51

हलकी नीली वरदी पा के फ़ैकटरी विच मुशक्कत करन आए हाकम दा धरमपाल नें गरमजोशी नाल सवागत कीता।

डिपटी दी कुरसी अग्गे मेज़ सी। मेज़ दे दूजे पासे हाकम खड़ा सी। उस दे बैठण लई नां कुरसी सी, नां सटूल।

धरमपाल नें दराज़ खोल्हिआ। विचों जेल्ह मैनूअल कढ्ढ के मेज़ ते रख्ख लिआ। फेर हाकम नूं आखण लग्गा।

“तूं जेल्ह मैनूअल दा हवाला दे के आखेंगा कि कैदी तों उस दी योगता अते सरीरक समरत्था अनुसार कंम लैणा चाहीदा है। मैं बी-कलास कैदी हां। मैथों हलका-फुलका कंम लओ। जेल्ह प्रशासन नें पूरे सत्त साल इहनां नियमां दी पालणा कीती है। तैनूं बाबू बणा के दफ़तर बिठाइआ। तेरी हर मरज़ी ’ते फुल्ल चहड़ाए गए पर तूं नमक हराम कीता। साडी ही दाहड़ी नूं हत्थ पाउण लग्ग पिआ।”

फेर धरमपाल नें मैनूअल खोल्हिआ, इक पंना हाकम अग्गे करदिआं आखिआ।

“इह मैनूअल अंगरेज़ां दा बणाइआ होइआ है। , तेरे वरगे बाग़ीआं नाल नजिठ्ठण लई, इस विच कई प्रबंध नें। लै इस नियम हेठ दरज किंतू-परंतू पहड़ लै। इथे दरज है, जे तेरे वांग किसे कैदी दा दिमाग़ ख़राब हो जावे तां उस कोलों बी-कलास खोही जा सकदी है। हाले बी कलास तैथों खोही नहीं गई। मुशक्कत दा सवाद चखाउण लई तैनूं फ़ैकटरी भेजिआ गिआ है। दो-चार दिनां विच तेरा दिमाग़ ठीक हो जावेगा।”

“सरीरक तौर ’ते तूं रिशट-पुशट हैं। हर तरहां दे कंम करन विच योग हैं। नियमां नूं धिआन विच रख्खदिआं तैनूं मुशक्कत लई आरे विच भेजिआ जांदा है। उथे दस-बारां कैदी हन। यूनीअन बणाउण विच तेरी मदद करनगे।”

“कदे दादे दीआं कदे पोते दीआं” सोचदा हाकम चुप्प-चाप धरमपाल दे निहोरे सुणदा रिहा।

धरमपाल नें घंटी खड़काई। सेवादार राहीं आरे दे पंजा इंचारज नूं बुलाइआ।

“इह वकील साहिब हन। कदे जेल्ह विच बड़े मशहूर होइआ करदे सन। हुण सितारे गरदिश विच हन। इहनां तों पिआर नाल कंम लैणा है।”

अधखहड़ उमर दे माड़चू जिहे पंजा इंचारज नूं नवें कैदी उपर सख़ती वरतण दा इशारा कर के हाकम नूं उस दे हवाले कर दित्ता।

फ़ैकटरी हाकम लई नवीं नहीं सी। उह कई वार इथे आइआ सी। उस समें आरे विच देसी कैदी टावां-टल्ला ही हुंदा सी। बहुते कैदी परवासी सन। उहनां कोलों मिहनत-मज़दूरी नाल कमाए पैसे ग्रिफ़तारी समें पुलिस नें जां मुकद्दमा झगड़दे समें वकील मुनशी नें खोह लए हुंदे सन। कछ्छे बनैण नाल जेल्ह आए कैदी कोल जेल्ह करमचारीआं नूं देण लई कुझ नहीं हुंदा। उह उहनां नूं आरे ’ते भेज दिंदे हन। जेल्ह करमचारीआं दी आपणी मजबूरी है। जेल्ह विच फ़रनीचर बणदा है। फ़रनीचर लई लोड़ींदी लक्कड़ आरे विच चिरदी है। जे आरा है तां आरा चलाउण लई मिसतरी मज़दूर वी चाहीदे हन। इह लोड़ परवासी कैदी पूरी करदे हन। परवासीआं नूं इथे जां उथे कंम करन विच बहुता फ़रक नहीं पैंदा। उह सख़त कंम करन दे आदी हुंदे हन। बाहर वी पच्ची-पच्ची इट्टां सिर ’ते चुक्क के चार-चार मंज़लां उपर चहड़ाउंदे हन।

“मैं कदे सख़त कंम नहीं कीता। भारीआं शतीरीआं किस तरहां चुक्कांगा?” आरे वल्ल वध्धदे हाकम नूं फ़िकर होण लग्गा।

आपणी हो रही दुरदशा लई उह सैशन जज्ज हिरदेपाल नूं कोसण लग्गा।

सुपरीम कोरट दे लोक-पख्खी जज्ज जसटिस *शना आइर आपणे फ़ैसलिआं राहीं हेठलीआं अदालतां नूं दिशा-निरदेश दिंदे रहिंदे सन। उह कहिंदे सन कि सरकार नूं तां कानूंन सोधण विच दिलचसपी नहीं सी। पर निआं-पालिका आपणे फ़रज़ां प्रती सुचेत होवे। अदालतां नें लोकां दीआं आसां ’ते पूरा उतरना है। जज्जां नें जेल्ह दे बंद दरवाज़िआं नूं खोल्ह के उथे इनसाफ़ दी ताज़ी हवा पहुंचाउणी है। कैदीआं नूं मानसिक तौर ’ते टुट्टण तों बचाउणा है। जदों कैदीआं दे मुढ्ढले अधिकार ख़तरे विच होण तां अदालत नें जेल्ह प्रबंध विच दख़ल देणा है अते कसूरवार जेल्ह अधिकारीआं दे कंन खिच्चणे हन।

हाकम नें सोचिआ सी, माइआ नगर दे सैशन जज्ज नें इहनां फ़ैसलिआं नूं पहड़िआ होवेगा। तिहाड़ जेल्ह विच बंद दो कैदीआं दीआं चिठ्ठीआं पहड़ के जिस तरहां *शना आइर दा मन तड़फ उठ्ठिआ सी, उवें हिरदेपाल दा हिरदा विलक पएगा। झट्ट उह जेल्ह प्रशासन दीआं वागां कस्स देवेगा।

पर होइआ बिलकुल इस दे उलट।

सैशन जज्ज नूं चाहीदा सी कि उह ख़त लिखण वाले दा नां गुपत रख्खदा। उस नूं अंदाज़ा ला लैणा चाहीदा सी कि ख़त दा लिखारी पूरी तरहां जेल्ह अधिकारीआं दी ग्रिफ़त विच है। नां ज़ाहर होण ’ते उह उस नूं हर तरहां दे नुकसान पहुंचा सकदे हन। उस नूं चाहीदा सी कि उह चिठ्ठी विच दरज तत्थां नूं घोखदा। इनसाफ़ लई तड़फदे कैदीआं नूं मिलदा। उहनां दीआं तकलीफ़ां दूर करदा। कसूरवार जेल्ह करमचारीआं नूं कटहिरे विच खहड़ाउंदा।

कैदीआं दी थां उस नें जेल्ह अधिकारीआं दा साथ दित्ता। ख़त नूं गुपत रख्खण दी थां उस दीआं फ़ोटो कापीआं उहनां दे हवाले कर दित्तीआं। ख़त लिखण वाले कैदी दी शनाख़त करन विच उहनां दी मदद कीती। हेमा अते बसंत नूं राहत दित्ती। पर कैदीआं नाल हमदरदी कारन नहीं, सगों जेल्ह अधिकारीआं दी खल्ल बचाउण लई। जेल्ह विच बंद मोदन उहो बिआन दे सकदा है जो अधिकारी चाहुंदे सन। जेल्ह अधिकारीआं दी हाज़री विच उह आपणी मरज़ी किस तरहां कर सकदा सी? सैशन जज्ज दा फ़रज़ सी कि गुपत पड़ताल करदा? उह इकल्ले-इकल्ले कैदी नूं इकांत विच लिजांदा। फेर उहनां कोलों असलीअत पुछ्छदा। पर उह इंझ तां ही करदा जे उस नूं कैदीआं नाल कोई हमदरदी हुंदी।

नां तनहाई चक्कीआं विच गिआ, नां हत्थकड़ीआं अते बेड़ीआं वाले कैदीआं नूं मिलिआ। अग्गों तों कोई कैदी आपणी आवाज़ बुलंद नां कर सके, इस लई हाकम नूं सबक सिखाउण दी सलाह दे गिआ।

हाकम नें निआं-पालिका ’ते इनसाफ़ दी टेक रख्ख के थोहड़ी जिही हिंमत बटोरी सी। जे वाड़ ही खेत नूं खाण लग्ग जाए तां गऊआं घुग्गीआं बणे कैदीआं दा कौण राखा?

आरे वल्ल वधदे हाकम नूं इक होर चिंता सता रही सी। हिरदेपाल दे रणजोध सिंघ नाल मिल जाण विच बहुते अफ़सोस वाली गल्ल नहीं सी। भोलू नराइण दा किउं नां बणे?

हाकम निज्जी सहूलतां लई लड़ाई नहीं सी लड़ रिहा। उस नूं हर तरहां दी सहूलत मिली होई सी। उह सांझे कंम लई लड़ रिहा सी। पड़ताल दौरान तिंन-चार कैदी हाकम दे विरुध्ध भुगत गए। झूठ बोल गए। दफ़तर दे मुनशी मुसद्दी लाल उपर हाकम नें बहुत अहिसान कीते सन। पहिलां उस नूं कप्पड़ा रंगण वाली भठ्ठी विचों कढ्ढ के दफ़तर लिआंदा। फेर प्रेर के पहड़न लाइआ। गिआरहवीं अते बारहवीं जमात पास कराई। हुण बी.ए. दी तिआरी करवा रिहा सी। दरोग़े दी शहि ’ते मुसद्दी नें पहिलां झूठ-मूठ मिसलां हाकम दे नां चहड़ाईआं। फेर धोखे नाल रजिसटर ’ते हाकम तों दसतख़त कराए। फेर आप ही मिसलां गुंम कीतीआं। दोश हाकम सिंघ सिर महड़िआ। हाकम नूं सज़ा कराउण विच सहाई होइआ।

हेमा अते बसंत नें वी लोहड़ा मारिआ। घर जा के बैठ गए। इक वारी वी मुलाकात लई नहीं आए। ख़त तक नहीं लिखिआ।

फेर उस नूं ख़िआल आइआ कि हो सकदा है उह मिलण आए होण। उहनां नूं बाहरों ही मोड़ दित्ता होवे। उहनां ख़त पाए होण। ख़त पाड़ दित्ते गए होण। हाकम नूं सूचना मिली सी। अज्ज-कल्ल्ह उस नाल इंज हो रिहा सी।

थोहड़ी देर बाअद मुसद्दी होरां प्रती हाकम दा रवई्ईआ नरम पैण लग्गा। उह विचारे मजबूर सन। जेल्ह अधिकारीआं दे हत्थां विच कठ्ठपुतलीआं सन। उहनां उहो कीता जो उहनां तों कराइआ गिआ।

कैदीआं नूं मुआफ़ कर के हाकम अफ़सरां नूं कोसण लग्गा।

“मैं अफ़सरां दा की विगाड़िआ है? कानूंन अनुसार सहूलतां मंगीआं सन। उह वी आपणे लई नहीं, उहनां लई जिहड़े आप मूंह नहीं खोल्हदे। उहनां लई जिनहां नूं आपणे हक्कां दी जाणकारी नहीं। अफ़सर मेरे इस कंम नूं गुनाह समझदे हन। मैनूं सबक सिखाउण ’ते तुल पए हन। कानूंन कहिंदा है जेल्ह अधिकारीआं नूं नरम-दिल अते लोक-हितू होणा चाहीदा है। कैदीआं दीआं सरीरक, मानसिक अते समाजिक समस्सिआवां नूं समझ के उहनां नूं सुलझाउण विच मददगार होणा चाहीदा है। अफ़सर उलटा कैदीआं दीआं समस्सिआवां नूं उलझा रहे हन।”

हाकम नाल किस तरहां नजिठ्ठणा है? इशारे नाल धरमपाल नें मीते नूं समझाइआ सी, उह हाकम नूं वी समझ आ गिआ सी।

हाकम जाणी-जाण सी। अफ़सर करोप हो चुक्के सन। हुण उस नूं सरीरक अते मानसिक दोहां तरहां दा कशट पहुंचाइआ जाएगा। पर उस नूं इह समझ नहीं सी आ रही कि संकट दी इस घड़ी उस दे नाल कौण खलोएगा?

हाकम नूं आपणे बी-कलास दे साथी कैदीआं उपर वी ग़ुस्सा आ रिहा सी। जापदा सी, उहनां नें तुफ़ान दे आउण तों पहिलां छाउण वाली चुप्प तों ही भविख्ख दा अंदाज़ा ला लिआ सी। आने-बहाने उहनां नें हाकम कोलों किनारा करना शुरू कर दित्ता सी।

प्रोफ़ैसर तिंन साल उस दा रोटीवाल रिहा सी। पिछले तिंन दिनां तों उह इकल्ला रोटी खाण लग्ग पिआ सी। डाकटर मूंगी दे हलवे दा शौकीन सी। हफ़ते ’च दो दिन उस दे घरों हलवा आउंदा सी। पहिलां उह हाकम नूं खवाउंदा सी, फेर आप खांदा सी। पिछली वार उस नें हलवा सभ कोलों लुक के खाधा सी। ऐस.डी.ओ. अते बैंक मैनेजर नूं उस बिनां सैर दा मज़ा नहीं सी आउंदा। कल्ल्ह उह वी अख्ख बचा के निकल गए सन। रात नूं महिते होरां विचकार ताश दी बाज़ी लग्गदी सी। रात महिते नें उस दा जोटीदार बणन दा सद्दा नहीं सी दित्ता। नां सलाह-मशवरे लई कोल बिठाइआ सी। घोड़े वाला जिवें सारी बैठक विच ही फिर गिआ सी। जिवें उस दे साथी कैदीआं नूं हाकम दा बाईकाट करन लई कहि गिआ सी।

इकल्ला बैठा हाकम उपराम हो गिआ सी। उस दा पहड़न विच मन नहीं सी लग्गा। इकल्ले पए दे मन विच भैड़े-भैड़े ख़िआल आउण लग्गे सन। रुझेवें विच रहिण लई उह बिनां बुलाइआं ही ताश वालिआं कोल जा बैठा सी। उहनां नक्क-बुल्ल्ह कढ्ढे, खेडणा बंद कीता अते आपणे-आपणे खड्डिआं ’ते जा पए।

एना बेशरम हाकम वी नहीं सी। उस नें वी उहनां कोलों पासा वट्टणा शुरू कर दित्ता।

अज्ज कंमां ’ते जाण तों पहिलां किसे नें उस नाल अग्गे वांग दुआ-सलाम नहीं सी कीती।

हाकम मंह लटका के फ़ैकटरी वल्ल चल्ल पिआ सी।

ते आपणे आप नाल खौजलदा हुण उह आरे वल्ल जा रिहा सी।

हाकम दे अ<गे जांदा पंजा इंचारज ख़ुश सी। उस नूं हाकम दी सेवा दा मौका मिलिआ सी।

जापदा सी हाकम नें मीते नूं पहिचाणिआ नहीं सी, पर मीते नें उस नूं झट्ट पहिचाण लिआ सी। उहनां दोहां नूं इको दिन सज़ा होई सी अते उह इकठ्ठे इस जेल्ह विच आए सन।

मीते नूं हाकम तक कदे सिध्धा कंम नहीं सी पिआ। उंझ उस नें सुण रख्खिआ सी कि हाकम गुरमीत वरगा भलामाणस इनसान सी। उस नें मीते वरगे सैंकड़े ग़रीब-ग़ुरबिआं दा फ़ाइदा कीता सी।

“संकट दी इस घड़ी विच मैं ग़रीब-ग़ुरबिआं दी नुमाइंदगी करांगा। हर तरहां दा ज़ोख़म उठा के उस दी मदद करांगा।’

मन विच अजिहीआं पहड़तां पहड़दा मीता हाकम नूं आरे ’ते लै गिआ।

“यह वकील साहिब हैं”, नक्क-मूंह बंनही खड़े चार-पंज परवासी कैदीआं नाल मीते नें हाकम दी जाण-पहिचाण कराई।

फेर मीते नें आले-दुआले देखिआ। जदों उस नूं यकीन हो गिआ कि किधरे कोई नहीं है तां उस नें हौली जिही आखिआ।

“यह बहुत काम के बंदे हैं। हमने इनकी मदद करनी है। इनसे हलका-फुलका काम लेना है।”

“जी साहिब)” कैदीआं नें सिर झुका के हुकम दी तामील दा यकीन दवाइआ।

“ऐसे करना। शतीरीआं तुम ही ढोते रहिना। इनहें खलपाड़ें उठाने पे लगा देना। खलपाड़ें भी थोड़ेह-थोहड़े उठवाना।

“धिआन रख्खणा। साहिब आता दिखाई दे तो इन को शतीरीउं पे लगा देणा। वैसे  मैं भी इधर ही हूं।”

“जी साहिब)” आख के परवासीआं नें इक वार फेर मीते दी हां विच हां मिलाई।

कैदीआं कोलों मिले इस माण-सनमान नें हाकम दे मनों सारा भार लाह दित्ता। उस नूं ख़ुशी होई कि उस दे कंम दी कदर करन वाला कोई तां सी।

