हर युग दीआं कुछ खास विशेशतावां हुंदीआं हन जिनहां दे प्रभाव सरव-विआपी हुंदे हन। इक्क सफल अते प्रसंन-चित्त जीवन जिऊण लई सानूं आपणे-आप नूं इनहां प्रभावां अनुसार बदलदे रहिणा पैंदा है। इस लई सानूं इनहां विशेशतावां अते इनहां दे प्रभावां दा सही गिआन हासिल करना अते नाल ही इनहां अनुसार बदलदे रहिण दी सिआणप अते कला सिख्खणी ज़रूरी है। पहिला गिआन ‘समूहक’ है अते इह बाहरों मिलदा है अते इस नूं हासिल करन लई मुख्ख तौर ’ते बाहरले साधनां अते होरां इनसानां ’ते निरभर होणा पैंदा है। दूजी गल्ल, सिआणप इक्क कला है, जो विअकतीगत हुनर है अते इस नूं निज्जी अभिआस राहीं सिख्खणा पैंदा है। इह मुख्ख तौर ’ते अंदरूनी विशा है पर इस नूं ग्रहिण करन लई वी बाहरी अगवाई अते मदद दी लोड़ पैंदी है। कोई वी इनसान बुध्धी अते साधनां पख्खों इंना समरत्थ नहीं हो सकदा कि उह इनहां दोहां नूं सिर-खुद आप समझ सके, इस लई उस नूं ‘समूहक’ बुध्धी अते ‘समूहक’ साधनां ’ते निरभर होणा पैंदा है। खुशकिसमती नाल अज्ज दे युग विच्च इह दोनो भरपूर मातरा विच्च हासिल हन, जो इस युग दी इक्क होर विशेशता है। पर इस भरमार विच्चों सही नूं फड़ना अते गलत नूं छड्डणा सिआणप है ते कला दा हिस्सा है।

पहिलां आपणे युग दी मुख्ख विशेशता, तकनौलोजी अते इसदी उप-बरांच ए.आई (आरटीफीशीअल इंटैलीजैंस/बणाउटी बुध्धी) ते विचार करदे हां किउंकि अज्जकल्ल्ह इनहां दी ही चहड़त है। इह विशा संसार दे मुख्ख चरचित विशिआं विच्चों इक्क है, हालांकि इह कंपिऊटर साइंस दी सिरफ इक्क उप-बरांच है, जो अग्गे साइंस अते तकनौलोजी दी इक्क बरांच है। हालात इस तरहां दे बण गए हन कि इक्क उप-बरांच होण दे बावजूद अज्ज इह कंपिऊटर साइंस दा मोहरी अंग बण गई है अते कंपिऊटर साइंस साडी तकनौलोजी दी मोहरी बण गई है। तकनौलोजी अग्गे साडे जीवन दे सारे खेतरां, भाव राजनीतक अते प्रबंधकी सिसटम, आरथिक, समाजिक, धारमिक मसलिआं अते कोमल कलावां ’ते काबज़ , भारू अते प्रभावी हो गई है। इत्थों तक कि साडे विअकतीगत अते परिवारक जीवनां विच्च वी इसदा प्रभाव बहुत वध रिहा है। इसदे चंगे प्रभावां नूं कबूलण अते मंदिआं तों बचण दी सिआणप ग्रहिण करनी अते कला सिख्खण दी लोड़ ही इस लेख दा उदेश है।

