(मैं इह कहाणी लैफ़कैडीओ हैरन दे लेखां विच्चों संकलित कीती है-पूरण सिंघ)

हर इक देश विच्च आपणे आपणे तरज़ दीआं चंगिआईआं ते बुरिआईआं हुंदीआं हन सभ इस तरां दीआं चीज़ां जड़ां वालीआं हुंदीआं हन ते असी उनां दा उप्पर दा फैलाओ वेख के मंदा चंगा नहीं कहि सक्कदे।जिहड़ीआं असी सदीआं तक चंगिआईआं मंनदे आए हां, मुमकिन हो सक्कदा है, कि उहदीआं डूंघीआं जहड़ां बुरिआईआं वालीआं होण ते जिनहां नूं असी सतह ते बुरा कहिंदे हां, उह अंदरों जड़ां विच्च चंगिआईआं होण। जीवन इक असगाह खेड है। पता नहीं कौण किस तरां आपणे असले नूं अप्पड़दा है? गुलाम रख्खण दा रवाज जड़ां विच्च किंना अदैवी सी, पर सतह उप्पर गुलामां दे ओह ओह गुण वेखे, कि आदमी कहिंदा है, गुलामी रहिंदी है तां अछा सी। मरजीना अली बाबा दी गुलाम किस तरां मालक दी वफादारी दे गुण नूं सारे मनुख्ख इतिहास विच्च मूरती मान करदी है। जद आदमी कुछ नां कर सके, मन दी ताकत लाण दी थां नां होवे, पिआरिआं नूं पालणा है, निरा मौका टुक्कड़ देणा है, ओह वी नहीं मिलदा, तद मैं आप कई वेरी तीब्र इछ्छा कीती है, कि काश गुलामी हुंदी ते मैं आपणे आप नूं वेच के पिआरिआं दी सेवा कर सक्कदा, शरीर दे मास दा मुल्ल तां पैंदा जे मन दे गुणां दा गाहक कोई नां निकलिआ ॥

पुराणे ज़मानिआं विच्च जापान दीआं नाइकां नच्चण वालीआं बालीआं अज कल दी गैशा वांग नहीं सन, उनहां दे दिल पत्थर नहीं सन, ओह बड़ीआं सोहणीआं हुंदीआं सन ते उनां दे हत्थ विच्च सोने दे पिआले हुंदे सन ते उनहां दा पहिरावा रेशम गोटे कनारी वाला सी ते बादशाह ते शाहज़ादिआं दे महिलां विच्च ओह तलवार नंगी दा नाच करदीआं सन, ते उनहां दी आवाज़ खास साधनां नाल शराब दी सुराही दे कुल कुल वांग मिठ्ठी ते बारीक ते भरवीं कीती जांदी सी। कहिंदे हन, सिआले दी ठंढ विच्च धुर छत्त निक्कीआं निक्कीआं 12, 13 सालां दी कुड़ीआं नूं सवेर सार गाणा सिखाइआ जांदा सी, गा गा के उनां दे हत्थां पैरां विच्चों सरदी नाल लहु फुट्ट पैंदा सी ते गला बंद हो जांदा सी, ते इउं कई चिर गला बंद रहि रहि के बहि बहि के ताकत पकड़दा सी, ते इहो जिही इक नाइका दी, जीवन कथा जापान दे साहित विच्च आउंदी है॥

हाले रेलां तारां नहीं सन, ते जापान दे नवें ते जवान चित्रकारां दी, रसिक किरत, आरट दे साधन ते अभयास दा इक अंग हुंदा सी, कि ओह पैदल सारे देश दा रटन करन। परबत वेखण, दरिया वेखण, मंदरां दी यात्रा करन ते आपणी सुरति नूं इउं सोहणीआं छबीआं नाल भरन। इउं बड़ा चिर होया है, कि इक जवान आरटिसट कऊटो शहिर थीं यिदो या टोकयो वल यात्रा नूं चल्लिआ, ते जापान दी धरती निक्के निक्के पहाड़ां दीआं चोटीआं नाल भरी पई है ते चोटीआं दे पासिआं ते बांस चीलां दे ब्रिछ्छ झुरमट पा रहे हन, ते झोने दे लहिरांदे खेत इक उप्पर दूजा, उच्चे नीवें थड़िआं वांग लहिरा रहे हन ते विच्च वड्डीआं वड्डीआं पीलीआं टोकरीआं जिहीआं सिर ते रखीआं जापान दे क्रिसान जमीन दे गंद मंद चिक्कड़ विच्च खड़े फसलां नूं खसमा रहे हन। परबतां दे सिर उप्पर या कुख्खां विच्च घाह दे छत्तां वाले क्रिसानां दे घर ते गरां वस्स रहे हन। सोहणीआं थावां ते एकांतां विच्च मंदर बणे हन। हर थां बुध्ध दे बुत्त मंद मंद हस्स रहे हन ते असीसां दे रहे हन, तां वी जद साडा नवां गभ्भरू चित्रकार यात्रे चहड़िआ ते हुण वी उसी तरां मुलक दी कांया ते नकशा ते रंग ओहो ही है। इह नौजवान सुख दा गोला नहीं सी, इसने शरीर नूं कमाइआ होइआ सी ते दुख सहारण दा आदी सी, पर भावें ओह बड़ा चालड़ सी, भावें बड़ी ततिखया वाला यातरू सी, फिर वी कदी कदांई कोई अग्गे नां डिठ्ठी, ओड़क इहो जिहे सफरां विच्च आण बणदी है। सूरज डुब्ब गिआ है ते साडा नौजवान इक पहाड़ी दी चोटी उप्पर आपणा राह तक्क रिहा है, पैंडा घट करन लई ओह हिठांह वादी विच्च जा के दूजी चोटी उप्पर चहड़दा है ते हनेरा पै चुक्का है ते जंगल विच्च उस नूं राह भुल्ल गिआ है।जांदिआं जांदिआं रात वेले इक नदी मिली पर ओह इंनी तेज़ सी कि उसदे पार, जा नहीं सी सकदा । मुड़ बिना किसी राह दे बूटे बूटीआं दीआं जहड़ां पत्ते फड़दा इक पहाड़ दी चोटी ते चहड़िआ, शाइद कोई दीवा दिस्से, कोई सेध लभ्भे, चंन सी नहीं ते चीलां दे ब्रिछां नें होर वी हनेरा काला कर दित्ता सी। हार के ब्रिछ दे हेठ रात गुजारन दी कीती, बैठा ही सी, कि दूर इक मध्धम जिही पीली जिही रोशनी दिसी । समझिआ शाइद किसी क्रिसान दा घर है ते उथे दीवा बल रिहा है, हिंमत करके ओसदी, सेध ते गिआ । अध्धी रात दे नेड़े समा अप्पड़ पिआ होइआ सी, कि ओह उस कख्खां दी झुगी दे दरवाजे ते पहुता, वड्डे दरवाजे जिहड़े पहाड़ दी चोटी ते तेज तुफानी हवावां नूं रोकण लई हुंदे हन, बंद सन, ते झीतां विच्चों अंदरों बलदे दीवे दी पीली रोशनी झर रही सी, बूहा कई वेरी खड़काइआ, अंदरों कोई सुर सर नहीं आई। कई वेरी मुड़ ज़ोर नाल खड़काण ते अंदरों इक कोमल सुर दी तीवीं दी आवाज आई, जिहड़ी पुछ्छदी है कि खड़काण वाले नूं की लोड़ है ? नौजवान चित्रकार बझक रहि गिआ, आवाज़ बड़ी मधुर सी,इंनी मधुर बिना सिखाए दे हो नहीं सकदी, ते बोली भी पेंडू नहीं सी, निहाइत शुसता दारुलखलाफे दी रईसी बोली सी। ''मैं हां इक विदयारथी परबतां विच्च रसता भुल्ल बैठा हां ते जे हो सके तद रात दा बसेरा ते भिछ्छा मंगदा हां, ते जे नां मिल सके ते किसी नज़दीक पिंड दा राह दस्सिआ जावे" अंदर थीं आवाज़ आई ''पर इधर तां किसी पिंड दा राह ही नहीं, आप किस तरां भुल्ल गए ?" उस नें किहा :-

