इशक दे कई रूप हन। इहनां रूपां विच्चों इक्क रूप आपणे कंम नाल इशक वी है। उह लोक जिहड़े आपणे कंम नाल इशक करदे हन असल विच्च उही सफल लोक अखवाउंदे हन। अजिहे आशिकां बारे बुल्ल्हे शाह कहिंदा है:

बुल्ल्हा की जाणां ज़ात इशक दी कौण
नां सूहां, नां बखेड़े, वंजे जागण सौण

इह उह लोक हुंदे हन जिहड़े इशक विच्च ज़ात तां रही इक्क पासे, जागण अते सौण तक नूं तज्ज बहिंदे हन। उनहां वासते ज़िंदगी दा मूल उनहां दा कंम नहीं, उनहां दा इशक ही हुंदा है।

स. किरपाल सिंघ पंनूं हुरां दी ज़ात, आपणी होंद, सिआण, दुनीआ, रब्ब, धरम सभो कुझ्झ उनहां दा कंम है। उनहां नाल मेरी पहिली मुलाकात अजिहे ही दो आशिकां राहीं होई। मैं मिशीगन तों डा. जसवंत सिंघ हुरां नाल टोरंटो इकबाल माहल दे घर अपड़िआ। इकबाल माहल दूजा आशिक है। आपणे कंम अते इनसानीअत दा। इह इकबाल नाल वी मेरी सिध्धी पहिली मिलणी सी। इकबाल दा घर पंजाब दे कलाकारां दा वड्डा केंदर है। पंजाब दे इसे राजदूत घर विच्च मेरी पहिली मुलाकात किरपाल सिंघ पंनूं हुरां नाल होई। उह इक्क सोफ़े विच्च धसे बैठे आपणे लैप-टाप ’ते कंम कर रहे सन अते उस वेळे इकबाल माहल दी किताब ‘सुरां दे सुदागर’ दा शाहमुखी लिपीआंतर कर रहे सन।

उनहां दिनां विच्च उह गुरमुखी तों शाहमुखी अते शाहमुखी तों गुरमुखी दे पलटावे ’ते अग्गे होर कंम कर रहे सन। उह दोहां लिप्पीआं विचली अणपछाती कंध विच्चों पक्का राह बणाणा चाहुंदे सन। उह राह जिहदे नाल दूरी अते विछोड़े नूं घट्ट कीता जा सके। उनहां आपणी ऐनक दे शीशिआं पिछ्छों मैनूं बूहे ’चों लंघदिआं वेखिआ अते लैप-टाप इक्क पासे रखदिआं होइआं उठ्ठ खलोते। मुढली अलैक सलैक मगरों विचार वटांदरा शुरू होइआ।

किरपाल सिंघ हुरां मैनूं आपणे कंम बाबत जाणकारी देणी छोही। उनहां लैप-टाप दी सकरीन ’ते गुरमुखी विच्च मेरा नाम लिखिआ ‘इकबाल कैसर’ लिख के इक्को कीअ दे नाल उहनूं शाहमुखी लिप्पी विच्च वटा दित्ता। इस कंम ’ते उनहां किंने वरहे लाए ख़वरे बारहां वरहे अते किधरों हेक उठ्ठी।

