे घरवाले दी जान बख़शी कर दिओ। उसदा कोई कसूर नहीं। साडा निक्का निक्का जीआ जंत की करू।" उसने आपणा छे-सत्त साल दा निआणा अग्गे कीता अते उह कंबदा होइआ संतां अग्गे हत्थ जोड़ के आखे, 'मेरे डैडी नूं नां मारो।' संत कहिंदे, 'बीबी, तेरे घरवाले नें घट्ट नहीं कीती। जिंनहां नाल होई , उहनां दे वी तां एडे एडे निआणें सन। नाले बीबी मैं की करना है! करन वाली संगत है जां गुरू महांराज।"

मैनूं उसदा ख़ुश होणा चंगा नां लग्गा।

"इस विच ख़ुश होण वाली कोई गल्ल नहीं। इक्क बंदे दी जान गई है। संत अते गुरू तां बख़शण हार हुंदा है। तैनूं हत्थ जोड़ी खलोते उस छोटे मुंडे ते तरस नां आइआ?" मैं आखिआ तां उह गंभीर हो गिआ। कहिंदा, "तरस तां आइआ सी भा जी! पर जदों उह चली गई तां संतां कोल बैठे बंदे उसते हस्सण लग्गे । उहनां दे हासे विच उह मुंडा मैनूं भुल्ल ही गिआ सी।"

"रता सोच! उस मुंडे दी थां किते तूं हुंदों।"

उस नें उच्ची सारी आखिआ, "ओ छड्डो भा जी! ऐवें उस मुंडे दा चेता नां कराओ।"

"रमेश जी ऐधर आओ! इक्क ताश दी बाज़ी हो जावे।" उसने आपणे इक्क होर चहेते अधिआपक नूं आवाज़ दित्ती। उह मेरे नाल गल्ल बात नूं होर लंमी नहीं सी खिच्चणा चाहुंदा। असल विच उस अंदर हत्थ जोड़ी खलोते मुंडे दा दरद जाग पिआ सी अते उह इस दरद दे रूबरू नहीं सी होणा चाहुंदा।

इक दिन मैं पुछ्छिआ, "तेरे संतां कोल इलाके दे सारे समगलर अते दस नंबरीए जा के मत्थे टेकण लग्गे नें। इहो जिहिआं दी संगत किहो जिहे चंन चाहड़ेगी, इह वी कदी सोचिऐ?"

उस दलील दित्ती, "इहो ही तां मार खोरी 'कौम' हुंदे नें। अड़ी थुड़ी वेले कंम आउण वाले।" उह हस्सिआ, "तुसीं मैनूं ला के आखदे ओ नां! मैं सभ समझदां। भा जी! जान दी बाज़ी ला के जे असां चार पैसे कमाए नें तां किसे दा की खोह लिऐ? इस विच मुलक दा की जांदै ते पुलिस नूं की तकलीफ है! जिहड़े पुलसीए सानूं तंग करदे सन, उह हुण साडीआं बरूहां ते खलोते हुंदे नें जी जी करदे।"

इक दिन उह बस्स विचों कढ्ढ के मारे हिंदूआं दी ख़बर 'ते ख़ुश हो रिहा सी।

"संत कहिंदे नें धोती टोपी जमना पार जाऊ जां दूसरे पार"

मैं उसदी नाज़क थां 'ते हत्थ रख्खिआ, "रमेश नूं वी परले पार कर देवेंगा?"

