'मेरी कहाणीं लिखीं.....' इह गल्ल उस नूं गैरी नें आखी सी जो रिशते विच्च उस दी सकी भरजाई सी। पर की लिखदा उह उसदे बारे? लिखदा तां कलम अड़ जांदी, मन उखड़ जांदा ते उह सोचां विच्च डुब्ब जांदा। बस्स इह ही सोचदा रहिंदा कि ‘की उह ग़लत सी जां ठीक....। ते जां फिर उस नें आपणे वड्डे भरा दे पिठ्ठ विच्च छुरा मार के उस नाल विसवाश घात कीता सी। दोशी कौण सी? उसदा भरा हरबंस, गैरी जां खुद मनमीत आप...’। इह ही गल्ल उस नूं समझ नहीं सी पैंदी। इह ही कारन सी कि उह उस बारे कहाणी नां लिख सकिआ। पर उस नें तां इस गल्ल दा वाअदा लिआ सी कि ‘मेरी कहाणी जरूर लिखीं तां कि कोई भरा आपणे भरा दी पिठ्ठ विच्च छुरा नां घोंपे ते कोई पतनी आपणे पती दे हुंदे होए बदचलणी वाला राह अखतिआर नां करे। ते मुड़के फेर कदी किसे दी ज़िंदगी विच्च इस तरहां दी तूफ़ानी रात नां आवे’। उह वी किहो जिही रात सी अग्ग दे भांबड़ वरगी मनमीत नें सोचिआ ते उस रात नाल सबंधत घटनावां उसदे मन मसतक विच्च फेर उभरन लग्गीआं।

उसदे भरा नाल विआह होण तों बाअद गैरी पहिली वार भारत आई सी उह वी इकल्ली। बहुत सोहणी सी उह, गोरा रंग, सुरख़ गल्ल्हां ते दिलकश नैण। जोबन डुल्ल डुल्ल पैंदा सी उसदा। पर जदों मनमीत नूं आपणे भरा हरबंस दा ख़िआल आंउंदा तां उस नूं लग्गदा कि उह तां उस दे मुकाबले विच्च कुझ्झ वी नहीं सी। अठाई कु साल दी उमर विच्च उह किसे एजंट नूं पैसे दे के कैनेडा गिआ सी, ते उथे जाके रीफिऊजी शरन लई सी। फेर तेरां साल उसदा केस चल्लिआ सी तां किते जा के उह पक्का होइआ सी। उह वी तां, जदों पंजाब दा महौल बहुत जिआदा विगड़ गिआ सी। झूठे पुलिस मुकाबलिआं विच्च वी बहुत लोक मरन लग्गे। रफिऊजी बोरड नें इसे गल्ल नूं मुख्ख रख्ख उस नूं कैनेडा विच्च पक्के तौर ते रहिण लई शरन दे दित्ती सी। जदों उह पक्का हो गिआ अते उस नूं पासपोरट मिल गिआ तां जो गल्ल उस नें सभ पहिलां कीती, उह सी भारत आके किसे भारती कुड़ी नाल विआह करवाउण दी जिस लई उह पहिलां ही लेट सी। उस वारे परिवार वी सारा ही फिकरमंद सी किउंकि उसदी उमर टप्पदी जा रही सी चालीआं नूं ढुक चुक्का सी उह। पर कैनेडा दे लालचीआं नूं उस दी पकरौड़ उमर घट्ट अते कैनेडा बहुता दिसदा सी। अख़बार विच्च इक्क इशतिहार देण दी लोड़ सी कि रिशतिआं वालिआं दा तांता जुड़न लग्गा। लोक आपणीआं कंज कुआरीआं धीआं नूं इस तरां दिखाउंदे जिवें चंगा विउपारी गावां मझ्झां वेचण समें गाहक नूं भरमाउण लई हर हीला वरतदा है। ते फेर गैरी दा बाप वी आइआ सी आपणी वड्डी धी दा रिशता लै के। उह दो भैणां तों वड्डी सी सिरफ अठारां साल दी ते बी: ए: दे आखरी साल विच्च पहड़दी सी। उसदे सुहप्पण नूं देख के हरबंस रब्ब नें दित्तीआं गाजरां वाली कहौत दहरांउदिआं झट्ट पट्ट हां कर दित्ती सी। ते फेर धूम धाम नाल विआह हो गिआ।

