-110-

 

हाई कोरट दी हत्थ आई गिदड़ सिंगी दा जज्ज पूरा फ़ाइदा उठा रिहा सी।

नंद लाल दा चाली साला तजरबा मिट्टी विच्च मिलदा जा रिहा सी। अध्धे घंटे दी थां उसने गवाहां ते तिंन तिंन घंटे जिरहा कीती। थाणे दे रोज़ नामचे तों लै के टैलीफ़ोन कंपनी दे रिकारड तक नूं तलब कीता। रिकारड इधर उध्धर करवाइआ। साधू सिंघ नें उसदी इक्क नां चल्लण दित्ती। परवानिआं दी थां रिकारड लैण अरदली भेजे गए। नाल हदाइत होई हनूंमान वांग सारा पहाड़ चुक्क लिआंदा जावे। घुंम फिर के सारा रिकारड हाज़र हो गिआ।

नंद लाल नें गवाहां नूं घरों भजाइआ। किसे नूं बिमार बणा के मैडीकल सरटीफिकेट भिजवाइआ। किसे नूं मरग दे भोग ’ते भिजवाइआ। जज्ज नें पहिलां ही गवाहीआं लई तिंन दिन मुकर्रर कर दित्ते। पंज, वीह अते तीह तारीख।

गवाह नूं छोट दे दित्ती। उह आपणी सहूलत अनुसार आ जावे। कोई महीनामहीना घरों थोहड़ा टल सकदा सी। कोई पंज नूं भुगत गिआ, कोई वीह नूं।

बाकी रहिंदे तीह नूं भुगत गए।

सफ़ाई पेश करन लई दो मौके दित्ते गए। रौला रप्पा पा के मसां इक्क मौका होर लिआ गिआ।

ढाई महीने भजा के जज्ज नें मुलज़म धिर नूं हंभा लिआ।

साधू सिंघ कोल हाले वी पंदरां दिन बाकी सन।

पंकज अते उसदे रिशतेदारां नें पूरी भज्ज नठ्ठ कीती। ज़मीन असमान इक्क कीता। दिल्ली तों लै के कनैडा तक वस्से साधू सिंघ दे रिशतेदारां तक पहुंच कीती। किधरों हुंगारा नां मिलिआ। उनहां नें नंद लाल नूं सूचित कीता। जे फैसला साधू सिंघ हत्थों होइआ तां उनहां नूं सज़ा होणी ही होणी सी।

तिंन महीने तों नंद लाल इस केस विच्च उलझिआ होइआ सी। उसदे बाकी कंम दा बहुत नुकसान हो रिहा सी। नंद लाल चाहुंदा सी मुकद्दमा अगले जज्ज तक लटक जावे। उसनूं दोबारा सारी कारवाई दुहराउण दी जहिमत नां उठाउणी पवे।

पर हुण दोबारा कारवाई चलाउण दा हूला फक्कण तों सिवा कोई होर चारा नहीं सी।

मुख्ख अफ़सर नाल गल्ल होई। उह इक्क ख़तरनाक भगौड़े मुलज़म नूं फड़ के अख़बारां कोलों वाह वाह खट्टे। महिकमे कोलों इनाम लए।

उसनूं पंडित दे लुकण वाली थां दा सिरनावां दस्सिआ गिआ।

अगले दिन बहिस शुरू होण तों पहिलां ही मुख्ख अफ़सर अदालत विच्च पेश होइआ। दोवें अड्डीआं जोड़ के उसने जज्ज नूं सलूट मारिआ।

अदालत दी कारवाई विच्च खलल पाउण दा जज्ज नें कारन पुछ्छिआ।

मुख्ख अफ़सर नें आपणी बहादरी दी फहड़ मारी। भगौड़े मुलज़म नूं हत्थ कड़ीआं विच्च जकड़ के अदालत विच्च पेश कीता।

पंडत नूं अदालत विच्च पेश होइआ देख के साधू सिंघ मिना जिहा मुसकाइआ। भगौड़े मुलज़म दे अचानक पेश होण उपर उस नूं कोई हैरानी नहीं सी होई। “इंझ होणा ही है” इस बारे जिवें उस नूं पहिलां ही पता सी।

“बैठा दे।” साधू सिंघ नें मुख्ख अफ़सर नूं हुकम सुणाइआ।

“हुण जनाब?” नंद लाल नूं पता सी अग्गे की होणा है। फेर वी उसने जलदी फारग होण दे इरादे नाल जज्ज नूं टोहिआ।

“तेरा कोई वकील है? जां सरकारी खरचे ’ते कर के देवां?” नंद लाल दे सवाल दा जवाब देण तों पहिलां ही साधू सिंघ नें मुलज़म तों पुछ्छिआ।

“जी कोई नहीं।”

“ठीक कोई नहीं।”

“ठीक है। बाबू जी तुसीं इस दे वी वकील बण जाओ। मैं सरकार नूं तुहाडी फीस बारे लिख दिंदा हां। ठीक है?”

“जो हुकम जनाब दा।”

“दसो किहड़े किहड़े गवाह दोबारा बुलाउणे हन?”

“जनाब इह मुलज़म वारदात तों लै के ग्रिफ़तारी तक मुकद्दमे नाल जुड़िआ होइआ है। इस नाल हर गवाह सबंध रख्खदै। सारे गवाह इक्क वार फेर बुलाउणे पैणगे।”

“टैलीफ़ोन वाले, सटोर कीपर, गेट कीपर, दूजे दोशीआं कोलों समान बरामद कराउण वाले। उनहां दा इक्क मुलज़म नाल की सबंध है?”

“बहुत सबंध है जनाब! फ़ौजदारी मुकद्दमा है। की पतै कदों कोई दाअ लग जावे?”

“इह कानूंन दी दुरवरतों है। समां बरबाद करन वाली गल्ल है। कोई नहीं। जिवें तुहाडी मरज़ी।” साधू सिंघ नें आपणी बेवसी जिताई।

“जनाब सारे गवाह छे महीनिआं विच्च नहीं भुगतणे। मेरे साइल दी ज़मानत कर दिओ।”

लटके मुकद्दमे ’ते ख़ुशी परगटाउंदे ठेकेदार दे वकील नें साधू सिंघ नूं हाई कोरट दे हुकम दी याद दिवाई।

“हालात बदल गए हन। पंज चार दिनां विच्च कोई हुकम सुणाउणे हां।”

फैसला साधू सिंघ दे हत्थों नहीं होणा इह उसनूं पहिले दिन तों पता सी।

पर उसने आपणे मन नाल फ़ैसला कीता होइआ सी। आपणी डिऊटी दे आख़री पल तक उह मुकद्दमा सिरे चाहड़न दा यतन करदा रहेगा। इसे लई मुलज़मां दी हर चाल दा उसने ढुकवां जवाब दित्ता सी।

मुकद्दमे दे मुख्ख गवाहां नूं तलब करन लई उसने इक्क हफ़ते दी तारीख़ पाई। बाकी बचदे गवाहां नूं पंदरवें दिन बुलाइआ गिआ।

मुलज़मां अते वकीलां नूं तोर के साधू सिंघ नें घड़ी देखी। हाले गिआरां वज्जे सन। बहिस सारा दिन चलणी सी। इस लई उसने होर कोई केस सुणवाई लई नहीं सी रख्खिआ।

विहले बैठे साधू सिंघ दे दिमाग़ विच्च फुरना फुरिआ। सारे गवाहां नूं दोबारा तलब करन विच्च कोई तुक नहीं सी। कानूंन भावें सारे गवाहां नूं तलब करन दी हदाइत करदा सी पर लगदा सी कदे किसे मुकद्दमे दे हालात अनुसार घड़े नियम दी हुण दुरवरतों हो रही सी। इस नियम नूं बदलण दी लोड़ सी।