रमेश उसदा बड़ा सनेही सी। उसदे छोटे मोटे कंम ख़ुश हो के करन वाला मधुर भाशी जिऊड़ा, जिहड़ा लग्गदी वाहे किसे दा वी दिल नहीं सी दुखाउणा चाहुंदा। सरबजीत मेरी गल्ल सुण के ख़ामोश हो गिआ। फिर सोच के बोलिआ, "लओ रमेश नूं किहड़ा कुझ आखू। उह तां साडा हीरा है।"

"जिहड़े मरे नें उह वी किसे दे हीरे सन।"

उह ख़ामोश हो गिआ।

सरबजीत मैनूं वख्ख वख्ख शकलां विच दिस रिहा सी।

काहन सिंघ दी पुछ्छ दे उत्तर विच मैं ज़िहन 'ते ज़ोर पाउण लग्गा तां इक बुरी ते दुखदाई झाकी मन मसतक 'ते छा गई। मेरे साहमणे सरहंद नहिर विचों कढ्ढ के लिआंदी उसदी फुल्ली होई लाश पई सी। उह घरदिआं नाल किसे गल्लों खफ़ा हो गिआ सी। किसे रिशतेदारी ते जाण दा बहाना ला के घरों चला गिआ अते सरहंद नहिर विच जा छाल मारी सी। उसदे डुब्ब जाण दी ख़बर उसदी नव विआही पतनी नें आ के दित्ती सी जिसनूं उह आपणे नाल लै के गिआ सी अते उसनूं वी आपणे नाल ही ख़ुदकशी करन लई प्रेरदा रिहा सी। पर उसदे इनकार करन अते उस वल्लों समझाउण दे लख्ख यतनां दे बावजूद सरबजीत नें उसतों आपणी बांह छुडा के नहिर विच छाल मार दित्ती सी। तीसरे दिन हरे जाले नाल लिब्बड़ी उसदी गळ चुक्की लाश लभ्भी सी। इलाके विच हाहाकार मच्च गई सी।

"कमला भंग दे भाड़े जान गवा बैठा। घरां विच सौ उन्नी इक्की हो जांदी है।" मैनूं उसदी कहिरी मौत दा डूंघा अफ़सोस सी।

"तुहाडे नाल उहदी मुंडिआं नूं कबड्डी खिडवाउण तों झड़प होई सी नां इक्क वार?" काहन सिंघ नें इक्क वार फिर आखिआ।

"अछ्छा! लै उह गल्ल? उह तां मामूली गल्ल सी । झड़प वी कोई नहीं सी होई। बस्स गुस्सा आइआ सी मैनूं वी अते उहनूं वी। पर असीं इक्क दूजे नूं मूंहों किहा कुझ नहीं सी।" मेरे चेते विच इक द्रिश उभ्भरिआ।

"उह तां बड़ी वड्डी गल्ल हो चल्ली सी। मैं जाण बुझ्झ के कदी तुहानूं दस्सी नहीं सी।" काहन सिंघ नें रहस्स होर डूंघा कर दित्ता।

होइआ इह कि टूरनामैंट आउण वाले सन। सरबजीत सकूल लग्गदिआं ही नांवीं दसवीं दे मुंडिआं नूं पिछ्छे मैदान विच लै जांदा अते कबड्डी खिडाउणी शुरू कर दिंदा। होर तमाशबीन मुंडे वी गराऊंड दे आसे पासे जा बैठदे। वड्डीआं जमातां विहलीआं वरगीआं हो जांदीआं। उह अध्धी छुट्टी तक्क कबड्डी खिडाउंदा रहिंदा। दसवीं जमात विच मेरा पंजवां पीरीअड लग्गदा सी। जदों मैं जमात विच जांदा, अध्धी जमात खाली हुंदी। पुछ्छणां तां पता लग्गणा कि कुझ मुंडे कबड्डी खेडण अते कुझ उहनां नाल वेखण गए हन। मैनूं इसतरहां बच्चिआं दी पहड़ाई ख़राब करना चंगा नहीं सी लग्गदा। कुझ दिन इह सिलसिला चल्लदा रिहा। मैं कबड्डी वालिआं मुंडिआं नूं किहा कि कबड्डी खेडण वाले तां भावें खेडदे रहिण पर सरबजीत नूं आखिओ तमाशबीनां नूं तां कलास विच भेज दिआ करे। अगले दिन मेरी कलास फिर विहली सी। आखे दा कोई असर नहीं सी होइआ। मेरे पुछ्छण ते पता लग्गा कि सरबजीत नूं जदों मुंडिआं नें मेरा सुनेहां दित्ता तां उस आखिआ सी, 'उए बैठो तुसीं । मेरे हुंदिआं तुहानूं कोई कुझ नहीं आखदा।'

मैनूं उसदे इस जवाब विचों 'तुहानूं कोई कुझ नहीं आखदा" दी थां 'तुहानूं कोई कुझ नहीं आख सकदा' दी गंध आई। इहनां शबदां विच तां इक्क वंगार सी!