"मैं तां वाकफ नहीं। मैं जाता, पैंडा थोहड़ा होऊ, जे इस परबत थीं दूजे परबत नूं सिध्धा लै लवां पर इस यतन विच्च मेरा पैंडा लंमा ते नामुमकन हो गिआ है"॥

"पर आप जिस सेधे आए हो, उस सेधे इथे अप्पड़ ही नहीं सी सक्कदे॥

"ठीक है, पर सेधां सारीआं इस हनेरे विच्च मिस गईआं। ओस नदी ते अप्पड़िआ ते पार लंघ ही नहीं सी सक्कदा, सो मजबूरन इस परबत ते चहड़िआ ते पूरब दा पछ्छम ते पछ्छम दा उत्तर भौंदा फिरदा हां॥"

अंदर वस्सण वाली दी निशा हो गई, कि भुल्लिआ होइआ कोई अनजाण विदयारथी है। "अछ्छा, मैं हुणे आई" ते नाले किहा "हुण आप किसी पिंड अप्पड़ नहीं सक्कदे ते नाले रसता बिखड़ा ते खतरनाक है"। थोहड़े चिर पिछ्छों इक कागत दी लालटैण हत्थ विच्च लई इक प्रिभजोत सवाणी आई ओस वड्डा तूफानी बूहा खोहलिआ ते लालटैण उच्ची करके अजनबी महिमान दे चेहरे नूं तक्कण दी कीती। उहदा आपणा चिहरा लालटैण दे हनेरे पिछ्छे छुपिआ रिहा। आप नें उहनूं चंगी तरां गौह नाल तक्किआ, ते सही कीता कि इस विच्च धोखा कोई नहीं॥

"अछ्छा ज़रा ठहिरो, मैं हुणे ही हत्थ पैर धोण लई जल लिआउंदी हां" ओस किहा ते अंदर लगी गई, तौलीआ ते चिलमची ते पाणी लिआई ते महिमान नूं किहा आप हत्थ पैर धो लवो।।

आरटिसट नें कख्खां दीआं चपलीआं लाहीआं, हत्थ पैर सुचेत कीते ते अंदर गिआ, अंदर इक निहाइत ही सुथरा सादा कमरा ओस नूं उस प्रिभजोत सवाणी नें ओहदे रात दे आराम करन लई दस्सिआ। सारा तकरीबन घर ही इहो कमरा सी, पछोकड़ निक्की जिही नाल लग्गदी रसोई सी, ते रजाई ते अग्ग सेकण लई आप नूं उस सवाणी नें दित्ती, जद उह इह आउभागत कर रही सी, इस नौजवान नूं ओहनूं चंगी तरां वेखण दा अवसर मिलिआ, इहदे नैन उहदे विच्च गड्डे रहे॥

की वेखदा है? कि ओहदी मीजबान इक अती सोहणी परी नकश सवाणी है ते उहदी चाल, बैठक ऊठक बड़ी ही नाज़क ते दिल लुभाण वाली है, उहदी उमर उस कोलों शाइद ही 3 या 4 साल वड्डी होवे पर उह बड़ी जवान ते जवानी दे पूरे जोबनां विच्च है। जद इउं उह वेख रिहा सी, तद उह सवाणी बड़ी मिठ्ठी अवाज़ नाल उहनूं कहिंदी है, "मैं हुण अकल्ली हां, ते मैं निमाणी इस कुटीआ विच्च महिमानां दे स੍वागत करन दे असमरथ हां पर अज राती मैनूं निसचा हो गिआ है, कि आप लई इथों किधरे ओधर जाणा ख़तरनाक है। इस पासे कई इक क्रिसान रहिंदे हन पर इस वकत आप उनहां पास अप्पर नहीं सक्कदे, नां आप नूं बिना राह दस्सण वाले दी मदद दे रसता ही लभ्भ सक्कदा है। सो इस करके मैं आपनूं स੍वागत कीता है, आप नूं आराम तां पूरा इथे मिल नहीं सक्कदा, पर मैं आप नूं इक बिसत्रा दे सक्कदी हां ते आप मेरी जाचे भुख्खे भी हो, सो इह लवो नबाताती बुध्ध भिख्खिआ दा भख्खण, थोहड़ा जिहा है शाइद आप दा गुजारा रात लई माड़ा मोटा हो जाए, पर आप अज रात इथे हर तरां 'जी आए' हो॥