इंने नाल ही नवें जोश नाल भरिआ उह पहाड़ नाल टकराउण लई तिआर हो गिआ।

बिजली दी मोटर दा बटन दबांदिआं ही चिराई दा कंम शुरू हो गिआ। दो मिसतरी चिराई दा कंम संभालण लई खड्डे विच उतर गए। आरे तों तीह कु फ़ुट दी दूरी ’ते उह शतीरीआं पईआं सन, जिनहां दी अज्ज चिराई होणी सी। चार कैदी शतीरीआं दुआले हो गए। दो कैदीआं नें इक शतीरी नूं मोढिआं ’ते रख्ख के आरे तक लिजाणा सी। दो कैदी आरे दे दूजे पासे चले गए। उहनां विचों इक नें चिराई बाअद निकले सही माल नूं सटोर विच पहुंचाउणा सी। दूजे नें वाधू-घाटू बची लक्कड़ नूं आरे दे बाहर खड़ी रेहड़ी विच रख्खणा सी अते फेर रेहड़ी नूं खिच्च के लंगर तक लिजाणा सी। बालण लंगर ’च लाह के मुड़ आरे ’ते आउणा सी।

धरमपाल वल्लों हुकम सी कि हाकम नूं शतीरीआं ढोण ’ते लाउणा है।

मीते नें हुकम-अदूली कर के अते आपणे अधिकारां दी वरतों कर के हाकम नूं खलपाड़ां ढोण दे हलके कंम ’ते ला दित्ता। उस दी मदद लई इक होर कैदी लादित्ता।

चार कु चक्कर लाउण बाअद हाकम नूं थकावट महिसूस होण लग्गी।शिल्लतां नें उस दीआं हथेलीआं अते उंगलां नूं विंनह दित्ता सी। कुझ शिल्लतां उस नें नहुंआं नाल कढ्ढ दित्तीआं। कुझ फेर वी मास विच खुभ्भीआं रहि गईआं। इह शिल्लतां उस नूं तकलीफ़ पहुंचाउण लग्गीआं।

हाकम दे नाल कंम करदे कैदी नूं लंगर दे मुनशी कोलों गाल्हां पैण लग्गीआं। बालण लेट पुज्ज रिहा सी। चुल्ल्हिआं दी अग्ग मठ्ठी पैंदी जा रही सी। कैदी नूं रेहड़ी जलदी-जलदी लै के आउण दी हिदाइत होई।

हाकम साथी कैदी दी मजबूरी समझ रिहा सी। उस दी कमज़ोरी कारन साथी कैदी नूं झाड़ां पै रहीआं सन। हाकम नें अंदाज़ा लाइआ कि गाल्हां उस नूं वी पैण वालीआं हन।

झाड़-झंब तों बचण लई हाकम तेज़ी फड़न लग्गा। हत्थां विच दो कु खलपाड़ां लिजाण दी थां उह बाहां उपर रख्ख के बारां-बारां खलपाड़ां लिजाण लग्गा।

सत्त-अठ्ठ चक्करां बाअद बाहां जवाब देण लग्गीआं। उस दी कमीज़ भावें पूरीआं बाहां वाली सी फेर वी शिल्लतां अते लक्कड़ दीआं तिख्खीआं नुक्करां चमड़ी तक मार करन लग्गीआं। जोड़ साथ छड्डण लग्गे। भार कारन बाहां हेठां नूं लुड़कण लग्गीआं।

शतीरीआं ढोंदे कैदी हाकम दी सथिती नूं भांप गए। उहनां शतीरीआं ढोण दी रफ़तार तेज़ कर दित्ती। अध्धे घंटे विच उहनां नें आरे अग्गे शतीरीआं दा ढेर ला दित्ता। जिंनी देर विच इह शतीरीआं चिरनगीआं ओनी देर विच उह हाकम दा कंम निबेड़ देणगे।

मशीन नूं तेल देण दे बहाने मिसतरी नें आरा रोक दित्ता। कैदीआं नूं हाकम दी मदद करन दा होर समां मिल गिआ।

“नहीं, मैं आपणा कंम आप करूंगा”, हाकम नें परवासीआं नूं खलपाड़ां चुक्कण तों रोकिआ।

इहनां विचारिआं नूं की पता सी कि किसे दूजे कैदी कोलों आपणे हिस्से दी मुशक्कत कराउणा अते दूजे लई मुशक्कत करना दोवें जुरम हन। इहनीं दिनीं जेल्ह अधिकारी हाकम नूं जेल्ह मैनूअल पहड़ाउण ’ते त्ले होए सन। झट्ट उह मैनूअल कढ्ढ के बैठ जाणगे अते हाकम दे नाल-नाल परवासीआं दा जिऊणा वी हराम कर देणगे।

आराम वाली घंटी खड़कण तक हाकम धूह-घड़ीस करदा रिहा।

पंदरां मिंट सुसताउण बाअद सरीर हलका होण दी थां होर भारा हो गिआ। बाहां सुज्ज गईआं, उंगलां आकड़ गईआं। ढूही दुखण लग्गी।

“हुण होर कंम नहीं होणा।” हाकम नूं महिसूस होण लग्गा।

पर मुशक्कत करनी वी ज़रूरी सी। कुताही हुंदिआं ही उस दी छुट्टी बंद हो जाणी सी। रहिंदा कंम पूरा करन लई उस नूं छुट्टी वाले दिन बुलाइआ जाणा सी। उस दिन किहड़ा उस तों कंम होणा सी। सज़ा दे तौर ’ते उस दीआं मुआफ़ीआं बंद होणीआं सन। खाणे विच कटौती होणी सी।

हाल दी घड़ी हाकम इह ज़ोख़म नहीं सी उठा सकदा। हर हाल विच उस नूं मुशक्कत करनी पैणी सी।

नाले हाकम लक्कड़ां ढोंदा रिहा, नाले लहू-पीणे समां विहाअ च्के कानूंन नूं कोसदा रिहा। इह किहड़ा कानूंन है जिहड़ा मनुख्खां नूं पशू बणाउण लई अफ़सरां नूं मनमरज़ी करन दी खुल्ल्ह दिंदा है?

फेर उह सोचदा। कानूंन तां कानूंन है। कसूर उहनां नूं लागू करन वालिआं दा है। कसूर है उहनां नूं समें-समें नां सोधण वालिआं दा।

हाकम नूं नेतावां दी याद आउण लग्गी। जवाहर लाल नहिरू तों लै के सुरजीत सिंघ बरनाला तक नें जेल्ह दा सवाद चख्खिआसी। मोटीआं-मोटीआं किताबां लिख के जेल्ह-कानूंन अते जेल्ह प्रबंध नूं भंडिआ सी। पर कुरसी ’ते बैठदिआं ही उहनां नूं सभ कुझ भुल्ल जांदा सी। लोक-पख्खी कानूंन की घड़ने सन, इहनां नूं हाले तक अंगरेज़ां वल्लों कैदीआं उपर गांधी टोपी पाउण ’ते लाई पाबंदी हटाउण दी विहल नहीं मिली। इह अंगरेज़ां दे उत्तर-अधिकारी हन। उहनां दीआं पाईआं लीहां ’ते चल्ल रहे सन। कानूंन लोकां नूं ग़ुलाम बणाई रख्खण लई घड़े गए सन। इहो इह दस्सणा चाहुंदे सन। इहनां दा सिर नहीं भविआं। कानूंन नूं नवें सिरिउं किउं लिखण?

दुपहिर समें परवासीआं नें चुल्ल्हे उपर पाणी वाला पतीला चाहड़ दित्ता। विच भुक्की दा बुक्क सुट्ट दित्ता। जदों पाणी नूं दस पंदरां उबाले आ गए, विच गुड़ अते चाह पत्ती सुट्ट दित्ती। फेर उह काहड़े दे ठंढा होण दा इंतज़ार करन लग्गे।

अज्ज तक हाकम नें नशिआं दे सेवन विरुध्ध प्रचार कीता सी। कैदीआं नूं नशे छड्डण लई प्रेरिआ सी। कंम नूं सिरे चाहड़न लई अज्ज उस नूं ख़ुद नशे दी लोड़ महिसूस हो रही सी।

शतीरीआं उपर लेट के आराम करदा हाकम परवासीआं वल्लों चाह दी सुलाह वज्जण दी उडीक करन लग्गा।

मीता हाकम तों दो कदम अग्गे सोची बैठा सी। उस नें चाह दे नाल-नाल काली माई वी परोस दित्ती।

पहिले हल्ले हाकम चाह वाला गलास फड़न तों झिजकिआ। दोवें नशे महिंगे सन। परवासीआं नें हड्ड वेच के ख़रीदे होणगे। उह उहनां दी मिहनत दी कमाई ’ते छापा नहीं सी मारना चाहुंदा।

नशा अंदर सुट्टण तों गुरेज़ करन दा इक होर कारन वी सी। अग्गों तों मुशक्कत उस नूं हर रोज़ करनी पैणी सी। किधरे उह नशे ’ते नां लग्ग जावे। सज़ा समापत होण तक किधरे उह अमली नां बण जावे।

भविख्ख बारे सोच-सोच वरतमान नूं बरबाद नहीं सी कीता जा सकदा। हाल दी घड़ी हाकम साहमणे अज्ज दा दिन सही सलामत कढ्ढण दी समस्सिआ सी।

सारे हालात नूं विचार के हाकम नें कौड़ा घुट्ट भर लिआ।

दोबारा कंम शुरू करन तक सरीर तकड़ा-तकड़ा महिसूस करन लग्गा। दरद खंभ ला गिआ।

घंटा कु झुट्टी लाउण बाअद सरीर फेर ढिल्ला पैण लग्गा। कंम दी रफ़तार सुसत होण लग्गी।

“ओए हराम दिआ) तूं इस नूं शतीरीआं चुक्कण ’ते नहीं लाइआ?”

अचानक दौरे ’ते आइआ डिपटी जदों मीते ’ते कड़किआ तां हाकम नूं आपणे हड्ड-हरामी होण ’ते शरम आई। उस कारन इक ग़रीब नूं झिड़कां पैण लग्गीआं सन।

“चल्ल बई उधर चल्ल।” चोरी फड़ी जाण ’ते छित्थे पैंदे मीते नें हाकम नूं शतीरीआं वल्ल जाण दा हुकम सुणाइआ।

साऊआं वांग हाकम शतीरीआं दे ढेर वल्ल हो गिआ।

सारी हिंमत बटोर के हाकम नें शतीरी नूं हत्थ पाइआ। चुक्क के इक सिरा आपणे मोढे ’ते रख्ख लिआ। दूजे सिरे नूं इक परवासी कैदी नें संभाल लिआ।

शतीरी मोढे ’ते चुक्क के लिजांदे हाकम नूं आरे अते शतीरीआं विचकारला तीह कु फ़ुट्ट दा फ़ासला तीह मीलां जिंना लग्गा।

सौ सख्खां सख्ख के मसां आरा आइआ। शतीरी हेठां सुट्टदे हाकम नूं लग्गा जिवें उस दा मोढा सुंन हो गिऐ।

हाकम नें चोर-अख्ख नाल इधर-उधर देखिआ। थमहले पिछ्छे खड़ा धरमपाल मोढा मलदे हाकम नूं देख रिहा सी। उस दे बुल्ल्हां ’ते मुसकराहट सी। मुसकराहट दा अरथ हाकम चंगी तरहां समझ रिहा सी।

तिंन शतीरीआं ढोण बाअद मोढिआं दे नाल-नाल हाकम दा लक्क वी दुखण लग्गा।  गोडे कड़कण लग्गे। पैर हज़ारां मण भारे हो गए। इक कदम पुट्टण बाअद दूजा कदम पुट्टणा असंभव जापदा।

चौथी शतीरी मोढे ’ते रख्खदिआं ही उस दीआं अख्खां अग्गे भंबू-तारे नच्चण लग्गे। पैर थिड़कण लग्गे। थिड़कदा-थिड़कदा हाकम पूरी तरहां थिड़क गिआ। ग़ुबार पेट विचों उठ्ठ के सिर नूं चहड़न लग्गा। घुमेर आउण लग्गी।

नीम-बेहोशी विच उेस नूं महिसूस होइआ जिवें उह ज़मीन उपर डिग्ग रिहा है। जिवें शतीरी उस उपर गिर रही है, जिवें उस दीआं हड्डीआं कड़-कड़ कर के टुट्ट रहीआं हन, जिवें दूर खड़ा धरमपाल उच्ची-उच्ची हस्स रिहा है।

 

 

52

“सरदार जी, तुसीं ठीक हो गए हो। अज्ज-भलक तुहानूं छुट्टी कर दित्ती जाएगी।”

जदों तों कंपाऊडर दे सहाइक शाम लाल कैदी नें हाकम नूं इह ख़बर सुणाई सी, उदों तों उस दी बेचैनी होर वध गई सी।

आम हसपतालां विच मरीज़ नूं छुट्टी मिलण दी ख़बर सौ सख्खां सुख्खण बाअद मिलदी सी। जेल्ह हसपताल विच सथिती इस दे उलट हुंदी सी। छुट्टी होण दी ख़बर सुणदिआं ही कैदी दे चिहरे ’ते हवाईआं उड्डण लग्गदीआं हन। उह कुझ दिन होर दाख़ल रहिण लई तरलो-मछ्छी होण लग्गदा सी।

हाकम मचला बण के हसपताल दाख़ल रहिण दा इछ्छुक नहीं सी। ठीक होणा दूर, दिनो-दिन उस दी हालत विगड़ रही सी। उस दे ज़ख़म अल्ल्हे सन। तुरना फिरना मुशकल सी। अजिही हालत विच उस नूं कंम ’ते भेजणा घोर बेइनसाफ़ी सी।

“जेल्ह प्रशासन मैनूं मारन ’ते तुलिआ होइआ है।” इस ख़बर तों बाअद हाकम दा शक्क यकीन विच बदलण लग्गा।

चार दिनां तों उह हसपताल विच रुल रिहा सी। किसे नें इक वारी वी उस दे ज़ख़मां दा मुआइना नहीं सी कीता। डाकटर नें जाण बुझ्झ के हसपताल आउणा छड्ड दित्ता सी। हाकम पहिले दिन तों दुहाई पा रिहा “मेरे पैर दा दरद वधदा जा रिहा है। कोई हड्डी टुट्ट गई जापदी है। मेरे पैर दा ऐकस-रे कराओ। पैर ’ते पलस्सतर लाओ।” पर कंपाऊडर पैरां ’ते पाणी नहीं सी पैण दिंदा। कहिंदा सी, “मैं पड़ताल कर लई है। हड्डी ठीक है, केवल मास फटिआ है।” हाकम दा वहिम कढ्ढण लई उस नें बहादरां दी बैरक विचों मीएं नूं बुलाइआ। कैदीआं दीआं लत्तां-बाहां टुट्टदीआं रहिंदीआं हन। हर इक नूं सिवल हसपताल कौण लिजांदा फिरे? टुट्टीआं हड्डीआं उहो बंनहदा है। मीएं नें वी कंपाऊडर दी हां विच हां मिलाई। पट्टी खोल्ही, कस्स के बंनही ते चला गिआ।

हाकम दे बाकी ज़ख़मां दा हाल वी पैर वरगा ही सी। पहिले दिन जो मल्हम पट्टी होणी सी, हो गई। मुड़ नां ज़ख़मां नूं साफ़ कीता गिआ, नां पट्टी बदली गई। हाकम दी पट्टीआं बदलण दी बेनती ‘बस्स आइआ’ आख के ठुकरा दित्ती जांदी रही।

कल्ल्ह तों हाकम दे ज़ख़मां विच टस्स-टस्स हो रही सी। जापदा जी ज़ख़मां विच पस्स पै गई है। ज़ख़मां नूं अंदरों दवाईआं अते बाहरों मल्हम पट्टी नाल सुकाउणा ज़रूरी सी। ऐंटीबाइओटिक दी थां उस नूं पेन किलर दित्ते जा रहे हन। ज़ख़म ताब आउण तां किस तरहां?

