हनेरा एवें चंगा नहीं लग्गदा, पर जद पयारा कोल होवे तां चानणे थीं दिल काहला पैंदा है, हनेरा सुखांदा है। आशा इह हुंदी है, कि पयार दी तलवार दी मिठ्ठी तीबरता होर कोई तक्क नां लवे, सारी दी सारी अंदरे अंदर सिंजरे ॥

इस तरां दा सुखांदा चानणे थीं वी मिठ्ठा हनेरे दा परदा हर कोमल उन्नर वाले दे चित्त लई वी ज़रूरी है अर बिना चित्त चानण दे दीवे दे हिसाए कोई रसिक उन्नरी किरत हो ही नहीं सक्कदी ॥

काले काले बद्दल जद घटा-टोप आण परबतां ते छांदे हन, प्रतीत हुंदा है काली प्रलै आ गई है, पर जिवें हिसे दीविआं विच्च पिआरां वाले चुप्प कोई गल्लां करदे हन ते उनां दे हत्थ पैर पिआर कांबिआं विच थररांदे हन, तिवें ही इस बद्दल हनेरे दे परदे पिछ्छे किसी रसिक पुरख दे हत्थ फुट्टी फुट्टी टैहदी बरफ दी कलम फड़ी होई रसिक किरत विच्च कंब रहे हन ते परदे अंदर हनेरे विच्च कोई अकह दरशन तिआर हो रिहा है ते इस निक्की निक्की रसिक हिल चिल दा पता तद ही लग्गदा है, जद उह गूहड़े रंग रंगण वाला रंगरेज हनेरे दा परदा अध्धा खबे अध्धा सज्जे अचानक परे करके दूर बैठी दून दी अख्ख अग्गे इक नवीं विआही वहुटी दे चमकदे मुख वांग चोटी ते इक सज्जी हीरिआं जड़ी परबत दी चोटी दा वरणन करांदा है । रातो रात फंग लाके परी वांग उड्ड, मध्धम असमानां विच बिना धरत दे इक अडोल खड़ी परी है ते उसदे सिर ते किस तरां सूरज सुहागे भागे दे मैंहदी रंग छिड़कदा है ते चेहरा सोहणी दा किंञ शोखी पकड़दा है ॥

सुहणप दे दरशन दी पूजा तां वेखण वाली अख्ख करदी है । हां, निरी अख्ख करदी है, अडोल तक्क तक्क मसत हुंदी है । उह मसती वेखण वाली अख्ख दी सोहणी पूजा है । कुछ खुशी दे नशे विच्च लाली अख्ख विच्च झलकदी है, पर दरशन करन वाले दा रोम रोम पूजा करदा है । उहदी हालत सदा बिहबलता दी हुंदी है, उह तां बणांदे बणांदे कंबदा है, सिर तों लै के पैर तक्क थररांदा है, इक इक कलम दी छोह, बुरश रंगां दी छेड़ उहनूं बहाल करदी है । लख्खां खुशी दीआं घड़ीआं, पल, छिन, लखां मसती भरे जीवन, इक नूरानी चेहरे दी दीद दी घड़ी तक्क उस उप्पर कुरबान, घोली, वारे जा चुके हन । इक रसिक किरत विच्च लख्खां रसिक करतार आए हन, आपणा हत्थ ला के उहदी किरत नूं भाग दे सोहणे रंग बखशदे गए हन। उस रसिक किरत दी परदे पिछ्छे हालत कुछ इक-शखसी नहीं, अनेक-शखसी है, उह आप नरां ते नारीआं, आवेसां, देवी देवतिआं दा, जगमग करदीआं लाटां दा कुछ मिलिआ जुलिआ इक रंग है जेहड़ा पिघलदा ते जंमदा, मुड़ जंमदा ते पिघलदा है।अंदर कोई अणडिठ्ठा जिहा मंदर है, पूजा सदा उत्थे बुत्तां दी हुंदी है ते इक आदमी खड़ा पिआर दी पागलता विच्च लख्खां दीवे जगाए, आरती उतारदा है। हैरानी तां इस गल्ल दी है, कि इक, परदे अंदर, समूहां दी सुहणप वाला है, लख्खां ही आदमी ते तीमीआं सोहणे गहिणे कप्पड़े लाए, किसी हत्थ संख, किसी हत्थ छैणे, किसी हत्थ कैंसीआं, किसी हत्थ लाटां, किसी हत्थ घंटीआं, किसी हत्थ ढोलकी, किसी हत्थ कोई साज, किसी हत्थ कोई साज, लख्खां साजां नावां दा समूह आरती विच्च शामल है ते जग-मग आरती हो रही है ते पिआर वाले बुतप्रसत दे आवाज़ दी प्रति धुनी लख्खां कंनां विच्च भरी मंदर विच्च गूंज रही है । कुछ इस तरां दी अजीब उस दरशनां नूं कराण वाले दे रूह दी अठपहिरी हिलजुल विच्च आई इक पिआर समाधी विच्च ठहिरी होई बिहबलता है, जेहड़ी इक, घड़ी दो घड़ी दे सुहणप्प दी दीदार लई सदीआं लंमी प्रलै दे रंग मंगदी है ते रसिक किरत वाला साहो साह होइआ किरत विच्च लग्गा है । विहल रता नहीं, तावल तावल दा, कुछ अनंत बेसबरी दा अंदर प्रभाव पै रिहा है, इउं जापदा है कि खास घड़ी दे शगन नूं मंन के ओहदे लंघ जाण दे डर दी काहल है ते उस नछत्त्री पल थीं पहिलां पहिलां सब सामिग्गरी दीदार दी तिआर करनी है ते दरशनां दी घड़ी अज़ल थीं बिध चुकी है, उह अटल्ल है जो दरशन होणे हन, बस्स ! ओस वेले होणे हन ।

