पिआर ते मित्त्रता ते होर दिवय गुणां नूं आपणे विच्च आवेश रूप विच्च पड़ुछण लई ते फिर आपणे अंदर धारण करन लई ते मुड़ उनां नूं अंदरों बाहर इक मालती दे फुल्ल वांग सुगंधी खलेरण लई आदमी नूं कदी निकंमा नहीं रहिणा चाहीदा, जिस दे हत्थ विच्च किरत नहीं ओह निकंमा आदमी है, अर उह कदी उच्च जीवन दे मरमां नूं अनुभव नहीं कर सक्कदा॥

इक बंदा जिहड़ा सहिज सुभा आपणे कंम विच्च अठ्ठ पहिर ही धिआन नाल लग्गा है, उसनूं माड़े चितवन ते कंगालता दे पामर करम करन दी वेहल ही नहीं लग्गदी-सिआणिआं जो इह किहा कि निकंमा मन शैतान दी आपणी टकसाल हो जांदा है-इस कथन विच्च बड़ा सच्च भरिआ पिआ है॥

हुण तुसी आपणे देस ते जापान दे देस दा जे मुकाबला करो, तद पता लग्गदा है कि उथे किसी नूं, मनघड़त खिआलां ते विचारां दी कूड़ी गिआन-गोदड़ी दीआं मानसिक चंचलता दीआं खेडां करन दी विहल नहीं, ओह चित्र वत आपणे कंमां विच्च लग्गे हन। इक तरखाण जो आपणे हत्थ नाल लक्कड़ी नूं रूप दे रिहा है, इक लोहार जो गरम लोहे नूं साध रिहा है, इक चित्रकार जिहड़ा धिआन विच्च किसी देखी चीज़ नूं अमर कर रिहा है। भावें ओह सिरफ रंग, रूप ते प्रभाउ नूं अमर कर रिहा है, उनहां नूं अथक किरत करन थीं उपजी सहिज समाधी दे सुख थीं विहल हो ही नहीं सक्कदी, कि ओह किसे द੍वैत ते दुख्ख दे निकंमे वाद विवाद विच्च पैण, उह गल्लां करन वालिआं नूं कुछ पागल समझदे हन। ओह समा जिहड़ा नैनां प्राणांं नाल कुछ साध सक्कदा है, ओह विअरथ निकंमे मन दे भोरे खिआल उडारीआं, मसले बाजीआं, "रब है नहीं" "चिट्टा है काला है" आदि विच्च वंजाण किहड़ी सिआनप है? सच्ची किरत करन वाले दे हत्थ पैर आप-मुहारे पाक हो जांदे हन। मानसिक चितवन किंना ही उच्चा होवे, रूह नूं साफ नहीं करदा, मैला करदा है, पर सरीर नाल कीती किरत आप-मुहारी जिस तरां ब्रिछ्छांं उत्ते फल फुल्ल आण लग्गदे हन, सिदक ते पिआर ते रब्ब दी रब्बता विच्च जीण लग्ग जांदी है। ईसाई मत बादशाही महल्लां विच्च टोलसटाए नूं नदर नहीं सी आइआ, पर भोले भाले रूस दे क्रिसानांं दे वहिमां दे हनेरे विच बिजली लिशक दीआं धारीआं सच्चे सिदक दी ओहनूं नजर आईआं । क्रिसान जिमींदार जिहड़े हल वाहुंदे, ते मजूरीआं करदे हन, उनां विच्च सहिज सुभा दया, उदारता, तिआग, रजा आदि महान गुणां दी छाया, हुंदी है । किसी अमीर दे दिल विच्च नुकसान उठा के रजा दा नुकता नहीं आउंदा, पर मैं किरती किसानां की सिख्ख ते की मुसलमान ते की हिंदू सभ नूं वेखिआ है कि ओह बड़े बड़े नुकसान नूं रब्ब दी रजा दे नुकते विच गुजार दिंदे हन, ओह गम ते दुख दी ओनी कांब नहीं खांदे जिंनी अकलां वाले ते बहु सोचां वाले निक्के निक्के नुकसान वी बिना शिकवे दे बरदाशत नहीं कर सक्कदे, ते खलवाड़े विच्च बैठा किसान जिस खुल्हे दिल ते उदारता नाल दान करदा है ओह अकल वाला ते सोचां वाला मानसिक आदमी नहीं कर सकदा । जिस तरां गऊ विच्च बच्चे नूं पिआर करन दा सहिज सुभा गुण है ते कुदरत ते जीवन विच्च आखर दिबयता दा लछण दरसाउंदा है तिवें क्रिसान मिहनत करन वाला कुदरत दे इस नेम दा दरशन कराउंदा कि हत्थ पैर तों जे कोई कार करे ते चीत आप-मुहारा निरंजण नाल वी जुड़ण लग्ग जांदा है ते समां पा के किरत ही पूजा हो जांदी है। कारलैल नें ठीक वचन कीता है, कि इहो जिही रजा, सहिज-सुभा रब्बता दी चुप्प सिदक विच्च जींदी थींदी किरत रब्ब दी पूजा तुलय है ॥

