सैर करदे समें इक्क छोटा जिहा ख़रगोश तुरत साडे धिआन ’च आ जांदा है जद कि नेड़ला कोई वड्डा दरख़त जां खंभा नहीं आउंदा। इस दा कारन इह है कि साडीआं अख्खां किसे हिल्ल रही चीज अरथात बदलाओ नूं बहुत छेती देख सकण दे समरत्थ हन। इह उस चीज नूं वी देख सकदीआं हन जिस दी झलक इक्क सकिंट दे 14वें हिस्से दे समें तक्क वी इनहां ते पई होवे अते अख्खां दा इह खासा ही सिनमे दा अधार है। इह इक्क लाभदाइक कुदरती गुण है जिस कर के मनुख्ख फ़ौरी ख़तरिआं तों बचाओ कर सकदा है अते हज़ारां साल पहिलां साडे पुरखिआं नूं इस दी बहुत लोड़ पैंदी सी। अज्ज भावें ओस तरहां दे ख़तरे नां-मातर रहि गए हन पर इह गुण साडे संसकारां ’च अज्ज वी बरकरार है। हालां कि अज्ज असीं इस दी वरतों बाहरले ख़तरिआं बारे चौकंना रहिण लई घट्ट अते बदल रहीआं चीज़ां ’चों लज़्ज़त लैण लई वध्ध कर रहे हां। इनहां लज़्ज़तां ’च ग़लतान होए, असीं आळे-दुआळे दीआं सथाई अते विआपक पर लाभदाइक चीज़ां नूं देखणा अते महिसूस करना भुल्ल रहे हां अते उनहां तों लाभ उठाउण दी साडी योगता बहुत घट रही है। आपणे आळे-दुआळे हर वकत मौजूद ऐसीआं सचाईआं अते सदीवी सिआणपां दी बजाइ असीं ताज़े नज़ारिआं अते सूचनावां नूं वध्ध तरजीह दे रहे हां। आपणीआं इनहां आदतां तों आपां सारे जाणू हां अते वध्ध-घट्ट दे फरक नाळ सारे ही इनहां दे गुलाम हां। इस विगाड़ कर के विआपक, प्रतख्ख अते महत्तव-पूरन सचाईआं नूं परखणा, इनहां ते विचार करना अते इनहां तों फाइदा उठाउणा साडे लई औखा हो गिआ है।

साडी इस परविरती नूं दरसाउंदा, अमरीकन चिंतक डेविड वैलेस फौसटर दा इक्क सुंदर द्रिशटांत है: मछ्छीआं दे दो छोटे बच्चे पाणी ’च कलोलां कर रहे सन, तां कोलों लंघ रही इक्क वड्डी मछ्छी नें पिआर नाळ पुछ्छिआ, “हैलो बच्चिओ! पाणी दा अनंद माण रहे हों, किवें लग्ग रिहा है?” जद वड्डी मछ्छी थोड़ी दूर चली गई तां इक्क बच्चे नें दूसरे नूं पुछ्छिआ, “इह पाणी की बलाअ हुंदी है”? तां दूसरे नें मोढे हिला के किहा, “की पता ऐ।” इह ही साडा हाल है कि सिआणपां दे समुंदर विच्च रहि के वी असीं सिआणपां तों तिहाए हां। इह आदत साडे इस वड्डे नुकस दी सूचक है कि चलंत वरतारिआं विच्च मसत होए असीं जीवन दीआं वड्डीआं सचाईआं अते सिआणपां नूं अण-गौळिआ कर रहे हां। असीं भुल्ल ही गए हां कि सिआणिआं वलों हज़ारां सालां तों आपणे तजरबिआं नूं कसीद कर के कढ्ढीआं अते सानूं परोसीआं इह सिआणपां, साडे लई अतिअंत लाहेवंद हन। असीं इनहां सिआणपां नूं बे-लोड़ीआं अते गैर-प्रसंगक समझण लग्ग गए हां अते हो रहे बदलाओआं (Changes) दीआं लज़्ज़तां ’च ग़लतान होए फिरदे हां। इंने, कि उनहां सदीवी सिधांतां दी कदर करना ही भुल्ल गए हां, जिनहां दे आधार ते इह बदलाओ हो रहे हन। आपणी इस परविरती दे परिणाम आपणे साहमणे हन। आपणे पुरखिआं तों हर पख्खों वध्ध खुशहाल, वध्ध पहड़े-लिखे, चतुर, साधन-संपंन अते बे-थाह शकती अते सूचनावां दे मालिक (सिआणपां दे नहीं) होण दे बावजूद, सानूं मनुख्खता दी होंद नूं बचाउणा लग्ग-भग्ग असंभव लग्ग रिहा है।