सो हर उनर विच, कुदरत दे दिल विच रहिंदे कवी-करतारां नूं पता है कि हर सोहणी चीज़ (भावें कविता, भावें चित , भावें बुत्त) दे आवेश, आगमन ते निखरन दी आपणी आपणी संजोगी घड़ी हुंदी है, जद ओहदा अंदरला रस बझ्झदा है अंदर दी करतारी किरत दे खुल्ल्हे दीदार कदी नहीं हुंदे, हमेशा कदी कवी-परदे विच दी कोई कोई झलका वज्जदा है । इउं तां बणी, घड़ी, जड़ी, मड़ी तसवीर सोहणी है, पर चितकार दे दिल विच लटकी ते चित दे परदे उते (जद उह बण रही सी) ओहदी उभ्भरदी सुहणप्प ते किणका किणका जुड़दी सुहणप्प कुझ होर वी वध, सवादली चीज़ है । अज्ज असीं कवी चित दे अंदर हनेरे विच झातीआं मार के देखणा चाहुंदे हां कि ओथे अनेकां लटकीआं तसवीरां जेहड़ीआं फब्ब फब्ब के आउंदीआं हन, उह कवी-चित आपणे अंदर किस तरां बणांदा है ते इस खोज लई साडा चा अज्ज ओसे तीबरता विच है, जिहड़ा हर दिल नूं , घुंड चुक्क के नवीं वहुटी दा सज्जरा पिआरा मूंह देखण लई आउंदा है॥

कवी चित-इक पारदरशी अनोखा जिहा शीशा है, सकंदर दे जामें-जम थीं होर अदभुत ते करामाती है, जिस विच्च इको वकत दो तिंन कंम हुंदे हन । इक तां जो अकस ओस ते पैंदे हन, उह जींदे चित्र हो निब्बड़दे हन, उस विच्च भों वरगा कोई खासा है, सुहणप्प दे अकस दे बीज मानो जद उस चित्त-शीशा रूप भों ते पैंदे हन, तद उह ब्रिख बंन बंन उथे आपणे वकत सिर निकलदे हन ते अकस वी जिवें असीं दस्स आए हां, बाहर दी खुल्ल्ही सुहणप्प दे बिजली दे चमतकारिआं वांग पैंदे हन, तां ते दूजा इस चित्त विच्च इक अजीब तरां दी, सुहणप्पणिआं दी चोण दी ताकत है जेहड़ी उसी तरां आप-मुहारी निखारदी ते चुणदी है, जिस तरां फुल्लां ते पत्तीआं दे प्रमाणूआं विच्च सूरज दी चिट्टी रौशनी नूं सत्त रंगां विच्च फाड़न दी सहिज सुभा शकती है । सावा पत्ता होर सारे रंग अंदर जज़ब कर लैंदा है ते रंग दी किरण नूं आपणे थीं बाहर कढ्ढके सुट्टदा है, इउं ही लाल, उदा, गुलाबी ते होर रंग । रंगां दी सारी सुहणप्प पत्तिआं ते रंग रंगीलीआं चीज़ां दे सफैद नूर नूं फाड़न लई अंदरले करिशमे ते खड़ी है । ठीक ! इसी तरां कवी-चित्त विच्च सुहणप्पणिआं दी 'चोण दी ताकत' है ते नाले निखारन दी शकती। जद कोई सोहणी चीज़ कवी-चित्त दे साहमणे आई, उह उहनूं प्रमाणू प्रमाणू कर सिट्टदा है । इह हंस विवेक वरगा कोई गुण है ते मुड़ जो अंदर लटकीआं अणदिसदीआं आपमुहारीआं बण रहीआं तसवीरां दी पल पल दीआं लोड़ां हन, इनहां लई इक बेहोशी जिही विच्च, इक सहिज सुभा आपमुहारता विच्च चुणदा है ते उह प्रमाणू खड़क्क खड़क्क उत्थे ठीक सिध्धे जा जुड़दे हन, जिवें उनहां दी लोड़ है, इह आवेस दवारा अंदर गईआं दी चुमट वखरी वखरी तसवीरां दे अंगां नाल मादे दे अणूआं ते परमाणूआं दी अंदरली कीमिआई चुमट वांग इक मिकनातीसी ते बिजली जिही चुमट है ते बस कवी-चित्त दे आवेशक फाड़न ते खिलारन दी ढिल्ल है कि बिना किसे देरी दे झटा पट्ट थाईं पर थाईं जा आकरखित हुंदीआं हन।इहदा उदाहरण देणा इथे चंगा होवेगा। कवी आपणे इंद्रिआं ते सरीर नूं वगदे जल वांग निस्सल सुटी रख्खदा है। बस कवी-चित्त इक है, जिहड़ा सदा कंम करदा बी अक्रै है। ओह धरत वांग, जल वांग, आकाश वांग अडोल, निरमल, निरसंकलप, ठंढे सागर वांग-जिस ते लहिरां सभ सुत्तीआं पईआं हन-रहिंदा है, ते इसी करके उसदे निस्सल सुत्ते, पर बड़ी तेज़ चाल वाले चित्त ते कुदरत ते दिल दे अंदर दे अकस पैंदे हन। कुदरत थीं उच्ची दुनीआं, उच्ची रूहानी दुनीआं दे झावले पैंदे हन, सो इस कवी-चित दी निस्सलता ते अक्रैता इक आप-मुहारी सहज सुभा जीवन अवसथा है, जिहड़ी उहनूं किसी साधन नाल नहीं, आप-मुहारी प्रापत है ते इस प्रापती करके उह कवी-चित है। इह बड़ी विरली ते अमोलक जीवन अवसथा है, जिहड़ी किसी किसी नूं प्रापत हुंदी है ते इस करके कवी विरला विरला कोई कोई कदी कदी हुंदा है ॥