ठेकेदार दी ज़मानत मनज़ूर करन वाले हुकम उपर वी नज़रसानी होणी चाहीदी सी। हाई कोरट दे हुकम दी इंन बिंन पालणा होई सी। जे मुलज़म कानूंन दीआं रिआइतां दा नजाइज़ फ़ाइदा नां उठाउंदे तां फैसला मिथी तारीख तों पहिलां हो जाणा सी। मुकद्दमा अदालत दी कमज़ोरी कारन नहीं, मुलज़मां दी चलाकी कारन लटकिआ सी। इस चलाकी दा फ़ाइदा ठेकेदार नूं नहीं सी मिलणा चाहीदा। हाई कोरट तों होर समें दी मंग कीती जाणी चाहीदी सी।

साधू सिंघ नें आपणा सटैनो बुलाइआ। चीफ़ जसटिस दे नां उसने इक्क गुपत पत्तर लिखवाइआ।

हाई कोरट वल्लों दो महीने दे अंदर अंदर सुणवाई मुकंमल करन दे हुकम पिछ्छे शुभ धारना कंम करदी सी। इस तरहां होण नाल दोहां धिरां नूं इनसाफ़ मिलणा सी। जे दोशी बेकसूर होइआ तां उसनूं वाधू जेल्ह विच्च सड़न दी ज़रूरत नहीं सी। उसने बाहर आ जाणा सी। दूजे पासे गवाहीआं भुगतण तक दोशीआं दा जेल्ह विच्च रहिणा जाइज़ सी। बाहर आउण नाल गवाहां विच्च दहिशत पैणी सी।

साधू सिंघ नें हाई कोरट दे मनशे नूं चंगी तरहां समझिआ सी अते उस उपर फुल्ल चहड़ाए सन।

पर हुण हालात बदल गए सन। बदले हालात विच्च जे हाई कोरट दे हुकम दी पालणा करके दोशी नूं ज़मानत ’ते रिहाअ कीता गिआ तां इस नाल हुकम दी असल धारना नाल बे इनसाफ़ी होणी सी। इनसाफ़ मंग करदा सी, दोशी दी रिहाई नूं होर छे महीने लई टाल देणा चाहीदा सी।

उसदी दूसरी बेनती सारे गवाहां नूं दोबारा बुलाउण दे नियम विच्च ढिल्ल देण बारे सी।

इस मुकद्दमे विच्च बहुत सारे अजिहे गवाह सन जिनहां दी पंडित दा दोश सिध्ध करन विच्च कोई भूमिका नहीं सी। उनहां नूं दोबारा तलब करके गवाही देण लई मजबूत करन विच्च कोई तुक नहीं सी। अजिहे गवाहां नूं तलब करन तों छोट मिलणी चाहीदी सी।

मौके दे जिनहां गवाहां उपर जिहड़े दोशीआं वल्लों पहिलां जिरहा हो चुक्की सी उनहां नूं दोबारा जिरहा करन दा मौका नहीं सी देणा चाहीदा। जिहड़ा मुलज़म हुण पेश होइआ सी उसे नूं जिरहा दा मौका मिलणा चाहीदा सी।

इह तरक संगत वी सी अते इस नाल अदालत दा कीमती समां वी बचणा सी।

अगली पेशी तों पहिलां चीफ़ जसटिस दा जवाब आ गिआ।

साधू सिंघ दीआं दोवें बेनतीआं परवान हो गईआं।

ठेकेदार दी ज़मानत तिंन महीने लई अग्गे पा दित्ती गई।

केवल उहो गवाह तलब कीते जाण जिहड़े नवें मुलज़म नाल सबंधत होण।

गवाहां नूं दोबारा बिआन देण दी जहिमत नां दिती जावे। पहिलां जे गवाह उसदी हाज़री विच्च नहीं भुगतिआ तां कसूर गवाह दा नहीं मुलज़म दा आपणा सी। पहिले बिआन समें छे वकील हाज़र सन। इस लई किसे कोताही दी कोई गुंजाइश नहीं सी। केवल नवें मुलज़म नूं जिरहा करन दा मौका दित्ता जावे।

नवें हुकम दा नंद लाल दी सिहत उपर कोई असर नहीं सी। उनहां दा मकसद पंदरां वीह दिन लंघाउणा सी। उह हुण वी लंघ जाणे सन।

उह हाई कोरट दे हुकमां दी पालणा विच्च सहियोग देण लग्गे।

 

-111-

 

इस कुरसी ’ते साधू सिंघ दा अज्ज आख़री दिन सी।

उसनूं अफ़सोस सी उह मुकद्दमे दा फैसला ख़ुद नहीं सी कर सकिआ। पर मन नूं तसल्ली सी। आपणी नियुकती दे आख़री मिंट तक उह केस नूं सिरे चाहड़न लई यतन करदा रिहा सी।

फैसला नहीं हो सकिआ नां सही। मुदई धिर दीआं गवाहीआं सुख्ख सांद नाल भुगत गईआं, सफ़ाई धिर नूं लख्ख यतन करन दे बावजूद वी मनमानी करन दा मौका नहीं मिलिआ, साधू सिंघ दी इह प्रापती घट्ट नहीं सी।

साधू सिंघ दा उत्तर अधिकारी इस केस दा की फैसला करदा है इस नाल साधू सिंघ नूं कोई मतलब नहीं सी। पर जे साधू सिंघ नें फैसला करना हुंदा, उह की फैसला करदा, इस बारे उह सपश्शट सी।

कानूंन दी कसवट्टी ’ते सबूत खरे उतरण जां नां पर सच्च उहो सी जो गवाहां नें बिआनिआ सी। पंकज अते नीरज नें जाती रंजश कढ्ढण लई इह साज़िश घड़ी सी। ठेकेदार अते उसदे साथीआं नें इह वारदात कीती सी। पंचम दी थां कतल दीने नें कीता जां दीने दी थां सट्टां पंडित नें मारीआं इह रद्दोबदल हो सकदा सी। सचाई इह वी सी कि नेहा नाल बलातकार होइआ सी।

पर बदनामी तों डरदी उह आपणे बलातकारी नूं दोश तों मुकत करन दा कौड़ा घुट्ट पी गई सी। घर विचों समान लुट्टिआ गिआ सी अते फेर दोशीआं विचकार वंडिआ गिआ सी। किस नें किहड़ा जुरम किस नीअत नाल कीता सी साधू सिंघ नें इनहां झंजटां विच्च नहीं सी पैणा। उसने सारे दोशीआं ’ते ‘सांझी नीयत’ दा सिधांत लगा के सभ नूं कतल अते डकैती दा दोशी गरदान देणा सी। अते फांसी दी सज़ा सुणा देणी सी।

पंचम वीह साल तों घट्ट उमर दा नहीं सी। हुंदा वी फेर वी साधू सिंघ नें उसनूं वीह साल तों घट्ट उमर दा नहीं सी मंनणा। बच्चा समझ के मुआफ़ करन दी थां उसने उसनूं वी फांसी दे फंदे तक पहुंचाउणा सी। ज़हिरीले सप्पां दे बचपन विच्च ही गल घुट्ट देण विच्च बिहतरी सी।

शनाख़त परेड दी खामी वी साधू सिंघ लई कोई अहिमीअत नहीं सी रख्खदी।

इक्कीवीं सदी विच्च जज्जां नूं उनीवीं सदी दे कानूंन मंनण लई मजबूर कीता जा रिहा सी। नवें संदरभ विच्च नवें कानूंन बनाउण दी ज़िंमेवारी सरकार दी सी। घसे पिटे कानूंन नूं सिध्धीआं लीहां ’ते पाउण दा जिंना कु अधिकार साधू सिंघ नूं प्रापत सी उस दी वरतों उसने खुल्ल्ह के करनी सी। अदालत विच्च पहिली वार होई शनाख़त नूं सही ठहिराउण लई साधू सिंघ कोल आपणा तरक सी।

