सरूप सिंघ दीआं अख्खां विच्चों आप मुहारे अथरू फेर छलक पए। उह सोचीं डुब्ब गिआ ते उसदा चिहरा उत्तर गिआ। इह चिहरा कनेडा आके वसे दरशण सिंघ दा वी कई वारी उत्तरिआ सी। इह सोच सोच सरूप सिंघ दीआं अख्खां विच्चों किंनी ही वारी बुढ्ढे दरिआ दे वहिण वांगूं अथरू वग्गे सन। आपणी गल्ल उस नें कई वारी होरां नाल सांझी करनी चाही सी पर किसे कोल समां ही नहीं सी, नां दरशण दी पतनी कोल ते नां बच्चिआं कोल। हुण तां उसदे बच्चे वी तरक्की कर रहे सन। फैकटरीआं दा कंम छड्ड के टरक्क चलाउण लग्ग पए। लोकां वांगूं उनहां दा वी विचार सी कि टरक्कां विच्च पैसा बहुत है। ते इह पैसे दी ही सारी खेड सी। पैसे पिछ्छे दौड़दा खुद दरशण सिंघ कनेडा आइआ सी ते एसे पैसे पिछ्छे दौड़ रही सी हुण उसदी औलाद। कई वारी लग्गदा कि लोक पैसे दे अंने लालच विच्च सभ्भिआचार दीआं लछमण रेखावां वी पार कर जांदे हन। शाइद अज्ज वी कोई अजिही ही गल्ल जाप रही सी। सरूप सिंघ नें सारे घर विच्च नज़र दौड़ाई। घर विच्च बचिंत कौर ते छोटे बच्चिआं तों बगैर कोई वी दिखाई नां दित्ता। उस नूं आपणे निघ्घे मित्तर दरशण सिंघ दी बहुत याद आई जो उस नाल हर गल्ल सांझी कर लिआ करदा सी, जिस नें हुण उस नूं कदी नहीं सी मिलणा।

कंध ते उसदी वड्डी फोटो लगा दित्ती गई सी जिस ते नज़रां गड्डदिआं सरूप सिंघ नें उच्ची आवाज़ विच्च रसोई विच्च कंम कर रही बचिंत कौर नूं आखिआ, “भैण जी किध्धर गए सभ? सरदार साहिब बिनां तां जिवें घर दी रौणक ही चली गई”।

“बस्स जी जाणा किध्धर है, पूरिआं नाल तां पूरे हुण होइआ नहीं जांदा। पहिलां देख लउ उधर किंने दिन लग्ग गए...। मुंडे कहिंदे चल्ल ऐनीआं दिहाड़ीआं काहनूं भंनणीआं नें, टरक्क दा गेड़ा ही ला आउंदे आं। भोग तों पहिलां पहिलां मुड़ आउणगे। ऊं तां मैं वी कदी कदाईं किरन नूं लै के डिकसी गुरू घर जा आंउदी हां। राशण पाणी सारा दे आंदा सी बाकी सारी जिंमेवारी गुरदुआरे वालिआं दी है। फेर दिहाड़ीआं भंनण दा तां कोई फैदा नहीं। नाले कंम ते मन होर पासे पिआ रहिंदा ए। किरन वी अजे हुणे कंम तों आई ती। आह सटोरां तक्क गई आ कहिंदी मैं बूटी पालर तक्क जा आवां, फेर टैम नी लग्गणा। नाले भोग विच्च दिन किहड़ा रहि गए”। बचिंत कौर लगातार बोली जा रही सी।

सरूप सिंघ नूं बचिंत कौर दीआं गल्लां धुर अंदर तक्क पछ्छ गईआं। उस नूं दरशण वलों सुणाईआं गल्लां याद आउण लग्गीआं। जदों उह आपणी बेबे बचनों नूं याद करदा सी तां उस दीआं अख्खां विच्चों वी हड़ वांगूं आप मुहारे अथरू चोण लग्ग पैंदे।

