जिस वकत फ़ोन दी घंटी खड़की; सूरज अजे निकलण दी तिआरी विच्च ही सी। घर दे जीअ सुत्ते होए सन। कनेडा विच्च सवेरे वेले सिर अते रात दे डूंघे होण वेले कोई घट्ट-वध्ध ही फ़ोन करदा है। अजिहे समें आइआ फ़ोन अकसर 'इंडीआ' तों होण कर के मैं ही चुक्कदा हां।

फ़ोन उत्ते इकबाल रामूवालीआ सी। उह आपणे ठंढे-धीरे सदा-बहार अंदाज़, "हां जी, वीर जी" कहि के गल्ल शुरू करन दी थां काहली नाल बोलिआ, "ओ भरा! तेरा ई-मेल हैक हो गिआ। मैनूं अमरजीत चंदन नें लंदन तों आखिऐ; मैं वी वेखिऐ। तूं ऐं कर; उह वी कहिंदा सी, आपणा नवां ई-मेल पता बणा के आपणे जाण-पछाण वाले सभ बंदिआं नूं दस्स दे। छेती कर।"

उसदे तुरत पालणा करन वाले काहले आदेश नूं सुण के मैं हैरान होइआ। 'हैक' दे अरथ भली-भांत जाणदे होइआं वी मैनूं उक्की समझ नां पई कि मेरे 'ई-मेल' नाल की हो गिआ है! माड़ा-मोटा टाईप कर लैण ते ई-मेल करन ते खोल्हण तों इलावा मैनूं कंपिऊटर दा कुझ वी पता नहीं।

मैं कंपिऊटर चालू कीता ते आपणी ई-मेल खोल्हण दी कोशिश कीती पर उह वार वार लाल अख्खरां विच्च इह कहि के इनकार करी जावे कि "तुसीं आपणा ई-मेल पता जां पास वरड ठीक नहीं भरिआ।" मैं बौंदल जिहा गिआ। इह की होइआ? मैनूं इस 'चोरी' नाल जुड़ीआं कु-संभावनावां ते कु-भावनावां दा इलम नहीं सी। मैनूं तां इह फ़िकर सी कि पिछले साल तों आपणा लिखिआ होइआ सारा मैटर आपणे ही ई-मेल पते 'ते भेजिआ होइआ होण कर के हुण किवें प्रापत करांगा! पिछले साल कंपिऊटर ख़राब हो जाण कर के मेरी सवै-जीवनी दे कई अणछपे हिस्से अंजाई चले गए सन। मेरे कोल उहनां दा कोई रीकारड नां होण करके पहिली वार मैनुं अहिसास होइआ कि आपणा लिखिआ गुंम-गवाच जावे तां उसदी किंनी पीड़ हुंदी है। इह तां औलाद गवाचण वांग सी। गवाच गए नूं मुड़ तों लिखणा ते उस विच्च पहिलां वरगी ही जान पा सकणी संभव नहीं। इस सदमे कर के अठ्ठ नौं महीने कुझ नवां लिखण नूं मेरी रूह ही नहीं मंनी। दोसतां नें इह सुण के सलाह दित्ती सी कि आपणा लिखिआ होर थावां 'ते 'सेव' करन तों इलावा इसनूं बचा के रख्खण लई आपणे ही ई-मेल पते 'ते 'पोसट' कर लिआ जाणा चाहीदा है। होर सभ थावां तों लिखत नशट वी हो जावे तां ई-मेल तों तां खोल्ही जा सकदी है।

एथे तां अज्ज लिखत नूं 'ई-मेल' विच्च सांभण वाली सलाह वी फ़ेल हो गई सी। एना शुकर सी कि ई-मेल विच्च लिखिआ मैटर कंपिऊटर विच्च सुरख्खिअत ही सी।

पर इकबाल दी 'नवां ई-मेल पता बणा के हुणे सभ नूं दस्सण' वाली गल्ल दे अंदरले अरथां दा मैनूं सचमुच्च कोई पता नहीं सी। मैं 'सीरत' मासिक-पत्तर दी ई-मेल खोल्ह के वेखी तां हैरान रहि गिआ इह जाण के कि मेरे ई-मेल पते 'ते मेरे वल्लों ही चिठ्ठी लिखी होई सी।

9 अप्रैल नूं 4-13 'ते इंगलैंड तों अंगरेज़ी विच्च लिखी चिठ्ठी इस प्रकार सी:

हैलो!

किवें चल्ल रिहै? उमीद है तुसीं ते तुहाडा परिवार चहड़दी कला विच्च होवोगे। मैनूं अफ़सोस है कि मैं तुहानूं किसे सैमीनार दे सिलसिले विच्च कीती जाण वाली आपणी इंगलैंड यातरा बारे सूचित नहीं कर सकिआ। इह ई-मेल प्रापत हुंदे सार मैनूं तुहाडी सहाइता दी लोड़ है। मैं होटल दे राह विच्च किधरे आपणा बटूआ गवा बैठा हां। उस विच्च मेरे पैसे ते होर कीमती समान सी। छेती तों छेती मैनूं 2500 डालर भेजो ताकि मैं आपणे होटल दे बिल्लां दा भुगतान कर सकां। इह पैसे तुहाडा मेरे सिर करज़ होवेगा। तुसीं जो वी भेजो उस लई मैं तुहाडा शुकर-ग़ुज़ार होवांगा ते वापस मुड़दिआं ही तुहानूं इह करज़ अदा कर दिआंगा।

जे तुसीं मेरी सहाइता कर सकदे होवो तां किरपा करके दस्सणा ता कि मैं तुहानूं पैसे भेज सकण बारे होर तफ़सील भेज सकां।

आदर नाल-वरिआम संधू

हुण गल्ल दी गंभीरता दा अहिसास होइआ। मैनूं हत्थां-पैरां दी पै गई। इसदा भाव तां इह सी कि नकली 'वरिआम संधू' नें इह चिठ्ठी मेरी ई-मेल 'ते दरज सारे पतिआं 'ते भेज के पैसे मंगे सन। इहनां पतिआं विच्च लेखक-मित्तर वी सन, निज्जी मित्तर वी। इहनां विच्च 'सीरत' (मेरे बेटे सुपनदीप संधू दी संपादना विच्च कनेडा तों छपदा मासिक-पत्तर) दे अनेकां पाठक वी सन ते पंजाबी दे देस-विदेश विच्च छपदे मैग़ज़ीनां ते अख़बारां अते संपादकां दे पते वी शामिल सन।

हरफ़ले होए नें इकबाल नूं फ़ोन कर के चिठ्ठी बारे दस्सिआ। उस नें किहा, "चिठ्ठी मैनूं वी आई है, चंदन नूं वी। तेरी ई-मेल 'ते दरज सारे पतिआं 'ते आई होवेगी। एसे लई तां तैनूं किहै कि सुपन नूं आख के आपणा नवां ई-मेल बणा के सभ नूं दस्स दे, किते कोई ठग्गिआ नां जांदा होवे।"

किसे दे ठग्गे जाण दा डर तां सी ही नाल ही डर सी कि मैं ख़ुद वी ठग्ग जिहा लग्गण लग्ग पिआ सां। बहाना बणा के पैसे बटोरन वाला। नेड़े दे जाणू मित्तरां नूं छड्ड के साधारन जाण-पछाण वाले बाकी लोकां नें तां इहो समझणा सी कि वाह! किआ पैसे मुछ्छण दा तरीका लभ्भा सू!

सुत्ते होए सुपनदीप नूं जगाउण लई उठाउण ही लग्गा सां कि फ़ोन दी घंटी फिर खड़क पई। शाइर सुखपाल दा फ़ोन सी। मैं उसनूं पुछ्छिआ, "तुहाडे तों वी पैसे मंग लए! पैसे मंगण वाला इह मैं नहीं हां, कोई होर है जिसने मेरा ई-मेल चुरा लिआ है।"

"मैनूं इह चिठ्ठी तुहाडी लिखी होई वी नहीं सी लग्गदी।" सुखपाल नें इकबाल दी गल्ल दी पुशटी करदिआं सभ नूं सूचित करन बारे सलाह दिंदिआं जदों नवां ई-मेल पता नां बणा सकण दी मेरी असमरत्था बारे जाणिआं तां आपणे वल्लों नवां ई-मेल पता बणा के भेजण दी पेशकश कीती ही नहीं सगों दस-पंदरां मिंटां विच्च दो ई-मेल पते बणा के 'सीरत' दे पते 'ते भेज वी दित्ते।

पर मेरे कोल तां हुण किसे दा वी ई-मेल पता नहीं सी। कित्थे ई-मेल करां! किवें दस्सां ते किस नूं दस्सां! पते तां सारे चोरी हो गए सन।

इसे वेले इंडीआ तों अजमेर औलख दा फ़ोन आ गिआ। ई-मेल पहड़ के उह परेशान हो गिआ सी। मेरे दस्सण 'ते सुख दा साह लै के कहिंदा, "मैं पहिलां तां पुछ्छण लई रघबीर सिरजणा नूं दो-तिंन वार फ़ोन कीता, पर जवाब नां मिलण 'ते मैं सोचिआ कनेडा फ़ोन कर के इक्क वार पता तां कर लवां। नहीं तां भरा मैं तां सोच लिआ सी कि करदे आं कुस नां कुस।" औलख नें अजे गल्ल मुकाई ही सी कि खंने तों बलविंदर गरेवाल "पैरीं पैनां जी' कहि के दस्सण लग्गा, "तुहाडे लई इक्क ख़ुशख़बरी है।"

एनी परेशानी दी हालत विच्च किहड़ी ख़ुशख़बरी होई!