सदमे कारन जे कुड़ी फौरी तौर ’ते सारी घटना दा बिआन हू ब हू नहीं कर सकी तां इस विच्च उसदा की दोश सी? पुलिस नें आपणी सुविधा अनुसार उस दे बिआन आपे लिख लए तां इस विच्च उस दा की दोश सी? कसूर कानूंन दा सी जिसने पुलिस नूं अजिहे अधिकार दित्ते सन। विशेश चिंनहां दे आधार ’ते दोशीआं दी शनाख़त किउं नहीं हो सकदी? कतल करदे हत्थ, बलातकारी दे सरीर विचों आउंदी बूदबू … सारी उमर भुलाइआं नहीं भुलदी। इनहां चिंनहां दे आधार ‘ते होई शनाख़त सही शनाख़त सी। मासूम कुड़ी नें मुलज़मां नाल इशक नहीं सी लड़ाइआ कि उनहां नूं झट पट पहिचाण जांदी। दोशीआं वल्ल तक्कण तों पहिलां ही उसदा कालजा फटण लगदा सी। गुस्सा नाल उह लाल पीली हो जांदी सी।

कई वार बेहोश होण तों बाअद उह दोशीआं वल्ल मूंह कर सकी सी। उस नूं झूठ बोल के इनहां नूं फसाउण दी की ज़रूरत सी? साधू सिंघ नें नवां नियम घड़ देणा सी। अग्गे हाई कोरट जाणे अते उसदा कानूंन जाणे।

उह पंकज अते नीरज नूं वी बख़शण वाला नहीं सी। जिंने सबूत मिसल ते आए सन उह उनहां नूं दोशी साबत करन लई बथेरे सन। साधू सिंघ नूं साज़िश सुणदे झूठे गवाहां दी ज़रूरत नहीं सी। साजिशां कदे किसे दे साहमणे नहीं घड़ीआं जांदीआं। नां इसदा कोई सबूत रहिण दित्ता जांदा है। साजिशां दा अंदाज़ा हालातां तों लाइआ जांदा है। इस मुकद्दमे दे हालात बहुत कुझ्झ पंकज अते नीरज दे ख़िलाफ़ बोलदे सन।

पर साधू सिंघ दे दिल दीआं दिल विच्च ही रहि गईआं।

अगली पेशी पंडित दे सफ़ाई पेश करन लई पैणी सी। सफ़ाई पेश करन लई मुलज़म नूं मुनासब समां मिलणा चाहीदा सी। बदले हालातां विच्च इह मुनासब समां दस दिनां तों घट्ट की हो सकदा सी?

“हुण तां खुश हो!” दसां दिनां दी तारीख़ पा के साधू सिंघ नें विअंगमई मुसकान होठां ’ते लिआ के नंद लाल तों पुछ्छिआ।

साधू सिंघ दा इशारा समझ के नंद लाल शरम नाल पीला बसार हो गिआ।

साधू सिंघ दी इको मुसकान नें नंद लाल नूं धुर अंदर तक हिला दित्ता।

बतौर वकील नंद लाल दा फरज़ सी इनसाफ़ करन विच्च जज्ज दी मदद करना। पर उसने इनसाफ़ होण विच्च रोड़ा अटकाइआ सी।

“की इहो उसदा फरज़ सी?” साधू सिंघ जिवें नंद लाल तों पुछ्छ रिहा सी।

नंद लाल कोलों जज्ज नाल अख्ख मिलाउण दी हिंमत जांदी रही।

उह नीवीं पा के अदालतों बाहर आ गिआ।

साधू सिंघ दी बदली तों बाअद दी तारीख़ मिलण ’ते सारी सफ़ाई धिर जेतू महिसूस कर रही सी।

पर नंद लाल नूं पहिली वार महिसूस होइआ जिवें उसदी हार होई सी।

 

-112-

 

साधू सिंघ दी थां नंद लाल भगत राम नूं माइआ नगर लिआउणा चाहुंदा सी।

भगत राम माइआ नगर लग्गण दीआं सारीआं शरतां पूरीआं करदा सी।

उह हर केस विच्च रिशवत नहीं सी लैंदा। कदे कदे, सोच विचार के पैस लैंदा सी। इस लई उसदा नां ईमानदार जज्जां दी लिसट विच्च आउंदा सी। उह साधू सिंघ वरगा अड़ीअल नहीं सी। बिनां लालच कीते अफ़सरां दा कंम करदा सी। इस लई उह उप्परलिआं दा चहेता सी।

उसदे माइआ नगर आउण नाल नंद लाल दा पासा सिध्धा पैंदा सी।

नंद लाल मोटीआं असामीआं दा वकील बणदा सी। पैसे वालीआं पारटीआं दा धिआन पैसे दे ज़ोर ’ते मुकद्दमा जित्तण वल्ल हुंदा सी। वकील नूं फ़ीस दिंदे सौ किरस करन पर जज्ज नूं मूंह मंगी फ़ीस दिंदे सन। मोटीआं फ़ीसां विचों नंद लाल नूं मोटा हिस्सा मिलदा सी। भगत राम नाल बुक्कल सांझी सी। उसदे माइआ नगर आउंदे ही नंद लाल दीआं पौं बारां हो जाणीआं सन।

हज़ारी लाल नूं चीफ़ जसटिस बणवा के चंडीगहड़ रखवाउण वाला साबका ऐम.पी.शुकला सी, इह सारा हाई कोरट जाणदा सी। नंद लाल दे शुकले नाल निज्जी सबंध सन, इह केवल भगत राम जाणदा सी। आपणी मरज़ी दा जज्ज माइआ नगर लगवाउण लई पंकज शुकले नूं मोटी रकम दे रिहा सी, इह केवल नंद लाल जाणदा सी।

पंकज जिस जज्ज नूं माइआ नगर लिआउणा चाहुंदा सी, उसदा इथे आउणा असंभव सी। उसदा पिछला रिकारड बहुत माड़ा सी। हर सटेशन ’ते उसदे विरुध रौला पिआ सी। उसदे रिटाइर होण विच्च दो साल रहिंदे सन। उह अगली पिछली कसर पूरी करना चाहुंदा सी। पंकज दे बाप दा उह लंगोटीआ यार सी। पहिलां तों पंकज दा उसदे घर आउण जाण सी। पंकज नूं बरी करन दा उसने भरोसा दित्ता सी। कुझ्झ रकम उह जज्ज आपणे पल्लिउं वी ख़रच रिहा सी।

नंद लाल नूं पता सीध। सोसाइटी दे ज़ोर कारन उसनूं माइआ नगर मिलण वाला नहीं सी।

इस लई नंद लाल नें पंकज दे चहेते जज्ज दे नाल नाल आपणे चहेते जज्ज दा नां वी शुकले नूं सुझाइआ सी।

पर लगदा सी, हुणे चीफ़ जसटिस नें शुकले दे अहिसान नूं भुला दित्ता सी। दोहां विचों किसे वी जज्ज नूं माइआ नगर नहीं सी लाइआ गिआ। बुक्कल विचों कोई नवां मूंगला कढ्ढ मारिआ सी।

पंकज दे ऐम.पी.कोलों पुछ्छण तों पहिलां ही ऐम.पी.नें चीफ़ कोलों पुछ्छ लिआ।

पारटी कोलों मिली मोटी फ़ीस उह हज़म कर चुक्का सी। उह पारटी नूं की मूंह दिखाए?