विआह तों बाअद मनमीत किंने ही दिन बेचैन रिहा कि ‘ऐनी सोहणी ते घट्ट उमर दी कुड़ी उसदे भरा नाल विआह करवाउण नूं किवें मंन गई’? किसे नें किहा सी कि "भाई अगले दे तिंन धीआं नें विआह करने किहड़ा सौखे नें......इक्क कुड़ी दी बली दे के दो बचदीआं नें नाले सारा टब्बर कैनेडा निक्कलदा ए। एथे ऐना दाज दे के किहड़ा विआह करने सौखे नें। कुड़ीआं वी विचारीआं इसे करके समझौता कर लैंदीआं हन कि जे एहो हाल होणा है तां एथे होइआ कि उत्थे .....। जे होर नी तां कैनेडा विच्च कनूंन तां चंगा है। इक्क वार पहुंचण दी जरूरत है"। इसे करके गैरी आपणी पहड़ाई विचकार ही छड्ड विआह करवाउण लई तिआर हो गई सी। उसदे मां बाप नें सोचिआ कि एथे किहड़ा नौकरी धरी पई है। कैनेडा वाला साक वार वार तां नहीं मिलदा।

विआह तों हफता बाअद ही हरबंस कैनेडा लई रवाना हो गिआ। आपणी चार हफते दी छुट्टी विच्च उस नें बड़ा कुझ दस्सिआ। शाम नूं मित्तरां दी महिफल विच्च बैठा उह दस्सदा कि उह कैनेडा बैठा ऐवें नहीं बुढ्ढा हो गिआ उथे उस दी इक्क गोरी गरल फरैंड सी। फरैंड तां उह उस नें इस लई बणाई सी कि कोरट मैरिज करवा के उस नूं पक्का करवा दऊ पर उह तां बटूए दी दीवानी सी जो उस नूं कई साल चूंडदी रही। दोनो आपो आपणे दाअ ते सन। उह वी इह गल्ल जाणदी सी कि जिस दिन हरबंस पक्का हो गिआ उसे दिन उस नूं पाटे लंगार वांग गलों लाह के पंजाब विआह करवाउण तुर जावेगा ते सोने दे अंडे देण वाली मुरगी हमेशां लई मर जावेगी। उह हर वीक ऐंड ते उस कोल आउंदी ते हर वीक ऐंड ते पेअ वी मिलदी। सोमवार सवेरे उस कोल उह वी नां हुंदी ते बटूए 'च पैसे वी नां। जिउं ही उस नूं पक्का होण दे पेपर मिले ते गोरी लूबा वी उस नें पक्के तौर ते छड्ड दित्ती। जदों कोई मनचला उस नूं पुछ्छदा कि गोरी औरत ते पंजाबण विच्च की फरक हुंदा है तां उह आपणा तजुरबा सांझा करदा आखदा " सैकस दे मामले विच्च गोरीआं दा कोई जवाब नहीं ते घर दी सांभ संभाल वासते आपणीआं दा कोई जवाब नहीं।" उह कहिंदा ऐश जित्थे मरजी करो पर विआह आपणी कमिऊनटी विच्च ही करो"। तां ही तां उह विआह करवाउण पंजाब आइआ सी। ते धक्के चड़ गई सी विचारी गैरी जो मनमीत नूं तरले लै लै के इह कहि के गई सी कि ' मेरी कहाणी जरूर लिखीं' पर समझ नहीं सी पैंदी कि उह उसदी कहाणी कित्थों शुरू करे।

