हुण तां मेरे ते मिहर कर, मैनूं छड्डो, आप नें मैनूं बड़ा भुलाइआ। आखर आप की कहिंदे हो ? जे मैं रब्ब नूं आखां, अरदास करां क मैनूं उनहां उलझणां विच्चों कढ्ढे जिस विच्च आप नें पाइआ तद आप घड़ी दी घड़ी टिक जांदे हो। कई वेरी आप नें खूह विच्च सुटिआ, कई वेरी अरदास कीती, कई वेरी रब्ब जी आए, उनां दे हत्थ चिक्कड़ नाल लिब्बड़े। मैनूं भुल्ले नूं कढ्ढिआ, फाथे नूं आज़ाद कीता, संकलप मेरे अनेक, उनां संकलपां दी पूरती दा मीह पाइआ, पर आप आपणीआं शैतानीआं, शरारतां थीं बाज नां आए। की गयटे दे फूओसट विच शैतान दे रूप दी छाया आपदा ही इक वटांदरा तां नहीं॥

उह बचपण ही चंगा सी, जद आप नाल वाकफीअत नहीं होई सी। चंन नूं वेख के घाह उप्पर पिआ ही अंगूठा मूंह विच्च पाइआ मैं हस्सदा सां। दुख्ख की सन? बस्स इक भुख्ख, जद भुख्ख लग्गदी सी, तद रोंदा सां। मां बिचारी ममता दी मारी दुध्ध पिला दिंदी सी, साफ सुथरा वी कर जांदी सी, इक पूरी संनिआस अवसथा सी, आपणा देह अधयास कोई नहीं सी॥

जद मां दी कुछ्छड़ थीं उतर आपणे पैरीं चल्लण लग्गा, तद वी जिंदगी कोई वबाल नहीं सी दिस्सदी, तड़ागी विच्च निक्कीआं निक्कीआं चांदी दीआं घुंघरीआं लग्गीआं वजदीआं जांदीआं सन, जद मैं टुरदा सी आवाज़ सोहणा लग्गदा सी, मैं दौड़दा सी खुश हुंदा सी, दुनीआं बस मेरे आपणे मचाए शोर सी, मैं हैरान हुंदा सां कि इह होर लोकी किधर भज्जी फिरदे हन? सभ कुछ तां मेरे कदम कदम चल्लण विच्च, हस्सण विच्च, ते जमीन ते पै लोट लोट के खिड़ खिड़ दिस्सण विच्च है॥

सो बहिशत मेरा हाले वी नहीं सी मैथों खुस्सिआ, जे आप नें खिसकाणा आरंभ दित्ता सी तां वी मैनूं पता नहीं सी लग्गा॥

