दुख सुख धुरों बंदे दे नाल नें। कोई नहीं होवेगा जिस नूं इनहां दा अनुभव नां होवे। ख़ुशी नां होवे, ग़म नां होवे। मिलिआ नां होवे ते विछड़िआ नां होवे। मेल विछोड़िआं दीआं कहाणीआं नाल साहित दे ख़ज़ाने भरे पए नें। इस कलमकार दे बहुत सारे सज्जण मित्तर ते साक संबंधी विछड़ गए नें ते इक्क दिन इहने वी विछड़ जाणा है। मैं तां विछ्छड़ जावांगा पर मेरीआं लिखतां फिर वी होणगीआं जिनहां विच्च दी मैं आपणीआं बातां पाउंदा रहांगा। मेरी इह जीवन गाथा इथे ही रहि जावेगी। लेखक इस गल्लों चिरजीवी हन। उह सरीरक तौर `ते भावें अलोप हो जांदे हन पर आपणीआं किताबां राहीं पाठकां दे हमेशां ही रूबरू होए रहिंदे हन।

वस्सदे रसदे जहान नूं हाशम शाह नें ‘मुसाफ़रखाना’ किहा है:

-इकसे तार बहार नां रहिंदी, नहीं इकसे तोर ज़माना

हर दिन चाल नहीं अलबेली, नहीं हर दम ज़ोर जवाना

रोवण सोग हमेश नां होवे, नहीं नित्त नित्त राग सुहाना

हाशम बैठ गईआं लख्ख डारां, इह जगत मुसाफ़रखाना।

मुसाफ़रां दी इस सरां विच्च कोई आ रिहै ते कोई जा रिहै। सरां वस रही है। करनैल सिंघ पारस होरां दा इक्क रिकारड बड़ा चल्लिआ सी-है आउण जाण बणिआ दुनीआं चहुं कु दिनां दा मेला। उहदी इक्क होर कवीशरी बड़ी मशहूर है-जग्ग जंकशन रेलां दा गड्डी इक्क आवे इक्क जावे। बरैंपटन विच्च बैठिआं इक्क शाम उस नें मैनूं दस्सिआ सी कि इक्क वार उनहां दा जथा बठिंडे दे रेलवे सटेशन `ते गड्डी उडीक रिहा सी। गड्डी आई तां कुझ्झ सवारीआं उतरीआं ते कुझ्झ चहड़ीआं। पारस नें वेखिआ गड्डी चहड़दिआं इक्क जानी दी डब्ब `चों बोतल डिग्ग पई ते मकाण चल्ली माई दा घग्गरा डिग्ग पिआ। उस नें छंद जोड़िआ:

-जग्ग जंकशन रेलां दा गड्डी इक्क आवे इक्क जावे …

घर नूंह नें सांभ लिआ, तुर गई धी झाड़ के पल्ले,

पोते नें जनम लिआ, बाबा सिविआं दे वल्ल चल्ले,

किते ज़ोर मकाणां दा, किधरे विआह मंगणे मुकलावे,

जग्ग जंकशन रेलां दा, गड्डी इक्क आवे इक्क जावे …।

बचपन विच्च मैं साधू दइआ सिंघ आरिफ़ दा किस्सा ज़िंदगी बिलास बड़े शौक नाल पहड़िआ करदा सां। डंगर चारदे पाली मुंडे जदों टाहलीआं ते बोहड़ां दी छावें बहिंदे जां असीं रातां नूं `कठ्ठे पहड़ रहे हुंदे तां किस्सिआं दे बैंत, बोलीआं, कबित्त ते कोरड़े छंद सुणाउण लग्गदे। याद आउंदे नें कुझ्झ बोल:

-मोर पैल पावे सप्प जावे खड्ड नूं, बगला भगत चक्क लिआवे डड्ड नूं,

कस्सी उते बैठ के कबित्त जोड़दा, रब्ब दीआं लिखीआं नूं कौण मोड़दा?

