पिंकी भारत तों विआह करवा के वापिस परत आई सी।विआह तों बाअद कुड़ीआं ते जो रूप चहड़दा है,उस नूं नहीं सी चड़िआ।वापिस आउण सार उस नें गहिणे गट्टे ते बिंदीआं चूड़े लाह,वगाह मारे सन।उह तां सगों पहिलां नालों वी मुरझा गई सी।की हो गिआ सी उस नूं?

उह मैनूं उदों तों ही जाणदी सी,जदों उस नें तिंन साल पहिलां यौरक यूनीवरसिटी,चाईलड साईकालोजी विच्च दाखला लिआ सी।उदों उह मेरे कोल ड्राईविंग दे लैसन लैण आई सी।भारत जाके विआह करवाउण तों बाअद उह हाईवेअ दा टैसट पास करन लई इक्क दम काहली पै गई सी।पहिलां वी उह मेरे नाल आपणे परिवार अते जीवन दीआं सारीआं गल्लां साझींआं कर लैंदी सी।मैनूं लग्गदा सी के जे मैं हुण वी कोई गल्ल छेड़ी तां उह सारा कुझ्झ दस्स देवेगी।

उस नें मैनूं दस्सिआ सी कि जदों उह गिआरां कु साल दी सी,उस दी वड्डी भैण नें उनहां नूं सपांसर कीता सी।जो आप किसे हस्सपताल विच्च नरस है अते उस दा पती इक्क डाकटर है।पिंकी दे माता पिता उस नूं भैण कोल कनेडा छड्ड के वापिस भारत मुड़ गए सन।एथे उनहां दा दिल नहीं सी लग्गिआ। उह नें इह वी दस्सिआ सी कि उसदे पापा आई: ए: ऐस्स: आफीसर रिटाइर होए सन ते मंमी टीचर सी।मंडी गोबिंदगड़ उनहां दी बहुत वड्डी कोठी है,नौकर चाकर सन।वड्डे लोकां नाल सबंध सन।महल्ले दे लोक उनहां दी बेहद्द इज्जत करदे हन।पर कनेडा आके उनहां दे मंमी पापा दी सखशीअत सुंगड़ गई सी।उह घर विच्च कैद हो गए सन अते रिशतिआं विच्च ठंढ भर गई सी।तां उनहां वापिस मुड़ना ही मुनासब समझिआ सी।हुण उह साल दो साल बाअद कनेडा गेड़ा जरूर मार जांदे हन।

उस नें इह वी दस्सिआ कि कई वारी उसदा पिता सोचदा वी कि उसदे सिरफ दो धीआं ही सन उस नें कनेडा किउं तोर दित्तीआं?जद कि सारा कुझ्झ उनां पास सी।तां बस्स कनेडा दी करेज़ तों बिनां उस नूं कुझ्झ वी समझ नां पैंदा। एसे तरहां बहुत सारे सिख्खिआरथी कार सिख्खण दे नाल नाल,मेरे कोल निज्जी गल्लां वी साझीआं कर लैंदे।वड्डी उमर दे आए वी घरेलू समस्सिआवां छोह लैंदे।कई वार इनसटकटर ते सटूडैंट वाला रिशता दोसती विच्च बदल जांदा।पंजाबी,बंगाली,गुजराती,निपाली लोकां दे नाल नाल मेरे पास पाकिसतानी,रूसी,इरानी,बंगलादेसी,श्रीलंकन अते कई होर देशां दे विदिआरथी हुंदे।सभ्भिआचार भांवें वख्खो वख्खरे सन,पर समस्सिआवां सभ दीआं इक्को जिहीआं सन।उनहां नूं सुणन वाला कोई नहीं सी।मापे,भैण भरा,दोसत मित्तर,रिशतेदार सभ आपो आपणे कंमां विच्च बिज़ी सन।मेरे कोल दिल दीआं गल्लां कर,उह मन दा बोझ हौला कर लैंदे। पिंकी नें वी मेरे नाल बहुत सारीआं गल्लां सांझीआं कीतीआं सन।पिंकी दीआं यूनीवरसिटी विच्च होर वी सहेलीआं सन जो इकठ्ठीआं रल के असाईनमैंटस पूरीआं करदीआं।थीएटर विच्च फिलम वेखण जां कोई संगीत प्रोगराम सुणन जांदीआं ते जां फिर किसे पारटी ते जा,डांस वगैरा करदीआं।सहेलीआं उस दी हर गल्ल नूं बहुत लाईटली लैंदीआं ते कई वार मज़ाक विच्च वी उडा दिंदीआं।भैण अते जीजे कोल तां वकत ही नहीं सी हुंदा।मां पिउं भारत सन।फेर उह गंभीर गल्लां किस नाल करदी?