नवां शहिर दे नाल लग्गदा उनहां दा छोटा जिहा पिंड खिजरपुर, जित्थे उनहां दी दस कु एकड़ ज़मीन सी। बेट दी धरती होण कारन एथे जिआदा पैदावार नहीं सी हुंदी। दरशण सिंघ दा पिउ नाहर सिंघ जवानी पहिरे ही नशिआं नूं तुर पिआ सी। उसदे दस्सण अनुसार उह धूहवां चादरा लउदा, सवेरे डोडिआं वाली चाह पींदा, दुपहिरे मावा वी छक लैंदा ते शाम नूं शराब नाल डक्क के आंउदा। उसदे लछ्छण देख के ही उसदे मां पिउ नें उस नूं सांझे परिवार विच्चों अड्ड कर दित्ता सी कि शाइद परिवार दी जिंमेवारी पैण नाल सुधर जावे। पर अजिहा कुझ्झ वी नहीं सी होइआ सगों उह तां हर रोज पी के बुक्कदा कि ‘जिस विच्च हिंमत है जट्ट नूं रोक के दिखावे जे लत्तां नां वढ्ढदिआं’। उह शराब पी के बचन कौर नूं वी कुट्टदा अते दरशण नूं वी, जिसदी उमर अजे दस बारां साल कु दी सी। पिउ दे खरचिआं कारन घर विच्च तंगी आउण लग्गी। खेती दा कंम तां उस तों हुंदा नां ते ज़मीन उस नें किसे नूं अधिआरे ते दे दित्ती। उह नशे दा एनां आदी हो गिआ कि उस नूं आपणी उलाद दी वी परवाह नां रही। उस दे दो कुड़ीआं सन ते इक्क मुंडा दरशण, जिनां नूं उह कुट्टदा मारदा रहिंदा। जदों किते नशे लई पैसे नां हुंदे तां घर दा समान वेचण तुर पैंदा बचनों वलों रोकण ते उस नूं कुट्टदा।

फेर घर दे संद भांडे वेचण दे नाल नाल उस नें चोरी छपोरी बलैकईए मुखतिआर कोल आपणी ज़मीन गहिणे धरनी वी शुरू कर दित्ती। इक्क दिन तां हद्द ही हो गई जदों उह बचन कौर दे दाज विच्च लिआंदी चांदी दी झाल वाली गड़बी वेच के मक्की दे दाणे जिंनी अफीम खाह आइआ। इह सारीआं गल्लां सरूप सिंघ नूं खुद दरशण नें आपणे मूंहों सुणाईआं सन। इक्क दिन उह दस्सण लग्गिआ “बापू नें जदों बहुता ही कंम खराब कर दित्ता तां शरीक मिहणे मारन लग्गे कि ऐदां तां कोई साक नाता वी नहीं होणा। होर किधरे हत्थ पैंदा नां देख के इक्क दिन बलाचौर वाला मासड़ बापू नूं कहिण लग्गिआ कि “आप तां तूं कुझ्झ बणाइअ नी हुण जुआकां नूं काहनूं रोलदा एं। सारा दुआबा बाहरले मुलकां नूं चले चल्लिआ तूं वी किउं नी आपणा मुंडा तोर दिंदा”। गल्ल बापू दे मन लग्ग गई उस नें इह कंम मासड़ नूं ही करन नूं किहा, जिस दा मुंडा पहिलां ही वलाइत विच्च सी ते फेर इक्क दिन दरशण आपणे मासड़ नाल जा के वलाइत जाण लई वाऊचर भेज आइआ ते कुझ्झ ही महीने बाअद उस नूं वलाइत दा वीज़ा मिल गिआ। ते फेर कुझ्झ साल उह वलाइत रहि के बाअद विच्च कनेडा आ गिआ।

जदों उह कनेडा आइआ सी तां उह दोनों रल के किंने ही महीने इक्क अपारटमैंट विच्च रहे। ते महीनिआं दी सांझ ही ज़िंदगी भर दी दोसती विच्च बदल गई सी। दोहां दा ही कनेडा विच्च कोई खास सका सबंधी नहीं सी। दोनो इक्क दूजे कोल आपणा दरद सांझा कर लैंदे। सरूप सिंघ वी एसे प्रकार आइआ सी। दरशण उस लई बहुत वड्डा आसरा सी। उस नूं याद करदिआं अज्ज फेर सरूप सिंघ दे अथरू आप मुहारे वहि तुरे ते उस नाल सबंधत किंनीआं ही होर यादां आउण लग्गीआं।

