जुलाई दा महीना सी कदे कणीआं दी किणमिण ते कदे तेज मींह दा छड़ाका पै रिहा सी। मेरे गुआंढ तों मेरी दराणी, जो मेरी सहेली ते भैण वी बणी होई सी, मेरे कोळ आई। कहिण लग्गी भैणे आपणे पिंड विच्चों हेमकुंट साहिब दी यातरा लई 15/20 शरधालू जा रहे हन। उनहां विच्च चाचा जी अते चाची जी वी जा रहे हन। मैं वी उनहां दे नाळ जा रही हां। मैं तैनूं कहिण आई हां कि तूं वी साडे नाळ चल्ल। आपणा दोहां दा साथ वधीआ रहेगा। जदों असीं गल्लां कर रहीआं सी तां मेरी सस्स (बी जी) वी सुण रहे सन। जदों मेरी सहेली चली गई तां उनहां नें मैनूं पुछ्छिआ कि पुत्त उह की कहिंदी सी? मैं दस्सिआ तां उह कहिंदे पुत्त हेमकुंट जाण लई तां मेरा वी बहुत दिल करदा है। तेरी चाची नाळ मेरा वी साथ बण जाएगा। मैं किहा बी जी नेकी की ते पुछ्छ-पुछ्छ के, तुसीं वी चल्लो। इह तां होर वी वधीआ गल्ल है। उह कहिंदे पर आपां दोहां विच्चों इक्क नूं तां घर रहिणा पएगा। बाकी घर दिआं दा रोटी टुक्क वी करना होइआ। मैं किहा कि बी जी हुण सबब्ब बणिआं होइआ है अते पिंड दा साथ है। हुण तुसीं हो आओ। मैं फिर दरशण कर लांगी।

सो बी जी यातरा उत्ते चले गए अते हफ़ते पिछ्छों वापस आए। उह बहुत खुश सन। मैनूं कहिंदे पुत्त तूं वी जरूर जावीं। बहुत सोहणी थां है। मैं उस दिन तों ही आपणे मन विच्च इछ्छा पाळ लई कि हेमकुंट साहिब दे दरशन जरूर करने हन। कोई साल कु पिछ्छों, 1995 दा अगसत दा महीना सी। मैं उस समें आपणे बच्चिआं दी चंगी पहड़ाई खातर उनहां नाळ चंडीगहड़ रहिंदी सी। मेरी दूर दी रिशतेदारी विच्चों लगदे मेरे इक्क भूआ जी मेर गुआंढ ही रहिंदे सी। इक्क दिन मैनूं उनहां नें पुछ्छिआ, “हरजी (हरजोगिंदर) आपां हेमकुंट साहिब चल्लीए।” सुणके मैनूं तां चहड़ गिआ चाअ। असीं अगले हफ़ते दा ही जाण दा प्रोगराम बणा लिआ। साडे नळ दो कारां होर वी जा रहीआं सन।

सफर तों पहिली रात मैं पल वी नां सुत्ती। सारी रात मैं पासे मारदिआं कढ्ढी। मेरा दिल हेमकुंट जाण लई बहुत उतावला सी। दिल कहे मेरे खंभ होण अते हुणे उडारी मार पहुंच जावां बाबिआं दे दुआर। इस दे नाळ-नाळ मेरे मन अंदर डर अते खुशी दे बलबलिआं नें युध्ध छेड़िआ होइआ सी। डर, कि कहिंदे हन उत्थों दा रसता बहुत मुशकल है अते उत्तों चहड़ाई वट्ट कढ्ढ, मैं सफर किवें पूरा करांगी। खुशी, कि बाबिआं दे चरन छोअ उस पवित्तर धरती दे दरशन आपणीआं अख्खां नाळ कर सकांगी। सवेर मसां होई। मैं उठ्ठी, नहा धो के पाठ कीता ते आपणी 11/12 साल दी बेटी नूं उठाइआ जिस नूं मैं आपणे नाळ लै के जाणा सी। असीं लोड़ींदा सामान आपणे बैग विच्च पा के तिआर हो गईआं। डोर बैल्ल वज्जी तां मैं भज्ज के दरवाजा खोहलिआ। अग्गों भूआ जी बोले कि बई तिआर हो ते मैं किहा हां भूआ जी बिलकुल्ल तिआर-बर-तिआर।

