गुरबाणी विच्च अंकित है: खंभ विकांदड़े जे लहां घिंना सावी तोलि॥ तंनि जड़ांई आपणै लहां सु सजणु टोलि॥ असीं डाकटर गुरमीत सिंघ नूं किवें ते कित्थों लभ्भीए? उह ते किसे वी मुल्ल उत्ते मुड़ आउण वाला नहीं। डा. गुरमीत सिंघ 22 फरवरी 2021, दिन सोमवार, आपणी संसारक यातरा दे 75 साल पूरे कर के सदीवी विछोड़ा दे गिआ। उह आपणे परिवार विच्च आपणी सुपतनी डा. सुजान कौर अते होणहार सपुत्तर असीस नूं रोंदिआं कुरलाउंदिआं छड्ड गिआ। सच्ची गल्ल तां इह है कि उनहां दा परिवार बहुत वड्डा सी। उनहां दा हर मरीज़ उनहां दा परिवारिक मैंबर सी। आपणा निरबाह चलाउण लई हर कोई आपणी सेवा बदले फीस लैंदा है। डा. साहिब इस तों अग्गे मरीज़ दे नाल विअकतीगत मोह पा लैंदे सन। डाकटर साहिब दीआं जीवन भर दीआं दुख्खां तकलीफां नें उहनूं आपणे धरम विच्च परपक्क अते परमातमा विच्च पूरन विशवासी बणा दित्ता। मानवता दी सेवा उनहां दा धरम सी, जो उनहां नें आपणे सारे जीवन विच्च निशठा नाल निभाइआ। उनहां दी इछ्छा इस तों होर वी किते वध्ध लोकां दी सेवा करन दी सी। पर हुंदा है ओहो ही जो मनज़ूरे खुदा हुंदा है।

यूगंडा विच्च उह अजे बच्चा ही सी कि ‘ईदी अमीनी’ दी धाड़वी हकूमत नें उस दे माता पिता खोह लए। इस बेसहारा बच्चे दे गुआंढी भले लोक उसदे मां-बाप बणके बहुड़े। डाकटर साहिब दी पालणा पोसणा उनहां नें आपणे तिंनां बच्चिआं दे सम रूप कीती ते गुरमीत नूं आपणे वख्खरे होण दा पता ही नहीं चल्लिआ। जदों उह ग्रैजूएशन कर रिहा सी तां किसे नें उसदे कंन वलेल पा दित्ती कि उह तां इक्क गोद लिआ होइआ बच्चा है। कई दिन उदासी अते भंन-घड़ दे आलम विच्च रहि के, असलीअत दा पता करन गुरमीत हरदुआर पहुंच गिआ। सोच सोचके उह उत्थों वी खाली ही मुड़ आइआ कि इह तां आपणे माता-पिता उत्ते बेभरोसगी दा गुनाह है। उसने आपणी मां दे चरनीं हत्थ ला के असलीअत जानण वारे पुछ्छिआ। “किउं, साडे कोलों कोई कमी रहि गई है?” मां नें पुछ्छिआ अते बिनां उत्तर उडीके कमरे विच्च गई ते आपणी कीती होई वसीहत लिआ के गुरमीत दे हत्थ फड़ा दित्ती। दोहां भैणां अते दोहां भरावां विच्च भाईचारे अनुसार सभ कुझ बराबर वंडिआ होइआ सी। ते नाले उस नूं इह वी दस्सिआ कि मिली ख़बर सही सी।

आपणी सारी उमर उसने आपणे माता पिता अते भैणां भरावां दा पूरा माण सतिकार कीता। किसे दे मिहणा मारन उत्ते उसने आपणी सारी जाइदाद दा अधिकार आपणे दूजे भरा दे नां कर दित्ता। इक्क वेर पंजाब विच्च डा. गुरमीत सिंघ मुफत मैडीकल कैंप ला के वापस कैनेडा आ रिहा सी कि दिल्ली एअरपोरट उत्ते उस नूं ख़बर मिली कि उसदी मां बीमार है। आपणी सुपतनी अते बेटे नूं जहाज़ चहड़ा के वापस जलंधर आपणी मां कोल पहुंच गिआ। मां दे सुरगवास हो जाण ’ते सारीआं रसमां निभाअ के फिर उह कैनेडा नूं आइआ।