“पेड़ नां गिणो। अंब खाओ। मंगत राम आपणे कंम दी शुरूआत पंकज होरां नूं बरी करके करेगा। बिनां कोई झाक रख्खेध।”

हज़ारी लाल नूं दुध्ध विच्च मींगणा किउं घोलणीआं पईआं, इस दे कारन वी उसने सपश्शट कीते।

“सोसाइटी दा प्रधान तुहाडे वल्लों लग्गी सिफारश दी सूह कढ्ढी फिरदा है।

उह ख़ुद मेरे कोल आ के इतराज़ करके गिआ है। पंकज नें जिस जज्ज दी सिफारश कीती सी, उह बेवकूफ़ कई वार सरकारी गड्डी विच्च इनहां दी कोठी आइआ सी। सरकारी फ़ोन तों इनहां नूं फ़ोन करदा रिहा है। प्रधान सारा रिकारड चुक्की फिरदा है। भगत राम अते नंद लाल दे गूहड़े संबंधां दा पुलंदा वी उस कोल है। दोहां विचों जिस जज्ज नूं वी माइआ नगर लाइआ जांदा है, उस नें ख़तरे विच्च पै जाणा सी। आपणा कंम उसने की करना सी, उसनूं आपणी जान छुडाउणी औखी हो जाणी सी। आपणी दोहां दी बदनामी मुफ़त विच्च होणी सी।”

मंगत राम चीफ़ दा वफ़ादार सी। सारीआं शरतां खोल्ह के उसनूं माइआ नगर लाइआ गिआ सी। उह बहुत हुशिआर सी। उसने आपणी कारवाई वी पा लैणी सी अते किसे नूं कंनों कंन ख़बर वी नहीं सी होणी।

शुकले नूं चीफ़ दीआं गल्लां ’ते यकीन आ गिआ। पर नंद लाल नूं शुकले दीआं गल्लां ’ते यकीन नां आइआ। सिआसी बंदिआं दे लारिआं दे आधार ‘ते उह आपणे साइलां नूं जोख़म विच्च नहीं सी पा सकदा।

पंडत आपणी सफ़ाई भुगता चुक्का सी। बाकी दोशी पहिलां ही सफ़ाई बंद कर चुक्के सन।

केस कई वार बहिस ’ते लग्ग चुक्का सी। पर पक्का यकीन होण तक नंद लाल किसे नां किसे बहाने बहिस टालदा आ रिहा सी।

चार तारीख़ां पाउण बाअद मंगत राम नूं होर तारीख़ देण विच्च दिक्कत महिसूस होण लग्गी। बहुतीआं तारीख़ां दा मतलब सी जज्ज किसे धिर नूं रिशवत लई उडीक रिहा सी। मंगत राए नें दो अमीर दोशीआं नूं बरी करना सी। सोसाइटी इस दी सूह कढ्ढ सकदी सी।

फैसला लटकाउणा सभ लई ख़तरनाक सी।

इक्क दिन विशेश तौर ’ते चंडीगहड़ जा के मंगत राम नें मामला चीफ़ दे धिआन विच्च लिआंदा। कोई हीम कीम हो गई तां उसनूं दोश नां दित्ता जावे।

चीफ़ नें देर दा कारन शुकला तों पुछ्छिआ। शुकला नें नंद लाल तों। नंद लाल फेर टाल मटोल कर गिआ।

जदों अगली तारीख़ वी बिनां बहिस होए लंघ गई तां मंगत राए नूं आपणा सिंघासण डोलदा नज़र आइआ। दोहां पासिआं तों ख़तरा वध रिहा सी। दोशी बरी नां हो सके, चीफ़ नें नाराज़ होणा सी। लटका के बरी कीते तां सोसाइटी नें वंझ गड्ड देणा सी।

हरीश लटकदी बहिस ’ते गिला कर चुक्का सी। इशारे नाल जज्ज नूं समझा चुक्का सी। पारटी बंदा लभ्भदी फिरदी सी। बहिस पक्के प्रबंधां बाअद होणी सी।

मौका ताड़ के इक्क दिन मंगत राए नें नंद लाल नूं आपणे रिटाइरिंग रूम विच्च बुलाइआ।

जज्ज नूं नंद लल दी सहाइता दी ज़रूरत सी।

इस वार बदलीआं लेट होईआं सन। कालजां विच्च दाख़ला लैण दीआं तारीख़ां निकल गईआं सन। मंगत राए दे बेटे नूं किसे कालज विच्च दाख़ला नहीं सी मिल रिहा। मंगत राए हरीश समेत कईआं वकीलां तों सहाइता मंग चुक्का सी। सभ नें नंद लाल दा नां सुझाइआ सी। उह आरीआ कालज दा प्रधान सी। उसदी कलम दे इको झटके नाल मुंडे नूं दाख़ला मिल जाणा सी।

इसे बहाने उसने नंद लाल नूं आपणे कोल बुलाइआ सी।

“बाबू जी बहिस करो। चीफ़ साहिब दा हुकम है।”

कुरसी ’ते बैठण तों पहिलां ही मंगत राए नें नंद लाल नूं समझाइआ।

इध्धर उध्धर दीआं गल्लां बाअद विच्च होईआं।

 

-113-

 

वेद परिवार दा पहिलां माइआ नगर नालों मोह टुट्टिआ। फेर उस नाल नफ़रत हो गई। कदे कदे कमल दीआं यादां उनहां नूं कोठी वल्ल धूह लिजांदीआं।

पर जदों तों कोठी विकी सी उनहां दा इह संबंध वी टुट्ट गिआ। माइआ नगर दे लोकां नें वेद होरां नूं विसार दित्ता अते उनहां नें पूरे माइआ नगर नूं।

वेद दा कारोबार ठप्प सी। नेहा दी पहड़ाई छुट्ट चुक्की सी। नीलम घर जोगी रहि गई सी। मिरगी दे लगातार पैंदे दौरिआं कारन उसदा अंदर बाहर जाणा वरजित सी।

वेद परिवार नूं इस शीहर विच्च आइआं डेढ साल हो गिआ सी। आपणा सभ कुझ्झ वेच वट्ट के वेद नें रुपिआ बैंक विच्च जमहां करवा दित्ता। जदों तक उह पूरी तरहां सिहतयाब नहीं हो जांदा, उदों तक उह नवां कारोबार शुरू नहीं कर सकदा। विआज नाल खरचा चल्ल रिहा सी।

सवेरे शाम वेद नीलम नूं लै के गीता भवन चला जांदा सी। उथे कथा वारता चलदी रहिंदी सी। दोहां दा मन परच जांदा सी।

चिंता नेहा दी सी। वेद आथण उग्गण राम नाथ ’ते ज़ोर पा रिहा सी।

कोई लोड़ींदा घर देख के नेहा दे हत्थ पीले कर दित्ते जाण। राम नाथ वी इसे विचार दा सी। पर कोई मुंडा मिले तां ही रिशता होवे। राम नाथ नें सारे वाकफां कोल मुंडा दस्सण दा सवाल पाइआ सी। किसे इक्क वल्लों वी मुंडे दी दस्स नहीं सी पई।

“कुड़ी नूं खूह ख़ाते नहीं सुट्टिआ जा सकदा। कदे नां कदे हालात बदलणगे। उह वड्डो बार नहीं हो गई। आपे ठीक रिशता हो जाएगा।” आख के उह वेद दा मन रख्खदा आ रिहा सी।

इस शहिर विच्च उचेरी पहड़ाई दा कोई प्रबंध नहीं सी। चाहुंदी होई वी नेहा ऐम.ए.विच्च दाख़ला नहीं सी लै सकदी।

समें नूं धक्का देण दा इको साधन सी। कानूंन दीआं किताबां नाल मगज़ खपाई।

नेहा रुझ्झी रहिणा चाहुंदी सी। कंम कोई वी होवे। मनो चकितसक दे सुभाअ ‘ते राम नाथ उसनूं रुझे रहिण विच्च मदद कर रिहा सी।