कदे कदे दरशण जदों बहुत उदास हो जांदा तां आखदा, “बेबे नूं उस गड़बी दा विगोचा जीवन भर नां भुल्लिआ जो उसदे फौजी पिउ नें बड़ी रीझ नाल लै के दाज दे भांडिआं विच्च धरी सी। जिस ते बेबे दा नां वी उकरिआ होइआ सी। इस घटनां तों बाअद उसदा मन लूहिआ गिआ। उह बापू नूं अंदरो अंदर नफरत करन लग्गी ते इह नफरत उस नें आपणे आखरी साहां तक्क निभाई। जदों उह कदे बहुत उदास हो जांदी तां आखदी, “अजिहे बंदे दा की करना ए जो मेरे पिउ दी निशानी ही वेच के वी खाअ गिआ”। दरशण बथेरा आखदा कि “बेबे कोई नां जदों मैं कमाउण लग्ग गिआ तां सभ तों पहिलां तैनूं उस दे बदले चांदी दी गड़बी लै के दऊं”। पर हालात ऐसे बणे कि उह वलाइत तों बाअद कनेडा पक्के होण दी जिल्लण विच्च अजिहा खुभ्भिआ कि उस दी बेबे उस नूं मिलण लई तरसदी ते गड़बीं नूं झुरदी जहान तों तुर गई।

दरशण दी नूंह किरन सटोर विच्चों आउंदिआं ही बोली, “अंकल जी सति स्री अकाल। हुणे आए सी? कुझ्झ पी लिआ?” उह इक्को साहे कई सुआल करदी होई किचन वल नूं वेखण लग्गी जित्थे उस दी सस्स रोटी दा आहर कर रही सी। किरन नें कुझ्झ अखबार सरूप सिंघ वल वधाउंदे होए किहा “डैडी दे भोग दी खबर तकरीबन सारे अखबारां नें ही ला दित्ती है। इकठ्ठ तां वाहवा हो जाणा है”। फेर उस नें आपणा चिहरा कलौज़िट विच्च लग्गे शीशे विच्च निहारिआ, जिवें सोच रही होवे कि ‘की मैं भोग वाले दिन ऐने लोकां विच्च चंगी लग्गांगी वी जां नहीं’।

सरूप सिंघ नूं उस वल देख के इक्क कमिऊनटी नेता दी याद आ गई जो आपणे पिउ दे अंतिम संसकार समें आपणी ते आपणी घर वाली दी तिआरी मेक अप्प पारलल तों करवाके लिआइआ सी। उदासी वाला मेक अप्प ते उस नाल मिलदे वालां दे सटाईल तां कि प्रैस्स विच्च जाण वालीआं फोटोआं प्रभावशाली होण। सरूप सिंघ किरन नूं कहिण लग्गिआ कि “बेटे एथे कोई कप्पड़ा विछा दिउ, लोक अफसोस करन वाले आउणगे”। तां अग्गे तों किरन बोली, “लउ अंकल जी हुण नी कोई विचार करदा, जो आवेगा सोफे ते ही बैठ जावेगा”। सरूप सिंघ उसदी गल्ल सुण के चुप्प हो गिआ।

एने नूं दरवाज़े दी घंटी खड़की तां दरशण दा वड्डा मुंडा जीत अंदर दाखल होइआ। उस नें आउण सार सति स्री अकाल बुला के दस्सिआ कि उह यारड विच्च टरक्क खड़ा करके अजे आ ही रिहा है। उस नें इह वी दस्सिआ कि “साडी कंपनी दे मालिक कहिंदे हन कि जे तूं इंडीआ जाणा है हुणे चला जा फेर बिज़ी सीजन चल्ल पैणा है”। कुझ्झ देर सोच के उह फेर कहिण लग्गिआ “मैं वी सोचदा हां कि डैडी दे फुल्ल पाउण तां इंडीआ जाणा ही पवेगा, भोग तों चार पंज दिन बाअद दी ही तिआरी कर लैंदे हां। नाले ज़मीन बगैरा दा कंम नबेड़ आंवागे। दीपा वी पैनसलवेनीआ दा गेड़ा लउण गिआ है, उह वी कल्ल नूं मुड़ आऊ”। सरूप सिंघ नूं पता नहीं किउं लग्गिआ कि घर विच्च दरसण सिंघ दी अंतिम अरदास दी नहीं सगों किसे विआह शादी दी तिआरी हो रही होवे।