कैनेडा दे बरैंपटन शहिर विच्च उसदा आकूप्रैश्शर दा निज्जी कलिनिक सी। डाकटर किहा करदा सी कि किसे वी सेवा दी सारथकता ही उसदी मशहूरी होइआ करदी है। इक्क पूरी तरहां नाल संतुशट होइआ गाहक अग्गे कई गाहकां कोल होई सेवा दी शलाघा करदा है। मेरे परिवार नाल डा. साहिब दा मिलाप वी इक्क सबब्ब ही सी। पटिआले तों हरिंदर पाल (हैरी) सिध्धू दा मैंनूं फोन आइआ, “पापा जी, तुहाडे शहिर विच्च मेरी मूंह बोली भैण सुजान कौर दा विआह है। मैं ते नहीं आ सकांगा, तुसीं मेरे वल्लों उस विआह विच्च जा आइओ। मिथे समें उत्ते मैं ते पतवंत विआह विच्च शामल होए अते हैरी सिध्धू वल्लों आपणे सारे फरज़ पूरे कीते। सुजान कौर नाल दो चार वेर फोन ’ते राबता बणिआ, फिर रुझेवें भारू हो गए ते लगभग सभ कुझ भुल्ल भुला गिआ।

बैक यारड विच्च मैं ते पतवंत नें बड़ी रीझ नाल कंम कीता। लगन विच्च पता ही नां लग्गा कि कदों दोहां दे लक्क दरद आरंभ हो गिआ। आपणे मित्तर पिआरे जोगिंदर सिंघ गरेवाल नाल गल्ल कीती अते उसने डा. गुरमीत सिंघ दे कलिनिक जाण दी सलाह दित्ती। अपुआइंटमैंट बणा के असीं दोवें कलिनिक पहुंच गए। देखदिआं सार मैंनूं याद आ गिआ ते मैं किहा कि डाकटर साहिब असीं तां पहिलों वी मिले होए हां। कित्थे? उहनां पुछ्छिआ। तुहाडे विआह विच्च- मेरा उत्तर सी। उस दिन तों पिछ्छों इस परिवार नाल असीं पक्के ही बझ्झ गए अते सकिआं वरगे सबंध बण गए ते डाकटर नें दिल विच्च मैंनूं आपणे पिता समान दी थां दित्ती। फिर डाकटर साहिब अकसर ही साडे घर आउंदे रहिंदे, पर उह खाली हत्थ कदी नहीं सी आए, काफी दे कप्प, पीज़ा, पकौड़े, समोसे जां कुझ होर ज़रूर लै के आउंदे। आपणे हर घरेलू समागम विच्च सानूं ज़रूर बुलाउंदे। बाहर जलसे जलूसां विच्च सानूं आपणे नाल लै के जांदे। सानूं बहुत सारे महां पुरशां दे दरशण डाकटर साहिब दे घर विच्च ही करन दा अवसर परापत होइआ।