सरल शबदां विच्च ए.आई दा मुख्ख कंम इस तरहां दीआं मशीनां बणाउणा है, जिहड़ीआं इनसानां वरगी बुध्धी रख्खदीआं होण। उनहां वांग सोचण, समझण, प्रतीकिरिआ करन अते कंम करन दे समरत्थ होण। बिजली दी तरहां इह वी इक्क ‘आल परपज़’ तकनौलोजी है। संसार दे हर खेतर विच्च इसदी लोड़ है अते बिजली वांग ही इह मनुख्खी जीवन विच्च क्रांतीकारी बदलाओ लिआउण दे समरत्थ है। इह बदलाओ सारथिक है जां नकारातमक, इह इसदे हत्थ विच्च नहीं अते नां ही इस (ए.आई) दे बे-काबू होण दे ख़दशे निरमूल हन। होर मारू हथिआरां वांग इसदा समाज-विरोधी अनसरां दे हत्थ चहड़न दा इक्क होर वड्डा डर है। इनहां सभ तों बचाओ मनुख्खी सिआणप ’ते निरभर करदा है, जिसदा हर युग विच्च अभाव रिहा है।

तकनौलोजी दे हामी इह दाअवे करदे हन कि ए.आई साडीआं मुख्ख समस्सिआवां दा समाधान कर सकदी है। पर संसार दा इतिहास अते इसदे अजोके हालात इस विचारधारा नूं नकारदे हन। हुण तक इकत्तर कीतीआं साडीआं सभ तकनौलोजीआं अते शकतीआं दे बावजूद सानूं मनुख्खी होंद नूं बचाउण दी चिंता लग्गी होई है। इस करके अज्ज तकनौलोजी अते खास कर के इसदी नवीं बरांच ए.आई, यू.ऐन्न.ओ सणे सारे देशां लई सिरदरदी बण गई है। हालां कि इह साडी बहु-पख्खी तरक्की अते अथाह खुशहाली दा वड्डा अधार रही है अते अज्ज वी इस नूं लगातार काइम रख्ख रही है। इह सिरदरदी इस कर के नहीं बणी कि इसदा कोई लाभ नहीं रिहा, बलकि इस कर के बणी है कि हुण इह संसार दे शातिर धड़िआं वल्लों बाकी इनसानां दे सरीरां अते मनां ’ते कबज़ा करन दा माधिअम बण चुक्की है। अज्ज संसार दे दस सभ तों वध्ध अमीर खरब-पतीआं विच्चों सत्त तकनौलोजी नाल जुड़े होए हन अते अमरीका दी राजधानी विच्च इनहां दी लौबी दूजे नंबर दी सभ तों ताकतवर लौबी है।

इसदा अरथ इह नहीं कि इह किसे होर खेतर नाळों वध्ध उपज कर रही है जां इस वल्लों बणाईआं वसतां होरां दीआं वसतूआं तों वध्ध लाभदाइक हन। इसदे उलट इह आपणे लाभ-हित, बेलोड़ीआं अते ‘लगज़री’ वसतूआं नाल मारकीटां नूं भर रही है किउंकि इनहां नूं बणाउण अते ज़रूरत वाळीआं वसतूआं बणाउण विच्च लागत दा बहुता फरक नहीं हुंदा। नां ही इसदे इज़ारेदारां नूं कोई वसतू बणाउण लई किसे तों इजाज़त लैण दी लोड़ है। किंनी अजीब गल्ल है कि आपणे भारत देश विच्च भावें अजे नहीं, पर विकसित देशां विच्च सरकार किसानां नूं दस्सदी है कि उह आपणे खेतां विच्च की बीजण। जे उह सरकारी हुकम नां मंनण तां सरकार उनहां दी फसल दी खरीद नहीं करदी। इस लई किसानां नूं हर साल सरकार दीआं हदाइतां अनुसार बदलवींआं फसलां बीजणीआं पैंदीआं हन। पर तकनौलोजी खास कर के ए.आई दे इज़ारेदार, टौहर नाल ऐलान कर दिंदे हन कि आउण वाली फलाणी त्रीक नूं असीं इह नवीं काढ मारकीट विच्च लिआ रहे हां। उलटा सरकारां नूं भज्ज-नठ्ठ लग्ग जांदी है कि असीं की करीए?