एने नूं घर विच्च दो कु होर रिशतेदार अफसोस करन आ गए। मुड़ मुड़ उह ही गल्ल, किवें होइआ ते कीकण होइआ। फेर उह ही दिलासे कि अज्जे तां चंगा भला सी चल्ल भाणा मंनो। कोई कहिंदा कंम बहुत करदा सी। कोई कहिंदा “हरट अटैक हो गिआ होणै। एथे सोचां किहड़ा थोड़ीआं नें। बंदा हर समें परेशान रहिंदै”। मुड़ घिड़ के गल्ल कंमां ते जां घरां ते आ जांदी। कोई लेअ-आफ दीआं गल्लां लै के बहि गिआ ते कोई आपणे घर दीआं, ऊट पटांग ते निरा बकवास। मरन वाला मर गिआ किसे नूं की? लोक नां नां करदे कोक ते चाह पाणी पी के आपणा फरज़ पूरा करके तुर जांदे। सरूप सिंघ दे मूंहों तां पाणी दी घुट्ट वी नहीं सी लंघ रही। निघ्घे दोसत दा अचानक विछड़ जाणा उस नूं छलणी कर गिआ सी। मन दा ग़म हलका करन लई आइआ उह मन ते होर बोझ चहड़ा बैठा। लोक अजे वी आ जा रहे सन। सरूप सिंघ टेप वांगूं उह ही गल्लां दुहरा दुहरा के थक्क गिआ ते डालरां दीआं गल्लां सुण सुण के अक्क गिआ।

गल्लां करदे दा उसदा मूंह सुक्क गिआ। जीता वी जिआदा देर बैठ नां सकिआ। उह उबासीआं लैंदा कंन भंनदा अख्ख बचा, किचन चों कुझ्झ गलास विच्च पा के बैड्ड रूम विच्च जा वड़िआ सी। बाहरों खेड के आए दोनो बच्चे कंपिऊटर नूं चिंबड़ गए सन। बचिंत कौर नें उनहां नूं कई हाकां मारीआं पर उह अणसुणीआं करके चबर चबर अंगरेज़ी बोलदे रहे। उनहां नें तां सरूप सिंघ नूं वी सति स्री अकाल नहीं सी कही। उनां भाणे कौण दादा ते कौण दादे दा दोसत। इह गल्ल उनहां नूं समझाउण दा किसे कोल समां ही कोई नहीं सी।

इक्क दो वार पहिलां वी बचिंत कौर नें किहा सी कि बेटे सति स्री अकाल कहो पर बच्चिआं नें चुप्प वट्टी रख्खी सी जिवें पता ही नहीं किस नूं किहा जा रिहा सी। कदी कदी दरशण वी सोचदा सी कि जिवें डालरां दे म्रिग पिछ्छे दौड़दी उस दी उलाद सभ्भिआचार दीआं सारीआं लशमण रेखावां पार करदी जा रही होवे। कदी कदी उह सरूप सिंघ नूं कहिंदा वी “मैनूं लग्गदा है आपणी उलाद नें किसे दिन अंने वाह दौड़दिआं बीआवान जंगलां विच्च गुआच जाणा है”। फेर सरूप सिंघ आप ही सोचण लग्गिआ “इह वी विचारे की करन, जेहो जिहा महौल उहो जिहे ही होणा है। नाले साडे लोकां नूं तां कंमां तों ही विहल नहीं मिलदी बच्चिआं लई उनहां कोल समां ही कित्ते है।“

