12 जनवरी 2025 नूं पंजाब दे राजपाल स्री गुलाब चंद कटारीआ नें बुध्धीजीवीआं, चिंतकां, समाज सेवकां अते कलाकारां दी मीटिंग आपणे निवास असथान ’ते सद्दी सी। पंजाब भर विच्चों सद्दीआं 40 कु शखसीअतां दी मीटिंग दा मैं वी हिस्सा बणिआ सी। राजपाल जी नें जित्थे पंजाब दी नशिआं संबंधी विसफोटक सथिती ’ते चिंता दा प्रगटावा कीता, उत्थे ही हाज़र शखसीअतां नूं अपील कीती कि पंजाब नूं इस गंभीर समस्सिआ विच्चों कढ्ढण लई आपणा आपणा योगदान पा के नशिआं दे प्रकोप तों पंजाबीआं नूं बचाइआ जावे। उहनां दी अपील उपरंत हाज़र शखसीअतां नूं आपणे आपणे विचार प्रगट करन दा सद्दा दित्ता गिआ। बुलारिआं दी समुच्चे रूप विच्च इक्क राए सी कि जेकर सरकार दे बिआनां वल्ल नज़र मारदे हां तां उहनां वल्लों इस संबंध विच्च तिआर कीते रोड मैप दा ज़िकर करदिआं प्रगटावा कीता जा रिहा है कि नशिआं ’ते ठल्ल्ह पाउण लई हर संभव कोशिश कीती जा रही है अते तसकरां नूं नां बखशण दा ज़िकर वी कीता जा रिहा है। पुलिस विभाग आपणे बिआनां विच्च नशिआं दीआं भारी खेपां दी बरामदगी दे नाल नाल तसकरां नूं जेल्हां विच्च डक्कण दे अंकड़े वी पेश करदा है। पर जदों ज़मीनी पध्धर ’ते नज़र मारदे हां तां नशिआं कारन होईआं मौतां, मापिआं अते समाज विच्च छाई उदासी, सिविआं विच्च भीड़, जवानी दी पंजाब नूं बेदावे वाली सोच उपरंत विदेशां विच्च जाण दा रुझान, अमन कानूंन दी सथिती डावांडोल, तरसयोग सरीरक, मानसिक अते बौधिक हालत वेखके लगदा है कि पंजाब सुख्ख सांद तों वांझा हो गिआ है। अंत विच्च मीटिंग दा सार इह सी कि सरकार दी द्रिहड़ इछ्छा शकती, पुलिस प्रशासन दी सुहिरदता अते लोकां दे भरवें सहियोग दा तालमेल ही पंजाब दे मत्थे तों नशिआं दा धब्बा लाह सकदा है। इह गल्ल वी साहमणे आई कि पुलिस दी अंदाज़न 81 हज़ार दी नफरी विच्चों 73% तां मंतरीआं, सरकारी अधिकारीआं अते होर वी.आई.पी विअकतीआं दी सुरख्खिआ विच्च लग्गी होई है, 10 फीसदी टरैफिक कंटरोल अते 10 फीसदी पुलिस धरनिआं-मुज़ाहरिआं विच्च रुझ्झी होई है अते अंदाज़न 7 फीसदी थाणिआं विच्च ताइनात हुंदी है। इनहां विच्चों वी कुझ गशत करन विच्च रुझ्झे रहिंदे हन अते थाणे विच्च मौजूद कुझ पुलिस करमचारी ही रहि जांदे हन। इस कारन ही पिछले दिनां विच्च नशा रोकू कमेटीआं दा शिकवा रिहा है कि रात नूं ठीकरी पहिरा दिंदिआं जदों वी नज़दीकी थाणे विच्च किसे तसकर नूं फड़न समें मदद लई गुहार लाई जांदी तां अग्गिउं जवाब मिलदा कि साडे कोल इस वेले नफरी घट्ट है, आ नहीं सकदे। पुलिस अते नशा विरोधी कमेटीआं दे आपसी तालमेल दी घाट कारन इस मुहिंम नूं सफलता नहीं मिली अते तसकरां दे हौसले बुलंद होण कारन नशिआं दा प्रकोप वधदा गिआ।

