"नहीं! नहीं !! मैनूं एदां सोचणा वी नहीं चाहीदा। इह गुनाह है। लोकां दे भोळे भाळे बच्चिआं साहमणे गलत चीज़ां परोसणीआं... मतलब उहनां नूं गलत राहे पाउणा। पर मैं की करां, ऐनीआं वड्डीआं ज़िंमेवारीआं किवें निभावांगी? भुख्खिआं तों तां भगती वी नहीं हुंदी। मेरा कंम वी तां भगती ही है। सच्चा सुच्चा गाउणा, आपणे सभ्भिआचार नूं प्रफुल्लत करना, परिवार दे जीआं विच्च बहि के सुणे जाण वाले गीत, ज़िंदगी दीआं खुशीआं, दुख्खां सुख्खां दे गीत इह वी तां भगती ही है। भगती विच्च पैसा नहीं देखिआ जांदा, पर... परिवार दे जीआं दीआं लोड़ां पूरीआं करन लई तां पैसा ज़रूरी है फिर मैं किउं नां गा लवां... कुझ्झ इहो जिहा, जिस नूं लोक 'चक्कवां' आखदे नें। मेरी मां, मेरी भैण, मेरे पिता जी आपणे सभ्भिआचार दी सेवा करदे इस जहानों तुर गए। आह... सनमान चिंनह कोई पेट दी अग्ग थोहड़ो बुझाउणगे।

अगले ही पल खिआल आउंदा 'लै निरा पैसा तां सभ कुझ्झ नहीं हुंदा। जदों इह सनमान मिले सन उस वेले दीआं रौणकां ही होर सन। घर प्रशंसकां नाल भरिआ रहिंदा सी। वकत वकत दी गल्ल हुंदी है। माता पिता दे हुंदिआं घर विच्च बरकतां दी रौणक सी लोक वी खहड़ खहड़ के सलामां करदे सन। हुण...? हुण कोई सार नहीं लैंदा। सभ दा सर गिआ पर मेरा नी सरिआ मापिआं बिनां।'

उह बीते चंगे वकत बारे सोचदी कदे परल परल अत्थरू वहाउंदी कदे दुपट्टे दे पल्ले नाल हंझू अख्खां दे अंदरों ही चुक्क लैंदी। फिर मां नाल गल्लां करन लग्ग पैंदी, 'मां तैनूं याद ऐ नां... जदों असीं निक्कीआं हुंदीआं सी... तूं सानूं लोक गीत सिखाउंदी हुंदी सी। असीं तेरे नाल ही गाउंदीआं। जे साडे तों गाउण लग्गिआं कोई गलती हो जांदी तां तूं इस गल्ल दा लिहाज़ नहीं सी करदी कि असीं तेरीआं धीआं हां। साडा गाउणा रोक के झिड़क के अते पिआर नाल साडा बोलणा दरुस्सत करदी जिस दा सदका सानूं आपणी मां-बोली सुहणे तरीके नाल बोलणी आई अते गाउणा वी आ गिआ। मां तूं किउं तुर गई? मैं 'कल्ली घर दीआं ज़िंमेवारीआं किवें निभावां? लोक कहिंदे नें डाढा रब्ब पता नी कित्थे खपा लैंदा जाण वालिआं नूं। मैं वी एदां ई सोचदी रहिंदी आं।' उस दे कंनां दीआं ठूठीआं अत्थरूआं नाल भरीआं पईआं सन। पासा बदलिआ तां इक्क पासे वाला खारा पाणी सिरहाणे 'ते डुल्ल्ह गिआ।

