दुनीआं हो हो तुरी जांदी है। पंजाह किलोमीटर वाक दा चैंपीअन ज़ोरा सिंघ सदा लई तुर गिआ है। उहदे अकाल चलाणे दा पता मैनूं कई महीने बाअद लग्गा। अजिहे विलख्खण अथलीट दी याद खेड जगत नाल सांझी करनी बणदी है। साडे बहुत सारे खिडारी आपणी खेड समें लोकां विच्च बड़े हरमन पिआरे हुंदे हन पर बाअद विच्च उह भुल्ल भुला जांदे हन। कईआं दा बुढापा इकलापे ते गुंमनामी विच्च गुज़रदा है ते उनहां दे परलोक सिधार जाण दा वी पता नहीं लग्गदा।

डिसकस सुट्टण विच्च एशीआ दे चैंपीअन बलकार सिंघ दे गुज़र जाण दा वी मैनूं बड़ी देर बाअद पता लग्गा सी। उस नें चार एशिआई खेडां विच्च भारत दी नुमाइंदगी कीती सी ते तमग़े जित्ते सन। गोला सुट्टण विच्च एशीआ दा चैंपीअन ते भारत लई पंज तमग़े जित्तण वाला प्रदुम्मण सिंघ पिछले सिआल मंजे उते पिआ सी जो पिछ्छे जिहे चलाणा कर गिआ है। उस दे पिंड भगते मैं उस नूं मिल आइआ सां। ज़ोरा सिंघ दी म्रितू बारे वी मैनूं अजे पता नां लग्गदा जेकर टोरांटो विच्च वसदा उस दा शगिरद अथलीट पवनजीत सिंघ नां दस्सदा।

ज़ोरा सिंघ नें 1959 विच्च उस समें दे ओलंपिक रिकारड नालों बिहतर समां कढ्ढ दित्ता सी। उदों पंजाह किलोमीटर वगण दा ओलंपिक रिकारड 4 घंटे 28 मिंट 7.8 सैकंड सी। ज़ोरा सिंघ नें पंजाह किलोमीटर दी वाक 4 घंटे 26 मिंट 8.4 सैकंड विच्च मुका के दरशक दंग कर दित्ते सन। अख़बारां विच्च मोटीआं सुरख़ीआं लग्गीआं सन। एशीआ दी धरती तों अथलैटिकस दी इक्क नवीं उमीद पैदा हो गई सी ते दुनीआं दे कहिंदे कहाउंदे वाकर भै भीत हो गए सन। भारत नूं ओलंपिक खेडां `चों मैडल मिलण दी आस बझ्झ गई सी। पर किसमत नें ज़ोरा सिंघ दा साथ नां दित्ता। रोम दीआं ओलंपिक खेडां विच्च उह पहिले तीह किलोमीटर सभ तों मूहरे रिहा। फिर इंगलैंड दा थामस ते सोवीअत रूस दा वाकर इक्क किलोमीटर बराबर खहि के अग्गे निकल गए। डेढ किलोमीटर फासला रहिण वेले तक उह तीजे नंबर उते सी। फिर इक्क टोली ही उस तों मूहरे निकल गई ते उस नूं अठ्ठवां सथान मिलिआ। भारत दे किसे अथलीट लई ओलंपिक खेडां विच्च अठ्ठवां सथान हासल करना वी वड्डी प्रापती है।

रोम दीआं ओलंपिक खेडां तक पुज्जण तों पहिलां उस नें घट्टोघट्ट पंजाह हज़ार मील वगण दा अभिआस कीता होवेगा। कई साल उह हर रोज़ पच्ची तीह मील वगण दी प्रैकटिस करदा रिहा सी। रुड़की दा आला दुआला उहदीआं पैड़ां नाल गाहिआ पिआ सी। उस दा जनम 15 जून 1928 नूं तलवंडी खुरद ज़िल्हा लुधिआणा विच्च होइआ सी। उह सिरफ छे जमातां पहड़ सकिआ सी ते थोहड़ा चिर खेती दा कंम कर के बंगाल इंजनीअरिंग सैंटर रुड़की विच्च भरती हो गिआ सी। रंगरूटी उस नें रुड़की विच्च कीती ते लड़ाई लड़न लई उस नूं इरान ते इराक जाणा पिआ। उह इक्क साधारन किसान अरूड़ सिंघ दा पुत्तर सी। उह पंज भरा सन ते सारिआं दा खेती उते ग़ुज़ारा मुशकल सी।

