"ऐनीआं हौलीआं तां कोई लागी नूं वी नां पावे।" जंगीरो दे हत्थ विच्च कंनां दीआं बाळीआं फड़ीआं सन जिनहां नूं उह हलका जिहा उछाल के वज़न करन दी कोशिश कर रही सी। प्रीत नें देखिआ कि इह उही बाळीआं सन जिहड़ीआं उस दे पेकिआं नें उस दी सस्स जंगीरो नूं पाईआं सन। दो कु दिनां बाअद जंगीरो प्रीत नूं इस तरहां दीआं गल्लां सुणा दिंदी। कदे उहनां दे दित्ते कप्पड़िआं विच्च नुकस कढ्ढदी। पर प्रीत हमेशा चुप्प कर जांदी।

प्रीत दे विआह नूं अजे मसां छे कु महीने होए होणगे। बड़ा अजीबो गरीब वरतारा उहनूं देखण नूं मिलिआ। छे महीनिआं विच्च उस नूं इह तां पता लग्ग गिआ सी कि उस दी सस्स उस तों खुश नहीं । फिर उह सोचदी कि सस्स नूंह दे रिशते विच्च ऐना कु तां सभ पासे चल्लदा है। जेकर पिंड दी कोई कुड़ी प्रीत कोल सिलाई, कढाई, बुणाई आदि दा कोई नमूना लैण आ जांदी तां कई वार उस नूं महिसूस हुंदा कि उस दी सस्स नूं इह सभ चंगा नहीं लग्गदा खास करके उस वेले जदों कुड़ीआं प्रीत दी तारीफ़ करदीआं। कई वार उस दा जीअ कीता कि पुछ्छ लवे। पर जंगीरो प्रीत दी कही गल्ल नूं इस तरहां उछालदी कि जो प्रीत नें सोचिआ वी नां हुंदा उहो जिहे मतलब कढ्ढ लैंदी । प्रीत नूं खहिड़ा छुडाउणा औखा हो जांदा। इस करके उह चुप्प रहिणा ही ठीक समझदी। जदों प्रीत जंगीरो दी कही चुभवीं गल्ल ते वी चुप्प रहिंदी तां जंगीरो नूं होर वी खिझ चहड़दी। कई वार उह बुड़बुड़ाउंदी 'मटुंन जिही कित्थों साडे करमां विच्च धरी पई ती।'

प्रीत नूं महिसूस हो रिहा सी कि कई दिनां तों उस दी सस्स दे हत्थों भांडे छुट जांदे। कदे कदे कोई दाल सबज़ी डुल्ल्ह जांदी। कई वार उस नूं महिसूस हुंदा कि जिवें उह जाण बुझ्झ के करदी होवे।

इक्क दिन तां हद्द ई हो गई जंगीरो नें प्रीत नूं गिच्चीओं फड़ लिआ..... नाल नाल बोल रही सी।

"मैं खतम कर दऊं इहनूं....... मुंडे दे सिर 'च कुश पा के वस विच्च कर लिआ ।

प्रीत बहुत डर गई सी ,उस नें आपणे आप नूं मसां छुडाइआ। उस तों बाअद उस दी सस्स जंगीरो अंदर जा के मंजे 'ते डिग्ग पई। प्रीत डरदी उस दे कोल वी नां गई। शाम नूं जदों उस दा सहुरा बलदेव सिंघ घर आइआ तां उस दी जान विच्च जान आई । उस नें सहुरे नूं इह गल्ल दस्सणी जरूरी समझी।

"बापू जी ! बेबे जी ठीक नहीं लग्गदे, किसे डाकटर नूं दिखा दिओ........पता नहीं की हो गिआ सी अज्ज?"