हाकम दी सज्जी अख्ख, कूहणी, खब्बी लत्त अते पैर बुरी तरहां ज़ख़मी सन। गोडिआं, मोढिआं तों लै के गरदन तक सारे सरीर ’ते रगड़ां सन।

ज़ख़मां दे नाल-नाल हाकम हेठले वारड दे माहौल तों वी दुखी सी। अठ्ठ बिसतरिआं वाले कमरे विच पंदरां मंजे अड़ा दित्ते गए सन। पंदरां दी थां पैंती मरीज़ भरती कर दित्ते गए सन। किसे नूं पीलीआ सी, किसे नूं दमा अते किसे नूं टी.बी। कोई बाहर कराह रिहा सी, कोई खंघ रिहा सी। कोई उलटीआं कर रिहा सी। कोई बीड़ी पी रिहा सी, कोई ज़रदा चबा रिहा सी। बू अते हवाड़ कारन हाकम दी पीड़ विच वाधा हो रिहा सी।

उह बी-कलास दा कैदी सी। उस नूं उपरले वारड विच रख्खिआ जाणा चाहीदा सी। ‘वारड डाकटर नें बदलणा है।’ हर वार कंपाऊडर इह आख के टाल जांदा सी। उह डाकटर कोल बेनती करे तां किस तरहां? पिछले चार दिनां तों इक वारी वी उस नें शकल नहीं सी दिखाई।

पहिले दिन डाकटर दी अदालत विच गवाही सी। सारी दिहाड़ी उथे लग्ग गई। अगले दिन उस दी आपणे महिकमे दे मुख्खी नाल मीटिंग सी। वापस मुड़दे नूं त्रिकालां पै गईआं। फेर इक दोसत दी भैण दा विआह आ गिआ। इक दिन दी छुट्टी लई। इक दिन दी फरलो मारी।

हाकम डाकटर अते कंपाऊडर दोहां दी शरारत समझ रिहा सी। उह उस तों गिण-गिण के बदले लै रहे सन। हाकम नें कई वार उहनां दे कंम-कार ’ते उंगल उठाई सी। ज़ख़मी दुशमण नूं पाणी पिलाउण वाले उह भाई कनहईआ नहीं सन।  हाकम मसां उहनां दे अड़िक्के आइआ सी। उह दुशमण नूं बुरे दा घर विखाउण ’ते तुल्ले होए सन।

तिंन रातां तों उंघाइआ होण कारन उस दा सिर पहिलां ही भारा सी। अख्खां विच लाली उतरी होई सी। नाले रड़क पै रही सी। भुख्ख मर चुक्की सी। बेचैनी हर पाल वध रही सी। कदे उह बिसतरे उपर लेट जांदा, कदे उठ के बैठ जांदा। कदे इधर-उधर टहिलण लग्ग जांदा, कदे कदे फेर मंजे उपर आ बैठदा। कदे गल्लां करदा-करदा चुप्प कर जांदा अते कदे दूजे पासे मूंह कर के लेट जांदा।

शाम लाल तों छुट्टी होण दी ख़बर सुणन बाअद हाकम नूं मौत सिरहाणे खड़ी दिखाई देण लग्गी।

“जेल्ह प्रशासन विरुध्ध बग़ावत दा झंडा चुक्कण बदले मौत दी सज़ा पाउण वाला मैं पहिला शहीद नहीं होवांगा। जेल्ह विच इह वरतारा आम सी।

सोचदा हाकम आपणे तों पहिले ‘शहीदां’ नूं याद करन लग्गा।

परसों हाकम दे नाल दे बैड्ड ’ते पए हरीए नूं सिवल हसपताल लिजाइआ गिआ सी। साथी कैदीआं नाल होई लड़ाई विच उस दी सज्जी बांह टुट्ट गई सी। जेल्ह दे डाकटर कोलों हड्डी ठीक ढंग नाल जुड़ नहीं सी सकी। उस नूं हड्डी तोड़ के दुबारा बंनहणी पई। मिहनत फेर वी रास नां आई। सारी बांह विच पस पै गई। हड्डीआं दे माहिर डाकटरां नें सलाह दित्ती, “मरीज़ दी जान बचाउण लई उस दी बांह कट्टणी ज़रूरी है।” मरदा की नां करदा। रोंदे-कुरलांदे नूं उस नूं बांह कटाउण लई सहिमती देणी पई।

हरीए दी बांह टुट्टी नहीं, तोड़ी गई सी। बांह किस नें तोड़ी? अते किउं तोड़ी। इह राम-कहाणी ख़ुद हरीए नें उस नूं सुणाई सी।

हरीआ पिछले दो हफ़ते तों बीमार सी।  हरीआ सिवल हसपतालों दवाई लैणा चाहुंदा सी। डाकटर उस नूं सिवल हसपताल भेजण लई तिआर नहीं सी। हरीए नूं कहिंदा सी, “तेरी बीमारी नूं मोड़ पै गिआ है। पूरी तरहां ठीक होण नूं कुझ दिन लग्गणगे। इथे रहि जां उथे।” हरीए नूं डाकटर दी गल्ल ’ते यकीन नहीं सी हो रिहा। उस नूं नींद आउणों हट गई सी। उस दी हालत पाग़लां वरगी हुंदी जा रही सी। हरीए नें जेल्ह सुपरडैंट कोल अपील कीती। अपील उथों वी नां-मनज़ूर हो गई। उस दा हिसटरी टिकट दस्सदा सी कि इस बहाने इक वारी पहिलां उह सिवल हसपताल गिआ सी अते उथों फ़रार हो गिआ सी। हुण वी जेल्हों भज्जण दी तिआरी जापदी सी।

बीमारी अते सुणवाई नां होण कारन दुखी होए हरीए दी वारडर नाल झपट हो गई। ग़ुस्से ’च पाग़ल होए हरीए नें वेले-कुवेले कंम आउण लई तिख्खा कर के रख्खे चमचे नाल वारडर दी छाती विंनहण दा यतन कीता सी।

वारडर नूं लग्गे ज़ख़म गहिरे नहीं सन, पर प्रशासन नें इस हमले नूं गंभीरता नाल लिआ। ‘अज्ज इक जेब-कतरे नें वारडर ’ते हमला कीता है। कल्ल्ह नूं कोई होर किसे डिपटी दी पग्ग नूं हत्थ पाएगा। सपोलीआं दे छोटे हुंदिआं ही सिर कुचल देणे चाहीदे हन।’ प्रशासन नें हरीए नूं सबक सिखाउण दा फ़ैसला कीता सी।

अगले दिन सवेरे दी गिणती समें हरीए नूं उस दा जुरम पहड़ के सुणाइआ गिआ। फेर सज़ा सुणाई गई। फेर सज़ा अमल विच लिआंदी गई। नंगे पिंडे उस नूं वीह कोड़े मारे गए।

नाले डिपटी नें ऐलान कीता।

“जेल्ह करमचारीआं उपर उठ्ठण वाले हत्थ नूं वढ्ढ दित्ता जाएगा।”

हरीए दी चमड़ी उसे वारडर तों उधड़वाई गई। बांह रात नूं वफ़ादार कैदीआं कोलों तुड़वाई गई। इस यग्ग विच डाकटर नें वी अहूती पाई। नतीजा साहमणे सी। वारडर ’ते उठ्ठण वाला हत्थ धड़ नालों अलग्ग हो चुक्का सी।

‘हरीए नें दुखी हो के अते तैश विच आ के इक वारडर ’ते हमला कीता सी। इक साधारन जुरम बदले उस नूं इंनी भिआनक सज़ा मिली सी। मैं वारडर तों लै के जेल्ह सुपरडैंट तक अते कंपाऊडर तों लै के डाकटर तक सभ नाल आहडा लाई बैठा हां। इस हिसाब नाल मैनूं मौत दी सज़ा मिलेगी ही।”

हरीए दी आपणे कंमां नाल तुलना कर के कदे-कदे हाकम अजिहे सिट्टे कढ्ढण लग्गदा।

“मैं हरीआ नहीं हां। मैं आपणे फ़ाइदे लई कदे कुझ नहीं मंगिआ। दूजे कैदीआं लई चिठ्ठी-पत्तर करदा रिहा हां। कदे हिंसक नहीं हुंदा। उह मेरे नाल इंझ नहीं कर सकदे।”

वकीलां वांग आपणे हक्क विच तरक दे के कदे उह मन नूं टिकाउंदा।

फेर कोई होर घटना याद आ जांदी अते मन फेर डोल  जांदा।

निंदर पहिलवान सवेरे हस्सदा-खेडदा कंम ’ते गिआ सी। शाम दी चाह नाल पता नहीं अंदर की वड़ गिआ। पहिलां चाह बाहर निकली, फेर ख़ून दीआं उलटीआं आईआं। हसपताल आउंदा उह बेहोश हो गिआ। शाम नूं दम तोड़ गिआ।

निंदर नूं किस बीमारी नें निगलिआ है, किसे नूं नहीं सी पता। कोई आखदा सी उस नूं हैज़ा हो गिआ। कोई आखदा सी उस दे ढिड्ड विच फोड़ा सी उह फट गिआ। कोई आखदा चाह विच कोई कीड़ा-मकौड़ा गिर गिआ। उस दी ज़हिर चहड़ गई। कोई आखदा उस नें कुझ खा के जान दित्ती है।

हाकम नूं लोकां वल्लों लाइआ जा रिहा पिछला अंदाज़ा ज़िआदा ठीक लग्गदा सी। कुझ सोध दी ज़रूरत सी। ज़हिर उस नें खाधा नहीं सी, उस नूं खुआइआ गिआ सी।

आरे ’ते जाण तों कुझ दिन पहिलां हाकम नें उड्डदी-उड्डदी गल्ल सुणी सी। हफ़तावारी दौरे समें किसे गल्ल ’ते ग़ुस्से हो के सुपरडैंट नें निंदर ’ते हत्थ चुक्क लिआ। अग्गों निंदर वी कहिंदा-कहाउंदा बदमाश सी। चेले-चपटिआं साहमणे मुछ्छ नीवीं नहीं सी करवा सकदा। हुण तक उह तिंन कतल कर चुक्का सी। सारे कतल मुछ्छ बचाउण लई होए सन। उस नें सुपरडैंट दे रूल नूं हत्थ विच फड़ के रोक लिआ सी।

इस हुकम-अदूली ’ते जेल्ह सुपरडैंट नूं ग़स्सा आइआ सी। दौरा विचे छड्ड के उह दफ़तर मुड़ आइआ सी। अहिम सलाहकारां नाल इक घंटा गुपत विचार वटांदरा होइआ सी।

हफ़ते दे अंदर-अंदर इह भाणा वरत गिआ सी। निंदर बाअद हुण हाकम दी वारी सी।

हाकम आपणे कीते ’ते पछताउण लग्गा।

“मैनूं अकल तों कंम लैणा चाहीदा सी। जेल्ह प्रशासन मेरा किंना नुकसान कर सकदा है, मैनूं इस दा पता होणा चाहीदा सी। जेल्ह अधिकारी मेरे नाल नरमी वरतदे रहे। मैं लाचड़दा रिहा। चिड़ीआं दे खेत चुगण बाअद हुण पछताउण दा की फ़ाइदा? ग़लती कीती है। नतीजे लई तिआर रहि।”

सोच-सोच हाकम दा सिर फटण लग्गा।

उह समझ रिहा सी, चिंता अते उनींदरा होण कारन उस दा कोई वी नुकसान हो सकदा सी। दिमाग़ दा तवाज़न तक हिल्ल सकदा सी। इस गंभीर समस्सिआ दा इको हल्ल सी। किवें नां किवें कुझ घंटिआं लई सुत्ता जावे।

सौण दा इको हल्ल सी_नींद वालीआं गोलीआं। गोलीआं कंपाऊडर कोलों मिलणीआं सन। उह हत्थ-पल्ला नहीं सी फड़ा रिहा।

कदे कहिंदा सी, “नींद वालीआं गोलीआं ख़तम हन।”

कदे कहिंदा सी, “दवाई डाकटर दे लिखण ’ते ही मिल सकदी है।”

बाहरों महिंगे मुल्ल ’ते गोलीआं मंगवाउण लई नां हाकम कंपाऊडर नूं आख सकदा सी, नां कंपाऊडर नें उस दा आखा मंनणा सी। इक होर ‘नांह’ सुण के उह मन नूं होर कशट विच नहीं सी पाउणा चाहुंदा।

पैसे वाले कैदी गोलीआं नाल जेबां भरी फिरदे सन। उह इहनां नूं दाणिआं वांग खांदे सन। हाकम नूं सख़त ज़रूरत दे बावजूद इक गोली वी नसीब नहीं सी होरही।

इह पख्खपात उस दे ख़ून नूं साड़न लग्गा।

वधे ग़ुस्से नूं काबू करन दे इरादे नाल हाकम बिसतरे उपर लेट गिआ अते अख्खां मीच के सौण दा यतन करन लग्गा।

पीलीए दे शिकार नंदू दी सवेर तों हाकम ’ते अख्ख सी। उस नूं लग्ग रिहा सी जिवें अठ्ठ नंबर बिसतरे ’ते पिआ सरदार उहो हाकम सिंघ वकील सी जिस नें उसनूं सरकारी ख़रचे ’ते वधीआ वकील करवा के दित्ता सी। हाई कोरट दी दख़ल-अंदाज़ी कारन नंदू दे फ़ैसले ’ते रोक लग्गी होई सी अते उस दी रिहाई टली होई सी। फेर वी उस नूं पूरा यकीन सी, वकील दी मिहनत कारन उस नें इक दिन बरी होणा ही होणा है।

नंदू दे शक्की होण दे कई कारन सन। पहिलां इह कि हाकम सिंघ मुंडा-खुंडा सी। इस सरदार दी दाहड़ी दे वाल अध्धे तों वध्ध चिट्टे हन। हाकम पतले जुस्से दा तां सी पर इस वरगा हड्डीआं दा ढांचा नहीं सी। हाकम ख़ुद कैदीआं नूं लभ्भ-लभ्भ, कोल बिठा-बिठा उहनां नाल गल्लां करदा सी। उहनां दीआं समस्सिआवां सुलझाउंदा सी। इह सरदार चुप्प-गड़ुप्प सी अते ख़ुद समस्सिआवां विच घिरिआ जापदा सी।

नंदू होरां नूं दस्सिआ गिआ सी कि हाकम साल बाअद बरी हो के घर नूं चलिआ गिआ सी। घर जा के हर कैदी पिछलिआं नूं भुल्ल जांदा है। उह रब्बों निआरा बंदा नहीं सी। जदों कई महीने हाकम उहनां नूं नज़र नां आइआ तां उहनां नें हाकम नूं भुला दित्ता सी।

नंदू इह वी जाणदा सी कि हाकम पेशेवर मुजरम नहीं सी। दोबारा जुरम कर के उस दी जेल्ह आउण दी कोई संभावना नहीं सी।

सवेर तों नंदू इस कैदी दा नां-पता जाणन दा यतन कर रिहा सी। बाकी दे मरीज़ां नूं उस दे कैदी नंबर दा ही पता सी। नां सरदार नें आपणे बारे कुझ दस्सिआ सी, नां किसे नें उस तों कुझ पुछ्छिआ सी।

नंदू साथी कैदीआं दी बेवकूफ़ी ’ते हैरान होण लग्गा। हर कैदी किसे नां किसे समस्सिआ विच घिरिआ होइआ सी। नदी उहनां दे बार अग्गों दी वहि रही सी ते उह पिआसे खड़े सन।

नंदू नूं ओना चिर चैन नां आइआ जिंना चिर उस नें कंपाऊडर दी चापलूसी कर के कैदी नंबर अठ्ठ सौ अठ्ठ दा नां-पता नां पुछ्छ लिआ।

फेर ख़ुशी-ख़ुशी पहाड़ीए, बंगाली अते भालू नूं लै के उह हाकम दुआले हो गिआ।

नंदू नें जदों हाकम नूं झंजोड़िआ तां उस समें उह रुलदू कैदी बारे सोच रिहासी।

रुलदू कौण है, किथों दा रहिण वाला है, इह किसे नूं नहीं पता। बस्स इंना पता है कि उह इक कतल केस विच सज़ा भुगत रिहा है। किंनी सज़ा भगत चुक्का है अते किंनी बाकी है? किसे नूं वी नहीं पता। हर कैदी इहो कहिंदा है, “मेरे जेल्ह आउण तों पहिलां दा रुलदू इथे है।”

साऊ सुभाअ दा होण करके लोक उस नूं ‘दरवेश’ आखदे सन। रहिम कर के जेल्ह प्रशासन नें उस दी मुशक्कत मुआफ़ कीती होई सी। उस दे इधर-उधर जाण ’ते कोई पाबंदी नहीं। उह जिथे मरज़ी आ-जा सकदा सी।

बहुता समां उह हसपताल ही रहिंदा है। कदे चुप्प-गड़ुप्प रहिंदा सी  अते कदे कैदीआं नाल गल्लीं लग्ग जांदा सी।

लोक उस नूं दरवेश आखण जां भगत, हाकम उस नूं तणाअ कारन दिमाग़ी संतुलन गुआई बैठा नीम-पाग़ल समझदा सी। इस लई सौण लई उस नूं नींद वालीआं गोलीआं दी लोड़ पैंदी सी। जदों गोली भीख विच मिल जांदी सी उदों उह सौं जांदा है,  नहीं तां कई-कई रातां जागदा रहिंदा सी। जदों बीमारी वध जांदी है तां नींद दा टीका ला के डाकटर उस नूं सुला दिंदासी।

कल्ल्ह हाकम नूं शाम लाल नें दस्सिआ सी कि डाकटर नूं उस नूं मुफ़त विच टीका लाउण विच दिक्कत पेश आ रही सी। पाग़ल घोशित कर के उस नूं जलदी ही चक्की-बंद कीता जा रिहा सी।

रुलदू दे चक्की-बंद होण दा मतलब सी मौत नूं सद्दा। उथे पए दा नां किसे नें इलाज कराउणा सी, नां किसे नें उस नूं छुडाउणा सी। दिनां विच उस दे सरीर नें खुर जाणा सी अते अंदरले पंखेरू नें उड्ड जाणा सी।

हाकम नूं लग्ग रिहा सी उस नाल वी इंझ ही होण वाला सी। ज़िआदा उनींदरा होण कारन उस नूं वी टीका ला के सुलाइआ जा सकदा सी।

कोई उस नूं वकील साहिब आख के झंजोड़ रिहा सी। ‘वकील’ शबद उस नें कई सालां बाअद सुणिआ सी। पहिलां उस नूं लग्गा उस नूं भुलेखा पिआ सी।

फेर उह त्रबक के उठ्ठिआ। उस नूं लग्गा रुलदू दे नाल-नाल उस नूं वी चक्की-बंद करन लई उठाइआ जा रिहा सी।

“हां।” अब्बड़वाहे उठ्ठे हाकम दे मूंहों एना ही निकलिआ।

“मैं नंदू हां। कई साल पहिलां तुसीं मेरी बहुत मदद कीती सी। मैं बरी होण वाला हां। इह मेरे दोसत हन। इहनां नूं तुहाडी मदद दी सख़त ज़रूरत है।”

नंदू नें झट्टपट्ट तिंनां दीआं समस्सिआवां हाकम अग्गे रख्ख दित्तीआं। इह पहिली वार सी जदों हाकम नूं आपणे वकील होण ’ते चिड़ चहड़ी सी। इसे वकालत दे नशे नें उस नूं इस नौबत तक पहुंचाइआ सी।

“इहनां लोकां नें कंम कढवा के पासा वट्ट जाणा है। पिछ्छों कंडे मैनूं चुगणे पैणे हन।” सोचदे हाकम नें अग्ग विच हत्थ पाउण तों गुरेज़ करना ही ठीक समझिआ।

“मैं की करां? ख़ुद दरोग़े दे ढिड्ड विच टक्कर मारो।”

नंदू होरीं मूंह लटका के चले गए।

अख्खां मीची पिआ हाकम आपणे रवई्ईए दा मुलांकण करन लग्गा। पहिले हल्ले हाकम नूं आपणा फ़ैसला ठीक लग्गा। जदों लोड़ समें कैदी उस नाल नहीं तां उह उहनां लई किउं मरे?

थोहड़ी देर बाअद उस दी सोच पलटा खाण लग्गी। उस नूं आपणे रवई्ईए ’ते अफ़सोस होण लग्गा।

“मैं इंने कौड़े बोल किस तरहां बोल गिआ?”