हुण इनहां अकसां ते बावलिआं दे दो वख्खरे वख्खरे असर हुंदे हन । इक तां चित्त्रां दे नवें सज्जरे ख़ाके सुझ सुझ आप मुहारे अंदर खिचींदे हन ते आप मुहारे अंदर पए लटकदे हन। इह घाड़ा खिआल फुरने दे ख़ाके हन, अनेकां ीदea-पचिटुरeस (संकलप-चित्र) अंदर लटकदे हन, इह असर तां इनहां आवेशां दे आगमन दा कवी असर हुंदा है, इक टिक आवेश दे अनेक रूप बण के अंदर लटक जांदे हन। मुकंमल कोई नहीं हुंदा, कोई ख़ाका पूरा, कोई अध्धा, कोई इक लकीर ही जिही, कोई इक रंग जिहा कंबदा अंदर आ पैंदा है ते इक नवीं पर, तिहां विच्च अणउगड़ी दुनीआं बणन दा प्रभाव पै जांदा है ते दूजा असर समें ते घड़ी, पल दे रंग ते मसती ते बेहोशी अनुसार इक बिजली वांग करतारी अग्ग कूंद पैंदी है। उह लिशकां अंदर वड़ अध्धी उगड़ी चित्त्र कवी-चित्त दी चित्त्र दुनीआं नूं लोड़ीदा रंग, रूप अथवा रंग रूप दे अणू ते प्रमाणू दिंदी है। कवी सहिज सुभा बिनां प्रयोजन इक थां ते खड़ा किसी होर कंम खड़ा है, कुछ सौदा लै रिहा है ते उथे अचानचक इक बड़ी रूपवती कोई कंनया किसे होर कंम आई है। कवी दी अख्ख नें बस्स इक बिजली दी लिशक जिहे आवेशी चानणे विच्च उस कुड़ी दे रूप वल तक्किआ ते उहदे भरवट्टे दी कालख दिल नूं चंगी लग्गी, या कंन दा झुमका हिलदा दिल नूं छोह गिआ, अख्ख दे पलकां विच्च दी कोई लिशक पवित्रता दैवसत्ता दी सी, इक इंने बड़े असगाह रूप विच्चों साडे कवी नूं पता नहीं की चंगा लग्गिआ? समा लंघ गिआ आप नूं कुछ पता नहीं, नज़ारा कवी जी नूं भुल्ल गिआ, पर दस साल बाद आप दे अंदरों इक बणिआ पूरा चित्त्र निकलिआ, जिस विच्च उह उस दिन देखी चंगे लग्गे अंग या रंग या रूप दी झलक, पलक, मटक, अदा जो कुछ सी उहो इंन-बिंन आपदी तसवीर विच्च आई पई है, आपने नहीं कुछ कीता। इह आप दे कवी-चित्त दी सहिज सुभा रसिक किरत है । इउं सहिज सभा आप-मुहारी कवी-चित्त दीआं घाड़ां हुंदीआं हन । निक्का निक्का जगत विच्चों कोई कोई रूप रंग चंगा लग्गणा, बस्स इह अठपहिरी ठक ठक है, जेहड़ी बुत्त घड़दी है। कविता अरथात कवी-चित्त दी रसिक किरत, ओह नहीं जेहड़ी बण बाहर आंदी है, जिस वेले बण के चित्त्र अथवा बुत्त बाहर आया, उह कविता नहीं रहिंदी, उह तां जगत विच्च होर लख्खां जुस्से वालीआं शरीरी सुहणप्पां वांग इक सथूल सुहणप्प है, जेहड़ी इंद्रीआं दवारा रस दे सकदी है। कविता सुध्ध अंदर दा कोई जीवन रंग है, जिस नूं साखी आतमा आपणे आप विच्च अनुभव करदा है। हां, जद इंद्रीआं दवारा ओस सोहणी चीज़ नूं, राग गोंद नूं, चित्त नूं, घाड़ नूं, गाण वाली किसी सनअत नूं जद मुड़ अंदर रस रूप कर लै जाईए उह कविता हो जांदी है। कविता तां कैफीअत दा नां है, इक खास उच्चे दरजे बिन टोट किसी कैफ ते सरूर दा नां है, कविता जीवन दी इक अंदरली रस भरी अवसथा दा नां है। सोहणीआं चीज़ां, रागां, रंगां, बुत्तां, चित्तां नूं तक्क के जद अख्खां आप मुहारीआं "वाह, वाह" करदीआं मीट जांदीआं हन ते सवाद जिसम ते तुचा (खलड़ी) सारी विच्च इक काम भरी खिच्च वांग फैल जांदा है, घुल जांदा है ते दिल शहु दरिया हो वगदा है, सतोगुण शांती दा मींह अंदर बाहर पैंदा है ते अनंत रस दी चंचल बिहबलता विच्च इक बझ्झ रस-समाधी दा रंग हुंदा है, उह कविता है! सुहणप्प दी खिच्च खाके रोम रोम दे खिचींण दी बेचैनी दा जिंदा रस है । जी, सुरत, मन आदि ओस खिच्च विच्च सदा अफुर, अडोल, जल विच्च मीन वांग रस भिज्जे, रस गुझ्झे, रस डुब्बे, रस रूप हुंदे हन, परम निस्सलता ते समाधी बी अवसथा है, जेहड़ी आपणी अंदरली रसक सुतंत्रता ते आतम रस लीनता विच्च बेप्रवाह हो ठहिर चुक्की है, टिक गई है । इस टिका दा नां कविता है अर कविता निरी अख्खरां विच्च राग गोंद दा नाम नहीं, इह तां इक जीवन-आवेश है, जिहड़ा पत्थरां विच्च, चित्तां विच्च, आपणे हत्थ दीआं किरतां विच्च, आपणी पिआर-सेवा विच्च, आपणे हर खिआल, कंम काज विच्च, जित्थे किधरे राग-गोंद गुंद देंदा है। कोई समां हुंदा है, रस दी फुहार नैणां थीं वहिंदी हुंदी है। होठ खुल्हे हुंदे हन ते उनां थीं भरे रस मनुख्ख दा रंग ते लालीआं बाहर हो रहीआं हुंदीआं हन । उस वकत उह कविता दे आवेश विच्च है ओहदी नाड़ नाड़ उठ्ठदी है, ओहदी छोह राग गोंद हुंदी है, ओहदी तक्क विच्च असर हुंदा है । जीवन दी कोई अवसथा जिस विच्च इह रब्बी दैवी छोह है, उह कविता दी अवसथा है। ओस थी हिठाहां भावें किंना ढोल ढमक्का होवे, कुछ होवे कविता नहीं हो सकदी, भावें कोई सिर थीं पैर तक्क उलटा पिआ होवे॥