इक्क दिन उस नें दस्सिआ कि उस दा इक्क बुआए फरैंड वी है।पर है उह पाकिसतानी।उदां रंधावे जट्ट हन।लहौर कोल उनहां दा पिंड है।उस दा पिता खेती करदा है ते भाई किसे चंगी नौकरी ते है।आप उह कनेडा विच्च सटूडैंट वीज़े ते आइआ है।ते अज्ज कल्ल आपणे मामू कोल रहिंदा है।उस नें दस्सिआ कि “अरशद है बहुत चंगा है”।बिलकुल्ल मेर खिआलां दा...” पिंकी रोज़ ही अरशद दी गल्ल तोर लैंदी कि अरशद आह ते अरशद उह...।उह दस्स रही सी कि “उस नूं एने चुटकले आंउदे नें कि हसा हसा ढिड्डीं पीड़ां पुआ दिंदा है”।उस नें इह वी दस्सिआ कि पिछले वैलइनटाईन नूं उह पहिली वार उस नाल ‘डेट’ ते गई सी।फेर तां उह उस नाल हर दूजे तीजे दिन बाहर चली जांदी सी।पिंकी उस नूं बेहद्द चाहुंदी सी। उदों मैं चिंतत हो के उस नूं पुछ्छिआ सी कि “पिंकी तेरे घर दे उस नाल तेरा विआह करना मंन जाणगे।तां उह बोली “पापा नूं पुछ्छांगी।पर अजे डर लग्गदा है,शाइद मुसलम करके नां करन”।फिर उह आप ही कहिंदी नां “पापा इउं तां नी करदे पहड़े लिखे नें।मैनूं ऐना पिआर वी करदे नें।नाले उनहां आप वी तां अठाई साल पहिलां मंमी नाल लव मैरिज़ करवाई सी”।फेर उह सोचीं पै जांदी।

कदे उदास हुंदी पिंकी कहिंदी “पापा नाल गल्ल किवें करां?”

मैं जवाब दिंदा, “पिंकी जे इस रिशते विच्च अग्गे वधणा एं तां जिंनी छेती हो सकदा ए गल्ल तोर लै।इह नां होवे कि तूं ऐनी अग्गे लंघ जावें फेर पिछ्छे मुड़ना औखा हो जावे”

मेरी गल्ल मंन उस नें आपणे पापा नूं उसे दिन फोन लगा दित्ता सी, “पापा मेरे लई इंडीआ ‘च मुंडा नां देखिउ।मैं इस वार इंडीआ आवांगी जरूर,पर विआह नहीं करवावांगी।उह मैं कनेडा ही करवांवांगी।मुंडा मैं डीसाईड कर लिआ है”

सुणके उसदे पापा मुंडे बारे जानण लई बेहद्द उतेजत हो गए ते बोले “अछ्छा हुण मेरी बेटी ऐनी सिआणी हो गई है कि आपणी ज़िंदगी दे फैसले आप लै सकदी आ” ते फेर उनां सवालां दी झड़ी ही ला दित्ती।“की मुंडां सिख्खां दा है?जट्ट है?ज़मीन किंनी आंउदी है पिछ्छे...?की पहड़दा है?जां नौकरी करदा है?”

पिंकी नें लंबा साह लै के किहा सी, “पापा सिख्ख नहीं मुसलम है।हां जट्ट जरूर है टोरांटो सटूडैंट वीज़े ते है।मेरे नाल ही यूनीवरसिटी विच्च आ...”