आपणे ही खिआलां दी उधेड़ बुण विच्च उलझी सी। घर दीआं तंगीआं तुरशीआं करके उस नें आपणा घर वी वेचण 'ते ला दित्ता सी। जीअ करदा सी किते दूसरे देश चली जावे। सोचदी... 'की रख्खिआ ऐ इत्थे हुण ? कोई उहनां दी सभ्भिआचारक गाइकी नूं सुण के राज़ी नहीं। नवें नवें गाइक पैसे कमाउण ख़ातर नशिआं दे, मार धाड़ दे गीत गा के चहड़दी उमर दे बच्चिआं नूं फोकी फूं फां विच्च फसा के उहनां दीआं ज़िंदगीआं नूं कुराहे पा रहे हन। मेरी मां तां सुहाग, घोड़ीआं गाउंदी सी उस नें सानूं वी सिखाइआ। पर हुण दुनीआं गरकण 'ते आई पई ऐ भैण -भरा वी 'कठ्ठे गंदे मंदे गाणिआं 'ते नच्ची जाणगे। आह गाउण वालिआं नूं इहनां दे परिवारां दीआं बीबीआं भैणां नी कुझ्झ आखदीआं होणगीआं कि किउं गंद मंद गा के धीआं भैणां दे दोखी बणदे ओ? की पतै... कहिंदीआं होण इहो जिहे सिर फिरे किसे दा कहिणा नहीं मंनदे। बस समाज नूं गंधला करन 'ते लग्गे होए नें। उहनां दी ज़मीर उहनां नूं किउं नहीं लाहनतां पाउंदी। इहनां लोकां नूं ऐनी वी समझ नहीं कि लोकां दे बच्चिआं नूं कुराहे पा के उहनां नूं नशिआं वाले गीत सुणा के मौत दे मूंह वल्ल तोरन वालिआं दा कदे भला नहीं हुंदा।' इहनां ही ख़िआलां दी उधेड़ बुण विच्च उह कदे आपणे हंझूआं नूं बिनां रोक टोक वगण दिंदी,कदे अख्खां विच्च ही सुकाउण दा यतन करदी।

" मां! तूं जुगनी किंनी कमाल दी गाउंदी हुंदी सी। तेरी लंमी हेक 'ते लोक अश अश कर उठ्ठदे सन। असीं निक्कीआं हुंदीआं तेरे नाल जांदीआं, सानूं लग्गदा हुंदा सी जिवें सा...रा... ब्रहिमंड तेरी हेक नाल गूंज उठ्ठिआ होवे। सरोतिआं दे लूं कंडे खहड़े हो जांदे सन। जापदा हुंदा सी सारे सरोते साह रोक के सुण रहे होण। मेरी भैण तुर गई... मैनूं जापिआ मेरी इक्क बांह टुट्ट गई... फिर तूं वी चली गई, मेरीआं दोवें बाहवां बेजान होईआं जापीआं। मेरे दोवें पासे सुंने हो गए। पिउ मैनूं दिलासा दिंदा, मैं पिउ दे चिहरे 'ते खुशी देखण लई सारी ताकत तेरीआं सौंपीआं ज़िंमेवारीआं नूं निभाउण 'ते ला खहड़ी होण दी कोशिश करदी रही। पर पिउ वी तेरी पैड़ दब्बदा तेरे पिछ्छे ही तुर गिआ। मैनूं लग्गदा ऐ लोक गीत सुणन वाले वी तुहाडीआं पैड़ां नप्पदे पता नहीं किध्धर नूं तुर गए। पूरा मेला ही विछ्छड़ गिआ। जिहड़ा कंम आपां सारे जणे रळ मिळ के करदे सी, मैं भलां 'कल्ली किवें कर सकदी आं...।" उस दीआं सोचां दे परिंदे सारी सारी रात उडारीआं लाउंदे रहिंदे, कदे रोंदे कदे बीते चंगे दिनां नूं याद कर के खुशी महिसूस करदे।

जदों बिमार भैण पासा परतदी तां उह उठ्ठ के उस नूं देखण लग्गदी। बच्चिआं नूं पंजाबी लोक गीतां नाल जोड़न दी कोशिश करदी। कई वार बच्चे उस नूं कहिंदे महिसूस हुंदे, 'की रख्खिआ तेरे लोक गीतां विच्च जिहड़े परिवार दा ढिड्ड नहीं भर सकदे।' जदों बहुती औख हुंदी आपणे आप नूं आपे मिहणा मारन नूं जीअ करदा, कदे मां लई उलांभा उठ्ठदा, "की खट्टिआ चंगा गा के, जे आप जाणा ही सी जुगनी नूं तां मेरे कोल छड्ड जांदी।" उस नूं जापदा सी जुगनी वी मां दे नाल ही चली गई।

जदों मन खिझ के उस नूं लीहों हट के गाउण लई आखण दी कोशिश करदा तां मां वल्लों दित्ती फुलकारी उस नूं गल्लां करदी जापदी जिवें आख रही होवे, " इह तैनूं मैं गीतां दा सिर कज्जण लई दित्ती है। आपणे गीतां दा सिर नंगा नां होण देवीं।" फिर उस नूं मां दीआं गल्लां चेते आउण लग्ग पैंदीआं...औखे सौखे समें नें लंघ ही जाणा हुंदा ऐ।इह फुलकारीआं नूंहां धीआं नूं सुहज लई ही नहीं दित्तीआं जांदीआं इहनां खूबसूरत फुल्ल पत्तीआं दे विच्च बहुत सारीआं ज़िंमेवारीआं वी छुपीआं हुंदीआं नें जिहनां नूं निभाउण दा भार मोढिआं 'ते आ पैंदा है।