यातरू भुख्खा सी, सवाणी नें झट पट चुप्प चाप आलू कचालू साग आदि भुंन भंन के ते इक पिआला उबले चावलां दा आप दे अग्गे धरिआ, ते निमाणी रोटी दी बड़ीआं माफीआं मंगीआं पर फिर ओह कुछ नां बोली ते जिंना चिर ओह रोटी खांदा रिहा ओसदे दिल विच्च खोह पैंदी सी कि हाइ इह सवाणी इंनी चुप्प ते उदास किउं है? ते जद ओस कोई गल्ल पुछ्छी इस करके कि गल्ल बात अरंभ होवे सवाणी या जराकु हस छड्डदी या सिर नीवां पा के हां नां कर दिंदी सी। फिर ओह वी चुप्प हो गिआ, ते इतने चिर विच्च तक्क लीता सी, कि ओह छोटा घर बिलकुल बेदाग सफा सी, ते ओहदे बरतन जिवें हुणे बणे हन। थोड़ीआं जिहीआं चीज़ां जो अग्गे पिछ्छे पईआं सन, बड़ीआं ही सोहणीआं ते मूंहों बोलदीआं सन। कविता ते आरट दे संबंध दीआं चीज़ां ते चीनी बोली दे कावय मंत्र लिखे लटक रहे सन, मकान ते इक किनारे इक चौकी सी ते उस उप्पर इक मंदर दी शकल दी दो दरवाज़िआं वाला निक्का मंदर खिडावणा जिहा सी, ते दोवें निक्के दरवाजे खुल्हे होए सन ते उसदे साहमणे इक निक्का जिहा दीवा जगाइआ होइआ सी, ते फुल्लां दा सेहरा लटकाइआ होइआ सी। इह शाइद ओह घर दा आला जिहा सी जिस विच्च किसे गुजर गए मित्र दीआं निशानीआं रख्खदे हन, ते इस घर दे शिवाले उप्पर इक बड़ी ही सुंदर मिहर दी देवी दी तसवीर सी, जिस आपणे केसां विच्च पूरा चंन लटकाइआ होइआ सी। जद विदयारथी रोटी खा चुक्का तां सवाणी कहिंदी है, "मैं आप नूं चंगा बिसत्रा नहीं दे सकदी ते बस्स इह इक्को ही कागत दी बणी मछ्छरदानी है। इह बिसत्रा ते इह मछ्छरदानी मेरी आपणी है, पर अज रात मैनूं कई इक कंम करने हन ते मैनूं सौण लई कोई अवसर नहीं मिलेगा,इस लई आप इनहां दोहां चीजां नूं वरत सक्कदे हो, ते हुण मैं आप दी मिंनत करदी हां, कि आप आराम करो, भावें मैं निमाणी पासों आप नूं अराम देण दे काफी सामान पूरे नहीं हो सक्के" ॥

पर नौजवान आरटिसट समझ गिआ सी, कि उस अकल्ली सवाणी पास इको ही बिसत्रा है अर ओह आपणा बिसत्रा उहनूं इक मेहरबानी करके दिंदी है, ते आप जगराता करन दा दयावान बहाना करदी है । इह देखके ओस किहा, "जी ! मैं तां भुंञे ही सैं सकदा हां ते मैनूं मछ्छरां दा कोई डर नहीं, आप नूं की ऐसा कंम है जो आप रात सौणा नहीं चाहुंदे ? मैनूं आपदी इंनी खेचल, मेरी खातर करना चंगा नहीं लग्गदा ते मेरे पर मिहरबानी करो ते मैनूं भुंञे ही पै जाण दिओ, मेरा रूह आप दी इंनी दया बरदाशत नहीं कर सक्कदा॥"

"जो मैं कहिंदी हां, ओह आप नूं मंनणा पवेगा, दर हकीकत मैनूं कंम है ते मैं अज रात नहीं सैणा"। इह लफज़ इक वड्डी भैण दी हैसीअत विच्च ऐसे पिआर ते ऐसे दाहवे नाल उसने कहे, जो इस नौजवान नूं सिर झुका के मंनणे पए ते "आखिआ कि इह उचित है, कि आप मैनूं जो बंदोबसत मैं चाहां, उह आपणे महिमान लई करन दी आगिआ देवोगे इस बंदोबसत विच्च आप दा दखल देणा वाजब नहीं॥"

नौजवान चुप्प हो गिआ, किउंकि सैण वासते कमरा वी इको सी, उसने आपणी तुलाई लिआ के फरश उप्पर विछा दित्ती ते रजाई रख्ख दित्ती॥

इक लक्कड़ी दा सिरहाणा वी लिआ दित्ता ते कमरे दे उस पासे, जिस पासे ओह घर दा निक्का जिहा मंदर पिआ होइआ सी, उस अग्गे इक सक्रीन (परदा) खड़ी कर दित्ती, ओहदा पासा वख्खरा इउं कर दित्ता ते आखिआ कि हुण आप थक्के हो ब्राज जाओ ते सैं जाओ, इह इछ्छिआ इस तरां प्रगट कीती कि उह दरहकीकत ओहनूं सैं जाण दा हुकम दे रही है, ता कि ओह उहदे रात दे कंमां विच्च किसी तरां दा दखल दे नां सक्के॥

नौजवान बिसत्रे विच्च वड़ गिआ,भावें उहदा रूह दुखी सी, किस तरां सवाणी नें आपणा बिसत्रा ओहनूं दे दित्ता, तां वी लेटदे सार सैं गिआ, बहुत थक्का होइआ सी॥

पर थोहड़ा चिर ही सुत्ता होणा है, कि इक अनोखी जिही अवाज़ नें ओहनूं जगा दित्ता ते उह अचंभा होके सुनण लग्ग पिआ, कि अवाज की है ते कित्थों आ रही है? अवाज़ पैरां दी सी, पर पैर चल्ल नहीं रहे कोई आ जा नहीं रिहा। इउं जापे, जिवें कोई घबराहट विच्च तिख्खे तिख्खे पैर रख्ख रिहा है, सोचिआ कि शाइद घर विच्च चोर नां आ वड़े होण, उस नूं आपणे लई तां कोई डर नां लग्गा, किउंकि ओस पास लुटे जाण नूं सी ही कुछ नहीं, पर सवाणी दी खातर कुछ भै भीत होइआ मछ्छरदानी विच्च इक लक्कड़ी दी जाली जिही नाल भरिआ सुराख सी, उसदी रांही देखण लग्गा पर अग्गे ओह परदा सी कुछ वेख नां सकिआ, जो हो रिहा सी सकरीन दे पिछ्छे हो रिहा सी। उस नें उच्चा रौला पाण दी सोची, पर फिर सोचिआ कि जद तक सारी गल्ल दा पता नां लग्गे, सवाणी दी जान दी रछ्छिआ इस विच्च है कि उह उच्चा नां बोले।पर ओह अवाज़ जिहड़ी सुणाई दे रही सी बराबर जारी रही ते होर वध उसदी हैरानी वधदी गई। आखर रहि नां सकिआ, जो कुछ होवे उह उठ्ठ के वेखेगा, कि किस तरां ओह आपणी दयावान मालका दी जान दी हिफ़ाज़त कर सक्कदा है जलदी नाल कप्पड़े पाके, ओस मछ्छरदानी विच्चों निकलके, ओस सकरीन तक बिना खड़ाक कीते दे जा अप्पड़िआ ते झाती पा के वेखिआ। जो ओस वेखिआ उसने ओहनूं बड़ा अचरज कीता॥

