साल 1978

मैं आपणे पिंड सुर सिंघ दे हाई सकूल विच्च आपणी जमात दा पीरड ला के दफ़तर विच्च आण के बैठा ही सां कि सकूल दे गेट अग्गे इक्क जीप रुकी। उस विचों ख़ाकी वरदी वाला अफ़सर, अग्गे नूं थोहड़े कु मोढे झुका के तुरदा होइआ इंज लग्गा जिवें मोढिआं ’ते लिशकदे सटार विखाउण लई उचेच कर रिहा होवे। उसदे पिछ्छे पिछ्छे उसदा सहाइक। उह दफ़तर विच्च आ वड़े।

मैं सोचिआ, “लै पै गिआ फेर कोई सिआपा!”

अफ़सर नें पुछ्छदीआं नज़रां नाल साहमणी कुरसी ’ते बैठे मुख्ख अधिआपक नूं पुछ्छिआ, “वरिआम सिंघ संधू?”

मुख्ख अधिआपक नूं मेरे वाला फ़ुरना ही फुरिआ होणा एं। मुसकरा के बड़े अदब नाल कहिंदा, “साहिब बहादर! तुसीं बैठो तां सही कुरसी लै के। संधू साबह एथे ई नें। आह वेखो। लिआ बई बुढ्ढा सिअहां! पाणी दा गिलास सरदार साबह लई।”

पर ‘साहिब बहादर’ कुरसी ’ते नहीं बैठा। मेरी कुरसी वल्ल वधिआ। बड़े तपाक नाल मेरे नाल हत्थ मिलाइआ। उसदे मिलण विचली गरमजोशी नें मेरा साह सौखा जिहा कर दित्ता। मैं हैरान वी होइआ। पुलिस विच्च ‘एडा मेरा किहड़ा दरदी!’

 

हुण तुसीं अंदरे अंदर हस्सदे होवोगे कि एडा नाटकी द्रिश सिरजण दी भला की लोड़ सी! सारे जाणदे नें उह ‘साहिब बहादर’ आपणा किरपाल सिंघ पंनूं ही सी।

मैं कदों मुक्करदां। है तां किरपाल सिंघ पंनूं ही सी पर इक्क वार तां जनाब नें मेरा तराह कढ्ढ दित्ता सी। अज्ज तक्क मैनूं पुलिस ‘लैण’ ई आउंदी रही सी, ‘मिलण’ कदी नहीं सी आई ते उह वी एस मुहब्बती ते मिलापड़े अंदाज़ विच! उहनीं दिनीं सरकार दा कुझ्झ वधेरे ही ’चहेता’ होण करके पुलिस दे ‘आउण’ ते मैनूं ‘लै जाण’ दा माण अकसर मिलदा रहिंदा सी। हुण वी मैं उहनां नूं वेख के इहो ही लख्खण लाइआ सी कि ‘लाल पगड़ीआं वाले आलोचक’ मेरे ‘कीते कंमां ते लिखतां दी दाद देण मुड़ तों आण धमके हन।’

कुरसी उत्ते बैठ के पंनूं मेरा वज्ज बणा रिहा सी। पिछले दिन उह अंम्रितसर दे बस्स अड्डे ’ते किताबां रिसाले वेख रिहा सी ते कुझ्झ विशेश साहितकारां दीआं नवीआं छपीआं किताबां बारे पुछ्छ रिहा सी कि सटाल ’ते खलोते मेरे किसे जाणू पाठक नें पुछ्छिआ, “तुसीं साडे इलाके दे लेखक वरिआम सिंघ संधू नूं पहड़िआ ए?” ते फिर मेरीआं गल्लां चल्ल पईआं। पंनूं नें उसतों मेरे पिंड ते थां-टिकाणे बारे पुछ्छिआ। मैं तां उसदी पहुंच विच्च सां। पंनूं उदों मेरे पिंड तों सवा-डेढ मील दी वित्थ ’ते बणी बी ऐस ऐफ़ दी छाउणी विखे ताइनात सी। अगले दिन छाउणीओं निकलदिआं उसने डराईवर नूं जीप मेरे पिंड वल्ल मोड़न लई किहा ते हुण असीं आहमो-साहमणे सां।

ओथों उठ्ठ के असीं घर चले गए। जल-पाणी पीता, गल्लां-बातां हुंदीआं रहीआं। जाण लग्गा उह मेरे रोकदिआं रोकदिआं ते कहिंदिआं कहिंदिआं कि ‘इह मेरे कंम दी चीज़ नहीं’ उह उचेचे तौर ’ते मेरे लई लिआंदी रंम दी बोतल रख्ख गिआ ते मेरे कोलों कुझ्झ किताबां दे नाल नाल मेरा दिल वी आपणे नाल लै गिआ। नां उसने मुड़ के मेरीआं किताबां मोड़ीआं ते नां दिल ही। पर उसदे मिलण आउण नाल मेरी चंगी भल्ल बणी। सकूल दे मासटर ते पिंड दे लोक समझण लग्गे कि ‘मैं वी कुझ्झ हां’ जिहनूं एडे एडे अफ़सर ‘सलाम’ करन आउंदे नें।

साडीआं मिलणीआं दा निक्का जिहा सिलसिला चल्ल के छेती ही बंद वी हो गिआ। फिर लंमां अरसा उस वल्लों कुझ्झ सुख-सुनेहा नां पुज्जा। इक्क दिन इक्क बंदा आइआ। कहिण लग्गा, “पंनूं साहिब दी बदली जंमू-कशमीर वल्ल हो गई ए ते उहनां तुहाडे लई कुझ्झ समान भेजिआ ए।”

इह जूस दीआं बोतलां सन ते नाल अख़रोटां दी पोटली। पंनूं दूर जा के वी मेरे नेड़े सी। पहिलां ‘रंम’ दे रूप विच्च ते हुण ‘जूस’ दे रूप विच।

फिर असीं अजिहा विछ्छड़े कि ‘कुंभ दे मेले’ ’ते विछड़िआं दे सालां बाअद मिलण वाली गल्ल हो गई। पहिली मिलणी तों पूरे दस साल बाअद मैं गुरू गोबिंद सिंघ ख़ालसा कालज चंडीगहड़ विच्च कहाणी पहड़न गिआ। पंनूं पंजाबी लेखिका काना सिंघ दे संग-साथ टहिकदा होइआ ओथे पहुंचिआ। इहनीं दिनीं उह नौकरी तों सेवा-मुकत हो के मोहाली रहि रिहा सी। एस मिलणी तों बाअद असीं फिर ‘कुंभ दा मेला’ वेखण चले गए ते मुड़ विछ्छड़ गए। मुड़ नां मैं ते नां पंनूं आपस विच्च संपरक साध सके।

मुड़ 1999 विच्च मैं आपणे लड़के दे विआह विच्च शामल होण लई टरांटो गिआ तां पता लग्गा कि किरपाल सिंघ पंनूं टरांटो रहिंदा है ते सभ साहित-प्रेमीआं ते कलाकारां दे दिल विच्च वड़िआ होइआ है। सेवा-मुकत होण तों पिछ्छों उह 1991 विच्च कनेडा चला गिआ सी। एथे हर कोई उहनूं जाणदा सी। इह वी पता लग्गा कि उसने कंपिऊटर उत्ते उंगलां मार मार के इस खेतर विच्च कई नवीआं प्रापतीआं कर लईआं नें। पंजाबी फौंटां तिआर करन विच्च बड़ा विशेश रोल निभाइआ है। शाहमुखी-गुरमुखी लिपीआं नूं आपस विच्च तबदील करन लई संसार विच्च मुढला ते पहिला कंम उसने ही कीता है ते इस कारज लई शाहमुखी दी बाबाफरीद फौंट वी उसारी है; उसने स्री गुरू गरंथ साहिब दा वी शाहमुखी विच्च लिप्पीअंतर कीता है। इसतों इलावा वैब्ब साईटां उत्ते सारीआं फौंटां दे अख्खर खिल्लर जाण दी समस्सिआ दा हल्ल खोजिआ है ते लग्ग पग्ग सारीआं गुरमुखी फौंटां उत्ते उह टरीटमैंट दित्ता जाण लग्गा है; पंजाबी शबद जोड़ चैक्क लई हरकीरत सिंघ वाळा शबदजोड़ टाईप कीता अते उसनूं कंपिऊटर दी कसटम डिकशनरी विच्च पा दित्ता है। लग्ग पग्ग गुरमुखी दीआं सारीआं फौंटां दा इक्क दूजे विच्च कनवरशन तिआर कीता है आदि आदि।

