असीं शेख़ूपुरे पुज्जे तां बद्दलां नें असमान पूरी तरहां ढक लिआ। मौसम दिल नूं मोह लैण वाला सी। पिछले दिनीं पै के हटे मींह सदका रुमक रही हवा विच नमी सी। ‘शेखूपुरा’ बचपन तों ही बहुत पहड़िआ ते जाणिआ जांदा नाम सी। गुरू नानक देव दा लेख लिखदिआं पहिली सतर अकसर इहो ही हुंदी सी, ‘आप दा जनम महिता कालू ते माता त्रिपता दे घर राइ भोइ दी तलवंडी (जिस नूं अज्ज-कल्ल्ह ननकाणा साहिब आखदे हन) ज़िला शेख़ूपुरा विच होइआ।’
शेख़ूपुरा नाल जुड़ीआं गल्लां मेरे मन विच आ रहीआं सन। राणी जिंदां नूं अंगरेज़ां नें पहिली वार ग्रिफ़तार करके शेख़ूपुरे दे किले विच ही रख्खिआ सी। बहुत पुराणा इह शहिर जहांगीर दे नाम उते वसिआ है। जहांगीर दा बचपन दा नाम शेख़ू सी। रैवेनिऊ रिकारड विच इस दा नाम ‘किल्हा शेख़ूपुरा’ ही है। इह ही खित्ता सी जिस नूं ‘विरक टप्पा’ वी आखिआ जांदा सी। साडा अज़ीम कहाणीकार कुलवंत सिंघ विरक शेख़ूपुरे दे गौरमिंट हाई सकूल विच ही पहड़दा रिहा सी। इनहां आले-दुआले दे पिंडां विचों ही किसे पिंड विच विरक दी कहाणी ‘चाचा’ दा बाल सिंघ डंगर चारदा रिहा होऊ। ‘ओपरी धरती’ दा हज़ारा सिंघ डंगर चोरी करदा रिहा होऊ। इसे खित्ते विच ही मेरी भूआ विआही होई सी विरकां दे घर। सांझे घर विच पता नहीं किंनीआं कु मझ्झां हुंदीआं सन जिनहां दा दुध्ध रिहड़क-रिहड़क दराणीआं-जठाणीआं दीआं बाहवां रहि जाण दीआं गल्लां मैं उस तों सुणीआं होईआं सन। इक भावुक तरंग मेरे अंदर नूं तां छेड़ ही रही सी पर प्रेम सिंघ ऐडवोकेट दे दिल दी धड़कण तां कुझ लोड़ों वध्ध तेज़ हो गई सी। इह उहदे सहुरिआं दा शहिर सी। इथे उह सिहरे बंनह के ढुक्किआ सी। इथे उस नूं सालीआं नें मखौल कीते सन ते इथे ही पिछले अंदर लुक के सहेलीआं दीआं गल्लां सुणदी ते चोरी-चोरी आपणे नींगर चंद नूं दरवाज़े दीआं झीतां विचों वेखदी उहदी लाड़ी नें चुंनी दा पल्लू मंूह अग्गे लै के मसां हासा रोकिआ सी।
उह लाहौरों मिथ के चल्लिआ सी कि शेख़ूपुरे रुक के आपणे सहुरिआं दा घर ज़रूर वेख के जाणा है। आपणे चेतिआं विच वस्से इलाके वल्ल उस नें कार मोड़न लई किहा। शहिर बदल गिआ सी। प्रेम सिंघ अध्धी सदी पहिलां दा नकशा मन विच लई बैठा सी। अनुमान ला के उस नें इक थां कार रुकवाई ते इक जणे नूं पुछ्छिआ, ‘‘ऐथे धोबी घाट हुंदा सी। कोलों दी इक नाला लंघदा सी…’’
उस बंदे नें अणजाणता प्रगटाई तां काहली नाल कार विच बैठदिआं प्रेम सिंघ नें किहा, ‘‘थोहड़ा अग्गे चलो!…’’
ते इंज कई वार असीं ‘थोहड़ा-थोहड़ा अग्गे चल्ले!’ प्रेम सिंघ दे बोलां ‘च उतशाह ते पैरां विच तेज़ी सी। उह अगले पल ही सहुरिआं दे घर दे बूहे अग्गे आपणे आप नूं खलोता वेखणा चाहुंदा सी।
‘‘सरदार प्रेम सिंघ जी! कोई होर निशानी वी दस्सो। धोबी घाट तां लभ्भदा नहीं पिआ…’’ राइ साहिब नें किहा तां प्रेम सिंघ नूं याद आइआ, ‘‘हां, गिरजा घर वाला चौक सी। उस तों अग्गे हरनाम सिंघ दा घर सी…’’