कैनेडा विच्च ढाई साल रहिके गैरी पहिली वारी छे कु हफतिआं लई इंडीआ आई सी।आउणां तां दोहां नें सी पर मौके ते आ के हरबंस नें कहि दित्ता सी कि "मैनूं कंम तों छुट्टी नहीं मिलदी ते खरचा वी बहुत है तूं इकल्ली ही जाअ आ"। ते गैरी नूं वी कोई उजर नहीं सी होइआ। उह इकल्ली ही आ गई सी। दिल्ली एअर पोरट तों गैरी दा बाप किरपाल सिउं ते मनमीत उस नूं जा के लै आए सन। विआह तों बाअद ढाई साल बीतण ते वी गैरी कोल कोई बच्चा नहीं सी। कारन कुझ वी हो सकदा सी। उह बिल्लकुल्ल इकल्ली उत्तरी सी जफ्फी पा के अपणे पिउ नूं वी मिली ते आपणे छोटे देवर नूं वी जो उमर विच्च भांवें उस तों चार साल वड्डा सी ते सोहणा सुनख्खा वी। उसदी डील डौल वेख के गैरी दे मन 'च छुपी मन पसंद मुंडे दी तसवीर गूड़ी होण लग्ग पई सी। मनमीत नूं हरबंस दा सरवाला बणिआं वेखिआ तां उस नें आपणे विआह नूं वी सी पर समार के नहीं शाइद नवें नवें रिशते दी संग करके। कई वार इकल्ली बैठी मनमीत दीआं फोटोआं वेख के उह सोच जाइआ करदी सी " मेरा हाण तां मनमीत नाल सी। हरबंस तां मेरे नालों दुग्गणी उमर दा है"। जिस नाल उह कदी वी मनों जुड़ नहीं सी सकी बस्स वकत पूरा करदी रही सी। उस दी हवस पूरी करन लई उह जिसम ढिल्ला छड्ड मुरदिआं वांगूं पई रहिंदी बेजान बैटरी वांगूं उस विच्च कदी वी करंट पैदा नां हुंदा। बिसतरे ते भांबड़ वांगूं मच्चणा तां बहुत दूर दी गल्ल सी। इसे गल्ल तों खिझ के हरबंस उस नूं गालां वी कढ्ढदा कि ‘ठंढी बरफ है’ ते इह वी आखदा कि "देसी औरतां तां सिरफ घर ही संभाल सकदीआं नें मरद संभालणे तां सिरफ गोरीआं नूं ही आंउंदे हन"। उस दी इह गल्ल गैरी नूं होर वी राख दा ढेर बणा जांदी, जिस नूं फूकां मार के सुलघाउण दे असफल यतन करदा, उह हफ के सौं जांदा। कमज़ोर गैरी नहीं, सगों उह सी। बीते दिनां वाले, गोरी लूबा नाल जुड़े अग्ग वरगे सबंधां नूं दुहराउण लई ही शाइद उह इकल्ली गैरी नूं इंडीआ भेजणा मंन गिआ सी। जो दिल्ली एअर पोरट मनमीत साहमणे खड़ी मुसकरा रही सी।

दिल्ली तों लुधिआणे तक्क दे सफ़र विच्च उह इक्क दूजे दे काफी नेड़े आ गए सन। मनमीत उस नूं कैनेडा दे जीवन बारे सुआल जवाब पुछ्छदा रिहा सी जिवें कोई खोज कर रिहा होवे। असल विच्च उह पंजाबी यूनीवरसिटी पटिआला विच्च पी ऐच्च डी कर रिहा सी। हर गल्ल दी तहि तक्क जाणा उस दा सुभाअ बण गिआ सी। उह गैरी नूं आपणे बारे वी दस्सदा रिहा सी, आपणी पहड़ाई बारे आपणे घुंमण फिरन बारे। उस नें काफी घुंमण फिरन योग थावां देखीआं होईआं सन ते शिमला वी। जदों उह शिमले बारे दस्स रिहा सी तां उसे वकत गैरी नूं ख़िआल आइआ सी कि हरबंस नें उस नूं ताड़ के किहा सी कि ‘मेरे