साहिब श्री गुरू नानक पातशाह जी दे जनम दिहाड़े दीआं रौणकां बचपन तों ही देखदे आ रहे हां। गुरदुआरा साहिब आखंड पाठ प्रकाश करवाए जांदे हन। कत्तक दी पूरनमाशी नूं भोग पाए जांदे। सारे पिंड विच्च विआह वरगा माहौल हुंदा है। बीबीआं लंगर बणाउण दी सेवा करदीआं, वीर वरताउण दी सेवा करदे हुंदे। सारा दिन गुरू नानक पातशाह नाल संबंधित सपीकर विच्च धारमिक गीत चल्लदे रहिंदे। तुरदिआं फिरदिआं खेडदिआं नूं ही गुरू नानक पातशाह नाल संबंधित बहुत सारी इतिहासक जाणकारी कंठ हो जांदी। इह जाणकारी तां वैसे वी हर रोज़ गुरू घरां विच्च सवेरे शाम लग्गदे सपीकरां तों मनां विच्च उत्तर जांदी सी, जिस नूं अज्ज कल्ल्ह दे जवाक रट्टे ला ला के याद करदे देखे जांदे हन।

पिंड विच्च छोटे हुंदिआं भाई गोपाल सिंघ जी वल्लों आपणी रसभिंनी आवाज़ विच्च गाइआ … नानक नाम चहड़दी कला, तेरे भाणे सरबत्त दा भला, … … इह सीस झुकावां मैं तेरे हज़ूर नानक, बण जाए ज़िंदगी दा इह दसतूर नानक। - सुण के हुण वी मन बचपन विच्च पहुंच जांदा है। अंम्रित वेले मां दुध्ध रिड़कदी जपुजी साहिब दा पाठ करदी। गुरदुआरा साहिब विखे भाई साहिब दे उपरोकत गीत चलदे हुंदे। हुण वी इह रूह अते आतमा विच्च वसे होए नें। सुण के उसे तरहां रूह आनंदित हो जांदी है। … … लाल चंद यमला जट्ट जी वल्लों तूंबी नाल मारीआं ‘वाजां’ सभ दीआं सांझीआं आवाज़ां प्रतीत हुंदीआं सन जो अजे तक मनीं वसीआं होईआं हन। उस वेले कई गल्लां दी समझ नहीं सी पैंदी, इस लई जदों यमला जी गाउंदे … तेरे हत्थ विच्च चाबी ओ दाता सारे संसार दी … … उदों इही समझदे सी बाबा जी कोल किसे वड्डे सारे टरंक दी चाबी है जिस विच्च सारे जहान लई लोड़ींदीआं बहुत सुहणीआं सुहणीआं वसतां पईआं होणगीआं। जिहने बाबा जी दा पिआर पा लिआ उहनूं थुड़ नहीं रहिंदी। गल्ल तां हुण वी इही सही लगदी है। पर बाबा जी दा पिआर तां उहनां दे सिधांतां नूं पहड़ सुण के, अपणा के अते अमल विच्च लिआ के पाइआ जा सकदा है। उह असीं सारे खुद आपणे अंदर झाती मार के देख सकदे हां कि असीं किंनी कु गुरू बाबे दी गल्ल पहड़ी, सुणी जां मंन के अमल कीता है।

सिरफ़ तिंन गल्लां विच्च बाबा जी नें जीवन नूं सुखी रख्खण दा सिधांत समझा दित्ता। नाम जपो, किरत करो अते वंड छको। उहनां इह सभ कर के विखाइआ है। आपणी गल्ल साडे तक अप्पड़दी करन लई उहनां नूं आपणे पिता जी दे गुस्से दा साहमणा करना पिआ। भावें उह इक्क नूरी रब्बी जोत सन, फिर वी आम बच्चिआं वांग उह वी पिता जी तों डरदे घर नहीं सी आए। आपणे हिसाब नाल उहनां आपणे पिता जी दी गल्ल मंनी सी। बिलकुल ‘ख़रा सौदा’ करके आए सन। पिता जी दुनिआवी वपार करवाउणा चाहुंदे सी। नानक पातशाह रब्बी रूह होण कर के दुनीआं तों बहुत उच्ची सोच रख्खदे सन। इसे लई तां हुण वी कई वार वीर भैणां बड़े माण नाल आपणा लिखिआ सांझा करदे हन कि बाबे नानक दे वीह रुपए वाला शुरू कीता लंगर अजे वी अतुट्ट वरत रिहा है।

