प्रिंसीपल साहिबा नें जदों बच्चिआं नूं कुझ ज़रूरी गल्लां समझाउणीआं हुंदीआं तां उह सवेर दी सभा वेले प्रारथना तों बाअद तीजी तों बारहवीं तक दे बच्चिआं नूं इक्क थां इकठ्ठे कर लैंदे। अज्ज वी उह बच्चिआं नूं कुझ गल्लां समझा रहे सन। इह गल्लां सन-पहड़ाई बारे, मापे ते अधिआपकां दा कहिणा मंनण बारे, सकूल विच्च अनुशासन विच्च रहिण बारे अते होर बहुत सारीआं चंगीआं गल्लां। आपणे भाशण विच्च उनहां नें किहा कि सानूं किसे वल्ल वी बिनां सोचे समझे उंगल नहीं करनी चाहीदी मतलब किसे ’ते झूठा दोश नहीं लगाउणा चाहीदा किउंकि जे असीं किसे वल्ल इक्क उंगल करांगे तां तिंन साडे वल्ल हुंदीआं हन यानी कि असीं वी दोश मुकत नहीं हुंदे। दोश मुकत शबद प्रिंसीपल मैडम नें कई वार वरतिआ सी।

दीप नूं कुझ समझ नहीं सी आ रही। उह नाल बैठे बच्चिआं तों चोरी इक्क उंगल साहमणे वल्ल करदा तां तिंन उस वल्ल हुंदीआं। उह छेती नाल मुठ्ठी खोल्ह लैंदा। उस नूं लग्गदा कि शाइद इस तरहां करना ठीक नहीं हुंदा। अंगूठे नूं कदे उह सिध्धी उंगली दे बराबर जोड़ लैंदा, कदे बाकी तिंन उंगलां दे उप्पर रख्खदा, कदे उहनां दे हेठ लुको लैंदा। इह सभ उह मैडम दी कही गल्ल ’ते तजरबा करन दी कोशिश कर रिहा सी। अंगूठे दी तां मैडम नें गल्ल ही नहीं सी कीती। इस लई दो कु वार प्रयोग विच्च लिआउण तों बाअद उस ’ते कोशिश करनी छड्ड दित्ती। दीप तों इलावा होर बच्चिआं नें वी इह प्रयोग कर के देख लए सन। दीप बाकीआं नालों इस मामले विच्च ज़िआदा ही गंभीर सी। इंने नूं प्रिंसीपल साहिबान जी दी आगिआ नाल सारे बच्चे कतारां बणा के वारी वारी नाल आपणी जमात दे कमरिआं विच्च चले गए। जमात विच्च जांदिआं वी दीप दी उंगली कई वार सिध्धी होई पर उह फटाफट हत्थ सिध्धा कर लैंदा सी। सारा दिन बच्चे बड़े अनुशासन विच्च रहे। जे कोई बच्चा शरारत करन दी कोशिश करदा तां नाल दे बच्चे उस नूं प्रिंसीपल मैडम दीआं गल्लां चेते करवा दिंदे।

छुट्टी तों बाअद दीप हमेशा दी तरहां आपणे वड्डे भरा जीते नाल पिंड वल्ल नूं तुर पिआ। जीता बारहवीं विच्च पहड़दा सी ते दीप नालों अठ्ठ नौं साल वड्डा सी। दीप दे दिमाग विच्च हुण तक प्रिंसीपल साहिबान दीआं गल्लां घुंम रहीआं सन। खास करके उंगल करन वाली गल्ल।

दीप आपणे भारे बसते नूं मोढिआं ’ते ठीक करदा होइआ भज्ज के आपणे भरा दे बराबर हो के बोलिआ, “वीर जी! दोशमुकत की हुंदा है?” जीते नें पहिलां तां दीप दा बसता ठीक कीता ते फिर बोलिआ, “दोश मुकत उह हुंदा है … … जिस विच्च कोई दोश नां होवे। जिस नें कदे वी कोई गलत कंम नां कीता होवे।”

“वीर जी! जदों असीं उंगल करदे आं तां इह गलत कंम हुंदा है? जिहड़े उंगल नहीं करदे उह दोश मुकत हुंदे नें नां?” दीप नें काहली नाल पुछ्छिआ।

“कई वार जदों असीं इशारा करना होवे फिर वी असीं उंगल नाल इशारा करके ही दस्सदे हां।”

“फेर जिहड़े उंगल नहीं करदे, उह दोश मुकत हुंदे नें … …? दीप नें फिर पुछ्छिआ।

दीप जीते नूं उस वेले ही ’वीर जी’ कहि के बुलाउंदा सी जदों उस नूं कोई गल्ल पुछ्छणी हुंदी जां उस नें आपणा कोई कंम करवाउणा हुंदा। जीते नूं दीप दा ’वीर जी’ कहिणा चंगा लग्ग रिहा सी अते उह मुसकरा रिहा सी। दीप नें जवाब जाणन लई भरा दा हत्थ फड़ के हलूणिआ।

“हां … … पर शाइद कोई वी दोश मुकत नहीं हुंदा। किते नां किते जाणे अणजाणे हर बंदे तों कोई नां कोई गलती हो जांदी ऐ। दादा जी आखदे हुंदे ऐ।”