दोसत दी भैण शिमले रहिंदी है उस दा जरूरी समान है, तूं आप जा के फड़ा के आईं’। इह गल्ल सुण के गैरी नूं खुशी चड़ गई सी किउंकि उस दी कालज समें दी सभ तों पिआरी सहेली वी शिमले ही किसे सकूल विच्च पहड़ाउंदी सी जो अकसर उस नूं लिखदी सी कि जदों वी भारत आवें तां शिमले जरूर आईं। इसे बहाने नाले उह शिमला वेख आवेगी ते नाले आपणी सहेली नूं मिल लवेगी। नाले पुंन ते नाले फळीआं। उह सोचण लग्गी कि जे मनमीत वी नाल चल्ले तां सफर चंगा गुज़र सकदा है। पर उस नें किहा नां।

गैरी कदी आपणे पेके पिंड रहिंदी अते कदे सहुरे घर। इक्क दिन उस नें आपणी सस्स नूं किहा कि मैं शिमले किसे दा समान देण जाणा है। सस्स नें किहा "कोई नां मनमीत फड़ा आवेगा फिरदा तुरदा ही रहिंदा है" पर गैरी नें दस्सिआ कि ‘उस नें आप वी जाणा है आपणी सहेली नूं मिलण’। उनहां नाल कदी कोई जाण दी सलाह बणाउंदा ते कदी कोई। पर घरेलू कंमां काजां करके कोई वी जा नां सकिआ ते उधरो गैरी दे वापस जाण दा समां नेड़े आ रिहा सी। आखर उस नूं ते मनमीत नूं ही जाणा पिआ। दिलों उह बहुत खुश सी कि उह मनमीत नाल सफ़र कर सकेगी। ते इक्क दिन उह शिमले लई तुर पए। उनहां कोल सिरफ ऐडरैस्स ही सी फोन बगैरा कोई है नहीं सी। इस लई उह आपणे आउण बारे पता वी नां दे सके। उनहां सोचिआ कि उह पुछ्छ पुछा के लभ्भ लैणगे। उनहां लुधिआणे तों चंडीगहड़ वाली बस्स फड़ लई। इस सफर दौरान उनहां दी संग होर वी चुक्की गई। मनमीत जिथे वी किते बस्स खड़दी भज्ज के कुझ्झ खाण पीण दा समान फड़ लै आंउदा। निक्कीआं गल्लां करदे उह इक्क दूजे दे नाल बैठे सन इक्क चंगी जोड़ी दी तरां। चंडीगहड़ पहुंचण ते मनमीत नें किहा किउं नां आपां हुण आए होए हा पिंजौर गारडन वी वेख लईए ते गैरी नूं कोई इतराज नहीं सी। फेर उनहां पिंजौर जाण वाली बस्स फड़ लई। पिंजौर पहुंच के तां गैरी दी रूह नशिआ गई 'ऐना सोहणा बाग'। रंग बिरंगे फुल्लां ते पैंदी फुआरिआं दी तिरमरी। उह दो घंटे जी भरके घुंमे। उह इस तरहां नाल सरक के तुर रहे सन जिवें पती पतनी होण ते उनहां दी जोड़ी लग्ग वी बहुत ख़ूबसूरत रही सी। हरबंस नें तां गैरी नूं घुमाइआ ही किते नहीं सी। इह नहीं बई टोरांटो विच्च वेखण योग थावां नहीं सन। उस नें बहुत सारीआं थावां दे नां सुणे सन ते इक्क वार निआगरा फालज़ जाण दी इछ्छा वी ज़ाहर कीती सी पर हरबंस नें घर ही गिलास नाल पाणी डोहल के विखाउंदे होए आख दित्ता सी कि "बस्स आ ही चीज आ, उत्थे पाणी ही डिग्गदा है होर कुझ्झ नहीं"। गैरी दा घुंमण फिरन दा शौंक दम तोड़ गिआ सी। पर अज्ज उस नूं इस तरहां घुंमणा फिरनां चंगा लग्ग रिहा सी।