सो कवी-चित्त सदा आपमुहारी निस्सलता विच्च हुंदा है, "भोले भाव मिले रघुराइआ", उहदे जीवन दी जिगरी लोड़ इह है ते इह सूझ उहनूं रब्ब नें आपमुहारी दित्ती हुंदी है ।सरलता या अंदर दे गूहड़े रंग दी सचाई जिहनूं कहिंदे हन, उह अभोल जिही अवसथा विच्च उहदी तबीअत दा रंग हुंदा है, सारा दिस्सदा जगत उहदे दिल शीशे ते पै पै बाहरले दी अनातमता तिआग के अंत्रीव दी आतमता बणदा है ते किसी पदारथ दा बाहरों उठ्ठ के साडे अंदर वड़न ते वड़के अपदारथ हो साडे चित्त दे लोड़ींदे रस विच्च समा जाण दा नां रस है। इक समां कवी ते छांदा है जद कुल चीजां रब्ब-रूप विच्च लीन हो रब्ब विच्च समा, रब्ब रूप हो जांदीआं हन। उह घड़ी जेहड़ी कवी-नैणां, फ़कीर-नैणां दे सदके, बखशे होए बंदिआं दे सदके, हर चीज़ उत्ते जोबन वांग आउंदी है, उह कुछ थींण-अथींण, होण-अणहोण जिहे दा वेला रंग रस दा है, उहो रस है । इह भेत केवल सच्चा रसिक किरत वाला पारखी चित्त जाण सक्कदा है। आपां नूं तां किसी खवाहिश या संकलप दे फलीभूत होण विच्च रस दिस्सदा है। चाहवान नूं तीमीं मरद दा मिलाप, भुख्खे नूं रोटी, विछ्छड़े बच्चे नूं मां, गरीब नूं धन, राजे नूं बादशाही, सिपाही नूं मैदान जंग, गुलाम नूं मालक दी खुशी, इलम वाले नूं उहदी अनेक लोड़ां दी पूरणता आदि, जिनहां नूं हिंदुसतान वासीआं नें सिंगार, वैराग, करुणा आदि रसां विच्च वंडिआ है उह रस नहीं हन, उह तां इनसानी फ़ितरत दे वलवलिआं दे उतार, चहड़ा आदि हन। इह पुराणे लोकी चित्त दे पल छिन दे टिका, भोगां आदि दी खुशी विच्च आए टिका नूं रस मंनदे हन । रसिक किरत अरथात कविता तद अरंभ हुंदी है, जद इनसानी , फितरत जिहदा ठीक नां हैवानी फितरत है ते साडी ते . पशूआं दी इको जिही सांझी फितरत है, झड़ जांदी है। शिंगार, वैरागय, बीर ते करुणा रस आदि सभ हैवानां पर भी आउंदे हन। हैवान जद मनुख्ख विच्चों निकल जांदा है तद उह बेहोशी दी होश आंदी है, तद उह तबीअत दी सफाई, सचाई, सरलता, आप मुहारता, सहज सुभा निशलता, अगयात जिही मगनता, "जींदी मौत'' वरगी अठ पहरी बेसुध्धता जिही वाली जीवन-उचाई प्रापत हुंदी है, जिस विच्च कवी-चित्त दा करामाती, सकंदरी जामें जम थीं वध करतारी, करामात वाला, कादरी ताकत वाला, आवेश ग्रहिण करन वाला अकसी शीशे वरगा गुण, सुहणप्प दे प्रकाश दे असरां दा जाणू ते चोणू ते भो वरगा उपजाऊ आदि गुणां वाला हो निखरदा है ॥

इस आलीशन उचाई वाली कविता अरथात साध-बचन जेहड़ा कि सदा अटलाधा हुंदा है, बाणी हुंदी है, निरोल आतमता हुंदी है, इत्थे ते अग्गे सहाइक हुंदी है, मौत थीं परे देश दी उह जीवन-सवास दा अंदरला गीत है ॥