साडे मिलाप तों पहिलों डाकटर साहिब पंजाब विच्च बहुत सारे सिहत कैंप ला चुक्के सन। फिर सानूं वी उनहां नें आपणे नाल जोड़ लिआ। मुख्ख परबंधक दे फरज़ मेरे हिस्से पा दित्ते। डा. सुजान वी हर कैंप विच्च डाकटर साहिब दे नाल हुंदी। मेरी देख रेख विच्च दो कैंप पांडवां (फगवाड़ा), दो जां तिंन सुलतान पुर लोधी, इक्क फिलौर दे कोल गुरदुआरा शहीदां, करमसर (राड़ा साहिब) मेरे पिंड दे कोल 4/5, सपोरटस कालज समराला, मुराली (खमाणों), कुरूकुशेतर यूनीवरसिटी आदि। इनहां कैंपां विच्च डाकटर साहिब अठ्ठ घंटे तों वध्ध रोज़ाना बिलकुल मुफत इलाज करदे, अंत विच्च आपणी समरत्था अनुसार सथानक सहाइकां दी आरथिक सहाइता वी करदे। कैंप विच्च बीमारां दीआं लंमीआं लाईनां नूं संभालणा औखा हो जांदा। सथानक स੍वैइछ्छक सहाइक आपणे नाल जोड़े जांदे अते सिखाए जांदे। दूसरे साल लाईनां होर लंमीआं हो जांदीआं।

डाकटर साहिब दा इलाज होमीओपैथी अते बिजलई मशीनां दी वरतों नाल हुंदा। भावें के बुढापा हंडाअ रहे मरीज़ां दे ठीक होण दी प्रतीशत घट्ट सी पर बाकी गरुप्प वाले बहुत सारे मरीज़ ठीक हो के जांदे। चमतकारी वरतारे वालिआं मरीज़ां दी गिणती वी कोई घट्ट नहीं सी। उनहां विच्चों कुझ कु दा वरणन करना ठीक रहेगा। राड़ा साहिब दे कैंप विच्च बद्दोवाल दी इक्क 20/22 साल दी लड़की आई, जिस नूं कार विच्चों चुक्क के बैड्ड उत्ते पाइआ गिआ। दस्सण अनुसार बुखार विच्च गलत टीका लग्गण नाल उसदा लक्क तों हेठां दा सारा सरीर नकारा हो गिआ सी। लड़की दी मां नें पुछ्छिआ कि की इह ठीक हो जावेगी। ‘अजे कुझ नहीं किहा जा सकदा।’ डाकटर दा जवाब सी। लड़की दे मशीनां ला के असीं लंच करन चले गए। कुझ समें पिछ्छों मुड़े तां लड़की दा घबराइआ होइआ भरा रसते विच्च ही आ मिलिआ। ‘डाकटर साहिब, जलदी चल्लो, भैण नूं बहुत तकलीफ हो रही है।’ उह बोलिआ। ‘उह ठीक हो जावेगी।’ डाकटर दे मूंहों निकलिआ। पूरे सत्त दिन लड़की कैंप आरंभ होण वाले समें कैंप विच्च लिआंदी जांदी अते समापती वेले ही उस नूं वापस घर लैजाइआ जांदा। सारा दिन उसदा इलाज चल्लदा। अखीरले दिन उह आपणे पैरां उत्ते आप खहड़ी हो के पंज सत्त कदम चल्ल वी सकदी सी। उस नूं आप ही करन वाले अगले इलाज दी विधी समझा दित्ती गई। तिंन महीने पिछ्छों लड़की नें कैनेडा आप फोन कर के दस्सिआ, “डाकटर साहिब, मैं हुण बिलकुल ठीक हां। धारां आप कढ्ढ लैंदी हां।”

मेरे आपणे भतीजे दी बेटी दी मुटिआर नणद पौड़ीआं विच्चों डिग जाण करके बहुत दुखी सी। मोगे तों चल्ल के राड़ा साहिब कैंप विच्च आई। इलाज करन तों पिछ्छों डाकटर कहिंदा, “पैरां भार बैठ के देख।’ उस लड़की नें डाकटर वल्ल इस तरहां देखिआ जिवें कहि रही होवे कि इह किवें हो सकदा है? ‘तूं देख तां सही।’ डाकटर नें ज़ोर पा के किहा ते उह बैठ गई। “उह! मैं हुण बैठ सकदी हां।” खुशी विच्च पागल होई उह चीक उठ्ठी। उह अज्ज तक ठीक है।