इह दस्सण दी की लोड़ है ? कि समुंदरां विच्च कोरल कीड़े निक्की निक्की किरत नाल पहाड़ खड़े कर दिंदे हन ते समुंद्रां विच्च कोरल टापू बण जांदे हन । सो किरत दा इक इह वी सुभा हुंदा है कि ओह निरमाण हो के लग्गा रहिंदा है ते उहदे कंम विच्च बरकत पाण वाला कोई होर हुंदा है । सुच्ची किरत करन वाले दा सहिज-सुभा इह अनुभव हुंदा है, कि मेरा तां कंम करना ही बणदा है फल देण वाला कोई होर है। सो इस सिदक विच्च उस अंदर चंचल मनां ते अनेक चिंता वाले बे आसार है चुके मनां वाली लोभ लालच दी ब्रि‌ती नहीं' हुदी । थोहड़े विच्च सबर बहुत हुंदा है, ते इह चमकदी उच्ची सुरति दा चोटी दा रसिक अनुभव है :-

गो धन गज धन बाज धन और रतन धन खान ।।

जब आवे संतोख धन सब धन धूल समान ॥

आपणे किसब विच्च, हर इक किरती दे अंदर कुदरती सादगी ते बेपरवाही हुंदी है। उह चित्रकार आपणे बणाए चित्र दे रंग वेख वेख विगसदा है,ओहनूं कित्थे फुरसत है, कि उह आपणे कप्पड़िआं दीआं सिलवटां वल तक्के या आपणे खुद बण गए वैरीआं दीआं चोटां दा खिआल करे, नशे विच्च आदमी दुनीआं ते आपणे चुगिरदे दी की परवाह करदा है ? सो कंम विच्च लगे आदमी सहिजे ही कुछ आपे दा रस माणदे हन, अर उह निंदिआ उसतत दोहां थीं अतीत जिहे हुंदे हन ते रसिक किरतां नूं छड्ड वी देईए तद साधारण सुच्ची हत्थां पैरां दी किरत ते किसब वाले आपे विच्च बच्चे वांग अबोझ अवसथा विच्च टिके रहिंदे हन। इक अमीर मोटर ते इक वेरी जा रिहा सी, मैं विच्च बैठा सां ते अगे इक बुढ्ढा गरीब गवालीआर दा क्रिसान ठुमक ठुमक आपणी लय विच्च जा रिहा सी। मोटर दी ठोकर लग गई, मोटर वाले आप सज्जे ते ओह खब्बे होया, उस खब्बे परताई ते उह सज्जे होया । इस घबराहट विच्च टक्कर ओहनूं लग्गी, गरीब किरती ढहि पिआ । अमीर नें मोटर खड़ी कीती, उह इउं पिआ सी जिवें किसी ब्रिछ्छ नूं टक्कर लग्गी सी। कुछ वी नहीं कूइआ, असां समझिआ टंग टुट्ट गई ते हसपताल लै गए, ओह डाकटर अग्गे वी इउं पै गिआ जिवें कोई लठ्ठ हुंदी है । डाकटर नें हिला चिला के वेखिआ ते किहा कि टुट्टिआ कुछ नहीं, उस बेजबान नें नां कोई शकायत कीती नां कुछ कूया। जे कोई अनेक चिंतन वाला हुंदा ते होर कुछ नहीं तद शाकी तां जरूर हुंदा । इह शिकवा वी नां करना कोई जिहालत दी गल्ल नहीं, इह किरत दवारा सहिज सुभा टिके, भावें किरत भले भाव विच्च टिके मन दा लछ्छण है । । सो सुच्ची किरत जरूर रब्ब दी पूजा है, किउंकि साध ते किरती दे लछ्छण मिलदे हन ॥