कविता सिरफ अंदर दी अवसथा दा नां है, जिस विच धुरी-बाणी आपमुहारी रोम रोम विच्च परोई बोलदी है । इउं असी आपणी बोली विच्च कुछ दस्स सकदे हां कि कविता रब्बी चरित्त्र है, इह रब्ब होण दा इक सवाद है, जेहड़ा बंदे नूं बंदा कहि के बंदे दे रूप विच्च नहीं आ सकदा। कविता लिखण या गाण वाली चीज़ नहीं, आवेश है, जिहनूं कुल्ल रसिक-किरतां गाउंदीआं हन, कुल्ल नाच नच्चदे हन, कुल जीवन दे सिट्टे सिध्धे उच्चे हो टोलदे हन, ते इस थीं थल्ले दी सभ कविता जिस विच कुल दुनीआं दे कवी, चित्रकार आदिकां दीआं करनीआं हन, कालीदास ते शैकसपीअर आदि सभ इक सकूल दे मुंडे हन, जेहड़े आपणे इस यतन विच्च हन कि किसी तरां कविता दे रब्बी रंग नूं पहुंच सकीए । जिवें कणक दा सिट्टा प्रकाश नूं तक्कण दी तांघ विच्च सिर उच्चा करदा है, तिवें इह सब हैवान-इनसान कवी, सूरज नूं तक्कण दी चाह विच्च सिर कढ्ढ रहे हन, पर जिस अरथ विच्च कवी-चित्त दा असीं ज़िकर कर रहे हां, उस अरथ विच्च इह वड्डे वड्डे दुनीआं दे मंने प्रमंने कवी हैवानी-इनसान विच्च बस वड्डे हन, इनहां दी अंतरयामता बस हैवान रूपी कीड़िआं दे दिलां तक्क है । फितरत दे हैवान-इनसानी कांबिआं दे रंग नूं आपणे अंदर भर भर बाहर कढ्ढणा ते इउं अपणे जिहे हैवानां दे भावां दा जाणू होणा बस इक सुरखाब दा पर, इह लोक आपणी पगड़ विच्च लगा समझदे हन कि इक सीमा हो गई। की इस हैवान थीं असीं अक्क थक्क नहीं गए ? की अज्ज तक दीआं करतूतां इहदे इतिहास विच्च सारीआं फाश नहीं होगीआं? की इह निरी मिट्टी दी टोकरी ते निरा पुरा हैवान थीं वध होर कुछ बिना वाहिगुरू दी बखशश दे कदी हो सकदा है ? असी तां इस हैवान नूं धरत उत्ते छड्ड के, जरा उत्ते हवा विच्च चहड़ के देवता मंडल दे अंदरले दिलां दी खबर लोचदे हां । सानूं हैवान-फितरत दे अंदरले भेतां नूं जाणन दी बाहली लोड़ नहीं। आदमी दा पहड़न दा सभ थीं वड्डा विशा जेहड़ा किहा जांदा है आदमी है, उह आदमी हैवान नहीं उह "आपे दिओ" बंदा है। जे इस भेत नूं हैवान-आदमी करके समझिआ जांदा है तद गलत है, उह रस-आदमी है, उह रब्ब-रूप है, सभ थां वड्डा विशा साडे पहड़न योग रब्ब है। कविता अरथात कवी-चित दी निशचल अवसथा रब्ब-रूप अग्गे विछिआ शीशा है, ओस उप्पर इस हैवानी दुनीआं विच्चों, निरे ते निरोल रब्ब किणके निखार के अंदर लए जांदे हन । ओथे सफटक मणी वाली पारदरशता है । सथूल मायावी जगत दी मैल ओथे रहि नहीं सक्कदी, सुहणा कवी-चित शैकसपीअर वांगू लेडी मैकबथां दे हैवानीअत नाल रगड़ खाण दे आपणी उचाई करके असमरत्थ हुंदा है । कवी-चित ओस गंद विच्च जा के बदबो नाल मरण तक पहुंचदा है। मंनिआ, कि शैकसपीअर नूं पहड़ के हैवानी इनसान नाल ते दुनीआं दीआं अकलां शकलां, नकलां, चंगिआईआं, बुरिआईआं नाल बड़ी वाकफीअत हो जांदी है, पर असी तां दुनीआं दारां दी हैवानी-अकल ते हैवानी करतूतां, खिआलां, वलवलिआं थीं अक्के होए होए असी ओह इलम नहीं लोचदे, जिहड़ा शैकसपीअर आदि सानूं मल्लोमली वी साडे अंदर वाड़दे होण। कवी ओह इस अंस विच कहे जा सकदे हन, कि जिस तरां कवी दा चित्त रब्बी वलवलिआं ते झावेलिआं नूं आपणे अंदर सिंजर सिंजर नवीं तरां मुड़ उनां बीआं दा उपजाउ हुंदा है, इउं ही शैकसपीअर ते कालीदास आदि दा चित्त हैवान आदमी ते हैवान कुदरत दे साए आपणे अंदर लैके वेहलीआं घाड़ां कर बाहर लै आंदे हन।इह कवी दुनीआं दी इक नई अर आपणे चित्त उपजी दुनीआं दी तसवीरां खिच्च खिच्च सामणे रख्खदे हन, पर जिस कवी-चित दा असीं ज़िकर करदे हां, ओस लई जिवें हैवान आदमी दे रूप रंग ते हैवान कुदरत दे रूप रंग इक उपजाऊ रस किरत दी सामग्गरी हन, तिवें ही इनहां कवीआं दे चलित्त्र भी रूप रंग आदि लाए मायावी सामग्गरी हन। इस सामग्गरी विच्चों कवी-चित्त रब्बी सुहणप्प, रब्बी दिल दे गुणां दे हीरे प्रमाणूआं नूं आप-मुहारा अलग्ग करके आपणे अकहि रस दी करतारता नूं सिध्ध करदा है, पर कवी-चित्त सदा रब्बी-चित्त दे अंदर दी हिलजुल नाल इक सुर हुंदा है ते शैकसपीअर कालीदास आदि हैवान मंडल दे अंदर दी हिलजुल नाल इक सुर हुंदे हन, चित्त दे शीशे शीशे विच्च फरक है ॥