पर हुण 1 मारच 2025 तों सरकार नें द्रिहड़ इछ्छा शकती दा प्रगटावा करदिआं नशिआं विरुध्ध युध्ध छेड़िआ है। इस संबंध विच्च पंजाब सरकार वल्लों वित्त मंतरी हरपाल सिंघ चीमा दी अगवाई विच्च पंज मैंबरी कमेटी वी बणाई है जो नशा सपलाई नूं रोकण, तसकरां नूं मिसाली सज़ावां देण अते नशईआं दा इलाज करवाउण लई सुचज्जी अगवाई कर रही है। तसकरां नूं अरश तों फरश ’ते लिआउण, सपलाई लाईन ’ते सट्ट मारन अते नशईआं दे इलाज करवाउण दे काफी सारथिक नतीजे साहमणे आए वी हन। पीड़त लोक अते नशा रहित समाज दी सिरजणा दे चाहवान इह चाहुंदे वी हन के जवानी नूं सिविआं दे राह पैण कारन लोकां दी हालत कख्खों हौली करन वाले, वसदे घरां विच्च सत्थर विछाउण वाले किसे हमदरदी दे पातर नहीं, सगों इनहां नूं करड़ी तों करड़ी सज़ा दे के सपलाई अते मंग नूं रोकिआ जाणा अतिअंत ज़रूरी है। पंजाब दे सुनहिरी भविख्ख लई नसलां दी राखी अतिअंत ज़रूरी है।