इह सचाई यू.ऐन्न.ओ दे माणयोग सकत्तर जनरल ऐंटोनीओ गुटेरेज़ दे इस ताज़ा बिआन (19 सतंबर, 2024 दे) तों प्रतख्ख है, कि:

“इह गल्ल पहिलां ही सपशट हो चुक्की है कि ए.आई नाल मनुख्खी अधिकारां सणे होर खेतरां लई, कई प्रकार दे फ़ौरी अते दूर-रस बुरे असर जुड़े होए हन। इस संबंध विच्च गंभीर चिंतावां इह हन कि इसदी शकती सिमट के कुछ देशां अते कंपनीआं दे हत्थां विच्च इकठ्ठी हो गई है।”

ए.आई नाल जुड़े ख़तरिआं बारे इह उनहां दा कोई पहिला बिआन नहीं। कई वार पहिलां वी उह इस तों वी सख़त बिआन दे-दे के संसार नूं इस विशे ’ते ख़बरदार करदे रहे हन। कई वार तां उनहां दे बिआनां तों इस तरहां लगदा है कि उह बहुत ही मजबूर अते दुखी हो के बोल रहे हन। आपां जाणदे हां कि समुच्चे संसार दीआं होर अनेकां समस्सिआवां, उनहां दीआं चिंतावां अते दरदां दा कारन बणीआं होईआं हन। जिवें कि: चल्ल रहे युध्ध, वातावरण परिवरतन, मारू हथिआरां दी दौड़, शरणारथीआं दे दुख्ख, अत्त-वाद, नां-बराबरी, भुख्ख-मरीआं अते कुदरती आफतां आदि। ए.आई बारे उनहां दी दरद-मई बिआन-बाज़ी इह साबत करदी है कि इह समस्सिआ वी होर वड्डीआं समस्सिआवां जिंनी ही गंभीर बण चुक्की है। होर समस्सिआवां दहाकिआं तों चलीआं आ रहीआं हन जदों कि ए.आई दी समस्सिआ नवीं अते बहुत तेज़ी नाल उभ्भर रही है।

सकत्तर जनरल साहिब दे उपरोकत बिआन दा कारन डेढ कु साल पहिलां (मारच, 2023) निकळी ए.आई दी इक्क उप-काढ (चैट-जीपीटी) है, जिस नें संसार विच्च तरथल्ली मचा दित्ती सी अते इसदे हामीआं नूं वी चिंता विच्च पा दित्ता सी। इलौन मसहक सणे संसार भर दे वीह हज़ार तों वध्ध माहिरां, साइंसदानां अते फ़िलासफ़रां नें इक्क खुल्ल्हा पत्तर लिख के इस तरहां दीआं काढां ते कुछ समें लई रोक लाउण दी अपील कीती सी। उनहां नें इस तरहां दीआं काढां नूं काबू तों बाहर हो रही तकनौलोजी दा प्रतीक गरदानिआ सी। यू.ऐन्न. ओ सणे संसार दे सारे देशां नें इसदे संभावी ख़तरिआं बारे फ़ौरी तौर ’ते गंभीरता नाल विचार-वटांदरे कीते सन अते सकत्तर जनरल साहिब नें इक्क उच्च-पध्धरी कमेटी दा गठन कीता सी, जिसदी रिपोरट हुणे ही (19 सतंबर, 2024 नूं) आई है। इसदा सिर-लेख “मनुख्खता दी भलाई लई ए.आई ते नियंतरण-प्रबंध” (“गवरनिंग ए.आई फार हिउमैनिटी”) है इसदा उदेश है कि इह यकीनी बणाइआ जावे कि ए. आई दा विकास अते इसदी वरतों इस ढंग नाल कीती जा सके कि इसदा लाभ सारी मनुख्खता नूं होवे अते इस नूं प्रभावकारी अते कौमांतरी पध्धर ’ते सरब-संमती नाल नियंतरण कीता जा सके।