मैनूं सरबजीत दी इह गल्ल चंगी नां लग्गी। पर मैं उसनूं कुझ नां आखिआ। मेरी जट्ट-हउमैं वी जाग पई सी। पहिले दिन तां मैं सिरफ़ तमाशबीनां नूं ही कलास विच आउण लई ही सुनेहां भेजिआ सी पर अगले दिन मैं आपणी जमात दे कबड्डी वाले मुंडिआं नूं किहा कि कबड्डी खेडण लई चार पीरीअड बहुत हुंदे हन। इस लई उह अगले दिन मेरे पीरीअड विच कलास विच हर हालत विच हाज़र होणे चाहीदे हन। पर अगले दिन फिर हालत पहिलां वाली ही सी। मुंडिआं नें मेरा सुनेहां सरबजीत तक्क पहुंचा दित्ता सी। पर उसने फिर किहा सी, "उए जदों मैं आखदां, कुझ नहीं हुंदा। घबराओ नां,खेडो तुसीं।"

पता मैनूं वी लग्ग गिआ। असीं अंदरों अंदर तण गए सां। अगले दिन जदों मेरे पीरीअड दी घंटी खड़की, मैं कलास विच गिआ ता पहिलां वाला हाल। कुझ भलेमाणस अते डराकल मुंडे ही कलास विच हाज़र सन। बाकी सारी जमात गराऊंड विच ही सी। मैं उसे वेले गराऊंड वल्ल तुर पिआ। सारे मेरे वल्ल वेखण लग्गे।

"तुहानूं मैं की आखिआ सी उए! तुसीं कलास विच किउं नहीं आए?"

मुंडे खेडणा छड्ड के मेरे वल्ल वेखण लग्गे।

कबड्डी वेख रहे तमाशबीन मुंडिआं नूं मैं दबकाइआ कि उह आपो आपणी कलास विच जाण, ओथे बैठण दा उहनां दा कोई कंम नहीं। सरबजीत दस गज़ दी वित्थ 'ते गराऊंड दे दूजे सिरे 'ते खलोता सी। मैं पूरी करड़ाई नाल आखिआ, "जिहड़े दसवीं दे मुंडे नें, चुप्प चाप बंदे दे पुत्त बण के बाहर आ जाओ अते मूंह हत्थ धो के कलास विच चलो। मैं तुहानूं कल्ल्ह ही कहि दित्ता सी कि इस वेले तुहानूं कलास विच होणा चाहीदा है।"

मुंडे कदी मेरे वल्ल वेखदे। कदी सरबजीत वल्ल।

"बिटर बिटर की विंहदे ओ। मेरी गल्ल नहीं सुणी। चल्ल उए पग्गिआ तूं। तूं वी पा कप्पड़े उए सींढी।" मैं वारी वारी नां लै के बुलाउणा शुरू कीता तां मेरे बोलां विचली करड़ाई वेख के उहनां कप्पड़े चुक्के अते नलके वल्ल तुर पए।

सरबजीत खलोता मुछ्छां ते हत्थ फेर रिहा सी। सांवले मत्थे उत्ते उभरीआं पसीने दीआं बूंदां उहदीआं तिऊड़ीआं विच घुल गईआं सन। पर नां उसने कोई बोल मेरे नाल सांझा कीता ते नां मैं। मुंडिआं नूं अग्गे हिक्क के मैं कलास विच लै आइआ।

अगले दिन दरशन हुरां नें सानूं दोवां नूं समझा बुझा के साडे हत्थ मिलवा दित्ते।

उसनूं किहा, "संधू साहिब तेरे वड्डे भरा सन। तूं रिकुऐसट करनी सी, इहनां तैनूं की आखणा सी मुंडिआं तों। अग्गे किहड़ीआं रोज़ सारीआं कलासां लग्गदीआं नें! टूरनामैंट तक्क इहनां दी वी कलास नां लग्गदी तां की फ़रक पैणा सी!"

