कई साल होए अंम्रितसर विच्च इक्क साहितक गोशटी होई। उदों तक मेरीआं पंज छे पुसतकां प्रकाशत हो चुक्कीआं सन ते मैं खेड लेखक वज्जण लग्ग पिआ सां। मेरी रीस नाल कुझ्झ होर कलमां वी खेडां बारे लिखण लग्ग पईआं सन। गोशटी विच्च किसे नें मेरी खेड रचना नूं खेड साहित दा नां दे दित्ता। उहदे जवाब विच्च इक्क आलोचक नें किहा, “खेडां ते खिडारीआं बारे लिखीआं लिखतां नूं साहित नहीं मंनिआ जा सकदा। नां ही इनहां बारे लिखण वालिआं नूं साहितकार किहा जा सकदै। उह पत्तरकार हो सकदे हन पर साहितकार नहीं।” मेरी वारी आई तां मैनूं कहिणा पिआ, “असीं कदों कहिने आं कि खेडां ते खिडारीआं बारे लिखण वालिआं नूं साहितकार कहो? तुसीं सानूं साहितकार नहीं समझदे तां नां समझो। चलो सिहतकार ई समझ लओ! साडे `च सपरिंटां लाउण वाले वी हन ते मैराथन लाउण वाले वी हन। असीं आपणे घोड़े भजाई जाणे नें। साडे `च दम होइआ तां असीं आपणी मां बोली विच्च खेड-रचनावां दी इक्क वख्खरी अलमारी शिंगार के विखावांगे।”

मेरे वेखदे वेखदे खेडां ते खिडारीआं बारे पंजाबी `च सौ कु किताबां तां छप ही चुक्कीआं हन ते सौ कु होर आउंदे दसां पंदरां सालां `च छप जाणगीआं। जदों मैं खिडारीआं बारे लिखणा शुरू कीता सी तां पंजाबी विच्च सिरफ इको खेड पुसतक छपी सी। उह बलबीर सिंघ कंवल दी ‘भारत दे पहिलवान’ सी। बाअद विच्च ढाई नाल ढाई जुड़दी गई ते पंजाबी विच्च वी होरनां भाशावां वांग खेड पुसतकां दा वाधा हुंदा गिआ।

हुण खिडारीआं दे रेखा चित्तर, जीवनीआं ते सवै जीवनीआं पहड़न नूं मिलदीआं हन। एशिआई, कामनवैल्लथ ते ओलंपिक खेडां दा इतिहास मिलदा है। पंजाब दीआं सौ कु देसी खेडां ते पछ्छम दीआं दरजनां खेडां दी जाणकारी मिलदी है। सैंकड़े टूरनामैंट, खेड मेले ते विशव कप्पां दा लेखा जोखा मिलदा है। खेड जगत दीआं बातां पहड़न सुणन नूं मिलदीआं हन। खेड मसलिआं दी चरचा चलदी है अते खिडारीआं दे जीवन बारे अफ़साने ते नावल लिखे जा रहे हन। मल्लां ते कौडिआलां दी शाइरी हो रही है। इह वख्खरी गल्ल है कि कोई इस नूं खेड साहित समझे जां नां समझे। उंज इह सारा कुझ्झ साडे जीवन दा ही शीशा है। पहिलवान दारा सिंघ दी आतम कथा, मिलखा सिंघ दी ‘फलाईंग सिख्ख’ ते वरिआम सिंघ संधू दी लिखी पहिलवान करतार सिंघ दी जीवनी ‘कुशती दा धरू तारा’ मैनूं तां मौलिक साहितक रचनावां ही लग्गदीआं हन।

1966 विच्च जदों मैं खिडारीआं दे रेखा चित्तर उलीकणे शुरू कीते सन तां मेरा कोई निशाना नहीं सी कि लंमा समां खेडां ते खिडारीआं बारे लिखदा रहांगा। विचों मैं रुक वी गिआ सां। पर हालात अजिहे बणदे गए कि जिवें जिवें मैं लिखी गिआ अख़बारां रसालिआं वाले छापी गए। जां इओं कहि लओ कि उह लिखवाई गए ते उसे नूं सोध के किताबां छपदीआं गईआं। मैराथन दौड़ बताली किलोमीटर तों कुझ्झ वध्ध हुंदी है। मेरी कलम नूं वी खेडां ते खिडारीआं बारे लिखदिआं बताली सालां तों वध्ध समां हो गिआ है। मैराथन दौड़ाक वांग मेरी कलम वी कदे हौली ते कदे तेज़ दौड़दी रही है। कदे दम लैण रुक वी जांदी रही है।