पर जंगीरो विच्चों ही आपणी कोई होर गल्ल सुणाउण लग्गी। प्रीत नूं मौका ही नां दित्ता आपणी गल्ल कहिण दा। उस दे सहुरे नें दूसरे दिन प्रीत तों सारी गल्ल सुण लई। खेत जाण लग्गिआं बलदेव नें किहा, 'प्रीत पुत्त तूं आपणा धिआन रख्खीं। '

दो कु दिन लंघे जंगीरो नें फिर प्रीत नूं गुत्तों फड़ लिआ। सबब्ब नाल बलदेव खेतों घरे आ गिआ। उस नें प्रीत नूं जंगीरो दे हत्थों छुडाइआ ते उस नूं धक्का दे के मंजे ते सुट्ट दित्ता । प्रीत डर नाल कंब रही सी। जंगीरो अजे वी कचीचीआं वट्ट रही सी बलदेव सिंघ नें पाणी दा गलास भर के जंगीरो दे मूंह ते मारिआ उस नूं होश जिही आई।

मेरे 'ते पाणी किउं पाइआ...?"तूं दस्स पहिलां....तूं की जलूस कढ्ढण लग्गी सी ? " बलदेव गुस्से नाल भरिआ पिआ सी ।

"मैनूं तां कुश वी याद नहीं । पता नहीं की हो गिआ सी मैनूं। "

"पहिलां जदों बेबे जिउंदी सी, उदों वी तेरा एही कुत्तखाना चल्लदा सी।"

"मैनूं लग्गदै मेरा तबीत जूठा हो गिआ..... ग्रहिण लग्गिआ सी पिछ्छे जिहे कई दिन हो गए ।" उह उदास जिही हो के बोली।

"हुण कंम दे मौसम विच्च मैं कित्थों टैम कढ्ढां ....सिआणिआं कोल जाण दा।"

प्रीत नें इहो जिहा कुझ्झ कदे नहीं सी देखिआ, नां ही कदे सुणिआ सी......धागे तबीत.... इह की चक्कर है ......उस नें तां सुणिआ होइआ सी कि भूत प्रेत कुझ वी नहीं हुंदा। फिर इह की....? उस नूं बड़ा डर लग्ग रिहा सी । उस दा पती डेढ कु महीने लई किसे कंबाईन वाले दे नाल बाहर किते कणक वढ्ढण गिआ होइआ सी। जदों उस दा फोन आउंदा कई वार प्रीत दा दिल करदा कि बेबे दी हालत बारे दस्स देवे। पर फिर इह सोच के चुप्प कर जांदी कि किउं घरों दूर बैठे दी चिंता वधाउणी ऐ। उस दा पती पहड़िआ लिखिआ सी। पर किंनी कु देर नौकरी दी उमीद ते रहिंदा। ज़मीन बहुती तां नहीं सी पर पिउ-पुत्तर मिहनती सन अते फज़ूल खरची वी नहीं सन करदे। गुज़ारा ठीक चल्लदा सी। मुंडे नूं खेती तों इलावा वी जे कोई कंम मिलदा तां उह कर लैंदा सी।

पहिलां तां जंगीरो नूं हफ़ते दो हफ़ते बाअद ही कसर हुंदी सी। पर हुण तीजे कु दिन उस नूं ओपरी हवा आ दबोचदी । सभ तों पहिला कंम उसदा इह हुंदा कि उह प्रीत नूं कोई नां कोई तकलीफ़ पहुंचाउण दी कोशिश करदी भावें सरीरक होवे जां मानसिक। उस विच्च अंतां दा ज़ोर पता नहीं कित्थों आ जांदा सी। प्रीत दी मां नूं उड्डदी उड्डदी ख़बर मिली कि प्रीत दी सस्स नूं ओपरी हवा नें दबोचिआ होइआ है। उह आपणे पती नाल सलाह करके प्रीत नूं मिलण चली गई। प्रीत दी मां नें प्रीत तों सारीआं गल्लां पुछ्छीआं। उस नें सारा कुझ सच्च सच्च दस्स दित्ता। उस नूं आपणी धी दी चिंता होण लग्गी। उह प्रीत कोल इक्क रात रुक गई । पर उस दे हुंदिआं प्रीत दी सस्स ठीक रही। उस दे जाण तों दो कु दिन बाअद फेर उही कंम शुरू हो गिआ ।