पता नहीं उह पाली मुंडे किधर चले गए? ते मेरे नाल पहड़न वाले जमाती वी नहीं रहे। उह समें दी धूड़ विच्च गुआच गए नें। मेरे नाल माल चारन वाले पालीआं दीआं हाकां दा ज़माना लद्द गिआ है। चार चुफेरे सैल्ल फोनां दीआं घंटीआं वज्जण लग्ग पईआं नें। वकत बहुत बदल गिआ है। इहने बदलदे ही जाणा है। ज़िंदगी बिलास दीआं कुझ्झ भुल्लीआं विसरीआं सतरां याद आ रहीआं नें:

-उन्नी साल विच्च ऊत नां सोचिआ तैं सदा नहीं जे हुसन दी झड़ी रहिणी,

खा लै खरच लै पुंन ते दान कर लै दौलत विच्च ज़मीन दे पड़ी रहिणी,

कोई रोज़ तूं सड़क `ते सैर कर लै बघ्घी विच्च तबेले दे खहड़ी रहिणी,

आख़र उमर दी डोर नें टुट्ट जाणा गुड्डी सदा नां जग्ग `ते चहड़ी रहिणी।

इह सच्च है कि आख़र उमर दी डोर नें टुट्ट जाणा है। पर इह वी सच्च है कि जद तक डोर है तद तक गुड्डी चहड़ी रहिणी है। हुसन फिर वी हुसन है, बेशक इहने सदा नहीं रहिणा। दौलत वरतण वाली वसतू है, वरती गई तां वरती गई, नहीं ज़मीन विच्च तां पई ही रहिणी है। बघ्घीआं सैर लई हन, नहीं तबेले विच्च तां खहड़ीआं ही हन। दइआ सिंघ, साधू हो के वी कहि रिहै-हुण नूं माण लै, इह मुड़ के नहीं मिलणा। बड़ा वड्डा सबक है इह। जिहड़े हुण नूं नहीं माणदे ते हुण दी थां कदे भूत काल विच्च ते कदे भविख्ख विच्च गुआचे रहिंदे हन उनहां लई सोचण दी घड़ी है। बथेरे हन जिहड़े जीवन `च मिल रहीआं खुशीआं नूं माणन दी थां मुलतवी करदे होए ही मर मुक्क जांदे हन।

माणन दा मतलब इह वी नहीं कि खाओ, पीओ ते ऐश करो। सतर धिआन मंगदी है-खा लै, खरच लै, पुंन ते दान कर लै। होर वी सपस्सटता नाल किहा जा सकदै, खाओ पीओ वी ते भले दे कंम वी करो। घाल खाए कुछ हत्थों दे दा उपदेश वी इहो कहिंदै कि आहरे लग्गो, हुण नूं माणो ते वाधू नूं लोड़वंदां विच्च वंड लओ। किरत करो ते वंड छको। हसंदिआं, खेलंदिआं, पैनंदिआं, खावंदिआं मुकती प्रापत करो।

मनुख्ख दी देह ज़रूर नाशवान है पर मनुख्ख दा जीवन नाशवान नहीं। मनुख्ख दा जीवन विच्च विशवास बझ्झिआ रहिणा चाहीदै। असल जीवन उही है जिस विच्च आस ते उमीद, उतशाह ते उमाह काइम रहिण अते चावां ते खेड़िआं नूं सोका नां आवे। बंदा आहरे लग्गा रहे। संघरश करदा रवहे। उहदे रुझेवें नां मुक्कण। जीवन `च भरोसे नूं पक्किआं करना, जीवन नूं होर जिऊणजोग बणाउणा ते हर मुशकल विच्च जिऊण दा जेरा ते वल्ल सिखाउणा लेखकां दी लिखत दा मुख्ख मनोरथ होणा चाहीदै। दुख-दरद, बिरहा-विछोड़े, मुशकलां-दुशवारीआं ते ग़मीआं-उदासीआं भला कीहदे जीवन विच्च नहीं आउंदीआं? कई इनहां अग्गे ढेरीआं ढाह बहिंदे नें ते कई दिल गुरदे नाल साहमणा करदे नें ते इनहां तों पार वी हो जांदे नें। नां दुख सदीवी हुंदे नें ते नां सुख सदीवी रहिंदे नें। दुख सुख नूं सम कर जाणन वाले ही वधेरे सौखे रहिंदे नें। हमेशां रोणे रोई जांदिआं दीआं उमरां सौखीआं नहीं लंघदीआं। जिहड़े मुशकलां विच्च वी हस्स खेड सकदे नें, उनहां नूं पता ही नहीं लग्गदा कि उमरां कदों बीत जांदीआं नें! उनहां नूं तां बुढापे दी चिंता वी नहीं सताउंदी।

