नौकरी तों रिटाइर होण पिछ्छों बहुते बंदे आरामप्रसत हो जांदे हन। कहिंदे हन बथेरा धंद पिट्ट लिआ हुण `राम नाल घरे बैठांगे। मैं वी पिंड चला जांदा तां संभव सी कि आराम तलबी `च पै जांदा ते टिक के बैठ जांदा। मिथिआ वी होइआ सी कि पिंड रहांगे ते मौज मेला करांगे। पर साडे छोटे पुत्तर गुरविंदर दे कैनेडा चले जाण नाल सानूं वी कैनेडा जाणा पिआ। 1995 विच्च उनहां दी हाकी टीम कैनेडा दे टूर `ते गई तां उस नूं कैनेडा बड़ा पसंद आइआ। कैनेडा तों मुड़ के कहिण लग्गा, “पापा जी, तुसीं आपणे सफ़रनामे ते गल्लां बातां `च कनेडा नूं ऐवें ई निंदी जाने ओं। कनेडा तां मुलक ई बहुत सोहणै। लोक ऐवें तां नी कनेडा नूं भज्जे जांदे। आखो तां मैं वी कनेडा चला जावां?”

मैं आखिआ, “कनेडा सैर सपाटे वालिआं नूं ई सोहणा लग्गदै। जे ओथे कंम करना पवे फेर कनेडा सोहणा लग्गणों हट जांदै। उथे कईआं दी नींद वी पूरी नी हुंदी। तेरे कोल बैंक दी चंगी भली नौकरी ऐ। जिंना चिर खेड हुंदै खेड मल्ल्ह। तूं इंडीआ दी टीम `च आ सकदैं। वरलड कप्प ते ओलंपिक खेडां `च जा सकदैं। कनेडा `च की पिऐ?” उदों कोकरी वाले गिल्ल हरदीप दा गीत अजे चल्लिआ नहीं सी-जाह मुड़ जा अजे वी पिछ्छे मुड़ जा, कनेडा विच्च की रख्खिआ …? जसवंत सिंघ कंवल दे भाणजे मनमोहन सिंघ ते रामूवालीआं दे जुआई भाई हरभजन मान नें वी जी आइआं नूं, असां नूं माण वतनां दा ते मिट्टी वाजां मारदी फिलमां नहीं सन बणाईआं। मैं खुद आपणे भरा भजन वल्लों अमरीका `च पक्के तौर `ते सद्दण दे कागज़ नहीं सी भरे जद कि बाकी सारे भरावां नें भर दित्ते सन। मैनूं परवास खिच्च नहीं सी पाउंदा।

पर नवीं पीहड़ी `च हवा ई अजिही फिर गई सी ते फिरी होई है कि चंगे भले सैट्ट होए धीआं पुत्तां `ते वी विदेशां `च जाण दा भूत सवार है। लख्ख कहो कि जिंना कंम विदेशां `च जा के करदे ओ, ओना पंजाब `च करन लग्ग पओ तां पंजाब वी इंगलैंड, कैनेडा ते अमरीका तों घट्ट नहीं रहिणा। पर पता नहीं किउं नवीं पीहड़ी इह गल्ल मंनण नूं तिआर ही नहीं। देश विच्च विहलीआं खाण वाले सरदे पुज्जदे, नौकरी पेशा, अफसर ते कई लैकचरार वी हन जिहड़े बाहर भज्जण नूं तरलोमछ्छी हो रहे हन।

मैं खुद लैकचरार रिहा होण करके कहि सकदां कि प्रोफैसरी वरगी सौखी, दिलचसप ते इज़त माण वाली नौकरी दुनीआ उते किते नहीं। फिर वी पंजाब दे अनेकां लैकचरार विदेश जाण दे कागज़ भरी बैठे हन। हालां कि पता है पई उथे उनहां वरगे पहिलां ही पहुंचे बथेरे पहड़े लिखे हन जिहड़े टैकसीआं ते टरक्क ई चलाउंदे हन। जिनहां तों टरक्क डराईविंग दे टैस्सट पास नहीं हुंदे उह दिहाड़ी दप्पा करदे खेतां `च बेरी तोड़दे ते दफतरां `च ‘कलीनिंग’ ते होर निक्के मोटे कंम करदे हन। देश `च अफसरी करन वाले कैनेडा `च ‘सकिउरिटी अफसर’ दे नां `ते रातां दा चौकीदारा करन डहे हन। पंजाब `च इहो कंम करना पवे तां बहाना है कि लोक की कहिणगे? लोक जे परवासीआं नूं कुझ्झ नहीं कहिंदे तां देश `च कंम करदिआं नूं किउं कुझ्झ कहिणगे? कहि दिओ कि असीं देश `च ई कैनेडीअन बण गए आं!