बालपण गिआ, लड़कपण आया। मापिआं नें पहड़ण पाइआ, कदी मसीते घल्लिआ, कदी धरमसाले,अख्खर अणोखे लग्गे, ते मुड़ मुड़ बोल, बोल मुड़ मुड़ लिख लिख के, मसे सिंझाते, इक दुनीआं सी, वड्डी इक किताब कोई 100 सफे दी 18''×22'' साईज़ दी-भावें ज़िला हजारे दी मिसल बंदोबसत ही होवे-पई सी, ते चाईं चाईं मैं कुछ डरदा डरदा, कुछ दलेरी करके, खोहल के सिंझाते हरफां नूं वेखदा सी, जिस तरां लंडन जैसे शहिर विच्च फिर फिर जद कोई आपणा जाण पछाण मिले ते खुशी हुंदी है, उवें उनां हरफां दे जंगल विच्च जद अलफ़ या बे दे दरशन हुंदे सन, तद मां ते पिउ दोहां नूं खुशी विच्च चीखां मारीदा सी कि उह "अलफ" मिली उह "बे" मिली, ते इउं किताबां विच्च बंदे मिलण लग गए। इह शहिरां वरगीआं चीजां सन, पर भुल्ले कदी नां से, मौलवी जी साहिब घोड़े ते जा रहे हन, उह लंमी दाहड़ी, सोहणी पगड़ी ते उह मौलवीआं वाला वट्टिआ जिहा मूंह दिस्स पैंदा सी। जे माली कोल जा खलोते हां, तां उस विचारे कोई गल्ल ही दस्सी ते साडीआं खुशीआं उसे विच्च सन, ओह पिउ आइआ है ते इक बल्ला ते गेंद लै आइआ है, बस्स दोहां रूसां दा राज मिल गिआ-"मां,अज इनसपैकटर नें सकूल आउणा है ते वड्डे मासटर नें आखिआ है, पगड़ीआं गुलाबी होण, कोट पीले होण ते पजामे चिट्टे होण, नवीं जुत्ती होवे, किताबां सारीआं साफ होण, सलेट होवे, सलेट पिनसल होवे।" मां नें भैणां नूं किहा, गंगा उठ्ठीं, लाज उठ्ठीं, उनहां नें सभ कपड़े बणा दित्ते, बसता पूरा कर दित्ता। गई गवाची चीज़ां बाहरों मंगा विचारीआं वीर नूं तोरिआ ते हुण इह पता नहीं कि इनसपैकटर साहिब पुछ्छिआ की? ते ओह गल्ल की सी जिस लई साडे कपड़िआं ते बसतिआं दी दुनीआं इउं मासटर साहिब नें उलट पुलट कराई, पर इंना याद है कि बूंदी दे लड्डू पंज पंज मिले सन ते बस खुशी पूरी हो चुक्की सी। साथीआं खाण नां दित्ते, किसे गुस्से होके ते किसे मिठ्ठे बचन कहि के, किसे थप्पड़ मार के, किसे पगड़ी जिहड़ी ढिल्ली हो गई सी, चंगी तरां मुड़ बंनह के सारे साडे लड्डू मित्रां नें उडाए, पर ओसे खुशी विच्च घर गए, भैणां नें 'जी आइआं' नूं किहा, दिन इउं लंघे। अध्धी रात तक निक्के निक्के दीवे बालके पहड़दे रहे, सवाल कढ्ढदे रहे, जमातां चहड़दे रहे ते थोहड़ी जिही कीरती आपणे शहिर विच्च सी, कि मुंडा किंना सोहणा है ते किंना मिहनती है, ते कोई कहिंदा सी, चुप्प किउं है ते कोई कहिंदा सी बड़ा शरारती है ॥

आपणे थीं वड्डिआं दे साहमणे भले माणस ते चुप्प ते आपणे जिहे नाल ओह उधम मचाणा कि बस धरती नूं उलट के असमान ही बणा देणा है। मैनूं चेते नहीं आप नाल तद तक-जद तक किताबां दे शहिरां विच्च रहिंदे सां-जाण पहिचाण नहीं सी ते आप उनहां शहिरां नूं शाइद कदी नहीं गए ॥

मुकदी गल्ल "जा कुआरी ता चाउ वीआही ता मामले॥

पता नहीं आदम हवा दी कहाणी मेरी ही तां, कहाणी नहीं ते उह भरमाण वाले आप ही तां नहीं साओ, जिवें मारकटवैन आपणी सोहणी ते हसा हसा मारण वाली पोथी “Diary of Adam” विच्च चित्त्र खिच्चिआ है। कुछ घबराहट तद दी आरंभ होई, जद पिप्पल हेठ ओह देखी जिहड़ी अग्गे वाकफ नहीं सी। ओह हस्सी ते तुसां आखिआ खलो जा ते मैं खलो गिआ,इह कौण सी?" मारकटवैन दे आदम नूं वी मेरे वरगा घबरा पिआ, पर घबरा विच्च दरद वी सी, दरदीण वी सी, कुछ खिच्च वी सी, चा वी सी, सवाद वी सी ते बंधन वी सी, बड़ी कुछ मिलवीं जिही अवसथा सी पर भै नहीं सी। उनां नैनां विच्च इकरार सी, कि जीण सच्चा उनां नैनां विच्च है, मेरे दिल दी धड़क विच्च जीण नहीं। सो जद दे ओह तक्के, तद दे पिछ्छे पिछ्छे रहिण वाले आपणे प्रछावें वांग आप पता नहीं। कित्थों उगम पए ते साडे नाल नाल रहे। सो जो जो तुसी कही गए, असी मंनी गए। आप दे दित्ते ते सिखाए गिआन दा इह फल होइआ, कि बचपण वाला संनिआस ते सरीर दी बेसुध दी पूरण अवसथा गई, जा चुक्की सी, बालपण दा साडा संसार मुक्का, लड़कपण दी दुनीआं किताबां दे शहिरां, महलां, दे सैर हो चुक्के, आपदे कहिणे मूजब आपे दी गिआत होई, शीशे विच्च मूंह तक्किआ, अख्खां, भरवट्टे, कपोल, होठ तक्के, आप ही तक्के, आप ही हस्से खुश होए, डौले तक्के, कप्पड़े पाए, पग्गां बध्धीआं, जाता असी वी कोई हां। होए तां ही नां ओह पिप्पल हेठ जांदी सुंदरी सानूं वेख हस्सी ते सानूं चाहिआ, गिआन आइआ ते साडा। अंदरला सवरग उड्ड गिआ। हुण सवरग उस सुंदरी दे नैनां विच्च सी, अग्गे अग्गे ओह मगर मगर असी ते साडे मगर मगर तुसी। सारी उमर बीती "आगे संभल चलो नंदलाला जो बीती सो बीती" पर नहीं, आप पिछ्छा नहीं छड्डदे॥