"ऐथे खंने तुहाडा इक्क प्रसंसक है आपणा मुंडा गुरप्रीत। आपणे पंजाबी आलोचक सुरजीत दा छोटा भरा। तुसीं जाणदे ई होवोंगे। उसनूं तुसीं इक-दो वार 'सीरत' विच्च छापिआ वी ऐ। उहनूं तुहाडे वल्लों कोई ई-मेल आई है।"

"ओ भरा मेरे वल्लों काहनूं!" मैं उहदी गल्ल कट्ट के तुरत सारी कहाणी दस्सी तां उह कहिंदा, "मैं तां इहनूं पहिलां ई किहा सी कि इह भा जी नहीं हो सकदे। मैं इहनूं किहा, 'जे उहनां नें पैसिआं लई कहिणा ई सी तां तैनूं किउं कहिंदे; उहनां सभ तों पहिलां एथे मैनूं आखणा सी।' पर इस पतंदर वल्ल वेखो। आपणा अकाऊंट लई बैठै ते पैसे किवें ते कित्थे भेजण दा हिसाब किताब ला रिहै। नकली वरिआम संधू नाल लगातार ई-मेल 'ते संपरक बणाइआ होइआ ए। मैं तां तुहानूं इह ख़ुशख़बरी देणी सी कि वेखो! तुहानूं लोक किंनी मुहब्बत करदे नें।"

मैं उहनां दा धंनवाद करदिआं नकली वरिआम संधू दी गुरप्रीत नाल होई ई-मेल ख़तो-किताबत दी कापी मैनूं भेजण लई किहा।

पंजां कु मिंटां विच्च उहनां विच्च होइआ ई-मेल वटांदरा गुरप्रीत नें भेज दित्ता।

इहनां ई-मेलां विच्च गुरप्रीत नकली वरिआम संधू नूं उस कोलों पैसे मंग के उसदा माण वधाउण लई धंनवाद वी कर रिहा सी ते पैसे भेजण लई ततपरता विखा के, उसदा पता ते फ़ोन दा संपरक वी मंग रिहा सी तांकि उह लंडन रहिंदे आपणे किसे रिशतेदार राहीं पैसे भिजवा सके। उह इह वी कहि रिहा सी कि जे उह (नकली संधू) किसे दा मासटर जां वीज़ा कारड नंबर भेज सके जिसदी ओथे उस नाल नेड़ता होवे तां उह ओसे वेले ओस अकाऊंट विच्च पैसे टरांसफ़र कर दएगा। पर नकली वरिआम संधू गुरप्रीत नूं पैसे केवल ते केवल वैसटरन यूनीअन राहीं भेजण 'ते बल दे रिहा सी। (ज़ाहिर सी कि उह बंदा इंडीअन जां पंजाबी नहीं सी हो सकदा, जिसनूं इह इलम नहीं सी कि वैसटरन यूनीअन राहीं इंडीआ विच्च पैसे भेजे तां जा सकदे हन पर ओथों पैसे बाहर नहीं आ सकदे। वैसटरन यूनीअन राहीं पैसिआं दा अदान-प्रदान उत्तरी अमरीका जां यूरपीन मुलकां विच्च ही हुंदा है) उसने 'आपणा पता' 'ते फ़ोन नंबर वी दे दित्ता सी जो इस प्रकार सी: कैंगसिंगटन हाई सटरीट, ज़िप-कोड W8 4PTसटेट: लंडन, देश: इंगलैंड।

वार वार फ़ोन दी घंटी वज्जण करके सुपनदीप वी हुण तक्क उठ्ठ बैठा सी। सारा कुझ सुण के मेरी पतनी वी परेशान हो गई। मैं 'सीरत' दे पते तों जिंने कु वी ई-मेल पते लभ्भे उहनां नूं इस 'ठग्गी' बारे सुचेत कीता ते होर मित्तरां तक्क वी सुनेहां पहुंचाउण दी बेनती कीती। टरांटो रहिंदे शाइर ते नाटककार उंकारप्रीत नूं किहा कि उस कोल कनेडा विचले जिंने वी सांझे लेखक मित्तरां दे पते हन उहनां नूं ई-मेल कर के सूचित कर देवे। इहो ही सेवा किरपाल सिंघ पंनूं हुरां दे ज़िंमें लाई।

सुपनदीप दूजे कमरे विच्च मां नाल बुड़ बुड़ कर रिहा सी, "हर वेले तां ई-मेल खोल्ह के बैठे रहिंदे सन। कोई ग़लती कर बैठे होणगे। पता तां है कोई नहीं कि सारा सिसटम किवें ओपरेट करीदा है।"

कीती ग़लती दी मैनूं माड़ी माड़ी समझ पै रही सी। दो कु हफ़ते पहिलां मैनूं 'विंडो-लाईव' तों ई-मेल आई सी (मेरी हौटमेल विंडो-लाईव 'ते ही खुल्हदी सी), जिस विच्च किहा गिआ सी कि 'विंडो-लाईव 'ते ई-मेल पते वाले बहुत सारे लोकां दा 'साडे' कोल पूरा रीकारड नां होण करके असीं बहुत सारे ई-मेल पते बंद करन दा फ़ैसला कीता है। तुहाडा नां वी उहनां विच्च शामिल है। जे तुसीं चाहुंदे हो कि तुहाडा ई-मेल खाता चल्लदा रहे तां निमन लिख़त सूचना भेजण दी ख़ेचल करो। इस जाणकारी विच्च उहनां, मेरी जनम-मिती, पास-वरड, देश आदि बारे पुछ्छिआ सी। इह वी किहा सी कि इसदा जवाब 'रिपलाई 'ते कलिक कर के देवां।

हफ़ते पिछ्छों इह ई-मेल फिर आई सी ते मैं सोचिआ किते मेरा ई-मेल ख़ाता बंद ही नां हो जावे। मैं इह सूचना भेज दित्ती। इसदे जवाब विच्च 'विंडो-लाईव' दे दस्से पते 'ते ई-मेल नां पहुंच सकण 'डलिवरी फलिओर' दा नोटिस आ गिआ। लग्गदा सी इह उस ठग्ग दी ही कोई चाल सी। उसने विंडो-लाईव दा नां वरतिआ सी ते आपणे लुकवें पते राहीं बहाने नाल मेरा वेरवा जाण लिआ सी।

पर इह गल्ल दस्सण दी इस वेले कोई तुक नहीं सी।

ई-मेल पहड़दिआं ही दोसतां-मित्तरां ते जाणकारां दे देश-विदेश तों फ़ोन 'ते फ़ोन आउण लग्गे। कैलगरी रहिंदे मेरे अधिआपक स महिंदर सिंघ नें 'मेरी' ई-मेल पहड़ी तां फ़िकरमंद हो के इंगलैंड रहिंदे साडे सांझे मित्तर शाइर गुरनाम ढिल्लों नूं फ़ोन 'ते सारी गल्ल दस्स के किहा, "गुरनाम मैं वरिआम नाल ई-मेल 'ते संपरक कीता है ते उसनूं पैसे भेजण ही वाला सां पर फिर तेरा ख़िआल आ गिआ। तूं हैथे बैठैं। आह उसदा दस्सिआ पता लिखाउंदां तूं उसनूं पैसे तुरंत दे के आ। उह बड़ी मुशकल विच्च है।"

गुरनाम ढिल्लों नूं 'दाल विच्च कुझ काला' नज़र आ गिआ सी। कुझ चिर पहिलां ही आपणी धी कोल इंगलैंड आई होई पंजाबी लेखिका बलविंदर कौर बराड़ नें गुरनाम नूं फ़ोन 'ते सुनेहां छड्डिआ सी, "मैं 'वरिआम' दी ई-मेल दे जवाब विच्च उसनूं पैसे भेजण दी विधी बारे पुछ्छिआ तां उसने संपरक करन लई आपणा फ़ोन नंबर वी दित्ता है ते लंडन दा आपणा पता वी। जद मैं उस पते 'ते फ़ोन कीता तां अग्गों कोई होर ही बंदा अंगरेज़ी विच्च बोलिआ। जद मैं उसनूं किहा कि मैनूं वरिआम संधू नाल मिलाओ तां कहिंदा 'उह इस वेले मिल नहीं सकदा पर बड़ी मुशकल विच्च है। तुसीं जिंनी छेती हो सकदै पैसे 'वैसटरन यूनीअन' राहीं भेजण दी ख़ेचल करो।' उह वरिआम नाल गल्ल किउं नहीं कराउंदा? मैनूं तां कोई गड़बड़ लग्गदी है। तुसीं वी इस फ़ोन 'ते संपरक कर के वेखो।"

गुरनाम ढिलों नें दस्से गए फ़ोन 'ते, जिहड़ा उस बंदे नें होर मित्तरां नूं वी दित्ता सी (Tel: +447024038516) गल्ल कीती तां उसनूं वी 'वरिआम संधू' दी थां फ़ोन 'ते उहो ही बंदा मिलिआ जो छेती तों छेती पैसे भेजण लई कहि रिहा सी। उस नाल गल्ल बात करन उपरंत गुरनाम नें सारी गल्ल दस्सण-पुछ्छण लई कनेडा साडे घर दे पते 'ते फ़ोन कीता तां हकीकत दा पता लग्गण 'ते हस्सण लग्गा, "सरदार महिंदर सिंघ हुरीं तां विचारे पूरे फ़िकरमंद सन ते मैनूं आखण, "तूं हुणे लंडन जा ते उसनूं पैसे दे के 'छुडा'।" विचारी बलविंदर कौर बराड़ आपणी थां परेशान! पर मैनूं तां शक्क सी। मैं किहा कि भाऊ नें जे इंगलैंड आउणा हुंदा तां मैनूं नां दस्सदा। नाले होटल विच्च उहने किउं रहिणा सी? वीह बंदे उहनूं एथे घर रख्खण वाले। पैसे वी चाहीदे हुंदे तां मैनूं फ़ोन करदा। सारिआं नूं ई-मेल काहदे लई करनी सी!"