हरगुरलाल नूं जिवें करंट वज्जिआ।खून उबाले खाण लग्गिआ।अंदर सुत्ता अख्खड़ जट्ट जाग पिआ।पिआर दी परिभाशा धुंदली पै गई,ओह भुड़किआ “तेरा दिमाग तां ठीक आ...मैं ऐना माडरन वी नहीं कि इक्को छाल नाल सभ हद्दां बंने टप्प जावां।मुसलम आ,पाकिसतानी आ..मैं भाईचारे ‘च की मूंह दिखावांगा?तूं मुसलमान ते यकीन किवें कर लिआ...।उस दे अंदर सुत्ता सिख्ख वी जाग पिआ सी।उह कड़किआ “किउं मैनूं जींदे जी मारन लग्गी एं?इह कहाणी एथे ही खतम कर दे।कोई फाइदा नहीं अग्गे वधाउण दा...” पिंकी नें आपणे पापा दा इह रूप पहिली वार देखिआ सी।जिवें उदे पापा नें ठक्क दे के फोन मारिआ सी उह ठक्क ठक्क कई दिन उसदे दिमाग विच्च वज्जदी रही। फेर पिंकी कई दिन रोंदी रही सी।उस नें दस्सिआ सी कि नां तां उस नें चज्ज नाल रोटी खाधी ते नां ही चज्ज नाल सुत्ती।उह अगले कुझ्झ दिन लई यूनीवरसिटी चली गई सी।पर उसे दिन उस दे पापा नें आपणी वड्डी बेटी सिमरत नूं फोन कीता सी।उह उस नूं वी बेहद्द गुस्से विच्च बोले सन “तूं पिंकी दा खिआल नहीं रख्खदी।जे असीं कोल नहीं तां एहदा इह मतलब नहीं कि उह जो मरजी करदी फिरे।जे नहीं खिआल रख्ख सकदे तां साफ साफ दस्स दिउ।असीं थोडी जिंमेवारी ते छड्डी आ।चल्ल जे मुंडा जात धरम दा हुंदा तां वी होर गल्ल सी, सोच लैंदे।हरगुरलाल नूं हुण जिहड़े माण इज्जत नाल बुलांउंदे नें कल्ल नूं उह कहिणगे कि मैं कुड़ी मुसलमानां दे तोर दित्ती”इस तों बाअद तां उह रोअ ही पए सन। इस तों बाअद पिंकी दे परिवार विच्च महांभारत शुरू हो गिआ सी।हसदी गुटकदी पिंकी कमलाउण लग्गी।मन विच्च उसारे सुपनिआं दे महिल ढहि ढेरी होण लग्गे सी।कदी पिआर नाल अते कदी तकरार नाल पिंकी नूं समझाइआ जाण लग्गा।पर अनवर तां उस दे रोम रोम विच्च रचिआ पिआ सी।

पिता दी आधुनिकता अलोप हो गई।उस अंदरों तां सगों सदीआं दे दब्बे संसकार वी उठ्ठ खलोते।उह मुसलमानां नूं कदे गुरू साहिब दे बच्चिआं ते कीते ज़ुलमां लई गाळां कढ्ढदा ते कदे आनंदपुर साहिब विच्च तोड़े वाहदिआं लई।उह कहिंदा कि “इस कौम ते तां विशवास कीता ही नहीं जा सकदा”।कदे उह कहिंदा “अनवर नें इमीगरेशन लैण ही मकारी नाल पिंकी नूं फसाइआ होवेगा।इह उह ही लोक नें जिंनां 1947 विच्च साडे दादे पड़दादिआं नूं पाकिसतान विच्चों उजाड़िआ सी।गुरू साहिब दे बच्चे जानां कुरबान कर गए पर धरम नहीं बदलिआ।कीहदी खातर...साडी खातर...।मैं आपणी औलाद नूं किवें मुसलमान बणदा वेख लवां?मैं मर जावांगा पर इह अनरथ नहीं होण देणा” उस नूं सुपने विच्च वी मुसलमान हमलावर कतलो गारत मचाउंदे ते लोकां दीआं धीआं भैणां चुक्कदे विखाई दिंदे।उस नूं महिमूद गज़नवी,मुहंमद गौरी दे हमले याद आंउदे।अते लग्गदा कि इह वी इक्क हमला ही है।कोई मुसलमान उस दी धी नूं उस पासों खोहण दा यतन कर रिहा है।“उह उस दा धरम बदलेगा,निमाज़ पहड़ाएगा अते नांउ तक्क वी बदल देवेगा।फेर उस दी धी जो हमीदा जां रशीदा बण चुक्की होवेगी उस दे मुसलम बच्चे पैदा होणगे।मेरी तां नसल ही बदल जावेगी”।उह सोच सोच शराब पींदा सिर दे वाल पुट्टदा।इह सिउंक उस दी आधुनिकता नूं खाअ गई सी।कदी सोचदा इंडीआ बलाके कुड़ी नूं ही मार मुकावे।कदी सोचदा खुद नूं गोली मार लवे।उह आपणे प्रेम विआह दे दिन भुल्ल गिआ सी।उस दे तां खास दोसत वी बलदी ते तेल पा रहे सन।