असीं चंडीगहड़ तों नाढा साहिब गुरदुआरे जा के सीस निवाइआ अते अग्गे चाले पा दत्ते। थोहड़ी देर पिछ्छों पहाड़ां दी चहड़ाई शुरू हो गई। पहिलां तां मैं ठीक ठाक बैठी रही पर जदों जिआदा चहड़ाई आउण लग्गी तां मैनूं डर जिहा लग्गण लग्गा। फेर बस्स वाहिगुरू दा जाप आरंभ कर दित्ता। जदों असीं रिशीकेस टप्प गए मैं इस दुनिआं दीआं सारीआं लालसावां भुल्ल गई। मेरा धिआन शुंदर वादी दे लुभाउणे रंगां नें मोह लिआ। सड़क दे नाळ-नाळ गंगा नदी आपणे रंग विच्च मसत राग अलापदी कदे सड़क दे नेड़े आ जांदी अते कदे दूर हो जांदी। सड़क दे कूहणी मोड़ देख के खिआल आउंदा कि कार एथों दी किवें लंघेगी। हर थां ते ही नज़ारा विलख्खण सी। देख-देख के सोच हैरान हो रही सी कि सच्चे सतिगुर नें रचना किस तरहां दी बणाई है। उच्चे परबतां नूं देख-देख अते गंगा दे गीत सुण-सुण के मन गदगद हो उठ्ठिआ। उच्चीआं चोटीआं वाळे पहाड़ां विच्चों गिरदे झरनिआं दी छां-छां इस तरहां अनुभव हो रही सी जिवें कि उह सागर शहु वल्ल जा रही गंगा नूं पुकार कर रहे होण कि उह उनहां नूं वी नाळ लै चल्ले।

असीं शाम नूं गोबिंद घाट पहुंच गए। जित्थों गंगा नदी सानूं बिलकुल्ल नेड़े दिखाई दे रही सी। सवेरे जलदी उठ्ठ के असीं टूटीआं ते इशनान कीता अते अगली यातरा लई तिआर हो गए। जदों असीं गोबिंद घाट तों तुरना सी तां सानूं किहा गिआ कि जो रसते विच्च चाहीदा है आपणा समान लै लवो । असीं दो-दो सोटीआ बाकी थोड़ा-बहुत खाण दा सामान वगैरा लै लिआ। 1995 दे दिनां विच्च घट्ट लोक ही यातरा उत्ते जांदे सन। मेरे नाळ भूआ जी दी लड़की सी जो उमर वच्च 20कु साल दी होवेगी, इशारा कर के मैनूं कहिंदी दीदी आपां बरफ नाळ ढकी उस चोटी ते जाणा है। मैं देख के घबरा गई अते वाहिगुरू अग्गे अरदास कीती कि हे मालका जिवें तूं सानूं एथे तक्क लै के आइआ हैं उवें ही हुण अग्गे वी तूं ही सहाई होणा। चल्लो जी असीं गोबिंद घाट तों पुळ पार करके उप्पर जाण लई तिआर हो गए। सारी संगत सलाह करन लग्गी कि की खच्चर दी सवारी लैणी है जां तुर के जाणा है। मैं किहा कि भूआ जी जे तुसीं तुर के चल्लोगे तां मैं वी तुर के ही जावांगी। मैं आपणी बेटी नूं खच्चर उत्ते बठा दित्ता। मैं अते भूआ जी दीआं बेटीआं नें तुरना शुरू कर दित्ता।

