भारत विच्च भरोसे दी गल्ल तां बहुत चलदी है, पर बेभरोसगी जां भरोसेहीणता दा अमल किहड़ी हद्द तक साडे राह रोकण दा कंम करदा रहेगा, इस बारे कोई नहीं जाणदा। इस महीने दी सत्त तरीक दे दिन महाराशटर विच्च विरोधी गठजोड़ नें इक्क चोण इशतिहार जारी कीता अते उस विच्च आपणी जित्त दे बाअद वोटरां नूं कुझ लाभ देण दीआं गरंटीआं दित्तीआं सन। वोटरां वासते वाअदे करन दी बजाए गरंटीआं पेश करन दा अमल होर सारिआं तों पहिलां दिल्ली दे मुख्ख मंतरी बणन दा संघरश करदे अरविंद केजरीवाल नें देश दे लोकां मोहरे परोसिआ सी। उदों कई सिआसी पारटीआं अते आगूआं नें इस नूं पखंड अते वोटरां नूं भरमाउण दा इक्क नवां फारमूला किहा सी, पर अज्ज हर इक्क पारटी आपणे वाअदिआं नूं वाअदे कहिण दे उस पहिले समिआं दे ढंग दी थां गरंटीआं कहिण लग्ग पई है। वोटर यकीन तां कुझ नां कुझ कर लैंदे हन, पर सचाई इह है कि नां पहिलां वाअदिआं दे पूरी तरहां लागू होण दा पक्का भरोसा हुंदा सी ते नां अज्जकल्ल्ह पेश कीतीआं जांदीआं गरंटीआं विच्चों किसे नूं गरंटी दी कोई गल्ल जापदी है। फिर वी गरंटीआं दी जिहड़ी खेड इह चल्ल तुरी है, इस नें महाराशटर विच्च वी नवां रंग विखा दित्ता है अते उत्थे विरोधी गठजोड़ दीआं गरंटीआं दे भरोसे दा हाकम गठजोड़ दी मुखी धिर भाजपा नें वाहवा मज़ाक उडाइआ है अते इस मज़ाक बारे शिकाइत चोण कमिशन तक पुज्जी है। शिकाइत दे लिखती मुद्दे तां जो कुझ वी होण, दिलचसप गल्ल इह है कि भाजपा खुद गरंटीआं पेश करदी है, पर लोकां नूं इह कहिंदी है कि विरोधी गठजोड़ दीआं गरंटीआं दा भरोसा नां करो, इह अमल नहीं करदे, जदों कि कई गरंटीआं दी उलंघणा इह खुद कर चुक्की है।

गरंटीआं अते अमलां तों भज्जण दी शिकाइत नरिंदर मोदी दे 2014 दे वाअदिआं नाल जोड़ के आखी जांदी है। असीं इस नूं इंदरा गांधी वल्लों साढे पंज दहाके पहिलां पेश कीते ‘गरीबी हटाउ’ दे नाअरे तों शुरू कर सकदे हां। मैनूं इजाज़त मिले तां उस तों वी दो दहाके पहिलां मेरे पिंड अते उस वकत दे उस खेतर दे विधाइक प्रताप सिंघ कैरों दे वाअदिआं तों इह गल्ल शुरू कर सकदा हां। उह चोणां दे दिनां विच्च पिंडां विच्च बिजली वासते खंभे अते पक्की सड़क बणाउण लई बज्जरी सुट्टवा दित्ता करदा सी ते चोणां लंघदे सार रात दे