मैं ते वरिआम सिंघ संधू सारी उमर पहड़दे पहड़ाउंदे रहे हां ते लेखक वी आं। साडे पुत्तर वी पहड़े लिखे नें पर टोरांटो `च चलाउंदे उह वी टरक्क ई नें। डा.नाहर सिंघ दा मुंडा वी इहो कुझ्झ करदै। जथेदार तोता सिंघ दे भतीजे वी टरक्क ई चलाउंदे नें। बलवंत सिंघ रामूवालीए दा मुंडा गऊआं पालदै। उनहां दा भाणजा पीज़े बणाउंदै। आपणा पंजाब होवे गीत लिखण वाला मख्खण बराड़ टैंट ला के लोकां दे दिन सुद भुगताउंदै। हज़ारां एकड़ दे मालक दीदार सिंघ बैंस नूं जदों मैं पहिली वार मिलिआ सां तां उहदी गुरगाबी गारे नाल लिबड़ी होई सी ते उह नक्के मोड़ रिहा सी। विदेशां `च हर इक्क नूं कंम करना पैंदै ते जिहड़ा वी मिले उही करना पैंदै। ला कूड़ा करकट सुट्टण तों लै के रंग रोगन करन ते घरां दे फरश लाउण तक। पंजाब दे खेतां विच्च डक्का दूहरा नां करन वाले कैनेडा दे खेतां `च ठरूं ठरूं करदे वी ओवर टाईम लाउण तक जांदे हन।

तूं नी बोलदी रकाने तूं नी बोलदी वरगे गीत लिखण वाले शमशेर सिंघ संधू दा मुंडा डाकटर है। उहदा उहनूं पता होवेगा कि अमरीका विच्च डाकटर लग्ग चुक्कै जां होर कोरस करने बाकी हन? टोरांटो ते वैनकूवर `च बथेरे रेडीओ होसट ते अख़बारां दे ऐडीटर हन जिहड़े जदों दाअ लग्गे टैकसी दा गेड़ा वी ला आउंदे हन। पहिलवान करतार सिंघ दा भरा गुरचरन सिंघ ढिल्लों कुशती कोच है। उह सिआटल दे सकूलां `च कोचिंग वी दिंदा है ते टैकसी वी वाहुंदा है। साडे मूहरे गरम चाह रख्ख के आखेगा, चाह पींदिआं नूं निक्का जिहा गेड़ा ई ला आवां!

मेरा भरा भजन ते परिवार दे होर जीअ सटोर दे सौदे पत्ते `च बीअर बत्तिआं नाल सिगरटां वी वेचदे हन। मैनूं निक्के हुंदिआं रैड्ड लैंप दी खाली डब्बी नूं ही हत्थ लाउण बदले बाबे नें कुट्ट धरिआ सी। बाबा जींदा हुंदा तां पोतिआं नूं सिगरटां वेचदे वेख के ही मरनहाका हो जांदा! भजन दे गुआंढ रहिंदा इनकलाबी कवी पाश पटरोल पंप `ते तेल पाइआ करदा सी। मरन तों दो कु महीने पहिलां उह मैनूं ढुड्डीके मिलण आइआ सी। उद्दण उहदे नीली पग्ग बंनही होई सी। मैं उहनूं मसां सिआणिआं सी। विदेशां विच्च वी मनभाउंदीआं नौकरीआं हरेक नूं नहीं मिलदीआं। इनहां दा तोड़ा हरेक थां ई हुंदै।

इकबाल रामूवालीए वरगे कहिंदे कहाउंदे कवी जिहड़े पंजाब दे वधीआ कालजां `च अंगरेज़ी दे प्रोफैसर सन उह दिहाड़ीआं करन, निआणे खिडाउण, टैकसीआं चलाउण ते कई कई कोरस करन पिछ्छों मसां प्राइमरी टीचर बणे हन। उह वी महिंगे भाअ दी पहड़ाई कर के ते कई कई साल गुआ के। सुधार दे प्रिंसीपल बलकार सिंघ बाजवे नें कैनेडा विच्च नौकरी लई मारीआं टक्करां दे रंग आपणी पुसतक ‘रंग कैनेडा दे’ विच्च विखा दित्ते हन!