इक सिआणे बंदे नूं पुछ्छिआ तां उस नें नेड़े ही सथित गिरजा घर दा राह दस्सिआ। गिरजा घर कोल पहुंच के असीं कार तों उतर पए। प्रेम सिंघ दी ते मेरी ‘सिख्ख शकल’ वेख के कुझ बंदे साडे कोल आए। प्रेम सिंघ अनुमान ला के पुछ्छ रिहा सी, ‘‘ऐथे गिरजा घर दे किसे इक पासे नाला वगदा हुंदा सी। उथे धोबी घाट हुंदा सी। कोलों बाहरवार इक सड़क लंघदी सी…’’
किसे वडेरी उमर दे बंदे नें दस्सिआ, ‘‘हां, नाला तां इथे इक वगदा हुंदा सी पर उह तां बहुत साल होए पूर दित्ता गिआ। ते बाहरली सड़क तां हुण एथे इक नहीं…तुहाडे साहमणे ही है…उस वेले दी ‘बाहरली’ सड़क तों बाअद ‘बाहरली’ ते ‘होर बाहरली’ कई सड़कां बण गईआं होणगीआं।’’
कदी सज्जे, कदी खब्बे, कदी किसे गली विच ते कदी किसे गली विच प्रेम सिंघ आ-जा रिहा सी। इलाका वी इहो ही सी, घर वी एथे किते ही होणा सी पर अजिहा गुआचा सी कि लभ्भ नहीं सी रिहा। भला गुआचे घर वी कदी लभ्भदे नें!
किसे दुकान ‘ते रेडीओ उते किसे भारती फ़िलम दा गीत वज्ज रिहा सी।
‘‘नां कोई उमंग है नां कोई तरंग है…मेरी ज़िंदगी है किआ इक कटी पतंग है…’’
घट्टो-घट्ट पंजाह-सठ्ठ बंदे ; बच्चे, बुढ्ढे ते जुआन ; प्रेम सिंघ दा घर लभाउण दा यतन कर रहे सन। इनहां विच ही इलाके दा कौंसलर वी शामल सी। प्रेम सिंघ गली-गली ‘कट्टी पतंग’ वांग उड रिहा सी।
‘‘एधर नहीं, ऐस पासे हो सकदा…ऐधर नहीं…औस पासे वेखीए…’’
प्रेम सिंघ वांग ही सथानक वासीआं दे मनां विच उतशाह सी। काश ! किते उह उस दा घर लभ्भ के दे सकण। अध्धा कु घंटा तां असीं वी पूरे उतशाह नाल प्रेम सिंघ दे अंग-संग घर लभ्भदे रहे पर हुण साडे ‘अंदर’ नूं पता चल गिआ सी कि इह घर हुण उस नूं लभ्भण नहीं लग्गा। असीं प्रेम सिंघ नाल तुरी जांदी भीड़ विचों हुण थोहड़ा हट के पिछ्छे-पिछ्छे तुर रहे सां। प्रेम सिंघ अगली गली ‘चों मुड़ के कहि रिहा सी, ‘‘ऐहो गिरजा सी… पता नहीं घर किउं नहीं लभ्भ रिहा!’’
ते उह भीड़ समेत दूजी गली विच मुड़ गिआ। मैं राइ साहिब नूं सवरगवासी शाइर गुलवाश दा शिअर सुणाइआ :
‘ख़त ‘ते लिखे संबोधन तों नां ख़ुश होवो
दिल ‘ते लिखे नां वी लोक मुक्कर जांदे नें
फिर वी तेरा घर किउं सानूं लभ्भदा नहीं
जद कि सारे रसते तेरे घर जांदे नें।
मैं रुक के इक होर गुआचे घर दे चुबारे ‘ते लिखी सिळ नूं पहड़न लग्गा। देव नागरी विच ‘ओम’ लिखिआ होइआ सी ते हेठां उरदू अख्खरां विच ‘जै स्री क्रिशन’
मैं इस चुबारे विच अध्धी सदी पहिलां वस्सदे जीआं दी कलपना कर रिहा सां कि किसे नें मेरे मोढे ‘ते हत्थ रख्खिआ। करड़-बरड़े वालां वाला कमज़ोर सरीर दा इक बंदा मेरीआं अख्खां ‘च अख्खीआं पा के कहिण लग्गा, ‘‘शाम चुरासी दा नां सुणिआ जे! मैं उथों दे रहिण वालां। आरीआ समाज दा मंदर हुंदा सी नां!… उहदे लागे सी साडा घर। कदी शामचुरासी गए ओ!…आरीआ समाज मंदर देखिआ जे नां!