वकत उस दी सरकार दे मुलाज़म आ के सारा कुझ टरक्कां विच्च लद्द के लै जांदे सन। ऐमरजैंसी टुट्टण दे बाअद जै प्रकाश नाराइण दी अगवाई विच्च जनता पारटी गठजोड़ दे आगूआं नें लोकां नूं करज़े मुआफ कर देण दा भरोसा दित्ता सी ते फिर राजीव गांधी नालों वख्ख होए वी पी सिंघ नें वी भारत दे प्रधान मंतरी बणन वासते चोण मुहिंम दौरान इहो वाअदा कीता सी, पर कदे मुआफ नहीं होए। अज्जकल्ल्ह दे प्रधान मंतरी अते उनहां दे टीम मैंबर वी सिरफ उह वाअदे लागू करदे हन, जिहड़े विरोधी धिरां चुक्क लैंदीआं हन, वाअदिआं अते गरंटीआं दी बाकी पंड बझ्झी रहि जांदी है। कमाल दी गल्ल इह है कि प्रधान मंतरी नरिंदर मोदी इक्को साहे लोकां नूं मुफत दीआं रिओड़ीआं दी पेशकश वी करदे रहिंदे हन ते नाल उह विरोधी धिरां उत्ते मुफत दीआं रिओड़ीआं वंडण दा दोश लाउण दी वी कसर नहीं छड्डदे। भारत दे लोकां दी हिंमत है कि उह मुफत दीआं असली रिओड़ीआं दा सवाद वेखण दी थां उनहां रिओड़ीआं दीआं गल्लां नाल मूंह विच्च पाणी भर जाण तों संतुशट हो के वी किसे आगू दी झोली वोटां नाल भर देण तक बगैर सोचण तों तुरदे जांदे हन।

कुझ दिन पहिलां असीं निआं पालिका दे अंदरली हालत बारे लिखिआ सी अते इस महीने फिर भारत दी सभ तों वड्डी अदालत दे इक्क फैसले नें इद्दां दी चरचा दा मुद्दा पेश कर दित्ता है। सुपरीम कोरट कहिंदी है कि किसे वी तरहां दे मुलाज़मां दी भरती लई कोई प्रकिरिआ जदों इक्क वार शुरू कर दित्ती जावे तां उस दे नियमां जां होर शरतां आदि विच्च वाधा-घाटा नहीं कीता जाणा चाहीदा। इह गल्ल बहुत वड्डी है ते बहुत अहिम वी, किउंकि भरती दे नियमां विच्च वाधे-घाटे दीआं बहुत सारीआं मिसालां मौजूद हन ते हर मिसाल पहिलीआं तों वध्ध हैरान करन वाली कही जा सकदी है। इद्दां दे कई केस पंजाब हरिआणा हाई कोरट विच्च पंजाब विच्चों वी अते हरिआणे विच्चों वी पहुंचदे रहे हन, जित्थे किसे विभाग दे मुलाज़मां दी भरती करन दे इशतिहार जारी कीते जाण पिछ्छों नियमां अते शरतां विच्च वाधा-घाटा कीता जांदा रिहा अते अदालत नें हर वारी इद्दां कीते जाण उत्ते नाराज़गी प्रगटाई होई है। इसदे बावजूद इंज करन दी आदत दोवां राजां दे आगूआं अते अधिकारीआं दी जारी है अते पता नहीं कदों तक इद्दां ही जारी रहेगी!

