नशईआं दा आपणा नाशवान संसार हुंदा है। खुंढी सोच, रिशतिआं दी लोक-लज्ज तों बेखबर, खुदगरज़ी दी भावना भारू, नशे दी प्रापती लई घटीआ तों घटीआ पध्धर तक जाण तों वी संकोच नहीं करदे। नशा मिल गिआ तां ढोले दीआं गाउंदे नें, जे नशा नहीं मिलिआ तां कंधां कौळिआं विच्च टक्करां मारदे फिरदे नें। रात समें जदों लोक घूक सुत्ते पए हुंदे नें, उस समें नशई आउण वाले समें लई नशे दा जुगाड़ बणाउण वासते विउंतबंदी करके ठग्गी ठोरी जां फिर चोरी दीआं वारदातां नूं अंजाम दिंदे नें। अजिहा कुझ उह दिन दिहाड़े वी कर लैंदे नें। उह रोटी दी भुख्ख सहि सकदे हन पर नशे दी तोड़ झल्लणा उहनां वासते बहुत ही मुशकिल हुंदा है।

नशा छडाऊ केंदर दे डाइरैकटर वजों कंम करदिआं तरहां तरहां दे नशईआं नाल मेरा वाह पिआ है। दाख़ल नशई मरीज़ अंदाज़न दस कु दिनां विच्च दवाई अते दुआ दे सुमेल नाल नशे दी तोड़ वाली सथिती विच्चों काफी हद्द तक बाहर आ जांदे सन। दाख़ल होए दूजे साथीआं नाल उह आपणे कीते ‘कारनामे’ सांझे कर लैंदे सन। उहनां दे दोसत, भरा अते होर नेड़ता दे रिशते सिरजण उपरंत उह मेरे नाल वी दिल हौला कर लैंदे सन। अंम्रितसर ज़िल्हे दे दो नौजवान नशा छड्डण लई दाखल होए। उह आपस विच्च चचेरे भरा सन। जदों उहनां तों पुछ्छिआ गिआ कि नशा करन लई पैसे दा जुगाड़ उह किस तरहां करदे रहे। इक्क दो वार ज़ोर दे के पुछ्छण ’ते उहनां विच्चों इक्क नें किहा, “बस्स जी, झस्स पूरा करन लई कोई नां कोई तां बंनह सुब्ब करना ही पैंदा सी। घर वालिआं नें तां पैसिआं लई कोरा जवाब दे दित्ता सी। कई वारी तां असीं इस तरहां कीता कि मोटरसाईकल ’ते सवार हो के असीं बज़ार विच्च निकल जांदे। जित्थे किते इकल्ली कुड़ी नूं मोबाइल ’ते गल्लां करदिआं वेख लैंदे, उत्थे ही मोटरसाईकल रोक के जाण सार कुड़ी दे दो तिंन करारे जिहे थप्पड़ ला के उच्ची आवाज़ विच्च कहिणा, ‘तूं इत्थे फिरदी हैं, घरे पापा जी उडीकी जांदे नें।’ कुड़ी बौंदल जांदी, असीं उहदा मोबाइल खोह के मोटरसाईकल ’ते दौड़ जांदे। आले दुआले वालिआं नूं तां प्रभाव पैंदा कि कुड़ी दे भरा नें, इस करके कोई नां बोलदा। जदों नूं कुड़ी बोलण दी सथिती विच्च हुंदी उदों नूं असीं खिसक जांदे। मोबाइल वेच के नशा खरीद लैंदे। बस्स जी, इस तरहां ही डंग टपाई करी जांदे।”

इक्क होर नशे दी दलदल विच्च बुरी तरहां धस चुक्के नौजवान नूं नशा मुकत करन उपरंत जदों उहदे अतीत दे पंने फरोले तां उसने गच्च भर के दस्सिआ, “नशिआं कारन मैं बहुत कुझ बरबाद कर चुक्किआ हां। नशे दी पूरती लई अफरीकी काळे तों दिल्ली जा के चिट्टा लिआउंदा अते इध्धर महिंगे भाअ वेच के नशे दी पूरती करदा रिहा। कई वार बेहोश वी होइआ। पुलिस दे धक्के वी चहड़िआ। मैं मां-बाप दा इकलौता पुत्त हां। मेरी मां तां मेरी इह हालत वेख के दम तोड़ गई। रिशतेदार घर अफसोस करन आउंदे पर मैं उहनां नूं नशे विच्च टल्ली मिलदा। थोहड़े चिर बाअद बापू वी मेरे गम कारन मंजे ’ते पै गिआ।”