इक्क दिन जदों प्रीत दी सस्स पूरे रोह विच्च आई होई सी तां प्रीत दे मां पिओ वी उसे वकत पहुंच गए जिवें उनहां नूं किसे नें फोन करके बुलाइआ होवे। प्रीत दी मां नूं आपणी धी दी हालत देख के बहुत तरस आइआ। उस नें प्रीत नूं छुडा के इक्क पासे कीता । प्रीत दी सस्स झईआं लै लै पै रही सी। नाल ही भूतरे सानह वांग फुंकार रही सी। सच्ची लोहड़े दा ज़ोर पता नहीं कित्थों आइआ सी उस विच्च। उस नें इक्क वार फिर प्रीत नूं आ दबोचिआ। कोशिश करन ते वी प्रीत दी मां जंगीरो दे हत्थों उस नूं छुडा नां सकी।

बलदेव सिंघ नूं कुझ समझ नहीं सी आ रही कि उह की करे। उह शरम नाल मरनहाका होइआ पिआ सी। प्रीत दी मां नें कुड़म अग्गे हत्थ जोड़ के रोणी आवाज़ विच किहा," हुण मैनूं मुआफ़ करना वीर जी! हुण माण सतिकार वाले सारे बंनह टुट्टणगे।" इह कहि के उस नें खूंजे पई सोटी चुक्की ते प्रीत दी सस्स दीआं लत्तां ते दो ठोकीआं। जंगीरो नें इक्क हत्थ नाल सोटी खोहण दी कोशिश कीती। प्रीत दी मां वी आपणी धी नूं बचाउण लई पूरी कोशिश कर रही सी। जंगीरो ढिल्ली जिही पै गई। हुण प्रीत दी मां फुंकार रही सी । उस नें इक्क वार फिर सोटी उलारी पर आ के प्रीत दे पिओ नें सोटी फड़ लई। प्रीत दी मां अख्खां लाल करीं अजे वी जंगीरो वल्ल कहिर दी निगहा नाल देख रही सी।

" मैनूं लग्गदै प्रीत दी मां नूं वी कोई भूत आ के चिंबड़ गिआ। " उस नें सोटी परहे रख्खदिआं बलदेव नूं किहा। बलदेव नें कुड़म दी बांह फड़ी बैठक विच्च लै गिआ। जंगीरो हौली हौली अंदर जा के मंजे ते पै गई। प्रीत आपणी मां दा इह रूप देख के बड़ी हैरान प्रेशान सी। उह पाणी दा गलास लै के मां कोल आई। पर मां नें किहा कि पाणी आपणी सस्स नूं दे के आवे। उह अंदर गई पर उस दी सस्स नें वार वार कहिण ते वी पाणी नां फड़िआ, उह भरीआं अख्खां नाल बाहर आ गई अते रसोई विच्च चली गई। "की हाल कर 'ता मेरी जुआकड़ी दा। चुड़ेल जही नें।" उह अजे वी गुस्से विच्च बुड़बुड़ा रही सी।

प्रीत नूं उस दी मां नें पहड़ाई दे नाल नाल हर घर दा कंम सिखाइआ सी। सिलाई, कढाई, बुणाई... रसोई दे सभ कंम.... इंने कु कंम कि उस दी सहुरे घर वाले कदर करन। दाज वी बणदा सरदा दित्ता। छापां, छल्लिआं दीआं मंगां वी पूरीआं कीतीआं भावें प्रीत दा सहुरा ते पती दाज दे खिलाफ सन, पर विचोले नें इह आखिआ कि कुड़ी वाले माण ताण करना चाहुंदे हन अते कुड़ी वालिआं नूं इह आख दित्ता कि इंना कु तां आपां नूं बिनां मंगिआं ही देणा पऊ। भावें प्रीत घर दा सारा कंम बड़े सुचज्जे तरीके नाल करदी पर जंगीरो नें कदे वी उस दी तारीफ़ नां कीती। सगों कई वार ठीक कंमां विच्च वी नुकस कढ्ढ दिंदी सी। प्रीत दा सहुरा बड़ा बीबा बंदा सी। कई वारी जदों जंगीरो ऐधर ओधर गई हुंदी तां उह प्रीत नूं आख दिंदा,