फेर पिंजौर तों उनहां कालका वाली बस्स फड़ी ते कालका तों शिमले वाली छोटी टरेन। बाहर काफी हनेरा हो गिआ सी। होटल दी रोटी खाण तों बाअद गड्डी विच्च बैठी गैरी नूं थकेवें नाल नींद आ रही सी। गड्डी सप्प वांगूं वल खांदी पहाड़ी सफर ते जा रही सी। पहाड़ां ते जगदीआं बत्तीआं तारिआं भरे आकाश दा भुलेखा पा रहीआं सन। जिवें असमान नीवां हो के धरत नूं चुंम रिहा होवे। बाहर ठंढी पौण रुमक रही सी ते ख़ूबसूरत नज़ारा मन नूं अनंदत कर रिहा सी। सप्प वांगूं मेहलदी वल खांदी गड्डी विच्च पता नहीं कदों गैरी मनमीत दे मोढे ते सिर धर के सौं गई सी। जदों उस दी अख्ख खुल्ली तां गड्डी सुरंगां विच्चों गुज़र रही सी। उस नूं थोड़ी शरम वी आई जो दोहां दी मुसकराहट थल्ले दम तोड़ गई। शिमले पहुंचदिआं नूं उनहां नूं दूसरा दिन चहड़ आइआ सी। उतरन सार उनहां इक्क ढाबे विच्च चाह पीती। इस तों बाअद उह टैकसी कर के उह थां लभ्भण तुर पए जित्थे उनहां समान फड़ाउणा सी। उह थां लोअर बज़ार विच्च सी। जदों उह उत्थे पहुंचे तां पता लग्गिआ कि उह लोक कुझ्झ हफते पहिलां ही उथों चले गए हन ते समान बगैरा वी लै गए हन। फेर उह गैरी दी सहेली दे घर पहुंचे तां उनहां नूं देख के तसल्ली होई कि बूहे ते 'बाजवा' नां दी पलेट लग्गी होई सी। एहो गोत सी जो गैरी दी सहेली प्रीती उस नूं चिठ्ठी ते आपणे नांउं मगर लिख के भेजिआ करदी सी। उनहां नें बहुत बूहा खड़काइआ पर किसे नें बूहा नां खोहलिआ। काफी कोशिश करन तों बाअद उनहां नें घुंम फिर के शिमला देखण दा मन बणाइआ कि शाम नूं उह फेर कोशिश कर लैणगे शाइद उह लोक मुड़ आउण। उह कदी अप्पर कदी मिडल अते कदी लोअर बज़ार घुंमदे रहे, कुझ्झ शौपिंग वी कीती। फेर उह रिज्ज ते जा के फोटोआं खिच्चदे रहे। कैफेटेरीआ विच्च बैठ के कौफी पीती। दिन अजे वी काफी पिआ सी। उह टैकसी लै के कुफरी घुंमण चल्ल पए जित्थों उह रात नूं अठ्ठ वजे वापस परते। गैरी दी सहेली दे घर फेर गए, उथे अजे वी जिंदरा लग्गिआ होइआ सी। दोहां नूं इक्क दूजे दे साथ विच्च भावे बहुत आनंद आ रिहा सी तां वी सफ़र नें उनहां नूं थका दित्ता सी। उह कुझ्झ होर घुंमे फिरे इस तरहां मसीं रात दे दस बज्जे। जदों उह लोक फेर वी नां आए तां उनहां किसे होटल विच्च कमरा लै के रहिणा ही मुनासिब समझिआ। दोहां नूं इस गल्ल दा अंदरो अंदर डर वी लग्ग रिहा सी जिवें उह कोई गुनाह कर रहे होण। गैरी नें सोच लिआ सी कि शाइद उस दी सहेली किते बाहर गई होवे। जे किते गई वी होई तां कल्ल नूं तां उस नूं मुड़ना ही पैणा सी। सोमवार नूं तां उस नें सकूल पहड़ाउण जाणा सी। इसे आस नाल उह इक्क दिन लई होर अटक गए।