हैरानी होई; इक्क ‘फौजी’ ते एने बरीक खेतर दी जाणकारी ते उह वी आपणे बल-बुत्ते; बिना किसे अगवाई तों। केवल आपणी खोजी बिरती ते मिहनत दी बदौलत। ज़रूर उस विच्च लुकी प्रतिभा दा ही कमाल तां सी। सोचिआ, जे उह सिपाही तों अफ़सर बण सकदा है तां उह इह सभ कुझ्झ भला किउं नहीं कर सकदा! फिर ख़िआल आइआ; नहीं, सिपाही तों अफ़सर तां होर वी अनेकां लोक बणे नें पर किरपाल सिंघ पंनूं बणना बड़ा औखा है। इह वख्खरी गल्ल है कि पंनूं अनुसार हरेक बंदा उस वांग कर सकदा है ते उस जिहा बण सकदा है। एसे भरोसे ’ते ही उह मेरे वरगिआं नूं हौंसला देवेगा कि मैं वी कंपिऊटर दीआं बरीकीआं सिख्ख सकदा हां। पर कित्थे ‘राजा’ किरपाल सिंघ पंनूं ते कित्थे ‘जट्ट-बूट’ वरिआम सिंघ संधू!

मैनूं इह वी पता लग्गा कि पंनूं लेखक वी बण गिआ है। कविता वी लिखदा है ते कहाणी वी। सगों इसतों वी अग्गे वध के उह ‘उसताद’ लेखक बण गिऐ अते नवें लेखिक-लेखिकावां नूं लिखण दे गुर सिखाउंदा है ते उहनां दीआं लिखतां दी इसलाह वी करदा है। कनेडा दे कई चरचा विच्च आए लेखक इह मंनदे हन कि उहनां नूं सिरजणातमक हुलारा देण विच्च पंनूं दा हत्थ है। इह वी पता लग्गा कि उह अख़बारां लई लेख वी लिखदा है ते ‘ठरकी दी अख्ख ’चों’ कालम अधीन मीडीए ते साहित दी आलोचना वी करदा है।

पंनूं तां मेरे साहमणे सतरंगी पींघ दे सत्तां रंगा वांग खिल्लरिआ नज़र आउण लग्गा। इक्क इकल्ले बंदे विच्च एनी विविधता ते एनी समरत्था। मैं उसनूं मिलण लई मुड़ तों तांघण लग्गा।

मैनूं कनेडा दी इमीग्रेशन मिली तां कुदरत नें पिछले विछोड़िआं नूं धो सुट्टिआ। असीं दोवें नेड़ले गवांढी बण गए। साडे दोवां दे घर कां-उडारी मुताबक मापीए तां सिरफ़ सौ गज़ दी दूरी ’ते होणगे। पर असीं ‘कां’ तां नहीं नां, ‘बंदे’ हां; ते जे बंदिआं वांग वळ-वळा के सड़कां राहीं इक-दूजे वल्ल आईए-जाईए तां वी मसां पंदरां-वीह मिंट लग्गदे नें। असीं रोज़ सैर करन दा नेम बणा लिआ। सवेरे सैर करनी होवे जां शाम नूं विचकारली वड्डी सड़क ‘बोवेरड’ साडी झनां बण जांदी है। जिहड़ा पहिलां पहुंच जाए उह ‘महींवाल’ बण के लाईटां तों पार दूजे नूं उडीक रिहा हुंदा ए। बहुती वार मैं ही झनां पार करके उस पासे जांदा हां किउंकि असीं सैर उहदे घर वाले पासे दीआं सड़कां ’ते करदे हां। जे किते कोई जणा लेट हो जाए तां दूजा तुरदा तुरदा ‘बुरे’ दे घर तक्क अप्पड़ जांदा है। सैर तों वापसी ’ते पंनूं उहनां लाईटां ते मैनूं विदा करन आउंदा है। मैं जिंनां चिर सड़क पार करके पिछ्छे नूं वेख के उहनूं हत्थ नां हिलावां उह ओथे खलोता रहिंदा है।

जदों अजे असीं सैर शुरू नहीं सी कीती मैं इक्क दिन फिरदा फिराउंदा, तुरदा होइआ पंनूं दे घर कोलों लंघिआ तां सोचिआ जांदा जांदा सलाम ही बुला जांदा हां। कनेडा विच्च किसे दे घर बिना पुछ्छिआं जाण दा रिवाज नहीं पर मैं जेरा कर लिआ। बैल्ल सुण के पंनूं नें बूहा खोल्हिआ पर बूहे ’च डट के खलोता रिहा ते बिना अंदर आउण दा सद्दा दित्ते अजनबीआं वांग मैनूं कहिंदा, “दस्सो।” मैं छित्था जिहा तां होइआ पर आपणे ख़ास अंदाज़ विच्च किहा, “जनाब! बिनां पुछ्छिआं किसे दे घर आ जाणा है तां बंदे दी हिमाकत ई। पर इस घर नूं आपणा घर ते तुहानूं आपणा बंदा समझण दी भुल्ल करदिआं होइआं मन बेकाबू जिहा हो गिआ। एधर दी गुज़र रिहा सां तां सोचिआ हज़ूर नूं सलाम कीते तों बिना लंघ जाणा गुसताख़ी होवेगी। हुण अंदर आउण लई तां तुसां मैनूं कहिणा नहीं। मेरी सलाम कबूल करो ते बेआराम करन लई कीते गुनाह लई मुआफ़ करो।” मैं वापस मुड़न लई अहुलिआ। पंनूं हस्स पिआ ते अंदर लंघण लई राह छड्ड दित्ता। फिर दिल दे दरवाज़े ही खोल्ह दित्ते। दो घंटे गप्पां वी मारीआं। जल-पाणी वी छकाइआ ते कंपिऊटर बारे धक्के नाल जाणकारी देण दी कोशिश वी कीती ते इह वी हदाइत कीती कि मैं इक्क दी थां अठ्ठ उंगलां नाल टाईप करिआ करां। इह घटना सुनाउण तों मेरी मुराद है कि कई वार पंनूं तुहानूं बड़ा ख़ुशक ते रुख्खा लग्गेगा। फ़ोन उत्ते वी कोई आपणा नां दस्से तां उह कोरा जिहा हो के आखेगा, “हां, अग्गे गल्ल कर।” जिवें छेती यभ्भ निबेड़ना चाहुंदा होवे। उसदे भेती जाणदे नें कि इह तां बदाम दी उतली छिल्लड़ वरगा उतला उतला पंनूं है; असली पंनूं तां हेठां मिठ्ठी गिरी वांग लुकिआ होइआ है। इक्क दिन फेर मैं पंनूं दे घर कोलों लंघिआ पर बैल्ल नां कीती। बाअद विच्च दस्सिआ कि मैं तुहाडे घर कोलों लंघिआ सां तां उह कहिंदा, “वेख ला फौजीआ! चंगी नहीं करदा। कोलों दी लंघ जांदा एं। तेरे लई तां दिल दे दरवाज़े सदा चौड़-चुपट्ट खुल्ल्हे रहिंदे नें।” इहनां खुल्ल्हे दरवाज़िआं दा लाभ इह है कि असीं दोवें जीअ पंनूं दे घर जदों चाहीए आपणे घर वांग बिना किसे पूरव सूचना दे जा वड़दे हां। असल गल्ल तां इह है कि हुण साडी पंनूं नालों वी वध्ध रसाई आपणी वड्डी भैण मिसिज़ पतवंत कौर पंनूं नाल हो गई है। हुण पंनूं नूं कौण पुछदै!