"धीए इहदा सुभाअ ई इहो जिहा, तूं दिल ते नां लाइआ कर एहदीआं गल्लां ।"

"तुसीं फिकर नां करो बापू जी ।" जदों प्रीत ऐना आख दिंदी तां बलदेव नूं तसल्ली हो जांदी सी।

पर अज्ज तां बलदेव दा सिर शरम नाल झुक्क रिहा सी। जो उस दे घरे जलूस निकलिआ। ऐना कु शुकर सी कि उहनां दा घर पिंड तों थोहड़ा हट के सी। पर हुण जंगीरो चुप्प करके मत्था फड़ी बैठी सी। प्रीत दी मां वी अंदर जा के उस कोल मंजे ते पैंद वल्ल जा बैठी । जंगीरो कहिण लग्गी,

"मैनूं तां भोरा पता नहीं लग्गदा .... मैं की करी जानी आं । मैथों तां जाणी कोई धक्के नाल ही करवा लैंदा सभ कुश। पर भैण जी.... प्रीत नें कदे दस्सिआ ई नहीं थोनूं वी कसर हुंदी है ।"

प्रीत वी उहनां कोल आ के बैठ गई पर उस दी मां नें उस नूं चाह बणाउण लई भेज दित्ता अते जंगीरो नूं कहिण लग्गी,

"देखो भैण जी, नां तां मैनूं कोई कसर हुंदी ऐ........नां थोनूं । इह तुसीं वी जाणदे ओ ते मैं वी........।" जंगीरो दा मूंह अड्डिआ गिआ।

प्रीत दी मां दे अंदर गुस्सा तां बहुत सी फिर वी उह हौली आवाज़ विच्च बोली, "जे मेरी धी कंम नहीं करदी , थोडे मूहरे बोलदी ऐ.... आए गए दी इज़्ज़त नीं करदी..... तां दस्सो .... ओहतों पाप की हो गिआ .... जिहड़ा उहनूं ऐना दुखी करदे ओं। नाले मेरी इक्क गल्ल सुण लओ........ जे तुसीं साडी धी नूं पिआर दिओगे.... असीं वी थोनूं अख्खां ते बिठावांगे पर जे तुसीं साडी धी नूं ही औखा करोगे... फिर नां असीं थोडे कुश लग्गे... नां तुसीं साडे। ओपरी हवा जिवें थोनूं मेरी धी नूं गिच्चीओं फड़न लई मजबूर करदी आ...मेरे आळी ओपरी हवा 'च वी बथेरा जोर ऐ। अज्ज तां थोहड़ी शरम सी.... अग्गे तों इह वी चक्की जाऊ। जे थोनूं इह होऊ कि असीं कुड़ी नूं लै जांअगे... इह भुल्ल जो तुसीं...फेर नां आखणा कि मेरा 'कल्ला 'कल्ला पुत्त अड्ड हो के बहि गिआ। " जंगीरो सुण के सुंन हो गई।

"मेरी इक्क गल्ल होर वी सुण लओ, इह गल्ल आपणे दोहां विच्च रहे तां चंगी गल्ल ऐ.... । प्रीत दी मां नें गल्लबात दा सुर बदलदिआं फिर आखिआ,

"नाले भैण जी तुसीं आप सिआणे ओं धागे तवीतां 'च उलझिआ बंदा कदे सुखी नहीं रहिंदा खून पसीने दी अध्धी तों वध्ध कमाई तां पखंडी साधां दीआं गोगड़ां ई भरदी ऐ.....।" जंगीरो चुप्प कर के सुणी जा रही सी। ऐने नूं प्रीत चाह लै के आ गई।

जदों चाह पी के जाण लग्गे तां प्रीत दी मां नें जंगीरो तों हत्थ जोड़ के भुल्लां चुक्कां दी खिमां मंगी अते किहा, " जे भैण जी, हुण कदे ओपरी हवा धक्का करन लग्गे तां मैं जिहड़ा मंतर दस्सिआ। उहनूं याद कर लैणा बस्स। फेर नहीं ओपरी हवा नेड़े लग्गदी।"