…मैनूं अजे वी याद है। साउण महीने दे दिन सन। मैं ते मेरा यार बचना खेडदे अंबां हेठां गए। उथे मेरा अब्बा ते बचने दा बाप खलोते सन। मैं आपणे अब्बा दी बांह फड़के एधर ओधर झूल रिहा सां कि चाचे सोहण सुंह दे पैरां विच इक रसिआ पक्का अंब आण डिग्गा। उस नें हत्थ वधा के उह अंब चुक्किआ, उस तों मिट्टी पूंझी ते फिर उस अंब ‘ते गड्डीआं मेरीआं नज़रां वेखीआं तां अंब मेरे हत्थ ‘च फड़ा दित्ता। बचना मेरे वल्ल वेखदा रहि गिआ…उस अंब दा सवाद मैनूं अजे तक्क नहीं भुल्लदा ते नां ही उह नज़ारा!…’’
उह इको साहे एना कुझ कहि गिआ सी। मैनूं तां उस नें बोलण दा मौका ही नहीं सी दित्ता। फिर उह खचरी मुसकणी ‘चों बोलिआ, ‘‘बचने दी दादी बथेरा आंहदी रहिंदी सी उस नूं वे! मुसलमानां घरों खाईं नां कुझ…पर मैं तुहानूं दस्सां! असीं उह इको अंब दोहां जणिआं नें मक्की दे खेत दी आड़ विच जा के वारी वारी चूपे लै के चूपिआ सी…’’
फिर उस नें डूंघा हौका लिआ ते आसे पासे आ जुड़ी भीड़ वल्ल वेख के किहा, ‘‘वाह! सरदार जी किआ दिन सन!…’’
मैं चुप्प चाप उहदे चिहरे वल्ल वेखदा उहदे मन विच झाकण दी कोशिश कर रिहा हां। पे्रम सिंघ भीड़ समेत अगलीं गली ‘चों वापस परत रिहा सी। उह दुखी सी कि उस नूं घर नहीं सी लभ्भा। पंजांह सठ्ठ बंदिआं दी भीड़ उस लई एने चिर तों खज्जल हो रही सी शाइद इस दी वी उहनूं अंदरे अंदर नमोशी सी। इलाके दे कौसलर नें साडे कोल पुज्ज के किहा, ‘‘बड़ा ज़ोर लाइआ पर सरदार हुरीं घर दा चेता भुला बैठे नें…’’
‘‘चेता तां नहीं भुल्लिआ। उह तां ऐथे। है…’’ उसने मत्थे नूं हत्थ लाइआ, ‘‘पर शहिर बहुत बदल गिआ। वंड तों बाद जदों मैं आइआ सां तां उदों मैं घर लभ लिआ सी पर अज्ज…’’
निराश हो के उह फिर सज्जे खब्बे वेखण लग्गा। शाइद सोच रिहा सी इक वार फेर चारा कर वेखे पर पिछले घंटे डेढ घंटे भर तों गिरजा घर दे आले दुआले दा इलाका तां उह कई वार घुंम चुक्का सी। काले बद्दलां नें शेख़ूपुरे दी छत्त कज्ज लई सी ते निक्की निक्की भूर तेज़ हो के कप्पड़े गिल्ले करन लग्गी। इस मौके दा लाभ लै के असीं किहा, ‘‘सरदार जी! चल्लीए! अग्गे वी जाणै।…’’
‘‘चलो भरा!’’ कहि के मण मण दे भारे कदम रख्खदा, लत्तां धूंहदा होइआ निराश पे्रम सिंघ कार वल्ल वधण लग्गा।
असीं आपणे दुआले जुड़ी भीड़ नूं धंनवादी हत्थ जोड़े ते कार विच बैठ गए। भीड़ दे चिहरे उते वी प्रेम सिंघ वाली निराशा बोल रही सी।
कार विच इक दुखांतक ख़ामोशी पसरी होई सी। इश ख़ामोशी नूं प्रेम सिंघ नें आप ही तोड़िआ, ‘‘चल्लो साह लै लिआ! आपणी धरती नूं याद करके नमसकार करके…’’
फिर उस नें संतुलित होण दा यतन कीता। ‘‘जदों पिछली वार आइआ तां घर लभ्भ लिआ सी। असीं दरवाज़ा खड़काइआ तां घर दी सुआणी बाहर आई। मैं किहा, ‘‘पाणी पीणा तुहाडे नलके दा…’’ कहिंदी साडे नलके दा ही किउं? होर किसे दा किउं नहीं? दस्सिआ तां ख़ुशी ख़ुशी गलास लै के भरन तुर पई’’ उह चुप्प कर गिआ ते दूर खिलाअ वल्ल वख्खण लग्गा। अज्ज अणपीते पाणी दा सुआद उहदा जीभ ‘ते तैर रिहा सी।
असीं किंना चिर कोई गल्ल नां कीती।