उह फुलकारी दी बुक्कल मारदी। थोहड़ी देर बाअद उस नूं जापदा इह ज़िंमेवारीआं निभाउण दी उस विच्च हिंमत नहीं। कदे उस नूं जापदा कि इस फुलकारी नाल उस दी हिंमत कई गुणा वध जांदी है। मन कदे डिग्गदा कदे खहड़ा हो जांदा। उह किंना किंना चिर मां वल्लों दित्ते इस अनमोल तोहफ़े नूं निहारदी कदे उस दे रेशमी फुल्लां 'ते हत्थ फेरदी पता नहीं किहड़ीआं सोचां विच्च गुआच जांदी।

" मां! नानी दी याद आउंदी ऐ नां तुहानूं ?" जदों उस दी बेटी उस दे लक्क दुआले बाहवां वळ के आखदी तां उस दी सोचां दी लड़ी टुट्ट जांदी।

" नानी तां किते नी गई मेरे अंदर ई किते लुकी होई ऐ। जदों मैं किते गाउंदी आं तां मेरे गळे विच्च आ बैठदी ऐ।" सच्ची जदों उह गाउंदी तां उस दी मां अते भैण उस दे दोवें पासे आ खलोंदीआं। पिउ उहनां सारिआं दे पिछ्छे खहड़ा हुंदा। जदों उह गा के सटेज तों उतरदी तां उह तिंनों पता नहीं किध्धर गाइब हो जांदे। जदों उह उदास होण लग्गदी तां उस दे अंदरों ई कितों आवाज़ आउंदी... असीं तेरे नाल ई आं किते नी गए। उह मुसकरा उठ्ठदी मनोमनी आखदी... 'मैनूं पतै तुसीं मेरे नाल ओ। तुहानूं पतै मैं वी किंनी ज़िद्दी आं...किते नी जाण देणा तुहानूं।' भावें उह संभलण दी कोशिश करदी पर ज़िंमेवारीआं अते तंगीआं तुरशीआं फिर आ घेरदीआं।

इक्क दिन किसे चैनल वालिआं दा फ़ोन आइआ। उह इंटरविऊ लई समां मंग रहे सन। उस दी मां वेले दी जाण-पछाण दे सन। उस नें उहनां नूं समां दे दित्ता। इंटरविऊ समें उस दीआं अख्खां विच्चों वगदे अत्थरू हज़ारां लख्खां दरशकां दीआं अख्खां विच्चों वग तुरे सन। बहुत सारे उहनां दी गाइकी नूं पिआर करन वालिआं दे हत्थ मद्दद लई वधे। उस दा आखणा सी...मद्दद नहीं कंम चाहीदा ऐ। लोकां दी प्रतीक्रिआ नें उस नूं हौंसला दित्ता। कईआं आखिआ... सानूं तां पता ही नहीं सी परिवार औख विच्च है। बहुत सारे हत्थ दुआवां लई उठ्ठे, बहुत सारे अशीरवाद लई अते बहुत सारे मद्दद लई। उस दा मन खुशी नाल भर गिआ, चंगा सुणन वाले वी बहुत हन। उह सोचण लग्गी।

सवेर हुंदिआं फोन वज्जिआ किसे आखिआ, " भैण जी बेटे दा विआह ऐ घोड़ीआं तुसीं गाउणीआं नें।" किसे आखिआ, " धी दा विआह ऐ तुसां ज़रूर आउणा ऐ।" उस दी धी नें नाल गाउणा शुरू कर दित्ता अते मां दे नाल गई जुगनी उस नूं हस्सदी खेडदी आखदी जापी," जे तेरी मां किते नहीं गई, गई मैं वी नहीं, तेरे नाल ई हां। उस नें मुसकराउंदिआं पुछ्छिआ," तूं परत आई एं? " अग्गों जुगनी नें वी हुंगारा भरिआ। उस नूं प्रतीत होइआ...उस दे गळे अंदर जुगनी नें आपणी थां मल्ल लई।