फेर उह आपणे अंदर पैदा होई इस कड़वाहट दे बीज लभ्भण लग्गा।

“तुहाडी छुट्टी दे काग़ज़ तिआर हो चुक्के हन। डाकटर उपर गिआ है, आउंदा होइआ दसतख़त करेगा।”

हाकम दे ख़िआलां दी लड़ी नूं शाम लाल नें तोड़िआ।

“बिनां ठीक होइआं छुट्टी?” डाकटर दे रवई्ईए ’ते हाकम नूं चिड़ चहड़न लग्गी।

इक वार दिल कीता। उपर जा के डाकटर नाल गल्ल करे। फेर उह रुक गिआ। हेठां ही ठीक रहेगा।

उह टिकटिकी ला के पौड़ीआं वल्ल तक्कण लग्गा। डाकटर दे हेठां उतरन दा इंतज़ार करन लग्गा।

थोहड़ी देर बाअद कंपाऊडर नाल गल्लां मारदा डाकटर हेठां उतरिआ। वारड विच गेड़ा मार के मरीज़ां दा हाल-चाल पुछ्छण दी थां उह सिध्धा आपणे दफ़तर जा वड़िआ।

पिछ्छे हाकम चला गिआ।

“ठीक एं नां हाकम सिआं?” मेज़ ’ते पए काग़ज़-पत्तर आपणे वल्ल खिचदिआं डाकटर नें पुछ्छिआ।

“बिनां इलाज दे कोई ठीक किस तरहां हो सकदा है? किसे नें मेरी पट्टी तक तां बदली नहीं। मेरे ज़ख़मां विच पस पै चुक्की है। आह देखो।”

आखदे हाकम नें पट्टीआं खोल्ह-खोल्ह हेठां सुट्टणीआं शुरू कर दित्तीआं।

“रस्सी जल गई पर वट्ट नहीं गिआ,” कमरे विच पैंदे गंद तों चिड़े डाकटर नें मन विच बुड़बुड़ कीती।

“इह तेरा वहिम है। कंपाऊडर दी रिपोरट अनुसार तूं बिलकुल ठीक हैं। मैं तैनूं छुट्टी दे रिहा हां।”

“छुट्टी वाली कोई गल्ल नहीं। फेर वी किंने दिनां दे आराम दी सिफ़ारश कीतीहै?”

“तेरे वरगे योधे छोटे-मोटे ज़ख़मां तों नहीं डरदे। दलेरी नाल मोरचे ’ते डटे रहिंदे हन। मुशक्कत तों नां भज्ज।”

“मैं आपणे फ़रज़ां नूं चंगी तरहां जाणदा हां। तुसीं लोक ही आपणे फ़रज़ नहीं निभा रहे। मैनूं जाण-बुझ के तंग कीता जा रिहा है”

हाकम दे बोल तलख़ होण लग्गे।

“तूं वी तां सानूं वंझ ’ते रख्खिऐ। भज्जदिआं नूं वाहण इको जिहे हुंदे हन।”

डाकटर वी उहो अंदाज़ अख़तिआर करन लग्गा।

“मैं की कीतै?” रंगे हत्थीं चोरी करदे फड़े जाण वालिआं वांग छित्था पैंदा हाकम बुड़बुड़ाइआ।

“तूं की कीता है अते की नहीं कीता, इह तैनूं वी पता है अते सानूं वी। आपां इस बहिस विच नां पईए। आपणा दवाईआं वाला लिफ़ाफ़ा चुक्क अते इथे दसतख़त कर, बस्स।”

आखदे डाकटर नें रजिसटर हाकम वल्ल वधाइआ।

“मैं जदों ठीक नहीं होइआ, इथे दसतख़त किउं करां? धक्के नाल तुसीं जो मरज़ी करो।”

तैश विच आए हाकम नें रजिसटर डाकटर वल्ल धक्किआ।

खिच्चाताणी विच रजिसटर कलमदान विच लग्गा। रजिसटर दे नाल कलमदान वी ज़मीन उपर डिग्ग पिआ। टुट्टे कच्च दा खड़का दूर तक सुणाई दित्ता।

“दिखदा नहीं। सौ रुपए दा नुकसान कर दित्ता।”

हाकम नूं बाहों फड़ के धूंहदा कंपाऊडर वी मन दी भड़ास कढ्ढण लग्गा।

“मैनूं सभ दिखदा है। तुसीं ही अंनेह होए होए हो।”

हाकम दी सुर उच्ची होण लग्गी। बाहों फड़े जाण ’ते बेइज़्ज़ती महिसूस करदे हाकम नें झटका मार के कंपाऊडर कोलों बांह छुडा लई।

अचानक पए धक्के कारन कंपाऊडर डिग्गदा-डिग्गदा मसीं बचिआ।

डाकटर दे कमरे विच हुंदे झगड़े दी आवाज़ सुण के मरीज़ कमरे अग्गे जुड़न लग्गे।

“टीका लिआ।”

हाकम दे चड़ेह तेवर देख के डाकटर नें कंपाऊडर नूं इशारा कीता।

“मैं पाग़ल नहीं हां। बिलकुल ठीक हां। मैनूं किसे टीके दी ज़रूरत नहीं है।”

“तुसीं उतेजित हो गए हो वकील साहिब। तुहानूं आराम दी ज़रूरत है।”

आखदा डाकटर हाकम दी बांह नंगी करन लग्गा।

“मैं टीका नहीं लगवाउणा।”

टीके दा विरोध करदे हाकम नें बांह छुडा लई।

कंपाऊडर दे हत्थों सरिंज छुट्ट गई। शीशी ज़मीन ’ते डिग्ग के टुट्ट गई।

“इस नें इंझ टीका नहीं लगवाउणा। इस पाग़ल नूं काबू करो।”

डाकटर नें कमरे विच दाख़ल हो चुक्के मरीज़ां कैदीआं नूं हुकम दित्ता।

हाकम कैदीआं दे काबू तों बाहर होण लग्गा।

हाकम दे विरोध नूं भांप के डाकटर नें ख़तरे वाला हूटर वजा दित्ता।

गशत करदे गारड झट्ट हसपताल हाज़र हो गए।

सुरख्खिआ गारडां वल्लों हाकम नूं काबू कीता गिआ। फेर जबरी उस दे टीका जड़िआ गिआ।

मिंटां विच हाकम दे तेवर ढिल्ले पै गए।

हाकम नूं उस दे बिसतरे वल्ल तोर के डाकटर आपणी कुरसी ’ते आ बैठा।

कैदी वल्लों जेल्ह अधिकारी नाल हत्थोपाई करन अते इस जुरम बदले करड़ी सज़ा देण लई केस तिआर करन लग्गा।

 

 

53

नशे दे टीके कारन हाकम नूं कुझ घंटे गूहड़ी नींद आई। गूड़ी नींद कारन डाढी राहत महिसूस होई।

अख्ख खुल्ल्हदिआं ही उस नूं सज़ा वाला फरला फड़ा दित्ता गिआ।

देर रात तक डाकटर दे दफ़तर बैठा सुपरडैंट पड़ताल करदा रिहा सी। वारड विच दाख़ल हर मरीज़ नें डाकटर दे बिआन दी ताईद कीती। कईआं नें कोलों लूण-मिरच वी लाइआ।

“हाकम कहिंदा सी, डाकटर जाण-बुझ के मरीज़ां दा सही इलाज नहीं करदा। दवाईआं हड़प्प जांदा है। इस दी शिकाइत करो। हड़ताल करो। धरने मारो। जे फेर वी सुणवाई नां होवे तां हत्थोपाई करो। अज्ज उदाहरण बणदिआं पहिलां उस नें डाकटर दे गलमे नूं हत्थ पाइआ, फेर गला घुट्टण दा यतन कीता।”

गवाहां दे बिआनां दे आधार ’ते सुपरडैंट नें सिट्टा कढ्ढिआ।

“हाकम बाग़ी तबीअत दा बंदा है। सरकार अते सरकारी मुलाज़मां विरुध्ध अग्ग उगलदा रहिंदा है। कैदीआं नूं दंगे करन लई भड़काउंदा है। बेनामी शिकाइतां करदा है। पहिलां कई वार ताड़ना होई है। उस ’ते कोई असर नहीं हुंदा। अज्ज दा मंदभागा कारनामा इस दा सबूत है। सिध्धे राह पाउण लई इस नूं सख़त सज़ा देणी ज़रूरी है।”

सारे पख्ख विचार के डाकटर नें हुकम सुणाइआ, “कैदी नंबर अठ्ठ सौ अठ्ठ नूं दस दिन लई तनहाई चक्की विच बंद कीता जावे।”

हुकम पहड़ के हाकम मुड़ चिंतावां वाले खड्डे विच जा डिग्गा।

सज़ा दा हर पख्ख ग़ैर-कानूंनी सी। कैदी नूं आपणा पख्ख पेश करन दा मौका नहीं सी दित्ता गिआ। सज़ा लागू करन तों पहिलां ज़िल्हा मैजिसट्रेट जां सैशन जज्ज दी मनज़ूरी लैणी ज़रूरी सी। उह नहीं लई गई।

हुकम नूं चुणौती देणी बणदी सी। पर इस दा फ़ाइदा होण वाला नहीं सी। सुपरडैंट नें आपणे फ़ैसले नूं नां अग्गे पाउणा सी, नां रद्द करना सी। ज़िल्हा मैजिसट्रेट कोल कीती अपील सुपरडैंट राहीं जांदी सी। कुझ दिन जाण-बुझ के लेट भेजणी सी। अग्गों ज़िल्हा मैजिसट्रेट किहड़ा विहला बैठा होएगा। उस दे सुणवाई शुरू करन तों पहिलां सज़ा ख़तम हो चुक्की होएगी।

हाकम नूं चुप्प करन विच ही भला लग्गा।

मनोविगिआनी सदीआं तों दुहाई पा रहे हन, “कुदरत नें मनुख्ख नूं इक समाजिक प्राणी दे तौर ’ते विकसित कीता है। तनहाई मनुख्ख दे सरीर, मन अते दिमाग़ नूं तहिस-नहिस कर दिंदी है। कैदी नूं तनहाई विच रख्खणा ग़ैर-कुदरती अते ग़ैर-मनुख्खी  है। इह अत्तिआचार ख़तम होणा चाहीदा है।”

उच्च अदालतां इस विचार नाल सहिमत हन। इस सज़ा दी इजाज़त दिंदीआं हन पर बहुत ही असुखावीआं प्रसथितीआं विच। नाल वीह पाबंदीआं लाउंदीआं हन, ‘सज़ा ओनी दिओ, जिंनी ज़रूरी है। कैदी नूं साथीआं नाल गल्लबात भावें नां करन दिओ पर रख्खो अख्खां दे साहमणे। समें-समें कैदी दी मानसिक अते सरीरक सथिती दी डाकटर कोलों पड़ताल कराओ। हालत विगड़ी दिखे तां सज़ा मुआफ़ जां मुअत्तल करो। सज़ा दा उदेश कैदी नूं सुधारना है, नां कि पाग़ल करना।’

हाकम नूं पता सी कि इह गल्लां किताबी हन। इक वी हदाइत दी पालणा नहीं होणी। हाकम नूं इह वी पता सी कि होई बेइनसाफ़ी अते चारे पासे छाए मौत वरगे संनाटे कारन कैदी पहिले दिन ही टुट्टणा शुरू हो जांदा है। दस दिन इकल्ले रहि के बहुते कैदी पाग़ल हो जांदे हन। जो बचदे हन, उह उमर भर लई आहरे हो जांदे हन।

हाकम नें मन नाल फ़ैसला कीता, “इस संकट दा टाकरा मैं बहादरी नाल करांगा।”

हाकम नूं कुझ नुकतिआं दा पता सी। उहनां सहारे धरू भगत वांग बलदी चिता विच बैठ के वी सबूता निकलिआ जा सकदा सी। उह उहनां नुकतिआं नूं दुहराउण लग्गा “मैं ख़ूब पहड़ांगा, ख़ूब लिखांगा। नाले समां बीतदा रहेगा नाले मन दी भड़ास निकलदी रहेगी। योधे सूरबीरां दे कारनामे याद करांगा। दब्ब के वरजिश करांगा। सरीर नूं पूरी तरहां थकावांगा। फेर रज्ज के सौवांगा। इंझ जेल्ह अधिकारीआं दी मनो-कामना पूरी नहीं होण देवांगा।”

धड़कदे दिल नाल हाकम आपणी ‘कबर’ वल्ल वधण लग्गा।

इस बैरक विच अठ्ठ कोठड़ीआं सन। बैरक विच पैर धरदिआं ही इक पाग़ल दी चीख़ नें उस दा सवागत कीता।

पाग़ल कैदी नूं पहिली चक्की विच किउं बंद कीता गिआ है? हाकम झट्ट समझगिआ।

“मैं इहनां बांदर-भबकीआं तों डरन वाला नहीं,” सोचदा हाकम इक नंबर चक्की अग्गों निकलण लग्गा।

हाकम नूं पता सी कि जेल्ह विच तिंन अजिहे कैदी बंद सन, जिनहां नूं झूठे दोशां विच लंबीआं सज़ावां होईआं हन। रिहाई दीआं सारीआं आसां मुका के उह मौत उडीक रहे सन।

उहनां विचों इक पाकिसतानी फ़ौज दा उच्च अधिकारी सी। आपणे सूतरां नाल संपरक काइम करन इधर आइआ फड़िआ गिआ। कई साल उह फ़ौज दे तसीहा घरां विच रिहा। जदों उस विचों सभ कुझ नुच्चड़ गिआ तां उस नूं इस जेल्ह विच सुट्ट दित्ता गिआ। इधरली सरकार उस नूं सरहद्दों पार छड्डणा चाहुंदी सी। उधरली सरकार उस नूं आपणा शहिरी नहीं सी मंनदी। इसे खिच्चोताण विच वीह साल लंघ गए। आपणी सरकार दे विवहार ’ते चिड़दा अफ़सर दिमाग़ी तवाज़न खो बैठा है। जदों उस नूं पाग़लपन दा दौरा पैंदा है तां उह आपणी सरकार नूं गाल्हां कढ्ढण लग्गदा है।

कैदी किस नूं गाल्हां कढ्ढ रिहा सी? हाकम समझण दा यतन करन लग्गा।

इह पाग़ल हड्डीआं दा ढांचा जिहा सी। सिर विच जूंआं पै जांदीआं होणगीआं। इस लई उस दे दाहड़ी केस मुंने होए सन। तैश विच आ के उह कप्पड़े पाड़ दिंदा होएगा, इसे लई उह नंग-धड़ंगा सी। जाबहां बाहर निकलीआं होईआं सन। अख्खां अंदर धसीआं होईआं सन। गला बैठिआ होइआ सी। उस दी कोठड़ी रूड़ी बणी होई सी। रोटी दे टुकड़े इधर-उधर खिंडे होए सन। जापदा सी कैदी नूं टट्टी पिशाब करन दी जाच नहीं सी। इसे लई सारा सरीर टट्टी पिशाब नाल लिब्बड़िआ होइआ सी।

“इह फ़ौजी नहीं हो सकदा। योधे इस हद्द तक हौंसला नहीं हारदे। उहनां नूं मरन तक जूझणा आउंदा है।”

हाकम मन ही मन इह वाधे घाटे करन लग्गा।

फेर इह नंद सिंघ होएगा जां मकुंद होएगा।

पाग़ल कैदी कौण सी, किस नूं गाल्हां कढ्ढ रिहा सी, हाकम नूं इह समझण दी ज़रूरत नहीं सी। ‘मेरे नाल वी इंझ ही होण वाला है,’ उस नूं इह समझ आ गई सी।

हाकम नूं चार नंबर कोठड़ी मिली सी।

उस दे पुज्जण तों पहिलां उस दा सामान उथे पुज्ज चुक्का सी। दरी, कंबल अते भांडे पुराणे सन। नवीआं चीज़ां विच इक पाणी वाला तपला अते वेले-कुवेले हाजत मिटाउण लई चीनी मिट्टी दा मेज़ विच फिट कीता कमोड।

हाकम नें सामान उलट पलट के देखिआ। नां किताबां लभ्भीआं, नां काग़ज़ां वाला फट्टा। इहनां गहिरे मित्तरां दी अणहोंद कारन हाकम अंदर निराशा दी लहिर दौड़न लग्गी।

“सख़त सज़ा देण अते फेर सज़ा नूं सुखाला बणाउण दीआं सहूलतां वी देण? जेल्ह वाले इंने कमले नहीं हन।” सोचदा हाकम घुंम फिर के आपणे नवें घर दा जाइज़ा लैण लग्गा।

अध्धोराणा जिहा कमरा अठ्ठ कु फ़ुट्ट लंबा अते छे कु फ़ुट्ट चौड़ा सी। पिछले पासे सलाख़ां वाली इक छोटी जिही ताकी सी, जिस उपर लोहे दी मोटी जाली जड़ी होई सी। जाली उपर मिट्टी दी मोटी तहि जंमी होई सी। जेल्ह दी उसारी अते अंतर-राशटरी हदाइतां अनुसार हवा अते रौशनी लई इह ताकीआं रख्खीआं गईआं होणगीआं। चलाक जेल्ह अधिकारीआं नें नाल ही कैदीआं नूं इहनां सहूलतां तों वांझा करन दा इंतज़ाम कर दित्ता। मिट्टी दी तहि नां अंदर रौशनी आउण दिंदी है नां हवा।

ताकी दे पिछ्छे तिंन कु फ़ुट्ट थां ख़ाली सी। उस तों अग्गे असमान छूंहदी कंध सी। ताकी दे साहमणे वाले पासे लोहे दीआं सलाख़ां वाला वड्डा गेट सी। गेट अग्गे चार फुट दा वरांडा सी। वरांडे दी छत्त उपर लोहे दे वड्डे मज़बूत जाल सन। इहनां सलाख़ां राहीं असमान वल्ल झाकण दी खुल्ल्ह सी।

कोठड़ी दीआं कंधां उपर किसे समें पलस्सतर होइआ होणा है। ग़्से ’च पाग़ल होइआं कैदीआं नें मुक्के मार-मार उह पलस्सतर तोड़ दित्ता सी।

कंधां उपर दाल, चाह अते हत्थां दी मैल दे निशान सन। कई थाईं लकीरां, तसवीरां अते होर ऊट-पटांग चिंनह सन। फ़रश टुट्टीआं भज्जीआं अते पिल्लीआं इट्टां दा सी। कीड़ीआं नें थां-थां खुड्डां कर रख्खीआं सन। कीड़िआं-मकौड़िआं अते मख्खी-मछ्छरां नूं घुंमण-फिरन दी पूरी आज़ादी सी। कैदी चाहे तां मन दी भड़ास इहनां कोल कढ्ढ सकदा सी।

“लत्तां मोकलीआं करन अते ताज़ा-दम होण लई हाकम नूं सवेरे अध्धे घंटे दा समां मिलणा सी। अग्गों-पिछ्छों कमोड नाल कंम चलाउणा पैणा सी।

“किस तरहां लंघेगा बाकी दा दिन?”