वाइहीट कालर जौबां किसे वी मुलक विच्च खुल्ल्हीआं डुल्ल्हीआं नहीं हुंदीआं। जिहड़े कहिंदे हन कि देश विच्च सरकारी नौकरीआं नहीं मिलदीआं उनहां नूं वड्डा भुलेखा है कि विदेशां विच्च सरकारी नौकरीआं आम हन। विदेशां विच्च वी थोहड़ी बहुती बेरुज़गारी बणी ही रहिंदी है। वीह वीह सालां दी नौकरी पलां विच्च खुस्स जांदी है। विदेशां विच्च वी वधेरे कर के उही कंम हन जो बाहरों आए कामे पंजाब विच्च आ के करदे हन। इह वख्खरी गल्ल है कि देश विच्च नौकराणी दी तनखाह रुपिआं विच्च है ते विदेशां विच्च नैनी दी पेअ पौंडां ते डालरां विच्च है। उंज नैनी ते नौकराणी विच्च कोई अंतर नहीं। जिस कंम नूं देश विच्च हत्थ लाउणा हत्तक मंनिआं जांदै विदेशां विच्च उह शान नाल कीता जांदै।

साडा पुत्तर कैनेडा जाण लई तिआर सी। कहि रिहा सी कि उह हर तरहां दा कंम कर सकेगा। फट्टे चक्कणे पए तां फट्टे वी चक्केगा। उहदे करमां नूं पिंड मद्दोके दे मासटर जगतार सिंघ कैनेडा तों आपणी लड़की लई वर लभ्भण आ गए। उह सानूं चिरां तों जाणदे सन। बच्चे वी नेड़ तेड़ पहड़दे रहे सन। ढुड्डीके दा वैद रूप चंद विचोला बण गिआ ते गुरविंदर जगतार सिंघ होरां दी लड़की सुखदीप नाल मंगिआ गिआ।

डेढ कु साल पिछ्छों जनवरी 1998 विच्च उनहां दा विआह हो गिआ। डा.जौहल, कंवल, जथेदार तोता सिंघ ते संत वीर सिंघ होरां नें बच्चिआं नूं असीसां दित्तीआं ते अगस्सत विच्च गुरविंदर कैनेडा चला गिआ। पंजाब सिंध बैंक वालिआं नें कुझ्झ समां उडीकण ते फिर अख़बारां `च नोटिस देण पिछ्छों उस नूं नौकरी तों बरतरफ़ कर दित्ता। उस नें लोड़ींदी आमदन बणा के साडे कागज़ भर दित्ते। पंजाब विच्च तां बच्चिआं दी सांभ संभाल, रसोई ते घर दी साफ सफाई लई नौकराणी वी रख्खी जा सकदी सी पर विदेशां विच्च अजिही सहूलत नहीं सी। उथे दोहां जीआं दे कंम करे बिनां गुज़ारा वी नहीं सी। विदेशां विच्च गए जिस जोड़े दे मां बाप काइम होण उह बच्चे पालण ते घर संभालण विच्च आपणे धीआं पुत्तां नूं सहियोग दे सकदे हन। असीं काइम सां इस लई रिटाइर हो के दोवें जीअ कैनेडा चले गए। गए तां विज़टर सां पर पाईलट प्रोजैकट प्रोगराम अधीन सतंबर 2001 विच्च सानूं कैनेडा दी पक्की रहाइश मिल गई।

जे मैं पिंड चला जांदा तां शाइद कंपिऊटर कदे नां सिख्खदा पर कैनेडा जाण नाल मैं कंपिऊटर दे लड़ लग्ग गिआ। लड़ लाइआ कंपिऊटर दे माहिर किरपाल सिंघ पंनूं नें जिस नूं कंपिऊटर दा भाई घनई्ईआ किहा जांदै। उस नें निशकाम सेवा करदिआं कईआं नूं कंपिऊटर सिखाइआ है। इकबाल रामूवालीए नें वी मैनूं किहा कि लेखकां नूं तां कंपिऊटर सिख्खणा बेहद्द ज़रूरी है। इहदे बिनां इथे गुज़ारा नहीं। पर मैं सोचदा सां कि बुढ्ढे तोते वी कदे पहड़े नें? मैं कंपिऊटर नूं हत्थ लाउणो वी डरदा सां कि कोई पुरज़ा ई नां खराब होजे!