जद बिपता आई, तुसां आखिआ करो रब्ब नूं याद, ते आप उस वेले छाई माई जरूर हो गए। रब्ब जी तां, इउं दिस्सदा है, कि सदा उडीकवान हन,कि किहड़े वेले कोई बुलावे ते ओह ''पाएं पिआदे धाए।" सो बड़िआं बड़िआं जालां विच्च फसिआं नूं मैनूं, ते उस सुंदरी नूं रब्ब नें कढ्ढिआ, पर जद जरा सुरति आई, कोई नां कोई संकलप सुहणा राम बण विच्च आए "सुनहिरी हिरन" वांग आप नें आ खड़ा कीता, मुड़ उहो ही गल्ल, उहो ही आपदे चुहल, चल्लो भाई इस हिरन नूं मारो, हज़ारां दलीलां आप नें साहमणे लिआ खड़ीआं कीतीआं। ऐसे दलां दे दल आए कि मुड़ कोई पेश नां गई, धनुख ते तीर लै मुड़ चल्ले असी, हरन गिआ अग्गे अग्गे, ते असी खवार होए डंगरां, बेलिआं ते जूहां विच्च, हार के झख मार के थक के टुट्टके शामां नूं घर आए, आप उस वकत फिर छाई माई। मुड़ साडा इक इकल्ला रब्ब मुड़ उह रूह दी अराधना, ओए "हउ संमलि थकी जी उह कदे न बोले कउरा।" रब्ब जी नूं जद अराधिआ उहो ठंड, उहो मिठास, उहो दया, उहो नरमी, उहो परउपकार, उहो तरस, उह जीवन दी कणी दा मुड़ मुड़ दान अते जद प्रभात दिल दे कलस उत्ते आई, साडे अंदर दे मंदर दे कलस उस प्रभजोत दिवय सोने नाल चमके, आप पूजा दी घड़ी वी नाल आन खड़े हो, नित नवां संकलप रच के साहमणे कीता। हुण की? "बुरा साडा हाल , बणाइआ इनहां बिदेसीआं।" उमरा दा सूरज ढल गिआ पर आप दी इह संकलप माया नां मुक्की पर नां मुक्की अज इह, कल ओह, कदी हिमाला नूं चीरो, गंगा लिआवो, हुण इहनूं सुकावो, हुण मींह दी लोड़ है, नहीं हुण धुप दी लोड़ है। अज कप्पड़ा ते कल गहिणा अज मकान ते कल मंदर, आखिर जिवें भरथरी जी नें लखिआ, ओ मना मेरिआ साडा की बणाइआ ई:-