उसदा इंगलैंड तों मुड़िआ इक्क दोसत कहि रिहा सी कि “मुसलमान मुंडे इंगलैंड ‘चों विआह दा झांसा देके सैंकड़े कुड़ीआं नूं पाकिसतान लै गए।ते बाअद विच्च जां वेच दित्तीआं जां धंदा करन ला दित्तीआं।अखे काफरां दीआं कुड़ीआं नें।जिनां चों बहुतीआं लहौर दी हीरा मंडी विच्च धंदा करदीआं नें।जे कोई भारती जां पंजाबी मिलदा एं तां उनहां नूं उस नरक चों कढ्ढण लई तरले लैंदीआ नें।पर बाअद ‘च पछताइआं की बणदै?” इह गल्लां सुण सुण हरगुरलाल दी रूह कंबदी।उह उसे वकत आपणी वड्डी बेटी सिमरत नूं फोन करदा समझांउंदा,तरले करदा,विलकदा ते भांबड़ वांगूं मच्चदा। सिमरत नें जदों इह समस्सिआ आपणे पती हरकेश नां सांझी कीती तां उस दा वी डाकटर मन डोल गिआ।उह वी इनसानी लहू नूं वख्खरे रंगां अते वख्खरी तासीर विच्च वेखण लग्गिआ।उह आपणी पतनी नूं कहिंदा “ठीक है इनसानी लहू दा रंग इक्क है,पर नसल वी तां माहने रख्खदी आ।जानवरां दीआं नसलां हुंदीआं नें,पशूआं पंछीआं दीआं ते फसलां बूटिआं दीआं वी नसाल नें,हर नसल दा सुभाअ वख्खरा हुंदा है।पिंकी होर धरम विच्च जंमी पली ए उसदे संसकार होर हन।ओपरी ज़मीन विच्च उह किवें खुश रहेगी?ओपरी मिट्टी विच्च तां बूटे वी सुक्क जांदे नें।ऐवें तां नी लोक चंगीआं नसलां पाळदे”उस नें तां एथों तक्क वी आख दित्ता, “जे पिंकी नां हटी तां उह मेरे घर नहीं रहि सकदी।अग्गों साडे बच्चे वी अजिहा कुझ्झ ही सिख्खणगे।जे उस मुंडे दा फोन मेरे घर आइआ तां मेरे तों बुरा कोई नहीं”

पिंकी दे चारे पासे इक्क झख्खड़ शूक रिहा सी ते उह आपणे आप नूं कख्खों हौली महिसूस कर रही सी।घर दा महौल जदों कंडिआं दी सेज़ बण गिआ तां उस नें घर आंउणा ही छड्ड दित्ता।उस दा पहड़ाई विच्च वी मन नां लग्गदा।अनवर उस नूं,इस उदासी ‘चों कढ्ढण दी पूरी कोशिश करदा।पर उस नूं लग्गदा जिवें उस दा पुनूं कोई उधाल के लै जावेगा ते उह ब्रिहा दे मारूथल विच्च तड़फ तड़फ के मर जावेगी।घोर उदासी दे इस महौळ विच्च कोई कुड़ी उस नूं कोई सलाह दिंदी ते दूसरी कोई होर।

