इह मेरी पहिली ‘देस वापसी’ सी। दो साल आसट्रेलीआ रहिण पिछों पहिली वार दिल्ली दे अंतर-राशटरी हवाई अड्डे `ते उतरे सां। भावें कि रिशतेदारां नूं लैण अते छड्डण वासते अनेकां वार मैं एअरपोरट आइआ सां पर देस वापसी दा अनुभव हंडाउण दा इह मेरा पहिला मौका सी। मेरे मामा जी अते छोटा भणवईआं, सानूं लैण वासते आए सन। एअरपोरट दे शीशआं विचदी आपणिआं नूं वेख के, दोहां पासिआं तों उपर उठे ते ज़ोर ज़ोर दी हिलदे हत्थां दीआं भावनावां नूं, शबदां विच्च बिआन नहीं कीता जा सकदा।
कार विच्च बैठ के चल्लण लग्गे तां मेरे बेटे नवदीप नें सीट बैलट तों फसाद पा लिआ। आखे पहिलां सीट बैलट लाउ ते फिर कार चलाउ। कार विच्च बैलटां घट्ट सन ते सवारीआं ज़िआदा। जिहड़ी इक्क बैलट सी उह उसनूं ला दित्ती पर उसदी अगली ज़िद सी कि बैलटां सारे जणे लाउ नहीं तां पुलीस फड़ लवेगी। उसनूं समझाइआ कि आपां हुण इंडीआं `च हां आसट्रेलीआ विच्च नहीं। एथे सीट बैलटां सिरफ डराईवर अंकल ही लाउंदे हन, नाले कार विच्च हनेरा है। पुलीस नूं पता नहीं लग्गणा कि बैलटां लाईआं हन जां नहीं। इह पहिली तसवीर सी जो आपणे देस दी धरती ते कदम रख्खण तों थोड़ां समां बाअद ही, मैनूं आपणे पुत्तर नूं पेश करनी पई। नियमां दी पालणा करन लई जो संसकार बाहरले मुलकां विच्च सखाए जांदे हन, उहनां नूं चकणा चूर करन लई, सानूं आउंदिआं ही मजबूर ते लाचार होणा पैंदा है।
“तुसीं बच्चे नूं अजिहा किउं कहि रहे हो? नाले समान वाली टराली तां सड़क तों पासे कर आउणीं सी। उथे तां बड़े चंगे बणदे हो” । पटनी विचों वी विदेसी सभिआचार बोल रिहा सी। उह समान वाली उस टराली बारे कहि रही सी जिस उपरों आपणा समान तां चुक्क के कार विच्च रख्ख लिआ सी पर टराली नशूं सड़क दे विचकार ही रहिण दित्ता सी ते आप कार विच्च आण बैठा सां।
“एथे सभ चलदा है” । मैं एनां आख उसनूं तां टाल दित्ता पर आप सोचण लग्गा कि मैं अजिहा किउं किहा जां मैं अजिहा किउं कीता? दरअसल इस सोच दी नविरती ही इस लेख दा विशा है। ‘रोम विच्च जा के रोमनां वाला वरताउ’ करन वाली कहावत मन विच्च सी जां इह डर कि पता नहीं किहड़ी नुकरों कोई आ के हुकम चाड़श देवेगा कि सरदार जी गड्डी इक्क पासे ला लवो ते समान चैक्क करवाउे। फिर अटैची खोहलण तों बिनां साथों इह साबत नहीं होणा कि असीं गरीन चैनल विच्चदी लंघ के आए हां ते साडे कोल कोई गैर कानूंनी समान नहीं है। सड़क दे कंढे ते खुले होए अटैची वेख के, एअरपोरट दे टराली हैलपर दे खचरे हासे नूं सहिण करन तों बचण लई, मैं जलदी तुरन दे यतनां विच्च सां। इस तों इलावा घर पहुंचण तक्क इह डर बणिआ रहिंदा है, कि पता नहीं सूटकेसां दीआ रस्सीआं किहड़े नाके ते खोहलणीआं पैण जां किहड़े ढाबे तों सूटकेसां विच्चों आउदीआं खुसबोआं नूं सुंघ के, कोई तुहाडी गड्डी फालो करन लग्ग पवे।
दरअसल एहो जिहे डर अते कई होर तरां दे शंके ज़हाज़ दे उतरदिआं ही मन विच्च आउण लग्ग पैंदे हन कि पता नहीं इंमीग्रेशन वाले की कहिणगे? कसटम वाले समान जाण देणगे कि नहीं? बाहर निकल के तां कोई पंगा नहीं पवेगा? इंनां शंकिआं तों सुखांवीं नविरती प्रापत करन लई, नां चहुंदिआ होइआ वी अजिहीआं हरकतां करनीआं पैंदीआं हन जिनां नूं वेख के, दूसरिआं नूं दुख महिसूस हुंदा है कि कई कई साल विदेशां विच्च बताउण पिछों वी, साडे लोकां नूं तहिज़ीब पता नहीं कदों आवेगी?