की सी? ओहो ही प्रभजोत सवाणी, बड़े ही सोहणे गोटे कनारी वाले कप्पड़े पाए उस मंदर जिहे अग्गे इक अचरज न्रितय कर रही है। ओह सवाणी आप इक अमुल्ल नाच नच्च रही है, पुशाक उस सिहाण लई कि नित करन वाली नाइका दी ही है, पर इहो जिही कीमती पुशाक ओस अग्गे कदी नहीं वेखी सी, ते बड़ीआं नाइकां दे नाच देखे सन पर इहो जिहा नां नाच, नां रंग, नां रस किधरे वेखिआ सी। अजीब घड़ी सी, ओह आपणे नाच विच्च लीन है अर इह आपणी अख्ख किधरे उप्पर उठा नहीं सकदा, इहदा रूह ओथे बझ्झ गिआ। पहिलां तां पुराणे जापान दे वहिम जिहे ओहनूं डराण लग्गे, कि शाइद इह कोई भूत प्रेत ही नां होवे, पर बुध्ध दा उह निक्का जिहा घर दा मंदर वेख के ओहनूं तसल्ली होई, कि ऐसी पाक हज़ूरी विच्च कोई ऐर गैर आ नहीं सक्कदा। नाले ओहनूं इह वी खिआल होइआ, कि इह उस राज़ नूं वेख रिहा है जिहदी आगिआ नहीं सी कि ओह वेखो, पर उस नाच ते रस ते चुप्प राग दा असर उस उप्पर होर डूंघा! हुंदा गिआ ते ओह ओथों हिल्लण जोगा ही नां रिहा,ओह वी वेखण विच्च बस्स अख्खां ही हो गिआ। अचाणचक्क उस सवाणी नें जद नाच बंद कीता, आपणी पिशवाज़ उतारी ते ओहनूं देख के ओह बड़ी चौकी ते उस वल्ल घूर के देखण लग्ग पई॥

नौजवान नें झट माफी मंगण दी कीती। ओस जो बीतिआ सी, सो कहि सुणाइआ, किस तरां इस सोहणे ते अचंभा करन वाले खड़ाक नें ओहदी नींदर खोहली। ओह किउं नां चिल्लाइआ ते चुपके उठ्ठ के सकरीन वल आइआ ते फिर उस रस मगनता विच्च हिल्ल नां सक्किआ॥

"मैनूं तुसी माफ करना, पर हुण मैं पुछ्छे बिना रहि नहीं सकदा, कि आप कौण हो अर आपदी कहाणी की है ? आप इस सारे मुलक विच्च मेरी जाचे अदुती नितय दी मलका हो ते आप इत्थे किस तरां आए, सच्च तां इह है कि मैं दारुलखिलाफे दे सभ चोणवीआं नच्चण वालीआं विच्च आपदे उनर दा मुकाबला करन वाली कोई नहीं डिठ्ठी॥"

पहिलां तां सवाणी गुसे ही सी, पर जद ओह इह कहिके माफी मंग के चुप्प होइआ, तद उहदे मूंह ते वी मुड़ अनाइत आई, आप हस्स के ओहदे कोल ही ओथे बहि गई, कहिण लग्गी "नहीं! मैं तेरे पर ख़फा नहीं, पर मैनूं मंदा जरूर लग्गा है, कि आप नें, मैनूं नच्चदिआं किउं वेखिआ आप नूं मैं तां पागल जिही लग्गी होवांगी कि आप-मुहारी कल मुकल्ली नच्चण लग्ग पई हां, हुण आप नूं इस सारी गल्ल दा भेत दस्सणा ही पिआ मेरी कहाणी इंनी ही है, कि मैं ओह नाइका हां इह नाम मशहूर सी ते नौजवान नूं वी इहदे नाम दी शुहरत दा पता सी, किउंकि ओह सारे मुलक विच्च हर दिल नूं मोहित करन वाली नाच बालिका सी "मैं जद आपणे पूरे जोबन विच्च सी ते मेरा उनर विखयात सी, मेरे रूह नूं इक नौजवान नें मोहिआ, मैं उस नाल सभ शुहरत राज, भाग, सुख, महिल छोड़ के नस्स आई, भावें मेरे पिआरे पास कोई धन नहीं सी पर साडे पास काफी सी, आपणे गरीबी विच्च-पर पिआर विच्च-जीण नूं। ओह पिआरा मेरा बड़ा खुश हुंदा सी, जद मैं उहदे साहमणे नच्चदी सां, इस घर विच्च ते इस एकांत विच्च, कुछ इक चिर असी दोवें इक दूजे लई जींदे सां। साडा सारा जगत इक दूजे लई असी आप सां। ओह मैनूं पिआरदा नहीं सी, मैनूं पूजदा सी, अर बेहद्द ओहदा पिआर सी। मैं निमाणी किस जोग सां, मैनूं इंना पता सी, कि मेरा नाच ओहनूं रीझांदा सी। सो मैं ओहनूं रीझाण दी करदी सां। हर शाम ओह कोई नां कोई सुर राग दी छेड़दा सी ते मैं उस सुर उप्पर नच्चदी सां। इक दूजे नूं असी तक तक जींंदे सां, पर इक सिआले कुछ चिर ही होइआ है, कि आप नूं सद्दा आ गिआ, मैं जिंनी वाह लग्गी सेवा कीती पर मेरी भुड़ी विअरथ गई, आप सदा लई मैथों जुदा हो गए।।"

नौजवान समझ गिआ, कि हुण इह अज रात दा नाच गुजर गए पिआरे नूं रीझाण दा तरला सी, ते ओह बुध्ध दा निक्का जिहा मंदर ओहदी याद विच्च रचिआ होइआ है, उस विच्च ओस पिआरे दा नाम ते कुछ उहदीआं चीज़ां रख्खीआं होईआं हन ते उसदी याद विच्च इह इक तरां दा पिआर शराध सी, जिहड़ा ओसने इस तरां वेखिआ॥

