मज़हब सभ थीं उच्चा, सुच्चा तीखण ते जींदा धिआनी पिआर है। इस अंदरूनी उच्ची सुरत दे खेत नूं रसमां, रवाजां, कानूंनां, पाप, पुंनय दीआं बहिसां, जगत दी उतपत्ती ते लै होण दी फिलासफी ते झगड़िआं विच्च सुट्ट के कदी कुछ कहिणा, कदी कुछ कहिणा ते मन घड़त गल्लां दीआं कूड़ीआं उलझणां विच्च इह भुल्ल जाणा कि मज़हब इक धिआनी पिआर है, साडे, आपणे नवें वलवलिआं ते जज़बिआं दा नतीजा है- हर कोई किसे नां किसी पिआर विच्च रहिंदा, जींदा ते सवास लैंदा है-आपो आपणी सथिती मुताबक हर इक बंदे दा आपणा अंदर दा मज़हब अरथात पिआर दी टेक, बणदा है। इह टेक आप-मुहारी बणदी है । इह जेहड़ी गल्ल है नां, कि फलाणा हिंदू, ईसाई, मुसलमान या सिख्ख या बऊुध या जैन है, इक कथनी मात गल्ल है, हो सकदा है कि इनहां विच्चों बहु सारिआं नूं मज़हब दी कैड़ ही नां होवे । सारी उमर कई नां धर धर इक किसम दी मिट्टी लिबड़ी जहालत दी बेहोशी जिही विच्च लंघ जावे । मज़हब तां अंदर गूंजदा कोई प्रकाश वरगा इशक है, उह छुपिआ नहीं रहिंदा, गुरू नानक साहिब इस हिंदुसतान मुलक विच्च सारी उमर फिरदे रहे ते बड़े बड़े मंदरां विच्च गए, बड़ीआं बड़ीआं मसीतां विच्च फिरे, पर सभ पासे जहालत दी बेहोशी तक्की, मज़हब इंना उच्चा ते दिल विच्च लुकिआ कोई बहु-मुल्ला दिवय भाव है जिहड़ा गुरू नानक साहिब नूं किधरे नां दिस्सिआ । कांशी विच्च बड़े बड़े पहड़े लिखे पंडित थाल विच्च दीवे बाल इक पत्थर दे करूप बुत्त अग्गे आरती करदे आप नें देखे, आप नूं सभ कुछ कूड़ दिस्सिआ, आप नें "गगन मै थाल आपणी कासमिक, अनेक अकाशी, आरती उच्चारण कीती।आप नें मसजिद विच्च काज़ीआं नूं ईमान दे केंदर थीं परे गए होए दिस्से ते उनां दी निशा कीती, कि उह निमाज ते इसलाम नाल मखौल जिहा कर रहे सन । आप नें मास नां खाण वाले सुचमण करन वाले वैशनवां नूं उनां दा वहिम दस्सिआ, कि इह मज़हब नहीं हो सक्कदा, मास थीं जंमे, मास नाल पले, मास दे बणे, असीं मास थीं किधर नस्स सक्कदे हां ? जनानी नूं गुरू नानक साहिब किहा है, कि कच्चा मास घर लिआए, असीं कद तक ते किथे तक ते किंञ ओस फिलासफी दी पथरीली मणी माणक दी निरजिंद सुचमण उप्पर टिक सक्कदे हां ? आप दे दिमाग नूं हिंदुसतान दे मज़हबां ते सखत घिणा आई। मज़हब ओह नहीं जिस नाल असीं धोखा कमा सक्कीए या आपणे आप नूं धोखा दे सक्कीए, मज़हब तां ओना ही सानूं लभदा है, जिंना साडा आपणा वित्त होवे। कामी दा मज़हब कामनी, नामे दा मज़हब प्रीत मुरारी। जे असीं पित्तल हां तां असी पित्तल ही होईए, मुलम्मे दे सोने दा गिलटी कंम आपणे उप्पर करके कूड़ा पाज करके आपे नूं धोखा नां देईए। उमर खिआम नें आपणी इक रुबाई विच्च दस्सिआ है, कि इक लंमी दाहड़ी वाला, सावे रंग दा हज़रती लंमा चोला पाइआ, तसबी हत्थ विच्च मौलवी, इक पहलवी गाण वाली नूं राह विच्च मिलिआ ॥

मौलवी-तूं कौण हैं ?