राम नाथ आपणे वल्लों लड़े जा रहे किसे मुकद्दमे दा पहिलां उसनूं पिछोकड़ समझा दिंदा। फेर मुकद्दमे विच्च उठ्ठण वाले नुकतिआं बारे दस्स दिंदा। उनहां नुकतिआं उपर हाई कोरट, सुपरीम कोरट दा की विचार है? उनहां फैसलिआं दी लिसट बणा दिंदा। बाकी दी पहड़ाई नेहा उपर छड्ड दिंदा।

फैसले पहड़दी पहड़दी नेहा वकीलां अते जज्जां दी चतुराई ’ते हैरान होण लगदी। लगभग हर केस विच्च बड़ी चतुराई नाल कोई नां कोई बहाना लभ्भ के दोशी नूं बरी कर दित्ता जांदा सी। नेहा वरगे लोक वी मुकद्दमे दा हिस्सा सन।

लगदा सी इस पख्ख नूं अदालत नें उक्का विसार दित्ता सी।

आपणे मुकद्दमे नाल मिलदे जुलदे फैसले पहड़के नेहा नूं लगदा सी किसे नां किसे बहाने उनहां दे मुलज़मां नूं वी बरी कर दित्ता जाणा सी।

मुदई दी हुंदी दुरदशा देख के नेहा दा मन कुझ्झ करन लई तड़प उठदा सी। उह की करे? इह प्रशन उह मामे कोलों कई वार पुछ्छ चुक्की सी।

दुख्ख हंढा के राम नाथ नें कई सबक सिख्खे सन। हुण उसनूं मुलज़म दा पख्ख पूरदे झिजक महिसूस हुंदी सी। लगदी वाह उह मुदई धिर दा वकील बणदा सी। दोशीआं नूं सज़ा कराउण लई उह दिन रात इक्क करके संघरश करदा सी। इस तरहां उसनूं सकून मिलदा सी।

सोसाइटी दे असल उदेश दी समझ राम नाथ नूं हुण आई सी। जे नेहा वकील हुंदी तां सोसाइटी दे कंम विच्च हत्थ वंडा दिंदी। हुण नेहा सोसाइटी लई की कर सकदी सी? इह राम नाथ नूं वी समझ नहीं सी आउंदी।

“मामा जी मैनूं लाअ विच्च दाख़ला नहीं मिल सकदा? लाअ करके मैं हरीश अंकल दी सोसाइटी दी मैंबर बणांगी। फेर मैं मुलज़म पख्खी कानूंन दीआं धज्जीआं उडावांगी।”

नेहा नूं अचानक इक्क दिन फुरना फ़ुरिआ सी।

“किउं नहीं बेटा? तेरे गरैजूएशन विचों इंने नंबर हन कि मैरिट लिसट विच्च तेरा नां पहिले पंजां विच्च होणै। तेरा विचार उत्तम है। रब्ब तैनूं सफलता बखशे।”

नेहा दे फैसले ते सारे परिवार नूं ख़ुशी होई सी।

उसदे पहड़ने पै जाण नाल कई समस्सिआवां हल्ल हो जाणीआं सन। नेहा नें तिंन साल लई कंम लग जाणा सी। यूनीवरसिटी जा के उसदा मन परच जाणा सी।

ख़ुशी ख़ुशी नवें दाख़ले दा इंतज़ार होण लग्गा।

 

-114-

 

साधू सिंघ दी आख़री दिन दी मुसकान नंद लाल दे सीने विच्च छुरे वांग खुभी होई सी।

“हुण ते ख़ुश हो?” साधू सिंघ नें हुंदे इनसाफ़ विच्च रोड़ा अटकाउण विच्च मिली कामयाबी कारन नंद लाल नूं वधाई दित्ती सी।

“की इसे दा नां वकालत है?” नंद लाल नूं लगदा सी, जिवें साधू सिंघ वार वार उस तों इह प्रशन पुछ्छ रिहा सी।

बड़ा माण सी नंद लाल नूं आपणी काबलीअत उप्पर। किस कंम आई इह लिआकत? पैसा कमाउण लई? पैसे वाले मुजरमां नूं बरी कराउण लई?

मुलज़मां नूं सज़ा दे भैअ तों मुकत कराउण लई? जुरम दे वधण फुल्लण विच्च सहाई होण लई?

आपा पड़चोल करदे नंद लाल नूं इनहां प्रशनां दा उत्तर हां विच्च मिलदा सी।

इह हां हुण उसनूं पशचाताप दी अग्ग विच्च साड़ रही सी।

नंद लाल नूं मुकद्दमे दे सारे हालात दा पता सी। सारे दोशीआं उपर लगे दोश सही सन। नंद लाल नें गलत ढंग तरीके वरत के सारे सबूत मिटवा दित्ते सन। हुण कोई वी जज्ज दोशीआं नूं सज़ा नहीं कर सकदा।

पहिलां कई वार बहिस टल चुक्की सी। इस वार बहिस होणी सी। बहिस करन दा वाअदा नंद लाल करके आइआ सी। होर तारीख़ लैणी नां साइलां दे हित विच्च सी नां जज्ज दे।

पर हुण मुलज़मां नूं बरी कराउण तों नंद लाल कतरा रिहा सी।

नंद लाल नूं पंचम वरगे पेशावर मुलज़मां दा पख्ख पूरन लई किस नें वकील नियुकत कीता सी? पेशावर मुलज़मां नूं चोटी दे वकीलां दीआं सेवावां मुहई्ईआ करवा के नंद लाल नें आपणा किहड़ा फरज़ निभाइआ सी? किउं निजी रसूख़ वरत के उसने तफ़तीश विच्च रोड़ा अटकाइआ? किउं गवाह मुकराए? किउं साधू सिंघ नूं फैसला करन तों रोकिआ? किउं मुलज़मां दी मरज़ी दा जज्ज साधू सिंघ दी थां लगवाइआ?

इह वकालत नहीं, कानूंनी अपराध सी। नंद लाल भारती दंडावली दीआं किहड़ीआं किहड़ीआं धारावां तहित मुजरम बणदा सी? तिंन दिनां तों घर बैठा नंद लाल इहो सोच रिहा सी।

नंद लाल नूं हुण साधू सिंघ ठीक लग रिहा सी। हरीश ठीक लग रिहा सी। पर कमानों निकलिआ तीर वापस नहीं सी आ सकदा।

भुलिआ बंदा जे शाम नूं घर आ जावे तां उसनूं भुल्लिआ नहीं आखदे।

पर जे कोई सारी उमर ही भुल्लिआ रिहा होवे? उसनूं की आखिआ जावे। कोई लत्तां कबरां विच्च जाण समें घर मुड़िआ तां की मुड़िआ?

जदों जागो, तदे सवेरा। इह सोच के नंद लाल नें सिंगले नूं आपणे घर बुलाइआ।

सिंगले नूं सारी सथिती समझाई।

नंद लाल दी तबीअत ख़राब सी। उह बहिस करन दे योग नहीं सी। बहिस इकल्ले सिंगले नूं करनी पैणी सी।

सिंगले नूं घबराउण दी लोड़ नहीं सी। उनहां दे दोहां साइलां नें बरी हो जाणा सी। इस दा इंतज़ाम उनहां नें कर लिआ सी। वकीलां सिर वडिआई दा सिहरा मुफ़त विच्च बझ्झणा सी। नंद लाल अजिहे सिहरे बंनहवा बंनहवा थक्क चुक्का सी। हुण वारी उसदे चेले दी सी।

सरकार नें नंद लाल नूं पंडित दा वकील नियुकत कीता सी। उसदी पंडित वल्लों बहिस करन दी इछ्छा नहीं सी। सरकार वल्लों मिली फ़ीस उह वापस कर चुक्का सी। उह पंडित वल्लों आपणा वकालत नामा वापस लैंदा है। सिंगले नें इस दी सूचना जज्ज नूं देणी सी।

नंद लाल नें आपणे चेले नूं इक्क होर नसीअत कीती।

“लालच वस्स तूं गुरू दी थां पंडित दा वकील नां बणीं। उसनूं आपणे कीते दी सज़ा होण देईं।”

बाबू नंद लाल ठीक तां सी? उह किहो जिहीआं गल्लां कर रिहा सी?

