उस नें चुबच्चे विच्चों पाणी दा बुक्क भर के आपणे मूंह ते मारिआ। गगन नें देखिआ कि अज्ज फिर उनहां दी मां दीआं अख्खां विच्च अत्थरू सन । कई वार जीतां सोचदी जे रब्ब उस नूं पुत्तर दे दिंदा आपणे मापिआं दा सहारा बणदा । उस दीआं धीआं वी रख्खड़ी बंनहण लई दूजे घरां वल्ल नां झाकदीआं । भावें धीआं पहड़ाई करन दे नाल-नाल आपणे मापिआं दा हर तरहां दे कंमां विच्च हत्थ वटाउंदीआं। इत्थों तक्क कि मोटरसाईल अते टरैकटर चलाउणा वी सिख्ख लिआ वड्डीआं कुड़ीआं नें तां । लोड़ पैण ते आपणे पिउ दी मद्दद वी करदीआं सन। पर पता नहीं किउं किसे वी दिन दिहार ते उस दी मां उदास हो जांदी । भावें दुनीआं साहमणे इह आख दिंदी,

"मेरीआं तां धीआं ई पुत्तां वरगीआं नें। "

पर लोकां दीआं गल्लां सुण के उस दा अंदरला इस गल्ल नूं सवीकारन तों इनकारी हो जांदा । धीआं जवान हो चल्लीआं सन, पर मन ही मन अजे वी रब्ब नूं उलांभा दिंदी ....'मेरे लई ही तेरे घर घाटा पै गिआ सी।' फेर आपणे आप नूं समझाउंदी ...जिहनां दे घर कुश वी नहीं हुंदा, उह धीआं नूं वी तरसदे नें। उह किध्धर जाण विचारे। फिर रब्ब दा शुकर करदी।

विहार तिहार 'ते उहदा मन डोबे सोके हुंदा रहिंदा । कदे सोचदी आप तां बंदा ज़िंदगी कट्ट लैंदै औखा सौखा हो के ....पर कई वार लोकां दीआं गल्लां मरनहारे कर दिंदीआं नें। जून महीने दी तां गल्ल ऐ छुट्टीआं विच्च विचकारली कुड़ी नें ज़िद्द फड़ी कि नानके जाणै.... जीतां उस नूं आवदे पेके छड्ड आई। उत्थे हमदरद औरतां नें इहो जिही हमदरदी दिखाई कुड़ी घर आ के रोणों नां हटे। इक्को ही रट लाई... 'सानूं वीर चाहीदै..।' जीतां नें बथेरा बुक्कल विच्च लै के समझाइआ , "तुसीं मेरे लई पुत्तरां वरगीआं हो। "

" है तां नही ...वरगीआं ई आं नां। मां इक्क गल्ल दस्स ...असीं तेरे बच्चे नहीं आं जां तेरे जवाक नहीं असीं ?" कुड़ी नें रोंदिआं ई पुछ्छिआ।

" हां पुत्त... तुसीं मेरे बच्चे ओ। " मां नें पुचकारदिआं आखिआ सी।

" फिर उत्थे मामीआं नानीआं इह किउं आखदीआं सन....... कि रब्ब जीतां नूं इक्क जवाक दे दिंदा। " जीतां नूं सारी गल्ल समझ आई कि कई वार पिआर अते हमदरदी करन वालिआं नूं पता नहीं लग्गदा कि उह जिहड़ी गल्ल आख के अपणत्त ते हमदरदी जता रहे नें, उह साहमणे वाले दे कित्थे सट्ट मारू। उस नें मसां धी नूं समझा बुझा के चुप्प कराइआ कि पुराणे बज़ुरग पुत्तां नूं ज़िआदा अहिमीअत दिंदे सन। पर हुण समां बदल गिआ। हुण तां पुत्तां वल्लों औखे होए मापे आख दिंदे नें...इहदे नालों तां रब्ब धी दे दिंदा। धीआं दी वी पुत्तां जिंनी ही लोड़ हुंदी ऐ हर घर विच्च। धी नूं तां समझा लिआ औखी सौखी हो के पर आप अंदर जा के रो पई। मनो मनी रब्ब नूं उल्हामे फिर शुरू हो गए। वड्डी धी मां दे पिछ्छे ही चली गई। जीतां नें देख लिआ। बूहे वल्ल पिठ्ठ करके पेटी उत्ते पए कप्पड़े ठीक करन लग्ग पई।

गगन दा दिल तां करदा सी मां दे हंझू पूंझे ते जफ्फी पावे। पर उस नूं पता सी इस तरहां करन नाल मां नें होर वध्ध रोणा सी। उस नें सख़त जिहे लहिजे नाल मां नूं आखिआ,

" मां डरामे करन दी लोड़ नहीं... मैनूं पतै तूं अंदर रोण आई ऐं। "