गाण वाली-मैं तां जो हां, दीहदी हां।

तूं जो हैं, ओहो ही हैं?

अकपटता, मज़हब जद लभ्भ पवे, तद सहिज सुभा प्रापत हुंदी है, जिवें इक यातरू आपणे राह टुरी जांदा है। तिवें ही मज़हब जद मिलदा है सानूं राह पा टोरी जांदा है, असीं अग्गे ही अग्गे पैर रख्खण ते मजबूर हो जांदे हां। इक वेरी इक नीली घंटी वाले फुल्लां दी बेल उग पई ते लग्गी अरदास करन "हाए रब्बा ! मैं नां उग्गां, मैं नां उग्गां" । ओह भावें आखदी रही, मैं नां उग्गां, पर दिन बदिन उह वधदी रही । मज़हब तां कुछ ऐसी चाल है, जे असी चाहीए वी कि नां चलीए उह चाल रुक नहीं सक्कदी, साडी तरक्की बंद नहीं हो सक्कदी ॥

सिदक नाल आप-मुहारा आ जांदा है, जद इक अभोल कंनया नूं असी मिलदे हां ते इक नैन मटके नाल साडे अज़ल दे पिआर पै जांदे हन। इक निगाह विच्च सानूं ओस पिआर विच्च , सिदक आप-मुहारा आ जांदा है। इसे तरां जद खूह ते भरदीआं पैलसटीन दीआं युवतीआं ईसा नूं वेखदीआं हन ते ओहदे वचन सुणदीआं हन, उनहां नूं आप-मुहारा सिदक, यकीन, ईमान ओस महांपुरख पर आ जांदा है। कोई अकल दे समझौते नाल नहीं, रूह रूह नूं सरीरां विच्चों छालां मार मिलदे हन ।इहो जिहे मेले, सिदक हन। बिना इहो जिहे गुरमुखां दे मेलिआं अकल मरदी नहीं, फुरने मिटदे नहीं, शक्क दूर नहीं हुंदे, भरम नहीं जांदे। रात बिना सूरज दे उदय होण दे कथनीआं ते सोचां नाल तां नहीं लोप हुंदी ते जद सूरज उदय हो आंदा है तद रात रहिंदी ही नहीं । महांपुरखां दे दीदार दरशन विच्च इक जीवन रौ है, जिहड़ी साडे अंदर आप-मुहारी वगण लग्ग जांदी है। साडे नैनां विच्च अणडिठ्ठे सज्जणां ते रूहां दे देशां दीआं लिशकां दे उडारू जिहे झावले मिलवें मिलवें पैंदे हन, प्रतीत आप-मुहारी आउंदी है। जिहनूं अकलां वाले मौत समझदे हन, उह सिदक वाले होर तरां वेखदे हन । साहमणे जू उनहां नूं लैण लई प्रलोक दे देवते आउंदे हन, इह जीवन तां ओनहां नूं उस वेले यात्रा दिस्सदी है ॥

सिमरण अथवा याद इलाही जीवन रूहानी है । जदों पिआरा साहमणे, तद पिआर दे दरशन दा नशा रोम रोम विच्च वज्जदा है, हड्डी हड्डी विच्च कूक हुंदी है । शरीरां थीं उठ्ठ रूहां दे मेले हन ते शरीरां दे वी मेले हन । रूह मिले पाछे शरीरां दी छोह वी गाड़ा एकता दा मेला है ते जे रूह नां ही मिले तद शरीरां दे मेले कोई मेले नहीं, मन मिले दे मेले हुंदे हन । तन मिले दीआं सदा बिरहां दे दरद ते मायूसीआं ही हन, ते जद पिआरा ओहले होवे तद ओहदी याद हड्डीआं विच्च गूंजे, इह याद सिमरण पिआर दा दूजा रसरूप रूप है॥