उदासीआं तों बाअद गुरू बाबा जी नें करतारपुर वसा के आपणे हत्थीं हल्ल वाहिआ, बीज बीजे, अनाज पैदा कीता। बचपन विच्च मझ्झां चारीआं। दौलत खां लोधी दे मोदीख़ाने विच्च नौकरी कीती। भावें उहनां दा नौकरी करन दा ढंग निराला सी। सुरती जुड़ी हुंदी तां तेरां तों बिंदी उत्तर जांदी … … तेरा, तेरा, तेरा आखदे ही गरीबां दीआं झोलीआं भरी जांदे सन। भावें इहनां गल्लां दा खमिआज़ा कई वार उह आपणी तनख़ाह विच्चों भुगतदे जां फिर निरंकार आप आ के आपणे पिआरे नानक दे नाल आ खहड़दा अते हिसाब किताब सही निकलदा सी।

इस हिसाब नाल तां इस रब्बी जोत नें सभ तरहां दी सच्ची सुच्ची किरत कीती। पशू वी चराए, दुकानदारी वी कीती, खेती वी कीती। इही कंम तां उस वेले दे मुख्ख कित्तिआं विच्च शामल सन। फिर असीं हुण किउं किरत नालों तोड़ विछोड़ा कर रहे हां? किउं सानूं हत्थीं कंम करना चंगा नहीं लगदा? किउं साडे बच्चे कंमां तों दूर भज्जदे हन? आपणे आप ही सोच के देखीए, जिहड़े लगातार मिहनतां करदे हन उहनां दे घर बरकतां नाल भरे रहिंदे हन। जिहड़े परिवारां दे जीअ किरत छड्ड के शोशेबाज़ी. फ़ुकरपुणे दे दिखावे विच्च आ जांदे हन, उहनां दा की हाल हुंदा है? दूर जाण दी लोड़ नहीं साडे अध्धों वध्ध पंजाब दा इही हाल है। कुझ लोकां दीआं आपणीआं गलतीआं करके जां फिर अगलीआं पिछलीआं सरकारां दे कुझ सवारथी बंदिआं नें आपणे ख़ाते भरपूर करन लई किरती, किसान, मज़दूर जमां निचोड़ के रख्ख दित्ते हन। जे नेता लोक इह गल्लां याद रख्खण कि गुरू महाराज जी नें मलिक भागो दे घर पकवान किउं नहीं सी खाधे? भाई लालो दी रुख्खी मिस्सी विच्चों दुध्ध वरगा सुआद किउं दस्सिआ सी? सारे सरकारीए इंना कु पहड़े लिखे तां हन, इह तां हो नहीं सकदा कि उह बाबा जी दी इस रमज़ नूं समझदे नां होण। समझदे तां सारे हन पर उहनां कोल बाबा जी वाली पाक निरमल उच्च द्रिशटी नहीं कि उह आपणे अग्गे परोसे भोजन विच्च गरीबां दा खून देख सकण।

इह वी सही है कि सारे इनसान सभ तरहां दा कंम नहीं कर सकदे हुंदे। कई दिमागी मिहनत करदे हन, जो घंटिआं विच्च ही लख्खां करोड़ां कमा लैंदे हन। मज़दूर नूं इक्क दिन दी दिहाड़ी कुझ कु रुपए मिलदे हन अते किसान नूं कई महीने बाअद यानी कि बीज बीजे जांदे हन, फसल उग्गदी है, वड्डी हुंदी है, फिर उह पक्कदी है। जे कुदरती आफतां तों बच के सुख्खी सांदी नेपरे चहड़ जावे तां चार पैसे घरे आ जांदे हन जां फिर जिहनां नें छे महीनिआं दा परिवार दा खरचा वी आहड़तीए तों पैसे चुक्क के कीता हुंदा है, उहनां दी फसल दी तां विच्चे कट्ट कटाई हो जांदी है। घर लिआउण लई पैसे बचदे ही नहीं। बहुते किसानां नाल इही कुझ हुंदा है।

इह वी तां हो सकदा है कि बाबा जी दे वंड छकण वाले सिधांत नूं सारे अमीर थोहड़ा बहुता ही मंन लैण। किरतीआं, किसानां, मज़दूरां नूं उहनां दी मिहनत दा मुल्ल दित्ता जावे अते सारे चंगी ज़िंदगी बसर कर सकण। नौजवान राहों कुराहे नां तुरन। सभ नूं महिसूस होवे कि सरकारां उहनां लई हन। गुरू जी नें पराइआ हक्क खाण तों वरजिआ है। पर उहनां दे जनम दिन ’ते डक्का तोड़ के दूहरा नां करन वाले वी हुब्ब हुब्ब के उहनां दीआं सिख्खिआवां ’ते चल्लण लई आखदे हन।