मेरी हालत किऊबा दे मखौलीए दौड़ाक फेलिकस करनाजल वरगी ही समझ लओ। उह 1904 विच्च सेंट लूईस दीआं ओलंपिक खेडां तों पहिलां किते कहि बैठा बई मैराथन दौड़ दा की ऐ, इह तां मैं वी ला सकदां। दोसतां नें हल्लाशरी दे दित्ती। उस नें नौकरी तों असतीफ़ा दे दित्ता ते एधर ओधर दौड़न लग्ग पिआ। ओलंपिक खेडां दा समां आइआ तां उहदे कोल सेंट लूईस जाण जोगा किराइआ वी नहीं सी। उस नें हवाना `दे चौंकां `च दौड़न दे मजमे लाए ते पैसे `कठ्ठे कीते। जदों उह सेंट लूईस पहुंचिआ तां मैराथन दौड़ शुरू होण वाली सी। उह चोले वरगा कुड़ता ते ढिल्ली जिही पतलूण पाई लकीर उते जा खहड़ा होइआ। मुकाबले विच्च दुनीआ दे मंने प्रमंने दौड़ाक खहड़े सन। उह जोकर लग्गदा सी ते उस दा हुलीआ वेख के ई कईआं दा हासा निकली जांदा सी।

अमरीका दे इक्क अथलीट शैरीडन नें कितों कैंची लिआंदी ते लकीर उते खहड़े खड़ोते फेलिकस दे कुड़ते नूं आसिओं पासिओं कट्ट के कंम चलाऊ बुनैण बणा दित्ती। इंज ही पतलूण वी गोडिआं उतों कट्ट दित्ती ते उह डंग सारू निक्कर बण गई। दौड़दिआं उह राह विच्च सेब ते आड़ू खांदा गिआ ते दरशकां नाल टिच्चर मखौल करदा गिआ। दौड़ मुक्की तां उह सैंती दौड़ाकां विच्च चौथे थां आइआ। जे किधरे उह पूरी तिआरी नाल मैराथन दौड़दा तां संभव सी ओलंपिक चैंपीअन बण जांदा। मैं वी निशाना मिथ के खेड रचना करन लग्गदा तां संभव सी चैंपीअन खेड लेखक बणदा। हुण तां फेलिकस वांग गल्लां करन कराउण जोगा ही हां।

उंज जिंना कु मैं खेडां ते खिडारीआं बारे लिख सकिआं उहदा फल मैनूं उस तों किते वध्ध मिलिआ है। इह अणछोहिआ विशा सी। कहाणीआं लिखी जांदा रहिंदा तां होरनां कहाणीकारां वांग घाटे `च ही रहिंदा ते रोणे वाधू दे रोई जांदा। आखी जांदा पई वेखो मैं मां बोली दी ते साहित दी किंनी सेवा कीती ऐ पर मैनूं कोई पुछ्छदा ई नहीं। आह कवीआं नूं मुड़ मुड़ पुछ्छी जांदे नें। होरनां कहाणीकारां नूं इनाम मिली जांदे नें, की पता मेरी वारी ओदों आवे जदों मैं मर खप गिआ? मैं इह थोहड़ो सोचणा सी पई जे सौ कहाणीकार होणगे तां वारी वी सौ सालां पिछ्छों ई आऊ!