मैनूं टोरांटो दे लेखकां दी सभा ‘कलमां दे काफ़ले’ विच्च जाण दा मौका मिलिआ। उथे कुझ्झ लेखकां ते अखबारां दे पत्तरकारां नाल सिआण हो गई। खेड खेतर नाल तां मैं पहिलां तों ही जुड़िआ होइआ सां जिस करके कैनेडा ते अमरीका दे खेड मेलिआं उते जाण दे मौके मिलण लग्गे। मैं कबड्डी मैचां दी कुमैंटरी कर दिंदा। खेड मेले वेख के उनहां बारे लिखदा। कलम नाल लिखे नूं कैनेडा दे अख़बारां वाले पंजाब विच्च फैकस कर के टाईप करवाउंदे ते ई मेल प्रापत करदे। विदेशां दे पंजाबी अख़बार ते रसाले उसे लेखक दी रचना नूं तरजीह दिंदे हन जिहड़ी टाईप कीती आई होवे। मेरी लिखत टाईप नां होण कारन कई वार छपणो रहि जांदी जां पछड़ के छपदी जिस करके मैं वी महिसूस करन लग्गा कि कंपिऊटर उते टाईप करना सिख्ख ही लैणा चाहीदै।

इक शाम मेरी पतनी दे मामे दे पुत्त अमरजीत सिंघ नें सानूं आपणे घर सद्दिआ। उह कवीशर करनैल सिंघ पारस दा जुआई है ते पारस होरीं उनहां पास ही रहिंदे सन। उथे रामूवालीए भरा, किरपाल सिंघ पंनूं, परमजीत संधू, बलराज दिओल ते कुझ्झ होर लिखण पहड़न वालिआं दी महिफ़ल लग्ग गई। गल्लां चल्ल पईआं कि किरपाल सिंघ पंनूं नें अजिहा कनवरटर तिआर कीतै जिस नाल गुरमुखी लिप्पी नूं शाहमुखी ते शाहमुखी नूं गुरमुखी लिप्पी विच्च बदलिआ जा सकदै। मेरे लई इह हैरानी वाली गल्ल सी। पंनूं नें किहा कि अगले दिन मेरे घर आ के वेख लैणा।

बरैंपटन विच्च जिथे असीं रहिंदे सां उथों पंनूं होरां दा घर नेड़े ही सी। तुर के दस पंदरां मिंट दा राह सी जिस करके किसे नूं खेचल देण दी वी लोड़ नहीं सी। मैं पंनूं दे घर गिआ तां उस नें किहा कि पंजाबी दी कोई लाईन लिखावां। मैं बाबा फरीद दा सलोक गलीएं चिक्कड़ दूर घर … लिखा दित्ता। इह मई जां जून 2001 दी गल्ल है। पंनूं नें उह गुरमुखी विच्च टाईप कर लिआ। फिर उस नें कंपिऊटर दी इक्क कला दबाई। पल भर लई अख्खरां दीआं लकीरां सकरीन उते नच्चीआं ते शाहमुखी यानी फारसी लिप्पी विच्च बदल गईआं। फिर शाहमुखी तों गुरमुखी विच्च कर लईआं गईआं। इक्क दो होर फिकरिआं दी लिप्पी वी बदली गई। मैं किहा, “इह तां तुसीं चहड़दे ते लहिंदे पंजाब दीआं पंजाबी लिपीआं विच्च पुल उसार दित्तै! इहदे नाल तां इको लिप्पी जानण वाला वी दूजी लिप्पी पहड़ सकेगा। चहड़दे ते लहिंदे पंजाब विच्च लिखिआ जांदा पंजाबी साहित जो इक्क दूजे पासे पहड़ नहीं हुंदा उह इस काढ नाल पहड़िआ जावेगा। तुहाडी काढ कमाल दी ऐ!” मेरी कंपिऊटर विच्च दिलचसपी होर वध गई।

