आधुनिकता दे इस दौर 'च अज्ज साडे नित्तनेम दे कारजां विच्च दातण-पाणी, नहाउण-धोण अते अकाल पुरख दी उसतत दे नाल-नाल, जिहड़ा इक्क ज़रूरी अधिआए होर जुड़ गिआ है, उह है सोशल नैट्टवरकिंग। भावें उह फेसबुक्क होवे भावें यू-टिऊब ते भावें कुझ होर। जेकर हुण इह कहि लईए कि अज्ज-कल इस दी साडे सरीर नूं भुख्ख ही नहीं, तोड़ जिही वी लगदी है तां ग़लत नहीं होवेगा । जिस दा इक्क वड्डा कारन इह है कि सानूं डर लग्गदा है कि इस तेज़ तरार युग्ग 'च किते असीं पछड़ ही नां जाईए। किउंकि जे किसे मित्तर पिआरे नें सानूं कोई ताज़ा कांड पहिलां सुणा दित्ता तां असीं आपणे आप नूं हीण भावना दा शिकार समझण लग्ग जांदे हां ते मूहरला तुहानूं डंगर समझण लग्ग जांदा है। उह सोचदा कि पता नहीं इह किहड़े जहान 'च रहिंदा है ! मैनूं लोकां दा तां पता नहीं पर मेरी रोज़मर्रा दी ज़िंदगी तां बिसतरे चों उठ्ठ के लैपटाप दा बटन दब्बण तो शुरू हुंदी है। फेर दातण कुरले वल्ल नूं जाईदा है ते सोच इही हुंदी है कि आउंदे नूं लैपटाप खुल्ल्ह के तिआर होवे, किते कोई वकत बरबाद नां हो जावे।

जीवन 'च आई तेज़ी दा अज्ज इह आलम हो गिआ है कि कुझ साल पहिलां जो असीं टी.वी. चैनलां दे दाअवे सुणदे हुंदे सी कि सभ तों पहिलां फलां ख़बर सिरफ़ साडे चैनल नें दिखाई, पर अज्ज इह तेज़ी इकल्ले इकल्ले शख़स दे हत्थ आ चुक्की है। इस दौड़ 'च आपणे आप नूं फंने ख़ां दरसाउण लई कई बार मेरे मित्तर-पिआरे सारीआं हद्दां बंने ही टप्प जांदे हन। भावें इस नाल किसे दा जिंनहां मरज़ी नुकसान हो जावे। बस्स दुनीआं तक्क इह ख़बर पहुंचाउण वाले आपां पहिले इनसान होणे चाहीदे हां। दोसतो! बहुत घट्ट लिखण दी कोशिश करी दी है। पर जदों पाणी पुल्लां उत्तों दी लंघ जावे तां काग़ज़ 'ते ग़ुस्सा लाहउण बैठ जाईदा है। बस्स अज्ज वी इही सबब्ब बणिआ। दो चार दिनां दा फेसबुक्क दे डाकीआं दी तेज़ी तों हैरान हां। (माफ़ करना इह डाकीआ शबद मेरी कलम दी उपज नहीं है, इह उघ्घे पंजाबी गाइक दिलजीत दुसांझ होरां दे शबद हन। जिंना दा ख़ुलासा इस लेख 'च अग्गे जा के करदे हां) ।

सारे जहान 'च वस्सदे पंजाबीआं नूं 'माणक साहिब' दे इस जहान तों रुख़सत होण दी ख़बर नें धुर अंदरों हिला दित्ता सी। पर साडे आधुनिक युग्ग दे तेज़ तरार लोकां नें उनहां नूं दो दिन पहिला ही इस जहान तों तोर दित्ता सी। दोसतो! पता नहीं इस दुख्ख भरी झूठी ख़बर नाल इहनां लोकां नूं किहड़ा तमग़ा मिलणा सी, जो इनहां नें अजिहा कीता!