विदेशी सलीके दा जनाज़ा इंमीग्रेशन वाली लाईन तोड़न नाल ही शुरू हो जांदा हे अते इह उस वेले होर वी सिखर ते पहुंच जांदा है जदों विदेशां विच्च हस्स के हज़ारां डालर टैकस देण वाले लोक, आपणी धरती ते पैर रख्खदिआं ही, पहिला यतन करदे हन कि किसे नां किसे तरां बिनां कसटम डिऊटी दित्तिआं, उहनां दा सारा समान एअरपोरट तों बाहर निकल जावे। विदेशी कलचर दा इमानदार हिस्सा बणे इह लोक, एअरपोरट दे अधिकारीआं नूं विदेशी सैंटां, शराब जां डालरां नाल रुझा के, रंग बरंगीआं रस्सीआं नाल बझ्झे बझाए सूटकेस, बिनां डिऊटी अदा कीतआं बाहर लै जाण विच्च सफल हो जांदे हन ते फिर बड़े माण नाल उह आपणी इस प्रापती दा ज़िकर दूसरिआं कोल करदे हन।
पर विदेशां विच्च अजिहा नहीं है। उथे लाईन बणाई रख्खण वाले बहुते हुंदे हन ते तोड़न वाले घट्ट, सड़क विच्चों टराली हटाउण वाले जिआदा अते विच्च छड्डण वाले थोड़शे, डिऊटी भरन तों बिनां समान लै जाण बारे कहिणा तां की, अजिहा करन बारे कोई सोचदा वी नहीं। इहनां मुलकां विच्च प्रबंधकी ढांचा मजबूत हुंदा है। जिथे ‘उह’ टैकस कट्टदे हन, उथे हर बणदी मुढली सहूलत हर आम नागरिक नूं, बिनां किसे वितकरे अते प्रेशानी दे प्रापत हंदी है। इसे लई तां आम नागरिक, बणदीआं अदाइगीआं नूं वेले सिर भरनां आपणा फरज़ समझदा है।
मैं आपणी दसदा हां। आसट्रेलीआ विखे मैं बस्स रांही आपणे कंम ते आउंदा जांदा सां। बस सरविस एनी वधीआ कि पुछो ही नां। नवीआं नकोर लगदीआं साफ सुथरीआं एअर कंडीशनड बस्सां। जेकर किसे बाज़ुरग नूं बस्स विच्च चड़न समें उच्चा सटेप लैण विच्च दिकत आउंदी होवे, तां बस्स दा डराईवर, बस नूं इस ढंग नाल नीवआं कर दिंदा है कि बाज़ुरग आसानी नाल बस्स विच्च चड़श सकण। टाईम दी पूरी पाबंदी। कोई ओवरलोड नहीं। गल्ल की हर सहूलत। दो सालां विच्च सिरफ ते सिरफ इक्क वार ही टिकटां दी चैकिंग होई। टिकटां वासते कोई कंडकटर नहीं। बस दा डराईवर ही टिकटां दिंदा है। टुटे पैसिआं दा कोई रौला नहीं। अबल तां हर कोई बणदे कराए दे टुटे पैसे लै के बस्स विच्च चड़नां आपणा फरज समझदा है पर फिर वी जेकर किसे कोल भान नां वी होवे तां डराईवर कोल भान हुंदा है। पर इक्क दिन जद मैं आपणे कंम तों वापिस परत रिहां सां तां इक्क अंगरेज़ नौजुआन डराईवर, बस्स चला रिहा सी। मेरे कोल ढाई डालर टुटे नहीं सन। मैं उसनूं वीह डालर दा नोट टिकट वासते दित्ता। उोसने आपणी कैस ट्रेअ चैक्क कीती पर उस कोल बकाइआ देण लई भान नहीं सी।
