चंडीगहड़ 37 सैकटर दे फुट्टपाथ उत्ते इक्क चाह वाला बैठदा सी। जदों वी मैं चंडीगहड़ जाणा, उस तों चाह पी लैणी किउंकि होर नेड़े कोई चाह वाली दुकान नहीं सी। फिर इक वार जदों मैं चंडीगहड़ गिआ तां उत्थे कोई 13-14 साला मुंडा बैठा सी। उस नूं मैं बज़ुरग बारे पुछ्छिआ तां उस नें दस्सिआ कि उह मेरे पिता जी सन, जिहड़े कुझ महीने पहिलां सानूं छड्ड गए हन। हुण मैनूं इत्थे बैठणा पै रिहा है किउंकि घर विच्च कोई होर कमाउणा वाला नहीं है। मैं उस मुंडे नूं उस दी पहड़ाई बारे पुछ्छिआ तां उस दस्सिआ कि मैनूं पहड़ाई बंद करनी पई है। मैं उस नूं हौसला दित्ता अते विहले समें आपणी पहड़ाई जारी रख्खण दी सलाह दित्ती अते प्राईवेट इमतिहान देण बारे जाणकारी सांझी कीती।

फिर मैनूं कुझ सालां लई बाहर जाणा पै गिआ। जदों वापस आ के मेरा चंडीगहड़ दा चक्कर लग्गिआ तां मैनूं उसे मुंडे दा खिआल आइआ। पर उह फुट्टपाथ उत्ते नहीं सी। मैं साहमणे वाले दुकानदार तों पुछ्छिआ कि चाह वाला मुंडा किध्धर चला गिआ? दुकानदार नें दस्सिआ कि उह दूसरे पासे सपैशल ‘टी शाप’ नाम दी दुकान है, उह उत्थे चला गिआ है। उस दी तरक्की दी जित्थे खुशी वी होई, उत्थे इस चमतकार बारे जाणन दी लालसा वी जागी। उस ‘टी शाप’ नाम दी दुकान दे काऊंटर ’ते मैं इस बारे पुछ्छिआ तां उह मैनूं पिछ्छे बणे उस मुंडे दे दफतर विच्च लै गिआ। मैं बेनती कीती कि जेकर उस कोल समां होवे तां मैं इस चमतकार बारे जाणना चाहवांगा।

उस जिहड़ी आपणी कहाणी सुणाई, उह मैं तुहाडे नाल सांझी कर रिहा हां।

उस मुंडे नें दस्सिआ कि मेरे कोल साहमणे दफतर तों इक्क बापू जी लगभग रोज़ ही चाह पीण आउंदे सन। मैनूं वी उनहां दी उडीक रहिंदी सी। उह मेरे नाल गल्लां करदे, मेरे परिवार बारे पुछ्छदे, मैनूं पहड़न लई उकसाउंदे। इक्क दिन उह चंगे मूड विच्च सन। मैं पुछ्छिआ, “सर मैं तुहाडे वांग सफल हो के वड्डा बंदा बणना चाहुंदा हां, मैनूं वी कोई गुर दस्सो तां जो मैं वड्डा आदमी बण सकां? उनहां मैनूं चार गुर दस्से, जिनहां उत्ते मैं पूरी संजीदगी नाल अमल कर रिहा हां। नतीजा तुहाडे साहमणे है। इहो जिहे तिंन होर चाए घर इस शहिर विच्च चल्ल रहे हन। मेरे ज़ोर देण उत्ते उस मुंडे नें आपणे चारे गुर मेरे नाल सांझे कीते।

पहिला गुर मिहनत, उनहां आखिआ मिहनत तों बगैर कदे वी सथाई प्रापती नहीं हुंदी। जदों मनुख्ख मिहनत दी थां गलत ढंग तरीकिआं नाल सफ़लता प्रापत करन दा यतन करदा है तां फौरी लाभ भावें हो जावे पर इह प्रापती सथाई नहीं हुंदी अते नां ही इस प्रापती नाल संतुशटी हुंदी है अते नां ही आनंद मिलदा है।