मैनूं किहा, "तुहाडा छोटा वीर सी। तुसीं आप इसनूं समझा बुझा लैणा सी। इहने किहड़ा तुहाडा किहा कदी मोड़िआ है। एनी इज़्ज़त करदा है तुहाडी। मुंडिआं 'च जा के कहिण नाल इह आपणी बेइज़ती मंन गिआ है।"

"तुहाडे कहिण मूजब असीं किवें करदे? अकसर दोवें संधू जट्ट जू होए। मुछ्छ तां सिध्धी रख्खणी होई नां? किउं सरबजीत?" मैं हसब मामूल मुछ्छां 'ते हत्थ फेर रहे सरबजीत नूं किहा। उह खिड़खिड़ा के हस्सिआ।

"भा जी! गल्ल तुहाडी ठीक है। मसला सिरफ़ मुछ्छ दा ही सी।"

किसे नें हासे नाल किहा, " हुण दोवें जणे मुछ्छां नीवींआं कर लवो।"

सरबजीत कुरसी तों उठ्ठिआ अते आ के मैनूं जफ़्फ़ी पा लई। मैं उसनूं छोटे भरा वांग गल नूं ला लिआ।

काहन सिंघ नें मेरी गल्ल सुणन तों बाअद जो दस्सिआ उह सुण के तां मेरे लूंईं कंडे खड़े हो गए।

उस वल्लों दस्सी गल्ल दा सार संखेप इस प्रकार है:

जिस दिन उसदा मेरे नाल इह झगड़ा होइआ तां उह बड़े गुस्से विच सी। सारे मुंडिआं ते मासटरां विच उसदी 'बल्ले! बल्ले!' सी। पर अज्ज उसनूं लग्गदा सी जिवें मुंडे उसदी बहादरी, सरदारी अते खड़ी मुछ्छ उत्ते हस्स रहे होण। उसने तां इह प्रभाव बणाइआ होइआ सी कि कोई उस अग्गे 'खंघ' नहीं सकदा। पर इह की हो गिआ सी! उसदा अंदर मच्च मच्च जांदा।

उसे रात कुदरती उहनां दे घर 'खाड़कू' आ गए। आउंदे ही रहिंदे सन। इह उहनां दी पैसे धेले अते रोटी पाणी वल्लों 'सेवा' करदे सन। उहनां दी इस इलाके विच वड्डी धिर सन। उस रात रोटी पाणी खवाउण तों बाअद जदों सरबजीत उहनां वासते दुध्ध दा जग्ग लै के गिआ तां उहनां नें ऐवें गल्लां गल्लां विच आखिआ, "मासटर जी, किते कोई मासटर मूसटर जां होर बंदा कुबंदा तुहानूं जापदा होवे कि अड़दा है, आपां नूं दस्सो, झाड़ दिआंगे।" सरबजीत दे अंदर बलदीआं सवेर वालीआं लाटां मध्धम नहीं सन होईआं। उसने किहा, "है साडे इक्क मासटर। कामरेड ऐ। लेखक ऐ। संतां दे खिलाफ़ बड़ा बोलदा रहिंदा। सिंघां नूं वी कातलां अते डाकूआं दे टोले आखदा ऐ। मैं तां बड़ा समझाइआ पर उह बाज़ नहीं आउंदा। अज्ज एसे गल्लों मेरे नाल खहिबड़ पिआ। मैं आखिआ कि मैं आपणे साहमणे तैनूं संतां महांपुरखां नूं दुरबचन नहीं बोलण देणा। हटे ई नां। मैं तां पा लिआ फिर गलमें नूं हत्थ। पूरा पंथ दोखी है।"