गेट दीआं सलाख़ां नूं हत्थ पा के असमान वल्ल तक्कदा हाकम आपणे-आप नूं पुछ्छण लग्गा।

हाकम नूं बचपन तों अकाश नाल पिआर सी। कलपना दे घोड़िआं ’ते चहड़ के उह अकाश-गंगावां विच गुआच जांदा सी। इह तोहफ़ा उस नूं उस दे बापू नें दित्ता सी। कप्पड़े सिऊण वाली मशीन ’ते बैठा बापू जदों थक्क जांदा सी तां उह हाकम नूं लै के कोठे ’ते चहड़ जांदा सी। कदे उह उस नूं धरू तारे दे दरशन कराउंदा, कदे सपत-रिशी दे। कदे सरवण दी वहिंगी दिखाउंदा, कदे संघणी खित्ती। अज्ज-कल्ल्ह जेल्ह अंदर जदों उस दा मन उखड़दा सी तां उह असमान वल्ल तक्कदा सी। कदे बद्दली नूं रत्थ बणा के विच बैठ जांदा सी, कदे तारिआं नाल लुक्कण-मीटी खेडदा सी। शुकर, शनी अते मंगल नाल गल्लां करदा। चिंतावां पिछ्छे रहि जांदीआं अते उह नींद दी गोद विच सौं जांदा।

अज्ज असमान वी सोगमई सी। रुख्खी नीली चादर तों सिवा उुथे कुझ नहीं सी। नां बद्दली, नां चंद, नां तारा।

उसनूं  कंधां वल्ल झाक के समां बिताउणा पैणा सी। हाकम इंझ ही करन लग्गा।

हाकम कंधां ’ते बणे अधूरे चित्तरां दे पिछोकड़ जानण दा यतन करन लग्गा। कैदीआं नें इह चित्तर तनहाई दी घबराहट तों बचण लई बणाए होणगे। इसे लई विचार बिखर गए होणगे अते इह अधूरे रहि गए होणगे।

“की मेरे नाल वी इंझ होण वाला है? मेरे दिमाग़ दा तवाज़न वी डोलण वाला है?”

कंधां नाल गल्लां करदे हाकम नूं घबराहट होण लग्गदी।

“नहीं) मैं आपणा मनोबल खंडित नहीं होण देणा।”

आपणे दिमाग़ी संतुलन नूं बणाई रख्खण लई कदे उह भगत सिंघ बारे सोचदा। उस नें फांसी दा रस्सा हस्स के सवीकार कीता सी। उह गुरू गोबिंद सिंघ बारे सोचदा। जबर विरुध्ध लड़दिआं उहनां सारा बंस कुरबान कर दित्ता सी। उह राजा बरूस बारे सोचदा, वार-वार असफ़लता दा साहमणा करन बाअद सफ़लता मिलदी है। इस सबक दी दुहराई करदा।

बैठे हाकम दीआं लत्तां आकड़ गईआं। टहिलण दे इरादे  नाल उह उठिआ।

कोठड़ी दी लंबाई अठ्ठ फ़ुट्ट सी। इक कदम पुट्ट के दूजा पुट्टणा औखा हो गिआ।

वरज़िश लई लत्तां-बाहां हिलाईआं। झट्ट ज़ख़मां विच त्राटां पैण लग्गीआं। उस नूं याद आइआ। सारा सरीर तां ज़ख़मां नाल विंनहिआ पिआ है। उह वरज़िश दे काबल नहीं है।

मतलब थक्कण-टुट्टण अते कुझ देर सुसताउण दी सुविधा वी हासल नहीं है।

किस तरहां बीतणगे इंने दिन? सोच के उह फेर झूरन लग्गा।

सरकारां आपणे बहादर जवानां दी सुध्ध किउं नहीं लैंदीआं? हाकम पाग़ल होए फ़ौजी अफ़सर बारे सोचण लग्गा। कानूंन इनसाफ़ किउं नहीं करदे? हाकम बेइनसाफ़ी कारन पाग़ल होए नंद सिंघ बारे सोचण लग्गा।

फेर उह आपणे नाल होए धक्के बारे सोचण लग्गा।

हाकम दी पतनी नें आतम-हत्तिआ कीती सी। इस विच हाकम दी भूमिका रत्ती भर वी नहीं सी। पर कानूंन वल्लों दोशी उसे नूं ठहिराइआ गिआ। दाज-दहेज दा कोई रौला नहीं सी। फेर हाकम नूं घट्ट दहेज लिआउण कारन आपणी पतनी नूं परेशान करन दा दोशी गरदानिआ गिआ। जदों इक वकील आपणे लई इनसाफ़ प्रापत नहीं कर सकदा तां साधारन लोकां दा की हाल हुंदा होएगा?

अजिहा कुझ सोच उस दा दिमाग़ गरम होण लग्गा।

बेइनसाफ़ीआं इकल्ले हाकम नाल नहीं सी होईआं। उस नें वी लोकां नाल बेइनसाफ़ीआं कीतीआं सन। उस नूं उहनां दिनां दी याद आउण लग्गी।

तनहाई दे दूसरे दिन उस नूं पतनी रविंदर दी याद सताउण लग्गी। सुपनिआं नाल भरीआं अख्खां, हंसू-हंसू करदा चिहरा साहमणे साकार होण लग्गा। अज्ज तक उह रविंदर नूं कसूरवार मंनदा रिहा सी। उह वड्डे-वड्डे सुपने लैंदी सी। उसे गुनाह दा उस नें नतीजा भुगतिआ सी।

अज्ज हाकम नूं रविंदर ठीक जापण लग्गी। जे उस नूं फ़िलमां देखण, महांनगरां विच घुंमण, इडली-डोसे खाण अते नौकरी करन दा शौक सी तां इस विच की बुराई सी? हाकम सदा मापिआं दा पख्ख पूरदा रिहा। नां कदे पतनी दे कोल बैठा, नां उस दी दुख्ख तकलीफ़ पुछ्छी। नां ग़ुस्सा गिला दूर करन दा यतन कीता। उह मरदी नां तां की करदी?

हाकम चाहुण लग्गा। उह पतनी तों मुआफ़ी मंगे, उस अग्गे गिड़गिड़ाए, पर गंगा गए फुल्ल कदे वापस नहीं मुड़दे।

हुण उह आपणे कीते दी सज़ा भुगते।

फेर उस नूं महिसूस होण लग्गा। उह असफल पुत्तर वी है। पतनी नूं  नज़र-अंदाज़ कर के अते मापिआं दा पख्ख पूर के उस नें समझिआ सी कि उह सरवण पुत्तर बण गिआ है। जदों रविंदर मर गई अते उह सीखां पिछ्छे पुज्ज गिआ तां उस दी सोच बदलण लग्गी। इस सारे झंजट लई उह आपणे मापिआं नूं ज़िंमेवार ठहिराउण लग्गा। उहनां नूं महांनगरों आई अमीर बाप दी इक पहड़ी-लिखी कुड़ी नाल निभण दी जाच सिख्खणी चाहीदी सी।

सज़ा होण तक हाकम नें मां-बाप नाल मूंह मोटा करी रख्खिआ। नां मुलाकात लई जेल्ह आइआं नूं चज्ज नाल मिलिआ, नां पेशी ’ते गिआं सिध्धे मूंह गल्ल कीती।

अज्ज हाकम नूं आपणे मां-बाप वी बेकसूर जापण लग्गे।

उस दे बाप नें उस नूं वड्डा आदमी बणाउण दा सुपना लिआ सी। दिन-रात मशीन नाल मशीन बण के उस दी पहड़ाई दा ख़रच चुक्किआ सी। उस दी मां दी कुरबानी वी घट्ट नहीं सी। उह सारा दिन उस दे बाप कोल बैठ के कप्पड़िआं नूं काज करदी बटन लाउंदी अते तरपाई करदी सी। रात नूं वार-वार उठ्ठ के कदे हाकम नूं चाह बणा के दिंदी अते कदे दुध्ध। जे छोटे घरां दे बंदिआं नूं वड्डे घरां दीआं धीआं नाल नजिठ्ठणा नहीं आइआ तां इस विच उहनां दा की कसूर? हाकम नूं दोहां धिरां विच पुल बणना चाहीदा सी। उस नूं गूंगा बहिरा बण के मूक दरशक नहीं सी बणना चाहीदा।

हुण बुढापे विच जे बाप नूं मशीन धूहणी पैंदी है अते मां नूं मुड़ काज करने पैंदे हन तां इस दा कसूरवार कौण है? पत्त नूं वड्डा आदमी बणाउण दे सुपने लैण वाले मापे जां हालात नूं नां समझ सकण वाला नालाइक पत्त?

हाकम नूं लग्गा जिवें अख्खां भरी मां-बाप उस दे सिरहाणे खड़े हन। जिवें उस तों आपणा कसूर पुछ्छ रहे होण।

हाकम दा मन करन लग्गा। सारीआं कंधां दरवाज़े तोड़ के उह मां-बाप दे चरनीं जा लग्गे। उहनां दी हिक्क नाल लग्ग के धाहां मार के रोए।

रोण दा दिल कर आउण ’ते उह संभलिआ। रुक के सोचिआ। किधरे दिमाग़ी तवाज़न नूं ठेस तां नहीं पुज्जण लग्ग पई। आपणे आप नूं बचाउण लई उस नें सोच दा रुख़ बदलिआ।

तिंन चौथाई सज़ा कट्ट चुक्की सी। थोहड़ी रहिंदी सी। रिहाई बाअद उह नवीं ज़िंदगी शुरू करेगा।

मां-बाप दे सुपने साकार करेगा। उहनां दी अख्ख दा तारा बण के रहेगा।

हाकम कदे चहड़दी कला विच हुंदा, अख्ख लग्ग जांदी। ढहिंदी कला विच हुंदा, अख्ख खुल्ल्ह जांदी।

कदे अख्ख खुल्ल्हदी तां दिन हुंदा। कदे अख्ख खुल्ल्हदी तां रात हुंदी।

तीसरे दिन हाकम नूं आपणा सहुरा याद आउण लग्गा। उस ’ते चिड़ चहड़न लग्गी। मेजर सिंघ नें कित्ते दा नाजाइज़ फ़ाइदा उठाइआ। सारी वकालत हाकम उपर घोट दित्ती। झूठ बोल-बोल  उस नूं सज़ा करवा दित्ती। उस दा मेजर सिंघ नाल निबड़न नूं दिल करन लग्गा। उह जेल्हों छुट्ट के गए किसे बदमाश नाल संपरक करे। उस नूं सुपारी देवे। मेजर सिंघ दा फाहा वढ्ढवावे। उस नूं झूठ बोलण दा मज़ा चखावे।

इस समें उह चक्की विच बंद है। इथे बैठ के तां चिड़ी कां तक्क नाल संपरक नहीं हो सकदा। हाल दी घड़ी समस्सिआ कोठड़ीउं सही सलामत बाहर निकलण दी है। इह सोच के उह आपणी सलामती वल्ल धिआन देण लग्गा।

कोठड़ी विच आउंदिआं ही हाकम दा अंदर जिवें मर गिआ सी। इक दाणा वी अंदर सुट्टण दा दिल नहीं सी करदा। दाल रोटी जिस तरहां आउंदी सी, उसे तरहां पई रहिंदी सी।

अज्ज सवेर तों उह निढाल सी। कदे लग्गदा पंज भठ्ठ बुख़ार है। कदे लग्गदा इह उस दा वहिम है। उह घोड़े वरगा है।

अज्ज टट्टी पिशाब नहीं सी आइआ। उस दा पए रहिण नूं दिल करदा सी।

हाकम नूं डाकटर ’ते खिझ आउण लग्गी। इहनां तिंनां दिनां विच इक वार वी उस नें चक्कीआं वल्ल गेड़ा नहीं सी मारिआ। इह जेल्ह नियमां दी उलंघणा सी। डाकटर सज़ा दा भागीदार सी। पर नियमां दी पालणा करना कैदीआं लई ज़रूरी है। अधिकारीआं लई नहीं।

फेर उस नूं लग्गा इकल्ला डाकटर ही किउं सारे जेल्ह करमचारी सज़ा दे हक्कदार हन। इनहां नें इको राह फड़िआ होइआ है। परेशान कैदीआं नूं होर परेशान करना अते फिर लुट्टणा। इह सभ भ्रिशट अते ज़ालम हन। सख़त सज़ावां दे हक्कदार हन। पर सज़ा देवे कौण?

फेर उह आपणे सवाल दा जवाब आप देण लग्गा, “इह सज़ा कोई होर नहीं मैं देवांगा।”

“हफ़तावारी दौरे ’ते आए सुपरडैंट दा गला घुटिआ जावे। डिपटी दे मूंह ’ते गरम-गरम चाह पाई जावे। सहाइक दरोग़े दे नल मसले जाण।”

अजिहा ऊट-पटांग सोचदा हाकम कदे बड़ाउण लग्गदा अते कदे हवा विच मुक्के मारन लग्गदा।

कदे-कदे उस नूं आपणे बुड़-बुड़ाउण दा अहिसास हुंदा। उह नींद जिही विचों जागदा ते सोचदा, बड़ाउणा पाग़लपन दी मुढ्ढली निशानी है। मतलब? सोच के उस दा दिल ज़ोर-ज़ोर दी धड़कण लग्गदा।

चार दिन अते चार रातां लंघ जाण दा हाकम नूं पूरा चेता सी।

पंजवें दिन उस नूं टपला लग्गण लग्गा। कदे सत्त दिन लंघ गए, तिंन बाकी हन। फेर लग्गदा तिंन दिन लंघे हन, सत्त बाकी हन।

तसल्ली लई उस नें दाल विच उंगल भिउं के कंध उपर लीकां मारीआं। फेर लकीरां उपर वी यकीन होणों हट गिआ। कदे उह नवीं लीक मार दिंदा, कदे ढाह दिंदा।

कदे उस नूं लग्गदा उस नूं बोतल जिंना नशा चहड़िआ होइआ है। ज़मीन घुंम रही है। उह डिक्को-डोले खा रिहा है। हवा विच लटक रिहा है। शराबीआं वांग हस्सण, रोण अते गाउण नूं उस दा दिल करदा।

कदे हाकम नूं लग्गदा उस दी कोठड़ी विच धूंआं हो गिआ है। उस दा दम घुटण लग्गदा। घबराहट होण लग्गदी। उलटी आउण वाली हो जांदी।

उह बैठण दा यतन करदा, पर सरीर साथ नां दिंदा।

इक वार मन विच विचार आइआ, “मैं किउं नरक भोगां? आपणे गुनाहां दी मुआफ़ी मंगां। रहिंदी सज़ा मुआफ़ करावां। चुप्प कर के घर नूं जावां। मां-बाप नूं संभालां। नवें सिरिउं ज़िंदगी शुरू करां। जदों सरकारां लोकां लई नहीं सोचदीआं, नेता लोकां लई नहीं सोचदे, मैं कल्ला-कारा लोकां दा की संवार लवांगा? मैं भगत सिंघ नहीं बण सकदा। उस नाल लोक सन। राज गुरू अते सुखदेव वरगे साथी सन। मैं रामचंदर बण के लंका नहीं ढाह सकदा। उस नाल वी वफ़ादार बांदरां दी सैना सी। मैं जिनहां बांदरां लई लड़ रिहा हां, उह टपूसी मार के लंकेश नाल जा रले हन। मेरी हाले बहुत सज़ा बाकी है। जे अफ़सर इसे तरहां नराज़ रहे तां मेरी लाश ही बाहर जाएगी।”

जदों मन सथिर हुंदा तां उस दी सोच फेर बदलदी।

“मैं मुआफ़ी किउं मंगां? मैं कोई गुनाह नहीं कीता। इक दिन सभ नें मरना है। हक्कां लई संघरश करदे मरना ही असल मरना है। मैं बहादरां वाली मौत मरांगा।”

सवेरे शाम लांगरी लंगर देण आउंदा सी। चुप्प-चाप पुराणे भांडे चुक्क लिजांदा अते नवें रख्ख जांदा सी।

अग्गे जदों खड़का हुंदा तां हाकम दाल रोटी देण आए कैदी दा मूंह देखण लई उठ्ठ के बैठ जांदा। गल्लबात कोई नां हुंदी। फेर वी मन नूं धरवास मिलदा।

अज्ज उस नूं नां गेट दे खुल्ल्हण दा खड़का सुणिआ, नां लांगरी दी पैड़ चाल।

“वकील साहिब, संकट दे तिंन दिन बाकी रहि गए। थोहड़ा जिहा हौसला होर रख्खो। अज्ज मैं रिहाअ हो रिहा हां। इथों सिध्धा मैं संमती वालिआं कोल जावांगा। तुहाडी रिहाई दा प्रबंध करावांगा।”

हाकम नूं लग्गा कैदी कुझ कहि रिहा सी। पर उह की कहि रिहा है? कुझ कहि वी रिहा है जां हाकम नूं भुलेखा लग्गा है, इह समझ नहीं सी आई।

फेर वी धंनवाद करन लई उस नें हत्थ चुक्कण दा यतन कीता। हत्थ चुक्किआ गिआ जां नहीं, हाकम नूं पता नां लग्गा।

 

 

54

जदों हाकम नूं तनहाई कोठड़ी विच बंद करन दी सज़ा सुणाई गई, उदों मुसद्दी दी रिहाई विच इक हफ़ता बाकी सी।