अकतूबर दा महीनां होण करके शिमले रात नूं काफी ठंढ हो गई सी। हनेरा पसर रिहा सी ते मन दा तौखला होर वी वध्ध रिहा सी। माल रोड ते उहनहां होटल माऊंट विऊ विच्च जा के कमरा मंगिआ। रीसैप्पसनिशन नें कागजी करवाई करन लई एनहां ही पुछ्छिआ ‘हसबैंड-वाईफ’ ते कमरा बुक्क कर दित्ता। जिउं ही उह सजे संवरे कमरे तक्क पहुंचे तां गैरी दा मूंह शरम नाल लाल हुंदा जा रिहा सी। इक्क अगिआत भैअ उसदे मन अंदर फण चुक्क खलोता सी कि ‘जे बे जी जां हरबंस नूं पता लग्ग गिआ कि असीं दोहवें होटल 'च रहे सी तां उह की सोचणगे’? वेटर उनहां नूं कमरा दिखा, खाण पीण दा आरडर लै के चला गिआ।उह इक्क दूजे तों शरम जिही महिसूस करदे नहा धो के खाणे दी उडीक करन लग्गे। मनमीत नें गैरी दे रोकदिआं रोकदिआं दो पैग्ग विसकी दे मंगवाके वी पी लए शाइद संग खोलहण लई। दोहां नें इकठ्ठिआं खाणा खाधा ते वेटर बरतण चुक्कण आइआ गुड्ड-नाईट कहि के चला गिआ। गैरी नें बाअद विच्च सोचिआ कि उह सौंवेगी कित्थे? उह आपणे आप नूं पहिलां ही पती पतनी दस्स चुक्के हन। कुझ्झ हिचकचाहट तों बाअद उह इक्को बैड्ड ते सौण लई तिआर हो गए। होटल मांऊट विऊ बहुत ही चंगी जगा ते सी कमरे दीआं खिड़कीआं राहीं पहाड़ां दे नज़ारे माणे जा सकदे सन। टिमटिमांउंदीआं बत्तीआं अदभुत नज़ारा पेश कर रहीआं सन। उनहां दे गल्लां करदे करदे ही बाहर जोरदार झख्खड़ झुल्लण लग्गा। हनेरी दे नाल खिड़कीआं ते मींह दी बुछाड़ वी पैण लग्गी। गैरी अते मनमीत बैड्ड ते पए इक्क एसे तरहां दा तूफ़ान आपणे अंदर अनुभव कर रहे सन। गैरी दे कंनां विच्चों सेक निक्कल रिहा सी। इक्क भर जुआन मरद जिस बारे उह सोचदी रहिंदी उस दे बिलकुल्ल नाल पिआ सी। मन विच्च आइआ कि अजिहा मौका मुड़के हत्थ नहीं आउणा। ज़िंदगी किहड़ा वार वार मिलणी है इक्क वारी जुआन मरद वी हंढा के देखणा चाहीदा है। पर उसदा मन आखदा कि ‘इह आचरणहीणता वाली गल्ल है मैं कोई कंजरी नहीं। जे किसे नूं पता लग्ग गिआ तां समाज की कहेगा’? पर नाल ही मन 'चों आवाज आई कि जिनहा मैनूं कैनेडा दे लालच विच्च इक्क पिउ वरगे मरद कोल वेच दित्ता है जदों उनहां नूं शरम नां आई। जदों कोई पिउ वरगा बंदा आपणी धी वरगी कुड़ी नूं भोगदा है उदों समाज नूं शरम किउं नहीं आंउदी? मैं तां फेर इक्क हाणदा मरद भोगणा है। उस नूं जापिआ जिवें सदीआं पहिलां मर चुक्की लूणा उस अंदर फेर जिंदा हो गई होवे।