जदों हर रोज़ वांग लैपटाप खोल्हिआ तां मूहरों इह ख़बर पहड़ के दिल बहुत औखा होइआ। पर पता नहीं किउं दिल नें मंनिआं नहीं ते इंडीआ 'च दिन चहड़न दी उडीक 'च बहि गिआ कि किसे सांझे मित्तर तों सही जाणकारी लैंदे हां। पर इंने चिर नूं जिस मित्तर नें इह ख़बर पाई सी, उसे नूं सुनेहा छड्डिआ कि की हो गिआ? तां मूहरों जनाब कहिंदे ''माणक डी.ऐम्म.सी. 'च दाखिल सी, उत्थे ही इह भाणा वरत गिआ।''

मैं फेर दुहरा के पुछ्छिआ ''की इह सच्ची गल्ल है?''

''बिलकुल्ल जी सौ फ़ीसदी सच्च है जी।'' उस किहा ।

चलो जी, एने नूं दिन चहड़ आइआ ते मैं हाले सोच ही रिहा सी कि किस नूं फ़ोन करां! एने नूं मेरे इक्क पुराणे मित्तर पलाज़मा रिकारडिंग दे मालक दीपक बाली होरां दा फ़ोन आ गिआ। दुख्ख सुख्ख तों बाअद जदों मैं डरदे-डरदे नें माणक साहिब वाली ख़बर दी पुशटी करनी चाही तां उह कहिंदे! नां वीर इह झूठी ख़बर है उह ढिल्ले ज़रूर हन पर रब्ब दी ख़ैर सदका नौं-बर-नौं हन। जदों मैं उनहां नूं फेसबुक्क वाली अफ़वाह बारे दस्सिआ तां कहिंदे होलड रख्खो मैं होर कलीअर करदा हां। जदों मैं ख़ुद आपणे कंनीं इह सुण लिआ कि सभ ठीक है तां दिल 'च उस वीर प्रती बहुत ग़ुस्सा आइआ, जो फेस बुक्क ते आउंदे कमैंटस दे बड़ी शिद्दत नाल जवाब दे रिहा सी ते आपणे आप नूं माणक दे टब्बर दा जीअ महिसूस कर रिहा सी। जिवें लोक उस कोल गोडा निवाउण आ रहे होण! भावें ख़ुद मैं सलामती दी ख़बर सुण लई सी पर फेर वी दिल होर तसल्ली चाहुंदा सी। इंगलैंड बैठे बाई शिवचरन जग्गी कुस्से नूं सुनेहा लाइआ तां उह कहिंदे, ''निक्किआ ! दो मिंट दे बस्स हुणे दस्सदा''। दो किहड़े इक्क मिंट 'च ही उह कहिंदे; ''ओए ऐवें भौंकी जांदे आ, साडा बाई माणक टल्ली वरगा। हुणे मेरी देव थरीके वाले बाई नाल गल्ल होई है''। चलो जी एने नूं इक्क होर मित्तर राणा बैनीपाल दा सुनेहा मिल गिआ, कहिंदे भगवंत मान होरां तों पुछ्छिआ सभ ठीक है। फेर जदों मैनूं एनी कु तसल्ली मिली तां मैं उसे मित्तर नाल पा लिआ पेचा।

मूहरों कहिंदा, ''बाई अज्ज नहीं तां कल्ल्ह किंने दिन वैंटीलेटर ते साह लऊगा''।

''तुहाडी कोई निज्जी रंजश है माणक परवार नाल?'' मैं पुछ्छिआ ।

''नहीं बाई असीं तां कि लैणा कोई जीवे कोई मरे''।

''फेर तुसीं आह जिऊंदे जी नूं किउं मार रहे हो?''

''मैं सोचिआ कि आई.सी.यू. 'च है, होर किंना कु चिर कट्टू’’!!! सो फेसबुक्क ते लिख दित्ता''। जुआब मिलिआ ।

मैं सोचिआ इस इनसान नाल बहिस करन दा कोई फ़ाइदा नहीं। जदों इस नूं युग्गपुरश दी कदर नहीं तां तूं मैं की चीज़ हां?