मुसद्दी नूं पता सी तनहाई कोठड़ी विच खाणा लिजाण वाले कैदी दी चोण बड़े धिआन नाल हुंदी है। उह इरादे दा पक्का अते आपणे आप उप्पर ज़ाबता रख्खण वाला होवे। कैदी नाल अख्ख नां मिलावे। प्रशासन नूं डर रहिंदा है कि कुझ मिंटां दी गल्लबात ही इकल्ल कारन तड़फ रहे कैदी नूं राहत पहुंचा सकदी है। सज़ा दा मकसद असफ़ल कर सकदी है। इह विशेश ज़िंमेवारी उस कैदी नूं सौंपी जांदी है जिस दी प्रशासन प्रती वफ़ादारी निरखी-परखी हुंदी है।

मुजरम आख़र मुजरम है। किसे वी समें प्रशासन नाल ग़दारी कर के भाईचारे नाल रल सकदा है। कैदी नूं चुकंना रख्खण लई उस दे सिर ’ते तलवार लटकाई जांदी है। चोण उस कैदी दी हुंदी है जिस दी रिहाई विच कुझ ही दिन बचदे होण। नाल साफ़ शबदां विच समझा दित्ता जांदा है, “जे कंम विच कुताही होई तां पहिलीआं मुआफ़ीआं रद्द हो जाणगीआं। रिहाई टल जाएगी।” कैदी होर चंगा-माड़ा सभ बरदाशत कर सकदा है पर रिहाई टलदी नहीं देख सकदा। डरदा उह हदाइतां दी सख़ती नाल पालणा करदा है।

मुसद्दी दोवें शरतां पूरीआं करदा सी। उह पहिले दिनों जेल्ह अधिकारीआं दा चहेता सी। पर जदों तों उस नें आपणे हाकम दे विरुध्ध गवाही दित्ती सी, उदों तों उह अफ़सरां दीआं नज़रां विच होर उच्चा उठ्ठ गिआ सी।

मुसद्दी दा मन आखदा सी कि हाकम दे चक्की विच खाणा पहुंचाउण लई उस नूं चुणिआ जाएगा। वफ़ादारी कारन नहीं, सबक सिखाउण लई। सभ नूं पता सी कि उह हाकम दा चेला है। गुरू नूं सबक सिखाइआ जा रिहा सी। हुण चेले दी वारीसी।

इह सच्च सी। हाकम अते मुसद्दी दी बुक्कल सांझी सी। हाकम प्रशासन विरुध्ध जो चिठ्ठी लिखदा सी उह मुसद्दी टाईप करदा सी। उह शिकाइत पेशी भुगतण जा रहे कैदी दे हवाले करदा सी अते अगांह डाक विच पवाउंदा सी।

मजबूरी वस्स मुसद्दी नें हाकम नाल ग़दारी कीती। उस विरुध्ध झूठी गवाही दित्ती सी। उह किहड़े मूंह नाल हाकम दे मत्थे लग्गे। उस नूं इह चिंता लग्गी होई सी।

हाकम नूं याद करदिआं ही जेल्ह यातरा दे पहिले दिन दा भिआनक द्रिश उस दीआं अख्खां अग्गे उभ्भर पैंदा सी।

सज़ा उस नूं आपणे उसताद दा सिर तोड़न दे जुरम विच होई सी। इह कौड़ा घुट्ट उस नूं मजबूरी वस्स भरना पिआ सी।

 

मुसद्दी दे जेल्ह विच पैर धरदिआं ही सारी जेल्ह विच ख़बर फैल गई, “कुड़ीआं वरगा मुंडा आइआ है। जिस नें मौजां करनीआं हन उस नूं आपणी बैरक विच लै आवे।’ लौंडिआं दे शौकीन डिउड़ी वल्ल दौड़े। मुसद्दी दे सरीर दी परख गावां-मझ्झां वांग होण लग्गी। कोई गल्ल्हां पुट्टदा, कोई हिक्क टोंहदा अते कोई पट्टां ’ते हत्थ फेरदा। अख्खां भरी मुसद्दी जेल्ह करमचारीआं ’ते हैरान हुंदा रिहा। कुकरम नूं रोकण दी थां कैदीआं नाल रल के उह हिड़-हिड़ करदे रहे।

उस दी बोली होण लग्गी। हर कोई उस नूं आपणे नाल लिजाण लई काहला पैण लग्गा।

मुसद्दी नें अख्खां मीच के आराधना कीती। झट्ट उस दी सुणी गई। झट्ट भगवान *शन हाकम दे रूप विच पुज्ज गिआ। मुसद्दी दी पत्त बच गई।

हाकम नें मुसद्दी नूं फ़ैकटरीउं कढवाइआ, दफ़तर विच लगवाइआ। फेर पहड़ने पाइआ।

बक्करे दी मां कदों तक सुख मनाउंदी। रिहाई तों दो दिन पहिलां सुनेहा आ गिआ, “कल्ल्ह तों तूं तनहाई चक्कीआं विच जाणा है।”

कल्ल्ह उह पहिली वार उधर गिआ सी। सारे राह आपणे हक्क विच तरक घड़दा रिहा सी।

“हाकम दुध्ध पींदा बच्चा नहीं। उस नूं पता है कि जेल्ह विच कैदी दी आपणी मरज़ी नहीं चल्लदी। उह मेरी मजबूरी समझदा होएगा। हुण तक मैनूं मुआफ़ कर चुक्का होएगा।”

बैरक दे गेट कोल जा के उस दा दिल ज़ोर-ज़ोर दी धड़कण लग्गा। लग्गा कोई पिछ्छा कर रिहा है।

“जेल्ह अधिकारीआं नूं पता है। हाकम नूं तकलीफ़ विच देख के मैथों ज़ाबता नहीं रख्ख होणा। मैं उस दा हाल-चाल पुछ्छ लैणा है। जसूस नें मैनूं रंगे हत्थीं फड़ लैणा है। हाकम दे नाल दी चक्की विच डक्क देणा है। मैं प्रशासन दे इरादे कामयाब नहीं होण देणे।”

अजिहा ऊट-पटांग सोचदे मुसद्दी नें इंज ही कीता। रोटी-टुक्क कोठड़ी अग्गे रख्खिआ अते पिछ्छे नूं शूट वट्ट दित्ती।

काइरां वाली इह दौड़ सारी रात उस नूं दुड़ाउंदी रही। उह सोचदा रिहा, “मैं इंना किउं डर गिआ सी? जे मैं गल्लबात करदा फड़िआ जांदा तां सज़ा ही हुंदी। दो-चार महीने दी सज़ा होर वध जांदी। मेरे पाप कट्टे जांदे। घर किहड़ा चूड़े वाली उडीकदी है। बुढ्ढी मां है। जिथे चार साल रो-धो के कट्ट लए, चार महीने होर कट्ट लैंदी। मैनूं आपणे उसताद नूं पिठ्ठ नहीं सी दिखाउणी चाहीदी।”

सवेर तक उस नें मन तकड़ा कर लिआ। हाकम दी मदद करन दा फ़ैसला कर लिआ।

 

सवेर दी गिणती समें मुसद्दी नें पाले मीते नूं लभ्भिआ। उहनां तों संमती वालिआं दे नां-पते नोट कीते अते जेब विच पा लए।

ते मन तकड़ा कर के हुण उह फेर तनहाई कोठड़ीआं वल्ल जा रिहा सी।

अज्ज नां उस नूं किसे जसूस दा भुलेखा पिआ, नां उस नें पिछांह मुड़ के देखिआ।

बैरक कोल जा के उस नें खंघणा शुरू कीता। कोठड़ी कोल जा के पैड़-चाल तेज़ कीती। उस दा ख़िआल सी कि खड़का सुण के हाकम सुचेत हो जाएगा। उठ्ठ के बैठ जाएगा। उस नूं वाधू गल्लां करन दा मौका मिल जाएगा।

पर इह उस दे हवाई किल्हे सन। हाकम अध्ध-मोइआ होइआ पिआ सी। उस दा मूंह अध्धा खुल्ल्हा सी। विच मख्खीआं उड्ड रहीआं सन। जापदा सी उस विच मख्खीआं उडाउण दी हिंमत नहीं सी।

उस दे सरीर विचों बो आ रही सी। जापदा सी टट्टी पिशाब विचे निकल गिआसी।

“वकील दी अकल नूं पता नहीं की हो गिआ? इस काल-कोठड़ी विच भख्ख हड़ताल दा की फ़ाइदा?” सोचदे मुसद्दी नें सथिती दा जाइज़ा लिआ।

मुसद्दी नें हाकम दा सरीर टोहिआ। उह भठ्ठ वांग तप रिहा सी।

हाकम मुसद्दी नूं पहिचानण दा यतन करन लग्गा, पर कुझ समझ नां आइआ।

मुसद्दी दीआं अख्खां भर आईआं। उस दा मन भुब्बां मार के रोण नूं कीता।

मुसद्दी चाहुंदा सी कि हाकम उस कोल बैठे। उस दी सेवा करे। उस नाल गल्लां करे। पर सिर ’ते आ खड़े संतरी नें पेश नां जाण दित्ती।

पहिलां मुसद्दी नें बैरक दे चीफ़ वारडर नूं सूचित कीता, “हाकम दी हालत तरसयोग है।” उस दे कंन ’ते जूं नां सरकी। कैदी दा मरना जां पाग़ल होणा आम जिहा वरतारा सी।

चक्कर विच आ के उस नें सहाइक दरोग़े नूं झंजोड़िआ। दरोग़े नें ख़ुशी मनाई। “इहो तां असीं चाहुंदे हां।” आख के उस नें मूंह दूजे पासे कर लिआ।

डिउड़ी विच आ के उस नें डिपटी कोल दुहाई पाई।

डिपटी नें मुसद्दी नूं डांटिआ, “आपणा मूंह खोल्ह के तूं नियमां दी उलंघणा कर रिहा हैं। जे तूं साडा वफ़ादार नां हुंदा अते अज्ज तेरी रिहाई दा दिन नां हंदा तां मैं तैनूं करड़ी सज़ा दिंदा।”

मुसद्दी किसे होर कोल भांडा नां भंन देवे, इस लई जेल्ह सुपरडैंट नें चार घंटे पहिलां ही उस दी रिहाई दा वारंट बणाइआ अते उस नूं जेल्हों बाहर कढ्ढ दित्ता।

वड्डे दरवाज़िउं बाहर निकलदे ही मुसद्दी दे नवें खंभ निकल आए। हुण उह जो जीअ आवे बोल सकदा सी, जिधर दिल करे उडारी मार सकदा सी।

झट्ट-पट्ट उह बस्स सटैंड गिआ अते संमती वाले बाबे दे शहिर जाण वाली बस्स चहड़ गिआ।

 

 

55

हाकम सिंघ दी हालत बारे सुण के बाबा गुरदित्त सिंघ दीआं अख्खां भर आईआं।

“लाल गुदड़ीआं विच रुल रिहा है। उस नूं संभालणा चाहीदा है।”

कानूंनी चाराजोई करन लई बाबे नें लीगल सैल्ल दी मीटिंग बुलाई।

लीगल सैल्ल वाले हाकम वल्लों कीते कंमां बारे सुण के मूंह विच उंगलां पाउण लग्गे। संमती वाले कदे-कदे पाले मीते नूं मिलण केंदरी जेल्ह जांदे हुंदे सन। उहनां नें जेल्ह प्रशासन वल्लों ग़रीब कैदीआं नूं रिहाअ करवाउण लई विढ्ढी मुहिंम बारे वी सुणिआ सी। उहनां सोचिआ सी कि सुपरीम कोरट तों डरदी इह कंम सूबा सरकार कर रही है। पता हुंदा कि इह कंम हाकम दे पैरों शुरू होइआ है तां संमती झट्ट उस नाल संपरक करदी, उस दी मुहिंम नूं होर अग्गे तोरदी।

सत्त दिन तनहाई विच रहिण कारन हाकम दी जो हालत होई सी उस तों बाअद इह नहीं आखिआ जा सकदा कि डुल्लेह बेरां दा कुझ नहीं विगड़िआ। बेरां दा बहुत कुझ विगड़ चुक्का सी। कुझ बचदा होवे तां बचा लैणा चाहीदा है।

फौरी तौर ’ते हाकम नूं कीड़िआं दे भौण तों किवें बचाइआ जावे, इस बारे गुरमीत सिंघ सुझाउण लग्गा।

“कानूंनी चाराजोई नाल फौरी सहाइता संभव नहीं है। सथानक अदालतां नूं जेल्ह प्रशासन दे कंम विच दख़ल देण दा अधिकार नहीं है। रिट हाई कोरट विच दाइर करनी पएगी।  सज़ा सुणाउण बाअद आदलत दा कैदी उपर अधिकार ख़तम हो जांदा है। सरकार कैदी नाल जिस तरहां मरज़ी नजिठ्ठे। हाई कोरट कोलों वी राहत मिलणी यकीनी नहीं। इस लई अदालत दा दरवाज़ा सोच-समझ के अते पूरी तिआरी बाअद खड़कावांगे।

“लोहे नूं कट्टण लई असीं लोहे दा प्रयोग करांगे। कानूंनी चाराजोई दी थां इस लई संघरश विढ्ढांगे। जेल्ह प्रशासन नूं इह जताउण लई कि संघरश संमती नें हाकम दा केस आपणे हत्थ विच लै लिआ है, तिंन वकीलां दी इक टीम हाकम दी मुलाकात लई जेल्ह जाएगी। इंने नाल ही जेल्ह प्रशासन दे कंन ’ते जूं सरकण लग्ग पएगी।”

 

मुसद्दी नें संमती नूं इक होर सूचना वी दित्ती सी। उह कहिंदा सी।

“हाकम नें बेनामी शिकाइतां इक दो ही कीतीआं हन। उहनां दसतावेज़ां दी गिणती बहुत ज़िआदा है जिहड़े उस नें जेल्ह सुधारां संबंधी लिखे हन। इह सुझाअ उस नें हाई कोरट अते मनख्खी अधिकार कमिशन नूं भेजे हन। कदे-कदे सरकार उहनां दसतावेज़ां उपर जेल्ह प्रशासन कोलों टिप्पणी मंगदी हुंदी सी। बाअद विच इह दसतावेज़ पता नहीं किथे गुआच जांदे हन। कदे किसे सुझाअ ’ते अमल नहीं होइआ।”

“हाई कोरट अते मनुख्खी अधिकार कमिशन कोलों इह दसतावेज़ हासल कीते जाण।” बाबे नें हाई कोरट इकाई नूं संदेश भेजिआ।

गुरमीत सिंघ दी अगवाई विच वकीलां दा तिंन-मैंबरी वफ़द बणाइआ गिआ।

“कल्ल्ह नूं दफ़तर खुल्ल्हदिआं ही जेल्ह प्रशासन ’ते धावा बोलिआ जावे।”

बाबे वल्लों वफ़द नूं इह हुकम सुणाइआ गिआ।

 

 

56

संमती दे वकील हाकम नूं मिलण आए हन, इह सुनेहा मिलदिआं ही जेल्ह अधिकारीआं नूं पिस्सू पै गए।

झट्ट उह सिर जोड़ के बैठ गए।

“वफ़द नूं किस तरहां बेरंग मोड़िआ जावे?” इस मुद्दे ’ते विचार होण लग्गी।

“हाकम दी अपील सुपरीम कोरट तक रद्द हो चुक्की है। हेठली जां उतली किसे वी अदालत विच मामला विचार अधीन नहीं है। इस लई हाकम नूं किसे कानूंनी सलाह दी लोड़ नहीं है।”

इस तरक दे आधार ’ते पहिली दरख़ासत रद्द कीती गई।

वकील आख़िर वकील सन। उह वी कच्चीआं गोलीआं नहीं सन खेड रहे। उहनां नें दूजी दरख़ासत पेश कीती।

“असीं हाकम दे दोसत हां। इस रूप विच उस नूं मिलणा चाहुंदे हां।”

जेल्ह अधिकारीआं दे सिर फिर चकराउण लग्गे। “हुण इस मुसीबत तों खहिड़ा किस तरहां छुडाइआ जावे।” उह फेर सोचण लग्गे।

वड्डी समस्सिआ इक छोटे मुलाज़म नें सुलझाई।

“अज्ज वीरवार है, मुलाकात बंद है।”

वकील हथिआर सुट्टण वाले नहीं सन। उह ज़िल्हा मैजिसट्रेट नाल जा टकराए।

संमती वालिआं दी गल्ल सुण के ज़िल्हा मैजिसट्रेट दंग रहि गिआ, “इक पहड़े-लिखे कैदी नूं तनहाई कोठड़ी विच बंद कर दित्ता है। मैथों अगाऊं मनज़ूरी तां की लैणी सी, मैनूं सूचित तक नहीं कीता।”

ग़लती सुधारन लई उस नें विशेश मुलाकात दी इजाज़त दे दित्ती।

जेल्ह प्रशासन नें संमती दे इरादे भांप लए, “इह बुरे दे घर तक जाण लई मशहूर हन। आसानी नाल खहिड़ा नहीं छुट्टणा।”

संमती वालिआं दे मुड़न तक उहनां नें हाकम नूं तनहाई कोठड़ी विचों कढ्ढिआ। नहाइआ-धुवाइआ, साफ़-सुथरे कप्पड़े पवाए।

डाकटर नूं घरों बुला के उस नूं हसतपाल दाख़ल कराइआ। अजिही आपातकाल सथिती नाल नजिठ्ठण लई रजिसटरां विच ख़ाली ख़ाने छड्डे जांदे हन। उह भरे। हाकम नूं चक्कर आउण कारन डिग्गण, डिग्गण कारन ज़ख़मी होण अते ज़ख़मी होण कारन हसपताल विच दाख़ल होइआ दिखाइआ।

हाकम अठ्ठ दिन तों भुख्खा सी। मूंह थाणीं कुझ अंदर सुट्टणा ख़तरे भरिआ सी। कुझ ताकत देण लई पौशटिक ख़ुराक डरिप्प राहीं अंदर सुट्टी गई।

कुझ देर बाअद संमती वालिआं नूं दफ़तर बिठाइआ गिआ। तद तीक सथिती ’ते थोहड़ा-बहुत काबू पाइआ गिआ।