सरूप सिंघ दे अपणे घर विच्च वी इह ही हालत सी। पच्ची तीह वरे परिवार नूं सैट्ट करन लई उस नें वी बड़ा धंद पिट्टिआ सी। घर दी ही नहीं पूरे देश दी तरक्की विच्च उसदा हिस्सा सी। सारी जवानी तां फैकटरीआं विच्च झोक दित्ती सी। फेर सारे परिवार नूं कनेडा विच्च सैट्ट कीता। जदों सैट्ट हो गए तां सरूप सिंघ अपसैट्ट रहिण लग्गिआ। जिवें घर विच्च उह इक्क वाधू समान बण गिआ सी। पुत्तां पोतरिआं नूं आपो आपणे कमरे चाहीदे सन ते सरूप सिंघ दी मैटरस बैड्ड रूम चों लिविंग रूम विच्च आ गई सी। पुत्तरां नूं कंम तो ही विहल नहीं सी मिलदी। उस नाल गल्ल बात करन दा किसे कोल समां ही नहीं सी। जो कुझ्झ बच्चे करदे सन उह उस दी समझ तों बाहरा सी। उह सारा सारा दिन टीवी ते कारटून फिलमां देखदे रहिंदे सरूप सिंघ खबरां देखण नूं वी तरस जांदा। जिउं जिउं पोते पोतीआं वड्डे हुंदे जा रहे सन उनहां विच्चों पिआर ते निघ्घ घटदा जा रिहा सी। सरूप सिंघ जाणदा सी कि अग्गो किहड़ी सटेज आउण वाली है। ‘लिविंग रूम तों बाअद उह साहमणा बूहा, ते फेर इक्क दिन फिऊनरल होम’। बस्स इह छोटी ज़िंदगी भोग के उह कनेडा दी धरती विच्च ही समा जावेगा। कदी कदी उह बहुत उदास हो जांदा।

उस नूं तां पंजाब गइआं वी पंदरां वीह साल हो चुक्के सन। जदों तों मुंडिआं दे विआह हो गए उह गिआ ही नहीे सी। उधर है वी कोई नहीं सी जाणा वी कीहदे कोल सी? पर पिंड दा ते खेतां दा, जां पुराणे साथीआं दा मोह तां आंउदा ही सी। इक्क दो वार जाण दी उस नें जिद्द वी कीती सी पर सारे उसदे मगर पै गए कि ‘बच्चिआं नूं सकूल कौण छड्ड के आऊ? तेरी उथे रोटी कौण लाहू? जां टिकट बड़ी महिंगी है’। हर वार ही कोई रुकावट पै जांदी। एहो हाल ही दरशण दा वी सी। कदी कदी उह मन जिहा भर के आखदा “यार सरूप सिआं हुण आपणे पिंड दे लोक अते खेतां बंने वी भुल्लण लग्ग पए नें। मैं सोचदा सी कि कमाई करके पिंड मुड़ जांमांगा। उत्थे जा के ज़मीन खरीदांगा, कोठी पामांगा जिस विच्च सारे बरतण ही चांदी दे होणगे। बेबे तां इक्क गड़बी दी गल्ल करदी सी...। पर यार इह कनेडा दा कंबल आपणी बुक्कल चों निकलण देवे तां ही है नां”। ते फेर निराशता विच्च डुब्बिआ होइआ उह आखदा “हुण तां लग्गदा है आप ही गड़बी विच्च पै के जांवांगे। असथीआं ही जाणगीआं”।

‘लै उह समां वी आ गिआ सज्जणा’। सरूप सिंघ आपणे मित्तर नूं मन ही मन मुखातिब होइआ। ‘बस्स तूं हुण हमेशां लई इस मुलक विच्चों विदा हो जावेगा आपणे वतन लई। जिस दी मिट्टी तैनूं उडीकदी ए, जित्थे परतण लई तूं झूरदा रहिंदा सी’। उसदीआं अख्खां विच्चों अथरू आप मुहारे छलक गए। उस नें अफसोस लई आए बंदिआं नाल गल्ल शुरू कीती, “इस मुकल विच्च बंदा कमाउण आंउंदा ए कि इक्क दिन बड़ा कुछ्छ लै के देश नूं मुड़ जावेगा, पर उह इक्क दिन जो देशों लिआंदा सी उस नूं छड्ड जांदा ए, होर तां होर आपणा शरीर वी। बस्स दरशण वी विचारा छड्ड के तुर गिआ....किंने ही मन दे चाअ, उलाद धन दौलत ते कमाईआं। किरसां करदा बंदा आपणी सारी उमर लंघा दिंदा ए। पता नहीं कदों कुदरत वाले वलों अचिंते बाज पै जाण। अजे किहा करदा सी कि अगले साल आपां पैंहटां सालां दे हो जाणै ए। फेर जदों पैनशन लग्ग जावेगी तां आपणी मरजी नाल कदी एधर ते कदी इंडीआ विच्च रिहा करांगे। की पता सी कि उह वी नसीब नहीं होणी? ऐवे बंदा धंद पिट्टदा रहिंदा ए टैकस कटाउंदा बच्चतां करदा उप्पर वाला कई वार मौका ही नहीं दिंदा”।उस नें प्रमातमां दे भाणे नूं मंनिआ।