गुरू नानक पातशाह जी नें आप रूहानी बाणी उचारी उस नूं गाविआ अते अनेकां तपदीआं रूहां नूं ठंढ पाई। आपणे रूहानी मिठ्ठे बोलां सदका भुल्लिआं नूं राहे पाइआ। ठग्गां नूं सज्जण बणाइआ। वली कंधारी वरगिआं दा हंकार तोड़न लई निरमल जल दे चशमे बहाए। कौडे राख़श वरगिआं दे अंदर अते बाहर बळदे तेल दे कड़ाहे ठंढे सीत कीते। बाबा जी दी सूझ सिआणप उच्च पाए दी विगिआनक समझ करके ही उहनां नूं पहाड़ां अते मैदानां अंदर गरम ठंढे पाणी दे चशमे वगण दा पता चल्लिआ जो लोड़ मुताबक उहनां जनता साहमणे प्रगट वी कीते। वहिमां भरमां विच्च फसे लोकां नूं आपणी प्रभावशाली विदवता नाल उहनां दे दिल दिमाग विच्च वसे सदीआं पुराणे वहिमां, भरमां, पखंडां नूं दूर कीता। भावें उस समें गुरू जी नूं बहुत सारे लोकां दे विरोध दा साहमणा वी करना पिआ। इह कुदरती गल्ल है कि सदीआं पुराणे भरम तोड़न लई विरोधता हुंदी है। पर विरोध उही लोक करदे सन, जिहनां दीआं गोगड़ां इहनां वहिमां भरमां नूं लोकां विच्च फैला के ही पलदीआं सन। गुरू नानक पातशाह दे पूरे जीवन नाल संबंधित साखीआं प्रचलित हन। किते उह ख़रा सौदा करदे, भुख्खे साधूआं नूं लंगर छका के इक्क वहिंदी नदी वरगी पिरत पा गए जिहड़ी नां कदे सुक्के नां मुक्के। किते मझ्झां चारन वेले आपणे पिआरे नाल ऐसी सुरत जुड़ी दीन दुनीआं दी सुध्ध बुध्ध भुल्ल गए, मझ्झीआं लोकां दे खेतां विच्च जा वड़ीआं। किते नानक दे भोले मुख्ख ’ते आपणा फन फैला के सप्प नें छां कीती। किते जनेऊ पाउण वेले असली सच्चे जनेऊ दीआं सिफ़तां दस्स के सभ नूं हैरान कर दित्ता। किते मोदीख़ाने विच्च नौकरी करदे समें तेरा तेरा ही तोलदे। वेईं विच्च इशनान करके तीजे दिन मुड़े तां इही उचारिआ … … न कोई हिंदू न मुसलमान। फिर आपणा परिवार छड्ड के उदासीआं नूं चल्ल पए। उदासीआं वेले जो तपदे हिरदिआं नूं ठंढ पाई, भुल्ले भटकिआं सही रसते तोरिआ, उह मेरे वरणन तों परे दीआं गल्लां नें। गुरू नानक साहिब जी प्रती सभ धरमां वाले बहुत शरधा रख्खदे हन। उह सभ दे सांझे रहिबर हन। उह सिरफ़ मेरे जां तुहाडे ही नहीं, सभ दे सांझे हन।

गुरू नानक पातशाह जी दीआं सिफ़तां, समाज सुधारक कारज, उहनां दी रूहानी बाणी, उहनां दे जीवन नाल संबंधित साखीआं बिआन करना मेरी पहुंच तों परे है। फिर वी इह सतर … … मैनूं हर थां दिसदा रहे, तेरा ही नूर नानक … … सभ दे मनां विच्च वसे इसदा मतलब नूरानी नानक नूं सारे अंग संग महिसूस करन। बाबा नानक साहमणे होवे फिर किते वी कुझ गलत होण दी गुंजाइश नहीं होवेगी। माड़े कंम करके बहुत विगाड़ लिआ, हुण सानूं बहुत लोड़ है गुरू नानक महाराज जी दे सादगी भरपूर, अडंबरां तों रहित परउपकारी जीवन तों प्रेरना लैण दी।