सुरति नूं अंदरों ही कड़ाका वज्जिआ, कुछ होया । हालत ओहो ही हो गई जिहड़ी पिआरे दी हज़ूरी विच्च हुंदी सी, जिहड़े प्रतख्ख मिलिआं दे रस सन । ओहो प्रभाव, ओहो दिवय ठंढ, उह रूहानी चानण, सरीर तां कदी नहीं अग्गे वी मिले सन, सो अज वी शरीर तां ओथे दा ओथे ही पिआ रिहा, इह कौण आ गिआ कि सुरत नें कड़ाका खाधा। ओहो रस हो गिआ, बस याद विच्च कुछ गुंमिआ नहीं, पिआरा याद विच्च नाम हो गिआ ते नाम किहड़ा, उह जिहड़ा रब्ब रूप आदमी बण आइआ, जिहड़ा इक वेरी मिलिआ ते फिर कदी नां विछड़िआ । जिस कदी नां छड्डिआ मेरे रूह दा रूह, सवास दा सवास, मेरी जिंद दी जिंद, मेरे कूड़ दा सच्च, मेरे सच्च दा सच्च, अकपटता, सिदक, धिआन, सिमरण ते नाम इह हन सभ थीं उच्चे ते तीबर पिआर दे विकाश ते प्रकाश, जिहनूं मज़हब कहिणा लोड़ीए ॥

मज़हब पिआर वांग, भाव वांग, शरीरक दुख, सुख, सुभा वांग, जीवन-हिल वांग, जीवन भुख्ख वांग सभ नाल किसे नां किसे रूप अंतर, अंश मात्र, इक कसर इशारिआं वांग सभ पास हुंदा है ते ओसे दे आसरे जीवन लंघदा है, बिना सिमरण, नाम, धिआन, दे कोई प्राणी जी ही नहीं सकदा, पर हर इक दे हिस्से ओना ही आइआ होइआ है जिंनी जीवन दी अग्ग उस विच्च प्रदीपत है । इक शेरनी जिहड़ी इंनी भिआनक है, कि हिरनां नूं मार के उनां दी रत्त पैंदी है, मुड़ मुड़ पिछ्छे मुड़ आपणे बच्चिआं वल वेखदी है, उनां नूं दुध्ध पिलांदी है, उनहां नूं किउं नहीं मारदी? ओनी दया उस विच्च सहिज सुभा किउं है ? ते दूजे पासे हैवानां दे देश विच्च इक दया दा इतबार आउंदा है, उह उस शिकारी राजा शिकारी दे चिल्ले चाहड़े बाण ते हिरन दे विच्च आपणा दिवस प्रकाशमान सरीर रख्खदा है, "मैनूं मार पर एहनूं ! नां मार'', कहिंदा नहीं, पर राजे दा बाण डिग्ग पैंदा है, राजे दा रूह चरन शरन आउंदा है । शेरनी दी दया आपणे बच्चिआं लई ते बुध्ध देव दी दया हिरनी दे बच्चिआं लई, दोवें कादर दी कुदरत हन । शेरनी दी जिंद हिरन नूं मार के खाण दी मजबूरी विच्च कैद है पर उस जेहलखाने दी इक खिड़की है आपणे बच्चिआं दा पिआर, उनहां दा धिआन, सिमरन, ते उस नूं भावें कित्थे चली जावे आपणे बच्चे याद हन॥