साडी सांझी सैर दौरान पंनूं दी शख़सीअत दे अनेकां रंग मेरे अग्गे खिड़ने शुरू हो गए। मैं उसदी ज़िंदगी बारे जां किसे मसले बारे उसनूं सवाल कर दिंदा हां। पंनूं बोलणा शरू करदा है ते फिर बोली जांदा है। उहदे मन-मसतक दीआं पिड़ीआं उध्धड़दीआं जांदीआं हन। कदी बचपन दे, कदी जवानी दे, कदी मुहब्बत दे ते कदी संघरश दे दिन उहदे बोलां विच्च लिशकण लग्गदे हन। उह धुर अंदर तक्क रौशन हो जांदा है। ते आतमा उहदी ऐन साफ़-शफ़ाफ़ दुध्ध धोती लिश लिश करदी दिसण लग्गदी है। उस विच्च कोई मैळ नहीं, कोई उहला नहीं। कदी उह लिशकदे संगमरमरी सुडौल जिसम नाल पेंडू टूरनामैंटां विच्च कबड्डी खेडदा नज़र आउंदा ते कदी कालज दे हाकी दे मैदान विच्च विरोधी टींम दे गोलां दा फट्टा खड़काउंदा दिसदा। पसीनो—पसीना होए उसदे दरशनी गुलाबी जुस्से नूं वेख के जवानां नूं उस वरगा दिसण ते बणन दा शौक जागदा। फिर कालजों निकल के उह भरती करन वाली लाईन विच्च खलोता दिसदा ते चोणवें जवान वजों भरती होण दा माण हासल करदा। कदी आपणी नव-विआही पतनी दे अंग-संग वरहदे मींह विच्च भिज्जण दे अनंद नाल भाव-विभोर होइआ अजे वी भिज्जी जांदा। कदी कलकत्ते विच्च संन चुरासी दे घलूघारे दे दिनीं आपणी पुराणी मुहब्बत दे बरूहीं, उसनूं संकट विचों बचाउण अते आपणे जिगर तों विछोड़े दे दाग़ धोण लई, वरहिआं बाद जा खलोंदा। कदे आपणे अफ़सरां ते उसतादां दीआं मिहरबानीआं अते वधीकीआं दा ज़िकर करदा ते कदी आपणे असूलां ’ते बेख़ौफ़ हो के डट जाण दी कहाणी छुह लैंदा। कदी डिऊटी निभाउंदिआं मौत दे मूंहों बचण दा बिरतांत सुणाउंदा अते कदी तिलंगे फौजीआं दे छड़े-छड़ांग हासे मज़ाक ते ठहाकिआं दा आनंद लैंदा। इह सारा कुझ्झ करदिआं उह सिपाही तों डिपटी कमांडैंट दे अहुदे तक्क पहुंच जांदा।

उसनूं पता उदों लग्गदा है जदों साडे मिलण-बिंदू वांग साडा विछड़ण-बिंदू वी, ‘बोवेरड’ दी सड़क आ जांदी है। उह हस्स के आखेगा, “वेख ला फौजीआ! तूं चंगी नीं करदा। मैनूं गल्लीं ला छड्डिऐ, आप बोलिआ तक्क नहीं।” मैं कल्ल्ह नूं ‘बोलण’ दा वाअदा करदा हां। कल्ल्ह आ जांदा है तां मैं फिर नवां सवाल करदा हां। पंनूं सहिजे ही मेरी अज्ज दी वारी दा पाणी वी आपणी जीवन-कहाणी दे खत्तिआं विच्च छड्ड लैंदा है। मैं उहदे पाणी दे नाल वहिणा शुरू कर दिंदा हां।

पंनूं बहुत मिहरबान अते दिआलू दोसत है। तुहाडे किसे वी कंम आ सकण दे चाअ अते जोश नाल लबा-लब भरिआ होइआ। किसे दिन सैर तों ग़ैर-हाज़र होण दा सबब्ब जानणा होवे तां उह दस्सेगा, “…दे घर गेट अग्गे पत्थर ला के पौड़ीआं ठीक करनीआं सन। मैं आखिआ, असीं आ जांदे आं। मैं घरवाली ते…नूं नाल लै गिआ। असीं सारी दिहाड़ी ला के उहदीआं पौड़ीआं शाम तक्क मुकंमल कर दित्तीआं।” कदी आखेगा, “…दा बगीचा तिआर करना सी। असीं दोवें जीअ चले गए। शाम तक्क गोड-सवार के किआरीआं वी बणा दित्तीआं ते फुल्ल-बूटे वी ला दित्ते। तुसीं दस्सो किस दिन तुहाडा बगीचा ठीक करन आईए?”

उहनूं हत्थीं कंम करन दी कोई झिजक नहीं। उह कनेडा विच्च आ के मुढले संघरश दी कहाणी बड़े माण नाल सुणाउंदा है। किवें सारा परिवार टुट-टुट खेतां विच्च दिहाड़ीआं लाउंदा रिहा। पसीनो-पसीनी हुंदा रिहा। मैं पुछ्छदा हां, “अंदरली अफ़सरी नूं दिहाड़ी करदिआं तकलीफ़ नहीं सी हुंदी?” उह कहिंदा, “तकलीफ़ काहदी! कंम तां कंम है। अफ़सरी दा होवे जां खेतां दा। इस विच्च शरम काहदी! कंम प्रती सतिकार वाला नज़रीआं ही उसनूं किसे वी मित्तर दे घर जा के उस लई बेलचा वाहुण विच्च छोटा नहीं होण दिंदा। इंज करदिआं तां सगों उह होर वड्डा हो जांदा है। उह तां खुशबू वांग हर घर ते हर दिल तक्क पहुंचण दा तलबगार है।

पिछले दिनीं कहाणी-मंच दी मीटिंग सी। पंनूं सारे कथाकारां लई निक्के निक्के गमलिआं विच्च तिआर कीते तुलसी दे बूटे दरजनां दी गिणती विच्च परशाद वजों चुक्क लिआइआ। संगी-साथी नाले आपणी पसंद दे बूटे चुण चुण अड्ड करी ते सांभी जाण, नाले धंनवादी बोलां नाल पंनूं नूं सरशार करी जाण। पंनूं नूं इह करना ते इसतरहां सुणना चंगा लग्गदा है। असल विच्च तुसीं अजे सोचिआ वी नहीं हुंदा कि पंनूं किसे विशेश सिलसिले विच्च तुहाडे किवें कंम आ सकदा है पर पंनूं नें तुहाडी सहाइता करन दी कोई न कोई विरल आपे ही लभ्भ लई हुंदी है। तुसीं उस बंदे दी नेक-दिली, कंम आउण दी डुल्ल्ह डुल्ल्ह पैंदी लोचा नूं महिसूस के विसमादी ख़ुशी नाल भर जांदे हो। उसदा अजिहा मिकनातीसी सुभा अगले नूं बदो-बदी खिच्च के आपणे नाल जोड़ लैंदा है। मैं वेखिआ है कई वार सैर करदिआं कुझ्झ बंदिआं नाल असीं पारक विच्च जां किसे राह-खहिड़े पहिली वार मिलदे हां। पंनूं दी सिफ़त है कि उह मेरी पछाण बड़ी गड्ड के कराउंदा है। किसे दूजे दी वडिआई करनी किसे वड्डे दिल वाले दा कंम है। पंनूं दा दिल बहुता ई वड्डा है। पर कुझ्झ दिनां बाअद पता चल्लदा है कि उह बंदा जिहड़ा कुझ्झ दिन पहिलां सानूं दोवां नूं इको थां ते इक्को वेळे मिलिआ सी, उह मेरी वडिआई तां भुल्ल-भुला चुक्का हुंदा है ते पंनूं दा मद्दाह बण के उसदा बड़ा नेड़ला बंदा बण चुक्का हुंदा है। कई वार तां इसतरहां वी हुंदा है कि जां तां पंनूं अगले दे घर हुण तक्क गेड़ा मार चुक्किआ हुंदा है ते जां अगला पंनूं दे ग्रहि विखे उसदे संग-साथ दी ख़ुशी माण चुक्का हुंदा है। दोसती पाउण दी इस चमतकारी कला दा गुण पंनूं कोल ही है। मैं तां बस्स पंनूं ते उसदे नवें बणे दोसतां दा मूंह वेखदा रहि जांदा हां।

दो कु साल पहिलां असीं सवेरे सवेरे दोवें जणे इक्क पारक विच्च हर रोज़ योगा करन लग्ग पए। साडे वल्ल वेख के इक्क दिन आपणे धी-जवाई कोल छुट्टीआं कट्टण आइआ हरिआणे दा इक्क साबका अफ़सर सैणी साडे नाल योगा करन लई आण जुड़िआ। फिर इक्क दिन पाकिसतान दा इक्क वड्डा अफ़सर वी झकदा झकदा साडे कोल आइआ। असीं उसनूं वी नाल जोड़ लिआ। ‘योग-गुरू’ दी भूमिका तां मैं निभा रिहा सां पर अगले दिनां विच्च यारी उहनां दी पंनूं नाल गूहड़ी हो गई। पता लग्गा उह पंनूं दे सद्दे ’ते उसदे घरों वी हो आए सन।

इह तां होई मरद मित्तरां दी गल्ल। ते जे किते अगली बीबी होवे तां!