इक्क सेक विच्च उसदा वयूद पिघलण लग्गा।उस नूं पता ही नां लग्गा कदों उह मनमीत नाल जा लग्गी।पहिलां मनमीत नें उसदा हत्थ फड़िआ ते फेर सारा जिसम ही टटोलण लग्गा।इकल्ला इकल्ला अंग अग्ग दा भांबड़ बण गिआ।उसने मनमीत विच्चों वी इह ही लाटां महिसूस कीतीआं।अग्ग नाल अग्ग टकराई भांबड़ मच्चे अते इनहां भांबड़ां विच्च सारा कुझ्झ पिघळ गिआ।इस तूफ़ानी रात तों बाअद जदों उह सवेरे उठ्ठे तां गैरी नूं मनमीत नें पुछ्छिआ जे कोई मेरे तों गलती होई तां मुआफ कर देवीं।पर उसने मुसकरांउंदिआं नांह विच्च सिर फेर दित्ता।उह तां भांवें इस घटनां तों बाअद हौली फुल्ल हो गई सी पर मनमीत दे सिर मणां मूंहीं बोझ पै गिआ सी।जिवें उस नें आपणे भरा दी पिठ्ठ विच्च छुरा मार के उस नाळ विसवाश घात कीता होवे।उह भरा जो उस नूं छोटे हुंदे नूं मोढिआं ते बिठा के खिडाउंदा रिहा ते सकूल छड्ड के आंउदा रिहा।उसदी पहड़ाई वासते ते होर खरचे लई बाहरों पैसे भेजदा रिहा।की मैं उसे भरा दी पतनी नूं आपणी हवस दा शिकार बणा लिअ’? उह आपणे आप नूं ही पुछ्छदा।पर उसदे बराबर दी दोशी गैरी वी तां सी।जिस नूं उस नें इह गल्ल पुछ्छ ही लई सी कि "आपणे पती दे हुंदे होए किसे होर मरद नाल सरीरक सबंध पैदा करन नाल तैनूं किसे किसम दा माड़ा अहिसास तां नहीं हो रिहा"।तां उह फुट्ट फुट्ट के रोण लग्गी।उस नें गलोटे वांग उधड़नां शुरू कीता अते उधड़दी ही चली गई।

" मेरे वी होरां कुड़ीआं वांग अणगिणत शौंक सन कि मैं पहड़ाई करांगी फेर चंगी नौकरी करांगी ते फेर मेरा विआह होवेगा। जो मेरे मन विच्च विआह दा सुपना सी उह एदां दा नहीं सी। मैं जो आपणे सुपनिआं दा हाणी सिरजिआ सी उह तेरे वरगा सी नां कि तेरे भरा वरगा। पर मेरे मापिआं नें कैनेडा दे लालच विच्च मेरे नाल धक्का कीता। मैं हरबंस नूं कदी वी आपणे पती दे रूप विच्च नहीं सवीकार सकी। उस नाल सौण वकत मैनूं लग्गदा है जिवें मैं आपणे किसे चाचे ताए नाल सौं रही होवां। ते मेरे विच्चों उह अग्ग वांगूं मच्चदी औरत भालदा है। मेरे जिसम दी ठंढी धूणी नूं सुलगाउण दा असफल यतन करदा है। पर तेरे वारी अजिहा नहीं होइआ। उस नाल तां मैं बरफ दी सिळ वांगूं पई इह ही महिसूस करदी रही हां जिवें मेरे अंदर सारा कुझ्झ मर गिआ होवे। कदी मैनूं इह वी महिसूस हुंदा है जिवें उह चूपिआ जा चुक्का अंब है ते मेरे पल्ले सिरफ गिटक ही पई है। जदों मैं विआह नूं पहिली वारी तुहाडे घर आई सी उदों वी मेरे मन 'चों हाउका उठिआ्आ सी कि मेरे मुकाबले विच्च तां मनमीत है, मेरा विआह इस नाल होणा चाहीदा सी पर उदों तूं वी मैनूं वड्डी भाबी समझ के ही मेरा सतिकार करदा रिहा। मेरे मन विच्च कैनेडा जा के वी तेरा ख़िआल बहुत वारी आइआ। मैं किंने ही सुपने तेरे नाल जोड़ के देखदी रही। हुण