साडे कोल गवांढी राज हरिआणे दी मिसाल है कि इक्क मुख्ख मंतरी नूं उस दे पुत्तर अते कुझ होरनां दे नाल दस साल जेल्ह विच्च गुज़ारने पए सन। कारन इहो सी कि भरतीआं दे बहाने नोट कमाउण लई उस राज विच्च चलदी भरती प्रकिरिआ नूं मज़ाक बणा दित्ता सी। टीचर भरती कीते जाणे सन अते इस कंम लई सारे टैस्सट अते इंटरविऊ हो चुक्कण मगरों जदों चुणे जा चुक्के उमीदवारां दी सूची वी बोरडां उत्ते लाई जा चुक्की सी तां अचानक नियम बदलण दे नांअ उत्ते रातो-रात चुणे होए नौजवानां दी थां नवें चुणे गिआं वाली सूची जारी कर दित्ती सी। अगले दिनीं उह सूची पासे रख्ख के दूसरी अते फिर तीसरी भरती सूची जारी कर दित्ती गई तां रौला पै गिआ कि पहिलिआं दे पैसे मोड़े नहीं गए ते नविआं तों पैसे बटोर के नवींआं सूचीआं जारी कीतीआं जा रहीआं हन। जिस अफसर नें इह सारा किस्सा आम लोकां ते देश दीआं अदालतां अग्गे खोल्ह के खिलारिआ ते वाह-वाह खट्टदा रिहा सी, पिछ्छों इह पता लग्गा कि उह खुद इस गंदे धंदे विच्च शामल सी, सिरफ हिस्सा घट्ट मिलण तों रुस्स गिआ सी। सारिआं नूं अदालत नें सज़ा दे दित्ती, पर जिहड़ा पाप उनहां नें कीता अते फिर कीते पाप दा फल भुगतिआ सी, उह कंम अज्ज तक वी चल्ली जांदा है, किसे तरहां दा फरक ही नहीं पिआ, किउंकि भारत विच्च इक्क किस्सा सिरे लग्गण तक चार होर केस वापर जांदे हन। भरती दी प्रकिरिआ विच्च इद्दां दे घाले-माले कुझ कीते जांदे हन, कुझ सहिज सुभाअ हो जांदे हन, पर जिद्दां वी हुंदा होवे, आखर तां आम लोकां दे अणभोल पुत्तर-धीआं ही इसदा खमिआज़ा भुगतदे दिखाई दिंदे हन।

लीडर करन जां अधिकारी करन, जे उह किसे सरकार नाल जुड़े होए होण तां दुहाई पै जांदी है, पर इद्दां दा कंम अदालतां विच्चों वी कई वार हो जांदा है। पंजाब हरिआणा हाई कोरट विच्च इक्क वारी इद्दां दी भरती दे पेपर लीक होण दा रौला पिआ सी अते जिहड़ा अधिकारी प्रकिरिआ दी सुच्चता संभालण अते समुच्ची प्रणाली दा सरप्रसत होणा चाहीदा सी, उह वी खराबी करन दी खेड विच्च शामल निकलिआ सी। इस तरहां दा नहीं, पर इक्क किस्सा इस महीने पहिले हफते राजसथान दी हाई कोरट दे अनुवाद करतिआं दी चोण विच्च वी वापर गिआ अते जदों केस सुपरीम कोरट गिआ तां उत्थे नां सिरफ इह रद्द कीता गिआ, सगों भारत दे हर राज दी हर सरकार अते हर विभाग नूं अग्गों लई सुचेत कीता गिआ है। राजसथान हाई कोरट विच्च जदों भरती प्रकिरिआ शुरू हो चुक्की सी तां मुखी जज्ज साहिब नें अचानक नियमां विच्च तबदीली कर के नवीं शरत जोड़ दित्ती, जिस नाल बहुत सारे बच्चे मुकाबले तों लांभे हो गए। सुपरीम कोरट नें होर कोई सखती तां भावें नहीं विखाई, पर हाई कोरट दे मुख्ख जज्ज साहिब वल्लों लाई शरत गलत करार दे दित्ती है अते इसदे नाल भारत दे हर सूबे ते हर विभाग नूं संदेश दे दित्ता है कि किसे वी किसम दी भरती दी प्रकिरिआ दे शुरू होण मगरों इसदे नियमां दी किसे किसम दी तबदीली नहीं कीती जावेगी। किसे खास विअकती नूं दोशी भावें नहीं किहा गिआ, इस कारन कोई सज़ा वी नहीं दित्ती, पर इस फैसले नाल भारत दे लोकां विच्च इह गंढ बझ्झ गई है कि गलतीआं निआं पालिका दे खेतर विच्च वी चोखीआं हो जांदीआं हन।