इस दा इह मतलब वी नहीं कि बदलाओ दी कोई घट्ट महत्तता है; इह वी कुदरत दा इक्क सिधांत है अते संसार तां की ब्रहिमंड वी हर वकत बदल रिहा है। पर पछ्छमी जीवन-शैली नें ‘बदलाओ’ उत्ते लोड़ तों वध्ध जोर दित्ता है। आम पहड़दे हां कि ‘Change is the only permanent thing in this world’. इस नाळ सबंधित कोरस संसार दीआं चोटी दीआं यूनीवरसिटीआं दे चुणिंदा कोरस हन अते अज्ज दे प्रबंध-सिसटमां दा महत्तव-पूरन हिस्सा हन। साडे चुगिरदे ’च बदलाओ साडे जीवन दे हर पल दा वरतारा है अते इस नाळ बदलदे रहिण तों बग़ैर असीं इक्क पल वी इस संसार ’च नहीं रहि सकदे। दोहां वरतारिआं दी आपो-आपणी महत्तता है अते साडे लई दोहां ’च विचरना ज़रूरी है। असीं जो सुभाविक गलती कर रहे हां, ओह इनहां दोहां ’च सही संतुलन नां रख्ख पाउण दी कर रहे हां। वैसे तां इस जीवन ’च संतुलन दी हर खेतर, हर जगहा, हर घड़ी, हर पल लोड़ है पर बदलाओ अते सदीवता ’च संतुलन रख्खणा अज्ज दे समें दी वड्डी ज़रूरत है। इस लेख दे परिपेख ’च किहा जा सकदा है कि साडे चुगिरदे दे बहुते वरतारे चलंत हन जद कि पुरातन सिआणपां सदीवी हन। सानूं इनहां दोहां दे सुमेल अते संतुलन दी हर समें ज़रूरत है, जो असीं नहीं कर पा रहे।

इह मनुख्ख दा सुभाविक औगुण है, सो इस तों पशेमान होण दी वी लोड़ नहीं किउंकि जमांदरू जां सुभाविक नुकस साडा कसूर नहीं हुंदे। इनसान वैसे वी गलतीआं दा पुतला है अते वध्ध-घट्ट दे फरक नाळ अनेकां होर सुभाविक नुकस संसार दे हर इनसान ’च हन। पर इनहां प्रती सुचेत होणा अते इनहां नूं तिआगण दीआं कोशिशां करना साडा मुढला फरज़ है। इस तरहां नां करना साडा कसूर है, खास कर के जद महां-पुरख सानूं इनहां बारे जागरूक अते ख़बरदार करदे रहिंदे हन। भाग-बस, सानूं उनहां दीआं सिआणपां सणे ओह सभ वसीले हासिल हन जिनहां राहीं असीं इनहां दा तिआग कर सकदे हां। इह कोई अति-कथनी नहीं कि साडे मनुख्खा जीवन दा मुख्ख फरज़ ही उमर भर आपणे नुकसां नूं लभ्भणा अते इनहां नूं तिआगण दे भरपूर अते सुहिरद उपराले करदे रहिणा है।

