प्रसिध्ध सूफी संत साईं मीआं मीर दी यादगार फौजी छाउणी दे पछ्छम विच, मीआं मीर दे नां ‘ते बणे पॅ्ॅछमी रेलवे सटेशन तों लगपग अध्धा मील दूर सथित है। फौजी छाउणी दा नां वी साईं मीआं मीर दे नां नाल ही सबंधत है जिस नूं आम तौर ‘ते ‘मीआं मीर छाउणी’ आखिआ जांदा है। किंना अजीब इतफ़ाक है। सुल्हा अते मुहब्बत दा पैगाम देण वाले दे नां उते ही फौजी छाउणी, दा नां रख्खिआ गिआ। अंगरेज़ां नें पंजाब उते कबज़े तों पिछों पहिलां तां अनारकली दे सथान ‘ते फौजी छाउणी काइम कीती सी। पर अनारकली दा इलाका उदों फौजीआं दी सिहत अते तंदरुसती दे पख्खों असवसथ इलाका सी। इथे 1847-48 विच छाउणी काइम कीती गई। जिहड़े फौजी इथे ठहिरदे सन उनहां विचों बहुत सारे बिमार हो के मर जांदे। 1846-47 विच इक हज़ार पिछ्छे मौत दर 84.61 सी। 1851-52 विच 96वीं रजमैंट दे हज़ार पिछ्छे 132.5 जुआन ते पहिली बंगाल रजमैंट दे 1000 पिछ्छे 218.6 जुआन मौत नूं पिआरे हो गए। फिर अंगरेज़ां नें इस इलाके तों 6 मील पूरब वल्ल मीआं मीर दे इलाके विच फौजी छाउणी बणवाई।
इहो मीआं मीर छाउणी ही सी जिस विचले भारती पंजाबी फौजीआं नाल ग़दर पारटी दे सूरबीरां नें सबंध काइम करके उनहां नूं ग़दर करन लई प्रेरित कर लिआ सी। दफ़ेदार लछमण सिंघ चूसलेवड़ ते होर फौजी उदों इथे ही हुंदे सन। मेरे पिंड सुर सिंघ दे जगत सिंघ ते प्रेम सिंघ ग़दरीआं नें ही फौजीआं नाल उचेचे सबंध सथापत कीते सन। ग़दर दी निसचित मिती ‘ते जदों ग़दरी जथे बणा के रेलवे लाईन तक पुज्जे ते अंदरों फौजीआं दा इशारा उडीक रहे सन, उस वेले ही उनहां नूं पता लग्गा कि आपणिआं दी ग़दारी करके अंगरेज़ हाकमां नूं ग़दर दी सूचना पहिलां ही मिल गई सी ते उनहां नें बैरकां विच रहिंदे भारती फौजीआं नूं बे-हथिआर करके ‘शक्की’ बंदिआं नूं ग्रिफ़तार कर लिआ सी।
ग्रिफ़तारी दा ख़िआल आउंदिआं ही मैनूं चेता आइआ कि साडे पासपोरट उते तां उचेचे तौर ‘ते इह लिखिआ होइआ सी कि साडे लई फौजी छाउणी वाले इलाके विच जाणा वरजित सी। इह पाबंदी सुरख्खिआ दे पख्खों सी। किसे मुलक विच वी इह आगिआ नहीं हो सकदी। असीं कानूंन तोड़न दे दोशी हो सकदे सी ते सानूं जासूस समझ के फड़िआ वी जा सकदा सी। मैं इह ख़दशा साथीआं नाल सांझा वी कीता। इह गल्ल तां ग़लत सी पर असीं साईं मीआं मीर दे मज़ार दे नज़दीक पहुंच चुक्के सां। कानूंन दी ख़िलाफ़वरज़ी तां हो ही गई सी। हुण बाबे दे दीदार तां करके ही जावांगे। जो होऊ वेखी जाऊ! पर अंदरों सानूं इह डर कुतर रिहा सी। इह ख़ौफ होर वी वध गिआ जदों असीं वरदी विच सजिआ इक पुलिस महिकमे दा अधिकारी साईं जी दी मज़ार दे बाहर खड़ोता वेखिआ। असीं ऐवें ही उस तों बिल्ली तों कबूतर दे अख्खां चुराउण वांग अख्खां मोड़ लईआं ते जुत्तीआं लाह के अंदर चहड़वाउण लई फुल्ल खरीदण लग्गे। उथे हरेक अजिही इबादतगाह दे बाहर गुलाब-पत्तीआं ते गुलाब दे फुल्लां दे हार मुल्ल विकदे हन।