सुरजीत पातर नें वी कुझ इसतरहां ही किहा, "मैनूं ई-मेल दी समझ पै गई सी कि तेरी नहीं। मैं आखिआ होटल ते वरिआम? ते उह वी लंडन विच? किधरे गिआ हुंदा 'मिआमी' वरगे मुलक विच, जित्थे आपणा बंदा मिलणा मुशकल है, तां होटल विच्च ठहिरना कोई मंन वी लैंदा।"

सरी तों रघबीर सिंघ सिरजणा हस्सिआ, "मैं आखिआ भरा दा पता ई करीए इंगलैंड तों मुड़ आइआ कि नहीं?" मैं रघबीर सिंघ नूं किहा कि वैनकूवर ते सरी विच्च रहिण वाले सांझे मित्तरां नूं इस बारे सूचित कर देवे तां कि कोई भुलेखे विच्च ठग्गिआ नां जावे। उसने पंजां कु मिंटां विच्च आपणे कोल ई-मेल पतिआं ते झूठी ई-मेल तों सावधान होण दी सूचना दे दित्ती।

फ़ोन ते फ़ोन आई जा रहे सन। कदी लैंड-लाईन 'ते कदी सुपन दे मोबाईल 'ते। जे पूनम प्रीत-लड़ी सुपन नूं फ़ोन करके आपणी फ़िकरमंदी दा इज़हार कर रही सी ते सुपन नाल ही गल्ल करके आसट्रेलीआ तों मेरा शाग़िरद रूप लाल भार-मुकत होइआ महिसूस कर रिहा सी तां सरी तों नावलकार जरनैल सिंघ सेखा मेरे कोलों घटना दी तफ़सील जाण के सारे सांझे दोसतां नूं सावधानी वरतण दा सुनेहां देण लई वचन दे रिहा सी।

मैनूं थोहड़ा कु धरवास होण लग्गा कि झूठी ई-मेल दी हकीकत लगभग सारे मित्तरां नूं पता लग्ग रही सी। फिर वी मैं सोचिआ कि उस फ़ोन नंबर 'ते इथों घर दा कोई जीअ वी फ़ोन करके वेखे। पर इह सोच के कि घर दे फ़ोन नंबर दा तां अगले नूं ( 'सीरत' दी साईट तों जां मेरे वैब्ब-पेज तों) पता होवेगा ही, मैं एथे बरैंपटन विच्च रहिंदी आपणी वड्डी धी रूप नूं किहा कि उह उस फ़ोन नंबर 'ते उस बंदे नाल गल्ल करे। थोहड़ी देर पिछ्छों रूप दा फ़ोन आइआ, उस बंदे नें पहिलां इह जानणा चाहिआ कि उसनूं (रूप नूं) इस गल्ल दा पता किवें लग्गा तां रूप नें किहा कि 'किसे फ़रैंड नें, जिसनूं ई-मेल आई है, मैनूं पैसे भेजण लई किहा है किउंकि वरिआम सिंघ संधू मेरे 'अंकल' हन।' उसदा जवाब सी कि उह (वरिआम सिंघ संधू) इस वेले सैमीनार विच्च बिज़ी हन। फ़ोन 'ते मिल नहीं सकदे पर उहनां दे नां 'ते पैसे छेती तों छेती भेज दित्ते जाण। रूप नें इह वी दस्सिआ कि उसदे अंगरेज़ी बोलण दे लहिज़े तों उह कोई चीनी जां जपानी मूल दा बंदा लग्गदा सी। रूप इह वी वार वार हदाइत कर रही सी कि जाण-पछाण वाले होर लोकां नूं सावधान करन लई अख़बारां नूं, इंडीआ विच्च वी ते एथे वी, ख़बर देणी चाहीदी है।

सुपनदीप विअंग नाल कहिंदा, "ओ कोई एथे किसे नूं खोटी दवानी नहीं दिंदा। पंझी सौ डालर किस भेजणे नें! बहुता फ़िकर नां करो।"

मेरी नूंह सुखमिंदर नें उस वल्लों दस्से 'होटल' दे पते नूं 'गुगल' 'ते लभ्भ लिआ। इह कोई पलंमिंग अते पलासटिक दा समान वेचण वाला शो-रूम सी।

गुरनाम ढिल्लों दा फ़ोन फिर आ गिआ, "भाऊ वरिआम सिंहां! इह बंदा हर हालत विच्च फहड़िआ जाणा चाहीदै। तूं थोहड़ा कु उद्दम कर। हैथे आपणी पुलिस कोल इसदी रीपोरट ज़रूर लिखा। मैं एथे आपणी पुलिस नाल गल्ल कीती है पर उह आखदे नें कि असीं सिध्धा लंडन दी पुलिस दे कंम विच्च दख़ल नहीं दे सकदे। इस बारे संबंधत बंदा आपणे मुलक विच्च रीपोरट लिखावे ते उथों दी पुलिस लंडन दी मैटरोपोलीटन पुलिस नूं आखे तां बंदा फहड़िआ जा सकदै।"

उसदी गल्ल दे जवाब विच्च मेरे वल्लों, "वेखो, करदे आं कुझ नां कुझ। सलाह करदे आं।' सुण के उह खिड़खिड़ा के हस्सिआ, "भाऊ! तेरीआं छुहलीआं दा मैनूं पता तां हैगै पर फिर वी मैं तैनूं ज़ोर दे के कहिंदां कि पुलिस कोल ज़रूर जाओ।"

मेरे 'उद्दमी' सुभा बारे उसदी गल्ल सच्ची सी। उसदा सुनेहां सुपनदीप नूं दित्ता पर पुलिस कोल जाण दा बहुता ज़ोर नां पाइआ। सुपनदीप वी इस लई कोई बहुता काहला नहीं सी जापदा। नेड़ले मित्तरां वल्लों फ़ोन आ जाण करके विशवास जिहा होण लग्गा सी कि 'उस' दे चुंगल विच्च कोई नहीं फसण लग्गा।

एने विच्च सुपनदीप नें आपणी ई-मेल खोल्ही तां कहिंदा, "आह किसे सीता राम माधोपुरी दी ई-मेल आई है। उह वी पैसे भेजण लग्गै। उसने उस बंदे नाल होई आपणी कौरसपौंडैंस वी भेजी है।"

सीता राम दी पहिली ई-मेल मैनूं अजे हफ़ता पहिलां ही मिली सी। उस नें 'सीरत' दी प्रसंसा करके दस्सिआ सी कि उह 'आज़ादी दे शहीदां बारे खोज कर रिहा है अते उसने कुझ नवें तत्थ लभ्भे हन।' मैं उसनूं पुछिआ सी, "की तूं उहो सीता राम तां नहीं जिसने शहीद भगत सिंघ दे साथीआं दीआं लिखतां दा हिंदी विचों पंजाबी विच्च अनुवाद कर के पुसतक छपवाई सी ते उस पुसतक दा नाम 'शहीदां दी विरासत' मेरी सलाह लै के रख्खिआ सी। उसने दूजी ई-मेल विच्च जवाब दित्ता सी कि 'हां मैं उहो सीता राम हां।"

मैनूं सिरफ़ दो ई-मेलां करन वाले सीता राम तों वी पैसे मंग लए गए सन अते रशक दी गल्ल तां इह सी कि सीता राम वी मेरा मुशकल विच्च फसिआ होणा सुण के अफ़सोसिआ गिआ सी ते गुरप्रीत वांग ही नकली वरिआम संधू नूं पैसे भेजण दी विधी पुछ्छ रिहा सी।

घट्ट जाण-पछाण वाले इसतरहां दे तां अनेक सनेहीआं दे पते मेरी ई-मेल विच्च दरज सन। हो सकदा है उह वी सीता राम वांग ही 'उस' नाल पैसे भेजण बारे संपरक विच्च पए होण! कोई पैसे भेज वी सकदा है। उंज अजिहे कई सज्जणा दे फ़ोन वी आ रहे सन। अमरीका तों आपणी किताब 'अज़लां दे रिशते' भेजण लई इक्को-इक्क ई-मेल करन वाले मेरे लई असलों अजनबी गिआनी करनैल सिंघ नें वी फ़ोन कर के मेरे संकट विच्च फसे होण बारे 'कुझ करन' तों पहिलां जाणकारी लै लैणी बिहतर समझी सी।

इंगलैंड तों संतोख धालीवाल दा फ़ोन आउण 'ते तां पुलिस कोल रीपोरट लिखाउण बारे अमली तौर 'ते निरणा लैणा ही पिआ।

धालीवाल कहि रिहा सी, "ई-मेल पहड़दिआं ही मैं लंडन रहिंदे आपणे पुत्तर नूं किहै कि उह इस पते 'ते संपरक करके जिवें वी होवे पैसे दे के आवे जां भेजे। पर मुंडे नूं फ़ोन करके मेरे मन विच्च .खिआल आइआ कि कनेडा सुपन नूं फ़ोन करके पुछ्छ वी लवां। आह तां शुकर होइआ। मैं हुणे ही मुंडे नूं फ़ोन करके दस्सदां। ख़िआल तां आइआ सी कि तूं आवें इंगलैंड ते सानूं पता नां होवे! यार! तूं तां साडा माण एं। इस करके होर कोई दूजा ख़िआल ज़ोर ई नहीं फहड़ सकिआ। तेरे कंम आउण दा कीहनूं चाअ नहीं होवेगा! तेरे सिर तों तां कई जणे पैसे वार के देण लई तिआर होणगे।"

इस वेले तक्क चार वज्ज चुक्के सन।

सुपन हुरां नें पुलिस नाल फ़ोन 'ते संपरक कीता तां अग्गों जवाब मिलिआ, "इह केस साडे अधीन नहीं आउंदा। तुसीं फराडां नाल नजिठ्ठण वाले पुलिस सैल्ल नाल संपरक करो। पर किउंकि कल्ल्ह तों लौंग वीक-ऐंड शुरू हो रिहा है इस लई संभव है कि ओथे तुहानूं कोई मिल नां सके!"