पहिलां तां मैनूं इंझ लग्गिआ कि मेरे कोलों चहड़ाई नहीं चहड़ी जाणी। पर जदों चहड़ाई शुरू होई आपणे आप ही मन विच्च सतिनाम वाहिगुरू दा जाप आरंभ हो गिआ। पता वी नां लग्गिआ कि कदों चहड़ाई दा भैअ लापता हो गिआ अते कुदरत दे रूप विच्च उस दाते दे तरहां-तरहां दे रंग नज़ारे अख्खां नूं पिआरे लग्गण लग्गे। ते मन विच्च कविता नें मसती दित्ती कि कुझ्झ दुराडे उच्च चोटीआं बरफां दे नाळ भरीआं। चिट्टा शाल जिवें लै खड़ीआं, इंदर दे खाड़े दीआं परीआं। मन विच्च विचार आइआ, ‘छाती नाळ लगाके किरनां सागर अंबरी उड्डिआ, चोटी उत्ते बैठा पाणी, एहो राग अलापदा’। उनहां दे पैरां विच्च कुदरत दी विछाई होई खीनखाबी हरिआली कारपट वी जी आइआं दा गीत गा रही सी। जदों असीं किसे बरफीले पहाड़ कोळों दी लंघणा तां सरीर नूं छेड़ के लंघदी ठंडी-ठंडी हवा चंगी-चंगी लग्गणी। कदे-कदे राह विच्च बैठ के साह वी लै लैणा ते फिर अग्गे तुर पैणा। मन नूं सच्ची-मुच्चीं इंज लग्गदा सी जिवें समुच्ची कुदरत नूं गलवक्कड़ी विच्च लै के मैं उसदा मत्था चुंम रही होवां। गुरू नानक देव जी दा शबद, ‘बलिहारी कुदरति वसिआ तेरा अंतु नां जाई लखिआ’ तन मन विच्च रचके इक्क-मिक्क होए रूह नूं खेड़े अते सरूर विच्च लै गिआ।

रसते विच्च मैनूं इक्क बीबी मिळी जो हेमकुंट तों हेठां नूं जा रही सी अते मैनूं इक्क रज्जे पुज्जे घर दी कोमल लड़की वजों जाणदी सी। उह मैनूं कहिण लग्गी अग्गे पैंडा बड़ा कठन है, थक्क जावेंगी, चंगा इहो ही है कि सवारी लई खच्चर करलै। शिशटाचार दे नाते मैं किहा तेरी गल्ल ठीक ऐ। पर मेरा दिल कुझ्झ होर ही कहि रिहा सी, ‘जिसदा मन जोत सरूप नाळ जुड़िआ होवे उस वासते किहड़ीआं चहड़ाईआं, किहड़ीआं उचाईआं ते किहड़ीआं थकाईआं?’ उस वेळे मैं जिस अवसथा विच्च सी, मैनूं जो नजारा आ रिहा सी उह मैं ही जाणदी सां। उस आनंद नें शबदां दे वरनण विच्च कदों आउणै ते किवें आउणै? मेरा तां दिल लोचदा सी कि इत्थे ही किसे गुफा विच्च चौकड़ी मार के पक्की ही रहि पवां। पर …। असीं 13 किलोमीटर दी चहड़ाई चहड़ के गोबिंद धाम पहुंच गए।

उत्थे जा के साडे साथीआं नें दो तिंन कमरे लै लए। उनहां दी सफाई ठीक नहीं सी। मक्कड़ीआं दे जाळे वगैरा लग्गे होए सन। पर अणसरदे नूं कुझ्झ नां कुझ्झ तां करना ही पैणा सी। मेरी बेटी डर रही सी कि मंमां कोई भूंड आ जावेगा। पर मैं किहा कि रब्ब-रब्ब करके सौं जा कुझ्झ नहीं हुंदा। कमरे विच्च इक्क बारी सी जिस विच्चों बरफ नाळ ढके होए चांदी रंगे पहाड़ नज़र आ रहे सन। चंद चानणी रात इहनां उत्ते होर वी सोने ते सुहागे दा कंम कर रही सी। चंन बद्दलां नाळ लुकण मीची खेड रिहा सी। विच्चों ही कदे-कदे उह सानूं वी झात आख जांदा। कुदरत दे इह कलोल देखदिआं पता ही नहीं लग्गा कदों नींद आ गई।