जिस दिन दा मैं तैनूं एअर-पोरट ते वेखिआ सी तां मेरे मन विच्च कुझ्झ होर ही हो रिहा सी। कल्ल वी सफ़र दौरान मेरा दिल जोर जोर नाल धड़क रिहा सी ते फेर इह इकठ्ठे सौण दा सबब्ब बण गिआ। इस नेड़ता दी अग्ग विच्च मैं पिघल गई। तैनूं वी रोक नां सकी। जदों बिजली कड़की मैं ही तैनूं चिंबड़ी सी। इह मेरा ही कसूर है। हुण चाहे तूं मैनूं बदचलण समझ जां कुझ्झ वी....."। गैरी फेर रो पई सी।

फेर उहने सहिज हुंदी नें आखिआ सी, " मैं सुणिआ सी तूं अख़बारां रसालिआं लई कहाणीआं वी लिखदा एं, इक्क कहाणी मेरी वी लिख देवीं। उस विच्च दस्सीं कि इस रात तों पहिलां मैं बदचलण नहीं सी। मेरा कसूर सिरफ ऐनां सी कि मैं किसे हाणी मुंडे दा सुपना लिआ सी पर समाज नें मेरा उह सुपना पूरा नहीं होण दित्ता। फेर समाज दा चल्लण किंना कु ठीक है। मैं इकल्ली नहीं पंजाब विच्च इह कहाणी हर रोज़ अनेकां कुड़ीआं नाल वापरदी है। कई इस दे साहमणे सिर झुका के आपणी बली दे दिंदीआं हन ते कई मेरे वांगूं आपणा सुपना पूरा करन लई कुझ्झ वी कर लैंदीआं हन। जे धीआं नूं वेचणा जां भोगणा पंजाब विच्च कोई ज़ुरम नहीं तां मैं तैनूं प्रापत करके किहड़ा वड्डा गुनाह कर दित्ता? मैनूं नहीं पता गलत मैं हां जां समाज? जिंना चिर इह धक्का होवेगा बदचलणी खतम नहीं हो सकदी।इह तूफ़ान एसे तरहां झुल्लदे रहिणगे। की लिखेंगा तूं मेरी कहाणी?"

असीं होटल तों बाहर आके इक्क ऐस.टी.डी. तों हरबंस नूं फोन कीता, रिशतिआं दा नकाब पा के। हरबंस पूरा खुश सी ते गैरी नूं जलदी कैनेडा आउण लई आख रिहा सी। ते उह वी साऊ पतनी वांग हां हूं करी जा रही सी ते एही मखौटा पहिन के उह वापस परत गई। ते दिल्ली एअर पोरट उप्पर विछड़दी नें इक्क वार उहो वाअदा फेर लिआ सी।

एस घटना वापरी नूं कई साल बीत गए पर गैरी दे बोल अजे वी मेरे कंनां विच्च गूंजदे हन। मैं आपणे आप नूं हर वार पुछ्छदा हां कि बदचलण उह सी जां समाज जिस नें उस लई अजिहे हालात पैदा कीते। लोकां दी नजर ोिवच्च साडा रिशता पाक है। उह मैनूं चिठ्ठी वी लिखदी है पर कदी कदाईं। जदों वी मैं उह घटनां याद करदा हां तां उह तूफ़ानी रात मेरे ते भारू हो जांदी है। मेरे मन विच्च इक्क हनेरी शूकदी है, बद्दल गरजदे हन, बिजली कड़कदी है अते इक्क झख्खड़ झुल्लदा है। जिवें खहि रहे बांसां दे जंगल विच्चों अग्ग दीआं लाटां निक्कल रहीआं होण ते इस भांबड़ विच्च मच्चदा कोई आख रिहा होवे कि मेरी कहाणी लिखीं'......। की तूं लिखेंगा मेरी कहाणी? ते मैं आपणे कंनां 'चों सेक निक्कलदा महिसूस करदा हां। शाइद अज्ज मैं इह कहाणी लिख ही देवां.........।