औरत पिलस कांसटेबल नें फ़ोन दा संपरक फ़राड विभाग वल्ल टरांसफ़र कर दित्ता। साडे वल्लों ओथे सारी घटना दा वेरवा दे के मैसज छड्ड दित्ता गिआ ते अगली कारवाई लई असीं उहनां दा उत्तर उडीकण लग्गे।

कोई उत्तर नां आइआ। इह वी अजीब गल्ल पता लग्गी कि 'लौंग वीक-ऐंड होण करके ओथे कोई नहीं हो सकदा!' इंडीआ दे दफ़तरां विच्च तां सुणदे ते वेखदे हां कि पंज वजे छुट्टी होणी होवे तां कलरक पातशाह चार वजे ही रोटी वाला डब्बा फहड़ के घर नूं ख़िसकण दी तिआरी विच्च हुंदे हन। इह तां कनेडा सी जित्थे 'समें दी कदर' अते करमचारीआं दी फ़रज़-सन्नाशी दीआं कहाणीआं मित्थ वांग प्रचलित हन।

थोहड़ी देर पिछ्छों बरमिंघम तों सवरन चंदन मझैली माण नाल कहिंदा, "मैं आखिआ, मेरा मझैल भाऊ आवे वलैत ते उहदी 'बेबे' नूं पता नां होवे उहदे आउण दा, इह कदी हो नहीं सकदा! पैसिआं दे लैण देण दी तां गल्ल ही बाअद दी है!" 'बेबे' दा ख़िताब मैं ही चंदन नूं दित्ता सी। लैसटर विच्च होई विशव कानफरंस 'ते गिआं चंदन नें हवाई जहाज़ तों उत्तरदिआं ही बाकी वफ़द नालों मैनूं ते रजनीश बहादर नूं निखेड़ के इक्क पासे करदिआं कानफरंस दे प्रबंधकां नूं किहा सी, "इह नग़, नहीं सच्च नग़ीने, मेरे महिमान होणगे। बाकी वफ़द तुसीं लै जाओ सारा।" असीं हफ़ता भर उसदे घर रहे सां। छड़िआं दी बहिक! चंदन तड़का ला के मसालेदार दालां ते सबज़ीआं बणाउंदा। आपणे हत्थीं राहड़ राहड़ फ़ुलके लाहुंदा। उसने सानूं 'बेबे' वरगा मोह दे के इह ख़िताब 'हासल' कीता सी जो उसनूं अज्ज वी याद सी। इसे करके इस ई-मेल विचला सुनेहां उहदे मंनण विच्च आउण दा सवाल ही पैदा नहीं सी हुंदा।

मैं 'सीरत' दी वैब्ब साईट 'ते 'इस ई-मेल तों सावधान होण' दी सूचना लाउण लई 'सीरत' दे वैब्बडिज़ाईनर गुरदीप नूं इंडीआ सुनेहां दित्ता तां उसने वी दस्सिआ कि ई-मेल उसनूं वी आई होई है।

अगली सवेरे उठ्ठदिआं ही मैनूं इह वेख के तसल्ली होई कि 'सीरत' दी साईट 'ते सूचना लग्ग गई सी। ज़ाहिर सी कि जिहड़े पाठक 'सीरत' नूं साईट तों पहड़दे सन उहनां तक्क सुनेहां पहुंच जावेगा। किरपाल सिंघ पंनूं नें 'लिखारी' दी साईट 'ते लाउण लई वी सूचना भेज दित्ती सी। बहुत सारे मित्तरां नूं कीतीआं ई-मेलां राहीं ते मूंहों मूंह दित्ते सुनेहिआं राहीं सूचना पहुंच चुक्की सी। 'सीरत' दी साईट वेख के कईआं नें, जिनहां साडे नाल संपरक साधण तों बिनां ही, नकली वरिआम संधू नाल पैसे भेजण लई संपरक सथापत कीता होइआ सी, उस नाल कीती जाण वाली ई-मेल पत्तरी बंद कर दित्ती अते इसदी सूचना सानूं देणी शुरू कर दित्ती। मैं उहनां वल्लों 'वरिआम संधू' नाल साधे संपरक दीआं फारवरड कीतीआं कापीआं पहड़ रिहा सां। इहनां विच्च गुरप्रीत- 'वरिआम संधू' दी ई-मेल पत्तरी दा दुहराओ ही सी। सभ दी चिंता गुरप्रीत वरगी सी अते 'वरिआम संधू' वल्लों उंझ ही वैसटरन यूनीअन वाली विधी राहीं पैसे भेजण 'ते ज़ोर सी। सिरफ़ लफ़ज़ां दा ही वाधा-घाटा सी।

रूप कल्ल्ह तों ज़ोर पाई जा रही सी अखबारां नूं ख़बर देण लई, "डैडी तुसीं आखे नहीं लग्गदे छेती। ख़बर वी दिओ ते जे पुलिस नें जवाब नहीं वी दित्ता तां पुलिस कोल आप जा के रीपोरट लिखाओ। मेरी गल्ल मंनो। कल्ल्ह नूं कोई इह वी कहि सकदा है कि मैं तुहानूं पैसे भेजे सन। तुसीं ही मेरे नाल फ़राड कीता है। तुहाडे कोल रीकारड होणा चाहीदै कि उह बंदा मैं नहीं सां।"

उसने मंमी आपणी 'ते वी ज़ोर पाइआ तां उह वी मेरे दवाले हो गई, "तुसीं उस मुंडे नूं नाल लवो जिसदी ई-मेल चोरी होई सी। उहनूं पता होऊ किवें ते कित्थे जाणै। सुपन ते सुखमिंदर वी घर ई नें। मैं सुखमिंदर नूं किहै। उह वी नाल जाण लई तिआर हो रही ए।"

उह जिस मुंडे दा हवाला दे रही सी उह उंकारप्रीत सी। कल्ल्ह उंकारप्रीत नें ही मैनूं दस्सिआ सी कि कुझ साल पहिलां किसे जाण-पछाण वाले बंदे नें ही उसदा ई-मेल पता वी चोरी कर लिआ सी ते उस पते तों उंकारप्रीत वल्लों किसे होर सांझे जाण-पछाण वाले बंदे नूं गंदीआं ई-मेलां करनीआं शुरू कर दित्तीआं सन। उदों उसने पुलिस नूं केस दित्ता सी ते बंदे दा पता वी ला लिआ सी। मैं उंकारप्रीत नूं फ़ोन कीता कि उह वी साडे नाल पुलिस दे दफ़तर जावे। उसने किहा कि उह छेती ही आ रिहा है।

पुलिस कोल जाण लई मैं तिआर हो के बैठा सां अते 'बचा' होण कर के तसल्ली विच्च सां कि बरैंपटन (कनेडा) तों कहाणीकार कुलजीत मान दा फ़ोन आइआ, "भा जी! मैं तां ठग्गिआ गिआ! मैं तां पैसे भेज वी बैठां उसनूं।"

"ओ भलिआ लोका! इह की कर बैठा तूं।" मैं मत्थे 'ते हत्थ मारिआ, "तूं तां ऐथे बैठा सैं, गवांढ विच। घर फ़ोन कर के पता कर लैंदों। इह तां बड़ी माड़ी गल्ल होई यार! अछ्छा तूं हुण ऐं कर। असीं पुलिस कोल रीपोरट लिखाउण चल्ले आं, तूं छेती आ जा साडे वल्ल। 'कठ्ठे चल्लदे आं।"