सवाणी नें चाह बणाई, अर दोहां पीती ते फिर उसने किहा, कि हुण आप सौं जाओ॥

नौजवान नें किहा "आप मैनूं माफी देणा, कि मैं इस तरां आपदे मतबर्रक नाच नूं वेखण लई मजबूर होइआ।" ओह कहिण लग्गी "नहीं, सगों आप नें माफी देणी, कि मैंने आप दी नींदर उकताई। पहिलां तां मैं उडीक करदी रही, जद आप घूक सैं गए से, तद मैं बिना बाहले खड़ाक दे आरंभ कीती सी, पर आप नूं विखेपता होई है॥"

इउं माफीआं मंगदा ओह मजबूरन मुड़ कागज दी मछ्छरदानी हेठ जा लेटिआ ते खूब सैं गिआ, दिन काफी चहड़ आइआ सी, जद ओह सवेरे जागिआ, जद उह उठ्ठिआ, तां जिस तरां राती इक सादा जिहा भोजन ओस लई बणाइआ सी, उसी तरां दा सादा भोजन सवाणी नें बणाके तिआर कीता सी, ते आप दे अग्गे बड़ी खातर ते आजज़ी नाल रख्खिआ, राती तां ओह भुख्खा सी, बिना सोचे खा गिआ सी, पर सवेरे उसनूं सोच आई कि शाइद आप ओह राती भुख्खी ही रही है ते होवे नां होवे, कि हुण वी ओह उसदे हिस्से नूं खा नां जावे, उस बड़ा थोड़ा खा के विदिआ होण दी कीती॥

पर जद ओस खीसे विच्च हत्थ पाए, कि कुछ उस दी सेवा ते रोटी आदि लई भेटा कर जावे, तद सवाणी बोली "जो कुछ मैं आप नूं दे सक्कदी हां, ओह किसी लाइक नहीं ते जो वी सी, तद ओह मैं आप पर तरस खा के कीता है, उसदा मुल्ल देणा आप नूं उचित नहीं। सो मेरी इंनी ही प्रारथना है, कि आप नूं जो तकलीफ इत्थे रात रहिण विच्च होई होवे, ओहदी खिमा बखशणी ते निरा इह चेते रख्खोगे, कि आप नूं इक ऐसी निमाणी दी कुल्ली विच्च रहिणा पिआ, ते मेरे पास सिवाए पिआर ते शुभ संकलप दे होर देण जोगा कुछ नहीं सी।" उसने फिर वी कोशिश कीती, कि कुछ भेट ओह दे सक्के पर जद तक्किआ कि ओहदे जतन नाल उहदा सोहणा पर उदास चिहरा दुखित हो रिहा है, तद उस इह गल्ल छड्ड दित्ती ते बड़े नरम दरद भरे शबदां विच्च विदा लई। उहदे दिल विच्च उहदा सुहणप्प ते ओहदी उदासी दोवें खुॅ्ॅभ रहे सन ते उहदे दुख्ख दी पीड़ा उस नूं भी हो रही सी॥

सवाणी नें ओहनूं राह दस्सिआ ते बड़ा चिर खलो के देखदी रही, जद तक पहाड़ थीं उतरके ओह ओहले नहीं हो गिआ सी॥

इक घंटे दे बाद उसनूं ओह शाह राह-जिस उप्पर ओह कल्ल आ रिहा सी-मिल गिआ, पर इत्थे अप्पड़के सखत मंदा लग्गा सू, कि हाए "मैं आपणा नाम भी उसनूं दस्स नां आया'' थोड़ा चिर दो दिलीआं विच्च पिआ रिहा, पर फिर कहिण लग्गा "की होइआ, मेरे नाम दा की प्रयोजन है? मैं तां सदा इउं ही गरीब रहिणा है, मैं ओहदी की मदद कर सक्कदा हां, गरीबां दे नाम दस्से नां दस्से इको गल्ल है", इउं आपणे मन दा समझौता करके राह पै गिआ॥

इह नौजवान आरटिसट समां पा के बड़ा विखयात चित्रकार होइआ ते बादशाहां दे शहिर दा नगीना सी। शाहज़ादे इक दूजे नाल इस चित्रकार नूं सतिकारन ते वडिआन विच्च रीस करदे सन ते इस पास धन अमेणवां आ गिआ। दारुलखिलाफे विच्च इक बड़े आलीशान महिल विच्च इह रहिंदा सी, पर हुण बड़ा हो चुक्का सी, सारे मुलक दे नौजवान आरटिसट इस दे आके शागिरद बणदे सन ते इस पास रहिंदे सन, ते इहदे गुलामां वांग इसदा हुकम मंनदे सन, सारी, वलाइत विच्च बस इक इह अदुती चित्रकार सी॥

इक दिन इसदे दरवाजे ते इक बुढ्ढी जिही जनानी आई ते दवारपालां नूं कहिण लग्गी, मैं चित्त्रकार नूं मिलणा है, दवारपालां नें देखिआ इक मंगती जिही छज्ज छज्ज लीरां लमकदी रुलदी खुलदी कोई है, सो उनहां प्रवाह नां कीती ते ओहनूं आखण लग्गे तूं किस लई मालक नूं मिलणा चाहुंदी है, ते ओह उत्तर दिंदी सी "मेरा कंम आप नाल ही हैं, तुसांनूं दस्स नहीं सक्कदी ते इउं ओह ओहनूं टाल दिंदे सन ते कई वेरी इह कहिके टाल दिंदे सन, कि ओह शहिर विच्च ही नहीं, बाहर गिआ होइआ है॥