लओ सुणों! इक्क वार मैं किसे बीबी नूं किसे नाल मिल के आइआ तां उस संवेदनशील ते सिआणी बीबी बारे पंनूं नाल सहिवन ही गल्ल हो गई। पंनूं उहनूं जाणदा तां सी पर मेरे दस्से गुणां करके उस वल्ल अंदरे अंदर खिच्चिआ गिआ। तां ही पता लग्गा, जदों उह बीबी चार-पंज दिनां बाअद मठिआई दा डब्बा लै के पंनूं नूं मिलण उहदे घर पहुंच गई किउंकि एडी ’चंगी’ बीबी नूं पंनूं कंपिऊटर दे गुण सिखाउण दी पेशकश नां करे, इह किवें हो सकदा है! एसे करके मैं वकील कलेर नूं हस्सदा होइआं कहिंदा हुंदां कि वकील सिअहां! जे किसे बीबी दा नेड़ लोड़दैं तां किते भुल्ल-भुलेखे वी पंनूं नाल उहदा ज़िकर नां कर बैठीं; नहीं तां विंहदां रहि जाएंगा ते अगली पंनूं दी कलास दी विदिआरथण बण चुक्की होवेगी।

असीं छेड़दे हां, “पंनूं साहिब! तुहाडे कोल किहड़ी गिद्दड़-सिंगी ऐं जो बीबीआं तुहाडे वल्ल खिच्चीआं चलीआं आउंदीआं नें?”

पंनूं हस्सी जांदा है पर उस गिद्दड़सिंगी दी होंद तों इनकार नहीं करदा।

पंनूं नित्त नवीआं दोसतीआं लाउण दा अभिलाशी ते माहिर है। मेरे विच्च इह गुण नहीं। मैं तां छेती कीते किसे नाल खुल्ल्हदा ई नहीं पर पंनूं नूं मेरे वरगी कोई समस्सिआ नहीं। नित्त नवीआं दोसतीआं लई उहदे दिल-दरवाज़े ते घर दे दरवाज़े हर वेले खुल्ल्हे रहिंदे नें। साडे वरगे बंद मनां वालिआं उसदी रीस की करनी होई! उहदे लई जे अगला भुल्ल-भुलेखे आपणा दरवाज़ा ढोणा वी चाहे तां पंनूं उसनूं छेती कीतिआं अजिहा नहीं करन दिंदा। दरवाज़ा ढुक वी जावे तां गुस्सा नहीं करदा सगों सहिज हो के मुसकरा पैंदा है। साडे नाल कुझ्झ दिन योगा करन तों बाअद मुसलमान बेली दो कु दिन आइआ नां। पंनूं आखे: ‘आपां उहदे घर जा के पता करीए; आपणा फ़रज़ बणदा ए।’ मैं दस्सिआ कि ‘उह कल्ल्ह परे सड़के सड़क आपणे तों अख्ख बचा के लंघदा मैं आप वेखिआ सी। उह आपणे तों दूरी बनाउणी लोच रिहा लग्गदा है। आपां नूं ज़िद नहीं करनी चाहीदी।’ पर अगले दिन मेरे रोकण दे बावजूद पंनूं मैनूं उहदे घर वल्ल लै तुरिआ। डोर-बैल्ल कीती। असीं उडीकदे रहे पर उसने अग्गों दरवाज़ा नां खोल्हिआ। मैं शरमिंदा सां कि इह जाणदिआं होइआं वी कि अगला साडे तों खहिड़ा छुडाउणा चाहुंदा है, असीं उहदे घर किउं गए! मैं पंनूं नाल शरमिंदगी सांझी कीती, “किउं पै गई ठंढ? लै लिआ सवाद?” पर पंनूं ’ते इसदा कोई असर नहीं सी। उह बड़ा सहिज हो के कहिंदा, “चल्ल नहीं दरवाज़ा खोल्हिआ ते नां सही। आपणा की गिआ।” मैं कहिणा चाहुंदा सां, “मेरा तां सवैमाण ज़ख़मी हो गिऐ।” पर चुप्प रिहा किउंकि जाणदा सां कि पंनूं इहो जिही गल्ल नूं वक्कार जां इज़्ज़त-बेइज़ती दा मुद्दा नहीं बणाउंदा। अजिहे वेले मैनूं पंनूं ’ते खिझ आउंदी है। फिर मैं आपणे मन ’च झात मारदा हां ते आपणे आप ’ते खिझदा हां, “भाई वरिआम सिअहां! जे तेरे कोल पंनूं वरगा खुल्ल्हा ते मुहब्बती दिल नहीं ते जे तूं किसे दी वधीकी नूं पंनूं वांग भुल्ल जाण ते ‘होऊ परे’ करन दा सलीका नहीं जाणदा तां आपणे आप ’ते शरमिंदा हो, पंनूं नूं किउं दोश दिंदा एं।”

उंज सच्ची गल्ल है कि अगले लई डुल्ल्ह डुल्ल्ह पैंदी पंनूं दी मुहब्बत दे वरहदे मींह दा वेग कदी कदी एना भारी ते तेज़ हुंदा है कि कई वार अगले नूं इस विच्च गोते वी आ जांदे हन। असीं सवेर दे छे वजे सैर कर रहे सां। ऐतवार दा दिन सी। पंनूं जांदे जांदे रुकिआ। कहिंदा, “मैं आपणे पुत्त दे घर कल्ल बगीचा तिआर कर के बूटे लाए सन। मैं चाहुंदा हां कि जांदा जांदा बगीचे नूं झाती मार जावां।” मैं रोकिआ, “पंनूं साहिब! की करदे ओ! अगलिआं दा विआह होए नूं अजे दो महीने होए नें। दिन वी ऐतवार दा। अगले अराम नाल दस-यारां वजे उठ्ठणगे। किउं उहनां नूं छे वजे तंग करन लग्गे ओ! सुत्तिआं नूं बेवकत उठाओगे। घट्टो-घट्ट मैं तां उहनां नूं जगाउण दे गुनाह विच्च भागी नहीं बणना चाहुंदा। तुसीं हो आओ। मैं अगले पारक विच्च चक्कर लाउंदां।”

मैं अजे पारक विच्च पहुंचिआ वी नहीं सां कि वेखिआ पंनूं मेरे मगरे मगर तुरिआ आ रिहा सी। कहिंदा, “मैं बैल्ल कीती। उह उठ्ठे नहीं। मैं बैक-यारड दा दरवाज़ा खोल्ह के बूटिआं नूं झाती मार आइआं।”

दो चार दिनां पिछ्छों अचनचेत उसदे ‘नूंह-पुत्त’ मैनूं रसते विच्च मिल पए। मैं पिछले दिनां विच्च उहनां प्रती तड़के तड़के पंनूं दी वरहदी मुहब्बत दा हवाला दित्ता तां उहनां छित्था जिहा पै के दस्सिआ कि ‘अंकल अग्गे वी कई वार तड़के तड़के ‘मींह वरहाउण’ आ जांदे नें। उस दिन असीं सोचिआ, मनां सुत्ते रहीए, होर भिज्ज के की लैणा एं! अंकल बद्दल वांग आपे अग्गे लंघ जाणगे।”

इह नां सोचणा कि उह उसदे सके नूंह-पुत होणगे। इसतरहां दे मूंह-बोले तां उसदे दरजनां पुतर अते दरजनां पोतरे हन। पर उह उहनां नूं इस अंदाज़ विच्च संबोधन करेगा जां उहनां दा इंज ज़िकर करेगा कि पहिली वार सुणन वाले नूं भुलेखा पै जावेगा कि उह आपणे किसे सके पुत्त-पोतरे दी गल्ल ही करदा पिआ है। इक्क वार कहाणी-मंच दी मीटिंग चल्लदी पई सी। पंनूं नें घड़ी वेखी ते अचनचेत काहली नाल उठ्ठिआ, “ओहो! मेरे पोतरे नें आउणा सी। मैं उहनूं एअरपोरट तों लैण जाणा एं।” उह किसे कार वाले साथी नूं नाल लै के तुर गिआ तां कोई नवां नवां आइआ साथी हौली जिही मैनूं पुछ्छदा, “पंनूं साहिब दे पोतरे नूं उहनां दा पुत्तर नां लैण जाऊ एअरपोरट तों? सुणिऐं इहनां दे दो पुत्तर एथे ई रहिंदे नें।” मैं दस्सिआ, “इह उहनां दा मूंह-बोलिआ पोतरा ए।”

मैं कई वार हस्स के छेड़दा हां, “पंनूं साहिब तुहाडा इसतरहां दा बणाइआ इकोतर सौ पुत्तर तां होवेगा ई। कौरवां तों वी इक्क वध्ध। इंज ही इकोतर सौ तुहाडे निगदे यार। ते घट्टो-घट्ट दो इकोतरीआं तुहाडीआं सनेही-शरधालू बीबीआं होणगीआं। मैं कई वार सोचदां इस दरजा-बंदी विच्च मेरा थां कित्थे कु आउंदा होऊ?”