कुलजीत ते उंकारप्रीत पहुंच गए।

कुलजीत नाल मेरी कोई पुराणी ते पीचवीं सांझ नहीं जिस दे आधार 'ते मैनूं पैसे भेजणा उस लई ज़रूरी हुंदा जां उसदी मजबूरी हुंदा। असीं एथे कनेडा विच्च ही साहितक समागमां 'ते अठ्ठ-दस वार मिले हां। कदी इक-दूजे दे घर वी आउण-जाण नहीं होइआ। उंझ उह कहाणीकार वजों मैनूं आदर दिंदा है। मझैली अंदाज़ विच्च वड्डे भरा नूं बुलाउण वांग 'भा जी' आखदा है। चार-पंज साल पहिलां ही उह एथे मेरे संपरक विच्च आइआ सी। जाण-पछाण होण उपरंत उह इंडीआ गिआ तां मैं सोचिआ सी कि शाइद उह मैनूं वी मिलण जलंधर आवेगा। पर उह नहीं सी आइआ। बाअद विच्च मेरे पुछ्छण ते कहिंदा सी, "मैं सोचिआ, भा जी वड्डे बंदे नें। की पता मिलणा चाहुण वी जां नां।" पर असली गल्ल उसने होर बाअद विच्च इह दस्सी कि मेरे बोलां दी करड़ाई ते चिहरे दी सख़ताई तों उसनूं लग्गदा सी कि मेरे कोल दोसती लई राह देण वाली विरल ते लचक नहीं। पिछलेरे साल मैं उसदी किताब 'ते होए समागम समें प्रधानगी-भाशन वजों कुझ शबद आखे सन अते उसदा कहाणी-संग्रहि 'विचली उंगल' रिलीज़ करन दी ज़िंमेवारी निभाई सी। पिछले साल तों तां उह पीज़े दे बिज़नस विच्च रुझ्झा रहिण करके किसे साहितक मिलणी विच्च वी नहीं सी आइआ। दो-ढाई महीने पहिलां इथों दे कहाणीकारां दे छोटे इकठ्ठ विच्च उह मिलिआ तां उसदी हाज़री 'ते हैरानी प्रगटाउण 'ते उसने दस्सिआ सी कि पीज़े दे बिज़नस विच्च उसनूं बहुत वड्डा घाटा पै गिआ सी। बिज़नस विच्च उसदे भिआल नें उस नाल बहुत वड्डी ठग्गी मार लई सी। उस कारोबार तों 'जिंनां नहाती ओना पुंन' वाली गल्ल बणन 'ते अलग्ग हो गिआ सी ते हुण तां आपणे लई 'जौब' लभ्भदा फिरदा सी। उस वल्लों ओथे पहड़ी कहाणी बारे मैं आपणी राइ दित्ती सी तां उसने मैनूं ई-मेल कीती कि उह मेरी राइ दा सदा ही बड़ा आदर करदा है।। हुण उसने नवीं कहाणी लिखी सी ते अजे हफ़ता पहिलां ही मेरी राइ जानण लई भेजी सी। उह कहिंदा सी कि मेरी राइ दी उसदी नज़र विच्च गुरूआं दे बोल वरगी कदर है। उस अनुसार उसनूं केवल मेरी राइ दी लोड़ सी, उंझ उह किसे टुंडी-लाट दी सलाह दी प्रवाह नहीं करदा।

उसदे हत्थ विच्च भेजे गए पैसिआं दे हवाले वाले काग़ज़ पत्तर सन।

उंकारप्रीत नें उसनूं सावधान करन लई कल्ल्ह ई-मेल वी कीती सी। फिर वी इह किवें वापर गिआ?

"उह ई-मेल तां मैं हुण अज्ज सवेरे वेखी तां ही पता लग्गै। इह मेरा दूजा ई-मेल पता है। मैं तां आपणे हौटमेल वाले पते 'ते जिउं बैठां 'उस' नाल चिठ्ठी-पत्तर करन कि होर किसे पासे धिआन ही नहीं गिआ। नहीं तां अग्गे इह दूजी ई-मेल वी मैं रोज़ खोल्ह के वेखदां।"

ठीक ही सी, जे उसनूं दूजी ई-मेल खोल्हण दा ख़िआल तक्क नहीं सी आइआ तां उसनूं साडे घर फ़ोन करके हकीकत जाण लैण दा ख़िआल कित्थों आउणा सी!

"इक्क वार मेरे मन विच्च ख़िआल आइआ तां सी कि भा जी नें मेरे कोलों ही पैसे किउं मंगणे सन! उहनां नूं तां मेरी आरथक हालत दा वी पता ई सी। उंझ वी भा जी नें जे एथों ही किसे तों पैसे मंगणे सन तां मेरे तों पहिलां होर कई बंदे हो सकदे नें। पर फिर ख़िआल आइआ, 'नहीं, जे भा जी नें मेरे 'ते माण करके मैनूं ही आखिऐ तां पैसे वी मैं भेजांगा ई। मेरे तां करैडिट कारड 'ते वी सारे अठ्ठ सौ डालर सन। कारड दा नंबर भेज के उसनूं किहा कि अठ्ठ सौ तुसीं करैडिट कारड तों कढवा लवो, बाकी मैं वैसटरन यूनीअन राहीं भेज दिंदा हां। जवाब आइआ कि नहीं, सारे पैसे ही वैसटरन यूनीअन राहीं भेजो, करैडिट कारड नहीं चल्लणा। सच्ची गल्ल तां इह है, इस अठ्ठ सौ डालर तों बिनां तां मेरे कोल पैसा वी नहीं सी। बारां सौ डालर किसे तों फहड़िआ ते वैसटरन यूनीअन राहीं पैसे भेज के उसनूं नंबर दित्ता। रात इक्क वजे तक्क कंपिऊटर 'ते बैठा उहदा जवाब उेडीकदा रिहा। रात इक्क वजे उसने धंनवाद करदिआं लिखिआ कि उसनूं दो हज़ार डालर मिल गए नें तां जा के मैं सुरखरू हो के सुत्ता कि चलो भा जी दा बचा हो गिआ।" चाह पी के उह दोवें अते सुपन ते मैं पुलिस सटेशन वल्ल चल्ल पए। सुखमिंदर नूं असीं घर ही रहिण दित्ता।

राह विच्च ही पटिआले तों बलदेव धालीवाल दा फ़ोन आ गिआ। उह दस्स रिहा सी कि पिछले दिनां विच्च उहनां दा परिवार वी इसे तरहां दी बड़ी तकलीफ़-देह सथिती विचों गुज़रिआ है। किसे नें उसदे बेटे आशू दा ई-मेल चुरा के उस वल्लों होरनां नूं अशलील तसवीरां भेजणीआं शुरू कर दित्तीआं सन। उहनां 'ते पुलिस केस हो गिआ सी। इट्ट पुलिस दे खूह विच्च डिग्गी सी तां गिल्ली हो के तां निकलणी ही सी। उहनां दा पैसा वी ख़रच होइआ, परेशानी ते खज्जल-खुआरी वाधू दी होई।

मैं दस्सिआ असीं वी हुण पुलिस दे ही जा रहे हां।

पुलिस दफ़तर विच्च गोल-आकारी काऊंटर 'ते वख्ख वख्ख कुरसीआं 'ते तिंन चार पुलिस-करमचारी बैठे सन। दो कु जणे पिछ्छे बणे शीशे दे कैबिन विच्च गुफ़तगू विच्च जुट्टे होए सन। असीं पहिले बंदे अग्गे ही खलो गए। रंग-ढंग ते देखणी-पाखणी तों उह आपणा देसी-बंदा ही लग्गदा सी। आपणे बंदिआं नूं इस करके वी अजिहे महिकमिआं लई चुणिआं जांदा है कि उह आपणे भाईचारे दे लोकां दी ज़बान दी समस्सिआ करके राबते नूं सौखा बनाउण लई कंम आ सकदे हन। पर उस सज्जण नें साडे नाल गल्ल-बात अंगरेज़ी विच्च ही कीती अते इह प्रभाव बिलकुल ही नां दित्ता कि उह पंजाबी है। पहिलां मुढली गल्ल उसनूं सुपन नें समझा दित्ती। फिर उसने कुलजीत मान तों होई ठग्गी बारे वेरवा सुणिआं। वाहवा चिर लंमें सवाल-जवाब करन बाअद उह उठ्ठ के पिछ्छे गिआ अते कैबिन विच्च बैठे गोरे करमचारी नूं इक्क पासे करके गल्ल करन लग्गा। उह साडे वल्ल वेखदे होए आपस विच्च इसतरहां गल्ल-बात कर रहे सन, जिवें बहुत परदे दी गल्ल कर रहे होण। एडा परदे नाल भला गल्ल करन दी की लोड़ सी! इह वी लग्ग रिहा सी जिवें उह सलाह कर रहे होण कि इहनां नूं किवें टालिआ जावे।

काफ़ी लंमा समां गल्लबात करन उपरंत उह साडे कोल आए। गोरा करमचारी सारी डीटेल फिर पुछ्छण लग्गा। मेरे तिंने साथी वारी वारी उसनूं केस 'समझाउण' लग्गे। उसदा अजिहा ढिल्ला-मठ्ठा जिहा रवई्ईआ वेख के कुलजीत मान कुझ खिझ वी गिआ अते उच्ची ते नराज़गी भरी आवाज़ विच्च सारी कहाणी दुहराउण लग्गा। उसने साडे दोवां दे नां पते छपे होए चार इंच चौड़े ते छे इंच लंमें पैड 'ते लिख लए। साडे कहिण 'ते ही उसने दित्ते जाण वाले पैसिआं दी डीटेल दरज कीती। उह आप उस नकली बंदे बारे कोई जाणकारी लैण लई उतसुक नहीं सी। असीं ही वार वार आख के उस बंदे दा पता ते फ़ोन नंबर वी लिखवाइआ। सारी कारवाई लिख के उसने कुलजीत नूं रीपोरट दा नंबर दित्ता अते किहा, "इह असल विच्च फराड डीपारटमैंट वालिआं दा कंम है। असीं केस उहनां नूं फारवरड कर दिआंगे। उह ही इस 'ते अगली कारवाई करनगे।"

साडे पुछ्छण दे उस दस्सिआ, "हो सकदा है बंदा फहड़िआ जावे पर असीं पैसे मुड़न दी आस बिलकुल नां रख्खीए।"

'कारवाई' पा के असीं ठंडे जिहे होए वापस परते।

"एथों दी पुलिस दी बड़ी सोभा सुणी सी। मैनूं लग्गदै; इह वी सिरफ़ सड़कां 'ते कारां दा चलान कट्टण जोगी ई है।"

मेरी गल्ल सुण के कुलजीत बोलिआ, "कुझ नहीं करदी पुलिस। कुझ चिर होइआ, मेरी कार दा शीशा तोड़ के किसे नें सटीरीओ कढ्ढ लिआ। पुलिस वाला कहिंदा, "असीं रीपोरट लिख तां लैंदे आं पर अंदरली गल्ल इह है कि तूं आपणा सटीरीओ वी पवा लै ते शीशा वी। कुझ मिलण दी आस नां रख्ख। 'कल्ल्हे टरांटो विच्च इक्क रात विच्च अजिहे छे सौ केस हुंदे नें। पुलिस किंनिआं कु दी पड़ताल करे!"

