बिनां शक्क नशिआं दी पूरती लई नशई हर हीला वरतदा है। चोरीआं, ठग्गीआं, मापिआं दे गल गूठा दे के जबरी उगराही करनी, पैसे नां मिलण कारन मां बाप दा कतल कर देण जिहीआं घिनाउणीआं हरकतां नें समाज नूं कलंकत कर दित्ता है। इक्क पासे सरकार वल्लों 7-8 तसकर रोज़ फड़न दे दाअवे कीते जा रहे हन, पर दूजे पासे नशिआं कारन सिविआं दी भीड़ विच्च निरंतर वाधा हो रिहा है। पंजाब दी अबादी देश दी कुल्ल अबादी दा 2.3% है, पर नारकौटिकस कंटरोल बिऊरो दी रिपोरट अनुसार नशे कारन ओवरडोज़ नाल मरन वालिआं दी गिणती विच्च देश दीआं कुल्ल मौतां दा 21% इकल्ले पंजाब विच्च ही है। नशिआं दी करोपी कारन पंजाब दे कई पिंड विधवावां दे पिंड, कई नशईआं दे पिंड, कई पिंड जित्थे चिट्टा आम विकदा है। कई अजिहे पिंडां दी वख्खरी पछाण बण गई है जित्थे नशिआं दी मारू हनेरी दे असर कारन पिछले चार पंज वरहिआं तों कोई नौजवान सिहरा बंनह के नहीं ढुक्किआ। नशिआं कारन वगदी सोगी हवा दे संताप कारन घरां दे चुल्ल्हे ठंढे अते बरकत गुंम हो गई है। पंजाब दे इक्क पिंड विच्च बड़ी सोगमई आवाज़ विच्च गुरदुआरा साहिब तों भाई जी नें सपीकर ते इह सुनेहा दित्ता सी, “साध संगत जी, मैं आले दुआले दे पिंड वालिआं नूं दस्सणा चाहुंदा हां कि साडे पिंड दे बहुत सारे मुंडे नशे दी मार विच्च आ गए हन। इहदे नाल ही कई कसूतीआं बिमारीआं दे शिकार वी हो गए हन। असीं उहनां दे इलाज लई पूरी कोशिश कर रहे हां। थोनूं हत्थ बंनह के बेनती है कि हाले साडे पिंड कोई कुड़ी दा रिशता करन नां आवे।” सच्चमुच्च इस वेले सत्थां सुंनीआं अते लोकां दे विहड़िआं विच्च संनाटा पसरिआ होइआ है।

इस तों वी वड्डा अते मारू दुखांत उदों साहमणे आइआ जदों मानसा ज़िल्हे दे पिंड अकबरपुर खडालू दे रहिण वाले पती पतनी नें नशिआं दा झस पूरा करन लई आपणा छे महीनिआं दा इकलौता पुत्त बुढलाडा दे कबाड़ीए नूं 1.80 लख्ख विच्च वेच दित्ता। भला इस तों वड्डा मारू दुखांत की होवेगा कि आपणे जिगर दे टुकड़े नूं बिगाने हत्थां विच्च सौंपण लई मां भाईवाल बणी। इक्क पासे चिट्टा अते दूजे पासे जिगर दा टुकड़ा। चिट्टा जिगर दे टुकड़े उत्ते वी भारू हो गिआ। पती पतनी दोनों रल के चिट्टे दे टीके लाउंदे रहे। इक्क महीना पुलिस, रिशतेदार अते समाज अवेसला रिहा। इस उपरंत आपणा बच्चा वेचण वाली दी भैण नूं जदों पता लग्गिआ तां उसने नेड़े दे थाणे विच्च जा के अरज़ी दिंदिआं आपणा भाणजा कबाड़ीए तों वापस लैण दी बेनती कीती। इस उपरंत पुलिस हरकत विच्च आ गई। पुलिस वल्लों पती-पतनी, खरीदण वाले कबाड़ीए अते उसदी पतनी ’ते मुकद्दमा दरज करके तिंन जणिआं नूं ग्रिफतार कर लिआ है। छे महीनिआं दे बच्चे नूं ज़िल्हा बाल भलाई अफसर राहीं अनंत आशरम नथाणा विखे संभाल लई सौंप दित्ता है। कबाड़ीए दी पतनी हालां फरार है।