हुण भावें पंजाबी यूनीवरसिटी पटिआला दा कंपिऊटर विभाग इह दाअवा करी जावे कि गुरमुखी लिप्पी नूं शाहमुखी ते शाहमुखी नूं गुरमुखी लिप्पी विच्च परताउण दा प्रोगराम उसे नें तिआर कीता है पर मैं चशमदीद गवाह हां कि इह मैं किरपाल सिंघ पंनूं दा कीता होइआ 2001 विच्च ही वेख लिआ सी। उस नें इस दी जाणकारी डा.लहिल नूं वी दित्ती सी जो कंपिऊटर विभाग दा मुखी सी। इह अकादमिक ते बौधिक बेईमानी होवेगी जे मौलिक काढ कढ्ढण वाले नूं नज़रअंदाज़ कीता जावे। मैं चाहांगा कि किरपाल सिंघ पंनूं खुद इस बारे तफ़सील नाल लिखे। दस्से कि इह कारज उस नें कदों सिरे लाइआ? डा.लहिल होरीं वी दस्सण कि इह उनहां दी मौलिक काढ है जां पंनूं दी नकल है?

पंनूं नें मैनूं कंपिऊटर उते गुरमुखी विच्च टाईप करना सिखा दित्ता जो मैं कुझ्झ ही दिनां विच्च सिख्ख गिआ ते आपणी रचना आप टाईप करन लग्ग पिआ। लिखदा तां मैं कलम नाल वी हौली हौली सां पर टाईप होर वी हौली करन लग्गा। घंटे `च मसां चार कु सौ लफ़ज़ टाईप हुंदे। किउंकि मेरे कोल खुल्ल्हा समां सी इस लई हौली हौली टाईप करदिआं वी मेरा डंग सरी गिआ। मेरे टाईप कीते ते ईमेल राहीं भेजे आरटीकल अख़बारां विच्च लगातार छपण लग्गे। मैनूं विहले नूं आहर मिल गिआ जिस नाल मैनूं पता ही नां लग्गदा कदों दिन लंघ जांदा। मैं किसे कंम नाल बझ्झिआ वी नहीं सां ते विहला वी नां रिहा।

रिटाइर होण पिछ्छों मैं हर साल इक्क किताब प्रकाशत करवा रिहां। किसे साल दो वी हो जांदीआं हन। सत्त अठ्ठ किताबां मैं खुद टाईप कीतीआं हन जिनहां विच्च खेड जगत दीआं बातां, खेड परिकरमा, खेड दरशन, खेड मेले वेखदिआं, फेरी वतनां दी, कबड्डी कबड्डी कबड्डी, खेडां दी दुनीआ ते मेरी जीवन गाथा दी हत्थली पुसतक शामल है।

मैं आपणे समकाली लेखकां नूं वी कहांगा कि उह कंपिऊटर उते टाईप करना ज़रूर सिख्खण। इह सिख्खणा बहुत सौखा है ते इहदे बहुत फाइदे हन। मैं जिहड़ा इकहाट साल दी उमर तक टाईप करन तों टलदा रिहा जां इओं कहि लओ कि लोड़ नहीं समझी, हुण इस नूं खब्बे हत्थ दा खेल्ह समझदां। हुण तां इह लेखकां दी लाज़मी लोड़ है। कंपिऊटर दा युग्ग शुरू हो चुक्कै जिस करके इहदे बिनां असीं होरनां दे बराबर नहीं चल्ल सकदे। रिटाइर होण पिछों इह कंपिऊटर ही है जिहड़ा मैथों पहिलां नालों वी वध्ध लिखवाई जा रिहै। कई वार अख़बार छपदे छपदे पहुंची मेरी रचना वी अख़बार विच्च फिट्ट हो जांदी है जिस दी संपादकां नूं बड़ी सौख है। मैनूं मेरे मित्तर अकसर कहिंदे हन कि मैं रिटाइर नहीं होइआ सगों री-टाइर होइआ हां!