पिंड विच्च ज़ोरा सिंघ कबड्डी खेडदा सी ते फौज विच्च जा के वालीवाल खेडण लग्गा। फिर उह दौड़न लग्ग पिआ। उस नें चार सौ मीटर दी दौड़ 52.3 सैकंड विच्च लाई। जदों दौड़ां विच्च उह कोई माअहरका नां मार सकिआ तां पच्ची साल दी उमर विच्च वगण लग्ग पिआ। वगदिआं हरेक कदम दी अड्डी ज़मीन `ते पहिलां लाउणी, खुच्च सिध्धी करनी ते हर समें इक्क पैर दा धरती नाल लगाओ ज़रूरी हुंदा है। दौड़ना फ़ाऊल गिणिआ जांदा है। जे किते इहो ईवैंट उह आरंभ विच्च अपना लैंदा तां वधेरे कामयाब रहिंदा।

पहिलां उस नें पंज किलोमीटर दी वाक विच्च हिस्सा लिआ। इह वाक उस नें बाई मिंट विच्च पूरी कीती। फिर उह वीह किलोमीटर दी वाक करन लग्गा। पंजाब सैंटर दा हरनेक सिंघ 20 किलोमीटर दी वाक दा नैशनल चैंपीअन सी। उह किहा करदा सी, “वीह किलोमीटर दी वाक तां मेरी पे-बुक्क `ते लिखी होई ऐ।”

ज़ोरा सिंघ नें किहा, “पुत्तरा, अगली वार ज़ोरे दी पे-बुक्क `ते आऊ। लै तकड़ा रहीं।”

वाक शुरू होई। वीह किलोमीटर दा पंध तहि करदिआं ज़ोरा सिंघ हरनेक सिंघ तों बहुत अग्गे निकल गिआ। विकटरी सटैंड उते खहड़िआं ज़ोरा सिंघ नें गल्ल रड़काई, “किउं नेकिआ, कट्ट `ती नां तेरी पे-बुक्क तों वाक?”

इउं उस दी चहड़त दा दौर शुरू होइआ। फौज दे मुकाबलिआं तों लै के देश भर दीआं अथलैटिक मीटां विच्च उस नें सभनीं थाईं नवें रिकारड काइम कर दित्ते। उस दे अभिआस दा इह हाल सी कि कई वार उस नें चाली पंजाह मील लगातार वगे जाणा। उहदे कैनवस दे बूट मसां दस पंदरां दिन कट्टदे। अड्डीआं ते पंजे घस जांदे। पैरां दे नहुं सुक्क जाण दे बावजूद उह वगणों नां रुकदा। मीह हनहेरी दी परवाह कीते उह आपणा नित्तनेम जारी रख्खदा। उस नूं कोई साइंटेफिक सिखलाई नहीं सी मिल रही। बस्स अंदरली लगन ते विशव जेतू बणन दी रीझ उहनूं तोरी फिरदी सी। इहो रीझ मिलखा सिंघ विच्च सी। सारे फौजी अथलीट जान मार के मिहनत करन `च यकीन रख्खदे सन। उदों भारत दे चैंपीअन अथलीट आम कर के फौजी ही हुंदे सन।

1952 तों इटली दे जी.दोरदोनी दा पंजाह किलोमीटर वाक दा ओलंपिक रिकारड तुरिआ आउंदा सी। 1959 विच्च ज़ोरा सिंघ नें इक्क मीट विच्च दोरदोनी नालों बिहतर समां कढ्ढ के सभ नूं हैरान कर दित्ता। ज़ोरा सिंघ नें फौज दी मीट विच्च अजे अध्धा पंध ई तहि कीता सी कि इक्क जज्ज नें किहा, “जेकर इहो सपीड जारी रख्खें तां विशव रिकारड तोड़ सकदैं।” उही गल्ल होई। ज़ोरा सिंघ नें लगभग दो मिंट दे समें नाल दोरदोनी दे ओलंपिक रिकारड नूं मात पा दित्ता।