जित्थे शैकसपीअर आदि आपणे चुगिरदे दी जीवन हिलजुल दे असरां हेठ आंदे हन, ओस थींं उलट कवी आपणे चौगिरदे दे असरां थीं आज़ाद तबीअत हुंदा है। सोने दी डली चाहे ठोस चाहे पिआली होवे, चाहे चिक्कड़ विच्च होवे, चाहे राज सिंघासणां ते आपणे अंदर कदी मैल वड़न नहीं दिंदी, तिवें ही कवी-चित्त, कुछ ऐसा द्रिहड़ आतमता आतमसत्ता आतमरसता विच्च जांदा है कि चाहे त्रेल वांङू किणका किणका इक फुहार जिहे रूप विच्च वग तुरे, चाहे हिमाला दी बज्जर चिटानां वांग सिध्धा उच्चा हो तुरे, उह आपणे सुभाउ विच्च सदा काइम हुंदा है । हवा, गरमी, सरदी, हैवानी वलवलिआं ते कांबिआं इंद्रीआं दी प्रबल लोड़वंदीआं खिच्चां दे तुणके आदि सभ आपणे असर पांदे हन, पर जिवें बद्दलां दीआं शकलां भावें नीले तणे खड़े अकाश नूं घड़ी दी घड़ी जिंनां भरन या आसकत करदीआं दिस्सण, पर अकाश इस तरां दे सदमे झल्लदा, होर होर नवीं नवीं आपणी आतम सुहज विच्च मुड़ मुड़ निखरदा है, इउं इह सभ बद्दल, शकलां, बद्दल रंग, बद्दलां ते बिजलीआं दी घनघोर, मीहां दे शोर वंन वंन सवेर शाम दीआं पल छिण हुंदीआं सुहणप्पणां आकाश दे गहिणे बण जांदे हन। सिंगार, वैरागय, बीर ते करुणा रस आदि साडे कवी दे अलंकारिक रंग हन ॥

कवी-दिल ते चित्त सदा कज्जिआ है, ओहदे इरद गिरद सदा ओस तरां दा प्रलैई हनेरे धुंधू-कारां जिहां दा परदा हुंदा है, जिहदा रूप असी चिंनह मात्र दस्स आए हां । जद कुदरत आपणी बरफानी किसी चोटी नूं नवीं विआही वहुटी वांग सजा के घड़ी दी घड़ी छाए बद्दलां दे परदे नूं अध्धा खब्बे अधा सज्जे कर दरसांदा है ते नाले सूरज दी टिका उस रसिक किरत ते नूर दे फुल्ल वरसांदी नज़र आउंदी है, इउं ही कवी-चित, कवी-दिल, कवी-रस दी किरत दा झाका सानूं कदी कदी किसी सवांती नछत्त्र दी घड़ी, बस इक पल छिण लई नसीब हुंदा है ॥

कवी-चित्त इक चित्त्र खिच्चण वाली बुत्त-शाला है, जित्थे मादा-जगत, मुरदा-जिंदगी, रूहानी जगत दी सदा जीवी जोत-ज़िंदगी दी सामिग्ग्री है, नां सिरफ रूप, रंग नूं प्रमाणू रूप कर रब्बी गुणां नूं चुण चुण आपणे अंदर भरदा है, उह हर इक रंग, चाल, थर्रराहट, कांबे, हिलजुल, भरवट्टे ते अख्खां दे इशारिआं, नदरां दे अरथां आदि, सभ नूं आपणी हंस वाली शकती दवारा प्रमाणू प्रमाणू कर सुट्टदा है ते उस विच्चों इनहां ज़िंदगी दे चुप्प-चालां, कांबिआं ते इशारिआं ते सैणतां दे विच्चों रब्बी-प्रमाणू कढ्ढके चुणके आपणे दिल दीआं लुकीआं तैहां विच्च रब्बी चित्त रूप कर अकठ्ठा करदा है ॥

जिस तरां इस हैवानी जीवन खेत्र ते हैवानी कुदरत दे चुगिरदे विच्चदी लंघदे असां कवी-चित्त नूं रूप, रंग ते नाना शरीरी जीवन दे भूतिक मादा मन दी हिल जुल आदि नूं प्रमाणू करदे ते चोण करदे तक्किआ है, इसी तरां हुण असी इहनूं इस पदारथी चुगिरदे दे करम खेत्र विच्चों लंघदे देख सक्कदे हां ।इह सोने दी रेख जित्थे वग्गे आपणी चमक विच्च हुंदी है, इहनूं कोई आदमी पितल आख नहीं सकदा ॥