सिंगले नूं कुझ्झ समझ नहीं सी आई।

 

-115-

 

नीलम दी दिमाग़ दी सट्ट नूं ठीक होण विच्च बहुत समां लग्गणा सी।

डाकटरां दी सलाह सी, उसनूं हर चिंता तों मुकत रख्खिआ जावे। चिंता कारन उसदे दिमाग़ उपर बोझ पैंदा सी। पए बोझ कारन उसनूं दौरे पैण लगदे सन।

इक्क वार शुरू होए दौरे कई कई दिन चल्लदे सन।

इस लई हर भैड़ी ख़बर नीलम तों छुपा के रख्खी जांदी सी।

पर कल्ल्ह नूं होण वाले फैसले दी भिणख पता नहीं उसनूं किथों पै गई?

उह सवेर दी गुंम सुंम सी।

उसदा गुंम सुंम होणा परिवार लई ख़तरे दी घंटी सी। उसनूं किसे वी समें दौरा पै सकदा सी।

नेहा नें नीलम नूं कंम नूं हत्थ नहीं सी लाउण दित्ता। सारा कंम उसने ख़ुद समेटिआ सी। नीलम नूं आराम दी ज़रूरत सी। उसनूं बिसतरे विचों उठण नहीं सी दित्ता जा रिहा।

बरांडे विच्च बैठ के अख़बार पहड़दा वेद लगातार नीलम उपर नज़र रख्ख रिहा सी।

सुत्ती पई नीलम पता नहीं कदों जागी अते कदों बाथरूम गई। वेद नूं उस समें ही पता लग्गा जदों धड़म्म करके डिगदी नीलम नें सारा घर हिला दित्ता।

अचानक आई इस मुसीबत कारन वेद बौंदल गिआ। उसदा सारा सरीर कंबन लगा।

नीलम दी जान नूं होए ख़तरे नें वेद नूं सभ कुझ्झ भुला दित्ता। उह भुल गिआ, उह पहिलां वाला वेद पहिलवान नहीं सी। हुण उस दीआं लत्तां बाहां कमज़ोर सन। उस दा अंग अंग पलेटां सहारे खहड़ा सी। उस नूं चार कदम चल्लण लई सहारे दी ज़रूरत पैंदी सी। उसनूं भार चुक्कण दी मनाही सी। चार कदम तेज़ तुरन दी मनाही सी।

सिर ’ते मंडराउंदे ख़तरे नें वेद नूं सारीआं मनाहीआं भुला दित्तीआं।

उस दे सरीर विच्च किधरों अथाह शकती आ गई। उस शकती सहारे उह बाथरूम वल्ल दौड़िआ।

नीलम फरश ’ते डिग्गी पई सी। उसदे मूंह विचों ख़ून निकल रिहा सी।

दंदां विच्च आ जाण कारन उसदी जीभ कट्टी गई सी।

वेद नें नीलम नूं बाहां विच्च भरिआ अते बैड्ड उपर लिआ सुट्टिआ।

झट्ट उसदी गैबी शकती अलोप हो गई। उस दीआं लत्तां बाहां दरद कारन मच्चण लग्गीआं। उसदी सज्जी लत्त उपर आरा चल्लण लग्गा।

नेहा घर नां हुंदी तां शाइद कोई भाणा वरत जांदा।

झट्ट नेहा नां हुंदी तां शाइद कोई भाणा वरत जांदा।

झट्ट नेहा नें राम नाथ नूं बुलाइआ।

राम नाथ नें डाकटर इकठ्ठे कर लए।

नीलम नूं बहुता ख़तरा नहीं सी। उसनूं साधारन दौरा पिआ सी। इक्क दो दिनां विच्च उसने तुरन फिरन लग जाणा सी।

वेद दी हालत चिंताजनक सी। भार चुकण कारन उस दीआं कमज़ोर हड्डीआं जरक गईआं सन।

लत्तां दी हालत ज़िआदा गंभीर सी। लगदा सी भार पैण कारन पलेटां विंगीआं हो गईआं सन।

जे इंझ हो गिआ होइआ तां फौरी अपरेशन करना पैणा सी। इस शहिर विच्च इह सुविधा नहीं सी।

मरीज़ नूं फौरी तौर ’ते दयानंद हसपताल लिजाणा चाहीदा सी।

सोग विच्च डुब्बा परिवार माइआ नगर जाण दी तिआरी करन लग्गा।

 

-116-

 

पूरे दो दिन धूंआं धार बहिस हुंदी रही।

सुपरीम कोरट दे बीसीआं फैसलिआं दा हवाला दे के सफ़ाई धिर नें सिध्ध कीता कि दोशीआं दा मौके उपर हाज़र होणा अते वारदात विच्च शामल होणा साबत नहीं हुंदा।

उनहां दा तरक सी कि वारदात काले कछ्छिआं वाले किसे गरोह नें कीती सी। अजिही वारदात माइआ नगर विच्च पहिली वार होई सी। डरे लोकां दीआं भावनावां नूं परगटाउण लई अख़बारां नें मुकद्दमे नूं तूल दे दित्ता। आपणा खहिड़ा छुडाउण लई पुलिस नें साधारन किसम दे मुजरमां नूं बली दा बक्करा बणा दित्ता। राम नाथ कानूंन दा जाणकार सी। जाती रंज़श कढ्ढण लई उसने बड़ी हुशिआरी नाल पंकज अते नीरज नूं मुकद्दमे विच्च घड़ीस लिआ।

परचा तिंनां विचों इक्क चशमदीद गवाह वल्लों दरज करवाइआ गिआ सी। जे डाकटरी रिपोरट नूं गहु नाल वाचिआ जावे तां नेहा दे कोई गंभीर सट्ट नहीं सी वज्जी। बिआन दरज कराउण समें उह पूरे होशो हवास विच्च सी।

जे उसनूं मुलज़मां दे नावां दा पता हुंदा तां उह उसने आपणे परचे विच्च लिखाए हुंदे। ततीमां बिआन दोशीआं नूं फड़न बाअद लिखिआ गिआ सी। इह ततीमां बिआन किहड़ा सच्च सी? पुलिस नें बिआन विच्च लिखिआ सी कि दीने नें नेहा नाल बलातकार कीता। नेहा अते डाकटर इस दोश नूं झुठलाउंदे सन।

इसे लई सुपरीम कोरट वार वार ज़ोर दिंदा सी कि परचे विच्च दरज तत्थां नूं ही सही मंनिआ जावे। ततीमे बिआनां नूं नज़र अंदाज़ कीता जावे। इनहां ततीमे बिआनां दे आधार ’ते दोशी कसूरवार नहीं ठहिराए जा सकदे।

दोशीआं उपर कतल अते बलातकार वरगे संगीन जुरम लग्गे सन। दोश साबत होण उपर उनहां नूं फांसी तक दी सज़ा हो सकदी सी। अदालत दा फरज़ सी गवाहीआं नूं गहु नाल वाचे। जिथे किते कहाणी दे सच्च होण ’ते शक्क पैदा होवे उसदा फ़ाइदा दोशीआं नूं देवे।

इह वारदात इनहां ही दोशीआं नें कीती सी। इह साबत करन विच्च पुलिस असफ़ल रही सी। पुलिस नें जाण बुझ के शनाख़त परेड नहीं सी करवाई।