1960 दीआं ओलंपिक खेडां लई उह भारती टीम विच्च चुणिआ गिआ। ओलंपिक खेडां तों पहिलां उस नें जरमनी ते यूरप दे होर मुलकां दीआं अठ्ठ मीटां विच्च भाग लिआ ते अठ्ठां विच्च ही अव्वल आइआ। जदों रोम दी ओलंपिक वाक शुरू होई तां टीम अधिकारी ते तिंन चार भारती ज़ोरा सिंघ दा हौंसला वधाउण लई हाज़र सन। शाम दा समां सी। पंजाह किलोमीटर वाक दा अंत साढे चार घंटिआं तक होणा सी। भारती टीम दे अधिकारी किते खाण पीण जा बैठे। खांदिआं पींदिआं उह ज़ोरा सिंघ नूं भुल्ल ही गए।

जदों वाक ख़तम होई तां ज़ोरा सिंघ नूं बुकल विच्च लैण वाला कोई नहीं सी। मुकाबले दे अथलीटां नूं उनहां दे कोच ते साथी संभाल रहे सन पर ज़ोरा सिंघ हरफलिआ फिर रिहा सी। सटेडीअम दीआं बत्तीआ जग रहीआं सन पर वितों बाहरा ज़ोर लाउण कारन उस नूं कुझ्झ वी साफ नहीं सी दिस रिहा। उह बौरिआं वांग डोलदा फिरदा सी। गरमी, पिआस ते थकावट नें उस नूं अधमोइआ कर दित्ता सी। पंजाह किलोमीटर दी खहिवीं वाक सारी सत्तिआ मुका दिंदी है। सरीर दा कण कण मुरझा जांदा है। लड़खड़ाउंदा उह पाणी दी टूटी कोल अपड़िआ। जिवें किवें बटन दब्बिआ तां पाणी दी धार उछली। उस नें मूंह हेठां कर दित्ता। उतों धार पै रही सी ते हेठां जूड़े वाला अथलीट मूंह टड्डी खहड़ा सी। कुझ्झ पाणी संगों थल्ले उतर रिहा सी ते बाकी मुछ्छां ते दाहड़ी विच्च दी थल्ले डुल्ल्ह रिहा सी। फोटोगराफरां लई इह अजीब ‘पोज़’ सी। इस पोज़ दीआं तुरंत तसवीरां खिच्चीआं गईआं जो इस कैपशन नाल अख़बारां विच्च छपीआं-पंजाह किलोमीटर वगण पिछ्छों ‘रीलैकस’ हो रिहा सिंघ।

पाणी पी के पिछ्छे मुड़दे ज़ोरा सिंघ नूं इक्क पत्तरकार नें पुछ्छिआ, “इस तरहां दी हालत विच्च पाणी पीणा तुहानूं नुकसान तां नहीं पुचावेगा?” ज़ोरा सिंघ दा उत्तर सी, “इह फोका पाणी ऐं। फोका पाणी की नुकसान करेगा?”

फिर उह उस थां आइआ जिथे उस नें टरैक सूट लाहिआ सी। उस नूं उथे आपणा टरैक सूट नां लभ्भा। मुकाबले पिछ्छों ज़रूरी हुंदा है कि टरैक सूट पहिन लिआ जावे ते सरीर नूं हौली हौली ठंढा होण दित्ता जावे। पर ज़ोरा सिंघ भिज्जे होए कछ्छे बुनैण नाल एधर ओधर आपणा टरैक सूट लभ्भदा खपदा रिहा। अख़ीर अध्धे घंटे बाअद उस नूं टरैक सूट नसीब होइआ। जदों उह ओलंपिक पिंड विच्च गिआ तां उहदे भारती भाई उहदी चंगी कारगुज़ारी दे जशन मना रहे सन। टीम अधिकारी कहि रहे सन कि दुनीआ `च अठ्ठवें नंबर `ते आउणा वी भारतीआं लई पहिले नंबर `ते आउण वांग ही है। सच्ची गल्ल तां इह है कि जिहो जिहा वरताअ ज़ोरा सिंघ नाल होइआ, इहो जिही हालत विच्च पंजाह किलोमीटर वाक पूरी कर लैणी ही जेतू बणन बराबर सी।