कवी-चित्त करमां भोगां, जोगां, ग्रहिसथां, पापां, पुंनां विच्चों दी लंघदा आपणे करमां नूं वी प्रमाणू प्रमाणू कर सुट्टदा है, ते केवल रब्बी करम दे प्रमाणू मिकनातीस वांग उस नाल रहिंदे हन, बाकी सभ आप-मुहारे झड़ जांदे हन। कवी सदा करमां दी सेजल थीं अणभिज्जा हुंदा है, लोकी हैवान लोकी बड़े धोखे खांदे हन, मन दे पदारथिक विचारां दे मारू रूहानी करिशमे थीं नावाकफ हुंदे हन, शराबीआं वांग पारथिक बेहोशी विच्च कुछ दा कुछ कहिंदे जांदे हन। कवी-चित्त तलवार चुक्क जद मारदा है ते मैदान जंग विच्च इक जरनैल ते सिपाही वांग कप्पड़े पाए कातलां जरारां वाले कहिर करम विच्च दिस आउंदा है, तद इनां मोए मारे बंदिआं दी पारसाई ते पयार, पाकीज़गी आदि कंब उठ्ठदे हन । मोए मनां नूं हौल पै जांदा है, कि हैं ! रब्बता कदी कतल करन विच्च वी हो सकदी है ? इह बेहोश शराबीआं वांग आपा तां समझ नहीं सकदे, ते चमगादड़ वांग पुठ्ठे लटक रब्ब ते उहदी रब्बता नूं पहिले ही इक मित वाली चीज या गुण मिथ चुक्के हन, ते बड़बड़ा रहे हन कि की रब्बता कतल करन दे कंम विच्च वी दिस सकदी है? ते इउं सुत्ती सुत्ती बड़ बड़ांदी नासतकता विच्च सदा रहिंदे हन ते ओसे पैमाने विच्च रब ते रब्बता नूं वी रख्ख वेखदे हन । जींदी चीज़ नूं मुरदा जिहा बणाके आपणे मन विच्च लटका आपणी रब्बता ते खुश हुंदे हन, गटकदे हन कि असां रब्ब पा लिआ है, होर रब्ब हुण किधरे नहीं रिहा। खैर ! इनहां मोइआं काइरां अज कल दे पारसावां ते पैगंबरां नूं असी उनां दे वज़ू ते कूज़े विच्च ही छड्ड के आपणे कवी नूं तलवार पकड़ी देखदे हां, कवी-चित्त ओथे सवाधान खड़ा है ते जंग करम फुट्ट फुट्ट प्रमाणुआं दे ढेर लग्गदे हन, परबत प्रमाणूआं दे जगमग कर रहे हन ते कवी-चित्त तां जंग नहीं कर रिहा । करम खेत विच्चों रब्ब चुण रिहा है, ओहदी तां अंदर रूह दी कोई लोड़ पूरी हो रही है । इह सभ जंग करम या होर करम उसी आपमुहारता नाल हो रहे हन, जिस नाल इस पारथिक चुगिरदे विच्च परबत बण ते अणबण रहे हन । समुंदर भरे जा रहे हन ते सख्खणे हो रहे हन की कुदरत दे करम ते की मनुख्ख दे करम, पारथिक दुनीआं दे कोल पारथिक हन, ते जिस तरां प्रिथवी दी जीआलोजीकल तबदीलीआं किसी वहे हुकम विच्च बेबस चल्ल रहीआं हन, इस तरां इह पारथिक करम खेत्र दी चाल वी किसी हुकम विच्च बेबस चल्ल रही है । कवी-चित्त सदा अक्रै है, उह सरफ दिस्स रिहा है, कि करम खेत्र विच्च खड़ा है । असली उह, रसिक किरत दे गुपत मंदर विच्च चुप्प आपमुहारा इक करतार है, ते सदा अद्रिशट है ॥

इहो कवी पैगंबर हो जांदा है, जद उप्पर दे राग झावले ज़रा किसी अनेमी बाहुलता विच्च पैण लग्ग जांदे हन । इह कवी फकीर हो जांदा है, जद अंदर दी खिच्च टुट्ट के पैंदी है ते बिजली वांग मिकनातीसी नेम नाल इह गुरू चरणां नूं सदा लई चमोड़ दिंदी है । इह कवी चित्त्रकार, इहो कवी बुत्त-घड़नहार रसक करतारी हो जांदा है । कवी-दिल भरी दुनीआं विच अकल्ला हुंदा है ते रूह दी अकल्ल विच्च उहदी आपणे सतिसंग दी भरी दिवय दुनीआं हुंदी है, कविता चाहे लिखे चाहे नां लिखे, कवी सदा रसदा करतार हुंदा है।ओहदीआं नजरां, ओहदी टोर, ओहदे बोल, सहिज सभा गल्लां सभ कविता हन । कुछ पता नहीं किहड़ी गल्ल, किहड़ा करम, किहड़ा चोहल ते किहड़ी लगन कवी नूं उकसावेगी ते ओस उकसावट दा परीणाम पता नहीं कद घड़ी बाद कि 20 वरिआं बाद कुछ चीज़ प्रगट हो बाहर आवेगी ? कवी सदा अरूप रब्ब नूं रूप-मान करदा है ते रूप-मान नूं अरूप करदा है ॥

कवी जन सदा आपणा नेम ते कानूंन आप हुंदे हन, उनहां नूं बाहर दी लोकाचारी ते दुनीआदारां वाली, विवहारक नीती ते धिआन फोकी अकल उक्का लोड़ नहीं हुंदी । प्रतीत इंव हुंदा है, जिवें उह बेअसूल, अनेमी ते बावले जिहे लोक हन, जिनहां नूं दुनीआं वाला इखलाक वी काहला पांदा है । उहनां दा इखलाक किसी शरीअत दीआं लकीरां अंदर नहीं मिटदा, अज्ज कुछ कहिंदे हन कल्ल ओस थीं उलट कहिंदे हन। कुछ अजली ला-मकानी जिहे लोक हन, जित्थे दुनीआं वालिआं दे साधारण आचरण ते सभयता दे खंभ सड़दे हन ते वड्डे थीं वड्डा अछ्छे थीं अछ्छा दुनीआं वालिआं दा आचरण कवी-दिल नूं कोई इक्क अध्ध जींदा प्रमाणू हछाई दा दिंदा है ते उन्ना कु उनहां नूं चोरां यारां मंगल मुखीआ दे वलूंदरे जीवन कथा थीं वी लझ्झ जांदा है ॥