ओह बुढ्ढी मुड़ आउंदी सी ते हर वेरी ओहनूं कोई नां कोई कूड़ बोल के टाल दित्ता जांदा सी। "अज ओह वल्ल नहीं" "अज्ज ओह बड़ा रुझ्झा होइआ है" "अज बड़े महिमान आए होए हन, मिल नहीं सक्कीदा" पर ओह बुढ्ढी आउंदी ही रही, ओस वी पिछ्छा नां छड्डिआ, ते हर रोज ठीक ओसे वेले आउंदी सी ते उहदी कमर ते निक्का जिहा बझ्झा होइआ बुचका हुंदा सी। आखरकार नौकरां नूं वी तरस आइआ ते उनहां जाके आपणे मालक नूं किहा "जनाब! अज किंने चिरां थीं इक बुढ्ढी रोज ठीक ओसे वकत आप नूं मिलण आउंदी है, असां गरीब मंगती समझके कई चिरां थीं टालिआ है, पर ओह आपदे मिले बगैर नहीं रहेगी ते ओह कहिंदी है, कि जो गल्ल ओस करनी है, आप नाल करनी है, सानूं कुछ नहीं दस्सदी, जे ओह फिर आवे तां आप दा की हुकम है ?" "तुसां पहिले इस बाबत मैनूं किउं नहीं आ के दस्सिआ?" ते इह कहिके आप उठके दरवाजिओं बाहर जा के ओस बुढ्ढी नूं बड़ी ही मेहरबानी नाल मिलिआ, किउंकि ओहनूं आपणी गरीबी दे दिहाड़े याद सन ते पुछ्छिआ, "की ओसनूं कोई चीज़ लोड़ है? रुपये पैसे कप्पड़े खाणा पीणा कुछ" उस नें उत्तर दित्ता "जी मैनूं होर कुछ लोड़ नहीं, मेरा संकलप है कि आप मैनूं इक चित्र बणा देवो"। उसदी इस कांखया उप्पर चित्त्रकार नूं अचरज होइआ ते उस नूं किहा, कि अंदर आ जाओ ते आपणे नाल सतिकार नाल लै गिआ। बुढ्ढी नें बहि के, साह लैके ओस आपणे बध्धे बुचके दीआं गंढां खोहलीआं ते उस विच्चों इक पुराणी जरजर होई किधरों फटी, किधरों चमकदी गोटे कनारी वाली पुराणे जमाने दी पिशवाज़ कढ्ढी ते बड़े पिआर नाल उहदे वट्टां नूं सिध्धा करन दी कोशश कीती ते जिउं जिउं ओह बुढ्ढी इस पिशवाज़ नूं खोहलदी ते सवारदी सी, तिउं तिउं ओह चित्रकार उसताद नूं अचाणचक्क आपणे जवानी दी यात्रा दा चेता आइआ, ओहदे साहमणे याद नें इक कड़ाका खाधा ते ओहो पहाड़, ओहो रात, ओहो राह भुल्लणा, ओहो दीवे दी मध्धम रौशनी, ओहो उहदा बाहर जा के बूहा ठकोरना, ओहो ओस प्रिभजोत सवाणी दा लालटैण लै के बाहर आउणा, ओह सभ कुछ चेते आ गिआ, नहीं साहमणे प्रतख्ख धिआन विच साखयात उह नज़ारा दिस्स पिआ । उस बुढ्ढी नूं बड़ी ही हैरानी होई, जद यकायक चित्रकार उसताद, जो हुण शाहज़ादिआं ते बादशाहां दा माननीय उसताद सी, उस अग्गे बड़े अदब नाल झुकिआ ते बड़ी आजज़ी नाल हत्थ जोड़के माफी मंगण लग्ग पिआ "मेरी बेअदबी नूं माफ करना, मेरी करखतगी नूं खिमा करना, कि मैं इक खिण दी खिण लई आपदा चेहरा पछाण नहीं सक्किआ,पर मैं वी ते मेरी याद वी की कर सक्कदी सी? इस गल्ल नूं अज चाली साल लंघ गए हन, जद इक दूजे नूं असी मिले सां। हुण मैनूं ठीक याद आ गिआ है, आप नें बड़ी मिठ्ठी क्रिपालता नाल मैनूं आपणा मिहमान कीता सी, मैं तद आपदा नाच तक्किआ सी ते आप नें तदों मैनूं आपणी विथिआ सुणाई सी, आप विखयात ते अदुती नाइका हो ते मैनूं आपदा नाम हुण तक नहीं भुल्ला॥" जद ओस इह गल्ल कही, तद माई नूं कुछ वी चेते नहीं आउंदा है, अवसथा वडेरी हो चुक्की सी, याददाशत काइम नहीं सी, पर जद होर नरमी ते पिआर नाल गल्लां करन लग्गा, ते होर निक्कीआं निक्कीआं गल्लां उस चेते कराईआं तद आखर उसनूं वी चेता आ गिआ ते नैन हंझूआं नाल भर के बोली, ठीक ओह दिवय पुरख, जिहड़ा साडीआं अरदासां सुणदा है, ओस आप मैनूं आपदे घर दा राह दस्सिआ है, पर जद मेरे निमाणे-किसे जोगे नांह घर विच्च आप नें चरण पाए सन-तद मैं इहो निमाणी सां, जो हुण हां। मैनूं इह मालक नाथ बुध्ध दी इक करामात दिस्सदी है, कि आप नूं मैं निमाणी दा वी इउं चेता आ गिआ है, शुकर! शुकर॥

इह कहिके फिर ओस आपणी उस थीं पिछ्छे गुजरी जीवन दी कथा सुणाई। किस तरां गरीबी करके उसनूं ओह परबतां वाला मकान वेचणा पिआ, ते मुड़ इस बादशाहां दे शहिर विच्च, जित्थे इक दिन वड्डी मशहूर सी, वापस औणा पिआ। घर विक जाण दा ओहनूं बड़ा मंदा लग्गा सी ते दुख्ख होइआ सी, पर हुण सभ थीं वड्डा दुख्ख इह है, कि उह उसी तरां आपणे पिआरे दी याद विच्च उस निक्के जिहे बुध्ध दे मंदर अग्गे नाच नहीं कर सक्कदी ते आपणे सुरग गए पिआरे नूं ओस तरां रीझा नहीं सक्कदी ते इस करके ओह चाहुंदी है, कि ओहदी तसवीर ओसे पिशवाज़ विच्च जिहड़ी ओह नाल लिआई है, बण जावे, कि होर नहीं तां ओह आपणी तसवीर ओस पिआरे दी याद दे बुध्ध मंदर दे साहमणे लटका सक्के! उस अरदास कीती सी, कि ओहदा इह संकलप पूरण होवे ते उस देव नें इह प्रेरणा कीती है तां ही उस पास आई है, कि कोई माड़ा चित्रकार सिवाइ उहदे, उस आलीशान रीझ दा चित्र खिच्च ही नहीं सक्कदा। उसताद नें इह सभ विथया बड़ी गहु नाल सुणी ते बड़ी हमदरदी नाल उस नूं रीझाण दी करदा रिहा, ते बोलिआ "जिहड़ी तसवीर आप बनाउणी चाहुंदे हो, उह मैं बड़ी ही खुशी नाल बणावांगा॥ अज मैनूं इक होर चित्र दे पूरा करन दी काहल है ते जे आप कल इस वेले आओ, तद जिस तरां आप चाहोगे ते जो मेरे पासों सो सकिआ मैं करांगा॥