विचार-अधीन औगुण तिआगण लई आपां नूं इह समझण दी लोड़ है कि इस दा इक्क वड्डा कारन साडी अज्ज दी साइंस अते (इस दी उपज) तकनौलोजी दी दुरवरतों है। पछ्छम ’च जंमी-पळी, अजोकी साइंस दी धरम नाळ शुरू तों ही विरोधता रही है अते पुरातन सिआणपां नूं इह इनहां (धरमां) दा हिस्सा समझदी रही है। इस कर के इस नें पुरातन सिआणपां नूं वी नहीं अपणाइआ। सिआणपां तों विहूणी, इह इजारे-दारां वलों जन-सधारन दे शोशण दा मुख्ख साधन बण गई है। इस नें मनुख्खी भलाई अते समाजिक निआं नाळ जुड़े किसे होर खेतर – मनोविगिआनक, खेती-बाड़ी, जीवन दीआं मूल लोड़ां, आरथिक, समाजिक, धारमिक अते राजनीतक – ’च बणदा योग-दान नहीं पाइआ। अज्ज वी इस दी प्रभू-सत्ता काइम है, जिस कर के इह संतुलित तरक्की दी बजाइ आपणे चोणवें खेतरां – खास कर के कंपिऊटर साइंस नाळ जुड़ीआं खोजां – प्रती नजाइज़ हद्दां तक्क उलार है। इस दीआं नित्त-नवीआं, बे-लोड़ीआं अते वपारक काढां नें साडे ’च चलंत चीज़ां दी खिच्च अते विआपक सचाईआं प्रती उदासीनता पैदा कीती है अते इनहां विचली खाई नूं डूंघा कीता है।

निर-संदेह इह (साइंस अते तकनौलोजी) अज्ज दी बहु-पख्खी अते अभूत-पूरन भौतिक खुशहाली दा अधार वी है। पर नाळ ही इस नें संसार नूं नैतिक कदरां-कीमतां अते उच्चे मनुख्खी गुणां तों सख्खणे रख्खण, समाज ’च नां-बराबरी वधाउण अते इस दे शोशण दे राह खोल्हे हन। इस दे इनहां कारनामिआं बारे, ‘पावर ऐंड प्रोगरैस्स’ नाउं दी इक्क महत्तव-पूरन किताब 2023 ’च ही छपी है। इस किताब दी पाइदारी दा सबूत इह है कि इस दे दो लेखक 2024 दे इकनौमिकस दे नोबल पुरसकार नाळ सनमाने गए हन। उनहां नें बहुत दलेरी अते विसतार नाळ साइंस अते तकनौलोजी दी दुर-वरतों दे हर पख्ख दा जिकर कीता है अते इस दे इजारे-दारां नूं डेढ-दो सौ साल पहिलां दे ‘रौबर-बैरनज’ वरगे किहा है। इस लेख विचले विचार उस किताब विच्चों ही उपजे हन।

साइंस अते तकनौलोजी दी दुर-वरतों दे नतीजे वजों अज्ज संसार नूं वध्ध रही आरथिक अते समाजिक नां-बराबरी, समाजिक अनिआं अते कुदरती साधनां दी बरबादी सणे, अनेकां होर मारू समस्सिआवां दर-पेश हन। इस नें संसार नूं समस्सिआवां दे इक्क ‘सैट्ट’ ’चों कढ्ढ के दूसरे ’च पा दित्ता है। बलकि इस नें संसार नूं नवीआं अते दीरघ मानसिक उलझणां, प्रेशानीआं अते बीमारीआं दित्तीआं हन, जिनहां दी सुपर-विकसत पछ्छमी समाज ’च होर वी भरमार है। इस कर के ही, बे-थाह भौतिक खुशहाली दे बावजूद मनुख्ख आपणी सभ तों वड्डी इछ्छा खुशी/ प्रसंनता (हैपीनैस्स) तों बांझा है। मनुख्ख अज्ज वी इस तों ओना ही महिरूम है जिंने साडे पुरखे सन, हालांकि साडीआं सभ तरक्कीआं दा इकलौता मंतव ही इह है। इस तरहां दा जीवन जित्थे साडी निजी परबल इछ्छा है ओथे इह आपणे परिवारक मैंबरां, रिशतेदारां, समाज अते धरमां प्रती इक्क वड्डा फरज़ वी है। समूहक तौर ते इस तरहां दे जीवन जिउं के आपां इस संसार नूं वध्ध रहिण-योग बणा सकदे हां। पर इह सभ तां की होणा सी, उलटा साडे जीवन ’च अण-किआसीआं अते ला-इलाज समस्सिआवां दी बहुतात हो गई है।

