उह कच्ची पहिली जमात, तलाअ वाला सकूल ते सकूल दा उह अधिआपक जो मेरा पहिला अधिआपक सी, अज्ज वी मेरे ज़हिन विच्च है। सच्ची मुच्ची वेद प्रकाश मासटर मैनूं अज्ज वी उसे तरहां याद है भावें के मैं अज्ज खुद अधिआपक लग्ग के सेवा मुकत होण दे नेड़े पुज्ज चुक्का हां। सकूल विच्च खहड़ा उह पिप्पल दा द्रखत ते उसदी ठंढी संघणी छां मैनूं अज्ज वी चेते हन, जो उस वकत सरकारी प्राइमरी सकूल खंने विच्च होइआ करदा सी। भावें उस सकूल दी इमारत दी दिख्ख वकत मुताबक बदल चुक्की है पर जगहा उही है, जो मन विच्च खुशी जिही महिसूस करवाउंदी है। अज्ज वी जदों कदे कदाईं सकूल कोलों गुज़रदा हां तां सकूल दीआं उह मुढलीआं यादां मल्लोमल्ली याद आ जांदीआं हन। जदों मैं पहिली वार सकूल विच्च दाखल होण गिआ सां तां उस वेले दा किस्सा हुण वी मैनूं धुंदला धुंदला याद है। घरदे दाखल करवाउण गए तां उमर घट्ट होण करके वेद प्रकाश मासटर जी नें दाखल करन तों नांह कर दित्ती किउंकि उदों पंज साल तों घट्ट उमर वाले बच्चे नूं नियमां मुताबक सकूल विच्च दाखल नहीं कीता जांदा सी ते मापे अकसर अट्टे सट्टे नाल उमर दस्स के बच्चे नूं दाखल करवाइआ करदे सन। पर कुझ दिनां पिछ्छों मेरे भूआ जी किसे नां किसे तरहां मेरी उमर वध दस्स के सकूल दाखल करवा आए।

उस समें अज्ज वांग के जी, प्री नरसरी जां नरसरी जमातां नहीं हुंदीआं सन सगों सिध्धा पहिली जमात विच्च दाखल कर लिआ जांदा सी ते फिर उस पिछ्छों दूजी, तीजी, चौथी अते पंजवीं कारवाई जांदी सी। उदों पंजां जमातां नूं इक्को अधिआपक ही पहड़ाइआ करदा सी, नां कि अज्ज वांग तिंन चार अधिआपक हुंदे सन ते साडा उह अधिआपक सी वेद प्रकाश मासटर। बिलकुल सिध्धा सादा ते हसूं हसूं करदा चिहरा, मिठ्ठी बोली, अपणत्त वी मणां मूंहीं, मिहनती हद्द दरजे दे, जो पूरी शिद्दत नाल बच्चिआं नूं पहड़ाउंदे सन।

पंजवीं जमात तलाअ वाले सकूल विच्च मासटर वेद प्रकाश जी कोलों करन मगरों मैं आरीआ सकूल (ए ऐस्स सीनीअर सैकंडरी सकूल) विच्च दाखला लिआ। पर अठ्ठवीं कलास विच्च घरदे खंने तों ज़मीन वेच के पटिआले दे पिंड निजामनीवाला चले गए, जिस करके 9 वीं जमात विच्च घरदिआं नें सरकारी हाई सकूल करहाली साहिब दाखल करवा दित्ता। दसवीं उत्थों कीती ते मुड़ खंने आ आरीआ सकूल विच्च दाखला लिआ। गिआरहवीं खंने तों करन उपरंत फिर बारहवीं करन लई डी ए वी कालज सैकटर-10 चंडीगहड़ जा दाखल हो गिआ। उत्थे मन नां लग्गा ते इक्क साल उत्थे पहड़ाई करन मगरों फिर गौरमिंट महिंदरा कालज पटिआले दाखला लै लिआ। उस मगरों पंजाबी यूनीवरसिटी पटिआले ते ऐम्मए ऐम्मफिल कीती ते फिर गौरमिंट सटेट कालज पटिआला तों बी ऐड्ड करके मासटर लग्ग गिआ।

उदों तक वेद प्रकाश मासटर रिटाइरड हो चुक्के सन। पर उनहां जदों कदे गाहे बगाहे मिलणा तां उनहां उसे तरहां हस्सदे होए ज़रूर पुछ्छणा अजीत सिंघ की हाल है? मैं उनहां दे गोडीं हत्थ लाउणा, अशीरवाद लैणा ते उनहां दा मुड़वां हाल चाल पुछ्छणा। बड़ा चंगा लग्गणा उनहां नाल मिल के ते उनहां नूं सति स्री अकाल बुला के। उनहां वी मेरे अधिआपक लग्गण ’ते माण करिआ करना।

बेशक्क बाअद विच्च मैं कई होर अधिआपकां कोलों सिख्खिआ हासल कीती पर जो वेद प्रकाश जी तों सिख्खिआ हासल कीती, उस नें मैनूं उचेरी सिख्खिआ हासल करन विच्च बड़ा वड्डा योगदान पाइआ, जिस नूं मैं कदे भुला नहीं सकिआ। मैं हुण वी सोचदा हां कि किंने सादे, मिहनती ते चंगे सन मेरी मुढली पहड़ाई करवाउण वाले मासटर वेद प्रकाश जी। सच्ची मुच्ची मैं जो कुझ वी अज्ज हां, उस विच्च उनहां दी भूमिका इक्क गुरू वाली रही है।

* * * * *