सपोरटस कालज समराला विखे कैंप लग्गिआ होइआ सी ते शाम दी समापती दे नेड़े सी। डा. नें मैनूं किहा कि अंकल जी, हुण होर पेशैंट नां लिओ। अध्धे कु घंटे पिछ्छों मैं परवेश दुआर वल्ल बाहरली हवा लैण गिआ तां दो दानीआं इसतरीआं कार विच्चों उत्तरीआं। हौली हौली इक्क मुटिआर लड़की कार विच्चों उत्तर के उनहां दे नाल हो तुरी। मैं तुहाडी की सेवा कर सकदा हां, मैं पुछ्छिआ। इस लड़की नूं गरदण दी तकलीफ है, उह दिखाउणी है, उत्तर मिलिआ। मैं बेनती कीती, “हुण तां कैंप बंद होण वाला है, कल्ल्ह सवेरे ही आ जाउ।”

“मैं ते अज्ज वी नहीं सी आउणा, इक्क रिशतेदार दे बार-बार ज़ोर पाउण उत्ते आई हां। मैंनूं डाकटर नें किहा है कि मेरी गरदन दा इलाज केवल ते केवल ओपरेशन है।” लड़की नें आपणी निरासता दरसाई।

“चंगा, आ जाउ।” मैं किहा। उनहां नूं इंतजारी बैंचां ’ते बिठाके मैं इसतरीआं दे इलाज कमरे विच्च अंदर गिआ। (जित्थे जाण दी केवल मैंनूं ही आगिआ सी।) डाकटर नूं कहिण दी मेरी हिंमत नां होई ते मैं डा. सुजान नूं इस सबंधी बेनती कीती। इलाज कर रही सुजान नें मुड़ मेरे वल्ल ही गेंद रोहड़ दित्ती। अंकल जी की गल्ल है? डाकटर नें कुझ विशेश भांपदिआ मैंनूं आप ही पुछ्छ लिआ। दस्सिआ तां डाकटर कहिंदा, “खाली बैड्ड उत्ते पा दिओ।”

फिर मैं आपणे दूसरे प्रबंधां विच्च रुझ्झ गिआ। उस दिन दे खातमे उत्ते डा. नें दस्सिआ कि अंकल जी, उह लड़की बिलकुल ठीक हो के चली गई है। पहिलां तां उह आपणी गरदन नूं हत्थ नां लाउण देवे अते नां ही कालर खोल्हे। ‘इस इलाज विच्च मेरी विशेशता है’ दा यकीन दिवाउण उत्ते उसने इलाज दी आगिआ दित्ती। पिछ्छों चंगा फेरा तोरा करके पूरी तसल्ली कर लैण पिछ्छों मैं उस नूं उसदा कालर संभाल दित्ता।

कुरूकुशेतर यूनीवरसिटी विच्च साडे कैंप दा पहिला दिन सी। कौण किंने पाणी विच्च है, हर कोई बिना दस्से पुछ्छे ही भांप लैंदा है। इक्क पहड़ी लिखी बीबी सिध्धी मेरे कोल आई ते बोली, अंकल जी, डाकटर दे हत्थां विच्च जादू है। सुण के मेरा मन खुश हो गिआ ते पुछ्छिआ उह किवें? बीबी नें दस्सिआ कि मैं गरदण दी समस्सिआ तों बहुत दुखी सी, जित्थे वी दस्स पई, मैं उसे डाकटर कोल पहुंची पर कोई फाइदा नां होइआ। डाकटर साहिब नें पंज मिंट नहीं लाए कि हुण मैं बिलकुल ठीक हां। इस तरहां जापदा है कि मैंनूं कदी रोग होइआ ही नहीं। ... पिछ्छों, प्रोफैस्सर रंधावे नें मैंनूं दस्सिआ कि उह बीबी इक्क कालज विच्च फिज़िकस दी लैकचरार है।