पछ्छमी देशां नूं इस निराशा-जनक दशा दा आभास बहुत पहिलां हो गिआ सी। 1950 तक्क दी पछ्छमी मनोविगिआन (साईकौलोजी) सिरफ हज़ारां किसम दे मनो-रोगां दे उपचार दा कंम करदी सी। उनहां दिनां ’च तिआर कीता ‘DSM’ (Diagnostic and Statistical Manual of Mental Disorders) इस दा सबूत है। इह अज्ज वी वरतों ’च आ रिहा है; इस दा 5वां ऐडीशन चल्ल रिहा है अते धारना बणी होई है कि इस नूं पहड़न वाळा वी पागल हो जांदा है। ऐसीआं सथितीआं तों प्रेशान हो के कुछ रोशन-दिमाग मनोविगिआनीआं नें खोजां शुरू कीतीआं कि भौतिक खुशहाली अते बे-थाह तरक्की उनहां नूं खुशीआं (हैपीनैस्स) किउं नहीं दे पा रही? इस खोज नें उनहां दा मूंह पुरातन पूरबी सिआणपां वल कीता, जिनहां ’च उनहां नूं वार-वार सुख, खुशीआं, सहिज, अनंद, परम-अनंद, अंम्रित, दुख्खां दा नास आदि संकलपां दा जिकर मिलिआ। मनुख्खी मन दे गुणां, उच्चे विचारां अते मन नूं परफुल्लत अते विकास करन दे अनेकां ढंगां दा जिकर मिलिआ। जिहड़ा पछ्छम कदे कहिंदा सी कि “पूरब पूरब है अते पछ्छम पछ्छम है, दोनां दा कदे मेल नहीं हो सकदा”, ओही पछ्छम अज्ज इह कहि रिहा है कि प्रसंनता दी खोज लई सानूं माडरन साइंस अते पुरातन सिआणपां अते पूरब अते पछ्छम ’च संतुलन अते सुमेल दी लोड़ है।

इनहां खोजां सदका, संन 2000 ’च महान मनोविगिआनी मारटिन सैलिगमैन नें सकारातमिक मनोविगिआन (पौजिटिव साईकौलोजी) दा मुढ्ढ बंनहिआ सी, जिस दा अज्ज-कल्ल्ह पछ्छमी मनोविगिआन ’च बहुत बोल-बाला है। इस दा मंतव मनुख्ख नूं प्रसंनता प्रापती अते मनुख्खा जीवन दा उदेश समझण दे रसते ते तोरना है अते नाळ ही उस नूं आपणे उच्च-गुणां दी पछाण अते इनहां दे विकास लई प्रेरणा है। इस ’च डा. सैलिगमैन नें 24 उच्च मनुख्खी-गुणां अते सदाचारां नूं चुणिआ है अते इह उतशाह-जनक गल्ल है कि इह लग्ग-भग्ग सारे ही सिख्ख-मत्त दे असूलां दी तरजमानी करदे हन। इस तों बाअद 2004 ’च ‘DSM’ दे उलट मनुख्ख दे सदाचारक गुणां दी इक्क हैंड-बुक्क तिआर कीती जिस दा नाउं ‘सिआणपां दा मैनूअल’ (Manual of Sanities) रख्खिआ गिआ। नवीआं पिरतां पाउण वाळा इह मैनूअल मनुख्खी प्रतिभावां, मनुख्खी चरित्तर दे उच्चे गुणां, नेकीआं अते सदाचार दी विसत्रित हैंड-बुक्क है। इह, डा. सैलिगमैन अते डा. पीटरसन दी अगवाई ’च 55 होर प्रसिध्ध मनोविगिआनीआं दी तिंन साल दी सखत मिहनत तों बाअद तिआर कीता गिआ। इह अरसतू अते पलूटो सणे पिछले 2500 सालां दे संसार भर दे मुख्ख धरमां, महान चिंतकां अते फिलासफरां दीआं सिख्खिआवां ते आधारित है। इह मनुख्खी गुणां अते उच्च-परविरतीआं नूं विचारन, खोजण, विशा-बध्ध करन अते संपादित करन दा इक्क इतिहासक उपराला है। इस दी प्रेरणा भावें पूरबी ग्रंथां तों लई गई पर इस दी तिआरी वेळे सारे संसार दे मुख्ख धरमां दा अधिऐन कीता गिआ। पुरातन सिआणपां अते माडरन खोजां (मनोविगिआनिक) दे सुमेल लई कीती खोज दी, इह विलख्खण अते भरोसे-योग हैंड-बुक्क है।