मैं वेख लिआ सी कि पंजाबी दे कवी ते कहाणीकार एने नें कि जंमदे वध्ध नें ते मरदे घट्ट नें! जिहड़े वध्ध जंमण उनहां दी कदर कुदरती घट जांदी है। इसे करके मैं कविता तां लिखी ही नहीं ते कहाणीआं लिखण तों वी छेती ही पासा वट्ट लिआ सी। उहनां दी थां मैं दो कु सौ खिडारीआं दे रेखा चित्तर उलीके नें। सौ तों वध्ध देसी विदेशी खेडां दी जाणकारी दित्ती है। सौ कु खेड मेलिआं दे नज़ारे बिआन कीते हन। एशिआई ते ओलंपिक खेडां दा इतिहास लिखिआ है। खेडां दे अनेकां पख्खां दी चरचा छेड़ी है। विचे खेड मेले वेखण लई कीते देस परदेस दे सफ़रां दा हाल है ते दूर नेड़े वेखीआं थावां दा वरणन है। विचे हासा खेडा ते विअंग है। अमरीका ते कैनेडा दा सफ़रनामा लिखण दे नाल फेरी वतनां दी वी लिखी है। दो पुसतकां दे अनुवाद कीते हन।

 

अजे किहड़ा बस्स है? जिंने कु साल होर जीवांगा ओनीआं किताबां तां लिख ही देवांगा। की पता मुड़ के कहाणीआं लिखण दा शौक जाग पवे ते इह वी पता नहीं कोई नावल ई छेड़ बैठां। जीहदे कोल शबदावली होवे, वाक बणतर दी कला होवे, वारतक `च रस होवे ते पाठकां दा धिआन खिच्चणा आउंदा होवे उह कुझ्झ वी लिखे पहड़ ही लिआ जांदै। नावल लिखण लग्ग पिआ तां उहदीआं किशतां वी चल्ली जाणगीआं। फिर तां हो सकदै उह अंम्रितसर दी गोशटी वाला आलोचक वी हमहातड़ां नूं साहितकार मंनण लग्ग पवे!

पाठक जाणना चाहुणगे कि मैं लिखदा किवें हां? लेखकां नूं आपणे लिखण दे तजरबे होरनां नाल सांझे करने चाहीदे हन। कई लेखक काहली काहली लिखदे हन ते लिखे नूं दुबारा नहीं सोधदे। उह पहिली वार लिखे नूं इलहाम समझदे हन। कहिंदे हन कि कवी पूरन सिंघ नें किताबां दी दुकान `च बैठिआं कादर यार दा किस्सा पूरन भगत पहड़िआ ते आपणा पूरन ते लूणा दा कावि परसंग लिख के सुत्ता। बूटा सिंघ शाद दा कहिणा है कि मैं हफ़ते `च ई नावल लिख दिंनां। हो सकदै कोई उहदे नालों वी तेज़तरार होवे ते इको दिन `च नावल लिख मारदा होवे!

बलवंत गारगी नें आपणा प्रसिध्ध इकांगी ‘पत्तण दी बेड़ी’ काफी हाऊस `च किसे नूं उडीकदिआं लिखिआ सी। नानक सिंघ होरीं डलहौज़ी जा के नवां नावल लिख लिआउंदे सन। राम सरूप अणखी सुणिऐं काफी रफ़तार नाल लिखदै। बलदेव सिंघ दी हत्थलिखत सोहणी है जद कि गुरदिआल सिंघ दी विंग तड़िंगी है। अंम्रिता प्रीतम दी लिखाई उहदे मुखड़े वांग ही सुंदर सी। गारगी खुल्ल्हा लिखदा सी ते कंवल संघणा लिखदै। मजाल की कागज़ दी कोई थां खाली रहि जावे। उहदी हत्थलिखत दा इक्क सफ़ा किताब दा डेढ सफ़ा बण जांदै। कोई सवेर वेले लिखदै, कोई शाम वेले ते किसे दा कोई ख़ास वेला नहीं हुंदा।

मैं उनहां `चों हां जिनहां दा कोई ख़ास लिखण वेला नहीं। जदों समां मिलिआ जां लिखण दी लोड़ समझी उदों ही लिखण बैठ जाईदै। पर लिखदा मैं बहुत हौली हां अते मुढ्ढला वाक ते पैरा तां लिखदा वी दुबारा तिबारा हां। मेरी इह आदत पक्क चुक्की है कि मैं पहिला फिकरा लिख के कट्ट दिंदा हां ते कागज़ वी बदल दिंदा हां। इह इंज ही है जिवें कोई दौड़ाक पहिलां ग़लत सटारट लवे ते दुबारा सपाईकस कस के दूजी वार सही सटारट लवे। शाइद इह मेरा वहिम है कि मैथों पहिला फिकरा खिच्चपाऊ नहीं लिख होइआ। जदों मैं कागज़ उते कलम नाल लिखदा सी तां पहिला फिकरा कट्ट के कागज़ इस लई रद्द कर दिंदा सी कि कट्ट वढ्ढ नां दिसे। हुण कंपिऊटर `ते उंज ई मिट जांदै ते कट्ट वढ्ढ दा पता नहीं लग्गदा।