फिर ओह बोली "पर इक गल्ल मैं आप हज़ूर नूं दस्सी नहीं, जिहड़ी गल्ल मैनूं दुखी करदी है ते ओह इह है, कि आपदी इस मेहरबानी लई मेरे पास आप नूं देण लई कुछ है नहीं, सिवाइ इस पुराणी ते पुराणी कतह दी पिशवाज़ दे, ते इनहां दा हुण कोई वी मुल्ल नहीं, भावें किसी वकत इह बहुमुल्ली चीज़ सी ते फिर वी आप हजूर मेरे उप्पर किरपा करके इह तिल फुल्ल लै के मेरे उप्पर दया करोगे ते शाइद आप दे अजाइब घर विच्च इहदी थां इस लई हो जावे, कि हुण नां ओह नच्चण वालीआं रहीआं हन, नां इस तरां दीआं पुशाकां ते पिशवाज़ां, इक अजूबा तां बण ही सक्कदी है॥"

नहीं, नहीं, आप इस मामले ते कोई सोच नां करो, मैनूं तां आप दी निक्की जिही इह सेवा करन विच्च पुराणा ज़माना याद आउंदा है ते आपदा कीता मैं कदी मुका नहीं सक्कदा, सो कल मैं जरूर कंम शुरू करांगा ॥"

इस तिंन वेरी सिर झुका के शुकरगुज़ारी कीती ते किहा "आप हज़ूर मैनूं माफ करना ते मैं इक गल्ल होर वी कहिणा है, उह है, कि मैं इह नहीं चाहुंदी कि आप मेरे अज दी शकल दा ते अज्ज दी पुशाक विच्च चित्र बणाओ, मैं चाहुंदी हां कि मेरे जोबन मत्ती दा ओह रूप, जो आप नें ओस रात वेखिआ सी, ओहो ही बणाओ॥"

उस किहा "ठीक मैनूं उह चंगी तरां याद है, याद ही नहीं, मेरे धिआन विच्च है, सो मैं ओहो ही चित्र बणावांगा।"

इस वाक लई जद उस बुढ्ढी सवाणी नें शुकरगुज़ारी कीती तद उहदी मूंह दीआं झुरलीआं ते लाली भा मारन लग्ग गई ते बिहबल होके बोली "मैनूं हुण आप नें सोहणा करना है, जो मैं उस पिआरे नूं सोहणी लग्गां, जिस दे पिआर विच्च मैं सारा जीवन नाच कीता है, हुण उह मैनूं नहीं, हज़ूर दी रसिक किरत नूं देख के खुश होवेगा ते ओह पिआरा मैनूं माफ करसी, कि मैं हुण ओस अग्गे नच्च नहीं सक्कदी॥"

फिर उस चित्रकार आचारय नें उहनूं तसल्ली दित्ती "कि आप कल आवो, मैं आपदी ओहो जोबन मत्ती छब्बी मुड़ चित्रांगा ते मैं ओना ही उनर ते वकत ते रीझ आप दे चित्र ते लावांगा, जिहड़ा मैं बादशाहज़ादिआं दे महिंगे थीं महिंगे कंम ते खरचदा हां। आप कोई फिकर ते शक्क नां करना, आप नें कल आ जाणा॥"

मुकर्रर वकत ते ओह दुसरे भलक आई, ते चित्रकार नें नरम सफैद रेशम ते उहदा चित्र खिच्चिआ पर इह चित्र उहदी हुण दी शकल दा नहीं सी इह ओह झाका सी, जो आप नें उस रात देखिआ सी। पंछी वांगू शोख नैनी, बांस दी टहिणी वांगू पतली युवती, ते सोने ते रेशम दी पुशाक पाई इक सवरग दी देवी वांग चमकदी ऐसी छब्बी सी, कि अख्ख देखके चुंधिआंदी सी। ओस उसताद दे ब्रश दी कला नाल गिआ गुजरिआ जोबन मुड़ वापस आइआ, उह मुरझा गिआ सुहणप्प फिर टहिकिआ ते उह गुजर चुकी नाज़नीन दा सारा नाज़ मुड़ प्रतख्ख दिसिआ। जद ओह तसवीर बण गई ते ओस आपणी मुहर उस उपर ला दित्ती ते रेशमी कप्पड़े विच्च जड़ दित्ती ते सीडार दे रूलिआं विच्च दंद-खंड दे लाटूआं नाल ठीक जड़ के सजा दित्ती ते रेशमी डोरा वी दित्ता, जिस नाल ओहनूं लटकाणा सी ते सफैद लकड़ दे बकस विच्च मुड़ सारी नूं बंद कर दित्ता, इउं मुकंमल कर उस सवाणी दे भेटा कीती॥

नाले उसने आपणी चाह प्रगट कीती कि उहदे गुज़ारे लई कुछ माया वी नाल भेटा करे, पर इह उस सवाणी नें नां मनज़ूर कीती॥

ओह रो के बोली "नहीं मैनूं इस माया दी लोड़ नहीं, बस्स मेरी लोड़ इह चित्र सी, सो आप नें बणा दित्ता है। इसदी प्रापती लई मैं अरदासां कीतीआं सो मेरीआं अरदासां कबूल हो गईआं हन, ते हुण मैनूं इस जीवन विच्च होर कोई संकलप नहीं है, ते हुण इउं निरसंकलप हो के जे मैं इथे मरन आई हां तद जरूर है, कि मैनूं मर के बुध्ध दे राह उप्पर जाणा मुशकल नहीं होवेगा, ते बस्स इक अफसोस है, कि आप नूं इस बड़े कंम लई मेरे पास देण नूं कुछ नहीं है, ते इह नाइका दी पिशवाज़ है, जे आप कबूल करो तद मैं बड़ी प्रसंन होवांगी, ते अरदास करांगी कि आप नूं आपदीआं जीवन दीआं सारीआं आसां मुरादां पूरीआं होण॥

चित्रकार नरमी नाल कहिंदा है, मैं तां कुछ नहीं कीता, जो आप मैनूं उसदी कीमत देण लई इतने बिहबल हो, दरहकीकत मैं कुछ नहीं कीता, पर जे आप दी खुशी है तद मैं इह बहूमुल्ली कीमती अजूबा पिशवाज़ आप दी सवीकार करदा हां, इहनूं देख के मैनूं आप नाल बिताईआं ओह सोहणीआं घड़ीआं याद आवण गीआं ते मैनूं आप याद आवोगे, किस तरां आप नें आपणा भोजन बिसत्रा आदि सभ मैनूं दे दित्ता, ते मेरे लई जो किसी लाइक नहीं हां, नां सां, ते फिर आप नें मेरे पासों आपणी क्रिपालता दा मुल्ल कोई नहीं लिआ सी, ते ओस आप दी मेहरबानी दा हुण तक ते सदा मैं आप दा रिणी हां, पर हुण दस्सो कि आपदा निवास कित्थे है? ताकि मैं कदी इस तसवीर नूं आपणी थां ते लटकिआ जा के वेखां॥