"ऊडे ऊडि आवै सै कोसा

तिसु पाछै बचरे छरिआ।

तिन कवणु खलावै कवणु चुगावै

मन महि सिमरनु करिआ" ॥

इह कुंजां जिहड़ीआं रूस दे ठंढे साईबेरीआ थीं उड्ड के पंजाब विच्च आउंदीआं हन, शाइद चोगा ही चुग्गण, इनां सोहणे उडारू महिमानां लई उपरला वचन होइआ। इह सिमरण हैवानां, पंछीआं, मनुख्खां विच्च सभ विच्च पाइआ जांदा है। इह मज़हब दा कंम है, सुबकतगीन नूं जद हिरनी घोड़े मगर आउंदी उप्पर तरस आइआ ते उहदा बच्चा छड्ड दित्ता। होर उच्चे किसी पिआरे दे सिमरण दी घड़ी उस उप्पर आई, उहदी उहो निमाज़ दी घड़ी सी । दिन विच्च पंज वेरी ! नहीं जे जीवन विच्च इक वेर वी निमाज़ इहो जिही पहड़ी जावे ते मास दीआं कैदां विच्च पए बंदे शेरनी दी पिआर दी घड़ी वांग किसी खुल्ल्ह जाण वाली खिड़की थीं अजल दे पिआर दा झाका जे कदी आवे तद सिमरन दा सवाद बझदा है। रामक्रिशन परमहंस नें किधरे लिखिआ है, जो हरी दा नाम लै इक वेरी वी जीवन विच्च रूह दे रोमां दे दर खुल्ल्ह जाण तां अहो भाग! जिहड़ा टब्बर टोर वाला बंदा आपणे टब्बर दी पालणा कर रिहा है, आपा सहिज सुभा इक निक्की जिही खिच्च विच्च वार रिहा है, भावें, शेरनी दे सहिज सुभा मार के अहार करन वांग उहदा जीवन किंना ही कैद है, तद वी उहदा आपणे बाल बच्चे दा निक्का निक्का सिमरण याद भुल्ल विच्च वी जारी है, लगातार है, इहो ही ओहदा मज़हब है ते जिहड़ा उह धक्को धक्की गिरजे या मसजिद या ठाकरदवारे जांदा है, ओह इक आपणे आप नाल धोखा है ॥

असी हैरान हां कि अली जिस हज़रत साहिब दे दीदार पहिलां कीते, या होर चार यार पिआरे जिनहां ओनहां दे दरशन कीते, ओनहां लई इसलाम की अदभुत पिआर होणा है? खलीफिआं दे निरमाण जीवन नूं ते उनहां दीआं पिआर विच्च तड़पदे दिलां दी बेचैन चंगारीआं थीं पता लग्गदा है कि उनां नूं इसलाम दा किंना रस आइआ होणा है, उस रस विच्च उनहां आपणा सभ कुछ वार दित्ता । वार देणा गलत है, उनहां पास उस रस विच्च होर सभ कुछ छुट गिआ जिस तरां गाहड़ी नींदर आवण पर साडा सरीर ते साडे पिआरे सारे असां थीं छुट्ट जांदे हन, जिवें मौत अचाणचक्क आण पर सभ साडीआं मलकीअतां इथे ही धरीआं धराईआं रहि जांदीआं हन। इसलाम दी पहिली खुशी ओहो ही मौत वरगी खुशी होई होणी है नां जिहड़ी ईसा नूं वेख के मैरी मैराडालीन नूं होई सी, जिहड़ी बुध्ध दे दरशन करके सारे एशीआ नूं इक वेरी होई सी । बस्स घड़ी दी घड़ी नवें दरशन किसी मज़हब दे किसी किसी नूं मनुख्ख दे जीवन इतिहास विच्च हुंदे हन, ते जद उह दरशन हो जाण तद ओह सभ थां उच्चे सुच्चे सच्चे सोहणे सच्च दे दीदार हुंदे हन कि बंदा ओस शमा दा परवाना हो जांदा है। मज़हब इक बड़ी कीमती अंदर आए रब्ब दी हज़ूरी ते दरशन दी सिक्क, सिमरण, धिआन, सिदक, नाम है, कि आदमी दा नां केवल जीवन, बलकि कुल दिस्सदा पिस्सदा जगत इक पिआरे दा पिआर मंदर हरी मंदर हो जांदा है ॥