इत्थे मैं कुझ नौजवानां दी नशिआं दी मारू हनेरी नूं ठल्ल्ह पाउण लई कीते अणथक्क यतन, दलेरी अते सुहिरदता दा ज़िकर करना ज़रूरी समझदा हां। पंजाब दा कसबा जो कागज़ां विच्च शेरपुर थाणे वाली वजों जाणिआ जांदा है, पर पिछले कई सालां तों उसदी पछाण शेरपुर चिट्टे वाला वजों बण गई सी। उस कसबे दी इक्क बसती दे मरद अते औरतां शरेआम चिट्टा वेच के इक्क पासे जवानी दा घाण कर रहे सन अते दूजे पासे उह आप इस काली कमाई नाल महिंगीआं कारां अते कोठीआं दे मालक बण गए सन। चिट्टा वेचण वालिआं दे घर कसबे दी फिरनी ’ते सथित सन। हराम दी कमाई नाल शाम नूं मीट खाणा अते शराब पीणा उहनां दा शुगल सी। उनहां दी सहूलत नूं मुख्ख रख्खदिआं मीट वेचण वालिआं नें सड़क ’ते ही खोखे रख्खे होए सन। सथिती इस तरहां दी बणी होई सी कि आले दुआले दे पिंडां दे गभ्भरू इस बसती विच्चों चिट्टा खरीदण लई आउंदे सन अते कई नौजवान तां चिट्टे दी मार कारन रसते विच्च ही दम तोड़ गए सन अते कई नशई बेहोशी दी हालत विच्च सड़कां अते झाड़ीआं विच्च डिगे होए मिलदे सन। बिनां नंबर पलेट तों मोटरसाईकल अते कारां तसकरां दे बूहे अग्गे खहड़ीआं ही रहिंदीआं सन। नशई नशे दा झस्स पूरा करन लई होर ज़िल्हिआं अते अंबाले तों वी आउंदे सन। नशे दी मार कारन सिविआं दी अग्ग प्रचंड हो रही सी अते लोक बहुत ही परेशान अते चिंता विच्च सन। फिर पिंड दे दो नौजवान बलविंदर खेड़ी अते गोपी गरेवाल नशे दी रोकथाम लई अग्गे आए। आले दुआले दे पीड़त अते सुहिरद लोकां दा काफला उहनां दे नाल जुड़ गिआ। सभ तों पहिलां उहनां नें नशा वेचण वालिआं दी बसती दे दोनों पासे टरालीआं खहड़ीआं करके रसता रोकिआ। नशा खरीदण वालिआं नूं उहनां नें खाली हत्थ वापस मोड़न लई मजबूर कर दित्ता। नशईआं दी कौंसलिंग अते इलाज करवाउण दा बीड़ा वी उहनां नें चुक्क लिआ। पुछ्छ गिछ्छ करन ’ते पता लग्गिआ कि कई नशई नौजवानां दा प्रती महीना अंदाज़न दो लख्ख रुपइआ नशे दे लेखे लग्ग जांदा सी। पिआर, सख़ती अते कौंसलिंग राहीं उह नशईआं नूं बसती तक पहुंच करन तों रोकण विच्च काफी हद्द तक कामयाब हो गए। शुरू विच्च उहनां नें दो घंटे पहिरा देण दा प्रोगराम उलीकिआ सी, पर दो घंटिआं बाअद जदों उह इध्धर उध्धर हो जांदे तां उस बसती विच्च नशईआं दी भीड़ वध जांदी। फिर उहनां नें द्रिहड़ संकलप कर लिआ कि दिन-रात ही ठीकरी पहिरा दित्ता जावेगा। इसदे लई लंगर दा प्रबंध सथानक गुरदुआरा साहिब दी कमेटी नें कर दित्ता अते नाल ही इक्क कमरे दा प्रबंध वी कर दित्ता गिआ। किसे होर सज्जण नें वाटर परूफ टैंट दा प्रबंध कर दित्ता। कुरसीआं, तख़तपोश अते मेज़ वी आ गए। भला इह कुझ तसकर किंज बरदाशत करदे? उनहां दी काली कमाई रुक गई सी। तसकरां दीआं औरतां नें नौजवान मुंडिआं नूं उलझाउण अते फिर कुट्टमार करन दा प्रोगराम बणाइआ। जदों शेरपुर दीआं औरतां नूं पता लग्गिआ तां डांगां हत्थ विच्च फड़ के उतशाही नौजवानां दी पिठ्ठ ’ते आ गईआं अते ऐलान वी कर दित्ता कि साडे पुत्तां दी हवा वल्ल वी कोई झाकिआ तां असीं जान दी बाज़ी लाउण तों पिछ्छे नहीं हटांगीआ। जदों ज़िल्हा संगरूर दे पुलिस मुखी सरताज सिंघ चहिल नूं नौजवानां दी नशिआं विरुध्ध मुहिंम दा पता लग्गिआ तां उह पुलिस पारटी समेत उत्थे पुज्ज गए। उनहां नें हौसला दिंदिआं किहा कि इस नेक कारज लई पुलिस प्रशासन तुहाडे नाल खहड़ा है। नशे दे खातमे लई इंज ही दिन रात दे ठीकरी पहिरे ’ते डटे रहो। कदे वी कोई दिक्कत आवे तां फोन कर देणा, मैं खुद तुरंत पहुंच जावांगा। नाल ही उनहां नशा वेचण वालिआं नूं सखत ताड़ना करदिआं किहा कि जां तां शेरपुर कसबा छड्ड जाउ जां फिर नशा वेचणा छड्ड दिउ। नाल ही इह ताड़ना वी कर दित्ती कि जेकर इनहां मुंडिआं नाल पंगा लिआ तां कानूंन अनुसार सख़त कारवाई कीती जावेगी। जदों ज़िल्हा पुलिस मुखी नशा रोकू कमेटी दी पिठ्ठ ’ते आ गिआ तां कसबे दे थाणे दे करमचारीआं दीआं घुरकीआं वी नशा तसकरां नूं वंगारन लग्ग पईआं। पिंड दीआं औरतां, बज़ुरग अते आले दुआले दे पिंडां दे लोक उहनां दी हर संभव मदद करन लई अग्गे आ गए।

दरअसल लोकां दा नशिआं विरुध्ध एका, पुलिस प्रशासन दा पूरन सहियोग अते सरकार दी द्रिहड़ इछ्छा शकती नाल ही नशिआं विरुध्ध छेड़ी जंग नशा मुकत समाज सिरजण विच्च सहाई होवेगी। इत्थे इह वी वरणनयोग है कि नशा वेचण वालिआं विच्चों कई इह धंदा छड्ड के हुण रेहड़ीआं ’ते सबज़ी वेच रहे हन अते कईआं नें टैंपू लै के सवारीआं ढोण दा कंम कर लिआ है। इस नेक कारज विच्च लग्गे नौजवान मरहूम शाइर प्रकाश साथी दीआं इह कावि-सतरां अकसर ही गुणगुणाउंदे हन:

“मशालां बाल के रख्खणा, अजे तां रात बाकी है।

संभल के हर कदम रख्खणा, अजे तां रात बाकी है।”

* * * * *