" मैं किउं रोणै? मैं तां कप्पड़े सांभण आई सी अंदर। " जीतां नें आपणे आप नूं संभालदिआं किहा। कुड़ी बाहर आपणी छोटी भैण कोल चली गई उह अजे वी अख्खां भरी बैठी सी।

" तैनूं चैन आ गिआ होणै मां नूं रुआ के... । तूं ऐनी वड्डी हो गई पर तैनूं अकल नहीं आउणी... तैनूं पता तां है मां आप किंनी औखी हो जांदी ऐ कि आपणे कोई वीर नहीं...... इह कितों दुकान तों मिलण वाली चीज़ ऐ बई मां तैनूं लै दिऊगी ।"

" पर उत्थे नानी दीआं सहेलीआं आखदीआं सी मैं जदों नानी नाल गुरदुआरे गई सी। " कुड़ी नें रोंदड़ जिही अवाज़ विच्च आखिआ।

"फिर की हो गिआ... बुहड़ीआं कहिंदीआं ई हुंदीआं नें.... चुप्प कर के सुण लैंदी.... उत्थे ई झाड़ के आ जांदी... मैनूं देख के वी तां कहिंदीआं हुंदीआं नें। मैं कदे मां नूं दस्सिऐ ?.... मां तां पहिलां ई विचारी बणी रहिंदी ऐ।" गगन नें निक्की नूं काफ़ी झिड़किआ सी उस वेले । उस तों बाअद निक्की नें कदे मां नूं वीर बारे कोई वी गल्ल नहीं आखी।

गगन हमेशा इस गल्ल दा विरोध करदी सी, जदों कुड़ी मुंडे विच्च फ़रक समझिआ जांदा। अज्ज उस नें निक्की नूं आखिआ कि मां दी उदासी दूर करनी ऐ किसे तरीके नाल। उह अजे सकीम बणा ही रहीआं सन कि गुआंढ विच्च रहिंदी ताई उहनां दे घर आई । उस नें चार कु वरहिआं दी पोती नूं मोढे लाइआ होइआ सी, जो बिमार सी। उह विहड़े विच्च एधर ओधर निगहा मारदिआं बोली, " थोडा भापा कित्थे ऐ? "

" उह तां खेत नें ताई । कंम सी कोई? " गगन नें पुछ्छिआ।

" हां... शहिर जाणा सी... कुड़ी दा ताप नी उतरदा... पिंड आला डाकटर कहिंदा... शहिर लै जो । " " वीरा कित्थे ऐ? " निक्की नें पुछ्छिआ।

" उह तां तड़के ई रज्ज के बैठ जांदै.... जे किसे करम दा हुंदा आपे लै जांदा आवदी धी नूं।" उस दीआं अख्खां भर आईआं।

" इक्क मिंट रुको। " आख के गगन अंदर गई, जदों उह बाहर आई तां उस दे हत्थ विच्च सकूटी दी चाबी सी।

" धिआन नाल जाणा पुत्त।" अंदरों जीतां दी अवाज़ आई।

उस नें सकूटी सटारट कीती ते बोली, "आओ चल्लीए ताई। " ताई आपणी पोती नूं चंगी तरहां गोद विच्च लै के बैठ गई ते सौ सौ असीसां दित्तीआं।

" थोडे भापे नें वी जिउण जोगे नें कदे नहीं कंम नूं जवाब दित्ता।" ताई दी गल्ल सुण के गगन नूं माण महिसूस होइआ ।

" ताई! अग्गों सड़क टुट्टी ऐ ...घुट्ट के हत्थ पा लो।"

" मैनूं पतै पुत्त.... मैं किहड़ा अज्ज पहिले दिन चल्ली आं। पैरीं गाहिआ राह ऐ.....। "

दस पंदरां मिंट विच्च ई नेड़े दे शहिर डाकटर कोल पहुंच गईआं। डाकटर नें दवाई दित्ती... कुझ्झ चिर उत्थे रोकिआ। कुड़ी दा बुख़ार उतर गिआ। तीजे दिन फिर आउण लई आख के डाकटर नें कुझ दवाई घर वासते दे दित्ती। बुखार उतरन तों बाअद कुड़ी दीआं अख्खां जिहीआं खुल्ल्ह गईआं। पोती नूं देख के ताई दी जान विच्च जान आई।

" कौण कहिंदै धीआं पुत्तां नालों घट्ट हुंदीआं नें... पुत्त हजे आखे नां लग्गण पर धीआं तां बिनां कहे ई कंम कर दिंदीआं नें।"

" ताई बस्स करो.... फेर की होइआ मैं घरे विहली सी ....।" ताई नें फिर असीसां देणीआं शुरू कर दित्तीआं।