इस रिपोरट दा मुख्ख थीम वी उपरोकत विचारधारा नाल मेल खांदा है, कि:

“भावें असीं भविख्ख विच्च ए.आई अते इसदी भूमिका प्रती आसवंद हां पर इह आस इसदे ख़तरिआं, मौजूदा ढांचिआं दीआं कमीआं अते साडीआं प्राथमिकतावां उप्पर निरभर करदी है। असीं भविख्ख विच्च इसदी अहिम भूमिका तों मुनकर नहीं पर साडा उदेश इह है कि इसदे लाभ समुच्ची मनुख्खता नूं पहुंचण अते अज्ज दे लाभां दा आउण वाळीआं पीहड़ीआं ते कोई माड़ा असर नां पवे, जिवें कि बद-किसमती नाल वातावरण-परिवरतन नाल पैण दा ख़दशा है।”

पर इसदे हिमाइती इस नूं होर सभ खेतरां दी तरक्की दा मुख्ख ज़रीआ मंनदे हन अते मुख्ख समस्सिआवां दे हल्ल करन दा माधिअम दस्सदे हन। जिवें कि: विद्दिअक खेतर, खेती-बाड़ी, सिहत सेवावां, आरथिक, वातावरण परिवरतन, आवाजाई, साइंसी खोजां, आरथिक, जनरल सरवसिज अते सुरख्खिआ आदि सभ दा। इत्थों तक दाअवा करदे हन कि इह संसार दी लगभग हर समस्सिआ दा हल्ल कर सकेगी। ए.आई प्रती यथारथी पहुंच अपणाउण वालिआं नूं, गैर-विगिआनक, ‘डूम सेअरज’ अते निराशा-वादी होण दा फ़तवा दिंदे हन। इह दलीलां वी दिंदे हन कि इस तरहां दी आलोचना अते विरोधता आम गल्ल है किउंकि हर नवीं तकनौलोजी दी विरोधता हुंदी आई है। इह दलील देण वेले उह इह गल्ल लको के रख्खदे हन कि हर समें दी तकनौलोजी दा बे-थाह नाजाइज़ लाभ इज़ारेदारां नूं ही होइआ है, अते जन-सधारन तक इसदा लाभ उस वकत ही पहुंचिआ है जदों इसदी विरोधता अते भरपूर आलोचना होई।

संसार दी चोटी दी यूनीवरसिटी ‘ऐम्म.आई.टी’ दे दो प्रोफैसरां वल्लों ‘पावर ऐंड प्रोगरैस्स’ (2023) नाउं दी प्रसिध्ध किताब लिखी गई है। इसदा थीम ‘तकनौलोजी अते खुशहाली लई साडा इक्क हज़ार साल दा संघरश’ है। उनहां नें तत्त कढ्ढिआ है कि साइंस अते तकनौलोजी दी हर मुख्ख काढ नें समाज विच्च नां-बराबरी नूं वधाइआ है …। इनहां दे लाभां दी जन-सधारन तक रसाई इनहां दे काढूआं अते खोजीआं दी बजाइ समाज-सुधारकां, फिलासफरां, लेखकां अते सुहिरद राजनीतीवानां नें करवाई है। अते जां कामिआं दीआं यूनीअनां नें खुद संघरश कर के प्रापत कीती है, जिनहां नूं अज्ज लगभग खतम ही कर दित्ता गिआ है।

अज्ज दी त्रासदी वी इह है कि इस खेतर ’ते काबज़ इज़ारेदारां नें सानूं भुलेखिआं विच्च पा रख्खिआ है जिनहां ओहले उह बे-लोड़ीआं अते मनुख्खी कदरां-कीमतां तों सख्खणीआं काढां तां कढ्ढदे ही हन अते नाल धरती दे वडमुल्ले कुदरती साधनां नूं वी बरबाद कर रहे हन। किताब विच्च इनहां दी तुलना उदयोगिक क्रांती दे वेलिआं दे ‘रौबर-बैरनज’ कीती गई है। नां-बराबरी अते समाजिक बे-चैनी वधाउण दे नाल-नाल इस नें होर हर खेतर दीआं खोजां अते काढां विच्च खड़ोत पैदा कर दित्ती है अते मनुख्ख नूं असलीअत तों बहुत दूर कर दित्ता है।