इत्थे वरणनयोग है कि गुरगीन नां दी लड़की अते संदीप नां दे लड़के नें अंदाज़न तिंन कु साल पहिलां इंसटागराम राहीं प्रेम विआह करवाइआ सी। विआह करवाउण तों पहिलां लड़की नें पहिलवानी दे खेतर विच्च पंजाब पध्धर तक मल्लां मारीआं सन। इंसटागराम दी झूठी चमक-दमक, मुंडे दी फोकी टौअर, दिखावा अते हवाई किलिआं दे झस विच्च कुड़ी फस गई। घरदिआं तों बागी हो के उसने घरों भज्ज के उस नाल शादी करवा लई। विआह तों छे महीनिआं बाअद गुरलीन नूं संदीप दे नशई होण सबंधी पता लग्गिआ। टोका टाकी तों बचण लई संदीप नें गुरगीन नूं वी चिट्टे दी लत ला दित्ती। इंज गुरगीन वरगी चंगी खिडारन अरश तों फरश ’ते आ गई। मुंडा कोई कंम नहीं सी करदा। मोटर साईकल, घर दा होर समान चिट्टे दी भेट चहड़ गिआ। जदों होर कुझ नां बचिआ तां इकलौते पुत्त दा ही सौदा कर लिआ। इत्थों इक्क गल्ल सपशट हो जांदी है कि नशई लई रिशतिआं दी कोई अहिमीअत नहीं हुंदी अते उह नशे दी पूरती लई घटीआ तों घटीआ हरकत कर सकदा है। अजिहे वरतारे तों नौजवान लड़कीआं नूं इह प्रेरना वी लैणी चाहीदी है जीवन साथी इंसटागराम, फेसबुक्क, टिकटौक, सनैपचैट आदि पलेटफारम राहीं लभ्भण तों संकोच करन दे नाल नाल मापिआं दी सहिमती अते होण वाले जीवन साथी सबंधी चंगी तरहां छाणबीण करन। जज़बाती फैसले बहुत वार ज़िंदगी नूं ग्रहिण ला दिंदे हन। नशिआं दी मारू हनेरी विच्च तां हुण सिरफ जनम कुंडलीआं नहीं, सगों मैडीकल कुंडलीआं मिलाउण दी वी लोड़ है।

इस तों वख्खरा केस पटिआला विच्च साहमणे आइआ है। पती पतनी दोनों ही चिट्टे दी लपेट विच्च आ गए। घर दा समान वेचण उपरंत उहनां नें रळ के चोरी करन दा धंदा अपणा लिआ। इक्क वार पुलिस नें उहनां नूं ग्रिफतार वी कीता। जेल्ह कट्टण उपरंत ज़मानत ’ते बाहर आ गए। जेल्ह विच्च रहिंदिआं वी चिट्टे दी आदत नहीं छुट्टी। चोरीआं, ठग्गीआं अते अजिहे ही होर हत्थकंडिआं दा सहारा लैणा शुरू कर दित्ता। हुण दुबारा इह जोड़ा फड़िआ गिआ अते इनहां कोलों चोरी दे कई सकूटर अते होर समान बरामद कीता गिआ है। इंज नशिआं कारन आपणी ज़िंदगी बरबाद करन दे नाल नाल मापिआं दी ज़िंदगी धुआंखण विच्च नशई कोई कसर नहीं छड्डदे।