इक मिसाल है। जदों मैं महान मुक्केबाज़ मुहंमद अली दा रेखा चित्तर लिखण लग्गा तां सोचण लग्गा कि पहिला फिकरा उहदे मुक्के वरगा ही होवे। पर मैं जिहड़ा वी फिकरा घड़दा उह मैनूं कमज़ोर लग्गी जांदा ते मैं मुड़ मुड़ कट्टी जांदा। बड़ा परेशान होइआ मैं। मुहंमद अली दी महानता मेरी लिखत दी पकड़ विच्च नहीं सी आ रही। हार के अध्धे घंटे दी मगज़मारी मगरों इहो फिकरा जचिआ-मुहंमद अली बारे लिखणा लफ़ज़ां नाल घुलणा है। इस फिकरे विच्च लैअ सी, अलंकार सन ते लल्ले अख्खर वाले लफ़ज़ां दी धुनी सी। लफ़ज़ां दा घुलणा मुक्किआं दे घोल वांग सी। जे मुहंमद अली मुक्किआं नाल घुलदै तां उहदे बारे लिखण वाले नूं वी लफ़ज़ां नाल घुलणा चाहीदै। छोटा जिहा वाक मीढी वांग गुंदिआ गिआ सी।

पहिले पैरे नूं खिच्चपाऊ बणाउण ते पाठक नूं चकाचौंध करन लई मैं लिखिआ-उस नें धरम बदलिआ, कोच बदले, नां बदलिआ, शौक बदले ते इथों तक कि तिंन पतनीआं बदल के चार विआह कीते। उह ओलंपिक चैंपीअन बणिआ, विशव पध्धर दे दरजनां भेड़ भिड़े, तिंन वार मुक्केबाज़ी दे विशव ख़िताब जित्ते, तिंन पतनीआं नूं तलाक दित्ते ते अठ्ठ बच्चिआं दा बाप बणिआ। चुताली सालां दी उमर विच्च उस नें अठाई सालां दी कुआरी युलंडा नाल विआह करवाइआ ते हुण कई सालां तों परकिनसन दी नामुराद बिमारी दा शिकार है। तुसीं खुद सोचो कि इहो जिहे फिकरे भला मैं काहली विच्च किवें लिख सकदा सी? मैं अकसर कहिनां कि चंगी वारतक लिखणी कविता लिखण दे तुल्ल है। इह एनी रवां होवे कि पाठक नूं जापे जिवें पौण रुमक रही होवे।

लिखण वालिआं नूं पता है कि गुंझलदार फिकरे लिखण `च मिहनत नहीं करनी पैंदी। उनहां नूं समझण लई पाठकां नूं ज़रूर मत्था मारना पैंदै। जिस लेखक नूं पाठकां दा फिकर है उह पाठकां दी सहूलत लई आपणी वारतक नूं सरल ते सुखैण बणाएगा। इह वी उह तद ही कर सकेगा जे उहदे कोल कहिण वाली गल्ल सपश्शट होवेगी। असपश्शट विचार लंमे ते गुंझलदार वाकां ते पैरिआं नूं जनम दिंदे हन। कईआं नूं वहिम है कि उह औखे भारे शबदां ते गुंझलदार फिकरिआं नाल आपणी विदवता दा प्रभाव पा सकदे हन। विदवता सपश्शट ते सरल होण विच्च है। औखे शबदां दी वरतों ते समझ नां आउण वाले फिकरिआं दीआं गुंझलां विच्च कोई विदवता नहीं।