बारहीं बरसीं खट्टण गिआ ते खट्ट के लिआंदा… इशक… उह इशक जिहदे नाल उह दोहां पंजाबां दे साहित विचाले बझ्झी कंडिआली तार नूं इक्को छड़प्पे नाल टप्प जाणा चाहुंदे सन। जिवें उह कहि रहे होवण अज्ज दे युग विच्च जदों दुनीआ इक्क पिंड दा रूप धार चुक्की है, अज्ज वी जे असीं पंजाबी वंडे रहीए तां की फ़ैदा सानूं अज्ज दे युग विच्च जनम लैण दा। उनहां दस्सिआ कि मैं राड़ा साहिब (लुधिआणा) वाळे बाबा बलजिंदर सिंघ जी दे कीते महानकोश दे महान कंम अंदर परशीअन दे कंम नूं गुरमुखी विच्च कंपिऊटर ’ते टाईप कर रिहा हां, जो फिर इस परोगराम राहीं परशीअन सकरिपट विच्च बदल जाएगा। भाई कानह सिंघ नाभा हुरां जो कंम 1930 तों 32 तक्क कीता, उहनूं हुण सारा पंजाब पहड़ सकेगा। उहदे तों लाहा लै सकेगा। हुण इह नहीं होएगा कि इक्क पंजाबी गुरमुखी जां शाहमुखी नहीं जाणदा ते उह आपणे विरसे, आपणे पंजाब दे कीते कंम तों वांझा रहे।

किरपाल हुरीं मेरा विचार है, उनहां पहिले बंदिआं विच्चों हन, जिहनां साहित दी पध्धर ’ते दोहां पंजाबां नूं इक्क करन दा यतन कीता। जिहने अंम्रिता प्रीतम वांगूं वारस नूं कबरां विच्चों बोलावण दी थां आपणी हीर पैदा कर लई अते राजनीतिक मंच नूं समे दा कैदो बणा के रख्ख दित्ता। मेरी जाचे किरपाल सिंघ पंनूं अते उहदे वरगे कई रांझे कंन पड़वा के मुंदरां पाउण दी थां आपणी हीर नूं आपणे अंदरों जंम के उंगल लाई फिरदे हन।

पंजाब दी धरती सदीआं तों दुखांत हंढा रही है। उहनूं लोड़ है किरपाल सिंघ पंनूं वरगे रांझिआं दी जिहड़े उहदे पछ्छो पछ्छ होए सरीर ’ते फाहे रख सकण। फाहे गिआन दे, पिआर दे, प्रीत दे अते मनुख्खी सांझ दे। किरपाल सिंघ पंनूं नाल पहिली मुलाकात तों मगरों वी कई वार फोन उत्ते गल्लबात होई पर उह इक्क दो ज़रूरी गल्लां मगरों संपरक तोड़ दिंदा है। किउंजो उह आपणे कंम विच्च किसे वी परकार दे विघन नूं बरदाशत नहीं कर सकदा। उह आपणे इशक अते आशकी तों चोखा दूर नहीं रहि सकदा। उहदा कंम ही उहदा जीवन है।

किरपाल दी पंजाब अते पंजाबी ’ते इह वड्डी किरपालता है कि उह आपणे कंम राहीं साडीआं झोलीआं भरदा रहे। इह मेरा सुभाग है कि अज्ज मैं उहदे बारे दो अख्खर उलीकण योग होइआ हां। उहदी वडिआई तां इस तों वधेरी है। मेरे अख्खर तां किधरे पिछ्छे हन, अधूरे जेहे… पूरा-सूरा जीऊंदा जागदा जे है तां उह है किरपाल सिंघ पंनूं। बाबे नानक दी इस आखी अनुसार “धन लखारी नानका जिस नाम लिखाइआ सच्च” उह लिखारी वी है ते सच्चा वी।

उहदी सचाई दा सभ तों वड्डा सबूत इह है कि उह जिहनूं सच्च समझदा है उहदे नाल इशक करदा है। मैं उहदे नाल इस वासते पिआर करदा हां कि उह धंन है, उह आशिक है, उह सादक है। मेरी दुआ है रब्ब उहनूं अते उहदे इशक नूं सदा सलामत रख्खे। उह इसे तरहां आपणी भाशा, साहित अते सभिआचार दी सेवा करदे रहिण। नवीआं मल्लां मारन अते संसार अंदर पंजाब अते पंजाबी दा नाम उच्चा करन।

 

इकबाल कैसर

डाइरैकटर पंजाबी खोज गहड़,

मुसतफ़ाबाद (ललिआणी) ज़िल्हा अते तहिसील कसूर,

पंजाब (पाकिसतान)