इक्क दिन उस दी भैण नें फोन ते दस्सिआ कि “पापा कहिंदे नें जे पिंकी नां मंनी तां मैं खुद मर जांवागा उह जो मरजी चुण लवे।मैनूं जां अनवर नूं” उस दी भैण दस्सदी रोअ रही सी।उदे पापा जिद्दी सन,उह जाणदी सी।उस रात उस नूं नींद नां आई।सुपने विच्च कदे दिखदा पापा नें रिवालवर पुड़पड़ी ते रख्खी होई आ।कदी विहड़े विच्च चिट्टी चादर हेठ पई लाश दिखाई दिंदी।कदी उस दी मंमी वाल पुट्टदी अते सिआपा करदी दिसदी।पिआर उह आपणे मंमी पापा नूं वी घट्ट नहीं सी करदी।उह आपणे पिआर दी एडी वड्डी कीमत नहीं सी चुका सकदी।कि मंमी पापा दे नाल नाल उस लई देश दे दरवाजे वी बंद हो जाण।उह इस धमकी तों सहिम गई सी। मन ‘च आउण लग्गिआ कि जे पिआर कुरबानी दा ही नां है तां उह आपणी कुरबानी दे देवेगी।ते जिंदा लाश बण के रहेगी।अनवर नें उस नूं समझाइआ कि पिआर निकाह दे बंधन तों किते उच्चा है।असीं वधीआ दोसत बण के वी तां रहि सकदे हां।उस दिन उह अनवर दी हिक्क ते सिर धर के बहुत रोई कि “मैं हार गई हां अनवर,अजे धरम दीआं कंधां बहुत उच्चीआं नें ते मैं निक्की जिही जान..।जे मैं इह कंध तोड़ी तां मेरे पापा इस दे थल्ले आ जाणगे।मैं तेरे नाल निकाह नहीं पहड़वा सकदी।जदों मैं तेरी हो ही नहीं सकदी फेर मिलणा गिलणां वी की होइआ।अज्ज तों आपणे रसते अड्ड अड्ड” अनवर नें अख्खां पूंझदे नें ऐना ही किहा सी “झल्ली नां होवे तां...।होर दस्स मैं तेरे लई की करां” पिंकी नें किहा “अज्ज तों बाअद मैनूं नां मिली” ते उह आपणे बोलां ते पूरा उतरिआ सी।

पिंकी नें घर फोन कर दित्ता सी कि अनवर नालों उस नें सबंध तोड़ लए हन।सिमरत उस नूं उसे वीक ऐंड ते यूनीवरसिटी ‘चों आके लै गई सी।पर उस दीआं गल्लां विच्च अजे वी अनवर बारे नफरत दा डंग सी।पिंकी आपणी भैण नूं कहिणा तां चाहुंदी सी कि ‘अनवर तुहाडे वरगा मतलबी बंदा नहीं सी’।जे उस नें कनेडा पक्का होण लई ही रिशता जोड़िआ हुंदा तां होर बथेरीआं कुड़ीआं सन,उस ते मर मिटण वालीआं।पर उह चुप्प ही रही।कदी रोअ पैंदी अते उदास हो जांदी।भुख्ख नां लग्गदी नां रातां नूं नींद पैंदी।अनवर बहुत याद आंउंदा,जो उस दी जान ही कढ्ढ के लै गिआ सी।ते उह बेजान बुत्त बण गई सी।सोचदी “मिट्टी दा की ए हुण किते वी तोर देण...”।उस नें आपणी मरजी मार लई सी। घर विच्च खुशीआं फेर तों परत आईआं सन।उसदे पापा पिंकी नाल कमजोर पै गए रिशते नूं फिर तों गंढ तुप्प करन लग्गे।कुझ्झ महीने दी चुप्प चाप तों बाअद उस दे रिसते दी गल्ल उस्सलवट्टे लैण लग्गी। ते अज्ज उस तों बाअद दी कहाणी पिंकी मैनूं इक्को साहे सुणा देणा चाहुंदी सी।