अग्गे सड़क 'ते काफ़ी भीड़ सी... गगन नें सकूटी रोक दित्ती, ताई नें किसे नूं पुछ्छिआ तां पता लग्गिआ कि किसे गवांढ पिंड दा मुंडा बेसुरत होइआ पिऐ.... लोक आख रहे सन कि नशा वध्ध खा गिआ। देखदे ई देखदे पिंड दे सिआणे बंदे उस नूं चुक्क के हसपताल लै गए। देख के मन उदास वी हो गिआ। इहो जिहे कमज़ोर मनां वालिआं नें ही सारा पंजाब बदनाम कर दित्ता। समस्सिआ दा हल्ल लभ्भण दी थां समस्सिआ नूं भुलाउण लई नशे दा सहारा लैंदे नें ते इक्क समस्सिआ तों छुटकारा पाउण लई दस होर खहड़ीआं कर लैंदे नें। उह सोच रही सी। " हे रब्बा! जान बच जे विचारे दी ....चंदरे नशिआं नें तां राज कुमारां वरगे पुत्त खा ले....। " ताई नें वड्डा सारा हउका लैंदिआं आखिआ।

गगन पता नहीं की सोच रही सी उस नें शाइद ताई दी गल्ल सुणी ही नहीं। घर पहुंच के फिर ताई शुरू हो गई,

"पुत्त तैनूं नहीं पता तूं मुंडिआं नालों वध के कंम कीतै ....मुंडा तां मेरा रज्जिआ पिऐ..... । आह गमांढीआं दे मुंडे नूं हत्थ जोड़े.... वे लै जा..... बचा दे मेरी पोती नूं.... खहड़ा खहड़ा ई हत्थ मार गिआ.... अखे मेरे कोल टैम नहीं.... मेरे दोसत 'डीकदे नें।"

" चंगा पुत्त जिउंदी रहि.... मैं फेर आऊं तेरी मां कोल.... सौं गी कुड़ी...एहनूं घरे लै जां ......एहदी मां वी फिकर करदी होऊ।" ताई नें कुड़ी नूं मोढे ला के चुंनी दे पल्ले नाल उस दा सिर ढक्कदिआं आखिआ।

ताई पंज कु मिंट बाअद फेर मुड़ आई।

" लिआ भैणे मैं करवा दिंनी आं कोई कंम...।" ताई नें गगन दी मां नूं पुछ्छिआ।

" नां नां भैणे ......तेरी पोती दस्स किवें ऐ हुण ? "

" ठीक ऐ हुण तां.... जिउंदे वसदे रहो। मेरी पोती बचा 'ती। "

" रब्ब बचाउण वालै जी सभ नूं....।"

" उह वी बंदिआं विच्च दी ई बहुड़दै।"

जीतां नें दस्सण लग्गी, " जदों गगन हुरां दे पिउ नूं विहल नहीं हुंदी तां एहदी भूआ हुरां दे संधारे देण वी मैं गगन नूं लै के जानी आं। जे किते मासीआं मामिआं कोल जाणा होवे तां वी....। "

" तेरीआं तां धीआं ई पुत्तां वरगीआं नें भैणे ।"

" असीं नहीं ताई पुत्तां वरगीआं बणना......।" गगन नें दूरों ई आवाज़ मारी।

" लै कर लै गल्ल। " ताई नें हस्स के किहा।

जीतां ते ताई किंना चिर गल्लां करदीआं रहीआं। कई निक्के निक्के कंम ताई नें करवाए। गगन दी मां नें जांदी होई नूं दुध्ध दी गड़वी अते कौला भर के चौलां दा दित्ता। ताई तुरी जांदी फिर असीसां देण लग्गी,

" जिउंदे वसदे रहो... तंदरुसती देवे मालक...रब्बा ! भुल्ल जांदा इस घर 'ते वी..... तेरे घरें काहदा घाटै.... इक्क जवाक दे दिंदा विचारिआं नूं .....।" गगन नें सुण के मत्थे ते हत्थ मारिआ।

" दीदी! इह दुनीआं नहीं सुधर सकदी।" निक्की नें हत्थ हिलाउंदिआं आखिआ।

" हौली हौली फरक पऊ पुत्त.... पहिलां नालों बहुत फरक ऐ.... लोकां दी सोच बदली ऐ।" जीतां नें आखिआ।

" मां तूं आपणी सोच बदल लै बस.... लोक बदलण भावें नां बदलण।" गगन नें मां नूं घुट्ट के जफ्फी पाउंदिआं किहा। सभ तों छोटी कुड़ी वी पिउ नाल खेतों आ गई सी।

" मैं वी..... मैं वी ।" कहिंदी भज्जी आई मां नूं चिंबड़ गई। तिंने धीआं नें मां नूं जिवें आपणी बुक्कल विच्च लुको लिआ।

" देखिओ किते.... आपणा तां घर वी पुराणै.... किते कंधां नां हिलिआ दिओ। " गगन दे बापू नें हस्सदिआं आखिआ। विहड़े विच्च लग्गे निंम दीआं टाहणीआं ते चहिकदीआं बुलबुलां ते चिड़ीआं नें वी आपणीआं पिआरीआं अवाज़ां विच्च परिवार दी खुशी विच्च शामल होण दी गवाही भरी।