“ओ संधू! तूं की जाणे! तेरी थां मेरे दिल दे किहड़े वख्खरे खाने विच्च है!”

मैनूं पता है कि मेरा उसदे दिल विच्च वख्खरा खाना है। इस खाने दी बदौलत जदों वी किते साहितक जां सभिआचारक मीटिंग ’ते जाणा होवे तां मेरी सवारी दा परबंध अकसर पंनूं ही करदा है। किसे नवें मिलण वाले नूं मेरीआं सिफ़तां दे पुल बंनह बंनह के ऐसा भुलेखा पावेगा कि अगला सच्चीं ही इसतरहां महिसूस करदा है जिवें बड़े वड्डे लेखक ते बुलारे नूं मिलण दा शरफ़ हासल कर रिहा होवे! असीं ‘सीरत’ नूं प्रकाशित करदे सां तां पंनूं नूं फ़िकर रहिंदा सी कि इसनूं घाटा नां पवे, इह चल्लदा रहे। इस लई उह साडे नालों वी वध्ध फ़िकरमंद रहिंदा। नवां परचा आउंदा तां आप थैला भर के लेखकां कलाकारां नूं परचा वंडदा ते ख़ुश हुंदा। इशतिहार दिवाउण विच्च वी मदद करदा। लोकां नूं चंदे देण लई साडे नालों वी वध्ध प्रेरदा ते लै के वी दिंदा। ‘सीरत’ लई आए मैटर दी फौंट तबदील कराउणी होवे जां कंपिऊटर नाल संबंधित कोई वी कंम होवे, पंनूं दे नांह करन दा तां सवाल ही की पैदा होणा एं, सगों उह एनी छेती सेवा लई हाज़र हो जांदा है कि अलादीन दे चराग नूं घसा के पैदा होण वाला जिंन वी ओनी छेती हाज़र नां होवे! इह केवल मेरी जां साडी गल्ल नहीं। तुसीं किसे नाल वी गल्ल कर के वेखो उस कोल पंनूं दीआं अनेकां साखीआं होणगीआं जदों उह उसदी किसे नां किसे सहाइता लई पूरे तन-मन नाल हाज़र होइआ होवेगा। मेरा तां इह वी तजरबा है कि लोड़ वेले उह अगले लई ‘तन-मन’ नाल ‘धन’ नूं शामल करनों वी गुरेज़ नहीं करदा।

कंपिऊटर सिखाउण लई तां उह हर वेले तिआर-बर-तिआर रहिंदा है। हर साल गरमीआं विच्च कंपिऊटर सिखाउण दीआं कलासां मुफ़त लाउंदा है। ‘उपदेश चौंह वरना कउ सांझा’ दे वाक अनुसार उस कोल कंपिऊटर सिख्खण समझण लई ‘जो आवे जदों आवे राज़ी जावे’ दी उकती पूरी तरहां ढुकदी है। इंज हुण तक्क उसदे शागिरदां दी गिणती वी इकोतर सौ तों उत्ते हो गई है। उसनूं जदों किसे समागम ’ते जाण लई राईड चाहीदी होवे तां यारां दोसतां तों इलावा उसदे इह चेले वी उसदी सेवा लई उड्डे आउंदे हन। ज़ाहिर है इस सेवा दा लाभ नाल दे नाल मैनूं वी मिल जांदा है किउंकि मैं तां पंनूं दा पक्का साथ ते पक्की सवारी हां।

कंपिऊटर बारे तुसीं कोई वी कंम समझणा जां सिख्खणा होवे पंनूं आपणे सारे कंम छड्ड के तुहाडी सेवा विच्च हाज़र होण नूं तिआर है। इस मकसद लई तुसीं किसे वेले वी उसदे घर जा सकदे हो। जे तुहाडे कोल जाण दा समां नहीं तां पंनूं तुहाडे घर आ सकदा है। तुसीं उस कोलों कंपिऊटर बारे इक्क जाणकारी लैणा चाहुंदे हो तां उह दस गल्लां होर ओसे वेले तुहानूं सिख्ख लैण लई प्रेरेगा। उसनूं जो कुझ्झ वी कंपिऊटर संबंधी गिआन है उह इको वार ते सारे दा सारा, वेला-कुवेला वेखण तों बिना, तुहाडे अंदर उलद्दण लई काहला रहिंदा है। कई वार सथिती हासे-मज़ाक वाली वी बण जांदी है। इक्क रात असीं किसे समागम तों वापस परत रहे सां। दो बीबीआं वी साडे नाल सन। जदों किरपाल सिंघ पंनूं नूं उसदे घर उतारिआ तां नाल बैठी बीबी नूं, सभनां समेत, शाइद पंनूं मारना तां चाह-पाणी दी सुलाह चाहुंदा सी पर उसदे मूंहों सुभावक निकल गिआ, “आ बई फ़लाणीए! तेरा कंपिऊटर ठीक कर देईए।” असीं सारे हस्स पए। उह कहिंदी, “पंनूं साहिब! कंपिऊटर एथे कित्थे आ गिआ?” असल विच्च गल्ल इह सी कि पंनूं कुझ्झ दिन पहिलां ही उसदे घर जा के उसदा कंपिऊटर ठीक करके आइआ सी ते उसदे अचेत मन विच्च इहो गल्ल चल्ल रही होवेगी कि सहिवन ही ’चाह-पाणी’ दा सद्दा उहदे मूंहों ‘कंपिऊटर ठीक कर देण दा सद्दा’ बण के निकल गिआ।

पंनूं दे सुभाअ दी विशेसता है कि उह जिस उत्ते डुल्ल्हदा है; पूरे दा पूरा डुल्ल्ह जांदा है। अगला भावें पूरे दा पूरा भिज्ज जावे। एने समरपण भाव नाल अगले दे कंम आउण दी लोचा उस अंदर एनी परबल है कि हो सकदा है जे अगला उसतों वीह फ़ी-सदी सहाइता दी आस रख्ख रिहा होवे उह अग्गों इक्क सौ वीह फ़ी सदी तक्क दी ज़िंमेवारी आप ही ओहड़ लैंदा है। किते किसे साहितक जां सभिआचारक प्रोग्राम लई किसे प्रबंधक नें पंनूं नूं कुझ्झ बंदे लिआउण लई किहा होवे तां उह इसनूं वक्कार दा सवाल बणा के जुट्ट जावेगा ते मेरे वरगे सारे मित्तर-बेलीआं नूं इकठ्ठा करके ते ‘राईड’ दा प्रबंध वी आपे कर के प्रोगराम ’ते पहुंच जावेगा। अगला धंन धंन हो जावेगा ते पंनूं दे मन नूं ठंढ पै जावेगी। इहो ठंढक ही तां उह चाहुंदा है; होर उसने इस सारे कुझ्झ विचों कुझ्झ कढ्ढणा पाउणा नहीं हुंदा। पिछले साल आपणे मूंह-बोले पुत्तर दी कौंसलर दी चोण मौके होण वाले इक्क इकठ्ठ विच्च उह आपणे यारां बेलीआं दी ढाणी इकठ्ठी कर के लै गिआ। उसने साडे विचों ही किसे दी सटेज चलाउण, किसे दी मुढला भाशन करन ते किसे दी धंनवाद करन दी डिऊटी ला दित्ती। मैं आखां, “पंनूं साबह! जिनहां नें समागम उलीकिआ है उहनां नें सटेज दा सारा प्रबंध वी चलाउण बारे सोचिआ होऊ। सुत्थणा सवाउण वालिआं नें राह वी रख्खे हुंदे नें।” पर पंनूं नें तां आपणी डिऊटी निभाउणी सी, निभा दित्ती। अगलिआं नूं चित्त ख़िआल वी नहीं सी कि पंनूं किवें पूरी तिआरी नाल आइआ होइआ है। उहनां आपणी सटेज आपणे हिसाब नाल चलाउणी सी ते चला लई। पर पंनूं तां आपणी ‘रिज़रव सहाइता ढाणी’ समेत हाज़र सी नां!

