तकनौलोजी – कंनां नूं खा रिहा सोना? इंज ईशर सिंघ दुआरा पंजाबी भाशा विच लिखी गई, उनहां दी पलेठी रचना है। उनहां नें थापर कालज पटिआला तों इलैकट्रीकल इंजनीअरी दी डिगरी हासिल कीती। संन 2002 विच्च पंजाब राज बिजली बोरड तों मुख्ख इंजनीअर दे अहुदे तों सेवा मुकत होए अते अज्जकल्ह कनेडा विखे रहि रहे हन। लेखक नें इस पुसतक विच्च मनुख्खी जिंदगी दे हरेक खेतर विच घुसपैठ कर रही तकनौलोजी, विशेश कर के ए.आई. (आरटीफ़ीशीअल इंटैलीजैंस) बारे बड़े संजीदा प्रशन उठाए हन। खतरे दी घंटी बण के हावी हो रही इस तकनौलोजी बारे की पहुंच-विधी अपणाई जाणी लोड़ींदी है? लेखक नें इस बारे बड़ी तारकिक बहिस छेड़ी है। तकनौलोजी अते मनुख्खी सूझ/चेतना दरमिआन संतुलित विहार दी गल्ल करदिआं, इस दी सकारातमक भूमिका बारे इस किताब विच अहिम नुकते पेश कीते हन। ए.आई. यानी मसनूई बुध्धी दे नकारातमक प्रभावां तों सावधान रहिण लई असली बुध्धी यानी मनुख्ख दी आपणी बुध्धी दी वरतों करदे रहिण लई मनुख्ख नूं सुचेत कीता है। आरटीफ़ीशीअल इंटैलीजैंस उत्ते वासतविक मनुख्खी बुध्धी/चेतना राहीं लगाम दी ज़रूरत प्रती लेखक नें इस पुसतक विच बार-बार सावधान कीता है। आपणी तारकिक सोच अधीन ए.आई. दी वरतों करदिआं इस दे निखेधातमक प्रभावां तों बच के रहिणा बहुत लोड़ींदा है। नहीं तां इस दी चकाचौंध विच्च साडी वेदना, संवेदना, सिरजनातमकता, नैतिनता अते अनेकां मानवी कदरां-कीमतां जिहड़ीआं मनुख्ख दे मनुख्ख होण दा प्रमाण हन, गुआच जाणगीआं ।

निरसंदेह, मनुख्खी जीवन दे विकास अते जीवन दे हरेक खेतर विच्च अग्गे वधण लई तकनौलोजी अकट्ट लोड़ींदी है। पर महिज़ इसे ’ते निरभर नां हो के मनुख्ख नें आपणे विवेक, संतुलित जीवन-विहार अते मनुख्खी गुणां नूं वी लगातार आतमसात करदे रहिणा है। इह पुसतक इकत्ती लेखां दा संकलन है। लेखक नें आपणे जीवन दे तजरबिआं नूं सांझे करदिआं होइआं अते दुनीआं दे वड्डे विदवानां ’ते महान चिंतकां दे हवाले दे-दे के जित्थे पुसतक विच्च रौचिकता दा अंश बरकरार रख्खिआ है, उत्थे विशे दा निभाअ करन विच्च वी इह विधी कारगर सिध्ध होई है। लेखक नें किधरे वी तकनौलोजी दे गुंझळदार सिधांतां बारे चरचा नहीं कीती, सगों इस दी विहारक वरतों बारे सारथिक मुद्दे उठाए हन। इसे लई रचना विच नीरसता नहीं है। सधारन बुध्धी वाला पाठक वी दिलचसपी नाल इस किताब नूं पहड़न दे समरत्थ है। ए.आई. दी वरतों नूं परंपरा अते आधुनिकता दे समनवै राहीं समझाउण दी कारगर कोशिश कीती गई है। इंज. ईशर सिंघ नें वख्ख वख्ख लेखां राहीं अत्त (Extreme) दे संकलप तों मुख मोड़दिआं अजिहीआं तदबीरां दा वरणन कीता है जित्थे ए. आई. दा लाभ तां असीं पूरा लईए पर इस दे गुलाम होण तों वी बचे रहीए। बे-लगाम तकनौलोजी तों बार-बार खबरदार करदिआं मनुख्ख नूं आपणे तारकिक विवेक दी वरतों करन दा राह दरसाइआ है।

ए.आई. दे गिआन दे नाल नाल लेखक नें अजोकी पीहड़ी नूं साहित, इतिहास, अधिआतमवाद, मनोविगिआन दे विशिआं बारे गिआन प्रापत करन लई वी ज़ोर दित्ता है, तां जो इनहां विशिआं तों हासिल होए विवेक राहीं मनुख्ख आपा-पछाण दे मारग ’ते चल्ल के सही-गलत दा नितारा करन दे समरत्थ हो सके। लेखक नें डा. युवाल नोआ हरारी दी पुसतक दे हवाले नाल ए.आई. तकनौलोजी नूं अजिहा मकड़-जाळ किहा है जिहड़ा मनुख्ख उत्ते पूरी तरहां काबिज हो गिआ है। पुसतक दा सार-तत्त इसे गल्ल विच निहित है कि असीं हुण इस जाळ नूं किवें काबू करना है? अजोके समें दी इह वड्डी वंगार वी है अते फिकरमंदी वाळी गल्ल वी। इस डिज़िटल ताना-शाही तों बचण लई अते इस दे सद-उपयोग लई जागरूक होणा अति ज़रूरी है। कुल मिला के लेखक नें दरसाइआ है कि तकनौलोजी दा विकास सरब-सांझी खुशहाली दे आउण दा कोई निशचित माप-दंड नहीं है, सगों तकनौलोजीआं दी ग्रिफत विच फसिआ मनुख्ख जिंदगी दे यथारथ तों दूर हो रिहा है। ज़हीन बुध्धी वाले विदिआरथी तकनौलोजीआं नाल संबंधित विशिआं नूं ही पहड़न विच पहिल दे रहे हन। दूजे खेतर जिवें कि खेतीबाड़ी, उदयोग, बिजली निरमाण आदि नूं गैर-ज़रूरी गरदाने जाण दी रुची वध्ध परबल हो रही है। इसे लई लेखक नें सुझाअ दित्ता है कि ए.आई. दे तेज रफ़तार विकास दे नाळ-नाळ मनुख्खी चेतना दा विकास वी ओना ही लोड़ींदा है। इस दे यकीनी बणाए जाण दी लोड़ ’ते पुसतक विच बार बार ज़ोर दित्ता गिआ है अते अजोकी पीहड़ी नूं सुचेत कीता गिआ है। इहो इस पुसतक दी प्रापती है अते विलख्खणता वी। पंजाबी, अदबी हलकिआं विच इस पुसतक दा सुआगत कीता जाणा बणदा है अते पंजाबी पाठक निसचे ही इस दा लाभ उठाउणगे। इसे भरोसे नाल, इस पुसतक दे लेखक इंज. ईशर सिंघ मुबारक दे हक्कदार हन।