उहनां नें नां पता अते सारा वेरवा पुछ्छिआ। उस दस्स दित्ता। उहनां दे आगू नें किहा, "मासटर जी, चिंता नां करो। दो दिनां 'च सारा टब्बर गड्डी चाहड़ के फिर आवांगे तुहाडे कोल दुध्ध दे गफ्फे लाउण लई।"

अगले दिन सवेरे आउंदिआं ही सरबजीत नें दरशन नूं अड्ड करके सारी गल्ल दस्स दित्ती।

"बहुता खब्बी खान बणदै नां! पुत्त नूं लग्ग जू पता, इक्क अध्धे दिन 'च।" उसदा गुस्सा अजे वी हलका नहीं सी होइआ।

दरशन नें किहा, "सरबजीत , इह तूं बहुत माड़ी कीती। तैनूं इंज नहीं सी करना चाहीदा।"

काहन सिंघ दस्स रिहा सी," पहिलां तुहाडी सुलाह सफाई करवाई अते फिर बिनां किसे नूं दस्सिआं दरशन नें ओसे वेले किसे अधिआपक दा सकूटर मंगिआ अते सिध्धा मेरे कोल मेरे सकूले आ वज्जा। उहनूं तुहाडे अते मेरे रिशते दा इलम सी। मैनूं कहिंदा, सरबजीत नें आह लोहड़ा मारिऐ। तुहाडी उह बड़ी इज़्ज़त करदै। उहनूं आखो कि सिंघां नूं छेती तों छेती लभ्भ के भाणा वरतणों रोक लवे। गल्ल सुण के तां मेरे वी पसीने छुट्ट गए। मैं वी घबरा गिआ। असीं सरबजीत नूं सकूलों आउंदे नूं राह विच झबाल दे बस्स अड्डे 'ते ही जा घेरिआ। उह डाढा शरमिंदा सी। कहिंदा, साडी तां सुलाह सफाई वी हो गई आ। पर हुण छुट्टे तीर दा की बणे! उह वी साडे जिंनां ही चिंतातुर सी सगों साडे तों वी वध्ध। लओ जी, असीं 'सिंघां' दे इक्क तों दूजे अड्डे दा पता करदे लगातार तिंन दिन साह नां लिआ। शाइद तुहानूं चेते होवे, तुहाडे नाल सुलाह सफ़ाई वाले दिन तों पिछ्छों तिंन दिन सरबजीत अते दरशन सकूल नहीं सन गए। तीसरी रात असीं उहनां नूं गग्गोबूहे पिंड विच इक्क बहिक ते जा लभ्भिआ। असीं सोच ही रहे सां कि इहनां नाल सारी गल्ल किवें शुरू करीए। मैं दोवें हत्थ जोड़ के किहा, "जी जी बेनती है।" उहनां दा जथेदार विचों ही टोक के कहिंदा, "मासटर जी नूं साडे ते यकीन नहीं लग्गदा। मासटर जी कल्ल्ह रात नूं तुहाडे मन दी मुराद पूरी हो जाऊ अते उह पंथ दोखी समेत परिवार नरकां विच पहुंच जाऊ। इह दो दिन वी तां लग्ग गए कि असीं उहदे टिकाणे दा पूरा पता लाउंदे रहे आं। नहीं इतबार तां सुणों। असल विच उहनां दा घर बाज़ार विच होण करके सवेरे तां ओथे सी आर पी फिरदी रहिंदी है। इह कंम रात नूं होण वाला है। इकल्ले दी गल्ल हुंदी तां असीं सकूले जा के ही सोध देणा सी पर सणे टब्बर रात नूं घरे ही 'गड़ गड़' होऊ। जे साडे 'ते नहीं यकीन तां अग्गे सुणों, उहनां दे घर दी साहमणी अते पासे दी बाज़ार वाली बाही तों टप्प के घर अंदर जाइआ जा सकदा है। उधर कंधां मसां दस दस फुट्ट ही उच्चीआं नें।उह सारा टब्बर बाहर विहड़े विच पख्खा ला के सौंदे नें। हुण है कोई बेइतबारी? कल्ल्ह नूं इह कंम होइआ लओ। हुण होर सेवा दस्सो।" उह ख़ौफ़नाक हासा हस्सिआ।"