इस तों पहिलां कि दीप होर सवाल पुछ्छदा जीते नें किहा, “अछ्छा … तूं हुण चुप्प कर, अजे तूं छोटा एं … … तैनूं कुछ वी समझ नहीं पैणा।”

दीप चुप्प तां कर गिआ पर उस नूं बुरा लग्गिआ। उस दे दिमाग विच्च इह गल्ल बैठ गई कि जे असीं किसे वल्ल उंगल करदे हां तां इह ठीक नहीं हुंदा। उस दे बाल मन अंदर कई सवाल उठ्ठ रहे सन। पर भरा दी हलकी झिड़क नें उस नूं चुप्प करा दित्ता ते उह सोच रिहा सी कि उस नें अज्ज किंनी वारी वीरे नूं ‘वीर जी’ किहा सी फिर वी वीरे नें उस नूं झिड़किआ। इह सोचदिआं उस दीआं गल्ल्हां होर वी फुल्ल गईआं ते बुल्ल्ह ढिल्ले हो गए।

इक्क बज़ुरग उनहां तों थोहड़ा पिछ्छे दोवां भरावां दीआं गल्लां सुणदा आ रिहा सी। उस नें किहा, “अज्ज कल्ल्ह तां भाई जे साडे तों गलत कंम हो वी जावे … … उह वी असीं सोचदे आं कि दूजे ’ते सारा इलज़ाम किवें लाईए। सारिआं विच्च कोई नां कोई नुकस तां हुंदा है, पर आपणा दोश किसे नूं नहीं दिसदा। सभ नूं दूजिआं दे दोश ई नज़र आउंदे नें।”

बज़ुरग बिनां जवाब उडीकिआं ही आपणे खेतां वल्ल मुड़ गिआ। जीता बज़ुरग दी गल्ल दी सचाई बारे सोच रिहा सी। इस समें दीप आपणी मुठ्ठी बंद करके उंगलीआं सिध्धीआं करदा तिंन उंगलां उस वल्ल हुंदीआं, उह छेती नाल मुठ्ठी खोल्ह लैंदा।

कई वार दीप नूं जीते नाल ईरखा होण लगदी कि जीते नूं सारीआं गल्लां दा पता हुंदा है। कई वार उह आपणे वीरे ’ते बहुत माण करदा। उह दोसतां साहमणे आपणे वीरे दीआं गल्लां वधा चहड़ा के वी दस्सदा कि किवें उस दे वीरे नूं हर गल्ल दा जवाब पता हुंदा है।

दीप कुझ नहीं सी बोल रिहा। उह चुप्प चाप तुरिआ जा रिहा सी। जीते नें कई वार उस नूं बुलाउण दी कोशिश कीती पर उह नां बोलिआ। जीते नें किहा कि घर जा के उस दे सारे सवालां दे जवाब देवेगा।

“मैं दादा जी नूं पुछ्छ लांगा।” दीपे नें पोला जिहा मूंह बणा के आखिआ।

जीते नें कई वार दीप नूं बुलाउण दी कोशिश कीती।

“आह बसता मैनूं फड़ा दे थोहड़ी देर … … भारा ऐ।” जीते नें बसते नूं हत्थ पाउंदिआं आखिआ। दीप नें झटका जिहा मार के बसता उप्पर नूं चुक्क लिआ अते किहा, “नहीं, मैं इस तों वध्ध भार चुक्क सकदां। दादा जी कोल बिठा के दुध्ध दा गलास भर के पिआउंदे नें … … कहिंदे दुध्ध पी के जिंना मरज़ी भार चुक्किआ जा सकदा आ।” जीते नूं याद आइआ कि दादा जी इस नूं दुध्ध पिआउण लई बहुत गल्लां सुणाउंदे हुंदे नें।

जदों उह पिंड पहुंचे तां इक्क पासिओं औरतां दे झगड़न दीआं आवाज़ां आ रहीआं सन। सारी गली विच्च पाणी कारन चिक्कड़ होइआ पिआ सी, जिवें किसे नें पाणी नूं अग्गे जाण तों रोकिआ होवे। दीप रुकिआ, पर जीते नें उस नूं चल्लण लई किहा। अचानक दीप चीकिआ, “वीरे! औह देख।”

जीते नें पिछ्छे मुड़ के देखिआ। दीप दा मूंह लाल ते उस दीआं अख्खां विच्च चमक सी जिवें उस नूं कुझ नवां लभ्भिआ होवे। उह उस पासे वल्ल इशारा कर रिहा सी, जिध्धरों झगड़न दीआं आवाज़ां आ रहीआं सन।

“वीरे, औह देख … … दोश मुकत।” दीप नें भरा नूं दस्स के छेती नाल आपणी मुठ्ठी खोल्ही ते हत्थ सिध्धा कर लिआ। जीता देख के हक्का बक्का रहि गिआ। औरतां इक्क दूजे वल्ल पूरे दा पूरा हत्थ करके लड़ रहीआं सन। सारीआं उंगलां ते सणे अंगूठा वी। दीप किसे जेतू जरनैल वांग बाहां मारदिआं ते लंमीआं लंमीआं पुलाघां पुट्टदिआं घर वल्ल तुर पिआ। जीते दे दिमाग विच्च बज़ुरग दी गल्ल घुंम रही सी।