असीं साईं मीआं मीर दी यादगार दे खुल्ल्हे सिहन विच दाख़ल होए। सिहन दे ऐन विचकार सी बाबा जी दी यादगार। दूरों ही नमसकार करके शरधा विच अख्खां मीचीआं तां मन सहिजे ही उस इतिहास विच तिलक गिआ जदों गुरू अरजन देव जी नें आपणे धरम मित्तर साईं मीआं मीर कोलों स्री हरमिंदर साहिब अंम्रितसर दी इमारत दा नींह-पत्थर रखवाइआ सी, जिहड़ा प्रतीक सी ‘नीहां दी सांझ’ दा, इनसानी पछाण दा, एके दा, मुहब्बत दा, पिआर ते रवादारी दा। इह नीहां दी सांझ ही सी, शांती ते सकाफ़त दी, जिस नें सानूं इक-दूजे नाल जोड़िआ होइआ सी। इह तां अजे वी जिऊंदी सी। इक मुसलमान मां अते उहदे सिख्ख-पुत्तर दे रूप विच, उमर गनी ते जगतार ते खावर दे आपसी पाकि रिशते दे रूप विच। अल बरकात दे जगतार दे पिउ-धी दे पवित्तर संबंध दी शकल विच। इस रेशमी तंद नें इक होर जणे नूं मेरे रूप विच आपणे नाल ही वल लिआ सी। असीं इक घंटे विच इक-दूजे दे इंज जाणू हो गए सां जिवें उमर भर तों इक-दूजे नूं जाणदे सां। उमर गनी आपणे वड्डे भरा वांग हौली जिही मैनूं सलाह दे रिहा सी, ‘‘अकीदत ज़ाहिर कर के छेती निकल चल्लीए। ऐवें बाहर खलोता अफ़सर पुछ्छ-गिछ्छ नां करन लग्ग पवे।’’
मैं हस्सदिआं होइआं हौली जिही किहा, ‘‘जदों साडे जिहे लोक आपस विच पिआर नाल मिलदे हन तां इह ‘अफसर’ किउं उनहां दे सिरां ‘ते आण खलोंदे हन…?’’
हाजी बण चुक्का उमर गनी पहिलां कंपलैकस विच बणी मसजिद विच सजदा करन गिआ। असीं साईं जी दे मज़ार उपर शरधा दे फुल्ल भेट करन लई दाख़ल होए। खावर राजा नें मज़ार दे गेट उते सीस निवाइआ, दुआ मंगी किउंकि औरतां नूं इबादत गाहां विच जाण दी मनाही है। अंदर साईं जी सुत्ते होए सन। हरे रंग दी रेशमी चादर दे हेठां। अख्खां नूं ठंढ पहुंचाउंदा रंग। बाहर दी गरमी ते अंदर दी ठंढ अते शांती नें उह द्रिश चेते करवा दित्ता-
गरम रेता कहिर दा
ते सेक सी तन साड़दा
छाले छाले हो गिआ
जुस्सा सच्ची सरकार दा।
मीआं मीर हाल डिठ्ठा…
आण आपणे यार दा।
हो विआकुल ढहि पिआ
चीके ते धाहीं मारदा,
वेख किहा सतिगुर, ‘मीआं!
छोड़ो प्रीत चाम से,
किआ हूआ तन तप रहा
हम शांत हैं हरी नाम से’’
आपणे यार दे सेक विच भुज्ज रिहा मीआं मीर सानूं हुण वी दस्स रिहा जापदा सी, इक-दूजे नूं सेक ते साड़ देण दी थां असीं दूजे दे सेक ते साड़ नूं चूस सकीए ते ठंढक वरता सकीए तद ही असीं गुरू अरजन ते साईं मीआं मीर दे असली वारस हो सकदे हां।
रज्जी होई रूह नाल सरशार होए असीं बाहर निक्कले तां उह अफ़सर अजे वी उथे खड़ोता सी। असीं कार विच बैठ के वापस परत पए। उह अजे वी उथे खड़ोता सी पर मीआं मीर साडे अंग-संग सी। उस नाल जुड़ी इक दंद-कथा मेरी सोच विच तुर रही सी।
इक वार मुगल सहिनशाह साईं मीआं मीर दी दरगाह ‘ते ख़ुद हाज़र होइआ तां कि उस नूं बेनती कर सके कि दख्खण दीआं रिआसतां नूं जित्तण लई कूच करन तों पहिलां साईं मीआं मीर उस दी जित्त लई दुआ कर देवे। इसे समें ही कोई गरीब शरधालू साईं दे दरबार विच हाज़र होइआ ते आपणी समरत्था मुताबक इक टका साईं नूं मत्था टेकिआ। साईं नें किहा, ‘‘इह टका मैनूं नहीं शहिनशाह नूं दे दे।’’
उह शरधालू ते मुगल शहिनशाह हैरान। साईं नें मुशकल हल्ल कीती, ‘‘मेरे नालों माइआ दी ज़िआदा लोड़ बादशाह नूं है। एने इलाके ते राज भाग जित्त के वी इस दा मन नहीं भरिआ। इह दी माइआ दी भुख्ख दूर नहीं होई। इह टका वी इस नूं दे देह, इहदे किसे कंम आ जावेगा।’’
इह कहि के साईं बादशाह कोलों बेप्रवाही नाल उठ के आपणे हुजरे विच चला गिआ। बादशाह साईं मीआं मीर दी जांदे दी पिठ्ठ वेखदा रहि गिआ। शहिनशाह अजे वी साईं दी पिठ्ठ वल्ल वेखी जा रिहा है। पिठ्ठ वल्ल ही वेख सकदा है किउंकि साईं दा मूंह तां लोकां वल्ल है।