"मतलब कि पुलिस नें पहिलां ई हत्थ खड़े कीते होए नें। केस ज़िआदा हुंदे नें, इस लई पड़ताल अग्गे तोरन दी लोड़ ई नहीं?"

घर आ के बैठे तां मैं कुलजीत नूं किहा, "भरावा हुण जित्थे कंम करदैं ओथे मेरे लई वी कोई कंम लभ्भ। तेरे पैसे तां हुण मोड़ने ई नें किसे नां किसे तरहां। पैसे तां तूं मैनूं ई दित्ते नें। एथे नहीं तां दो कु महीने तक्क इंडीआ जा के तेरे पैसे मोड़ांगा। तेरी भावुकता नाल आरथक नुकसान तां होइऐ पर तूं मेरा माण वी वधाइऐ। उंझ वी जे कोई पैसे भेजदा ही नां तां इस सारे घटना-क्रम दा कोई बहुता अरथ बणना वी नहीं सी। तूं इस घटना-क्रम विच्च जान पा दित्ती ए। शूकर ए कोई बंदा पैसे देण लई नित्तरिआ तां ए।"

मेरे हासे विच्च उहनां दा हासा रलिआ ते उंकारप्रीत कहिंदा, "इक्क 'पिआरा' तां मैदान विच्च नित्तर ई आइआ।"

फिर कुलजीत दे मोह अते उसदी भावुक पहुंच दीआं गल्लां होण लग्गीआं।

"जे तूं भावुक आवेग विचों इक्क पल वी बाहर निकल के सोचदा तां तैनूं ख़िआल आ सकदा सी कि जे मैं फस गिआ सां तां इसदा पता सभ तों पहिलां तां सुपन हुरां नूं साडे घर ही लग्गणा चाहीदा सी। सारे लोकां तों पैसे मंगण वाला मैं भला आपणे घरदिआं नूं किउं नां आखांगा। एसे करके ही शाइद सारे दोसत मित्तर फ़ोन करके घरों पुछ्छ रहे सन। तूं वी पुछ्छ सकदा सैं। दूजा ई-मेल दी भाशा तों वी अनुमान लाइआ जा सकदा सी। बहुत सारे दोसतां नूं इहो ही लग्गा कि इह मेरी भाशा हो नहीं सकदी। साधू भाजी नें सरी तों गल्ल करदिआं उसनूं सूचना देण वाले जरनैल सिंघ सेखा नूं किहा सी, "पहिली गल्ल तां इह है कि वरिआम किसे कोलों पैसे मंगण वाला ई नहीं। पर जे किसे दोसत मित्तर नूं कितिओं पता लग्ग वी जावे कि उसनूं पैसे दी ज़रूरत है अते उह इस ज़रूरत नूं पूरी करन लई पैसे देणे वी चाहे तां वरिआम नें लैणे नहीं।" कैलगरी वाला मेरा उसताद कहि रिहा सी, "मैनूं शक्क तां होइआ सी उसदी भाशा 'ते। मैं सोचदा सां कि वरिआम नें जे मैनूं लिखणा हुंदा तां चार वार 'सर' लिखणा सी पर फिर सोचिआ कि किते भाशा 'ते शक्क करन दे बहाने वरिआम फसिआ ही रहि जांदा होवे, एसे लई गुरनाम नूं फ़ोन करके तैनूं 'छुडाउण' लई किहा सी।" पर चल्लो इह इंझ ही होणा सी।"

सौ हत्थ रस्सा 'ते सिर 'ते गंढ दिंदिआं असीं चाह ख़तम कर बैठे सां। कुलजीत ते उंकारप्रीत विदा होए तां रसोई विच्च सभ कुझ सुण रही मेरी पतनी रजवंत मेरे नाल नराज़ होई, "कमाल है तुहाडे वाली। इक्क तां उस विचारे नें तुहाडे लई कुरबानी कीती ते तुसीं उसदा शुकरगुज़ार होण दी थां उसनूं आपणी ई-मेल दी भाशा नां समझण दा मिहणा दे रहे सो। नाले हस्सी जांदे सो। उह तुहाडे बारे की सोचदा होऊ कि किहो जिहा बंदा ए इह?"

रजवंत नें मैनूं बरफ़ विच्च ला दित्ता सी।

"उसदा शुकरग़ुज़ार तां मेरा रोम रोम ए।" मैं छित्था जिहा पै गिआ।

उठ्ठ के कंपिऊटर 'ते जा बैठा। नवें पते 'ते आईआं ई-मेलां पहड़न लग्गा। अंम्रितसर तों जोगिंदर कैरों नूं, मोहाली तों काना सिंघ नूं, जलंधर तों प्रेम प्रकाश नूं असलीअत पता लग्ग चुक्की सी। ई-मेल बारे मेरे विदिआरथी परदीप दी चिंता सी अते आसट्रेलीआ तों गिआनी संतोख सिंघ फरमा रिहा सी, "इह लोकां तों पैसे बटोरन दा पुराणा तरीका है ते कई वार कामयाब वी हो जांदा है। कुझ साल पहिलां मैनूं पटिआले तों मनजीत सिंघ बल्ल दी अजिही ई-मेल पहुंची सी। मैं घरों चार हज़ार मील दूर होण करके बच्चिआं नूं पैसे भेजण लई किहा। पर उह इहो जिहीआं ई-मेलां दी सचाई समझदे सन। उहनां नें पैसे नां भेजे ते मेरा बचा हो गिआ।"

उंकारप्रीत नें जांदिआं ही अखबारां नूं भेजण लई ख़बर बणा के पुशट करन नूं भेजी होई सी।

एसे वेले कुलजीत मान दा फ़ोन आ गिआ, "भा जी, उस बंदे दी फिर मैनूं ई-मेल आई है। धंनवाद कर के लिखिआ सू कि उसदे अठ्ठ सौ डालर अजे वी 'थुड़दे' हन। कहिंदै; मैं जित्थे एना उस लई कीता है, इह अठ्ठ सौ डालर वी भेज दिआं।" उहदी दलेरी दी तां हद्द सी।

कुझ चिर बाअद कैलेफोरनीआं तों लेखक चरनजीत सिंघ पंनूं दा फ़ोन आइआ। फ़ोन 'ते मैनूं सुण के उह हैरान हो के पुछ्छण लग्गा, "संधू साहिब तुसीं इंगलैंड तों आ वी गए? मैं तां आपणे मुंडे नूं बाहर कार कढ्ढण लई किहा है। उह कार कढ्ढदा पिऐ तां मैं सोचिआ तुहाडे घर फ़ोन करके पता ई करां। असीं तां बैंक चले सां पैसे कढा के वैसटरन यूनीअन राहीं तुहानूं भेजण वासते।"

इह सिलसिला तां चल्ल सो चल्ल सी। ठीक है कुझ पतिआं 'ते दोसतां नें ई-मेलां कर दित्तीआं सन, फ़ोनां 'ते वी सुनेहें दित्ते सन पर फिर वी सभ तक्क ख़बर पहुंचणी संभव नहीं सी।

तलवाड़े तों सुरिंदर मंड नें किहा कि उसने इंगलैंड विच्च रहिंदे आपणे रिशतेदार नूं पैसे पहुंचाउण लई आखिआ होइआ है। उसनूं हदाइत कीती कि तुरंत रिशतेदार नूं पैसे देण तों रोके।

हुण की कीता जावे? सुपनदीप नूं चंगी सुझ्झी। उसने वैसटरन यूनीअन वालिआं नाल इस 'ठग्गी' दा ज़िकर कीता अते उहनां नूं किहा कि किसे वी थां तों वरिआम सिंघ संधू दे नां 'ते भेजे जाण वाले पैसे रोक लए जाण अते इस नां 'ते अदा नां कीते जाण। वैसटरन यूनीअन वालिआं नें इस 'ते अमल करन दा वचन दे के किहा कि जे कुलजीत मान वी उहनां नूं फ़ोन करके आख देवे तां उह आपणे अदारे वल्लों वी पुलिस नूं रीपोरट करना चाहुणगे। इह तां उहनां दे अदारे नाल वी ठग्गी सी। असीं कुलजीत मान नूं उहनां नाल संपरक करन दा सुनेहां दे दित्ता।

रात नूं विहला हो के मैं कुलजीत नूं ई-मेल कीती।

पिआरे कुलजीत-तेरी गाहड़ी आरथिक तंगदसती दे दिनां विच्च मेरा नां वी तेरे नाल धोखा कर गिआ।

मैं अज्ज गल्लां करदिआं कई वार तैनूं कहि रिहा सां कि तूं मेरी मुहब्बत दे आवेग विच्च इह सोचणा भुल्ल ही गिआ सैं कि इह ई-मेल ठग्गी वाली वी हो सकदी है। मेरी पतनी इह सारा कुझ सुण रही सी ते उसने तुहाडे जाण तों बाअद मैनूं शरमिंदिआं कीता कि 'मैं इह गल्ल बार बार किउं कर रिहा सां! मैं इस गल्ल वल्ल धिआन ते ज़ोर किउं नहीं सां दे रिहा कि तूं एधर-ओधर दी सोचे बिनां मेरे नाल अंदरले निहुं ते माण करके गिणती मिणती वाली सोच विच्च उलझण दी थां मेरे ख़ातर झनां विच्च छाल मारन दी करामात कर विखाई है!'