“फेर मेरा जीजा आपणी मासी मुंडे नाल मेरा रिशता करवाउण लग्गिआ।उह गंगानगर लाअ कर रिहा सी ते किसे वी कीमत ते अमरीका जां कनेडा आंउणा चाहुंदा सी।उं्ंझ उनहां कोल राजसथान विच्च पंजाह एकड़ ज़मीन सी ते आपणी कोठी सी।घरे दो कारां खड़ीआं सन।पर उह बाहरले मुलक आउण लई जिद्द करदा सी।बी ए तक्क उह चंडीगड़ पहड़िआ सी।मौडरन सी।मैं वी कोई नांह नुक्कर नां कीती।जे अनवर नहीं सी मिलिआ फेर कोई वी मिल जांदा,की फरक पैंदा सी।उस नाल गल्ल पक्की हो गई।ते मैनूं इंडीआ विआह वासते लै गए।बस्स विआह हो गिआ...”।

मैं उस नूं कुमलाई,मुरझाई होई नूं वेख वेख सोच रिहा सां कि फेर विआह वाला रंग इस नूं किउं नहीं चहड़िआ।मंै अग्गे उस नू कुरेदणा शुरू कीता।ते उह वी मन दा बोझ हलका करन लई तिआर सी।

“की गल्ल रंग दा पत्ता नहीं मिलिआ?”

“रंग विच्च भंग ही कहि लवों”

“फेर वी प्रवान कर लिआ”

“जदों अनवर ही नहीं मिलिआ।उस नूं तां,मां पिउ लई धोखा दे ही चुक्की सी।मैं तां ज़िंदगी ही खराब कर लई ते पहड़ाई वी विच्चे खराब होई।हुण तां यूनीवरसिटी जाण नूं वी दिल नहीं करदा।किसमत दे खेल नें...।मैं तां इह रंग वी प्रवान कर लिआ सी पर जे उह रंग वी बदरंग निक्कल जावे फेर कोई की करू?” उस नें लंबा साह भरिआ। मैं किहा पिंकी मैनूं खुल्ल के दस्स आखर वापरिआ की है?

उह कहिंदी तुहानूं दस्सण ही तां आई हां।इक्क तुसीं ही हो जिस नाल मैं हर गल्ल सांझी कर लैंदी हां।मेरे घर दे मेरा यकीन ही नहीं करदे सोचदे नें कि मैं अनवर करके अजिहा करदी हां।मुंडे नूं जाणके सपांसर नहीं करना चाहुंदी।पर भाअ जी,जे मैं अनवर नाल विआह करवाउण दी जिद्द फड़ ही लैंदी तां मैनूं रोक वी कौण सकदा सी?मैं कनेडा दा कनूंन किते जाणदी नहीं।बालग हां...।मैं मापिआं दी खुशी लई इस मुंडे नाल रहिण दा पूरा मन बणा लिआ सी।पर जिस बंदे लई तुसीं सारा कुझ्झ छड्ड छडा पूरी उमर रहिणा है उह पूरा बंदा तां होवे नां” मैं हैरान हुंदे नें पुछ्छिआ जिस नाल तूं विआह करवाइआ है उह बंदा नहीं?उह सिर मार कि बोली “नहीं”

“उह उस कोल दो महीने रही साडा पती पतनी वाला रिशता बणिआ ही नहीं।उह वाह ज़हान दी ला हटिआ पर कामयाब नहीं हो सकिआ।हुण जे मैं किसे होर नूं दस्सां तां अगला यकीन नहीं करदा सारे मैनूं ही ग़लत कहिंदे नें...” मैं उस नूं होर विसथार नाल दस्सण लई किहा तां उह बोली “गुरप्रीत है तां बहुत चंगा,लंबा लंझा छे फुट्ट उच्चा कद्द है।कप्पड़े पाए होए बथेरे जचदे नें।इस साल उस नें लाअ दी डिगरी वी पूरी कर लैणी है।उस दी इक्क भैण ते इक्क छोटा भरा नें।मां बाप दी नेचर वी बहुत चंगी है।सहुरा मेरा ठेकेदार है,होर सभ कुझ्झ ठीक है।पर गुरप्रीत मरद नहीं है।डाकटर कहिंदे हन तीह प्रसैंट ठीक हो वी सकदा है ते नहीं वी हो सकदा।जिआदा कहिंदे ठीक नहीं हो सकदा”