इक्क नामवर नशा छुडाऊ केंदर दे डाइरैकटर वजों सेवा करदिआं इक्क नशई नौजवान नूं परिवार दे 10-15 मैंबर इलाज लई लै के आए। नौजवान दी पतनी दा रो रो के बुरा हाल सी। नौजवान दे मां-बाप, भरा अते साले वी आए सन। नौजवान नूं नशे कारन कोई सुध्ध बुध्ध नहीं सी। मापिआं नें भरे मन नाल दस्सिआ कि इसदे नशिआं तों दुखी हो के इस नूं अड्ड कर दित्ता सी। पहिलां दुकान करदिआं चंगी कमाई कर लैंदा सी, पर फिर बुरी संगत दी लपेट विच्च आ के नशे करन लग्ग पिआ। अज्ज सवेरे इसने नशा खरीदण लई आपणी पतनी तों पैसे मंगे। उस वल्लों नांह विच्च जवाब देण ’ते इह उसदी गोदी चुक्किआ चार साल दा मुंडा उस कोलों खोह के लै गिआ अते जांदा होइआ कहि गिआ कि आपणा मुंडा वेच के नशा लवांगा। इसदी पतनी दे रौला पाउण ’ते असीं सारे इकठ्ठे हो गए। शहिर विच्च जित्थे जित्थे नशा विकदा है, उहनां कोल गए। उहनां नें दस्सिआ कि साडे कोल आइआ ज़रूर सी चिट्टा लैण लई, आपणा पुत्त गहिणे रख्खण दी गल्ल करदा सी पर असीं नहीं मंने। इत्थों पता नहीं कित्थे चला गिआ।

आले दुआले दे पिंडां विच्च लभ्भण ’ते उह नशेड़ी इक्क पिंड दी इक्क गली विच्चों मिल गिआ। मुंडा उसने गोदी चुक्किआ होइआ सी। थोहड़ी मोटी सुरत विच्च सी। कोशिश करन ’ते वी नशे बदले पुत्त दा सौदा करन विच्च उह सफल नहीं सी हो सकिआ। केस दी गंभीरता नूं देखदिआं असीं नौजवान नूं तुरंत दाखल कर लिआ। डेढ कु महीने बाअद जदों उह नशे दी दलदल विच्चों निकल गिआ तां उस नूं उसदे कीते ‘कारनामे’ सबंधी पुछ्छिआ। उसदा जवाब सी, “सर, नशा छड्ड के मैनूं नवां जीवन मिलिआ। उह नरक भरी ज़िंदगी मेरे लई इक्क भिआनक सुपना सी।”

नशा मुकत होण उपरंत उस नौजवान नूं जदों उसदी पतनी अते बच्चे नाल मिलाइआ तां उह किंनी देर बच्चे नूं बुक्कल विच्च लै के भुब्बीं रोंदा रिहा। पतनी दे पैरां विच्च डिग के मुआफी मंगदिआं उह कहिण लग्गिआ, “भविख्ख विच्च तैनूं कोई शिकाइत दा मौका नहीं देवांगा।” आपणे निज्जी अनुभव अते तजरबे दे आधार ’ते मैं लिख रिहा हां कि नशई नूं तसीहे, कुट्टमार, फिट्ट लाहनतां मुख्ख धारा विच्च लिआउण विच्च सहाई नहीं हो सकदीआं, सगों नशई दे इलाज लई उसदे नशे विच्च धसण दे मूल कारनां नूं लभ्भ के दवाई दे नाल नाल सही कौंसलिंग बहुत ज़रूरी है। धरम, साहित अते किरत दे संकलप नाल जोड़ के नशई नूं मुख्खधारा विच्च लिआंदा जा सकदा है।

पंजाब विच्च नशे दे खातमे लई समाज सेवी संसथावां, बुध्धीजीवी, अधिआपक अते समाज दे हर वरग नूं अग्गे आउणा चाहीदा है फिर ही पंजाब विच्च वगदी सोगी हवा नूं ठल्ल्ह पाई जा सकदी है।

* * * * *