नैतिक कदरां-कीमतां दे माहिर इक्क होर समाजिक मनोविगिआनी, जौनाथन हाईट नें इस खोज नूं होर अग्गे वधाइआ। उस नें इक्क नवीं विचार-धारा दी सिरजणा कीती जिस नूं उस नें “Finding Modern Truth in Ancient Widom” किहा। इस लई उस नें हिंदू, बुध्ध, जैन, इसलाम, ईसाई, कनफिऊजिइजम,ताओइजम, यहूदी, पारसी, यूनानी अते रोमन धरमां अते सभिआतावां दे ग्रंथां दा डूंघा अधिऐन कीता। इनहां दीआं सदीवी सिआणपां नूं अजोकीआं मनोविगिआनक खोजां अनुसार पड़चोळिआ। इस तरहां ‘कौमन मिनीमम प्रोगराम’ दी तरज़ ते, वार-वार दुहराईआं जाण वाळीआं अते सरव-प्रवानित टीसी दीआं दस सांझीआं सिआणपां दी इक्क ‘लिसट’ बणाई। उस दीआं खोजां ’च भावे सिख्ख धरम दा सिध्धे तौर ते कोई उलेख नहीं पर उस दी लिसट वी सिख्ख धरम दे सिधांतां नाळ पूरी तरहां मेल खांदी है। इस दे दो कारन हन: पहिला इह कि इह सभ तों माडरन धरम है, जिस कर के इह माडरन मनोविगिआनक खोजां दे वध्ध नेड़े है। दूजा इह कि स्री गुरू ग्रंथ साहिब दी संपादना वी इस ‘पैटरन’ अनुसार कीती गई है। मि. हाईट दीआं चुणीआं दस सिआणपां दा खुल्ल्हा खुलासा हेठ दित्ता गिआ है:

i. मनुख्खी मन गुणां अते औगुणां दा मिशरण है।

ii. मन नूं चंगे करम करन लई प्रेरिआ अते सिधाइआ जा सकदा है।

iii. होरां प्रती शुभ विचार रख्खणे अते खिमा अते दया वड्डा फरज़ है।

iv. होरां दे औगुणां दी बजाइ आपणे औगुणां दी परख-पड़चोल करनी ज़रूरी है।

v. भाणा मंनण दा संकलप जीवन ’च खुशीआं प्रापत करन दा वड्डा साधन है।

vi. मोह-ममता दा सद-उपयोग अरथात सरबत्त नाळ भाई-चारा ज़रूरी है।

vii. शुकर-गुज़ारी दी भावना वी खुशीआं दा इक्क होर वड्डा स्रोत है।

viii. पाक-पवित्तर विचार अते करम मनुख्ख दा परम धरम है।

ix. परमातमा दी धरमां तों निरलेपता दे सिधांत नूं द्रिड़ करना चाहींदा है।

x. अनंद अते खुशी भावें मनुख्ख दे अंदर है पर नाळ ही मिल-वरतन वी ज़रूरी है।

xi. सिआणपां ग्रहिण करन तों वध्ध ज़रूरी इनहां ’ते अमल करना है।

सार-तत्त इह कि डा. हाईट दी विचारधारा सरल पर नवीआं पिरतां पाउण वाळी है अते अज्ज संसार नूं नवीं सेध दे रही है। इह साइंस अते तकनौलोजी – खास कर के कंपिऊटर साइंस – नूं नियंतरण करन दी मंग अते कोशिशां नूं बल देण वाळा इक्क वड्डा उपराला है। पर इह वी विचार दी गल्ल है कि पछ्छमी खोजी माडरन खोजां दा पुरातन सिआणपां नाळ सुमेल कर रहे हन जद कि सानूं पुरातन सिआणपां दा माडरन खोजां नाळ सुमेल करन दी लोड़ है।