मैं उनहां नूं आखिआ कि मिहनत तां मैं पूरी करदा हां पर गड्डी तां उत्थे दी उत्थे खहड़ी है। उनहां आखिआ मिहनत दे नालो नाल तिंन होर गुर वी ज़रूरी हन। जदों तक चोहां दा मेल नहीं हुंदा, लोड़ींदी सफलता प्रापत नहीं हुंदी। दूजा गुर जिहड़ा उनहां दस्सिआ, उह सी ‘इमानदारी।’ सथाई सफलता इमानदारी नाल ही मिलदी है। बेईमानी दी कमाई जीवन दा सुख तां भावें सारे खरीद सके पर उनहां नूं भोगिआ नहीं जा सकदा। वधीआ घर, वधीआ सौण कमरा वी गूहड़ी नींद नहीं दिंदा जेकर उह बेईमानी दे पैसे नाल बणे होण। बेईमानी दी कमाई कच्ची कंध वांग हुंदी है, जिहड़ी कदे वी खुर सकदी है, ढहि सकदी है। मैं आखिआ मैं तां कोई बेईमानी नहीं करदा फिर वी बरकत नहीं हुंदी। उह आखण लग्गे तूं बहुती वार पतीले नूं धोए बगैर पुराणी पई पत्ती विच्च ही होर खंड दुध्ध पा के चाह बणा लैंदा हैं, गलास धोण लई बालटी विच्च पाणी वी सवेर दा ही भरिआ हुंदा है ते तूं उसे पाणी विच्च गलास धो के चाह दे दिंदा हैं। तूं ससते वाली पत्ती अते सपरेटा दुध्ध दी वी वरतों कर लैंदा है। इमानदारी नाल सलीका जुड़ जावे वधीआ प्रभाव पैंदा है। मिहनत दे नालो नाल मैं इमानदारी नूं वी पल्ल्हे बंनह लिआ। जदों मैं तीसरे गुर बारे पुछ्छिआ तां उह आखण लग्गे कि तीसरा गुर ‘हुनर’ हुंदा है। मैं आखिआ चाह बणाउण विच्च की हुनर है, पहिलां मेरे पिता जी बणाउंदे सन ते हुण मैं बणा रिहा हां। उनहां आखिआ हरेक कंम विच्च हुनर दी लोड़ पैंदी है, आपणी पछाण बणाउण लई दूजिआं तों हट के कुझ वख्खरा करना पैंदा है। पर चाह विच्च की हुनर हो सकदा है। उनहां दा उत्तर सी इस बारे तैनूं आप सोचणा पवेगा कि तूं आपणी चाह दी वख्खरी पछाण किवें बणा सकदा हैं। चाह विच्च किहड़ा मसाला पाइआ जावे ते किंना पाइआ जावे तां जो कि पीण वाला सिफत करनो नां हट सके। मैं आपणी मां नाल रल के मसालिआं दे तजरबे कीते। अलाइची, अदरक, तुलसी दे पत्ते, पुदीना आदि की पाइआ जा सकदा है, जिस नाल चाह दा विलख्खण सुआद आवे। आपणे मसाले वाली चाह मैं पहिली वार उनहां नूं ही पिलाई, जिहड़ी उनहां बहुत पसंद कीती। फिर मैं चौथे गुर बारे पुछ्छिआ तां उनहां दा आखणा सी कि चौथा थंमह है ‘धीरज’। किसे वी सथिती विच्च घबराउणा नहीं। जेकर कोई नुकस दस्सदा वी है तां गुस्से विच्च नहीं आउणा है, आराम नाल अगले दी गल्ल सुणो। जेकर तुहाडी गलती है तां उस नूं मंन लैणा चाहीदा है। गलती मंनण नाल ही भविख्ख विच्च उस गलती तों बचिआ जा सकदा है। हऊमै विच्च नहीं आउणा। इह अखाण याद रख्खो, “हंकारिआ, सो मारिआ”। हंकार तों दूरी अते गुस्से उत्ते काबू ही सफ़लता दी पौड़ी बणदे हन। जदों बुरा समां आवे, उदों वी घबराउणा नहीं चाहीदा सगों चहड़दी कला विच्च रहिंदिआं भले दिनां दी उडीक करनी चाहीदी है। घबराहट नाल होर नुकसान हुंदा है। धीरज मनुख्ख दा गहिणा है अते खिमा शकती है। मैं पूरी इमानदारी नाल इनहां चौहां पख्खां उत्ते पहिरा दित्ता है। नतीजा तुहाडे साहमणे है। मेरी चाह पीण दूरों दूरों लोकीं आउंदे हन। दूजे शहिरां विच्च बरांचां खोल्हण लई वी ज़ोर पै रिहा है। पर मैं सावधानी नाल चल्लणा चाहुंदा हां। मैं आपणे कामिआं नाल खलो के उनहां नूं चाह बणाउण दी सिखलाई दिंदा हां। किंना पाणी, किंनी चीनी, किंना दुध्ध अते मसाला वरतणा है अते किस तरहां वरतणा है तां जो मेरी साख बणी रहे। जदों तक मेरी चाह दा सुआद विलख्खण है, उदों तक ही मेरा धंदा चल्लणा है। आपणी गुणवत्ता नाल मैं कदे समझौता नहीं कीता अते नां ही करांगा। नवीं पीहड़ी नूं मेरी इहो सलाह है कि इनहां चारे पख्खां उत्ते संजीदगी नाल अमल करो। सफ़लता ज़रूर प्रापत होवेगी। नौकरी दी भाल करन दी थां आप नौकरीआं देण वाले बण सकदे हो। असीं अग्गे वधण दा यतन नहीं करदे। इसदा कारन आलस जां डर हो सकदा है पर आलस तिआग के मिहनत करनी चाहीदी है। जदों वी कुझ नवां कीता जांदा है तां थोहड़ा नुकसान तां ही हो सकदा है पर घबराउण दी थां धीरज नाल नुकसान दे कारनां दा पता लगाउणा चाहीदा है। इंझ उनहां नूं दूर कीतिआं सफ़लता दी पौड़ी चहड़िआ जा सकदा है।