फिर उहले हो गई रात सी, संदली होई सवेर। चानण सारे पसरिआ, होइआ दूर हनेर। पहाड़ी पंछीआं नें आपणे राग अलापणे शुरू कर दित्ते। सारे यातरी उठ गए। साडी संगत छेती-छेती तिआर हो गई तां कि समें सिर हेमकुंट वल्ल जाइआ जावे। तुरन वेळे देखिआ कि आसमान विच्च बद्दळां नें झुरमट पाइआ होइआ है शाइद मींह पवेगा। सारिआं नें सलाह कीती कि आपां हुण खच्चरां लै लईए। कल्ल्ह दे वी थक्के होए हां ते उप्पर जाण लई चहड़ाई वी तिख्खी है। सारे इस विचार नाळ सहिमत हो गए।

अजे असीं तिंन कु किलोमीटर ही गए होवांगे कि किण मिण शुरू हो गई। उचाई ज़िआदा होण करके घोड़े अते खच्चरां चंगी तरहां नहीं चल्ल रहीआं सन। उनहां दे मालकां नें किहा कि आगे चहड़ाई ज़िआदा है, मींह पड़ रहा है जानवर का पाओं फिसल रहा है, हम आगे नहीं जा सकते। किसे जानवर का नुकसान नां हो सकता है। सो असीं अध्ध विच्च ही घोड़े खच्चरां तों उत्तर गए। अजे तिंन किलोमीटर दा होर सफर रहिंदा सी। मैं आपणी बेटी नूं कांडी विच्च बैठा दित्ता। कांडी – जो आदमी दी पिठ्ठ उत्ते इक्क टोकरी लग्गी हुंदी है। मैं हौळी-हौळी अग्गे तुरदी गई अते नाळ-नाळ ही चोटीआं दे बरफ लद्दे तिख्खे नैण नकश माणदी गई। कदे-कदे मैं डूंघीआं खड्डां नूं वी देख लैंदी। असीं सारे 11 वजे दे करीब गुरू दे दरबार पहुंच गए। उत्थे जा के सभ तों पहिलां कुंड विच्च इशनान कीता। जदों पहिली डुबकी लाई तां सारे सरीर विच्च कंबणी छिड़ गई। बस्स फेर वाहिगुरू-वाहिगुरू करदिआं पूरा इशनान कीता ते दरबार साहिब विच्च जा के गुरू नूं मत्था टेकिआ। किउंकि उत्थे 12 वजे तों पहिलों समापती दी अरदास हो जांदी है। उस तों पिछ्छों फेर उत्थों ही उनहां सत्तां चोटीआं दे दरशन कीते जिनहां विच्चों चशमे फुट्ट के ते झरनिआं दा जल आ के उस कुंड विच्च पै रिहा सी। उत्थों विहले हो के इक्क वेर फिर सतिगुरू दे चरनां विच्च आपणा सिर झुकाइआ।

कुदरत दे रंगले रूप दा सुहप्पण माणदे होए असीं वापस चाले पा दित्ते। मेरी बेटी मैनूं कहिण लग्गी कि मम्मां मैं नहीं हुण कांडी ते बैठणा। मैनूं डर लग्गदा है अते नाळे चक्कर आउंदे हन। मैं किहा चलो फेर तुर के चल्लदे हां। पर आसे पासे बिलकुल्ल नहीं देखणा। बस्स आपणे पैरां वल्ल ही देख के अग्गे तुरी जाणा है। असीं 6 किलोमीटर चल्ल के नीचे गोबिंद धाम पहुंच गए। साडे नाळ दे साथी कहिंदे कि आपां हुण घोड़े लै लईए।