जे मैं आपणे वल्ल वेखां तां उमर भज्जी जा रही है पर कंम वी अजे बहुत पए नें। किसे नें ऐवें नहीं किहा-साह लै मौते काहलीए मैं अजे नां विहली। कवीशर करनैल सिंघ पारस इक्क दिन कहिण लग्गा, “जदों मौत आएगी तां मैं उहदा मुसकरा के सवागत करांगा। नाल ही कहांगा, मैनूं रेडीओ तों आउंदीआं ख़बरां सुण लैण दे, हत्थ विचला अख़बार पहड़ लैण दे ते छोही होई किताब पूरी कर लैण दे। फिर लै जाईं जिथे लिजाणै, मैनूं कोई उजर नहीं होवेगा।”

मैनूं किसे नें सुआल पुछ्छिआ सी, “बुढापे बारे की सोचदे ओ?” मेरा जुआब सी, “बुढापा मौत वल्ल वल्ल वधदी अवस्सथा दा नां है। किहा जांदै कि बंदा ओदों तक बुढ्ढा नहीं हुंदा जदों तक उह आपणे आप नूं बुढ्ढा नां मंनण लग्ग पए। मैं आपणे आप नूं अजे बुढ्ढा नहीं मंन रिहा ते आहरे लग्गा होइआं। रिटाइर होण पिछ्छों हर साल नवीं किताब छपवा लैनां। खेड मेले वेख रिहां ते निक्के मोटे कंम करदा अख़बारां रसालिआं नूं आरटीकल भेज रिहां। हुण तां ‘खेड संसार’ नां दा सचित्तर मैगज़ीन वी शुरू कर लिऐ जिस दे पंज अंक निकल चुक्के नें। उंज बुढापे बारे सोचदिआं मौत दा खिआल वी आ जांदै। मैं एना बहादर नहीं कि मौत तों नां डरां। वैसे वी दुनीआ बड़ी सोहणी ऐं। सच्ची गल्ल तां इह ऐ कि दिल नी जाण नूं करदा रंगली दुनीआ तों। पर एथे कोई सदा जींदा नहीं रहि सकिआ। इह काइआं इक्क दिन फ़नांह हो जाणी ऐं। तां ही तां कहीदै, कोई दिन खेड लै, मौजां माण लै, तैं उड्ड जाणा ओए बद्दला धुंद दिआ …।”

जदों मैं कैनेडा दे शहिर बरैंपटन विच्च हुंदा हां तां सवेरे उठ्ठ के अख़बार लैण चला जांदा हां। साडे घर दे नेड़े ही इक्क निक्की झील है ते इक्क वड्डी झील। निक्की झील दा चक्कर छे सौ मीटर दा है ते प्रोफैसर लेक नां दी वड्डी झील दा गेड़ा तिंन किलोमीटर तों उते है। मैं तिंन चार किलोमीटर तुर लैंदा हां। पाणी विच्च बत्तखां तैर रहीआं हुंदीआं हन ते उपर कूंजां उड रहीआं हुंदीआं हन। हरे घाह ते लांभ चांभ दी बनसपती विच्च पंछी चहिक रहे हुंदे हन। सवेर दा सोनरंगा सूरज उगम रिहा हुंदै ते उहदीआं सुनहिरी किरनां झील दीआं छल्लां `च तैरन लग्गदीआं हन। मेरी कलपना नूं खंभ लग्ग जांदे हन। मैं नवां कुझ्झ लिखण बारे चितवण लग्ग पैंदा हां। मेरी घंटे कु दी सैर वी हो जांदी है ते टोरांटो दे दो रोज़ाना पंजाबी अख़बार वी पहड़े जांदे हन। माड़ी मोटी कसरत वी कर लईदी है।