अगली गल्ल साडे सभ्भिआचार 'च आ रहे निघार दी है। इस मुद्दे नूं उठा के हुण तक्क इक्का-दुक्का कलमां वाले आपणे गल-ग़लामे पा रहे सन। पर फेस बुक्क दे युग्ग 'च उसारू सोच वाले मित्तरां दी वी कोई कमी नहीं, जो उसारू ढंग नाल इस दी वरतों 'च लग्गे होए हन। जागरूक लोकां दा काफ़ला बणदा जा रिहा है ते निघार लिआउण वालिआं दी वी कमी नहीं । सभ तों वध्ध गंद पा रहे हन साडे पंजाबी सभ्भिआचार दे सेवक कहाउण वाले गाइक ते गीतकार। जिंनहां नें पहिलां तां गीतां नूं सुणन नालों देखण वाले बणा दित्ता ते अज्ज कल्ल्ह बोलां 'च वीर रस जां शिंगार रस दी थां काम रस ते मार धाड़ रस भर के नां सुणन जोगे छड्डे नां देखण जोगे!

पहिलां इक्क वाकिआ होर सांझा कर लईए, फेर अग्गे दी गल्ल करदे हां। पिछले दिनीं गाइक दलजीत दुसांझ किसे सटेज ते टपूसीआं मारदा डिग्ग पिआ सी। लोकां उस दी इस वीडीओ 'ते पुठ्ठे सिध्धे कमैंट कर दित्ते सन। उध्धर दलजीत नें आपणे नवें गाणे दा प्रोमो नैट्ट ते पा दित्ता। हमेशा वांग उस दे फैन वाह-वाह करी जा रहे सन। पर कुझ जागरूक मित्तर इस विचले गंदे बोलां ते उंगळां चुक्क के दिलजीत दा दिल नहीं जित्त सके। गाइक साहिब नूं ग़ुस्सा आ गिआ। उह नें सोचिआ, इहो जिहे लोकां नूं सबक सिखाउणा चाहीदा है। उनहां चुक्क लिआ आपणा वाजा ते आपणी भड़ास कैमरे मूहरे कढ्ढ दित्ती। इसे क्रोध नें 'फेसबुक्क दे डाकीए' शबद दी उतपती कीती। इह शबद विच एनी बुराई नहीं दिखाई दे रही पर जो गाळी-गलोच ते उह उत्तर आइआ उस लई तां इह ही किहा जा सकदा कि क्रोध अकल नूं खा जांदा। सो, उही कुझ इस गाइक नाल होइआ।

अग्गे जाण तों पहिलां दलजीत बारे जिंना कु मैं अख्खीं देखिआ, तुहाडे नाल सांझा करना चाहांगा। सुणिआ है कि दिलजीत इक्क उघ्घे कीरतनीए सिंघ दा नेड़े दा रिशतेदार है। कई सालां तों बहुत सारे हिट्ट गीत गा चुक्किआ है। जदों तक्क इह गाइक 'हनी सिंघ' नामी संगीतकार दे संपरक 'च नहीं आइआ सी, उदों तक्क इस ते कोई उंगल नहीं उठ्ठी सी। पर 'दिलजीत' दा मंनणा है कि 'हनी सिंघ' नें उस दा दाइरा विशाल कीता है। सो, उह उस दा देण नहीं दे सकदा। मेरी जिंनी कु सांझ इस गाइक नाल पई है, उह वी सांझी कर लवां। पिछले वरहे जदों इह गाइक ऐडीलेड विच्च आपणा शोअ करन आइआ सी तां तकरीबन इक्क घंटा मेरी इस गाइक नाल कई मुद्दिआं ते गल्ल होई सी। गल्लबात तों बाअद इह इक्क सुलझिआ होइआ मुंडा जापिआ। गल्लां-बातां दौरान समाज प्रती काफ़ी चिंतत लग्गिआ। उसने चंगा कंम करन प्रती वचनबध्धता दरसाई। मैं वी आपणे दिल दी इक्क गल्ल इस नाल सांझी कीती कि जो अज्जकल्ल्ह नवीं पीहड़ी विच्च फिर तों पग्ग बंनहण दा रुझान वधिआ है, उस पिछ्छे तुहाडे समेत तुहाडे कुझ समकाली गाइकां दा बहुत वड्डा रोल है। सो, तुसीं वधाई दे पातर हो। पर अज्ज इस कलाकार वल्लों कैमरे मूहरे शरेआम इहो जिहा वतीरा करदे देख के बड़ा अजीब लग्गिआ कि जां तां मैं इस इनसान नूं पहड़न 'च नाकाम रिहा जां फेर हाथी दे दंद दिखाउण दे होर ते खाण दे होर वाली गल्ल हो सकदी है।