तप न तपे असां नें, तपां सानूं तप लिआ ई॥

भोग न भोगे असां नें, भोगां नें भोग लिआ ई॥

इछ्छा न पूरीआं साथीं, इछावां नें पूर लिआ ई ॥

हुण केस धौले हो गए हन, शरीर झुरल खा चुक्का है, पर आप उपसथित हो, उह सुंदरी जिहड़ी साडे नाल चंगी निभी, साडे सुभाउ दी तत्त ठंड ऊच नीच सभ कुछ सिहा। आपणी जिंद जान असाथीं वारी, घोल घुमाई, जद कदी बीमार होए सारीआं रातां जागी, साडी सेवा लई तप साधे, जोग कमाए, आपणा सारा जीवन साडी खातर हलाल कर दित्ता। उह तां उह जंगल विच्च सिंनीआं लक्कड़ां चुण रही है, कि रात दी रोटी पक्के ते आप सानूं मुड़ किसी नवें पिप्पल हेठ इक होर खड़ी दस्स रहे हो, ठीक! आप सुफने जिहे विच्च मरदी वेर सानूं चेते करा रहे हो कि ओह ओह सी ते उस वल "मुड़ मुड़ तके" ओह परे खड़ा इक गभ्भरू इह असी सां, ते आप दी अगवानी ते सलाह मशवरे विच्च देखो असी किस मूंह नाल आपणे रब्ब दी दरगाह जा रहे हां। आप जेकर नां कुछ इहो जिहा सबक दिंदे तद तां पता लग्गदा कि आप बी बुढ्ढे हो चुके हो ते कुछ हमदरदी उनां नाल आई, जिनां नूं आपने इंनां बे-रहिमी नाल कोहिआ है, पर नहीं आप हाले वी कुछ मुसकरा रहे हो अर आप लछ्छणां ब्रिती नाल इशारा कंनी पा रहे हो कि काश उह अबला सानूं पिआर करे, ते इंने विच्च ही मैं उस पिप्पल हेठ जांदा हां ते आपणी चिट्टी दाहड़ी नाल उस सुंदरी, नाल कुछ गल्लां करना ही चाहुंदा हां कि ओह डरके नस्स जांदी है ते मैं पिप्पल हेठ बैठ के सुंदरी दे पिआर सोहले जोड़ण लग्गदा हां। मन जी, आदतां आप नें जेहड़ीआं पाईआं सो हुण किधरे जाण नहीं दिंदीआं, "छेड़ खूबां से चली चाए" आप कहि रहे हो, पिआर नहीं तां दुशमनी ही सही, पर आप दा की कसूर है, कसूर तां साडा है जो आप दे पिछ्छे लग्गे? आप कोई बाहरों नहीं आए साउ। मेरे अंदर दी ही बीमारी हो, सो इंनी अवाजारी किस गल्ल दी सी, कि संकलपां दी खेह छानण टुर पए, आपणे रब्ब नूं कंड दित्ती, आपा कुछ जोख के कुछ आपणीआं अकलां नाल, सोच के कुछ दानाई दी चोणां करके रब्ब नूं भुला बैठे। भुला के जे इतफाक नाल किसी चंगे सिट्टे ते अप्पड़ पैंदे तद वी कुछ धरास हुंदी, पर संकलप नूं जिहड़े इवें लुभाइमान दिस्सदे सन जद हत्थ विच्च फड़े तद खेह हो गए। कदी होश नां आई ते जद सभ सोचां नूं तिआग करन दी कीती ते संकलपां थां इकांत ठानी, तद हुण संकलपां नें होर ते इसे पासे दे रूप धारे, चलो हथ विच्च कासा लै फकीर रमते बणीए ते आपणे रब्ब नूं रीझाईए:-

सिजदा करूंगा तुझे हाथ धो कर दुनीआं सी।

मैं वुह नहीं कि याद करूं बेवजू तेरी॥

कई वेरी इहो जिही वहिशत छाई कि कप्पड़े फाड़ घरों बाहरों, कमों काजों, बाल बच्चे थीं नस्सके हैवानां वांग जंगलां विच्च जा वज्जे कि रब्ब नूं टोलीए, पर धोखे , खा खा कुछ आपणे असले दी सो लग्ग चुक्की सी ते आपणा पुराणा उहो ही मन ऐसे गेरू कप्पड़े पाए, भसम रमाए, हत्थ विच्च नूठा लिआ, साध दे रूप बरूपीए वांग सिआण लिआ, हस्सिआ ते छाई माई हो गिआ। मुदतां लंघ गईआं, सिर तले सुट्ट, बैल वागूं हल अग्गे जुत टुर पिआ । संकलप की करन गल्ल तां किधरे होरथे मुक्कदी है ॥

पर कई मित्र आए, भाई तूं चंगा लिखना हैं तूं चंगा बोलना हैं, तेरी बड़ी लोड़ है, बैल दी लोड़ नहीं। घोड़े दी लोड़ है, नां मुनकर कीती, आजज़ी कीती, मैं किस जोग सभ नूं किहा, अंदरों कुछ खुश होइआ कि होसी इह निकंमा जिहा बुढ्ढा शरीर भी आखर किसे जोग निकलिआ, इह तां इनहां लोकां दा संकलप है, साडा तां नहीं। इह तां कोई वाहिगुरू दी ही मरजी है, उह तां वकत टालिआ पर लग्गे सोचण की पंजाली हुण गलों लाह ही देईए तद ठीक है, अकाल हुकम इह है॥

पर फेर मिहर होई ते साहमणे हसूं हसूं करदा उहो आपणा पुराणा मित्र साखयात आप उनहां समूहां दे संकलप विच्च खड़े दिस्से। नां भाई, बहुत लंघ गई हुण थोहड़ी रहि गई है:-