इद्दां दे हालात विच्च जदों सानूं देश दे हर खेतर विच्च बेभरोसगी दा अमल दिखाई दिंदा है, सुपरीम कोरट दे मुखी जज्ज जसटिस चंदरचूड़ दे इस अहुदे उत्ते अंतले हफतिआं विच्च उस दी नुकताचीनी होण दा जिहड़ा माहौल बण गिआ सी, इस खेतर विच्च बेभरोसगी नूं उस नें होर गहिरा कीता है। भारत दी सभ तों वड्डी निआइक पदवी दे आखरी हफते बेभरोसगी अते इस तों अग्गे वध के कुड़त्तण वरगा प्रभाव देण वाली इक्क होर चरचा वी छिड़ी है। पता लग्गा है कि नौं जज्जां दे बैंच नें जदों दो जज्जां वल्लों विरोध ते सत्त जज्जां वल्लों पख्ख विच्च वोट वाला फैसला ऐलानिआ तां चीफ जसटिस चंदरचूड़ नें इसे मुद्दे उत्ते कई साल पहिलां इक्क इद्दां दा फैसला देण वाले जज्जां बारे कुझ टिप्पणी कीती सी। उनहां दी टिप्पणी बाहली बुराई करन वाली नहीं, उस समें अते अज्ज दे दौर दे फरक विच्च आम आदमी ही नहीं, जज्ज साहिबान दी सोच दा फरक दस्सण वाली कही जा सकदी सी। चरचा सुणी गई है कि इक्क जज्ज साहिब नें इस टिप्पणी मगरों चीफ जसटिस चंदरचूड़ साहिब नूं कहि दित्ता कि तुहाडी इह टिप्पणी ठीक नहीं ते जसटिस चंदरचूड़ नें इहो जिही गल्ल सुण के इह जिताउण दा यतन कीता कि तुसीं देश दे मुख्ख जज्ज नाल गल्ल कर रहे हो तां तुहानूं हद्द विच्च रहिणा चाहीदा है। इस तों इह वी बहिस छिड़ गई कि चीफ जसटिस कोई बहुत विलख्खणता वाला नहीं मंनिआ जा सकदा, मौजूदा जज्जां दा इक्क तरहां प्रधानगी करन वाला इक्क जज्ज हुंदा है, इस कर के उस बारे इहो जिही टिप्पणी कोई माणहानी करन वाली घटना नहीं। उनहां दी इहो जिही बहिस बारे किसे चैनल उत्ते हो रही चरचा दी वीडीओ असीं नहीं वेख सके, पर कुझ यूटिऊब चैनलां उत्ते उस मीटिंग विच्च इद्दां दा कुझ वापरन दे बारे चरचा बड़ी विसथार वाली हुंदी सुण लई है। जिहड़े जसटिस चंदरचूड़ दा निआं पालिका दी सिखरली पदवी तक पहुंचण अते उस दे बाअद वी कई चिरां तक इक्क खास तरहां दा सतिकार होण दी गल्ल हर पासे कही जांदी सी, उस दी सरविस दे आखरी हफते विच्च इद्दां दी बद-मज़ा बहिस दा होणा इह ज़ाहर करदा है कि इक्क दूसरे बारे कुड़त्तण अते बेभरोसगी निआं पालिका दे सिखर तक वी पहुंच चुक्की है।

असीं अग्गे कई वार लिख चुक्के हां कि जदों देश दी हर शाख उत्ते उल्लू बैठे होण दीआं कनसोआं सुण रहीआं हन, देश दी फौज ते देश दी निआं पालिका अजे वी वड्डी हद्द तक ओदां दी बदनामी खट्टण तों बचीआं होईआं हन। जो कुझ पिछले दिनीं सुपरीम कोरट विच्च हुंदा चरचा विच्च आइआ है, उस दे नाल मन विच्च खिआल आउंदा है कि जे इह दोवें खेतर वी बचे नां रहि सके तां भारत दा बणेगा की?