'हनी सिंघ' दे मामले 'च तां मैं सिरफ़ एना ही लिखांगा कि जे इह उह ''पच्ची पिंडां वाला'' 'हनी सिंघ' है तां, मैं आपणी ज़िंदगी 'च कदे वी इहो जिहे इनसान दा मूंह नहीं देखणा चाहांगा। ख़ुदा नां खासता कदे साहमणा हो गिआ तां फेर रब्ब जाणे साडे अमीर सभ्भिआचार दे इस कातिल नूं किवें माफ़ करांगा।

पिछले दिनीं बहुत सारे फेसबुक्कीआं नें इस ख़िलाफ़ इक्क मुहिंम विढ्ढी है। उह है तां काबिल-ए-तारीफ़ पर निधड़क नौजवान लेखक सवरन सिंघ टहिणा होरां नें आपणे इक्क लेख 'च इस मुद्दे नूं चुक्किआ सी। उनहां लिखिआ सी कि असीं फेसबुक्क 'ते इक्क कमैंट दे के कद्दू 'च तीर मारिआ समझ के बहि जांदे हां। उनहां सही गल्ल कही है कि चार अख्खर लिख के इस बुराई नूं ख़तम नहीं कीता जा सकदा इस लई पूरा मोरचा चलाउण दी लोड़ है।

सो, इसे गल्ल नूं मुख्ख रख्खदिआं आसट्रेलीआ दे 24 घंटे चल्लण वाले पहिले पंजाबी रेडीओ ''हरमन रेडीओ'' नें इस मामले 'च पहिल कदमी कीती है। हुण तक्क इस दा चंगा हुंगारा वी मिल रिहा है। पर सोचण दी गल्ल इह है कि जदों आपणे संघरश अते शुरूआती दौर चों लंघ रिहा इक्क रेडीओ अदारा इह कदम चुक्क सकदा है, तां सथापित लोक इस मुहिंम विच हिस्सा किउं नहीं पा सकदे? हुण सुण लवो कि हरमन रेडीओ नें इस कंम नूं नत्थ पाउण लई इहो जिहा की कर दित्ता ।

जदों नित्त दिहाड़े जागरूक सरोतिआं वल्लों लच्चरता दे मुद्दे नूं चुक्किआ जांदा रिहा तां 'हरमन रेडीओ' नें आपणे सहियोगीआं नाल इक्क मीटिंग कीती। उस विच सभ नें आपणा आपणा नज़रीआ रख्खिआ कि इस कंम 'च रेडीओ किस तरहां योगदान पा सकदा है। ज़िआदातर सहियोगीआं दा मंनणा सी कि जिस गाणे दे बोलां विच मार-धाड़ जां अशलीलता आउंदी है, उनहां नूं रेडीओ ते चलाउणा ही नहीं चाहीदा। पर इहनां गल्लां नूं चुप्प चाप सुण रहे रेडीओ दे डाइरैकटर 'अमनदीप सिध्धू' ज़िआदा संतुशट नहीं दिसे। उह कहिंदे इस नाल असली समस्सिआ दा हल्ल नहीं होण वाला, किउंकि इक्क अदारे वल्लों इहो जिहा करन नाल इहनां लोकां नूं कोई फ़रक नहीं पैण लग्गिआ। जदों मैं उनहां नूं पुछ्छिआ कि तुहाडी इस विच की राए है तां उह कहिंदे; "भाअ जी! ''मैं चाहुंदा कि इहनां दे तीरां दा मूंह इहनां वल्ल ही कर देईए। तां कि जिंने वार इह साडे सभ्भिआचार ते कर रहे हन, उह सारे इहनां नूं आपणी हिक्क ते झल्लणे पैण। इक्क होर वड्डी सचाई इह है कि इस कंम 'च सरोते जो इहनां दे गाणिआं दी फ़रमाइश करदे हन, बराबर दे गुनाहगार हन। जो विचार मेरे मन 'च है, उस नाल इहनां दोहां धिरां नूं शरम झल्लणी पैणी है"।