अज्ज तकनौलोजीआं दा हाल वी धरमां वरगा हो गिआ है अते इनहां दोहां नूं लोटू टोलिआं नें अपहरण कर लिआ है। कोई वी सिआणा बंदा नां धरम दी नखेधी करदा है अते नां ही साइंस अते तकनौलोजी दी। उह नखेधी करदा है इनहां ’ते काबज़ होए अखौती धारमिक आगूआं दी अते इज़ारे-दारां दी। जदों कोई उनहां दी विरोधता हुंदी है तां अखौती धारमिक आगू उस नूं धरम जां किसे सतिकारत महापुरख दा विरोध गरदान दिंदे हन अते सच्च बोलण वाले दा जिऊणा औखा कर दिंदे हन। इस तरहां दा ही वरतारा अज्ज साइंस अते तकनौलोजी दे खेतर विच्च वरत रिहा है। साडे लई ज़रूरी है कि जिवें सानूं किसे धरम ते अंध-विशवास नहीं करना चाहीदा उसे तरहां अज्ज दी तकनौलोजी ’ते वी नहीं करना चाहीदा।

इस समस्सिआ बारे संखेप विचार कर के असीं आपणे युग दी मुख्ख विशेशता दे साडे ते पै रहे प्रभावां बारे जाण सकदे हां, भावें इस नाल असीं इसदा हल्ल नहीं लभ्भ सकदे पर इस बारे जागरूक हो के असीं उनहां सुहिरद सुधारकां, विसल-बलोअरां अते राजनीतीवानां दे हत्थ मज़बूत कर सकदे हां जो इनहां इज़ारे-दारां नाल आढा ला रहे हन। दूसरा विहारक लाभ इह है कि असीं विअकतीगत अते परवारिक तौर ’ते सुचेत हो जांदे हां कि असीं इसदे मंदे प्रभावां तों बचण लई उपराले करदे हां। पर जिवें पहिलां विचारिआ है, इसदे चंगे प्रभावां नूं कबूलणा अते मंदिआं तों बचणा सिआणप है, कला है/ हुनर है अते विअकतीगत फरज़ है।

सिआणप अते कला हर इक्क नूं आपणे निज्जी अभिआस राहीं सिख्खणीआं पैंदीआं हन, निज्जी तौर ’ते ग्रहिण करनीआं पैंदीआं हन। इह नां किसे होर तों लईआं जां खरीदीआं जा सकदीआं अते नां ही इनहां दी आऊट-सोरसिंग हो सकदी है। इसे तरहां कोई बाहरली तकनौलोजी वी साडी मददगार नहीं हो सकदी। साईकल चलाउणा, तरना, सरीरक कसरत अते दुनिआवी विद्दिआ इसदीआं सरल उदाहरणां हन अते आपा-सुधार, आतम-विकास, आपा-पछाण अते सही परमारथ दी कमाई वड्डीआं हन। इह विअकतीगत जां ख़ुदी दा खेतर है अते बहुत विशाल है। पहड़ना, सुणना आदि इस तरहां दी सिआणप ग्रहिण करन जां किसे कला विच्च निपुंन होण लई मददगार अते ज़रूरी तां हन पर इनहां नाल सरदा नहीं। इस लई मिहनत करके इह करना ज़रूरी है तां कि असीं अज्ज दी बे-लगाम तकनौलोजी दे भरमाऊ, उकसाऊ, भड़काऊ अते भटकाऊ मकड़जाळां तों बच सकीए।