जद दुनीआं वाले कहिंदे हन, फलाणा बड़ा अछ्छा आदमी है कविता विच्च, इह कोई प्रशंसा नहीं जिस तरां किक्कर नूं किहा किक्कर है, अछ्छा होणा कोई हछयाई नहीं, जद तक हछयाई किसे जींदे रंग विच चल्ल नहीं रही, डाईनैमिक नहीं ते आपणी चाल विच्च ओह भरे कटोरे वांग अडोल नहीं, जेहड़ा रवाल चाल चल्लदी घोड़ी ते चहड़े जवान दे हत्थ विच्च डुल्हदा नहीं।इउं जेहड़ी अछाई तीबरता विच रंग तेज चाल वाली ते तेज ठहिराउ वाली नहीं, उह मुरदा हछयाई इसी कंम नहीं। इस मुरदा, कांबां ते जुंबश रहित, हछाई थीं ते हिलदी चलदी बुरिआई जिआदा रब्बी परमाण वाली धातु है, कुछ होवे भावें उह बुरिआई चिक्कड़ विच थीं लंघ रही है, सदा मंज़ल मारण वाली बुरिआई, इक हट्टी ते लूण, तेल, सबूण, तोलण वाली हवाई थीं बड़ी वध्ध अमोलक है ॥

सभ मनुख्खां विच्च थोहड़ा बाहला कवी-चित्त है, पर उनहां आपणा अकस शीशा गलत चीज़ां दे प्रभाव खिच्चण वल मोड़िआ होइआ है । दुनीआं विच्चों चोटी दे लोक शैकसपीअर ते कालीदास वरगे कवी उहो पलेट कुदरत जिस विच्च हैवान-इनसान वी शामल है, सिध्धा कर आदमी दे अंदर दी अंतयातमा दे क्रिशमे करदे हन, पर इह वी हाले दिव कविता दे रुख़ दे प्रभाव नहीं हन । कोई कोई, कदी कदी झावला आपमुहारा पै जांदा है, असल तां कवी-चित्त उह है, जो आपणा चित्त छुपा लुका के, काले परदिआं विच्च बंद करके केवल रूहानी तबकिआं दे रहिण वाले देवतिआं दे दिलां दे वलवलिआं ते प्रभावां वल्ल रुख़ कर उपरले हुकम-देसां दे प्रभावां विच्च रख्खदे हन ते उनहां नूं मूरती-मान करदे हन, इस अरथ विच्च सिवाए महांपुरखां, साधां ते रब्बी अंश वाले नितय अवतारां दे कोई होर कवी-सिंघासन ते बैठ नहीं सकदा, ते धुर दी बाणी केवल कविता दा दरजा रख्खदी है, बाकी नहीं ॥

गुरू अरजन देव साहिब जी नें होर गल्ल थीं छुट्ट अपणी पारखी चोण सिरफ बाणी रूप कविता दी कीती है। निरी कविता नूं सच्ची बीड़ विच नहीं चाहड़िआ, पर गल्ल असल इह है, कि दिस्सदी दुनीआं दे कवी दा मज़मून बणे तां अफसोस है! इह तां हर चित्त दा आपणा दिसदा पिसदा विशा है ते जे ज़रा वी इकागर हो के दुनीआं दे रंगां विच सैर करना चाहे तां आपणी खुल्ल्ह विच आ के खुल्ल्हा कर सकदा है। मैं ही तां तीमी, मरद, चोर, यार, जवारीआ, बादशाह, अमीर, फकीर हां। भेस बदलिआ ते जिस दिल दा हाल चाहो मैं खुद आप उह हो के दस सकदा हां, चंद मिंटां दी खेल है। मैं सभ कुछ बण के उसी तरां दे कंम आप-मुहारा कर सकदा हां। इह कोई कठिन गल्ल नहीं, कठिन गल्ल है अद्रिशट विच्च, आपणे थीं उच्चे जीवन दा जाणू होणा, उहदा पता कवी पासों असी पुछ्छण दे हक्कदार हां, पर उह नां शैकसपीअर नां काली दास कोई हुंदा है। काहदे कवी होए ? शैकसपीअर प्रासपीरो थीं वध्ध ते हैमलिट दे आपणे मोए होए पिउ दे प्रेत देखण थीं वध्ध होर कोई अद्रिशट देसां दा हाल नहीं दस्स सकिआ । कालीदास इंना दस्सदा है, कि सुहणप्प उप्परों आउंदी है, पर फिर सिवाइ शिंगार रस दीआं उच्चीआं तसवीरां दे की होर खिच्चदा है । इनहां थीं तां भरथरीहरी बड़े उच्च पाए दा कवी है, होर नहीं तां इनहां दी कविता नूं कंड देण विच्च तां शेर है ॥

अंजील दी कविता नाल पछ्छमी देस दा कोई कवी नहीं पहुंचदा । उपनिशदां दी कविता नाल कोई होर संसक्रिती कवी नहीं पहुंचदा । कुराण दी कविता सदा लई कुल्ल अरबी ते फारसी कविता थीं महान उच्ची रहेगी ॥

स्री गुरू ग्रंथ साहिब जी विच्च चहड़ी बाणी मौत, थीं बाद रूह दी दैवी साथण होई, मदद करदी जा रही है ते इह बाणी धुर अद्रिशट देसां विच्च कीरतन रूप विच्च गूंज रही है ॥