अज्ज तों तकरीबन 26-27 साल पहिलां जदों मेरा तीजा बेटा हरवंत वाटरलू यूनीवरसिटी तों कंपिऊटर सांइस दी डिगरी कर रिहा सी, असीं दोवां नें चंगे पंजाबी साहित नूं वध्ध तों वध्ध पाठकां तक्क पहुंचाण अते संभालण दा यतन करन बारे सोच विचार कीती। सुरू तों ही इस परोजैकट दा साडे उदेसां नाल बहुत ही ढुकदा नां ‘गलोबल पंजाबी’ अते इसदा मिशन सलोगन “पंजाबी बिनां हद्दां तों” अपणालिआ गिआ। नां दा फैसला हुंदे ही वैब्बसाईट लई गलोबलपंजाबी डौट कौम (https://GlobalPunjabi.com) दा नां रजिसटर करके साल 2000 विच इसदा निरमाण सुरू कीता गिआ। शुरू-शुरू विच्च मेरे कई लेख़क साथीआं नें माइक सहाइता वजों इस विच आपणा योगदान वी पाइआ, जिस लई मैं उनहां दा बहुत धंनवादी हां। गलोबलपंजाबी साईट दा मुख्ख उदेश पंजाबी दीआं सुचज्जीआं रचनावां नूं, मुलकां अते लिप्पीआं दीआं हद्दां टप्पके, दुनीआं भर दे पाठकां तीकर पहुंचाणा ही है। पर समां लंघण दे नाळ इस विच्च मिळदीआं जुळदीआ कुझ होर सेवावां वी शामिल कीतीआं जा रहीआं हन। गलोबल पंजाबी लई मेरे दूजे बेटे राजवंत वलों इक लिप्पीआंतर यंतर (पंनूं लिप्पीआंतर) तिआर कीता गिआ है जो गुरमुख़ी विच लिखे सहित नूं लिप्पी दीआं हद्दां पार करके शहमुख़ी अते देवनागरी लिप्पीआं विच पहड़न लई सहाई हुंदा है। पंनूं लिप्पीआंतर नूं इस तरीके नाल बणाइआ गिआ है के कोई वी संसथा इसनूं वरत सकदी है। इह सिरफ गलोबलपंजाबी डौट कौम साईट तक्क ही सीमत नहीं है।

कंपिऊटर ते पंजाबी टाईप करन लई मेरे वलों बणाए गए कुझ कीबोरड वी उपलभ्भद करवाए गए हन। गलोबल पंजाबी कीअ बोरडज गुरमुख़ी, देवनागरी अते शाहमुखी जो कि समें समें ते लोकां दे सुझावां अनुसार सुधारे जांदे हन। पहिलां इह कीबोरड गलोबलपंजाबी साईट तों डाऊनलोड कीते जांदे सी। कीबोरड दी लोड़ नूं विसेश धिआन देण अते वरतोंकारां दी वधेरे सहूलत लई इस साल (2025) तो इहनां लई पंजाबीकीबोरड डौट कौम (https://PunjabiKeyboard.com/) नां दी इक वख्खरी साईट बणाई गई है।

गलोबलपंजाबी साईट उत्ते हरवंत सुरू तों ही लग्गिआ होइआ है। कदे उसदा सारा धिआन आपणे कंम (जौब) वल्ल हो जांदा रिहा है अते फिर विहले पलां विच्च उह मुड़ गलोबलपंजाबी वल्ल परत आउंदा रिहा है। हरवंत तों इलावा, मोढीआं वजों इस साईट विच्च मैं ख़ुद, जो कि कंपिऊटर नाळ शौकीआ जुड़िआ होइआ हां, अते राजवंत (जिस कोल कंपिऊटर सांइस दी योगता है) हिस्सा पा रहे हां। मेरे सभ तों वड्डे बेटे नरवंत, जो कि इक इलैकट्रीकल इंजनीअर अते आटोमेशन ऐकशपरट है, दा योगदान मैं सभ तों वध्ध समझदा हां। किउंकि हरवंत अते मैनूं कंपिऊटर दे राह तोरन वाळा ओही है। उस नें साल 1991 विच्च वी आपणे घर कंपिऊटर रख्खिआ होइआ सी। उनहां दिनां विच इह बहुत महिंगे सन। घर कंपिऊटर होणा बड़ी वड्डी गल्ल सी, जो अज्ज वांग परचल्लत नहीं सन। मेरे कंपिऊटर सिख्खण विच्च असल विच्च उसदी ही उसतादी कंम आई है। उसदे कथन कि कंपिऊटर कोई छूई-मूई यंतर नहीं जो किसे दे हत्थ लाइआं ही खराब हो जाइगा, मैनूं अज्ज वी याद हन। नरवंत नें कहिणां कि कंम करदिआं इह वध्ध तों वध्ध सटक्क कर जाइगा। जदों बंद करके दोबारा चलाउगे, मुड़के फिर सही कंम करेगा।

हुण जदों के हरवंत उत्ते कंम दा भार कुझ्झ हलका हो रिहा है उसने इस साईट वल्ल होर वध्ध धिआन देणा आरंभ कर दित्ता है। उस विच्च द्रिहड़ता नाळ कंम करन दी रुची है, कमाल दी लंमी नदरि है, परपक्क इछ्छा शकती है, अते समें नाळ आरथक समरत्था वी आ गई है। उसने मेरे सुपनिआं नूं साकार करन विच्च सदा ही भरपूर योगदान पाइआ है अते अग्गे नूं वी मेरे सुपनिआं नूं पूरिआं करेगा। इह मैनूं आस है। मेरे बहुते सुपने गुरमुखी अते शाहमुखी कंपिऊटर दे विकाश सबंधी ही हन। जिवें कि:

1 टाईप करता गुरमुखी अते शाहमुखी विच्च टाईप करन नूं इक्क औखा कंम नां समझे सगों इनहां लिप्पीआं विच्च टाईप करन नूं आपणे घर वांग भाव आपणी रुची विच्च ही रचिआ समझे। इस कारज विच्च ढुकवां कीअबोरड लेआऊट बहुत सहाई हो सकदा है। ते इस सुपने दी पूरती लई पूरे विसथार नाळ गुरमुखी, शाहमुखी, देवनागरी (तिंनां विच्च थोड़ी बहुती अंगरेजी टाईप करन दी समरत्था वी।) विओंती गई है। तुहाडी इछ्छा अनुसार इनहां कीअबोरड लेआऊटां विच्च होर सुधार वी हो सकदा है जां मूलों ही नविआं दी होंद दे के तुहाडी लोड़ पूरी कीती जा सकदी है। केवल तुहाडी इछ्छा साडे कोळ पहुंचणी चाहीदी है।

2 गुरमुखी अते शाहमुखी लिखतां दा मिआरी करन अरंभिआ जाए। लोड़ींदे मिआरी करन दा टीचा प्रापत करन लई समां लग्ग सकदा। सदीवी मिआरी करन संभव ही नहीं किउंकि ब्रहिंड दी हर चीज बदलण हार है ते भाशावां दा मिआरीकरन वी तरल वसतू है। समिआं नाळ इनहां विच्च सोधां हुंदीआं ही रहिणगीआं। पर मिआरी करन दा अरंभी करन अते इसदा छोटा जां वड्डा टीचा तां प्रापत कीता ही जा सकदा है।

हर लिखारी दी सोच उडारी ते प्रगटाअ दी विधी अते समरत्था आपो आपणी ही रहेगी। कोई वी ताकत इस नूं मोतीआं वांग इक्कों माळा विच्च नहीं प्रोअ सकदी। हर विअकती दा ही कुझ्झ नां कुझ्झ तां आपणा होणा ही चाहीदा है। आपणी शैली, आपणे गिआन दी विशालता, आपणे रहिण सहिण दी मोहर, आपणे इलाके अते सभ्भिआचार दी भाअ। अगला कंम कंपिऊटर दा है जो उपरोकत गुणां नूं धिआन विच्च रख्खदिआं सारीआं रचनावां नूं मिआरी करन दा जोड़ा जामा पहिना सकदा है। रचना आई, कंपिऊटर दी कला दबाई, बस्स हो गई मिआरीकरन दी घुंट चुकाई। ते चल्ल मेरे भाई। कंपिऊटर लई इह सभ कुझ्झ संभव है। मेरे दिमाग विच्च इसदा नकशा वी उलीकिआ होइआ है। मैं ते किसदा पाणीहारा हां। सच्ची गल्ल तां इह है कि प्रोगरामर धींग तों धींग पए हन। उह सभ कुझ्झ कर सकदे हन। अते करनगे, इह मेरा यकीन है। केवल इस दी मंग होणी चाहीदी है। वपार मंग दे अधार उत्ते चल्लदा है। जे गाहक ‘चल्ल होऊ’ कहिके सार लैणगे, फिर पेश करन वाळे नूं की लोड़ है उह इक्क वी दमड़ी होर खरचे अते इक्क वी पल एधर चंगे पासे लाए।

अंत विच्च मेरी सारे लेखकां नूं बेनती है कि आपणीआं रचनावां गलोबलपंजाबी डौट काम नूं भेजण दी किरपालता करो अते पंजाबी शाहमुखी दे विकाश विच्च आपणा कीमती योगदान पाओ। तुहाडीआं रचनावां गुरमुखी दे नाळ-नाळ शाहमुखी अते देवनागरी विच्च वी पहड़ीआं जा सकणगीआं। शाहमुखी विच्च उरदू विद्दवानां दी सोच अनुसार खास करके साडा कनवरशन परबंध शाइद खरा नां उत्तरे। पर इह तुहाडे विचारा दा संचार पूरी योगता नाळ करेगा। असीं शाहमुखी विच्च बणदीआं सारीआं मातरावां लाउण दे धारनी हां। दरुसती संखेपता तों हमेशा मीरी रहिंदी है। हुण तां शाहमुखी विच्च बरती जांदी संखेपता दी लोड़ वी नहीं। किताबां नूं कातिब नहीं लिखदे सगों कंपिऊटर छापदे हन। जो ज़ेर ज़बर नूं अग्गे पिछ्छे नहीं होण दिंदे सगों ठीक ठिकाणे सिर पाउंदे हन। समें नाळ ‘ते-तोए’ दीआं लोड़ां कंपिऊटर नें आपे ही सोध लैणीआं हन। पूरी तिआरी लई हर उसारी समें दी वारी दे अधीन है।

पाठकां नूं बेनती है कि रचनावां नूं पहड़के आपणे विचार सांझे करो। तां कि गलोबलपंजाबी नूं तुहाडी आस दे अनुसार दिशा दित्ती जा सके।

बहुत सारे अख़बारां दी इह इछ्छा हुंदी है कि रचना केवल उनहां नूं ही भेजी जावे अते उसनूं कोई होर नांह वरत सके। उहनां दी मंग वाजब है ते जिसदा सतिकार होणा चाहीदा है। पर गलोबलपंजाबी, ‘पहिले मैं जां इसदा लाभ किसे होर नूं नहीं’ दी इछ्छा नहीं रख्खदा। इह तां बणिआं ही सेवा लई है। इस विचली समग्गरी दा रज्ज के लाभ उठाओ अते धंनवादी बणाओ।