खेडां ते खिडारीआं दे मुकाबलिआं अते ओलंपिक खेडां दा इतिहास लिखदिआं मैनूं कदे पंजाबी दे ढुक्कवें शबदां दा तोड़ा महिसूस नहीं होइआ। दूजीआं भाशावां दे शबद उदों ही लैणे चाहीदे हन जदों आपणे नां होण। नवीआं काढां ते वसतां आपणे नां दे शबद आपणे नाल ही लै आउंदीआं हन जिस करके उनहां नूं उंज ही सवीकार लैणा चाहीदै। कंपिऊटर, ई-मेल, इंटरनैट्ट ते टीवी आदि लई नवें लफ़ज़ घड़न दी लोड़ नहीं।

हो सकदै कुझ्झ पाठक इह वी जाणना चाहुण कि मैं अज्ज कल्ल्ह करदा की हां? मेरे दिन किवें लंघदे हन? इह गल्ल तां मैं दस्स ही चुक्कां कि रिटाइर होण पिछ्छों मैं ते मेरी पतनी कैनेडा दे पक्के परवासी बण चुक्के हां। सतंबर 2001 विच्च सानूं कैनेडा दी इंमीग्रेशन मिल गई सी। उदों तों लै के हुण तक मैं गरमीआं दे सत्त अठ्ठ महीने कैनेडा विच्च कट्ट रिहां ते सरदीआं दे चार पंज महीने पंजाब विच्च बिता रिहां। दसंबर विच्च जदों टोरांटो `च बरफ़ां पैण लग्गदीआं हन तां मैं साइबेरीआ दीआं कूंजां वांग पंजाब नूं उडारी मार लैनां। मई दीआं लूआं वगण तों पहिलां पहिलां कैनेडा परत आउनां। अठ्ठ सालां तों इहो चाला है ते लग्गदै इस तरहां ही उमर बीत जावेगी।

हुण मैं उणत्तरवें साल `च हां। तिंन चार किलोमीटर सवेरे ते एना कु शाम नूं तुरना मेरी रोज़ाना सैर है। लांभे गिआ होवां तां सैर रहि वी जांदी है ते लांभे मैनूं जाणा ही पैंदै। मेरे तोरे फेरे दा इस गल्ल तों अंदाज़ा लाइआ जा सकदै कि 2008 विच्च मैं देश विदेश दे तीह तों वध्ध खेड मेले आपणी अख्खी वेखे हन। घट्टोघट्ट लख्ख मील दा सफ़र कीता है। कई इस नूं बुढ्ढे बंदे दे फैंटर समझ सकदे हन इस लई खेड मेले गिणा वी देणे चाहीदे हन।

दसंबर तों मारच तक्क मैं लुधिआणे, जलंधर, मोगे, जगराओं, मुल्लांपुर, बाघे पुराणे, घोलीए, हठूर, फिलौर, ढुड्डीके, बील्हे, चकर, मुठड्डे, गुमटाले, गहड़शंकर, कुलथम, बंगे, किला राइपुर, हकीमपुर ते कुझ्झ होर पिंडां विच्च खेड मेले वेखण गिआ। जिथे जा नहीं होइआ उथे अगले साल जावांगा। मई दे महीने तों पछ्छमी मुलकां दे पंजाबी खेड मेलिआं दा दौर चल्ल पिआ। दो वार मैं निऊयारक गिआ, दो वार सिआटल ते चार वार वैनकूवर। इक्क इक वार ऐडमिंटन, कैलगरी, मांटरीअल, शिकागो ते ओहाईओ सटेट विच्च सिनसिनैटी गिआ। इंगलैंड वालिआं दा सद्दा मैथों परवान नहीं हो सकिआ ते नां ही मैं इटली ते नारवे जा सकिआ। इओं चहुं पंजां महीनिआं विच्च मैं पच्ची तीह वार हवाई जहाज़ां `ते चहड़िआ। मेरीआं लिखतां विच्च कई खेड मेलिआं दा ज़िकर हो चुक्कै ते कईआ दा होणा है। मैं जां तां खेड मेलिआं दी हाज़री भर रिहा हुंनां ते जां कुझ्झ नां कुझ्झ पहड़ लिख रिहा हुंनां। बस्स इस तरहां ही दिन लंघी जांदे नें। अजे मैं काइम हां ते मेरी कलम दी मैराथन जारी है।