वारदात अचानक होई सी। सुत्ते पए घर दे मैंबरां नूं उठा के कुटापा चाहड़ दित्ता गिआ सी। किसे गवाह वल्लों किसे मुलज़म नूं उस समें पहिचाण लैण दी कोई संभावना नहीं सी। शनाख़त परेड करवा के वी गवाहां कोलों दोशी पहिचाणे नहीं सन जाणे। इसे लई गवाहां दे बिमार होण दा बहाना ला के शनाख़त परेड टाल दित्ती गई सी। गवाह कदों दे ठीक हो के कंमी कारी लग्ग चुक्के सन। चार दोशी हाले वी जेल्ह विच्च सन। उनहां दे ठीक होण बाअद शनाख़त परेड कराई जा सकदी सी। पर पुलिस दी नीअत साफ़ नहीं सी। दोशीआं दीआं फ़ोटोआं उतरवाईआं गईआं। उनहां दीआं कापीआं गवाहां नूं दित्तीआं गईआं।

वार वार मुलज़मां नूं गवाहां साहमणे पेश कीता गिआ। जदों मुलज़मां दी शनाख़त पक्की हो गई फेर उनहां नूं अदालत विच्च खहड़ा करके शनाख़त करवाइआ गिआ। सुपरीम कोरट पुलिस दी इस चलाकी तों भली भांत वाकिफ़ है। इस लई उह अदालत विच्च पहिली वारी होई शनाख़त नूं कोई अहिमीअत नहीं दिंदी। गवाहां दे बिआन सच्चे नहीं सन। गवाहीआं शक्की सन। शक्क दा फ़ाइदा मुलज़मां नूं मिलणा चाहीदा सी।

पंचम दे वकील नें इक्क वख्खरा तरक दित्ता। डाकटरी रिपोरट अनुसार उसदी उमर वीह साल तों घट्ट सी। जे गवाहां नूं सही मंन लिआ जावे, फेर वी उसनूं वध्धो वध्ध तिंन साल लई किशोर अपराधीआं लई बणे सुधार घर विच्च ही भेजिआ जा सकदा सी। कोई होर सज़ा उस नूं नहीं सी दित्ती जा सकदी।

जदों मुख्ख दोशी ही दोशी साबत नहीं हुंदे तां उनहां नूं प्रेर के जुरम कराउण दा दोश पंकज होरां सिर किस तरहां महड़िआ जा सकदा है? सिंगले नें पंकज होरां दे हक्क विच्च इहो तरक दित्ता सी।

बहिस दा जवाब दिंदिआं मुदई धिर नें दोश साबत करन लई आपणीआं दलीलां दित्तीआं।

दोशी पेशावर अपराधी सन। चोरीआं अते खोहां दे मुकद्दमिआं विच्च उह कई वार जेल्ह जा चुक्के सन। इहो दोशी काले कछ्छिआं वाले बणके जुरम करदे सन। इसे लई इनहां दे फड़े जाण बाअद मुड़ अजिही वारदात नहीं सी होई।

ख़ून नाल लिबड़े कप्पड़े, हथिआरां अते चोरी दे माल दा बरामद होणा दोशीआं नूं वारदात नाल जोड़दा सी।

ठेकेदार इस तों पहिलां कदे फैकटरी आइआ होवे, इसदा कोई सबूत नहीं मिलदा। किसे मज़दूर नूं उस नें पंकज कोल कंम ’ते लगवाइआ होवे सफ़ाई धिर नें अजिहा कोई सबूत पेश नहीं कीता। पंकज अते ठेकेदार विचकार फ़ोन ते किस मसले बारे गल्लबात होई, सफ़ाई धिर नें इसदा सपशटीकरन नहीं दित्ता।

मुनीम इनहां दा करिंदा सी। उसने उहो बोलणा सी जो इनहां नें आखणा सी।

पंकज होरां दी आपणी फैकटरी दा रिकारड उनहां दी ठेकेदार नाल मिली भुगत साबत करन लई काफ़ी सी। पंकज होरां दी साज़िश साबत करन लई इह सबूत थोहड़े नहीं सन।

पंचम दी उमर साबत करन लई डाकटर बतौर गवाह नहीं सी भुगतिआ।

नां मुदई धिर नूं उसदी असल उमर साबत करन दा मौका दित्ता गिआ सी।

अधूरी रिपोरट उपर विशवास नहीं सी कीता जा सकदा। उह किसे रहिम दा हक्कदार नहीं सी।

जज्ज नें आपणा मन बनाउण अते फैसला लिखाउण लई इक्क दिन दा समां लिआ सी।

 

-117-

 

अज्ज फैसला सुणाइआ जाणा सी।

केस दे दो साल पुराणा हो जाण कारन आम जनता नूं इस दे फैसले विच्च कोई दिलचसपी नहीं सी। इस घटना तों बाअद हज़ारां गंभीर मसले उभर आए सन। अज्ज कल्ल्ह अख़बारां विच्च उनहां दी चरचा हुंदी सी।

फेर वी इह मुकद्दमा कई महीने अख़बारां दीआं सुरख़ीआं विच्च रिहा सी।

इस लई कुझ्झ अख़बारां दे पत्तरकार इस मुकद्दमे दा फ़ैसला आपणे अख़बारां विच्च छापणा चाहुंदे सन। उह फ़ैसला सुणन ख़ुद नहीं सन आए। उह वकीलां नाल राबता रख्ख रहे सन।

पंकज अते नीरज नें आपणे इक्क वी समरथक नूं कचहिरी नहीं सी लिआंदा। सिंगले दे कैबन विच्च बैठे उह आराम नाल फ़ैसले दी उडीक कर रहे सन।

ठेकेदार दा सारा परिवार कचहिरी आइआ होइआ सी। उनहां नूं बेसबरी नाल फ़ैसले दी उडीक सी।

बाकी दोशी इकल्ले कहिरे सन। किसे दा कोई समरथक नहीं सी।

मुदई्ई धिर वल्लों नेहा अते राम नाथ आए सन।

अदालत दे बाहर कोई गहिमा गहिमी नहीं सी।

सारा दिन होर कोई कारवाई नहीं सी होई। जज्ज अते सटैनो फ़ैसला लिखाउण अते टाइप करन विच्च मसरूफ़ रहे सन।

तिंन कु वजे कारवाई मुकंमल हो गई।

फ़ैसला सुणाउण लई जज्ज नें दोहां धिरां नूं बुला लिआ।

पूरी मिसल पहड़न अते दोहां धिरां दी बहिस सुणन बाअद जज्ज जिस नतीजे ‘ते पुज्जा उह इस प्रकार सी: घटना दे फ़ौरी बाअद दरज होए परचे विच्च मुलज़मां दे नां अते उनहां वल्लों कीते जुरमां दा वेरवा नहीं सी। इस लई मामला शक्की लगदा सी। गवाहां दे बिआन पुलिस नें आपणी मरज़ी नाल लिखे सन। इह तत्थ नेहा दे आपणे बिआन तों साबत हुंदा सी। तफ़तीशी अफ़सर वल्लों लिखे बिआन विच्च बलातकार दा ज़िकर सी। नेहा कहिंदी सी इह गल्ल उसने नहीं लिखाई। अदालत गवाह नूं ठीक मंने जां पुलिस नूं? मामला शक्की बणदा सी। शक्क दा फ़ाइदा दोशीआं नूं मिलदा सी।

दोशी पहिलां कई वार जेल्ह जा चुक्के सन। उनहां दा कानूंनी दाअ पेचां तों वाकिफ़ होणा कुदरती सी। बेवकूफ़ तों बेवकूफ़ दोशी वी वारदात समें इक्क दूजे दा नां नहीं लएगा। नां लै वी लए तां वी सट्टां खांदे मजरूब नूं नां याद नहीं रहेगा। गवाहां दी गवाही दा इह हिस्सा वी मंनण योग नहीं।