मेरी उतसुकता वध्ध गई कि सिध्धू साहिब आपणे तरकश 'च इहो जिहा किहड़ा ब्रहम असतर पाई बैठे हन! उनहां जो सुझाअ दित्ता उह सभ दे सीने वज्जिआ। जिस तहित इह फ़ैसला लिआ गिआ कि दो किसम दीआं चेतावनीआं बणाईआं जाण। जिनहां विच इक्क मार धाड़ ते हिंसक विशे प्रती चेतावनी होवे ते दूजी लच्चरता प्रती। जदों वी कोई सरोता इहो जिहे गीत दी फ़रमाइश करे तां गीत तों पहिलां इह चेतावनी चले कि ''हुण चल्लण वाले गीत विच असभ्भिअक विशे जां भाशा दी वरतों कीती गई है, सरोतिआं नूं प्रेशानी हो सकदी है''। जां ''हुण चल्लण वाले गीत विच मार धाड़ जां हिंसक विशा है, सरोतिआं नूं प्रेशानी हो सकदी है''। उमीद है इस चेतावनी नाल सूझवान सरोते आपणे रेडीओ दी आवाज़ घट्ट कर लैणगे, तां कि आपणे सभ्भिआचार नूं बचाइआ जा सके।

इहो जिही चेतावनी सुणन तों बाअद मैनूं नहीं लग्गदा कोई सूझवान सरोता दुबारा उस गाणे दी फ़रमाइश करेगा। हां ! विरसे दा घाण करके आपणीआं जेबां भरन वालिआं नूं शाइद इह चेतावनी गीत नालों वी हिंसक जां लच्चर लग्गे। हुण सोचण दी गल्ल इह है कि हरमन रेडीओ नें तां इह रीत चहड़दे साल तों शुरू कर देणी है। पर की इह दूजे अदारे वी इस नूं लागू करन 'च दिलचसपी दिखाउणगे कि सिरफ़ चार छिल्लड़ां लई आपणे अमीर विरसे 'च इह गाली गलोच दे दौर नूं हल्लाशेरी देणगे!

गल मोड़ के फेसबुक्क दे डाकीआं ते लै के आउंदे हां। दोसतो! इह जिहड़ा रुझान चल्लिआ है, इस बारे जे इंझ कहि लईए कि वकत नें हर बंदे दे हत्थ इक्क इहो जिही ताकत दे दित्ती है, जिस नाल घट्टो-घट्ट असीं आपणे अधिकारां दी राखी कर सकदे हां। बशरते, इस दी वरतों उसारू सोच नाल ते चंगे कारजां लई कीती जावे। नां की लच्चरता फैलाउण लई जां फेर इक्क दूजे नाल किड़ कढ्ढण लई। पर अफ़सोस ! इहो जिहा हो बहुत घट्ट रिहा है। मेरे इक्क कलमी मित्तर 'गिंनी सागु' दे कहिण वांग बाई जी फेसबुक्क टुच्च-घड़ुच्च शाइरी, लच्चर गीत, गंदीआं फ़ोटो, अशलील वीडीओ दा अड्डा बण के रहि गई है। गल्ल है वी सौ फ़ीसदी सच्ची। अज्ज कल्ल्ह तां इह लड़ाई दा अड्डा वी बण गई है।

होर तां होर अज्ज कल्ल्ह जो वाइरस दा हमला फेसबुक्क ते हो रिहा उह सभ तों ही शरमसार है। जदों मरज़ी आपणा अकाउंट खोल्हो, मूहरों पंज-चार इहो जिहीआं पोसटां तुहाडी वाल ते पोसट कीतीआं पईआं होण गईआं जिंनां नूं देख के छेती छेती लैपटाप दा मूंह कंध वल्ल करना पैंदा है, खौरे कोई देख ही नां लवे। इस विचली इक्क होर सच्चाई नूं वी सांझा कर ही लईए। जदों किसे मेरे मित्तर दे खाते चों इह अशलील पोसटां आउंदीआं हन तां उह मित्तर दूजिआं तों माफ़ी मंगदा है कि मेरे खाते चों जो ग़लत पोसटां हो रहीआं हन उस 'च मेरा कसूर नहीं है । इह सभ कुझ ख़ुद ही होई जांदा है। पर सच्च इह हुंदा है कि अणजाण पुणे विच्च कई वार साडा मन ललचा जांदा ते असीं वेले-कुवेले परदे नाल दुनीआं तों अख्ख बचा के उस अशलील तसवीर जां वीडीओ ते कलिक्क कर बहिंदे हां। बस्स इही गुसताख़ी फेर सानूं थां-थां ज़लील करदी है।