1962 विच्च जपानीआं नें ज़ोरा सिंघ नूं टोकीओ दी इक्क मीट विच्च शामल होण लई सद्दिआ। उथे उस दा विशेश माण सनमान कीता गिआ। खेडां विच्च उस दी राशटरी ते अंतरराशटरी प्रापती सदका पहिलां उस नूं हौलदारी मिली ते पिछ्छों सूबेदारी। 1964 विच्च उस नें ऐन्न.आई.ऐस्स.पटिआला तों कोचिंग दा कोरस पास कर लिआ। उह छे साल फौजी वाकरां दा कोच रिहा ते फौज `चों रिटाइर हो के पंजाब सरकार दे खेड विभाग दी नौकरी कर लई। 1984 विच्च उह उस नौकरी तों वी रिटाइर हो गिआ ते उसे साल उस दी पतनी भगवान कौर गुज़र गई। जीवन दी शाम उस नें तलवंडी विच्च गुज़ारी। उस दे तिंन धीआं ते तिंन पुत्तर सन। विचकारले पुत्तर मख्खण सिंघ दी जुआनी विच्च ही म्रितू हो गई। आख़र पतनी ते पुत्तर दे विछोड़े दा सल्ल ज़ोरा सिंघ नूं वी लै बैठा।

मैं जिंनी वार वी उस नूं मिलिआ सां उस दी निमरता ते सादगी तों प्रभावत होइआ सां। रुक रुक के बोलदिआं उस दीआं रगां फुल्ल जांदीआं ते उह जज़बाती हो जांदा। इक्क वार मैं उहदे पिंड गिआ। तलवंडी खुरद नूं उस इलाके दे लोक नीवीं तलवंडी कहिंदे हन। उच्ची तलवंडी लंघ के मैं नीवीं तलवंडी दे इक्क बंदे कोलों उहदा घर पुछ्छिआ तां उह कहिण लग्गा, “ज़ोरा सिंघ कौण?” मैं हैरान होइआ कि जिहड़ा ज़ोरा सिंघ ओलंपीअन है उस नूं उहदा पेंडू भरा वी नहीं जाणदा। मैं ज़ोरा सिंघ दे खिडारी होण बारे दस्सिआ तां वी उस नूं कोई समझ नां लग्गी। मैं उहदे रिटाइर फौजी होण बारे दस्सिआ तां उह कहिण लग्गा, “हछ्छा उह नां कटीआ ज़ोरा? उहदा घर सामहणे ऐ, हरे तखतिआं वाला।”

मैं घर अंदर गिआ तां बैठक विच्च उहदीआं कुंढीआं मुछ्छां वाली तसवीर वेखी। कुंढीआं मुछ्छां तों इंगलैंड वाली गल्ल याद आ गई। इंगलैंड विच्च ज़ोरा सिंघ होरीं प्रैकटिस कर के मुड़े तां इक्क अंगरेज़ दे घरों पाणी पीण लई मंगिआ। ऐन उवें जिवें पंजाब विच्च राही पांधी किसे घरों लस्सी पाणी पी जांदे हन। अंगरेज़ सुआणी नें उनहां नूं पाणी पिआइआ। उस दा छोटा जिहा बच्चा हैरानी नाल ज़ोरा सिंघ दा जूड़ा ते कुंढीआं मुछ्छां वेखदा रिहा। ज़ोरा सिंघ नें लाड नाल बच्चे नूं कुछ्छड़ चुक्किआ ते थपथपाइआ। बच्चा मुसकराउण दी थां उहदीआं कुंढीआं मुछ्छां तों डरदा डाडां मारन लग्ग पिआ। बाअद विच्च पता लग्गा कि उस बच्चे नूं बुख़ार हो गिआ। जदों वी ज़ोरा सिंघ होरीं उहनां दे घर अग्गों दी लंघण तां बच्चा डर जिआ करे। इह गल्ल बच्चे दे पिता नें ज़ोरा सिंघ होरां नूं दस्सी तां उनहां नें होर रसता अपना लिआ ते ज़ोरा सिंघ नें मुछ्छां दे कुंढ वी कढ्ढ दित्ते।