सारी उमर गुनाहां बीती।

आगे संभल चलो नंदलाला जो बीती सो बीती।

ते हुण आपे नें की अख्खड़खानी चुक्की है, चलो भाई धरम प्रचार करीए। इह वी आप दी खेड है, किउं? इह रब्ब दी मिहर है कि जद बालक वांग रोया ओह मां वांग दौड़ के आए, पिआर कीता, साफ सुथरा कीता, तां खीर पिआलिआ, लोरी दित्ती, सवा दित्ता। पर साडे, अमल तां इह हन कि रोज तोबा ते रोज यारी, हे रब्बा! जे ऐतकी बचा लवें ते सदा फिर तेरी नौकरी करनी। जे इस औड़कोंं कढ्ढ लवें ते तेरे बूहे ते, बुहारी सदा देवांगा। हे रब्ब! जे मेरे इसत्री हुण वल्ल कर दें तद मैं आपणा सारा जीवन तेरे विहड़े विच्च गुजारांगा। रब्ब जी! जे इस शरमसारी बदनामी थीं बचावें, जे इस वेरी मेरा परदा ढक्क देवें, मैं इक अयाणी इसत्री नूं जिस मेरे ते भरोसा कीता उस की धोखा दित्ता है। पिआर दे थां मैं उस नाल ध्रोह कमाइआ है, ते हुण लोकी की आखणगे जे मेरा पाज खुल्ह गिआ। मेरे बाल बच्चे की आखणगे, जे मैं चुराहे विच्च खड़ा कर दित्ता, ते सारा शहिर मेरे पर थुक्केगा। हे रब्बा! मेरे इस करम उप्पर आपणी चादर देह, मेरी लाज रख्ख, इह भेत मेरा किसी नूं नां पता लग्गे॥

जे इह करामात करो तद मैं फिर कदी नां मुख मोड़सां, हे रब्बा! मैं इकरार कर बैठा हां। जो पूरा नां करां तद मैनूं ते सारे मेरे पले लग्गिआं नूं दुख्ख हुंदा रहे। इह करामात करो, मेरा इह इकरार पूरा कर दिओ, इह हुंडी जरूर तर जाए, ते फिर मैं जे काफर होवां तद मैनूं कोई थां ढोई नां देवो। हे रब्बा! बिगड़ी मैथीं तुसी संवार दिओ, तेरा जू होइआ, आप दे नाम बिरद दी खातर मेरी रख्ख विखावो॥

हे रब्बा! इह संकलप बस्स आखरी है, इह पूरण होवे तद मैं सदा आप दी चरण धूड़ विच्च निवास करांगा, इउं ही सारी उमर लंघ गई। रब्ब नें हर वेले सभ कुछ कीता। शरम, शान, इज़्ज़त, सभ कुछ हत्थ दे रख्खिआ, पाप बखशे गुनाहां उप्पर परदे पाए। दुशमनां नूं टालिआ, दुख्खां नूं परे कीता, रब्ब नें सभ कुछ कीता, जो कीता रब्ब नें कीता। मैं पामर पासों कुछ वी नां हो सक्किआ। सारी उमर पिछ्छों उह कुत्ते दा कुत्ता, उहो ही भुख्ख टुकड़ दी, उहो ही भुख्ख भोग दी, उह ही लालसा चोरी दी, यारी दी, उहो ही आदतां, आपनूं वड्डा, दूजे नूं नीवां समझण दीआं, उहो ही जो कुछ पहिले दिन, जद थीं सवरग थीं उथान सी, हुण तक है । हुण अज जद इह लिख रिहा हां, शाम दा वेला है, मींह आपणा तेज़ छड़ाका दे के हटिआ है । काले बद्दल हाले असमान विच्च फिर रहे हन ते सूरज नें पछ्छम विच्च इंनी गूहड़ी लाली दी छटा कीती है कि अख वेखके हैरान है कि इक दुनीआं विच्च किस तरां लाल गुलाबां दे खिड़े फुल्लां दे हहड़ आ गए । सोहणी एकांत है, एकांत नहीं बदल हन। नहाते धोते ब्रिछ कोई कोई इउं खड़े हन जिवें क्रिसान आपणे खेतां विच्च कंम कर रहे हन । अनेकां घाह दे बूटे आपणे प्रापत फुल्लां नूं हवा विच्च उछाल रहे हन॥