फेस बुक्क दे डाकीआं दी निंदिआ तां बहुत हो गई । आओ, हुण इस दा चंगा पख्ख वी देख लईए। चंगी सोच वाले बंदे अज्ज वी इस साधन दी वरतों बड़े सुचज्जे ढंग नाल कर रहे हन। जिनहां विचों मैं इनसानीअत गरुप्प दी गल्ल करनी चाहांगा। इस गरुप्प दे तहित दुनीआ भर दे जागरूक सज्जण लोड़वंदां दी मदद कर के इनसानीअत दी सेवा कर रहे हन। इह गरुप्प हुण तक्क बहुत सारे लोकां दी मद्दद कर चुक्किआ है । इस गरप्प विच पंजाबी निऊज़ आनलाईन दे चीफ़ ऐडीटर सुखनैब सिंघ सिध्धू, कैनेडा तों गुरमुख सिंघ झुट्टी, दुबई तों खीवा माही अते होर बहुत सारे मित्तर हर वकत मदद लई तिआर-बर-तिआर रहिंदे हन। बहुत सारे उद्दमी पंजाबी मां बोली दे फैलाओ लई इस साधन दी वरतों कर के मां बोली दी असली सेवा कर रहे हन। कई लोक समाज 'च फैल चुक्कीआं बुराईआं नाल दो-दो हत्थ कर रहे हन। कई अखौती गाइकां ते अखौती साधां नूं नत्थ पाउण लई जद्दो-जहिद कर रहे हन। कुझ मेरे वीर पंजाबी विच हाइकू विधी नूं दुनीआं तक्क पहुंचाउण 'च यतनशील हन। सो, मुक्कदी गल्ल इह है कि चंगे कंम करन वालिआं दा वी तोड़ा नहीं। पर पता नहीं किउं माड़े कंम वालिआं दी बहुतात है।

पर जे हुण पंजाबीआं दी अणख दी गल्ल करीए तां इतिहास कहिंदा है कि असीं पहिलां वार करदे नहीं, पर जे कोई वार करदा तां सानूं उस दा मूंह तोड़ जवाब देणा वी आउंदा है। बस्स लोड़ है, इक्क जुट्टता दिखाउण दी । हुण जदों इक्क गाइक नें आपणी लच्चरता फैलाउण लई सानूं सभनां नूं फेसबुक्क दे डाकअिां दा दरजा दे ही दित्ता है, तां आओ सारे रल के दिखा देईए कि 'डाकीआ' जिस नूं साडे समाज नें 'विचारे' दी परिभाशा दे रख्खी है, उस विच असल विच किंनी ताकत हुंदी है। नाले उह दिन गए हुण जदों इबराहीम लिंकन दे मरन दी ख़बर अमरीका तों इंगलैंड तक छे महीनिआं 'च पहुंची सी। अज्ज तां आधुनिकता नाल लैस डाकीआ जे आपणी आई ते आ जावे तां इक्क अध्धा गाइक तां कि मां बोली दा घाण करन वालिआं नूं ही लुकण दा थां नहीं थिआउणी।

जांदे-जांदे होर सुण लवो अज्ज कल्ल्ह साडा नौजवान वरग इहनां अखौती गाइकां नूं आपणे रोल माडल बणा लैंदा है, किउंकि उनहां नूं इहनां दी बाहरी दिख्ख आपणे वल्ल खिच्चदी है। पर असलीअत कुझ होर हुंदी है। उदाहरन दे तौर ते पिछले दिनीं अख़बार 'च इक्क ख़बर छपी सी। "हत्थ कोई नहीं पाउंदा सानूं खुल्ल्हे शेरां नूं" नां दा इक्क गीत गाउण वाला गाइक बेनती कर रिहा सी कि मेरी जान नूं ख़तरा है, इस लई अज्जकल्ल्ह डरदा मारिआ मैं घरों बाहर नहीं निकलदा। बाकी तुसीं आप सिआणे हो। मेरी तां जिंनी कु मत्त सी उनहीं कु गल्ल कर दित्ती हुण फ़ैसला तुहाडे हत्थ है।