मैं पतनी नूं किहा कि मैं अंदरों कुलजीत दी मुहब्बती देणदारी दे अहिसास नाल शरशारिआ पिआ सां/हां इस गल्ल दे बावजूद कि पैसे दा तां भावें नुकसान हो गिआ है पर मैनूं इस बहाने आपणी ज़िंदगी दा इक्क बहुत ही पिआरा सोने नालों महिंगा यार लभ्भ पिआ है। अज्ज इहो जिहे यार लभ्भणे रेत दे पहाड़ी ढेरां विचों सोना भालण दे तुल्ल हन।

कुलजीत पिआरे! मैनूं तूं लिशकदी डली वांग मेरी वख्खी नाल लिपटिआ लभ्भा एं। मैं आपणे दोवां नाल धोखा हो जाण दी उदासी दी छां हेठां वी तेरे मुहब्बती लिशकारे नाल रौशन होइआ पिआ हां। तैनूं सारी उमर कलेजे नाल घुट्ट के रख्खांगा। आपणी पतनी-मेरी छोटी भैण नूं वी कहिणा कि आरथिक तंगी दे दिनां विच्च मेरे नां वलों वज्जी सट्ट नाल उसदा दिल बहुत दुखिआ होवेगा पर उसनूं मैं धरवास दिंदा हां कि उसनूं इस इवज़ विच्च वरिआम सिंघ संधू दे रूप विच्च वड्डा भरा मिलिआ है, जिहड़ा अज्ज तों तुहाडे परिवार दे सदा लई अंग-संग खलोण दा वचन दिंदा है।

इह कहिणा इस वेले फ़ज़ूल लग्गदा है कि मैं दो-चार महीने तक्क, इह पैसे इंडीआ जा के तैनूं हर हालत विच्च मोड़ने ही हन। पैसे मोड़ दिआंगा पर तैनूं सदा लई आपणे दिल दे कोल रख्ख लवांगा।

तेरा सच्च-मुच्च दा आपणा_वरिआम सिंघ संधू

इसदे जवाब विच्च कुलजीत नें लिखिआ।

संधू भाजी -तुहाडी चिठ्ठी मिली। मैं पहड़ी ते विचारी ते फेर मैं किसे सोच विच्च चला गिआ। आपणे आप नूं पुछ्छिआ कि इह की हो रिहा है। मैं सोचदा होइआ बिलकुल शांत-चित्त सी। मेरा मन इकागर सी। इकागरता बिलकुल उसेतरहां दी सी जिवें असीं आप उचेच नाल गुरदुआरे जांदे हां किसे सद्दे 'ते नहीं, बिलकुल आपणे लई। मन चाहुंदा है अज्ज कीरतन सुणीए ते इक्क इक्क शबद हिरदै विच्च प्रवेश करदा है। इह वख्खरी गल्ल है कि उस शबद नूं आपणी जाच विच्च उतारीए जां नांह। इस गहिर नें मैनूं इक्क उत्तर दित्ता है। इह उत्तर भावें बच्चिआं वाला है ते इसतरहां दी सांझ नें मैनूं कई वार नमोशी ही दित्ती है। इस नमोशी नें मैनूं कई वार इह सोचण लई विवश कीता है कि मैं अजे समझदार नहीं होइआ। बड़े बड़े बाबे मैं कई वार आपणे कोल समझ लए सन। कई वार सुलझण दी कोशिश करदा करदा मैं उलझिआ हां। सबर, संतोख, विचार दे माइने मेरी समझ विच्च आ ही नहीं रहे; जद कि इहनां दी अहिमीअत नाल मैं ज़रूर वाबासता हां।

मेरा नुकसान होइआ। पिछ्छले अठारां महीनिआं दे आरथिक नुकसान नें मैनूं अत्त दा अमीर कीता है। इस अमीरी दे बगैर मैं आपणी पतनी नूं समझ ही नहीं सकदा सी। इस अमीरी दे बगैर मेरे बच्चे गरीब हो जाणे सन। इह समझ लवो मेरे ते परमातमा दी मेहर होई है। चंगा खाणा बनाउण वाली सुआणी ज़रूरी नहीं सोने दी ही होवे पर सोने दी सुआणी खाणा चंगा ज़रूर बणाउंदी है।

बचपन विच्च इक्क कहाणी सारे बच्चे सुणदे हन। सुनाउण वाली दादी होवे जां नानी जां होर कोई वी जो दादी, नानी अखवाउण दे मेच होवे। मैं ते समझदा हां कि ऐसी कहाणी सुनाउण वाली हर नारी परमातमा तों कोई वर लैके आई हुंदी है। उसने रब्बी सुनेहा देणा हुंदा है। इक्क राजकुमार सी। उसदी जान तोते विच्च सी ते तोता पिंजरे विच्च बंद सी। राजकुमार बहुत तरदद्द नाल उस तोते नूं प्रापत करदा है। असल विच्च उह तोता तां मुरशद ही हुंदा है जिस बग़ैर राजकुमार दी गती नहीं हुंदी।

मैं वी कई कुझ गुआ के कई चोटीआं तों तिलकदा आपणे मुरशद कोल पहुंचण वाला सी। मैं किंग बरूस तां नहीं पर उस तों घट्ट वी नहीं। बटलर हीगल कहिंदा कि कोनसाइंस विच्च जो लिमिटेशन हुंदीआं हन उनहां विच्च समे दा सथान नहीं हुंदा। जे समां विच्च पै गिआ तां तुहाडा ज़मीर इलहाम नहीं रहि जांदा। पता नहीं किवें आपणा नुकसान होइआ पर हुण दी घड़ी मैं सोचदा हां कि मेरे लई इह ते इक्क रहिमत दी घड़ी सी। घड़ी बीत गई ते मेरा रब्ब मेरे ते मेहरबान हो गिआ। तुहाडे शबद ते उनहां दी तासीर मेरे लई प्रशाद वांग है। मैं अख्खां बंद करके अरदास कीती है। शुकराना कीता है उस दादी दा जिसने मैनूं इस राह तोरिआ सी।

तुसीं देख लैणा इह मेरा यकीन है कि अज्ज तों बाद मेरा इक्क पैसे दा वी कोई नुकसान नहीं होइगा। दादी कदे वी झूठी नहीं हो सकदी। तुहाडे शबदां नूं मैं नमसकार करदा हां। अंदर किचन विच्च सुण रहे पवितर कंनां दी अशीरवाद तां दुनीआं दे घट्ट लोकां दे हिस्से ही आउंदी है। तुहाडे नाम नें मेरे नाल कोई धोखा नहीं कीता। मैनूं ते नकली वरिआम नें वी वडिआई दित्ती है। उस ठग्ग नें वी किहा है कि इस दा रिवारड मैनूं ज़रूर मिलेगा। सारिआं नूं पहिली नज़रे बेवकूफ लग्गा कुलजीत हुण चंगा चंगा लग्गण लग्ग पिआ है। कुझ घंटिआं लई खिसकी मेरी अमीरी हुण फेर परत आई है। तुहाडी पतनी नूं मैं कुझ वी संबोधन करां पर उनहां दीआं उस पल दीआं सोचां तां मां दीआं सोचां ही हो सकदीआं हन। इहनां सोचां नें ही धरती शिंगारी होई है। इह शिंगार ही ते साडे कोलों खुशबोदार गलतीआं कराउंदे हन।

-कुलजीत मान

कुलजीत मान दी शाइराना रूह विच्च उत्तरन तों बाअद भारे होए मन नूं हलका करीए।

गुरनाम ढिल्लों मेरी 'छुहली' दा मख़ौल उडाउंदिआं छेती तों छेती पुलिस नूं रीपोरट करन लई कहि रिहा सी तांकि उह बंदा जिंनी छेती हो सके ग्रिफ़तार कीता जा सके। पर पुलिस दी 'छुहली' सुण लवो। साडे वल्लों पहिले दिन फराड डीपारटमैंट वालिआं नूं जिहड़ा सुनेहां छड्डिआ गिआ सी, उसदा जवाब पंजवें दिन आइआ ते पुलिस कांसटेबल वेरवा पुछ्छण लग्गी। सारी गल्ल-बात कर-सुण के कहिंदी, "तुहाडा आपणा तां कुझ गिआ ई नहीं। तुहाडी शिकाइत नहीं लिखी जा सकदी। इसतरहां दे केस तां साडे कोल हज़ारां दी गिणती विच्च आउंदे नें। असीं कीहदी कहिदी रीपोरट लिखीए? हां, जिसदा नुकसान होइआ है उह साडे नाल ताल-मेल करे, उसदी रीपोट दरज कीती जा सकदी है।"