पर गरीब जिहे शबदां विच्च इस सवाल दा उत्तर उस सवाणी नें टालवां जिहा दित्ता। "मेरी थां आप दे आवण ते देखण दे योग नहीं, ओह थां आप दे लाइक नहीं ।" इह कहिके फिर मुड़ मुड़ झुकी, शुकरगुज़ारी कीती ते अख्खां विच्च डल डल करदे अण किरे अत्थरूआं नाल गच्च जिहे विच्च टुर गई॥

जद ओह चली गई, तद उसताद नें आपणे शागिरदां विच्चों इक नूं बुलाइआ ते किहा, "उस सवाणी दे मगर मगर छेती जाह ते उहनूं पता वी नां लग्गे, कि तूं उहदे पिछ्छे पिछ्छे आ रिहा हैं, मलकड़े जावीं ते मैनूं आणके पता देवीं, कि ओह कित्थे रहिंदी है? इउं उह नौजवान बे मलूमा जिहा उहदे पिछ्छे पिछ्छे गिआ ते जद ओह मुड़िआ तद गल्ल करदिआं इउं कुछ हस्सिआ ते कुछ शरमाइआ, जिवें इक बड़ी नावाजब जिही कोई गल्ल करन लग्गा है॥

"हे खावंद! मैं उस बुढ्ढी दे मगर मगर गिआ, पर ओह तां शहिरों बाहर उस सुक्के नाले वल उथे गई, जित्थे मुजरमां नूं फांसी लाई जांदी है ते ओुथे इक निक्की जिही झुग्गी है, उस विच्च उह रहिंदी है, बड़ी भैड़ी गंदी जिही वैरान थां है।'' चित्रकार नें उत्तर दित्ता "कुछ भी है, ओस थां कल सवेरे मैनूं तूं लै जाईं, हां उसी गंदी वैरान थां ते मैं जाणा है, जद तक मैं जींदा हां, उह सवाणी किसी तरां खाण पाण दे दुख नहीं पावेगी॥"

इह कहि के ओस नें उनहां सारिआं नूं उसदी, कथा सुणाई ते सुणके सारे अजीब रंग विच्च रंग गए ते मुड़ दूसरे दिन सूरज चहड़ण थीं इक घंटा पिछ्छे उह उसताद ते उहदा चेला ओस सुक्के नाले वल नूं जा रहे हन, उथे जा रहे हन जित्थे शहिर दे कंगले रहिंदे हन, ते ओस झुगी पास जा पहुंचे। इको भित्त दा दरवाजा बंद सी। उस चित्रकार नें भित्त खड़काइआ उत्तर कोई नहीं, जद भित्त खोलिआ तद वी कोई आवाज़ नहीं आई, तद ओह अंदर गिआ मुड़ उहो लूं कंडे याद होए, ओहो नज़ारा चेते आइआ, जिस तरां ओहदे परबतां उप्पर झुगी विच्च ओह जवानी विच्च गिआ सी, जद अंदर जाके तक्किआ, तद ओह सवाणी इक माड़ी पुराणी फटी जिही रजाई विच्च लपेटी इउं लेटी होई सी, कि सुत्ती होई है ते साहमणे इक टुटी जिही, गंदी जिही अलमारी उप्पर उहो बुध्ध देव दे मंदर दी प्रतिमा सी ते उस विच उहदे पिआरे दीआं निक्कीआं जिहीआं पुराणीआं निशानीआं धरीआं सन, इह उहो ही प्रतिमा जिहड़ी 40 बरस पहिले ओस उथे उहदी परबतां दी झुग्गी विच्च तक्की सी, ते जिसदे साहमणे इक दीवा जग रिहा सी। सिरफ ओस उपर दीवार ते मिहर दी देवी दी तसवीर कोई नहीं सी, पर ओस प्रतिमा दे साहमणे दीवार ते उहदी आपणी बणी तसवीर लटक रही सी। इउं दिस्सदा सी, कि ओहो रात है ते उह आप उस अग्गे उसे रंग विच्च नच्च रही है॥

इस झुगी विच्च होर कुछ नहीं सी, इक इसत्री भिखयूणी दा लिबास सी ते इक भिखयूणी दी सोटी ते इक भिछिआ दा पिआला सी॥

पर उह चित्रकार इनां चीज़ां नूं नीझ ला के, देखण दा सबर नहीं सी कर सकदा।उह तां बिहबल सी, कि छेती उस सुत्ती होई नूं जगाए ते खुश करे कि ओह उस पास महिमान होइआ है। ते चार वेरी उस उहदा नाम लै के मिठ्ठी मिठ्ठी अवाज़ दित्ती पर ओह नां जागी॥

अचाणचक्क उसनूं पता लग्गा, कि ओहो इह तां चल बसी है। हैरान होके उहदे मुख वल वेखदा है ते देखदा है कि हुण इह आखरी नींदर विच्च ओनी बुढ्ढी नहीं दिस्सदी, जिंनी कल सी, उहदी जवानी नूं याद दिलाण वाला इक अकहि जिहा मिठ्ठा रूप उस चिहरे उप्पर चहड़िआ दिसिआ, ओह गम दीआं कुरखत लकीरां मुलाइम हो गईआं सन, ते झुरलीआं अजब तरां साफ हो गईआं सन, ते इह सुहणप्प उस उप्पर उस थीं वडे मालक चित्रकार दी छोह नाल आण छाया सी॥

इह कथा पहड़ के कौण कहि सकदा है? कि मज़ब कोई चीज़ नहीं, ते पंजाब दे सिख्खां नूं जो दसवें पातशाह आपणीआं निशानीआं ते आपणा वचन गुरू ग्रंथ साहिब दे गए हन, उनहां दी पूजा, सच्ची पूजा कोई वहिम है ते पिआरे दीआं निशानीआं अग्गे जीवन नाच करना किसी तरां दी बुत्त पूजा वरगे वहिम हन?

जिहड़े इहो जिहीआं गल्लां करदे हन या पाप पुंनय आदि दीआं बहिसां कर कर कोई नेम ते असूल काइम करदे हन, उनहां नें जीवन दे दुख्खां दे हहड़ नहीं तक्के। पर हाए उह दिल दा नाच होवे, उह रीझ होवे, उह सारी उम्मर दी लगातार तीब्रता होवे!