" असीं सेवा की दस्सणी सी। तरला पाइआ सारिआं दोवें हत्थ जोड़ के कि बाबा जी गलती नाल आखिआ गिआ। माड़े जिहे आपसी झगड़े करके इहनूं गुस्सा सी। तुसीं बख़श दिओ। उस मासटर विचारे दा कोई कसूर नहीं। उह कहिंदा, 'उह संतां नूं अबा तबा बोलदा है। कामरेड आ । कामरेड नूं तां असां हुण नहीं छड्डणा।' असीं हत्थ जोड़े। सरबजीत नें किहा , 'बाबा जी मैथों ही गुस्से विच भुल्ल हो गई। कामरेड कूमरेड कोई नहीं विचारा! उह तां हीरा बंदा है। हत्थ बंनह के बेनती है कि भाणा नां वरताइओ।" उहनूं एना निमर अते निंमोझूणा वेख के 'बाबा' हस्स पिआ। कहिंदा, "सिंघ अरदास कर के मुड़दे तां नहीं हुंदे पर जे इह संगत दा हुकम है तां मंन लैंदे आं। पर इक्क गल्ल है उस बंदे 'च कसर ज़रूर होवेगी, तुहाडा मन ही पिघल गिआ लग्गदै। मोम बणिआं नहीं सरना हुण। सटील बणना पऊ। हुण तुसीं उसनूं बचाउण लई उसदी शाहदी भरदे ओ।"

काहन सिंघ बिरतांत ख़तम करके चुप्प कर गिआ पर मेरे अंदर किंनां चिर डिगदे पहाड़ां दा खड़ाक आउंदा रिहा। जे भला उह अगली रात तक्क वी उहनां नूं नां लभ्भदे! ज़िंदगी अते मौत विच किंनां मामूली फ़रक है! सिरफ़ इक्क रात दे फासले ते मेरी ज़िंदगी अते मौत खलोतीआं सन। उहनां विचों कोई वी मैनूं मिल सकदी सी। मैनूं ज़िंदगी मिल गई।

फिर मैनूं ख़िआल आइआ कि इसतरहां दे किंने 'पंथ दोखी' आपसी दुशमणीआं वालिआं नें मरवाए होणगे!

मैं उदास हो गिआ। मेरे मूंहों सहिज सुभावक निकलिआ, "हीरा बंदा तां काहन सिहां तूं हैं ही। पर सोचीए तां असली हीरा बंदा दरशन सिंघ सी, जिहड़ा तेरे वल्ल नां तुरदा तां अज्ज मैं तेरे साहमणे नहीं सी बैठा होणा। उसदी इह वी वडिआई वेख कि सरबजीत दी मौत तों बाअद, मेरे जलंधर आउण तक्क उह कई साल मेरे नाल पहड़ाउंदा रिहा पर उसने मैनूं कदी नहीं दस्सिआ अते जताइआ कि उसदी अते फिर तेरी पहिलकदमी नाल किवें मेरी जान बची।"

काहन सिंघ नें हामी भरी। फिर असीं दरशन सिंघ दे दरद विच भिज्ज गए , जिहड़ा कुझ साल होए ,किसे सड़क दुरघटना विच मारिआ गिआ सी, पिछ्छे निक्का निक्का जीआ जंत कुरलाउंदा छड्ड के।

काहन सिंघ मेरे साहमणे बैठा सी अते मैं अंतर धिआन हो के इहनां हीरे बंदिआं नूं नतमसतक सां।