गोबिंद घाट तों अग्गे जाण विच्च समां बच जावेगा ते आपां चंडीगहड़ नूं जलदी चाले पा देवांगे। घोड़े वाळे नाळ गल्ल कीती तां उस नें सारिआं लई सवारी दा परबंध कर दित्ता। जिस घोड़ी उत्ते मैं चहड़ना सी उसदा मालक शोहले फिलम दा डाइलौग मार के कहिंदा, “अरे बसंती तूं बसंती को बठा ले”। इह सुण के सारे साथी हस्सण लग्ग पए। वापसी समें मैनूं उस घोड़ी दी सवारी बहुती चंगी नहीं लग्गी। किउंकि जदो तां घोड़ी दी सवारी हुंदी सी उदों तां चंगा लग्गदा सी पर विच्च-विच्च जदों उत्तर के पैदल तुरना पैंदा सी तां बहुत औखा लग्गदा सी। दूसरा घोड़ी रसते दे नाळे वाळे किनारे नाळ चल्लदी सी। एथे मैनूं आपणी भैण दी कही होई गल्ल याद आ गई, जिहड़ी मेरे तों पहिलां हेमकुंड साहिब दी यातरा करके गई सी। उसदा कहिणा सी कि भैणे खच्चरां रसदे दे खड्ड वाळे किनारे नाळ चल्लदीआं हन। जदों इस वारे मैं भाई नूं किहा बई इस नूं दूसरे पासे कर तां कहिंदा आराम से बैठ जाओ कुछ्छ नहीं होता। भैण नें अग्गे दस्सिआ सी कि मैं तां रब्ब अग्गे हत्थ जोड़े ते अरदास कीती कि बाबा जी मैनूं इस वार सही सलामत लै चल्लो मैं मुड़के एधर मूंह नहीं करदी। मेरे गोबिंद मेरी तां इह पहिली ते आखरी यातरा है।

मेरे मन विच्च भैण दी कही होई गल्ल याद आई तां मैं वी किहा कि बाई जी यह घोड़ी किनारे पे किउं चलती है? तां उह कहिंदा कि इन की आदत बण गई है। किउंकि दूसरी तरफ़ तो लोग चलते हैं। इस लई यह फिर एक साईड पे हो जाती हैं। आप चिंता मत्त करो। मैं किहा मेरी चिंता तो मेरे गोबिंद को है मेरे को नहीं। असीं गोबिंद घाट पहुंचे तां घोड़ी तों उत्तरे लत्तां दा बुरा हाल सी। इंझ लग्गदा सी जिवें धरती उत्ते खहड़ा नां हो होवे। पर फेर हौळी-हौळी सभ ठीक हो गिआ। गुरदुआरा गोबिंद घाट आ के गुरू दे अग्गे मत्था टेकिआ अते उस दा वार-वार शुकराना कीता। जिस नें हत्थ दे के साडी रख्खिआ कीती अते सानूं आपणे पैरां उत्ते तोर लै के गए। वापस आ के आपो आपणीआं कारां विच्च बैठे अते चंडीगीहड़ वासते चाले पा दित्ते। उप्परों मींह दी झड़ी लग्ग गई। रसते विच्च उस दाते दीआं सिफ़तां दे इलाही दरशनां दीआं झलकीआं आपणे मनां विच्च संभाळ लईआं। बाहर कुदरत विच्च मींह दी झड़ी अते मन अंदर उस दाते दीआं सिफतां दी रहिमत बरसदी रही। वापिस आउंदे समें कुझ्झ समें लई असीं पाउंटा साहिब वी रुके। इह गुरदुआरा दसवें पातिशाह दा है जो इक्क बड़ी ही रमणीक जगहा उत्ते नदी दे किनारे है। उस थां दे जीअ भर के दरशन कीते। फिर सिध्धे चंडीगहड़ आपो आपणे घर पहुंच गए। मैं तां घर पहुंच के वी कई दिन उनहां नदीआं, नाळिआं, चशमिआं, झरनिआं ते पहाड़ां नाळ गल्लां करदी रही। जिहड़े के मेरी याद विच्च अजे वी उक्करे होए हन। हुण वी जदों मैं नित्तनेम करन बैठदी हां आपणी सुरती नूं हर पासे तों समेट के हेमकुंट दी यातरा नाळ जोड़ लैंदी हां। उह किहो जिही सुलख्खणा समां सी जदों असीं हेम कुंट साहिब दे दरशनां लई गए सी!