दिने मैं वधेरे कर के कंपिऊटर नाल जुड़िआ रहिंदा हां ते लाइब्रेरी वल्ल जा आईदा है। शाम नूं पंजाबी बाबिआं दी सत्थ जुड़दी है। पहड़न लिखण ते खेड मेलिआं तों विहला होवां तां मैं सत्थ दी हाज़री ज़रूर भरदां। उथे भांत सुभांतीआं गल्लां हुंदीआं हन जिनहां `चों मैनूं लिखण दा मसाला वी मिलदा रहिंदै। विदेशां `च गिआ हर बंदा आपणे आप `च इक्क कहाणी है ते कई परिवार तां पूरे दे पूरे नावल हन। विदेशां विच्च पहुंचण, रहिण ते जहड़ां लाउण लई उनहां नें जो जो पापड़ वेले ते संघरश कीता उह किसे लंमी कहाणी जां नावल दा विशा हो सकदे हन। बाबिआं दी परहे `च बैठा मैं महिसूस करदां जिवें पिंड दी सत्थ `च बैठा होवां।

असीं आम कर के अपरैल दे महीने कैनेडा जांदे हां ते नवंबर दसंबर विच्च पंजाब परत आउंदे हां। जदों मैं चकर होवां तां मेरी सवेर दी सैर कदे मल्ल्हे ते कदे लोपों दी सड़क उते हुंदी है। कदे खेतां दीआं पहीआं `ते वी तुर पैनां ते त्रेल धोतीआं कणकां दे हरे पत्तिआं नाल लटकदे त्रेल तुपके वेखदां। उनहां तुपकिआं विच्च चहड़दे सूरज दीआं किरनां नें अनेकां रंग भरे हुंदे नें। रंगां नूं निहारदिआं कुदरत दे बलिहारे जाईदै। थोहड़ी थोहड़ी वित्थ उते बंबीआं दीआं धारां चल्ल रहीआं हुंदीऐं जिहड़ीआं जीवन दा राग अलापदीआं जापदीऐं। कदे इनहां ही खेतां विच्च मैं डंगर चारदा रिहा सां, पठ्ठे वढ्ढदा रिहा सां ते फिर कामिआं दी रोटी लै के जांदा रिहा सां। इनहां खेतां विच्च ही मेरे बापू ते बाबे होरीं जोतरे लाउंदे पूरे हो गए ते मैं वी वकत आए तों तुर जाणा है।

मैं आपणी पुसतक ‘फेरी वतनां दी’ विच्च लिखिआ कि जदों मैं कैनेडा तों आपणे पिंड जा के रात कट्टदा तां गुरदवारे दा लाऊड सपीकर मैनूं तड़के तिंन वजे जगा दिंदा ते फिर सौण नां दिंदा। लाऊड सपीकर दा भजाइआ मैं कई कई दिन पिंड नहीं सां वड़दा। पर 2006 विच्च उच्चे बोल बुलारे तों मौज रही। इह सुधार ज़िल्हे दे डिपटी कमिशनर नें लिआंदा सी। लाऊड सपीकर तड़के चार वजे भजन बंदगी दा सद्दा देण पिछों चुप्प हो जांदा सी। मैं जाग के पहड़न लग्ग पैंदा सां। जे बिजली दा कट्ट लग्गा हुंदा तां रजाई दे निघ्घ `च सुफ़ने लई जांदा। किसे दिन मैं पहिली बस्स मुकंदपुर नूं जाण लई तिआर हो बहिंदा। विहड़े `च निकलदा तां बाहर चिड़ीआं चूकदीआं सुणदा। पहुफुटाले दी लोअ विच्च बस्स अड्डे वल्ल जांदिआं वारस दीआं तुकां याद आ जांदीआं:

-चिड़ी चूकदी नाल उठ्ठ तुरे पांधी, पईआं दुध्धां दे विच्च मधाणीआं नी।

होई सुबहा सादिक जदों आण रौशन, तदों लालीआं आण चिचलाणीआं नी।

लईआं कढ्ढ हरनालीआं हालीआं नें, सैआं भूईं नूं जिनहां नें लाणीआं नी।

घरबारनां चक्कीआं झोतीआं नी, जिनहां तउणा गुंनह पकाणीआं नी।

कारोबार विच्च होइआ जहान सारा, चरखे कत्तदीआं उठ्ठ सवाणीआं नी …।

किआ नज़ारा बंनहिआ ए वारस शाह नें! पर पंजाब दा माहौल हुण बहुत बदल गिआ है। हुण हालीआं दीआं जोगां बीहीआं विच्च नहीं निकलदीआं ते नां सवाणीआं ई चरखे कत्तदीआं नें। जद मैं बाहर निकलदा तां सिआल दा सवेरा हाले उंघलाअ रिहा हुंदा। किते किते बिजली दीआं बत्तीआं दा निमहा निमहा चानण दिसदा। बस्स अड्डे विच्च पंज सत्त सवारीआं लोईआं ते कंबलां दीआं बुकलां मारी खहड़ीआं हुंदीआं। बीहीआं विच्च कुत्ते भौंकदे सुणदे। मैं मन विच्च आपणे पिंड दे सवेरे दी बरैंपटन दे सवेरे नाल तुलना करदा जिथे कोई कुत्ता तां नां भौंकदा पर सड़कां दीआं सारीआं लेनां कंमां कारां `ते चल्ले कामिआं दीआं कारां नाल भरीआं जांदीआं। तेज़ दौड़दीआं कारां दा शुकाट पिआ हुंदा। दुनीआ भज्जी जांदी दिसदी जिवें किते अग्ग लग्गी होवे! एने नूं निहाल सिंघ वाले तों चंडीगहड़ नूं चल्ली बस्स दा हारन वज्जदा ते पता लग्ग जांदा कि बस्स, अड्डे उते पहुंच रही है। धुंद विच्च जगदीआं उहदीआं पीलीआं बत्तीआं मधम जिहीआं नज़री पैंदीआं।

ठरिआ होइआ मैं बस्स `च बहिंदा तां निघ्घ आ जांदा। सवेरसार गुरबाणी दी कैसिट चल्ल रही हुंदी-लख्ख खुशीआं पातशाहीआं जे सतिगुर नदिर करे …। मल्ल्हा ते डल्ला लंघदिआं मैनूं मल्ल्हे दा सकूल ते डल्ले दी दैड़ याद आउंदी ते मैं बचपन दीआं यादां `च खो जांदा। नहिर दा पुल ते कौंके लंघ के बस्स जरनैली सड़क `ते चहड़दी तां वारां दा गाइण शुरू हो जांदा-कदों चहड़ेंगा पंजाब दिआ सूरजा, दुनीआ `ते फेर मुड़ के …। जोशीलीआं वारां सुणदिआं मन उमाह ते उतशाह नाल भर जांदा ते सारंगी दीआं धुनां लूंअ कंडिआई जांदीआं। अंदरों आवाज़ आउंदी-नहीं रीसां देस पंजाब दीआं!

पंजाब दी फेरी समें मैं आम कर के मुकंदपुर रहिंदा हां। उथे साडे पुत्तर नें आपणा घर उसार लिआ है किउंकि उनहां नें लंमा समां उथे ही नौकरी करनी है। मुकंदपुर मेरा जीअ वी वध्ध लग्गदै। उथे लाइब्रेरी है, जिमनेज़ीअम है, खेड मैदान हन ते पहड़े लिखे बंदिआं दी संगत है। सरपंच साधू सिंघ, गुरचरन सिंघ शेरगिल्ल, डा.अमरजीत सिंघ ते महिंदर सिंघ शोकर होरां दा गुआंढ मत्था है। आए गिआं नाल मेल मिलाप हुंदा रहिंदै। प्रोफैसरां नाल बचन बिलास करन दा मौका मिल जांदै। उथे महिफ़लां लग्गदीआं ते गोशटीआं हुंदीआं हन। कालज विच्च समागम हुंदे रहिंदे हन। कबड्डी दा कुमैंटेटर मख्खण सिंघ मैनूं खेड मेलिआं `च लई फिरदै। उह मैनूं उसतादां वरगा आदर माण दिंदै।