मैं ज़ोरा सिंघ नूं पुछ्छिआ सी, “कोई ख़ुशी दी घड़ी दस्सो जो मुड़ मुड़ चेते आउंदी होवे?”

ज़ोरा सिंघ नें हेठले बुल्ल्ह दी सज्जी कंनी पिछ्छे नूं खिच्चदिआं किहा सी, “ख़ुशी दे बड़े मौके आए। इक्क वार किसे वड्डे बंदे नें बाहरों आउणा सी। पालम दे हवाई अड्डे तों राशटरपती भवन तक रंग बरंगे झंडे लग्गे होए सी। मैं वाक दी प्रैकटिस करन निकलिआ। जदों मैं झंडिआं वाली सड़क `ते पिआ तां इउं लग्गा जिवें उडदा होवां। पैर आपणे आप उठण ते फर फर करदे झंडे पिछ्छे भज्जे जाण। मैनूं ऐं लग्गी जावे बई जे एनी वधीआ सड़क होवे ते ऐं झंडे लग्गे होण तां मैराथन वालिआं नूं वी मूहरे नां निकलण देवां। ओदण चित्त बहुत ख़ुश होइआ।”

ख़ुराक बारे पुछ्छण `ते उहने किहा सी, “जदों मैं छुट्टी कट्ट के पिंडों रुड़की नूं जांदा सी तां हर वार घिओ दा पीपा लै के जांदा सी। घर वाले कहिंदे सी, खेड करनी ऐं तां चंगी तरहां कर। होर वी ख़ुराक मिल जांदी सी। ज़ोर वी बहुत लग्गदा सी। ख़ुराक नां होवे तां वाक वाला हड्डीआं दा पिंजर बण जांदै। इह कंम माड़े धीड़े दे करन वाला नी।”

लंमीआं वाटां दा पांधी होण कारन उहदी तोर ही आम आदमीआं नालों वख्खरी सी। सुते सिध्ध खहड़ा वी उह वगण लई तिआर लग्गदा सी। आख़री वार मैं उहदे दरशन लुधिआणे दे गुरू नानक सटेडीअम विच्च कीते सन। 2001 विच्च लुधिआणे कौमी खेडां होईआं सन। उह पुराणे खिडारीआं दी कतार विच्च बैठा सी। उहदा पोता उस नूं लै के आइआ सी। उस दी हालत मंदी जापदी सी। कहिण लग्गा, “संगत दरशन वेले होरनां नूं तां पच्ची पच्ची हज़ार मिल गिआ पर मैनूं किसे पुछ्छिआ ई नी। तुसीं अख़बार विच्च लिख दिओ शैंत मिल जाण।” लिखण नूं तां मै लिख दित्ता पर मैनूं नहीं पता उस बिरध चैंपीअन नूं पच्ची हज़ार मिल गिआ सी जां नहीं? हुण पता लग्गा है कि पिछ्छे जिहे उहदी लत्त `च चीस पई ते उह मुल्लांपुर डाकटर कोल चला गिआ। दवाई लैंदिआं लत्त सोज़ नाल लाल हो गई ते पंजवें दिन 9 अकतूबर 2005 नूं उह उथे चला गिआ जिथों कोई मुड़ के नहीं परतदा। भारत दे बहुते चैंपीअनां दा अंत इंज ही हुंदै। ते कोई पता नहीं कदो तक उह गुंमनामी `च जींदे ते मरदे रहिणगे?