शनाख़त परेड नां करवा के पुलिस नें गवाही ’ते यकीन करन दी माड़ी मोटी गुंजाइश नूं वी रद्द करवा दित्ता। वारदात दे साल बाअद होई शनाख़त दी कोई अहिमीअत नहीं सी। इस लई जे कानूंन वल्लों सथापत माप दंडां अनुसार गवाही नूं घोखिआ जावे तां दोशीआं दा वारदात समें मौके ’ते हाज़र होणा साबत नहीं हुंदा।

पर जज्ज नें इनहां तरकां नूं दर किनार कर दित्ता।

गवाहां नूं वज्जीआं सट्टां अते पहुंचे सदमे कारन जज्ज नें पुलिस दी मजबूरी नूं सही मंन लिआ।

गवाहां दे बिआनां नूं सही मंन के दोशीआं उपर जो दोश साबत हुंदे सन उह इस तरहा सन: दोहां धिरां नें मंनिआ सी कि पंज मुख्ख दोशीआं विचों चार चोरी अते खोह करन दे आदी सन। मिसल ’ते लग्गे फैसले साबत करदे सन कि उनहां नूं इनहां जुरमां विच्च कई वार तिंन तिंन, चार चार महीने दी कैद हो चुक्की सी। चोरी उनहां नें कदे सकूटर दी कीती सी, कदे टी.वी.दी। खोह बटूए दी जां चैनी दी।

पहिलां कीते जुरमां विच्च मुलज़मां नें नां कदे किसे मारू हथिआर दी वरतों कीती सी नां कदे किसे नूं सट्ट मारी सी।

इस वारदात समें वी पंचम नूं छड्ड के किसे होर मुलज़म कोल मारू हथिआर नहीं सी। नीलम अते वेद नूं राड नाल सट्टां मारीआं गईआं सन। कानूंन दी परिभाशा अनुसार राड मारू हथिआर नहीं सी। दो मुलज़मां दा वारदात समें खाली हत्थ होणा साबत हुंदा सी। इस तरहां इतफ़ाकन पंज चोरां दा चोरी दी नीअत नाल किसे दे घर दाख़ल होण नाल डकैती दा दोश साबत नहीं हो जांदा।

दोशीआं दा मारू हथिआरां नाल लैस होणा ज़रूरी सी। मारू हथिआरां दी अणहोंद इह सिध्ध करदी सी कि दोशीआं दी घर दे मैंबरां नूं सट्टां मारन दी नीअत नहीं सी। राड उनहां नें जिंदे, अलमारीआं तोड़न लई नाल लए सन। अचानक जागे मैंबरां नाल होई हत्थोपाई विच्च सट्टां अचानक वज्जीआं सन।

नतीजन दोशीआं उपर डकैती दा दोश साबत नहीं सी हुंदा।

मारू हथिआर केवल पंचम कोल सी। उसे नें कमल ’ते हमला कीता सी।

उसदे कारनामे लई दूजिआं नूं दोशी नहीं सी ठहिराइआ जा सकदा। बाकी दोशीआं दा कमल नूं कतल करन लई पंचम नाल सहिमत होण दा कोई सबूत मिसल उपर नहीं सी। इस लई पंचम आपणे कीते दा आप ज़िंमेवार सी।

पंचम दी उमर संबंधी इक्क रिपोरट मिसल उपर मौजूद सी। उस अनुसार पंचम दी उमर वीह साल तों घट्ट बणदी सी। मुदई धिर नें इस रिपोरट नूं झुठलाउण लई कोई सबूत पेश नहीं सी कीता। मुदई धिर दे इस तरक विच्च कोई दम नहीं सी कि सफ़ाई धिर नें पहिलां इह पख्ख विचे छड्ड दित्ता सी अते पिछों डाकटर दी रिपोरट साबत नहीं सी कीती। किशोर अपराधीआं दे हित्तां दी राखी करना अदालत दी ज़िंमेवारी सी। जज्ज डाकटर दी रिपोरट नूं नज़र अंदाज़ नहीं सी कर सकदा।

पंचम नूं कमल दा कातल ठहिराइआ गिआ। उसनूं किशोर मंनदे होए तिंन साल लई सुधार घर भेजिआ गिआ।

पंडत अते कालीए दी सथिती वी इहो जिही सी। उनहां नें वेद अते नीलम नूं राड नाल सट्टां मारीआं सन। राड मारू हथिआर नहीं सी। इस लई उह वी तिंन साल दी कैद दे हक्कदार सन।

चोरी करन दी नीअत नाल किसे दे घर दाख़ल होण, चोरी करन अते चोरी दा माल बरामद होण दे दोश पंजां दोशीआं उपर साबत हुंदे हन। इनहां दोशां विच्च वध्धो वध्ध सज़ा पंज साल तक सी। अदालत नें सारे दोशीआं नूं तिंन तिंन साल दी सज़ा सुणाई।

फैसला सुणाउंदे समें जज्ज नें इक्क नुकता सपश्शट कीता। इनहां सज़ावां दा जोड़ नहीं होणा। सारीआं सज़ावां नें इकठ्ठे चल्लणा सी। मतलब वध्धो वध्ध उनहां नूं तिंन साल जेल्ह विच्च रहिणा पैणा सी। छे, नौं जां बारां साल लई नहीं।

जदों मुख्ख दोशीआं उपर सोच समझ के कतल करन जां डाका मारन दा दोश साबत नहीं होइआ तां साज़िश करके इनहां जुरमां नूं कराउण कारन कटहिरे विच्च खहड़े दोशीआं नूं मुजरम किस तरहां घोशित कीता जा सकदा सी?

पंकज अते नीरज नूं बा इज़्ज़त बरी कीता गिआ।

फैसला सुणा के जज्ज उठ्ठिआ अते रिटाइरिंग रूम विच्च चला गिुआ।

पंकज अते नीरज चुपके जिहे खिसक गए।

“मुलज़मां नूं सज़ा हो गई” इह सुणके ठेकेदार दा परिवार ठेकेदार नाल चिंबड़ के धाहां मारन लग्गा।

बाकी दोशीआं दे वकील फ़ैसला सुणन नहीं सन आए। इकल्ला ठेकेदार दा वकील आइआ सी।

“उए सज़ा किथे होई है? इह ’ते बरी हो गिआ। कुल्ल तिंन साल दी सज़ा होई है। दो साल कट्टे गए। इक्क साल दी सज़ा सरकार नें मुआफ़ कर रख्खी है।

इह ’ते शाम नूं घर आइआ लओ। लिआओ मेरा इनाम कढ्ढो।”

मुलज़म अते उसदे परिवार दा हौसला वधाउंदा वकील फुध्धलिआ नहीं सी समाउंदा।

सुंन वट्टा बणी खहड़ी नेहा फ़ैसले दे अरथ कढ्ढण लग्गी। उसनूं समझ नहीं सी आ रही कि दोशी सज़ा होए हन जां बरी?

पिछे खहड़के फ़ैसला सुणदा हरीश नेहा दी दुबिधा ताड़ गिआ।

“मज़रूब हसपताल विच्च पए हन। दोशी घर नूं चल्ले हन।”

अग्गे वध के नेहा दे सिर ’ते हत्थ रख्ख के नाले हरीश नें नेहा नाल हमदरदी परगटाई नाले फ़ैसले दे अरथ समझाए।

“हौसला रख्ख धीए! इस अदालत दा फ़ैसला अंतिम नहीं। आपां उपर अपील करांगे।”

नेहा दा मन रख्खण लई राम नाथ नें इह आखिआ ज़रूर। उंझ उस नूं पता सी उपर वी इहो कुझ्झ होण वाला सी।