"इह जगत हरि का रूप है ।

हर रूप नदरी आइआ ॥

नैणां विच्च वस्सदा है, नैण खुल्ल्हदे हन, तद ओहो, छहिबर लाई अनुराग रूप 'फैलिओ अनुराग' दिस्सदा है । आपणा हड्डी मास पिआरा लग्गदा है, सभ जगत पिआरा लग्गदा है, मिठ्ठा लग्गदा है, कदी यास, उदासी घ्रिणा, नफरत, मायूसी, बेउमैदी पास नहीं फटक सक्कदी ॥

सब थीं पिआरी वसतू इउं इह मज़हब दी वसतू है ॥

"टूणे कामन करके नी,

मैं पिआरा यार मनावांगी।

ला मकान दी पौड़ी उप्पर,

चहड़ के ढोला गावांगी।

सूरज अगन असपंद तारे,

मैं तां इहो जोत जगावां गी ॥

अचरजता दा रंग नित्त नवां विसमाद ते तीखण पिआर दी उनमाद अवसथा अंदर छांदी है॥

मज़हब महां पुरखां दी दात है-

"एहु पिरम पिआला खसम दा,

जै भावै तिसु देइ"॥

जिहड़ी दात है, जिहड़ी किसे दी मिहर नें साडी झोली पाई है । उह टोल, साधन, आपणीआं छालां मारण नाल किस तरां सानूं मिल सकदी है ? किसी आजड़ी दे बकरी दे खुर नूं मेख लग्गी होई सी, बीआबानां विच्च फिरदी दा खुर पारस नूं लग्गा, मेख सोने वांग चमकण लग्ग गई, लग्गा आजड़ी अनेक पब्बरां विच्च पारस नूं, ढूंढण, सवाए सारी उमर ढूंड करदा पागल हो गिआ। पारस तां नां लभ्भा ते उह किहड़ा नेम है, जो उहदी भेड दे मेख दी रेख जागी। जो चीज़ भेड नूं छोह गई, उह उहदे मालक नूं नां प्रापत होई॥

इउं मज़हब दात है। इक आवेश है, इह सकूलां विच्च पहड़ाया नहीं जा सक्कदा, इह उपदेशकां दे वखिआनां नाल सिखाया नहीं जा सकदा, इह मौलवीआं, मौलाणिआं, पादरीआं ते भाईआं दे मज़हबी पोथीआं दीआं वाहज़ां नाल समझ आ नहीं सकदी। हार के जद मनुख्ख नहीं बणा सक्कदे, इह विचारे हसपताल ते यतीमखाने ते सकूल ते गिरजे खोहलण दी करदे हन। ईसा नें तां आपणा सुनेहा अख्ख दी मटक विच्च ब्रिछ हेठ बैठिआं दे दित्ता ते इथों राईमज़ जिहड़े सोहणे गिरजे हुंदिआं भरावां दीआं तोपां इक दूजे नूं मारण लई चल्लीआं ते गिरजे नूं वी पार बुलाया, मज़हब किथे ? जद भरा भरा नाल लड़दे हन ते लोकी आपणे नवें ते कमीने जज़बिआं नूं उलांभा नहीं दिंदे, मज़हबां नूं कोसदे हन। मज़हब तां कदी बहुवचन हो ही नहीं सकदा, मज़हब तां सदा इक है:-