“कोई गल्ल नहीं। तुसीं चड़श आवो ते आराम नाल बैठो” डराईवर नें मुसकरा के किहा। इह पहिली वार होइआ सी कि डराईवर कोल टुट्टे पैसे नां होण ते मैं बिनां टिकट दे सफर करां। मैं बस विच्च चड़ तां गिआ पर जद मैं बस्स विचलीआं होर सवारीआं वल्ल झाती मारी तां उह मेरे वल्ल इस तरां वेख रहीआं सन जिवें मैं बहुत वड्डा चोर होवां। पर इस विच्च मेरा कोई कसूर नहीं सी। वीह डालर दा नोट हाले वी मेरे हत्थ विच्च सी। मैं मनचले डराईवर बारे सोचन लग्गा कि हो सकदा है कि उस कोल सच्चमुच ही टुट्टे पैसे नां होण जां उसने गिनण खुणों ही कहि दित्ता होवे। नाले में अगले सटाप ते ही तां उंतर जाणा सी पर जेकर इस दौरान ही चैकिंग हो गई तां मैं की कहांगां कि डराईवर नें टिकट नहीं दित्ती। इह किसे नें मंनणा नहीं ते इह प्रचार हो जाणा है कि सरदार लोक बस्सां विच्च टिकटां नहीं लैदे। दूसरे पासे इह वी सोचदा सां कि चलो चंगा ही होइआ। ढाई डालर भाव सठ्ठ सत्तर रुपईए बच गए। पर बस्स दीआं सहूलतां नूं वेखदिआं मैनूं आपणी इह सोच बड़ी घटीआ लग्गी। आपणे सटाप ते उतर तां गिआ पर मन उते मनांमूंहीं भार सी। बस्स डराईवर नें ढाई डालर दा करज़ा मेरे सिर चाड़ दित्ता सी ते मैनूं समझ नहीं सी आ रही कि में इह करज़ा किस तरां उतारांगां। कदी सोचदा ढाई डालर खज़ाने विच्च जमां करवा देवां, किसे चैरीटी दी गोलक विच्च पा देवां पर इस नाल उहनां तक्कणीआं दी पूरती नहीं सी होणी जो बस्स विच्चलीआ सवारीआं नें मेरे वल्ल तक्कीआं सन। मैं इस प्रबंध दा सही अरथां विच्च करज़ा मोड़नां चाहुंदा सां।
समां बीतदा गिआ पर कोई वधीआ अदाइगी नहीं सां सोच सकिआ। एने चिर नूं कनैडा मूव हो जाण दा प्रोगराम बण गिआ। जाण दी तारीख़ वी तहि हो गई पर सिर ते करज़ा जिउं दा तिउं सी। कनैडा जाण
लई फलाईट तों इक्क दिन पहिलां शाम नूं मैं ुबस्स रांही घर परत रिहां सां कि बस्स दे कोल दी इक्क ऐंबूलैंस उच्ची उच्ची साइरन मारदी होई लंघी। कोई ऐकसीडैंट होइआ लगदा सी ते फट्टड़ नूं हसपताल पहुंचाइआ जा रिहा सी। इक्कदम मन विच्च खिआल आइआ कि फट्टड़ नूं खून दी वी लोड़ पै सकदी है ते खून दे के मैं आपणा करज़ा लाह सकदा हां। पर इह किवें संभव सी। शाम दा समां सी, सवेरे फलाईट सी अते सिधा हसपताल जा के बलड्ड डोनेट नहीं सी कीता जा सकदा। पर करज़ा वी तां लाहुणा सी ते बलड्ड देणा ही इक्को इक्क वधीआ अदाइगी सी। सो मैं बलड्ड देण दा फैसला करके, अगले बस्स सटाप ते बस्स विच्चों उतर गिआ। बलड्ड बैंक दा पता कीता ते अगले ही पल मैं रैड्ड करास आफ आसट्रेलीआ दी बलड्ड डवीज़न विखे ख़ून दान कर रिहा सां। मैं जाणदा सां कि घर लेट पहुंचण करके हंगामां होवेगा पर जो मैनूं जो राहत ख़ून दे के मिली सी, उह पतनी दे गुसे तों किते वध्ध सी। ढाई डालर दा करज़ा लाह के, मैं आपणे आप नूं हौला फुल्ल महिसूस कर रिहा सां ते सवेरे कनैडा जाण लई सुरख़रू सां।