“अज्ज हाकम बहुत उतेजित हो गिआ सी। हुणे टीके ला के इस नूं सुलाइआ गिआ है। उठाउणा ठीक नहीं। वैसे तुहाडी मरज़ी।”

हसपताल लिजा के डाकटर वल्लों उहनां नूं समझाइआ गिआ।

वकील प्रशासन दी चलाकी समझ रहे सन। उह वी चलाकी तों कंम लैण लग्गे। उह जाणदे सन कि हाकम दा मानसिक संतुलन विगड़ चुक्का है। दो-चार घंटिआं विच उस दी हालत सुधरन वाली नहीं। उह इह वी जाणदे सन कि उह सुक्क के तीला हो चुक्का है। दो दिनां दी चंगी ख़ुराक नाल उस दीआं सुक्कीआं नाड़ां विच ख़ून दौड़नों रिहा। नाले उह कैद विच सी, रिहाअ होणों रिहा। बिनां मतलब प्रशासन नाल टक्कर लैण दा कोई फ़ाइदा नहीं सी।

संमती वालिआं दा बुत्ता सर चुक्का सी। जिस तेज़ी नाल उस नूं मौत दे मंह पाइआ जा रिहा सी, उसे तेज़ी नाल उस नूं बचाउण दा यतन हो रिहा सी। हाल दी घड़ी इहो बहुत सी।

संमती वालिआं नूं सबर दा घुट्ट भर के वापस मुड़ना ही ठीक लग्गा।

 

 

57

हाकम नें आपणे दसतावेज़ां विच जिनहां हाई कोरट दे फ़ैसलिआं दा हवाला दित्ता सी, उह फ़ैसले सुणाउण वाला जसटिस सिनहा अज्ज-कल्ल्ह हाई कोरट दा चीफ़ जसटिस सी।

भज्ज-नठ्ठ कर के संमती वालिआं नें रिट्ट उसे दी अदालत विच लगवा लई।

मन-भाउंदे सिट्टे निकलण लग्गे।

रिट्ट नाल लग्गे दसतावेज़ पहड़ के जज्ज दे रौंगटे खड़े होण लग्गे।

हाकम सच्च आखदा सी। कदे-कदे भावुक हो के अदालतां कैदीआं दे हक्कां दी राखी करन दीआं वड्डीआं-वड्डीआं फहड़ां मारदीआं हन। इहनां ‘*तीकारी’ फ़ैसलिआं दी कुझ दिन अख़बारां विच ख़ूब चरचा हुंदी है। तारीफ़ पहड़ के जज्ज फुल्ल के कुप्पा हो जांदे हन। समझदे हन कि उहनां नें समाजिक निआं लई रसता खोल्ह दित्ता है। हुण राम राज आपे आ जाएगा। उहनां नूं इह नहीं पता हुंदा कि चार दिनां दी चांदनी बाअद फेर हनेरी रात आउंदी हुंदी है।

हाकम नें आपणे दसतावेज़ां विच कैदीआं दी जो दुरदशा बिआनी सी, जे उस दे दसवें हिस्से नूं वी सही मंन लिआ जावे तां वी इह सिट्टा निकलदा सी  कि सरकार नें उह फ़ैसले अते उहनां विच जेल्ह सुधारां संबंधी दित्तीआं हदाइतां पाड़ के रद्दी दी टोकरी विच सुट्ट दित्ते सन। जेल्ह अंदरले हालात सुधारन दी थां विगड़ रहे सन।

चीफ़ नें आपणे फ़ैसलिआं विच इस समस्सिआ नूं नजिठ्ठण लई वरती जा रही अणगहिली कारन सरकार नूं भंडिआ सी। हुण उस नूं निआं-पालिका वल्लों आपणे फ़ैसलिआं नूं लागू कराउण लई वरती जा रही लाप्रवाही ’ते शरम आउण लग्गी। लग्गा सभ इको थैली दे चट्टे-वट्टे सन।

“की सैशन जज्ज वरगे अहिम अहुदिआं ’ते बैठे विअकती वी आपणे फ़रज़ां प्रती एने लाप्रवाह हन? की अफ़सर जेल्ह नूं वी सैर-सपाटे वाली थां समझदे हन?” चीफ़ नूं यकीन नहीं सी आ रिहा।

झट्ट उस दी सोच पलटा खाण लग्गी। उह ख़ुद वी तां सैशन जज्जां वरगा सी। कई वार उस नें सरकार नूं कैदीआं दे हक्क सुरख्खिअत करन अते नियम बणाउण दी लोड़ ’ते हदाइतां दित्तीआं सन। कदे पिछ्छे मुड़ के इह देखण दा यतन नहीं कीता कि सरकार उहनां हदाइतां नूं मंनदी सी  जां नहीं। उस नें इक वार वी जेल्ह दा दौरा नहीं कीता।

हाकम सच्च कहिंदा सी। इह फ़ैसले कानूंन दीआं पुसतकां दा शिंगार अते खोज विदिआरथीआं दी खोज दा मसाला तां बणे रहिंदे सन पर जिनहां लई इह लिखे गए सन, उहनां नूं इस दा कोई लाभ नहीं। नां जेल्ह प्रशासन हदाइतां दी पालणा करदा सी, नां हेठलीआं अदालतां उहनां नूं लागू कराउण दा यतन करदीआं सन। जिनहां दी भलाई लई इह फ़ैसले लिखे गए सन, उहनां नूं इहनां दी भिणक तक नहीं। फेर की लाभ है इहनां फ़ैसलिआं दा?”

“हाकम ठीक कहि रिहा है। सणे निआं-पालिका सारा आवा ऊतिआ पिआ है।” सोचदे सिनहा नूं आपणे हेठले सटाफ़ ’ते ग़ुस्सा चहड़न लग्गा।

हाकम कई सालां तों हाई कोरट नूं ख़त लिख रिहा सी। किंने ही अहिम तत्थ अते सुझाअ इहनां विच दरज सन। जापदा है रजिसटरार नें इहनां नूं कदे धिआन नाल पहड़िआ ही नहीं। साधारन शिकाइत समझ के टिप्पणी लई जेल्ह प्रशासन कोल मोड़दा रिहा सी। जेल्ह प्रशासन नें उत्तर दित्ता सी जां नहीं? जे दित्ता सी तां की? कदे इह जानण दा यतन नहीं कीता। इक कैदी हाई कोरट नूं ख़त लिख रिहा सी , इह गल्ल कदे चीफ़ दे धिआन विच नहीं लिआंदी गई।

जदों जागो उदों सवेरा। पिछलीआं ग़लतीआं नूं सुधारन दा मन बणा के चीफ़ हुकम सुणाउण लग्गा।

सफ़ाई घर तों शुरू होणी चाहीदी सी।

माइआ नगर दे सैशन जज्ज नूं हदाइत होई कि ज़िल्हा मैजिसट्रेट नूं नाल लै के उह तुरंत जेल्ह दा दौरा करे। जांदिआं ही जेल्ह दा सारा रिकारड सील करे। गुदामां विच पए अनाज दी माहिरां कोलों जांच करवाए। हसपताल विच दाख़ल मरीज़ां दा मुआइना होवे। उह किस-किस बीमारी दा शिकार हन, इस दी विसथार सहित रिपोरट तिआर कीती जावे। हाकम दे दसतावेज़ां विच दरज हर नुकते ’ते टिप्पणी होवे। सैशन जज्ज नूं इक होर हदाइत होई। उह ओना चिर जेल्ह विच हाज़र रहे जिंना चिर सारी पड़ताल मुकंमल नहीं हुंदी। इह वी सपश्शट कीता गिआ कि अग्गों तों होई अणगहिली नूं बरदाशत नहीं कीता जाएगा।

फेर माइआ नगर दे सिवल सरजन नूं हदाइत होई। उह तिंन माहिर डाकटरां नूं नाल लै के हाकम सिंघ दी सरीरक अते मानसिक सथिती दी घोख करे। निरख-परख आधुनिक तकनीक दे आधार ’ते होवे। रिपोरट दे नाल-नाल हाई कोरट नूं टैसट रिपोरटां वी भेजीआं जाण।

सूबे दे मुख्ख सकत्तर नूं हदाइत होई। उह ग्रहि सकत्तर नूं नाल लै के सारीआं जेल्हां दा दौरा करे। हाकम नें जेल्हां विच हुंदे जो-जो कुकरम उजागर कीते हन, उहनां दा अधिऐन करे। पंदरां दिनां बाअद विसतरित रिपोरट लै के दोवें अफ़सर अदालत विच हाज़र होण।

yg` uldBl dwl[ rg lq[G dwl[ rg u[v% sj s"ij wi lwsj ]m u[v% drFje dabji ih[m

 

 

58

चीफ़ जसटिस वल्लों सरकार दी होई खिचाई दीआं ख़बरां अगले दिन वड्डीआं सुरख़ीआं बण के अख़बारां विच छपीआं।

मीडीए नें इस मसले नूं पूरी तरहां उछालिआ। साबका कैदीआं अते माहिरां नूं बुला के जेल्ह प्रबंध अते जेल्ह सुधारां बारे बहिसां आरंभ दित्तीआं।

उस तों अगले दिन तों जेल्ह विच हुंदे अत्तिआचारां अते घपलिआं दे सनसनीख़ेज़ किस्से अख़बारां विच छपण लग्गे।

होर कुझ दिन बाअद लोक सड़कां उपर उतरन लग्गे। रोस मुज़ाहरे अते रैलीआं होण लग्गीआं। जेल्ह सुधार लागू करन अते कसूरवार जेल्ह करमचारीआं नूं सख़त सज़ावां देण दी मंग ज़ोर फड़न लग्गी।

सरकार नूं फ़िकर होण लग्गा। संमती पहिलां ही माण नहीं सी। उस नूं सरकार दी दाहड़ी नूं हत्थ पाउण दा मुफ़त ’च मौका मिलण लग्गा।

जेल्ह मंतरी अते मुख्ख मंतरी अफ़सरां दी खिचाई करन लग्गे।

“मामला तुरंत काबू विच करो। सरकार कोलों जो ऐलान कराउणे हन, कराओ। चोणां सिर ’ते हन। सरकार किसे किसम दा ज़ोख़म नहीं उठा सकदी।”

ग्रहि सकत्तर अते मुख्ख सकत्तर नूं आपणा पाला खाण लग्गा। पड़ताल दौरान पड़तालीआ कमेटी नूं ख़ामीआं तों सिवा कुझ नहीं सी लभ्भा। जेल्हां विच सहुं खाण जोगा इक वी चंगा कंम नहीं सी हो रिहा।

मुख्ख सकत्तर नें कई वार ज़िल्हा मैजिसट्रेटां नूं फ़ोन कीता। सरकार दी मदद करन दी गुहार लाई। ज़िल्हा मैजिसट्रेट सरकार दी मदद करनी चाहुंदा होइआ वी कुझ नां कर सकिआ।

ग्रहि सकत्तर नें सैशन जज्ज तक पहुंच कीती। उह उस दा दूर दा रिशतेदार सी। सैशन जज्ज नूं आपणा पाला खा रिहा सी। उह पहिली मदद उप्पर ही पछता रिहा सी। चीफ़ जसटिस ईमानदारी लई प्रसिध्ध सी। बीसीआं बेईमान जज्जां नूं उह घर दा रसता दिखा चुक्का सी। सैशन जज्ज दी आपणी धौड़ी बच जाए, इहो बहुत सी। उह वी हत्थ खड़े कर गिआ।

इहो मजबूरी सिवल सरजन नें प्रगटाई। आटे विच लूण तां रल सकदा है। लूण विच आटा रलणा मुशकल है।

हिसाब-किताब विच बहुत वड्डी हेरा-फेरी सी। काग़ज़ां विच जेल्ह विच सकूल चल्लदा दिखाइआ गिआ सी। पंजाह हज़ार रुपए प्रती साल ख़रचा पाइआ गिआ सी। जेल्ह विच डसटर अते चाक तक नहीं सी। इहो हाल खेडां दा सी।

चीफ़ जसटिस दे ग़ुस्से नूं किस तरहां ठंढा कीता जावे। ग्रहि सकत्तर तों लै के मुख्ख मंतरी तक दे साहमणे इहो समस्सिआ सी।

कई दिनां दे विचार-वटांदरे बाअद इक हल्ल लभ्भिआ गिआ। चप्प कर के हथिआर सुट्ट दित्ते जाण।

कुझ जेल्ह सुधार अगली पेशी तों पहिलां लागू कर दित्ते जाण। बाकीआं बारे बजट विच प्रबंध करन दा भरोसा दित्ता जावे।

कसूरवार अधिकारीआं दा पख्ख पूरन दी थां उहनां नूं बली दा बक्करा बणाइआ जावे।

इहनां लीहां ’ते कारवाई होण लग्गी।

पहिले दिन जेल्ह मंतरी नें प्रैस्स कानफ़रंस बुलाई अते मंनिआ।

“माइआ नगर दे जेल्ह सुपरडैंट नें आपणे फ़रज़ निभाउण विच कुताही कीती है। उस नें कैदीआं उपर अत्तिआचार कीते हन। उहनां दे राशन-पाणी विच हेरा-फेरी कर के आपणे महिल उसारे हन। डिपटी सुपरडैंट उस दा भाईवाल है। सहाइक दरोग़ा औरत कैदणां नाल बलातकार करन दा दोशी है। इसे तरहां चीफ़ वारडर हरी ओम वी कैदीआं नाल ग़ैर-मनुख्खी विवहार करदा है। इहनां सभ अधिकारीआं नूं तुरंत मुअत्तल कीता जांदा है। सुपरडैंट विरुध्ध सरकारी माल ग़बन करन अते सहाइक दरोग़े विरुध्ध बलातकार दे मुकद्दमे दरज करन लई लिख दित्ता गिआ है। नाले पुलिस कपतान नूं हदाइत होई है  दोशीआं नूं तुरंत ग्रिफ़तार कर के सीखां पिछ्छे सुट्टिआ जाए। डिपटी नूं जबरी रिटाइर कर दित्ता गिआ है। कानूंनी कारवाई मुकंमल कर के बाकीआं नूं वी नौकरीउं कढ्ढिआ जाएगा।”

उस तों अगले दिन मुख्ख मंतरी वल्लों ऐलान होए।

जेल्ह हसपताल दे बिसतरिआं दी गिणती दुगणी कीती गई। डाकटरां दी गिणती इक तों तिंन कीती गई। दवाईआं दा बजट वधाइआ गिआ। बंद पिआ सकूल खोल्हिआ गिआ। सकूल चलाउण लई अधिआपक भेजे गए। पुराणा अनाज नशट कीता गिआ। मिआरी अनाज लंगर विच भेजिआ गिआ।

पुराणे कैदी भलाई बोरड नूं भंग कीता गिआ। नवें बोरड दे जलदी गठन करन दा भरोसा दिवाइआ गिआ। नाल ऐलान होइआ कि बोरड विच संमती दे नुमाइंदे लए जाणगे। जेल्ह प्रबंध विच अग्गों तों कैदीआं नूं वी हिस्सेदार बणाइआ जाएगा।

हाकम वरगे काबल कैदी नाल होए धक्के ’ते मुख्ख मंतरी नें अफ़सोस प्रगट कीता। ग़लती नूं सुधारन लई उस लई विशेश रिआइतां दा ऐलान कीता। विगड़े मानसिक संतुलन नूं थां सिर लिआउण लई उस नूं यारां-दोसतां अते परिवार दे मैंबरां विच जाण दी इजाज़त दित्ती। मनमरज़ी दे हसपताल विचों इलाज कराउण दी खुल्ल्ह दित्ती। छे महीने दी छुट्टी दे नाल-नाल इलाज दा सारा ख़रचा देण दा भरोसा दिवाइआ।

एने नाल लोकां दा रोह मठ्ठा पैण लग्गा।

हुण वारी आई चीफ़ जसटिस दे ग़ुस्से नूं ठंढा करन दी।

गलां विच पल्लू पा के दोवें सकत्तर हाई कोरट अग्गे नत-मसतक होए। मुआफ़ी मंगण बाअद सरकार वल्लों भरोसा दिवाइआ।

“जेल्ह सुधार तुरंत लागू करन लई इक कैबनिट कमेटी दा गठन कर दित्ता गिआ है। हाकम वल्लों तिआर कीते दसतावेज़ उस कमेटी नूं भेज दित्ते गए हन। सरकार उहनां ’ते गंभीरता नाल विचार करेगी। हाकम दी लिआकत अते उस दे तजरबे दा फ़ाइदा उठाइआ जाएगा। समें-समें उस नूं कमेटी अग्गे पेश होण लई बुलाइआ जाएगा।”

हकाम दी रिहाई हो गई। कसूरवार अफ़सरां विरुध्ध कारवाई हो गई। रिट विच मंगीआं मंगां दे पूरा हो जाण बाअद रिट ख़ारज होणी चाहीदी सी।

चीफ़ जसटिस नूं पता सी कि कमेटीआं दे गठन जां बजट विच पैसे दा प्रबंध करन दे वाअदे हज़ारां वार होए सन। मामले नूं लटकाउण लई अजिहे बहाने ला-ला निआं-पालिका नूं होर बुध्धू नहीं बणाइआ जा सकदा।

चीफ़ नें रिट ख़ारज करन दी थां छे महीने दी तारीख़ पाई। नाल सरकार नूं हदाइत कीती।

“कैबनिट कमेटी दीआं मीटिंगां जलदी-जलदी करो। हर मीटिंग दी कारवाई दी रिपोरट हाई कोरट नूं भेजो। अंतिम रिपोरट अगली तारीख़ ’ते पेश करो।”

इस फ़ैसले नें सभ धिरां ख़ुश कर दित्तीआं।

संमती ख़ुश सी। ज़ालम अफ़सरां नूं कंन हो गए। कुझ देर लई ही सही, कैदीआं नूं ज़ुलमां तों राहत मिलेगी।

सरकार ख़ुश सी। सौखे विच खहिड़ा छुट्ट गिआ। छे महीने बाअद पता नहीं किहड़ा राजा होएगा अते किहड़ी परजा।

 

 