हिंदू औ तुरक कोऊ राफ़ज़ी इमाम साफी,

मानस की जात सबै एकै पहिचानबो॥

करता करम सोई राजक रहीम ओई,

दूसरो न भेद कोई भूल भ्रम मानबो॥

एक ही की सेव सभ ही को गुरदेव एको,

एक ही सरूप सबै एकै जोत जानबो॥

देहुरा मसीत सोई पूजा औ निमाज ओई,

मानस सबै एक पै अनेक को भ्रमाउ है॥

मज़हब जिहड़ा इने पिआर दे समुंदर साडे अंदर सुट्टदा है, "मैं उह हां कि पिआर दे समुंदर रोहड़ांगा ते आप पिछ्छे रहांगा ।उह मज़हब जिहदीआं निक्कीआं रेशम डोरीआं वांग निक्कीआं निक्कीआं सुनहिरी चमकदीआं लकीरां साडे साधारण जीवन विच्च वगदीआं हन ते असी उनां दे मध्धम जिहे प्रकाश दे आसरे जीउंदे हां। जे ओह कदी साडे अंदर वास करे तद असी तां मर जांदे हां, देवते साडे मन ते सरीर ते सुरति विच्च आण वस्सदे हन। धरती होर हो जांदी है उस मज़हब दा नाम लै के लोकी लड़दे हन-रब्ब इक, बाणी इक, बंदा इक ओहो ही, ते फिर जंग, मज़हब कित्थे? इह दात इंनी अमोलक है कि इहदा विअरथ नाम लैणा शीलता ते सुहिरदता दे विरुध्ध है॥

माल तुट्टी चरखा किंझ चले? मज़हब बिना पिआर संसार विच्च कद आ सक्कदा है, छड्ड के देखो की हाल हुंदा है ते ऐवें फज़ूल मज़हब दा नां लै लै शेरनी वांग शिकार चहड़ चहड़ आपणे बच्चे मुड़ आण पालणे नूं मनुख्ख दा मज़हब किउं कहिणा ? मनुख्ख दा मज़हब तां हैवान नूं छोह के देवता करदा है, हाले असी मनुख्खा जनम तक ही नहीं अप्पड़े, साडा मज़हब की ते बहिस इंने उच्चे मज़मून ते की?

ठीक है जानवरां दे सरीर थीं तां असीं उड्ड आए पर मनुख्ख दी शकल विच्च हाले असी शेर, कुत्ते, बघिआड़, लूंबड़ आदि ही हां। ईसप दीआं कहाणीआं साडी फितरत दीआं कहाणीआं हन, हाले मज़हब कित्थे ? पर इह जरूर है कि कदी कदी साडे विच्चों कोई कोई मज़हब अथवा नाम दे दरशन करदा है ते उह फिर कदी नहीं भुल्लदा। उह साडे विच्चों साध, बंदा, खुदा, परउपकारी हो जांदा है, उहदी निगाह निहाल करदी है ॥