सूरज नें आपणे लाल फुलवाड़ी दी महिमा बड़े उच्ची सुर दे राग दी तरां इक अलाप रूप विच्च सजाई है । इह एकांत नहीं, बड़ी गहिमा गहिम है ते इह सभ कुछ वेख के मैं किहा-हे मन जी! तुसी जे उच्चे उपदेश करण चहड़हण दी अज वी मत्त दिंदे सौ । इह दस्सो सूरज ते आपणे दिल दे पोसत वरगे लाल फुल्लां नाल अकाश सुहणप्प नाल भर देवे अर मेरे पास अज इक कंवल वी खिलिआ नां होवे, मेरे दिल दे मंदर दा दीवा भी बुझिआ होवे मैनूं संकलप उठ्ठण कि चलो उपदेश करीए, भावें आप एकांत इस वल्लों नूं इकांत मंनदे इक वहिम जिहे विच्च आपणे दिल नूं मित्रां दे मिलण गिलण दे शोक विच्च होवां ॥

ओह ओहो ! इह वी आपदा संकलप ही है, मैं निकारा की ते उपदेश की ? पत्थर किथे ते हीरा बादशाहां दे ताजां विच्च लग्गण वाला किथे ? ओह मैं, जिहड़ा किसी नाल इक मिठ्ठी सरल-सादा मित्रता नाल नां निभ सकिआ ! सदा आपणे सुख लई दूजिआं नूं दुख्ख दिंदा रिहा, आपणे वहिम मगर लग्ग के दूजिआं दी आज़ादी खोंहदा रिहा, मैं जे आप थीं बचके हुण वी बचसां तद ओह सच्चा पातशाह माफ कर देवेगा, उथे तां सदा मिहरां बखशशां बखशशां ही हन, गल्ल इंनी ही है कि : -

संकल5 चंगे बुरे अंदर दे मंदर सवरगां थीं मल्लो-मल्ली उथान करदे हन बाहर लिआ सुट्टदे हन, ते बस किरकट दी खेड वाली गल्ल है कि सजनां सैटर थीं जरा बाहर होया ते मोया। इउं सारी उमर मर मर के वी हाले जिंदगी दी सोझी नहीं होई, रब्ब पास खड़ा है ते हौथ विच्च ताकत नहीं कि आपणा बूहा ही चा खोहलां । जीभ हिलदी नहीं, कि आखां आओ इस निमाणी झुगी ढठ्ठी, बेहाल होई झुग्गी विच्च चरण पाओ ॥

सो है भावें बुढेपे दी गल्ल, पर सच्च इह है कि बैल बणीए पंजाली पाईए । हूं वी द दा हूं, जिधर खसम दी रजा उधर हालीआं हल वाहणा ॥

मन जी ! आप वी निस्सल हो बहि जाओ । इह घोड़ दौड़ छड्डो, बलद दे रूप विच जीवन है, बाकी तां निरी मौत जे । जिहड़ी खुशी है ओह पीड़ा है, जिहड़ी कामयाबी है ओह सच्च थीं विछोड़ा है । जिहड़ी तरक्की है, ओह हीरा रूह दा मुड़ पत्थर हो जाणा है ॥

सच्च पुछ्छो, तद किस करके आप सदा अनेक रंग दे फंग मेरी पगड़ी उत्ते लटकांदे रहे हो। अंदर वड़ के अज तक्किआ जे। दिल विच्च इक कली वी खिड़ी होई नहीं, की इह जीवन है ?

फुल्लां दे गीत गाउणे ते आपणे अंदर दे नंदन बण विच्च शूनय होणे, बस्स हुण मोइआं नूं किउं छेड़दे हो । अज 49 साल विच्चों 12 साल या 15 साल कढ्ढ दिओ । 35 साल जे संकलपां दे मगर लग्गिआं कुछ नहीं बणिआ, जे बणिआ है तद उनहां ही विगाड़िआ है । किसे नाल आखर नां निभी, की बणिआ, सो हुण मर जाओ मते मर के कुछ सिध्ध होवे । सिध्ध नां होवे हुण अगों खेह तां नां छाणीए, घट्टा तां मूंह ते नां पवे, सूरज नूं तक्कीए, चंन नाल हस्सीए, मते साडे दिल दा चंन आप ही चहड़ पवे, साडी वी ईद दा दिन आवे ते ओह मौत सुभागी होवे जे शरीर दे तुड़ण उत्ते आपणे गुंमे सवरग नूं मुड़ प्रापत हो सक्कीए ॥