कुझ्झ देर चुप्प रहिण तों बाअद फेर उह खुल्ल के गल्लां करन लग्गी।“विआह तों पहिलां सानूं मिलाइआ गिआ,असीं इकठ्ठिआं रल के विआह दी शौपिंग कीती।फोन ते वी गल्लां करदे रहे पर विअह वाली रात तों ही मेरे कोलों नस्सण लग्ग पिआ।जिवें उस नूं मेरे तों डर लग्गदा होवे।शगना वाली रात दा हर किसे नूं चाअ हुंदा है।पर उह दूसरे कमरे विच्च बैठा टी वी देखदा रिहा।रात दे दो वज्ज गए पर उह नहीं आइआ।मैनूं बहुत गुस्सा चहड़िआं।मैं रोअ रोअ के सौं गई।इह मेरी बहुत वड्डी बेइजती सी।जदों उस नें देखिआ कि मैं सौं गई हां तां आप वी आके दूसरे पासे नूं मूंह करके सौं गिआ।दूसरे दिन तां उस दा बीहेव पूरी तरहां बदल गिआ सी”। फेर अजिहा अकसर ही होण लग्ग पिआ।मैं उस अंदर सुत्ते पए मरद नूं बथेरा बजगाउण दी कोसिश करदी पर उह अग्गों खिझदा ते गाळां वी कढ्ढदा।मैं इस लड़ाई तों तंग पैण लग्गी।उह कहिंदा मैं सिरफ काम दी भुख्खी हां।मैं कहिंदी ‘मैनूं असलीअत दस्स जां विच्चों कोई होर गल्ल है?मैं पसंद नहीं,जां कोई होर रोग है?कुझ्झ तां मूहों बोल...”।इक्क दिन तां उह रोअ ही पिआ ते कहिण लग्गा “मेरा इलाज चल्ल रिहा है।मैं औरत नाल सबंध बणाउण दे योग नहीं हां।डाकटर कहिंदा सी ठीक हो जावांगा।पर अजे समां लग्गेगा।मेरे मन विच्च एहो डर है...।पहिली रात तां ही मैं अंदर नहीं सी आइआ।तेरे साहमणे तां मेरा मरन हो जांदा।उदों दा कदे सोचदा हां घरों हौ दौड़ जावां।जां खुदकशी कर लवां।पर मां पिउं दे पिआर नें ते तेरे पिआर नें मैनूं मरन वी नहीं दित्ता”।उह बच्चिआ वांगूं हौके लै रिहा सी।

मैं उस दा हत्थ घुट्टिआ ते पिआर नाल किहा ‘चल्ल कोई गल्ल नी आपां इलाज करवा लवांगे।ते फेर साडा सारा समां डाकटरां दे चक्करां विच्च ही गुजर गिआ।उस नूं तां मेरे सपरश तों वी डर लग्गदा सी।कदे कंबल लै के फरश ते पै जाइआ करे कदे सोफे ते...”। कुझ्झ देर रुक के उह फेर बोली, “पूरा इक्क महीना असीं डाकटरां कोल फिरदे रहे डाकटर कहिंदे ‘नसां बेजान हन।खून दौरा ही नहीं करदा’।इसदा कारन की सी किसे नूं वी नहीं पता।नां ही गुरप्रीत कुझ्झ दस्सदा।जद साडे सबंध ही कोई नहीं तां औलाद नें कित्थों पैदा होणा है?विआह सबंधां दे सुख्ख तों बिनां तां मैं संतान पैदा वी नहीं कर सकदी।बच्चे मैनूं बहुत चंगे लग्गदे नें एसे करके ही तां मैं चाईलड साईकालोजी करदी हां।पर किस नूं कहां...”