दूजिआं नूं पैण वाली लोड़ बारे एडी दूर तक्क सोचणा ते उस लोड़-पूरती लई एने समरपण भाव नाल कंम करना इह पंनूं दे हिस्से ही आइआ है। लोक तां किसे लई बणदा फ़रज़ अदा करन दा पंजवां हिस्सा वी पूरा कर लैण तां वाह भली समझी जांदी है पर एथे पंनूं है कि अगले आपणे बणदे हिस्से तों वी कई गुणा वध्ध करन लई ततपर रहिंदा है।

उहदी आवाज़ विच्च पुलसीआ रंग तां है ही नहीं। निरा निमरता ते परसंसा दी मूरत। ‘शाम’ नूं ‘साम’ जां ‘शहिर’ नूं ‘सहिर’ बोलण दे अंदाज़ तों सगों उहदे बोलां विच्च मासूम बालां दे बोलां वरगी सादगी दा भुलेखा लग्गदा है। सच्ची गल्ल तां इह है कि उह बहुत हद्द तक्क बालां वरगा ई है। किसे नाल वड्डे वैर-भाव रख्खण तों असलों ई मुकत। पर नाल ही मैनूं पाकिसतानी सटेजी डरामे विचली उस औरत दा ख़िआल आउंदा है जो साथी कलाकार नूं कहिंदी है, “वे मैनूं कुझ्झ नां आख। मैं तां अजे बच्ची आं।” उह अग्गों कहिंदा है, “ऐवैं घुंनी नां बण। तूं बच्ची-बुच्ची कोई नहीं। तैनूं मैं दस्सां।”

इस हवाले नाल पंनूं वी एडा ‘बच्चा-बुच्चा’ कोई नहीं। ते ऐसी गल्ल वी नहीं कि पंनूं हरेक ’ते ही डुल्ल्ह डुल्ल्ह पैंदा होवे। कई वार तां उह बहुत रुख्खा वी नज़र आउंदा है। मैं शुरू विच्च उस वल्लों दित्ती ‘रंम’ अते ‘जूस’ दा ज़िकर कीता सी। उहदी शख़सीअत विच्च वी दोवें सवाद घुले होए हन। कई वार बड़ा कौड़ा ते रुख्खा ते कई वार निरहा मिठास दी मूरत। जिनहां बंदिआं नूं इक्क वार रद्द कर दिंदा है फिर उह उहनां बारे आपणी राइ नूं बदलदा नहीं ते नां ही माफ़ करदा है। मैं अजिहे बंदिआं दे नां गिण सकदा हां। उंज वी कई वार तां अगले दी साधारन गल्ल नूं इस अंदाज़ विच्च टक्करेगा कि उह कहाणी याद आ जावेगी जिस अनुसार किसे नें दूजे नूं पुछ्छिआ, “किंने भरा ओ?”

अगले नें किहा, “तिंन।”

“जे चार हुंदे तां फिर किहड़ी मेरी लत्त भंन लैंदे।”

अगले नें निमरता नाल किहा, “भरावा! मैं तैनूं की आखिऐ?”

उह कहिंदा, “आख के वेख लै। वेखीं बूथा नां भंन दित्ता तां!”

कदी कदी पंनूं किसे दी साधारन कीती गल्ल नूं धक्के नाल बहिस विच्च पाउण लई आपणी विरोधी राइ ठाह करके मारदा है जद कि उस समें उसदी लोड़ नहीं हुंदी। अगला बौंदल जांदा है। पारक विच्च बाबिआं नाल बैठिआं जित्थे उह गल्लां-बातां करके रौणक ला दिंदा है ओथे जदों कदी कदी किसे नाल ‘नौन-इछू’ नूं ‘इछू’ बणा के गल्ल नूं धक्के नाल बहिस विच्च पाउण दी कोशिश कर लैंदा है तां मैं गल्ल नूं हासे विच्च पा के टालण दा यतन करदा हां। मेरा भाव समझ के पंनूं वी हस्सण लग्ग पवेगा। गल्ल रफ़ा-दफ़ा हो जांदी है ते पंनूं बाबिआं दी अत्रिपत आतमा नूं त्रिपत करन लई कोई लुच्चा लतीफ़ा छुह लैंदा है।

पर फिर वी जिहड़ी गल्ल उसनूं ख़री लग्गदी है उसनूं करनों वी उक्कदा नहीं; भावें अगले दे गोडे लग्गे जां गिट्टे। फिर अगले पल जां अगले दिन चेता आउण ’ते कि ‘बंदा तां नराज़ हो गिआ!’, ‘भुल्ल-चुक्क माफ़ कराउण’ लई वी ततपर हो जांदा है। इक्क दिन टरांटो कहाणी मंच दी बैठक विच्च किसे लेखक दी कहाणी बारे बोलदिआं कहिंदा, “जी मेरे हिसाब नाल तां इह कहाणी बणदी ई नहीं।” कहाणीकार नूं चंगा नां लग्गा। अगले दिन पंनूं मैनूं आखे, “कहाणीकार आपणा नेड़े दा यार ए। ऐवें नराज़ कर बैठे। उहदे तों सौरी मंग लैणीं आं।” माफ़ी मंग लैणा वड्डे दिलां दा कंम है। इहो जिहा दिल पंनूं कोल ही है।

पर सुभाअ तां सुभाअ ई हुंदा है। छेती कीते बदलदा नहीं। पिछले दिन मेरे जलंधर वाले घर धुप्पे बैठे सां कि आसट्रेलीआ वाले मेरे मित्तर गिआनी संतोख सिंघ दा फ़ोन आइआ। उसने पंनूं दे हत्थ पिछले साल आपणी जीवनी-पुसतक मेरे लई भेजी सी। उह पंनूं नें वी पहड़ी होई सी। संतोख सिंघ इह जाण के कि पंनूं वी मेरे कोल बैठा होइआ ए, आपणी किताब बारे राइ पुछ्छण लग्गा। पंनूं कहिंदा, “मैनूं उस किताब दा पिछला हिस्सा बिलुकल पसंद नहीं आइआ। तुसीं जिहड़े सिआसतदानां तों पंजाब दा भविख्ख सवारे जाण दी आस रख्खदे ओ, उहनां ई तां पंजाब दी बेड़ी ’च वट्ट पाए नें। तुसीं मैनूं उहनां दी चमचागिरी करदे लग्गदे ओ। हां, पहिला हिस्सा चंगा है, वधीआ, पहड़न वाला।” मैं संतोख सिंघ नूं हस्सदिआं आखिआ, “भाई साहिब! एनी कराए बिनां तुहानूं वी ठंढ नहीं सी पैणी।”

बिन मंगिआं सलाह देणी चंगी तां नहीं हुंदी। पर पंनूं आपणा बेली है; इस लई कदी कदी सलाह देण दी ग़लती कर लईदी है। मैं हस्स के आखिआ, “हज़ूर! पहिलां सिध्धा ई नुकस छांटण दी थां जे पहिलां उहदी किताब दे चंगे पख्ख दी गल्ल कर दिंदे तां की आख़र आ जांदी। ज़रूरी ए कि पहिलां अगले दी छोई ई लाही जावे?” लागों मिसिज़ पंनूं वी कहिंदे, “इहनां दी इह आदत ठीक नहीं।” मैं हस्सिआ, “पर भैण जी! बीबीआं नाल इह रुख्खा नहीं बोलदे। ओहनां नाल बड़ीआं मिठ्ठीआं मिठ्ठीआं गल्लां करदे नें।” मिसिज़ पंनूं हस्स पए, “आहो, इह गल्ल तां ठीक आ।”

मिसिज़ पंनूं ते मैं कदी कदी पंनूं दे बीबीआं बारे नरम गोशे ’ते उस नाल छेड़-छाड़ कर लैंदे हां। पंनूं इस गल्ल दा गुस्सा नहीं करदा सगों सवाद लैंदा ए। मिंनहां मिंनहां हस्सदा रहिंदा ए।

“उंज बीबीआं वी इहनां दा बड़ा करदीआं नें।”