साडीआं दलीलां कि 'इसतरहां साडा ठग्ग दा बिंब बण रिहा है! कल्ल्ह नूं कोई साडे 'ते ठग्गी मारन दा इलज़ाम ला सकदा है!" आदि दा उस 'ते कोई असर नां होइआ ते उसने रुख़ाई नाल फ़ोन बंद कर दित्ता। कुलजीत दे सटीरीओ चोरी होण 'ते पुलिस वाले वल्लों दित्ती राइ नाल इह गल्ल किंनी मिलदी सी। एसे दिन ही मैं अख़बार विच्च ख़बर पहड़ी कि इकल्ले अमरीका विच्च ही पिछले साल 26 करोड़ 46 लख्ख डालर दी इंटरनैट्ट धोखा-धड़ी दरज कीती गई है। ठीक ही सी; असीं दो हज़ार डालर दी ठग्गी खाण वाले किहड़ी गिणती विच्च सां! पर साडे लई तां दो हज़ार डालर वी बड़ी वड्डी रकम सी। इसे करके साडी जान तां अगले दिनां विच्च वी सूली 'ते टंगी रही। इंगलैंड तों ही साऊथाल रहिंदे मेरे भतीजे जसपाल नें अते निऊं-कैसल तों उसदे मित्तर सतिनाम नें दस्सिआ कि उहनां नें उस बंदे नाल फ़ोन 'ते गल्ल कीती सी पर उसदा फ़ोन वी 'अजमेरी बाबिआं' वाला है, इस फ़ोन 'ते उस नाल गल्ल करन वाले नूं धड़ा-धड़ पैसे पई जांदे हन ते इह पैसे वी उसनूं ही मिलणे हुंदे नें। इस लई असीं उस नाल फ़ोन 'ते गल्ल-बात नां ही करीए/करवाईए।

कई बंदे रोज़ इंटरनैट्ट नहीं खोल्हदे। जिउं जिउं कोई इंटरनैट्ट खोल्हदा, तिउं तिउं अगले नाल वी संपरक करदा ते साडे नाल वी। वैनकूवर तों शाइर-पत्तरकार बख़शिंदर दी बेटी पत्तरकार नवजोत पिछ्छों जलंधर तों ही जाणू होण करके घर दे जीआं वाले माण नाल कहिण लग्गी, "अंकल! तुसीं की मख़ौल बणाइऐ; लोकां तों पैसे मंगी जांदे ओ।"

उसनूं फ़ोन करन 'ते सुपन कोलों सारी गल्ल दा पहिलां ही पता लग्ग चुक्का सी। उसने दस्सिआ कि एथे वैनकूवर विच्च तां इस ख़बर दा बहुत लोकां नूं अजे वी पता नहीं। लोकां तक्क ख़बर पहुंचाउण लई उसने ख़बरां विच्च अनाऊंस करन वासते मेरी रीकारडिंग कर लई। उसदे कहिण 'ते ही हरजिंदर थिंद नें आपणे रेडीओ प्रोग्राम 'ते मेरे नाल लाईव गल्ल-बात करके सभ नूं इस ठग्गी तों बचण लई सावधान कर दित्ता। टरांटो तों प्रतीक सिंघ नें ख़बर बणा के पंजाबी ट्रिबिऊन नूं भेज दित्ती ते ख़बर ओथे वी लग्ग गई। पर इसदे बावजूद फ़ोन आई जा रहे सन।

हफ़ते बाअद जलंधर तों पहिलवान करतार सिंघ दा फ़ोन आइआ, "तुहानूं पतै मैं तां आपणी ई मेल कदी खोल्ही ई नहीं। अज्ज किसे दी ई-मेल आउणी सी तां मैं लड़की नूं किहा। उस दस्सिआ कि अंकल दी इसतरहां दी नौं अप्रैल दी ई-मेल आई होई है। मैं सोचिआ हुण तक्क पैसिआं दा तां कितों नां कितों बंदोबसत हो ई गिआ होऊ। लंडन विच्च ई आपणे वी ते तुहाडे वी बड़े बंदे नें। पर मैं आखिआ फ़ोन करके 'सौरी' तां मंग ई लवां कि मैं इस सेवा तों खुंझ गिआं।"

मैं किहा शुकर है कि तुसीं इस सेवा तों 'खुंझ' गए हो!

ओसे ही दिन 'सीरत' दी बाकाइदा पाठक इक्क बीबी अजीत कौर दा फ़ोन आइआ। कहिंदी, "मैं तां तुहाडी मेल आउण तों चार दिन बाअद ई-मेल खोल्ही। उस नूं पैसे भेजण लई पुछ्छिआ। पैसे भेजण ई वाली सां कि 'सीरत' दी साईट तों सारी गल्ल दा पता लग्ग गिआ।"

मैं अजीत कौर दा धंनवाद करदिआं दस्सिआ कि किवें सारी दुनीआं विचों उस वरगे मेरे सनेही मेरे कंम आउण लई उतावले सन।

"पिछले दिनां तों मैं इस घटना करके बहुत दुखी ते परेशान रिहां।"

उह कहिंदी, "दुखी किउं? तुसीं तां सगों ख़ुश होवो कि दुनीआं विच्च एने लोक तुहानूं पिआर करन वाले हन। तुहाडे कंम आउण वाले।"

सुहिरद बीबी दी गल्ल ठीक सी। जिस दिन कुलजीत ते उंकारप्रीत पुलिस नूं रीपोरट लिखवाउण तों बाअद घर नूं चले गए तां उंकारप्रीत नें फ़ोन कीता, "डाकटर साहिब! मैं तुहानूं इक्क गल्ल आखणी है, उह इह कि तुसीं कुलजीत दे पैसे मोड़न बारे उक्का ई भुल्ल जाओ। इह पैसे तुसीं नहीं मोड़ने; उसनूं असीं मोड़ांगे इह पैसे। तुसीं बस्स निसचिंत हो जाओ।"

कुलजीत दे मोह दे भार नाल तां मैं पहिलां ई दब्बिआ होइआ सां, हुण उंकारप्रीत दे बोल सुण के मेरा मन भर आइआ। मैं उसनूं किहा, "पिआरे उंकारप्रीत- कुलजीत मान तों तां मैं कुरबान जा ई रिहां; हुण तूं फ़ोन करके मैनूं मोह नाल भर दित्ता है। तुहाडे जिहे रब्बी जिऊड़िआं दा मैं धंनवाद कर ही नहीं सकदा। तुहाडे पैसे वी कुलजीत दे पैसिआं वांग ही मैनूं मिल गए समझो। तुसीं मैनूं शरशार कर दित्ता है। मैं धंन धंन हां कि मैनूं इंझ पिआर करन वाले लोक एथे कनेडा विच्च वी बैठे हन, जिस कनेडा बारे किहा जांदा है कि इह निरदई धरती है; एथे तां मोह-मुहब्बत दा रिशता ख़तम हो गिआ है, सिरफ़ पैसे दा रिशता ही रहि गिआ है! तुसीं मेरी ठहिर दे पिछले दो सालां विच्च पहिली वार मैनूं कनेडा वी चंगा लग्गण ला दित्ता है। रही गल्ल कुलजीत नूं पैसे देण दी, उह मैं आप ही दिआंगा। सुपन दा पहिलां ही हत्थ तंग होण करके मैं उस 'ते वी भार नहीं बणना चाहुंदा। इसे लई मैं दो महीने बाअद इंडीआ जा के पैसे मोड़न बारे कुलजीत नूं वी लिख दित्ता है। तुसीं वी इस बारे कोई चारा नहीं करना। तुहाडे पैसे वी मैं आपणे आप नूं मिल गए ही समझ लए हन। तुसीं आपणी मुहब्बत दा मैनूं करज़ाई बणा लिआ है सदा सदा लई। इह कोई छोटी गल्ल नहीं।"

सारा बिरतांत लिख बैठा हां तां छोटे साऊ वीर हरप्रीत सेखा नें सारे घटना-क्रम दे हवाले नाल लिखिआ है, "इस सारी घटना तों मेरे चित्त विच्च तुहाडे प्रती होर वी शरधा पकेरी होई है अते कुलजीत मान दा वी होर सतिकार वधिआ है। पर भाअ जी, तुसीं किहड़ा डालर मंगे सन, जिहड़ा तुसीं आपणे सिर ज़िंमेवारी लै रहो हो। मेरे ख़िआल विच्च इह डालरां दा घाटा सानूं सारिआं नूं रल-मिल के पूरा करना चाहीदा है। जे तुहाडी इजाज़त होवे तां।"

इह इजाज़त तां भावें मैं नहीं देण लग्गा पर इजाज़त मंगण वाले इहनां सारे सनेहीआं नूं मुहब्बत दे गफ्फे भर भर के वंडण नूं जी करदा है।

'कलमां दे काफ़ले' दी मीटिंग 'ते दोसत मित्तर 'ई-मेल कहाणी' दा विसथार पुछ्छ रहे सन। मैं कोल खलोते कुलजीत नूं वख्खी नाल लाइआ, "इसने पैसिआं दे भार ते मुहब्बती फुल्लां दे भार नाल मैनूं सदा लई दब्ब लिआ है। पैसिआं दा भार तां लाह दऊं, पर दूजा भार नहीं लत्थ सकणा!"

किरपाल सिंघ पंनूं कहिंदा, "पैसिआं दा भार तां, जे तूं आखें, तां, इहदा हुणे लाह दिंदे आं। रूह 'ते पए भार नाल तां तैनूं नजिठ्ठणा ई पैणा एं।"

कुलजीत कहिंदा, "कुझ लोकीं मैनूं पैसे भेजण करके मूरख़ आखदे नें। इक्क कहिंदा 'ई-मेल तां मैनूं वी आई सी, मैं तां कदी नां पैसे भेजदा। किउं भेजदा मैं पैसे? तूं तां भावुक मूरख़ एं।" मैं किहा, "बस्स एसे करके मैं तुहाडे तों वख्खरा हां।"

कोलों कुलविंदर खहिरा कहिंदा, "मैं ते उंकारप्रीत बैठे सां। छिट्ट छिट्ट लाई होई सी। गल्ल कुलजीत वल्लों 'तुहानूं' पैसे भेजण दी हो रही सी। उसदी भावुकता ते कंम आउण दे ज़ज़बे नूं महिसूस करके साडीआं तां अख्खां विच्च अत्थरू आ गए।"

मैनूं कुझ कहिण दी लोड़ नां पई।