इस सारे कुझ तों मेरा भाव कि जिहड़ा सिसटम तुहाडी केअर करदा हे, उस बारे बहुत सारे लोक वफ़ादार हन अते जिहड़ा सिसटम तुहाडे बारे नहीं सोचदा, ओुसदे लोक प्रबंधकी ढांचे नूं तोड़ मरोड़ के, आपणे आपणे वल्ल करन लई यतनशील रहिंदे हन। एसे लई विदेशां विच्च उमरां गाल के, उथों दे तौर तरीके सिख्ख के लोक, जद आपणे देश वापस परतदे हन तां एअरपोरट ते ही, विदेशी सभिआचार दीआं चंगीआं गल्लां नूं इक्क पासे रख्खके, आपणे देश दे सिसटम नूं अपणाउण लई मजबूर होणा पैंदा है जिस तों लगदा है कि एने सालां विच्च वी उहनां नें विदेशी सलीका नहीं सिखिआ॥ जो इस सिसटम दी समाजिक बनतर अते प्रंबधकी ढांचे विच्च फिट नहीं हुंदे, उहनां नूं एअरपोरट तों लै के आपणे सटेअ दौरान ते वापिस विदेश परतण तक्क, कई प्रकार दीआं मुसीबतां अते दुशवारीआं दा साहमणा करनां पै सकदा है। विदेश तों आए मेरे मामे दे पुत्त भरा न, े विदेशी सलीका अपणाउण दे यतन वजों, चंडीगड़श दी इक्क सड़क ते जैबरा करासिंग ते सड़शक पार करन लई खड़ीआं कुझ औरतां नूं, आपणी कार रोक के लंघ जाण दा इशारा कीता तां उह औरतां उसदा धंनवाद करन दी थां उसदे गल पै गईआ, कि उसने उहनां नूं वेख के जाणबुझ्झ के कार रोकी हे ते इशारा कीता है। मामला पुलीस कोल जाणो मसां टल्लिआ। एसे करके सीट बैलट सबंधी मैं आपणे पुतर नूं तरक विहूणी दलील दे के टाल दित्ता सी ते समान वाली टराली, सड़क विचाले छड्ड देणा मैनूं बुरा नहीं सी लग्गा। मेरी पटनी अज तक्क वी इस दलील ते काइम है कि विदेशां विच्च असीं जो कुझ चंगां सिखदे हां, उसनूं आपणे देश विच्च वी, अमल विच्च लिआउणा चाहीदा है।
पर इस सारे कुझ तों मेरा हरगिज़ इह भाव नहीं, कि इंडीआ जाणा इक्क ख़तरनाक प्रोजैकट है। उपर दस्से डर जां खतरे उहनां चावां अते रीझां साहमणे नां मातर हन जो इक्क भारती, विदेश विच्चों आपणे मन विच्च लै के आउंदा है। मां पिउ दी आसीस, भैण भरावां दी चाअ भरी गलवकड़ी, रिशतेदारा दीआं टिचरां अते यारां मितरां दे उलांभे। बाज़ुरगां दे ठंडे तत्ते बिसतरिआं विच्च घुसरके निघिआ होणा, मां जां दादी दे हत्थां दी बणी घर दे दुध्ध दी बरफी ते किंनां कुझ होर ਼। विदेशी सिसटम भावें किंनां वी चंगा किउं नां होवे जां आपणा सिसटम किंनां वी माड़ा किउं नां होवे, इह चीज़ां प्रदेसां विच्च नहीं मिलदीआं। सारी उमर बंदा इंनां लई तरसदा है।