मेरी सुण के मिसिज़ पंनूं मुड़ पोला जिहा हस्सदे नें।

पंनूं हस्सदा होइआ सपशटीकरन दिंदा है, “ओ भाई! बीबीआं नूं पतै कि इस बंदे तों उहनां नूं कोई ख़तरा नहीं।”

उसदी गल्ल शाइद ठीक वी ए। उह बीबीआं नाल रिशते नूं बड़े सुखावें पध्धर ’ते रख्खदा है। उहदे बोलां ते विहार विचों बीबीआं नूं कोई मैळ नज़र नहीं आउंदी। एसे करके पंनूं नाल उहनां दा डूंघी अपणत्त दा रिशता बणिआं रहिंदा है। जे सच्चमुच्च किसे ‘ख़तरे’ दी गल्ल होवे तां इस ख़तरे दी घंटी सभ तों पहिलां साडे भैण जी (मिसिज़ पंनूं) नूं ही सुण जावेगी। जे उहनां नें पंनूं नूं हेठां बेसमैंट विच्च जा के किसे ‘बीबी’ जां ‘बाबे’ नूं घंटिआं बध्धी कंपिऊटर सिखाउण दी आगिआ दे रख्खी है तां समझो, ‘ख़तरे’ वाली सच्चीं कोई गल्ल नहीं। मिसिज़ पंनूं बेफ़िकरी नाल उप्पर बैठे टी वी वेख रहे हुंदे नें। लोड़ पैण ’ते चाह-पाणी वी थल्ले दे आउंदे नें। निसचै ही पतनी दा अजिहा विशवास कमाउणा पैंदा है। पंनूं नें इह विशवास कमाइआ होइआ है। सच्ची गल्ल तां इह है कि औरत तां आपणे पती दी नज़र पल-छिण विच्च पछाण लैंदी है। उसदा मरद किसे तीवीं नूं किहड़ी नज़र नाल वेखदा है, उह पहिली नज़रे ताड़ जांदी है। जित्थे औरत नूं ज़रा कु दाल विच्च कलित्तण दा झौला पवे उह ओसे वेले भरी भराई तौड़ी मूधी मार दिंदी है। जे अजे तक्क पंनूं दी दाल रिझ्झी जांदी है तां ज़ाहिर है मिसिज़ पंनूं नूं सच्चमुच्च पंनूं ’ते विशवास है।

जे विशवास विच्च ‘घात’ दा माड़ा जिहा संसा होवे ओथे सावधानी वरतणी माड़ी वी नहीं हुंदी। इक्क वार पंनूं नें किसे लेखक बीबी दी तसवीर वड्डी करके आपणीआं बेसमैंट नूं उत्तरदीआं पौड़ीआं दी दीवार ’ते दरशनी अंदाज़ विच्च लाई होई सी। मैं जाणदिआं-बुझ्झदिआं इस बारे पुछ्छिआ तां पंनूं कहिंदा, “उहनूं किसे समागम ’ते लाउण लई आपणी वड्डी फोटो चाहीदी सी। मैनूं कहिंदी ‘वड्डी कर दिओ।’ मैं दो वड्डीआं कर लईआं। इक्क उहनूं दे ’ती। इक्क आप रख्ख लई।” मिसिज़ पंनूं सुण रहे सन। मैं होर कमीणा हो गिआ, “जनाब! तुसीं किहड़ी खुशी ’च रख्ख लई ते फिर लाई वी ऐन नज़रां दे साहमणे। की गल्ल अख्खां तों पल-भर वी ओहले करन नूं चित्त नहीं करदा?” पंनूं हस्सी जावे।

मिसिज़ पंनूं नें किहा, “कदे कदे इहनां नूं कुझ्झ ज़िआदा ई ख़ुशी हो जांदी ऐ।”

अगली वार मैं घर गिआ तां दीवार तों उह फोटो लत्थी होई सी।

उंज हुण वी उस दीवार ’ते इक्क बीबी दी फोटो लग्गी होई है पर इह किसे ‘नेड़ली’ बीबी दी नहीं; पाकिसतान विचले किसे समागम विच्च किसे समूह विच्च खिच्ची फोटो वड्डी कीती होई है। बीबी दा चिहरा दरशनी है। शांत-चित्त। मन नूं ठंढ पाउण वाला। जे विछ्छड़े गुरधामां दे दरशन-दीदारे करन गिआं नूं कोई दरशनी चिहरा लभ्भ गिआ तां उसनूं दीवार उत्ते लटकाउण विच्च की हरज़ है! उसतों नां मिसिज़ पंनूं नूं कोई ख़तरा है नां मैनूं कोई साड़ा है! सगों मैनूं वी पंनूं वांग ही उह चिहरा वेखणा चंगा चंगा लग्गदा है।

सच्ची गल्ल तां इह है कि असीं ऐवें पंनूं नूं छेड़दे हां सानूं किहड़ा सोहणीआं बीबीआं माड़ीआं लग्गदीआं नें! असीं वी किहड़े दुध्ध-धोते हां! पंनूं तां आप मंनदा है कि सारी उमर सुरख्खिआ सेवावां निभाउण विच्च जुट्टे रहिण कारन उसनूं तां रज्ज के पतनी दा पिआर ते संग-साथ मानण दा वी भरवां मौका नसीब नहीं होइआ। इक्क अत्रिपती अते डूंघा ख़िलाअ रहि गिआ है मन अंदर। उह हउका लै के अकसर आपणीआं जोड़ीआं कावि-तुकां अकसर ही दुहराउंदा है:

पल वी सहारी नां जाए

तेरी जुदाई इह सच्च है

पर एदां जुदाईआं विच्च ही

इह बीत जाणी है ज़िंदगी।

इह हउका उस इकल्ले दा नहीं, फ़ौजी जीवन दी ‘इकल्ल’ भोगण वाले हरेक सिपाही दा हउका है। एसे करके तां पंनूं कदी कदी हस्सदा होइआ इह वी आखदा है, “साडे वरगे फौजीआं नूं तां झाड़ी ते दूर टंगी टाकी वी गोरी दा गुलाबी डोरीआ लग्गदी रही है।”

हुण जदों उह पतनी दे संग-साथ विच्च हर वेले विचरदा है तां अजे वी नव-विआहिआं वांग घरवाली नूं मख़ौल करदा चंगा लग्गदा है। उसदे सोके दे दिन मुक्क गए हन। उह हर वेले मुहब्बत दी रिमझिम विच्च भिज्जदा है। मुहब्बत विच्च भिज्जी पतनी उस लई इक्को वेले मां, भैण, धी, माशूका ते पता नहीं की की बण जांदी है। उह उसनूं लाड नाल आवाज़ मारेगा, “मामा! संधू लई जूस लिआ। मेरे लई चाह दा कप्प बणा दे।” तां लग्गदा है उह उस विचों सच्चमुच्च आपणी मां दा दीदार कर रिहा है। उहनां दोवां दा इह पिआर चंगा लग्गदा है।

मैं कंध उत्तों पहिली फोटो उतारे जाण ते नवीं लाए जाण बारे पंनूं नूं कदी कदी हुण वी मख़ौल कर लैंदा हां। उह असलों गुस्सा नहीं करदा। सगों उसनूं आपणे उत्ते आप ही हस्सण दा वल्ल बाख़ूबी आउंदा है।

पंनूं दीआं गल्लां विच्च मोहाली रहिंदी लेखिक दोसत काना सिंघ दा ज़िकर अकसर आ जांदा है। जे काना दे वधेरे ज़िकर कारन पंनूं नूं छेड़ीए तां पंनूं आप ही हस्सदा होइआ दस्सेगा, “इक वार तुहाडे वरगा मेरा कोई जाणकार काना सिंघ नूं मिलण चला गिआ। उह काना नूं कहिंदा, “पंनूं साबह अकसर तुहाडा बड़े नेड़ले मित्तर वजों ज़िकर करदे नें। उह कहिंदे नें काना सिंघ मेरी सभ तों नज़दीकी दोसत है। तां काना सिंघ अग्गों कहिंदी, “पंनूं मैनूं बेशक्क सभ तों नज़दीकी मित्तर मंनदा जां आखदा होवे; इह उहदी मरज़ी ए पर पंनूं वरगे नज़दीकी मेरे पंजाह दोसत नें।”

आपणे आप ’ते इस अंदाज़ विच्च हस्स सकणा कोई पंनूं तों सिख्खे। पंनूं अग्गों इह नहीं आखदा कि काना वरगीआं मेरीआं डेढ सौ मित्तर लेखिकावां नें।