जद अमीर लोक हद्द थीं वध अतयाचार करदे हन , तद रब्ब वलों ही कोई तूफान सोसाइटी विच्च आउंदा है, जिहड़ा सोसाइटी दी जमीन उच्ची निच्ची पैली विच्च कराह फेरदा है ते बंने चंने वट्ट टोए नूं इक बराबर कर दिंदा है । यूरप विच्च कई वारी इह होया, पर फिर वी मुड़ तुड़ गल्ल समा पा के उथे ही । आ टिकदी है। किरती कुछ गरीब जिहे, निमाणे जिहे, ते अमीर लोक मन दे चंचल इउं, जिवें मोम दे बणे बेजान जिहे बुत्त हुंदे हन ते अख्खां झमकांदे हन ते होठ हिलांदे हन । उनहां नूं ओह सुख जिहड़ा किरती दी हड्डी विच्च किरत पैदा करदी है, कदी नहीं आ सक्कदा । निकंमा होण कर के उनहां नूं धरम करम दीआं गल्लां, मसजिदां मंदर बनाउण दे अहंकारी ते बनावटी दान ते खैराइतां सुझदीआं हन । उनहां नूं अगर विशे दे कीड़े किहा जाए तद साधारण उनहां दी सुरति दी हालत दा वरनण है । या किरती सुच्चा, या आवेश गरभित साध, बस दो बंदे इस दुनीआं ते सहिज सुभा दैवी गुणां दे प्रकाशक हुंदे हन, अर उनहां दे ओह गुण आप मुहारे इउं चमकदे हन, जिस तरां इस ठहिरे गगन विच्च सूरज दी जोती दीपमान हुंदी है, ते दो हद्दां जरूर मिलदीआं हन किउंकि आखर जीवन बस इक गोलाई है सरकल है जिहदा हर थां आदि ते हर थां अंत है । सो उस हद्द ते साध अक्रै हो के किरती है ते ओहदी किरत सदा रसिक किरत है, जिहदा दिस्सण वाला रूप केवल बस जीवण रौ चलाण वाला दरशन है, ते कला कौशल, आरट कविता आदि उस दरशन दे चानणा रूप हन, ओह साध है, ते इधर इक अभोल सुच्चा किरती सदा किसब करन वाला बंदा है, जिस विच्च साध दे जीवन दा पतीबिंब आपमुहारा पैंदा है ॥

मैं वेखिआ है, कि सिरफ इक गुरू नानक साहिब ते दस गुरूआं दे वयाखयान विच्च सहिज सुभा दिआं गुणां दे प्रकाशक नूं बांह पकड़ इस कूड़ भंवर विच्चों कढ्ढिआ है । उनहां दे दरबार विच्च इक पासे सुच्ची किरत नैण प्राणां दी दसां नौहां दी मिहनत दी कदर है ते दूजे पासे इक पूरण ब्रहम गिआन अक्रै रसिक किरत वाले साध दी चुप्प किरत ते पूरण दरशन दी सिफत है ते सोसाइटी मनुख्ख दी जहड़ तां किरती दी किरत ते चोटी दा फल साध दा वजूद दस्सिआ है, इस थीं छुट सभ "करम धरम पाखंड जो दीसहि तिन जम जागाती लूटै," इनहां नूं कूड़े वांगू बुहारी दे आपणे मंदर थीं बाहर सुट्टे हन ॥

ओहो विदया अविदया है, जिहड़ी मानसिक जूए नूं ते अनेक चितवनां ते मन घड़ित मसलिआं नूं कुदरत ते कादर दे रंग थीं जुदा कीते मन दीआं चरचावां ते खिआलां नूं कोई हैसीअत दिंदी है ते ओह अविदया विदया रूप है, जिहड़ी कुदरत दे रूह नाल अभेद हो उसी कादर दे रंग विच्च किरत करदी साह लैंदी है॥