59

मुसद्दी दी हिंमत नाल इको समें संमती दी झोली विच दो लाल आ पए। पहिला सी हाकम अते दूजा सी हरीश।

रहीश राए नें पीड़त धिर दा पख्ख पूरन लई माइआ नगर विच ‘विकटम वैलफेअर सोसाइटी’ बणाई होई सी। इस संसथा दा मुख्ख उदेश मुलज़मां, हवालातीआं अते कैदीआं नूं बिनां मतलब दित्तीआं जा रहीआं सहूलतां दा विरोध करना सी। पीड़त धिर नाल खलो के सोसाइटी मुलज़म धिर नूं सबक सिखाउण दा यतन करदी सी।

संमती वल्लों हाकम सिंघ दे हक्क विच कीती गई रिट दीआं ख़बरां पहड़ के हाकम दे सहुरे नें सोसाइटी नाल संपरक कीता। जवाई नूं दस साल सज़ा करवा के उस दा कालजा ठंढा नहीं सी होइआ। उह चाहुंदा सी कि जिवें उस दी धी दी अरथी हाकम दे घरों निकली सी, उसे तरहां जेल्हों हाकम दी लाश ही निकले। इह मामला इक कैदी अते जेल्ह प्रशासन विचकार सी। मुदई्ई धिर वजों मेजर सिंघ नूं सुणवाई विच लत्त अड़ाउण दा अधिकार नहीं सी। सोच-विचार बाअद उस नें सोसाइटी नाल संपरक कीता सी। “संमती वांग सोसाइटी वी लोक-हित्त लई कंम करन वाली इक संसथा है। सोसाइटी नूं रिट विच धिर बण के समुच्ची पीड़त जमात दा पख्ख पूरना चाहीदाहै।”

हाई कोरटों गुरमीत नूं पता लग्गा। सोसाइटी रिट विच धिर बणन दी तिआरी कर रही है। उस दा मत्था ठणकिआ। इंझ होण नाल दो लोक-पख्खी संसथावां दा टकराअ होएगा अते हाकम नूं मिलण वाली राहत विच रोड़ा अटकेगा। मसला सुलझाउण दी नीयत नाल उह माइआ नगर वाली बस्स चहड़ गिआ।

विकटम वैलफ़ेअर सोसाइटी दीआं ज़िआदा सरगरमीआं माइआ नगर तक सीमत सन। पहिलां सोसाइटी वल्लों कीते जांदे कंम दी ख़बर कदे-कदाईं ही अख़बारां विच छपदी सी।

पिछले साल इह संसथा काफ़ी सुरख़ीआं विच रही सी।

माइआ नगर विच दो भरावां दे परिवारां विच जाइदाद दी वंड ’ते झगड़ा छिड़ पिआ। इक धिर नें कुझ भाड़े दे टट्टू ख़रीद के दूजी धिर दे घर ’ते हमला करवा दित्ता। कोठी विच जा के भाड़े दे टट्टू ज़िआदा ही भूसर गए। उहनां विचों इक नें नौजवान लड़की नेहा नाल बलातकार करना शुरू कर दित्ता। कुड़ी दी इज़्ज़त बचाउंदा उस दा भरा कमल आपणी जान गवा बैठा। घर दे मुखी वेद, उस दी पतनी नीलम गंभीर रूप विच ज़ख़मी हो गए। इह वाकिआ वेद दे भतीजे पंजक अते नीरज नें करवाइआ सी। तफ़तीश दौरान साज़िश नंगी हो गई। इक वार पुलिस नें उहनां नूं ग्रिफ़तार वी कीता, पर उह दोवें भरा माइआ नगर दे गिणे-चुणे सनअतकारां विचों सन। उहनां दीआं रिशतेदारीआं उहनां तों वी उच्चीआं थावां ’ते सन। रिशतेदार कावां वांग इकठ्ठे हो गए। पैसा अते रसूख़ वरत के पहिलां उहनां दी ज़मानत कराई फेर उहनां दे नां मुलज़मां दी लिसट विचों कटवा दित्ते। पीड़त धिर नाल धक्का हुंदा देख के सोसाइटी नें मुकद्दमा आपणे हत्थ विच लै लिआ। दोहां दोशीआं नूं मुड़ कटहिरे विच खड़ना पै गिआ। बाज़ी फेर सनअतकार मार गए। सोसाइटी नूं अंगूठा दिखा के उह बाइज़्ज़त बरी हो गए। सोसाइटी नें हिंमत नहीं हारी। पंकज नीरज नूं सज़ा कराउण लई उहनां हाई कोरट दा दरवाज़ा खड़काइआ होइआ सी।

इस मुकद्दमे दी कारवाई अख़बारां विच छपदी रही सी। गुरमीत उस उपर नज़र रख्खदा रिहा सी। इस करके उह हरीश राए अते उस दी सोसाइटी बारे बहुत कुझ जाणदा सी।

हरीश नूं मिल के कुझ मुद्दे सपश्शट करन दी उस दी पहिलां ही इछ्छा सी, पर सबब्ब नहीं सी बणिआ।

सबब्ब बणदिआं ही उह मिल बैठे।

हरीश वी संमती दीआं सरगरमीआं तों जाणू सी। उह संमती दे उदेशां नाल सहिमत नहीं सी। बिनां लुक-छिप दे हरीश, संमती दे उदेशां प्रती आपणे विचार प्रगटाउण लग्गा।

“मुलज़मां अते कैदीआं नूं सिर चहड़ाउण विच सरकार ही कसर नहीं छड्डदी। सहूलतां ते सहूलतां दे रही है। जे मुलज़म कहे मेरे कोल वकील नूं फ़ीस देण दी पहुंच नहीं तां झट्ट सरकार उस नूं उच्च कोटी दा वकील कर दिंदी है। ख़रचा आप करदी है। इधर जे मुदई्ई आपणी जेब ढिल्ली कर के वकील खड़ा करे तां वी कानूंन उस वकील नूं मूंह नहीं खोल्हण दिंदा। पीड़त धिर नूं गवाही देण लई ख़ुद कटहिरे विच खड़ना पैंदा है। मुलज़म वल्लों सवाल-जवाब वकील वल्लों कीते जांदे हन। कानूंन मुलज़म नूं बेकसूर मंन के चल्लदा है। उस नूं बरी करन दा बहाना भालदा है। सौ कड़ीआं वाली कहाणी विच जे इक कड़ी वी कमज़ोर पै जावे तां सारे मामले नूं शक्की ठहिरा के दोशी दीआं हत्थकड़ीआं खोल्ह दिंदा है। भुल्ले-चुक्के जे किसे दोशी नूं सज़ा हो जावे तां सरकार उस नूं जवाईआं वांग पालणा शुरू कर दिंदी है। सहूलतां दे-दे कैद नूं कैद नहीं रहिण दिंदी। हर छिमाही, इक तिमाही लई कैदी नूं बच्चे पैदा करन, विआहां विच भंगड़े पाउण, फ़सलां बीजण ते वढ्ढण लई घर भेज दिंदी है। मुआफ़ीआं दे-दे सज़ा अध्धी कर दिंदी है। इथे ही बस्स नहीं। फेर कदे बुढापे दे बहाने, कदे बीमारी दे बहाने अगाऊं रिहाई दे दिंदी है। मुजरम नूं होई सज़ा दा अहिसास ही नहीं होण दिंदी।

“सरकार अते कानूंन नूं पीड़त धिर भुल्ली रहिंदी है। जिनहां नूं इहनां मुलज़मां नें विधवा जां अनाथ बणाइआ हुंदा है, जिनहां दीआं इज़्ज़तां जां घर लुट्टे हुंदे हन, उहनां दा कदे किसे नूं ख़िआल नहीं आउंदा। सरकार पीड़त धिर दे ज़ख़मां ’ते घट्ट लूण नहीं छिड़क रही। रहिंदी-खूंहदी कसर तुसीं लोक कढ्ढ रहे हो। मुजरमां नूं बरी कराउण अते जेल्ह विच पंज-सितारा सहूलतां दिवाउण लई झंडा चक्की फिरदे हो। मुलज़म जमात रहिम-दिली दी पातर नहीं है। जे समाज नूं सुखी देखणा है तां इहनां नाल सख़ती नाल निब्बड़े।”

हरीश दीआं गल्लां सुण के गुरमीत नूं सोसाइटी दा उदेश समझ आ गिआ। दोहां संसथावां दा उदेश सांझा सी। बस्स रसतिआं दा फ़रक सी। गुरमीत पाड़े दूर करन दा यतन करन लग्गा।

“संमती सोसाइटी दे विचारां नाल पूरी तरहां सहिमत है। पर सख़ती उहनां मुजरमां उपर होणी चाहीदी है, जिहड़े सच्चमुच्च कसूरवार हन। जे पुलिस आपणी खल्ल बचाउण लई किसे ग़रीब नूं मुजरम बणा देवे तां की उस मज़लूम लई आवाज़ बुलंद करना जुरम है? उह वी प्रबंध वल्लों सताई होई पीड़त धिर ही है। की असीं साधनहीण लोकां नूं सज़ा देण देईए जिहड़े बेकसूर हुंदे होए वी इस लई सज़ा खाणगे किउंकि उहनां कोल उच्च-कोटी दे वकीलां नूं देण लई फ़ीस नहीं जां गवाहां नूं ख़रीदण दी परोखो नहीं। की उह जेल्ह विच वी जेल्ह अधिकारीआं दीआं वधीकीआं दा शिकार हुंदे रहिण? जे कोई किसे मजबूरी कारन जुरम कर बैठा है, की उस नूं सुधरन दा मौका नहीं मिलणा चाहीदा? आपणे पैरां सिर खड़े होण लई कित्ता सिखलाई दी मंग करना जुरम है? संमती नां किसे भैड़े अनसर दा पख्ख पूरदी है अते नां किसे रिशवतख़ोर दा। असीं पाले मीते लई इस लई जूझ रहे हां किउंकि उह निरदोश हन। जिंना ज़ोर असीं उहनां नूं बरी कराउण ’ते ला रहे हां, ओना ही शहिर दे रईस मुंडे हरमनबीर नूं ग्रिफ़तार कराउण लई वी ला रहे हां।”

गुरमीत बोल रिहा सी। हरीश सुण रिहा सी। किसे पासिउं कोई किंतू-परंतू नहीं सी हो रिहा।

“मैनूं जापदा है कि सोसाइटी वालिआं नूं जेल्ह अंदरले जीवन दा निज्जी अनुभव नहीं है। कदे तत्थां दी घोख कर के देखणा। फेर पता लग्गेगा मुआफ़ीआं, छुट्टीआं, अगाऊं रिहाईआं अते बी-कलास दीआं सहूलतां दा आनंद कौण माणदा है? असीं पंकज जां हरमनबीर वरगिआं लई सहूलतां नहीं मंगदे। असीं उहनां कैदीआं लई जूझ रहे हां, जिनहां नूं इह वी पता नहीं कि उह किस जुरम विच फड़े गए हन। असीं उहनां औरतां दे हक्कां लई आवाज़ बुलंद कर रहे हां, जिनहां दी इज़्ज़त जेल्ह विच वी सुरख्खिअत नहीं है। की तुहाडी संसथा अजिहे पीड़तां नूं सहूलतां दिवाउण दे विरुध्ध है?”

गुरमीत दीआं इह सभ गल्लां सच्च सन। बिनां कारन किसे नुकते दा विरोध करना हरीश दा सुभाअ नहीं सी। चुप्प कर के उह गुरमीत दीआं गल्लां सुणदा रिहा।

“की तुहानूं पता है, हाकम नूं तनहाई कोठड़ी विच किउं सुट्टिआ गिआ सी? उह साडे वांग वकील है। ज़मीर रख्खदा है। कानूंन दी असल मनशा नूं समझदा है। जदों सवारथी लोक कानूंन नूं आपणे हितां दी पूरती लई तोड़दे-मरोड़दे हन तां साडे वांग उस तों बरदाशत नहीं हुंदा। उस नें आपणीआं सुख सहूलतां तिआग के, पशूआं वांग विचर रहे कैदीआं लई आवाज़ बुलंद कीती सी। जे उह चाहुंदा तां बाकी बी-कलास साथीआं वांग जेल्ह अधिकारीआं दी जी-हज़ूरी कर के सुख्ख सहूलतां माणदा रहिंदा। उलटा होरां लई उस नें अफ़सरां दी नाराज़गी मुल्ल लई। उह दस साल दी कैद कट्ट चुक्का है। उस दे नाल दे कदों दे रिहाअ हो के घरां नूं जा चुक्के हन। मुआफ़ीआं दी थां उस नूं सज़ावां मिल रहीआं हन। उस नूं वीह साल सज़ा कट्टणी पै सकदी है। की अजिहे जुझारू बंदे नूं पाग़ल होणों जां मौत दे मूंह विच जाणों बचाउणा जुरम है? हाकम नूं नोच-नोच के खाण लई गिरझां विच सुटवा के सोसाइटी किस उदेश दी पूरती कर रही होएगी? मैनूं समझाओ।

“जे गहु नाल सोचीए तां साडे उदेश सांझे हन। असीं वी पीड़त धिर लई ही लड़ रहे हां। फ़रक एना कु है कि तुसीं उहनां लोकां नूं पीड़त समझदे हो जिनहां दे विरोधीआं तक कानूंन दीआं बाहां पज्ज नहीं सकदीआं। असीं कुचज्जे प्रबंध दे सताए लोकां नूं वी पीड़त समझदे हां। की पंकज नीरज नूं कटहिरे विच खड़ा करन नाल मसला हल्ल हो जाएगा? की पाले मीते दे बरी होण नाल मुड़ किसे नाल धक्का नहीं होएगा? सभ कुझ पहिलां वांग ही चल्लेगा। असीं जाणदे हां, इकल्ले-इकल्ले विअकती लई लड़ के बहुता कुझ नहीं संवरना। समुच्चे प्रबंध नूं बदल के ही लोकां नूं राहत मिलेगी। इह छोटीआं छोटीआं लड़ाईआं उसे मंज़ल लई पौड़ीआं हन। आओ) तुसीं साडे नाल चल्लो। आपां रल-मिल के सांझे उदेश वल्ल वधीए। संमती नीरज पंकज नूं सज़ा कराउण विच तुहाडी मदद करेगी। तुसीं पाले मीते नूं बरी कराउण विच साडे नाल मोढा जोड़ो। आपां हाकम नूं वी छुडाईए। उस नूं वी आपणे नाल रलाईए।”

आपणी गल्ल मुका के गुरमीत नें हरीश वल्ल दोसती दा हत्थ वधाइआ।

हरीश इक बुध्धीजीवी सी। राजनीती नूं समझदा सी। गुरमीत दीआं गल्लां नें  उस दी समझ नूं होर निखार दित्ता।

हरीश नें दोहां हत्थां नाल गुरमीत दा हत्थ फड़िआ अते घुट्ट के हिक्क नाल ला लिआ।

 

 

60

सरीरक पख्खों तंदरुसत होण लई हाकम नूं इक महीना लग्गा। उस नूं मानसिक तौर ’ते रिशट-पुशट करन लई संमती नूं कई महीने संघरश करना पिआ।

गुरमीत अते पिआरे लाल उस नाल निआं-प्रबंध दी सारथिकता बारे गल्लां करदे। इह किस धिर दे हक्क विच भुगत रिहा है? सिट्टे कढ्ढदे।

रात नूं बाबा गुरदित्त सिंघ उस नूं आपणे कोल संवाउंदा। संघरशां दीआं गाथावां सुणाउंदा। जमाती संघरशां बिनां ढांचे बदले नहीं जा सकदे। उस नूं इह समझाउंदा।

लोक-पख्खी संघरश किस तरहां विढ्ढणे अते किस तरहां नजिठ्ठणे हन? इस बारे उस नाल शामू अते अशोक गल्लां करदे।

तनहाई कोठड़ी विच बंद हाकम नूं लग्गदा सी कि अभिमनयू वांग उह इकल्लाही चक्करविऊ विच फस गिआ सी। बिनां चक्करविऊ तोड़िआं ही शहीद होणा पैणा सी।

हुण उस नूं महिसूस होण लग्गा सी कि जूझण वाला उह इकल्ला नहीं सी। उस दी रहिनुमाई लई बाहर बुध्धीमान *शन होएगा। महांरथी अरजन अते भीम होणगे। उहनां दी कमान हेठ निशकाम कारज लई लड़ रही विशाल पांडव सैना। इस वार अभिमनयू नां हारेगा, नां शहीद होएगा। जेतू हो के बाहर निकलेगा।

हाकम दा मन जलदी जेल्ह मुड़न लई काहला पैण लग्गदा। उह जलदी तों जलदी इक-दो कैदीआं दी थां समुच्ची साधनहीण जमात लई संघरश विढ्ढणा चाहुंदा सी। किसे वारडर जां डिपटी दी थां समुच्ची विवसथा नाल टकराउणा चाहुंदा सी।

वार-वार उह संमती वालिआं ’ते ज़ोर पा रिहा सी।

“मेरी छुटी घटवाओ। मैनूं जेल्ह जाण दी इजाज़त दिओ। फेर मेरे जौहर देखणा।अग्गे जेल्ह विचों कैदी मुजरम बण के निकलदे सन, हुण घुलाटीए बण के निकलणगे।”

हाकम नूं इक होर काहल सी। उस दी सज़ा जलदी तों जलदी ख़तम होवे। फेर उह संमती वल्लों विढ्ढे संघरश वच खुल्ल्ह के हिस्सा पावे।

संमती उस दे उतशाह ’ते ख़ुश सी। पर उस नूं जेल्ह जाण दी इजाज़त नहीं सी दे रही। मानसिक चकितसक हाले उस दे जेल्ह जाण दे हक्क विच नहीं सन।

हाई कोरट नें अठ्ठ साल पुराणीआं अपीलां सुणनीआं शुरू कर दित्तीआं सन। पाले मीते दी अपील दी वारी किसे वी दिन आ सकदी सी।

“तूं अपील दी बहिस विच हिस्सा लैणा है। हाई कोरट नूं आपणी काबलीअत दिखाउणी है।”

इस बहाने संमती उस नूं जेल्ह जाणों रोक रही सी।