ठीक ऐमरसन नें किहा कि तूं जाणेंगा, कि तूं बड़ा चल्ल आया हैं, रूहानी मंज़लां मार आया हैं, सदीआं तूं चलदा रिहा हैं पर सदीआं मगरों इक दिन अचाणचक्क तैनूं पता लग्गेगा, कि तूं तां ओथे ही खड़ा हैं, जित्थों चल्लिआ सैं। रूहानी अथवा मज़हबी, त्रक्की तां किसी दी नदर नाल होवेगी, 'नानक नदरी नदरि निहाल' । मज़हब इक जीण थीण दे रसिक प्रकाश दा सदा चलदा चक्कर है। देवी देवतिआं दी छाया, मनुख्ख दी छाया, हर किसी दी आपणी आपणी शखसीअत दी अंम्रित छाया है, इस बिना कोई रहि नहीं सक्कदा, जी नहीं सकदा, मज़हब नूं तद तक ही भुलेखे नाल इक साधन दस्सिआ जांदा है, जद तक कोई पूरणता अनुभव नहीं कर लैंदा, पर जो पूरण पुरख हन, उनहां दा मज़हब ओह तां नहीं जो चोर यार नूं सुधारण खातर वरणन कीता जांदा है। निरोल ऐबसोलूट मज़हब तां कोई अंदर दी सूरज दे आपणे प्रकाश वांग कोई चीज है, जिस थीं सूरज वख्खरा कीता जा ही नहीं सक्कदा। बंदे दा मज़हब असल ओह नहीं जो उह करदा है, जां जो उस थीं कराइआ जांदा है। असल मज़हब उसदा उह है, जिस बिना उह जी ही नहीं सक्कदा, उसदे सहिज-सुभा आप होए बिना उह रहि ही नहीं सकदा । इह हसती दा कोई गूहड़ा अंदरला राज़ है, भेत है। इह कोई अंदर दी मरम है, जिहदी खुशबू सभ नेकीआं, अशराफतां ते पिआर हन ते कुल्ल मित्रता ते होर सोहणे भाव हन, मिठ्ठत माखिओं सभ चीज़ां दा रूह है, बड़ा औखा ते बड़ा ही सुखाला है। जिस तरां मैं आप सभ आपणीआं समझां थीं परे हां, पर दोहां बाहां आपणीआं नाल इह कहिके कि इह मैं ते घुट आपे नूं जफ्फी पांदा हां, तिवें ही मज़हब मेरी हसती दा कोई भरमी भेत है, जिहड़ा समझ नहीं आउंदा पर जिस नूं मैं आपणे होठां दे दब्ब हेठ महिसूस करके आपणे बचनां नूं सुरत नाल जोड़ सक्कदा हां, देख नहीं सक्कदा, पर आपणे नैणां दे छप्परां हेठ ओस उरध कंवल नूं छोह सकदा हां ते कपाट खुल जांदे हन, जोर टुट्ट जांदे हन ते उस पिआरे दे दीदार बिन देखे इक छोह जिही नाल हो जांदे हन। सपरश नहीं हो सकदा पर रोम रोम विच्च किसे अणडिन्ने दे अलिंगन नाल मेरा मन ते सरीर अंम्रित नाल भर जांदे हन:-

गुरमुखि रंग चलूलिआ मेरा मनु तनु भिंना ॥

जनु नानकु मुसकि झकोलिआ सभ जनमु धन धंना॥

मज़हब, काइदे, इखलाक, इह करो इह नां करो दी दुनीआं दी दुकानदारी दीआं मुरतबशुदा फहरिसतां थीं परे इक किसी अद्रिशट दी टेक विच्च जुड़ी सुरति दा प्रकाश है । इक किसी पिआर केंदर विच्च जीण थीण, होण, रहिण, बहिण दी सहिज-सुभा कीरती है। इस विच्च कोई दिखावा, बनावट कोई यतन, जबर, ते कशटां, तपां, दी सिखावट दा कोई असर नहीं। कुदरत दीआं अणगिणत ताकतां ते ज़िंदगी नूं विकाश देण दीआं ताकतां दे समूहां दे समूहां दे 'जोर' नाल भरी भावें मेरी सहिज-सुभावता होवे, पर मेरा मज़हब ओहो सहिज सुभा सुहज है जिस विच दिउदार जद खड़ा हवा नाल लग लग बरफानी पहाड़ां ते झूम रिहा है, असी तां उस सहिज-सुभा, सादा, बिना जोर लाए दे उस उप्पर आई अवसथा उनमाद नूं मज़हब करके देख रहे हां, हाए ! मैं उसी खुशी विच्च किस तरां झूमां, ते पसारी पासों नुसखे बनवाके जे खाणे शुरू करां, कि इउं उह दिउदार वाला उनमाद आवे, सो देख लवो कुदरत दे असगाह ते अनंत विच्च इनहां नुसखिआं दा की कंगला जिहा परीणाम है ?