उथे सैर करन लई खुल्ल्हीआं सड़कां हन ते खरीदारी लई खुल्ल्हा बज़ार है। मुकंदपुर विच्च हुण शहिरां वरगीआं ही सहूलतां हन। मैं सड़क पै के साधू सिंघ पबलिक सकूल कोलों नहिर चहड़ जानां ते वगदे पाणी दे नाल तुर पैनां। नहिर दे इक्क पासे मल्हिआं नूं बेर लग्गे हुंदे नें जो मैं तोड़ तोड़ खांदा जानां ते बचपन चेते करदा जानां। कदे कदे मेरी सैर हकीमपुर ते जगतपुर दे विचकार बणे सटेडीअम तक हो जांदी है जिथे आए साल पुरेवाल खेड मेला भरदै। पुरेवालां भरावां मलकीत सिंघ, चरन सिंघ ते गुरजीत सिंघ होरां वल्ल मेरी वाहवा जाणी आउणी है ते मैं वैनकूवर नेड़े पिट्टमीडोज़ दे पुरेवाल फारम हाऊस विच्च वी जांदा रहिनां। उह मेरी खेड-लेखणी दे कदरदान हन ते हर खेड मेले `च मेरीआं खेड-पुसतकां वंडदे हन। खेडां ते खिडारीआं बारे लिखीआं मेरीआं पुसतकां वधेरे कर के खेड मेलिआं विच्च लग्गदीआं हन।

पिंड `च रहिंदे दा मेरा सोशल सरकल निक्का जिहा सी। तुरदिआं फिरदिआं इह काफी वड्डा हो गिआ है। मेल जोल वाले बंदिआं दे नां ही लिखां तां कई सफ़े भर जाणगे। इक्क समूह खिडारीआं ते खेडां नाल जुड़े बंदिआं दा है। इनहां दी गिणती सैंकड़िआं विच्च है। दूजा लिखारीआं ते कलाकारां दा है। अख़बारां दे संपादक ते पत्तरकार हन, वख्ख वख्ख खेतरां दे विशेश विअकती हन अते रिशतेदार ते दोसत मित्तर हन। मेरे नाल पहड़न पहड़ाउण वाले ते खेडण वाले हन जिहड़े चेते चों विसरदे जा रहे हन। कीहदा ज़िकर करां ते कीहदा नां करां?

 

अमरदीप कालज दा प्रिंसीपल होण करके देश विदेश दे सौ तों वध्ध जीवन मैंबरां नाल मेरी जाण पछाण है। उनहां बारे मैं इक्क पुसतक लिखी है-अमरदीप सिंघ शेरगिल्ल मैमोरीअल कालज मुकंदपुर दे दानवीर। देश विदेश घुंमदिआं मैं अनेकां दोसतां दे घरां विच्च रिहा हां। अनेकां सज्जणां दी प्राहुणचारी माणी है। मैं ख़ुशकिसमत हां कि दुनीआ दा शाइद ही कोई शहिर होवे जिथे मैनूं आपणा कोई विदिआरथी नां मिलिआ होवे। पाठकां दे फोन आउंदे हन ते किसे किसे दी चिठ्ठी वी आ जांदी है। बड़ा पिआर करदे हन पंजाबी पिआरे। बड़ा माण सतिकार मिलिआ है मैनूं। मैं सारिआं दा रिणी हां ते उनहां दा दिली धंनवाद करदा हां। इह गाथा भावें एथे ही मुका रिहां पर मेरी कलम अजे चलदी है ते उमीद है आख़री दम तक चलदी रहेगी। (प्रिं.सरवण सिंघ दी जीवन गाथा ‘हसंदिआं खेलंदिआं’ पुसतक रूप विच्च छप गई है जिस दे तसवीरां समेत 308 पंने हन। पुसतक दी प्रापती लई लेखक दे फोन 905-799-1661 जां प्रकाशक दे फोन 01191-161-2413613, 2404928 `ते संपरक कीता जा सकदा है।)