मित्तर तां उह राह जांदिआं बणा लैंदा है। इक्क दिन झनां (बोवेरड सड़क) दे पार उह इक्क ‘सोहणी’ नाल हस्स हस्स गल्लां कर रिहा सी। मैं पार जा के पुछ्छिआं तां कहिंदा, “तूं अजे आइआ नहीं सैं। बीबी आपणे बग़ीचे नूं पाणी दे रही सी। मैं बीबी दे बगीचे ते सोहणे खिड़े-महिके फुल्लां दी तारीफ़ करन लग्ग पिआ।” पता नहीं उह फु਼ल्लां वाली बीबी दी तारीफ़ करन रुकिआ सी जां फुल्लां दी। शाइद दोवां दी ही। उंझ उह इकल्ले फुल्लां दी तारीफ़ करन विच्च वी दरिआ दिल है। कई वार कोल कैमरा होवे तां किसे दे वी घर दे बाहर खिड़े होए सोहणे फुल्लां दी फोटो खिच्चण लई ‘कलिक्क’ ‘कलिक्क’ करन लग्ग जावेगा। जे किते घर दी मालक बीबी जां भाई वी कोल होवे तां उहनां नूं सोहणे फुल्ल पालण दी वधाई दे के ते उहनां दी आगिआ लै के उहनां नूं वी फोटो विच्च शामल कर लवेगा। ज़ाहिर है उह आपणे घर दे अंदर-बाहर वी रंग-रंगीले फुल्लां नूं पालण ते सांभण वाला माली तां है ही सगों इह फुल्ल उसदे अंदर वी चत्तो-पहिर टहिकदे-महिकदे रहिंदे हन। उसदे प्रकिरती प्रेम दी इक्क मिसाल देण दी आगिआ दिओ। किसे फुल्लां वाले बाल-रुख्ख नूं खिल्लरणों सांभण लई किसे घर दे मालक नें उस दुआले तारां लपेटीआं होईआं सन। जदों तारां लपेटीआं होणगीआं उदों रुख्ख छोटा जिहा सी पर वध के वड्डा होण लग्गा तां पंनूं नूं जापण लग्गा जिवें इस बूटे नूं बेड़ीआं ते ज़ंजीरां पा के जकड़ दित्ता गिआ होवे। रुख्ख बाहर फैलणा चाहुंदा सी पर तारां उसदीआं बाहवां मरोड़ रहीआं सन, उसदा साह घुट्ट रहीआं सन। पंनूं रोज़ उस बूटे कोलों लंघदिआं इसतरहां महिसूस करदा जिवें उहदा आपणा गळ घुट्टिआ जा रिहा होवे। इक्क दिन मेरे रोकदिआं वी उसने उस अजनबी घर दे मालक दा दरवाज़ा जा खड़काइआ ते जा बेनती कीती कि इस बूटे दुआलिओं तारां लाह के इसदा साह सौखा कर दित्ता जावे। अगले दिन मालक वल्लों तारां लत्थीआं वेख के पंनूं नूं लग्गा जिवें उसदे आपणे गळ्ळ विचों फांसी दा फंधा लाह दित्ता गिआ होवे।

छोटे बच्चे साईड-वाक ’ते खेड रहे होणगे तां उहनां नूं बड़े पिआर नाल ‘हैलो’ आख के लंघेगा। अगले दिन उह पंनूं नूं आउंदिआं वेख मोढिआं नाल मूंह छुपाउंदिआं, अख्खां चुराउंदिआं, संगदिआं होइआं मुसकरा रहे हुंदे नें कि वेखीए भला अज्ज ‘अंकल उहनां नूं बुलाउणगे जां नहीं।” जदों पंनूं अज्ज वी लाड-पिआर नाल ‘कंनां मंना कुरर’ दे अंदाज़ विच्च उहनां नूं छेड़ के लंघदा है तां बच्चे खिड़खिड़ा के हस्सदे हन ते कई वार दूर खलोतीआं उहनां दीआं मावां वी संतुशट भाव नाल मुसकाउंदीआं दिखाई दंदीआं हन।

इक दिन इक्क गोरी बीबी ढलदी शाम समें आपणे घर दे बाहर कंध नाल कुरसी ला के बीअर दा डब्बा हत्थ विच्च फड़ी चुसकीआं भर रही सी। पंनूं तों रिहा नां गिआ, हत्थ हिला के कहिंदा, “हैलो! इनजौइंग?”

बीबी खुल्ल के मुसकराई ते हत्थ हिला के जवाब दित्ता, “याअ! थैंक यू!”

उस दिन तों बाअद कदी बीबी इकल्ली ते कदी उह दोवें पती पतनी घर दे बाहर बैठे होण तां सानूं दूरों आउंदिआं वेख के ही मुसकरा पैंदे हन। कोलों लंघण लंघिआं आप बुलाउंदे हन। पंनूं राहीं मेरी वी उहनां नाल सांझ बण गई है।

पंनूं यारां दा यार, दिलदार मददग़ार, पत्तरकार, प्रकिरती दा पिआर, बीबीआं दा परस्सतार, कवी-कहाणीकार, आलोचक, संगठन-करता, गिआनी ते कंपिऊटर विगिआनी तां है ही पर कदी कदी उह भाशा-विगिआनी वी बणन लग्गदा है तां मैनूं ओपरा लग्गदा है। मैनूं लग्गदा है कि इह पंनूं दा करम-खेतर नहीं। उह मैनूं ज़ोर ला के समझाउण दी कोशिश करदा है ‘बरैंपटन’ नूं ‘बरैंपटन’ लिखणा ठीक है। मैं कहिंदा हां कि प्रचल्लित नेम अनुसार दुलावां नाल टिप्पी नहीं पै सकदी। उह दस्सदा है कि अंगरेज़ी विचों आए शबदां नूं लिखण लई सानूं प्रचल्लित शबद-जोड़ां विच्च तबदीली करनी पवेगी। ते इह तबदीली वापर वी रही है जिवें असीं ‘शैड्ड’, ‘हैड्ड’ नाल अध्धक पाउण लग पए हां इंज ही सानूं जिहड़े शबदां ’ते दुलावां नाल टिप्पी दी लोड़ जापे, टिप्पी पा लैणी चाहीदी है ते इहो ठीक है। उह मिसाल देवेगा कि ऐंड (and) अते ऐंड (end) विच्च अंतर नूं टिप्पी पा के ही वखरिआइआ जा सकदा है। उदों तां मैं उहदी गल्ल मंनदा नहीं पर हुण लिखदिआं जाप रिहा है कि शाइद पंनूं ठीक ही आख रिहा है। कल्ल्ह-कलोतर नूं जे दुलावां नाल टिप्पी पैणी शुरू हो जावे तां इह नां भुल्लणा कि इसदा मोढी किरपाल सिंघ पंनूं है। भला जिवें पंजाबी यूनीवरसिटी दे किसे कंपिऊटर विगिआनी नें आखिआ सी कि शाहमुखी-गुरमुखी विच्च लिपिआंतर तिआर करन वाला सभ तों पहिला बंदा किरपाल सिंघ पंनूं नहीं सगों उह आप है; तुसीं वी आखदे होवो कि शबद-जोड़ां विच्च नवीं तबदीली करन वाला पंनूं नहीं सगों तुसीं जां कोई तुहाडे वरगा होर है।

पंनूं तां सत्तां रंगां वाला वगदा दरिआ है। उसदे अंदर विशालता है, गहिराई है, वहाओ है। उहनूं हरेक नूं आपणे रंगां विच्च डुबो लैण दा हुनर आउंदा है, उसनूं होरनां नूं आपणी मुहब्बत दे वेग विच्च आपणे नाल वहा लैण दा वल्ल आउंदा है। हर रंग, हर फुल्ल, हर बंदा उहदे साथ विच्च भिज्जदा है, खिड़दा है ते रंगीजदा रहिंदा है।

मेरी शुभ-इछ्छा है कि दरिआ दिल पंनूं इसे तरहां वगदा, खिड़दा, महिकदा, हस्सदा-वस्सदा-रसदा, कलावे भरदा उमर-पत्थ ’ते अग्गे ही अग्गे तुरदा जावे। उहदे दुआले मुहब्बती बंदिआं दीआं ढाणीआं इंज ही जुड़दीआं रहिण।

आमीन!