फिर उसने गच्च भर के किहा, “सर, हसपताल विच्च बाप वैंटीलेटर ’ते पिआ सी अते मैं बाहर कार दा शीशा तोड़ के अंदर बैठा चिट्टे दा टीका ला रिहा सी। मां, बाप दी मौत उपरंत मेरीआं भैणां नें ज़िद करके मैनूं तुहाडे लड़ लाइआ। सर, हुण मैं बहुत पछता रिहा हां।”

इक्क नशई नूं नशा मुकत करवाउण लई उस दी पतनी लै के आ गई। नशई दी बज़ुरग मां वी नाल ही सी। दोनां दे चिहरिआं ’ते चिंता दीआं रेखावां सन। उनहां दीआं खुशक अते वीरान अख्खां तों घर दी बरबादी दा पता लगदा सी। उहनां नूं कुरसीआं ’ते बैठण दा इशारा करदिआं मैं नशई वल्ल नज़र मारी। नशे कारन उह तुरदी फिरदी लाश वांग लग्ग रिहा सी। औरत नें खून दे अत्थरू केरदिआं दस्सिआ, “इहनूं तां जी कोई लही-तही दी नहीं। पंज किल्ले ज़मीन विच्चों तिंन किल्ले इहने नशिआं दे लेखे ला दित्ते अते हुण बाकी रहिंदे दो किल्लिआं ’ते वी इहदी अख्ख सी। मैं रिशतेदारां नूं इकठ्ठे करके उहनां दोंह किल्लिआं ’ते अदालत वल्लों सटेअ लै लई। घर दो मझ्झां रख्खीआं होईआं नें। उनहां दा दुध्ध वेच के असीं घर दा गुज़ारा करदे हां। परसों मैनूं ज़रूरी कंम लई पेकीं जाणा पै गिआ। आउंदिआं नूं सुंने कीले देख के मेरी भुब्ब निकल गई। इहने जी उह वी कौडीआं दे भाअ वेच के जवाकां दे मूंहों रोटी खोह लई … …।”

उह औरत होर दुख्ख दस्स के आपणा मन हौला करना चाहुंदी सी। नशई नूं तुरंत दाखल करन दे फैसले उपरंत मैं जदों नूंह-सस्स नूं संसथा दे नियमां संबंधी दस्सण लग्गिआ तां पोटा पोटा दुखी औरत नें मेरी गल्ल कट्टदिआं रोण हाकी आवाज़ विच्च किहा, “तुसीं जी इहनूं दाखल करो। साडा जित्थे मरज़ी ’गूठा लवा लवो। इलाज दे दरमिआन जे इह मर वी जांदा है तां सानूं दस्सण दी लोड़ नहीं। तुसीं ही फूक दिओ। लक्कड़ां दे पैसे असीं दे देवांगे।” नूंह-सस्स दे अत्थरू परल परल वहि रहे सन।

इक्क 20-22 सालां दे नशई नौजवान नूं उसदा बाप इलाज लई लै के आइआ। नौजवान दी जवानी तां नशिआं नें ही निगल लई सी। इस उमर विच्च ही झुरड़ीआं पै गईआं सन। बाप नें आउंदिआं ही दस्सिआ, “मैं जी विद्दिआ विभाग विच्च इक्क सकूल दा हैडमासटर हां। लोक इज़्ज़त करदे हन। पर इहदे कारन सानूं लोकां साहमणे नीवीं पा के चल्लणा पैंदा है। नित्त दे उलांभे, चोरीआं, ठग्गीआं, लड़ाई झगड़े इहदा रोज़ दा कंम है। नशे विच्च टल्ली रहिंदै। डक्का दूहरा नहीं करदा। घर दी जिहड़ी चीज़ हत्थ लग्गे, उह ही वेच दिंदा है। बाहर वी लोकां नूं इहदीआं हरकतां दा पता है, इस करके इहनूं कोई मूंह नहीं लाउंदा। घर वी पूरी चौकसी रख्खदे हां, पर फिर वी इह सानूं थुक्क ला ही जांदा है।”

थोहड़ा जिहा रुक के उहने फिर आपणा दुख्ख रोंदिआं किहा, “हफता कु पहिलां सारा परिवार सुत्ता पिआ सी। सानूं नहीं पता कदों अते किवें इसने पाणी वाली मोटर खोल्ह लई अते कंध टप्प के भज्ज गिआ। सानूं तां सवेरे पता लग्गिआ। खहड़े पैर नवीं मोटर लगवाउणी पई। बड़ा दुखी कीता है इसने। पंज दिनां पिछ्छों कल्ल्ह वड़िऐ। इहनूं नवां जीवन दिउ। साडा सारा परिवार तुहानूं असीसां देवेगा। इहदे कारन घर दी पाणीउं पतली हो गई है।”

इस तरहां दे अनेकां नौजवानां नें घरां दे चुल्ल्हे ठंढे करन दे नाल नाल घरां दी बरकत नूं वी गुंम कर दित्ता है।

* * * * *