कुझ्झ देर रुक के उह फेर बोली, “आखरी दिन तां बस्स नरक वरगे सन जदों मेरे वापिस आउण दे दिन नेड़े आउण लग्गे तां उस दी लड़ाई वी वधण लग्गी।हौली हौली साडी लड़ाई बैड्डरूम तों बाहर वी आउण लग्ग पई।सस्स सोचदी शाइद मैं ही माड़ी हां,मेरे विच्च ही सारे नुकस नें।पर इक्क दिन मैं आपणे सहुरा साहिब नूं साफ साफ दस्स दित्ता कि उसदा पुत्त विआह करवाउण दे काबल ही नहीं सी।बस्स फेर इह गल्ल गुरप्रीत तों ब्रदाशत नां होई ते घर विच्च अजीबो गरीब सथिती बण गई।उस तों बाअद गुरप्रीत कमरे विच्च ही पिआ रहिंदा।घरों बाहर वी नां निक्कलदा।मेरे नाल तां अख्ख ही नां मिलाउंदा...” “असीं जे किसे जरूरी कंम जांदे वी तां उह गड्डी विच्च चुप्प ही रहिंदा।सुंन बट्टा बण के एधर उधर झाकी जांदा।जे मैं माड़ा जिहा वी नाल लग्ग जांदी तां टुट्ट के पैंदा।मैं जाणदी सी कि उस दा कोई कसूर तां नहीं पर उस नें आपणे मां बाप नूं पहिलां किउं नां दस्सिआ कि उह विआह करवाउण दे योग नहीं है।मेरी ज़िंदगी किउं खराब कीती?मेरा अनवर नाल अजिहा कोई सबंध नहीं सी।जे मै चाहुंदी तां सबंध किते वी बणा,पतनी होण दा डरामा वी कर सकदी सी।पर मेरे तों इह दोहरे मापदंड नाल सारी उमर जी नहीं होणा।आखर मैं वी तां यंग हां।आखरी हफते मैं आपणे मंमी डैडी कोल मंडी गोबिंदगड़ आ गई।मुड़के आउण वेले तक्क उस नें मैनूं फोन तक्क वी नहीं कीता।पापा सगों मैनूं ही बोलदे रहे कि मैं जाणके उस नूं तंग करदी हां।मैं अजे वी अनवर नाल रहिणा चाहुंदी हां।पर भाअ जी मैनूं कसम लग्गे जे मैं कदी अजिहा सोचिआ वी होवे”

एधर आके मैं मंमी पापा नूं साफ साफ दस्स दित्ता कि गुरप्रीत आपणा इलाज करवा लवे तां ही मैं उस नूं सपौंसर करांगी।नहीं तां मेरा रसता वख्खरा ते उस दा वख्खरा...।मैं पहड़ी लिखी हां बालग हां आपणा जीवन खराब नहीं करना चाहुंदी।मैनूं उसदी ज़मीन कोठीआं कारां कुझ्झ वी नहीं चाहीदा।पर इक्क पूरा पती तां चाहीदा है,जो मेरे बच्चिआं दा बाप बण सके।जिस दे हुंदिआं मैनूं कोई अधूरापण महिसूस नां होवे।इहदे विच्च भलां की गलत है?”

“मुड़के सारे मेरे ही गळ पै गए।जीजे नें मैनूं कंजरी तक्क किहा।मैं वी रिशता तोड़ लिआ ते सारा हार शिंगार लाह दित्ता।जदों मैं किसे दी पतनी ही नहीं बणी।मैं तां अजे वी कुआरी हां,फिर विआही होण दा डरामां किउं करां?भैण भणोईआ हुण मैनूं बलाउंदे तक्क नहीं।बस्स हुण कदे कदे कहिंदे नें कि उस नूं एधर कढ्ढ दे फेर बेशक्क छड्ड दईं।उह वी हुण उधरों तरले भरीआं चिठ्ठीआं भेजदा है।पर आपां तां भाअ जी निक्की जिही चीज आपणे वासते तसल्ली करके लैंदे हां,मैं जीवन भर दा दुख्ख किवें सहेड़ लवां।इह तां मेरी ज़िंदगी दा सवाल है”

“मैं लाईसंस लै के भैण तों वख्ख हो जाणा है।आपणे पैरां ते खड़ांगी अते आपणे ही रंग विच्च रहांगी” कहिंदिआं उस नें रैंप तों हाईवेअ विच्च दाखल होण लई पूरे जोर नाल ऐकसीलेटर दबाइआ।हुण उह हाई वेअ दी तेज़ रफतार आवाजाई दा हिस्सा बण गई सी।ते मैं उसदे आतमविशवास नूं वेख के सोचण लग्गिआ, हुण पिंकी फेल नहीं हो सकदी।