बाहरों बूहा खुल्लिआ तां जीता ते उसदी पतनी किरन बहुत सारे लफाफे बड़ी अंदर दाखल होए। सरूप सिंघ देख के हैरान रहि गिआ कि जीता तां बैड्डरूमां वल गिआ सी इह कदों बाहर चले गए? हुण उनहां नाल दीपा वी जिस जो किरन दे चाचे दी कुड़ी नूं मंगिआ होइआ सी। उस दी मंगेतर अजे पंजाब विच्च ही सी। उह सरूप सिंघ नूं देखण सार बोले “अंकल अजे एथे ही ए, सौरी अंकल आह वाल मारट सटोर तक्क गए सी कुझ्झ चीजां लैणीआं सन सवेरे फेर बफलो दा गेड़ा लाउण जाणा है। नाले हुण दिन किहड़े रहि गए, इक्क तां दिन है”। उह सोफे ते बैग रख्खदा उठ्ठण उठ्ठण करदे दो बंदिआं नाल हत्थ मिलाउंदा बोलिआ। हत्थ मिलाउण सार ‘सवेरे कंम ते जाणा है’ कहिंदे उह तां अफसोस दा कंम निबेड़ के निक्कल तुरे। सरूप सिं्ंघ नें देखिआ कि बाहर काफी हनेरा फैल चुक्का सी। उस नें किहा, “हुण मैं वी चल्लदा हां” तां जीता बोलिआ, “चले जाईं अंकल तूं किहड़ा सवेरे कंम ते जाणा है”। दीपा बोलिआ “अंकल अजे फारमां दा कंम नहीं खुल्लिआ?” पर सरूप सिंघ नें कोई उत्तर नां दित्ता उह तां बेहद्द उदास सी।

जीते नें सोफो ते बैठदिआं गल्ल शुरू कीती, “अंकल फेर इंडीआं जाण दी साडी सलाह पक्की हो गई। टरैवल एजंट कोल वी जा आए हां, चौदां सौ पजत्तर डालर दी टिकट है। रेट बड़ा रीज़नेबल है। मैं तां दीपे नूं वी किहा है कि तिआरी खिच्च लै हुण जाणा तां है ही तेरे विआह दा कंम वी निबेड़ आमांगे। नाले इकठ्ठे होके पिंड डैडी दा पाठ करा आमांगे”। चल्लदी गल्ल विच्च किरन वी शामल हो गई “मेरे मासी मासड़ तां कदों दे उडीकदे नें... नाले सोनीआ वी हुण तां पेपर देके घर ही है। एथे हर रोज़ तां कंमां तों जाइआ वी नहीं जांदा”। किरन दीआं गल्लां सुण कि बचिंत कौर दीआं अख्खां विच्च वी प्रशन लटक आइआ कि ‘मेरी वारी तां किसे नें वी हामी नहीं सी भरी। डैडी इनहां दे जाण नूं तरस गए तां वी किसे नें उत्ता नां चक्किआ हुण बड़ा दिल कढ्ढिआ ए”। पर उह नूंह साहवें बोल नां सकी। जीते नें ही गल्ल मोड़ी “किरन नें वी कंम वालिआं नूं अज्ज पुछ्छिआ सी, उह कहिंदे तिंन वीक चली जा। दो तिंन हफते घर तां बीबी सांभ लऊ बाअद विच्च मेरे सहुरे गेड़ा रख्खणगे”। बचिंत कौर दी छोटे पुत्त तों पाणी वार के पीण दी इछ्छा दा जिवें जीते नें गळा घुट्ट दित्ता होवे। उह खड़ी ही सुंन हो गई। “तां की मैं दाल रोटी बणाउण वाली ते जुआक खिडाउण वाली ही रहि गई, ऐने निरमोहे हो गए”। उस दा मन होर वी वलूंधरिआ गिआ जदों दीपे नें किहा “भाबी तां विचोलण है जाणा ही पैणा ए, होऊू तां औखा ई”। बचिंत कौर नें रोण हाकी हो के सोचिआ, ‘जा तेरे तो वी माण टुट्ट गिआ भज्ज जा तूं वी। देखी किते तेरा विआह नां रहि जावे, आपणी भैण कढ्ढण दी मारी तां तैनूं हत्थ विच्च लई फिरदी ए। थोडी खातर तां मैं कदी थोडे डैडी नूं वी चज्ज नाल नहीं सी बुलाइआ’। उह सोचदी अख्खां वी पूंझ रही सी। अज्ज उस नूं आपणे घर वाले दरशण दी बहुत याद आई जिवें उह इकल्ली रहि गई सी।