बरैंपटन विच्च मैं आपणे इलाज लई डाकटर कोल गिआ तां उत्थे मेरी इक्क 50 कु सालां दी रूसी बीबी नाल गल्लबात होई। उस नें दस्सिआ कि उसदी खब्बी लत्त सुक्कण लग्ग पई, पूरा भार नां लवे, जापदा सी कि कुझ छोटी वी हो गई है। मैं डाकटर साहिब पासों दो कु महीने विच्च 7 टरीटमैंट लै चुक्की हां। मैं पुछ्छिआ, हुण किवें है? उस नें आपणा सकरट मोटे पट्ट तक उच्चा करदिआं किहा कि तूं आप देख लै। मैंनूं दोवें लत्तां सिहत पख्खों बराबर लग्गीआं। होर किंनीआं टरीटमैंटां लैणीआं हन? मैं पुछ्छिआ। जिंनीआं डाकटर कहेगा, उसदा उत्तर सी। जिस विच्चों डाकटर उत्ते उसदा पूरन विशवास झलक रिहा सी।

कलिनिक विच्च ही इक्क वेर इक्क लड़की नें दस्सिआ कि मैं फैमिली डाकटर कोल कई गेड़े मारे। अज्ज साहमणे ही असीं इलाज वासते आईआं सी। पता लग्गिआ कि उत्थे कोई इलाज नहीं हो रिहा। सबब्ब नाल साडी निगाह इस कलिनिक उत्ते पई। असीं मांवां धीआं दोवें ऐवें ही इत्थे आ वड़ीआं। डाकटर नें किहा कि उह इलाज कर सकदा है। बेयकीनी नाल लड़की नें इलाज करवाइआ। इलाज समें तकलीफ इंनी होई कि उसने प्रण कर लिआ कि मुड़के इत्थे नहीं आउणा। रात नूं उसने अनुभव कीता कि पहिलां नालों गौलणयोग आराम है। अगले दिन ही उह फिर कलीनिक ’ते आ गईआं। हुण लड़की बिलकुल ठीक है। उसदा पेट कस्सी होई ढोलकी वांग कस्सिआ जांदा सी।

मेरी सुपतनी पतवंत दी खब्बी लत्त बहुत समस्सिआ देण लग्ग पई। पै के सज्जे खब्बे हिलाई वी नहीं जांदी सी। डाकटर कोल गए तां कहिंदा कि जोड़ आपणी थां तों हिल्ल गिआ है। सैट्ट कीता। चीकां निकल गईआं। शाम तक लत्त बिलकुल ठीक हो गई। ते अज्ज तिंन साल पिछ्छों तीकर ठीक चल्ल रही है। गल्ल की, सानूं जां मेरे किसे संपरकी नूं जदों वी कोई सरीरक समस्सिआ आउंदी तां असीं डा. गुरमीत दी शरन विच्च जांदे अते उह हमेशा ही सुथरीआं सलाहवां नाल बहुड़दा जो साडे लई सदा उपयोगी सिध्ध हुंदीआं।

सच्ची गल्ल है कि डाकटर साहिब वल्लों मायूस होए बीमारां दे कीते चमतकारी इलाजां दी इक्क लंमी लड़ी है। इसदे नाल नाल डा. साहिब नें आपणे बहुत सारे सहियोगीआं नूं योग सिख्खिआ वी दित्ती। उह आपणे इलाज विच्च किसे कोलों वी उहला नहीं रख्खदे सन। नवें आए रोगां लई वी निरंतर खोज करदे रहिंदे सन।

पंजाब विच्च डाकटर साहिब दे सतिकारी मरीज़ अकसर मैंनूं पुछ्छ लैंदे नें कि डाकटर साहिब नें हुण कदों पंजाब आउणा है? हुण मैं उनहां नूं की उत्तर देवांगा। बड़ा औखा है इह कहिणा कि उह तां उनहां लंमीआं वाटां दा पांधी बण गिआ है, जित्थों कोई कदी नहीं मुड़िआ। साडे लई डा. गुरमीत सिंघ दा घाटा कदी वी पूरा नां होण वाला घाटा है।