महौल दी गंभीरता तोड़न लई जीते नें गल्ल बदली। “अजे जुअकां दा कुझ्झ सोचणा ए, चलों उधर छड्ड जांवांगे...। भोग दे फोन तकरीबन सारिआं नूं कर दित्ते हन। अखबारां विच्च वी आ गिआ है। दो चार रेडीउ प्रोगरामां वाले वी कहि देणगे। बंने चंने ते पिंड वालिआं नूं पता लग्ग जाउ...। इकठ्ठे तां वाहवा हो जाणा है। तुसीं ही सारा कुझ्झ देखणा है। तुसीं ही डैडी दे सभ तों नेड़े सी”।

कुझ्झ देर चुप्प रहिण तों बाअद उस नें फेर गल्ल तोरी, “सच्च तुसीं पुराणे बंदे हों इक्क गल्ल थोनूं होर पुछ्छ लईए कि जदों आपां डैडी दे फुल्ल लै के जाणे हन काहदे विच्च पा के लिजाईए? पिंड जा के की करीदा है? जे कोई लैण देण हुंदा है तां उह वी दस्स दिउ। कीरतपुर जाण तों बाअद पिंड पाठ करवा के पिंड दे सकूल, नौजवान सभा ते गुरदेवारे नूं पैसे दे आमांगे। डैडी दा नां हो जाऊ। उस तों बाअद ज़मीन दा कुझ्झ करना है ते फेर विआह...। कंम तां करन वाले बहुत नें। हुण चल्ले हां तां नबेड़ के ही आवांगे”। जीता बलिआ।

सरूप सिंघ दो मनों हौका उठ्ठिआ। उस नें आखिआ, “बेटा इक्क गड़बी विच्च फुल्ल पा के उत्ते लाल कप्पड़ा बंन लईदा है जां कोई गुथली जिही हुंदी है। अग्गे थोडी मरजी है”। तां दीपा बोलिआ “गड़बी तां आपणे इंडीअन सटोर तों वी मिल जाऊ पर ज़िऊलरां तों जा के चांदी दी गड़बी ही बणवा लैंदे हां। डैडी नें बथेरा कंम कीता है। नाले उह चांदी दी गड़बी दी गल्ल हमेशां करदे सन”। “गल्ल तां तेरी ठीक है जीते नें किहा”।“चल्ल मैं आपणे कारड ते ही लै आवांगा”।

सरूप सिंघ दे चिहरे ते उदासी दी इक्क होर परत चड़ गई। उस लई बैठणा औखा हो गिआ। उह जाण लई उठ्ठ खड़ा होइआ तां जीता कहिण लग्गिआं, “अंकल रोटी खाह के जाइउ बस्स तिआर है” उस नें आपणी बीबी नूं वी किहा कि “रोटी तिआर हेई कि नहीं”। बचिंत कौर नें अख्खां पूंझदिआं नूंह दे कमरे वल निगाह मारी ते फटा फट रोटीआं थप्पण लग्ग पई। बच्चे अजे वी चबर चबर बोली जा रहे सन जो बचिंत कौर दी समझौं बाहरा सी। सरूप सिंघ दे मूंहों बुरकी कित्थे लंघणी सी, उह फतहि बुलाउंदा काहळी नाल बूहा लंघदा काळी रात दे हनेरे विच्च गुआच गिआ।