किसी किसम दा कोई पिआर जीवन दा सथाई भाव नहीं हो सकदा, जद तक आदमी जीवन दीआं डूंघीआं तैहां दा निवासी नां होवे। सितह उप्पर हासा खेडां करन वाले ते पशूआं वांग आपणा जीवन आपणी पेट पूजा ते आपणे सवाद खातर दूजिआं नूं तंग करण वाले सतान वाले तां उस मरमी दरद दा जिहड़ा जीवन दी सभ थीं डूंघी तैह विच है, हां उस जी-पीड़ा दा सुख लै नहीं सकदे। ते जद तक जीवन दे दरद तक कोई बंदा नां अप्पड़े, उह कोई आदरश काइम नहीं कर सक्कदा, नां आपणे अमल सिध्धे कर सक्कदा है, नां पिआर दे रस नूं माण सक्कदा है ॥

वतन दे पिआर दा मुढ्ढ आपणे घर, मां, भैण, ते आपणे बच्चिआं दी मां दा गूहड़ा, सादा, पर अस-गाह जिहा खसमाना है। इस मुंढ थीं वतन दे पिआर दा ब्रिछ उपजदा है, जे जहड़ ही नां होवे उथे जिंदगी दा फैलाओ किस तरां हो सकदा है ? ते घर दा डूंघा पिआर उनहां लोकां विच्च पै नहीं सक्कदा, जिनहां नें इह विदया पहड़ी होवे, कि पंज इंद्रीआं दा जीवन ही इक दुख्ख रूप है घर दा तिआग ही आद्रश है ते इस दुख्ख दी निविरती विच्च ही कलिआण है। जिहड़े इस तरां दी फिलासफी दे सिखाए मज़हब दे अड्डे चहड़े उनहां नूं घर दा मोह, बाल बच्चे दा पिआर, मां भैण, इसत्री दा सतकार पाप जिहे भासदे हन, हिंदुसतान दे संनयासी ते साध वैरागय तिआग दी तालीम दिंदे इसत्री जाती नूं त्रिसकार करदे अर सिखांदे आए, इथों तक इह नफरत फैली, कि गुरू नानक साहिब जी नूं इसदे बरखिलाफ जंग करना पिआ, साहिब फरमांदे हन:-

"भंडि जंमीऐ भंडि निंमीऐ भंडि मंगणु वीआहु ॥

भंडहु होवै दोसती भंडहु चलै राहु ॥

भंडु मुआ भंडि भालीऐ भंडि होवै बंधानु॥

सो किउ मंदा आखीऐ जितु जंमहि राजान"॥

घर दा जीवन ते वतन दा पिआर इस जाती दे बेहद सतकार ते पिआर दे बिना जींदा नहीं हो सकदा । जद तक मां भैण ते इसत्री ते उनहां दे रचे घर दी जीवन दा तीब्र पिआर नां होवे, वतन दा पिआर सथिर हो नहीं सकदा। इक पासे तां जंग जद्दल, लालच ते मुलकगीरी दे अतिआचार करन दे शौक विच्च कीते जांदे हन । लख्खां दे खून हुंदे हन, ज़ालम जरवाणे ज़ुलम ते जबर करदे हन, उनहां दा वड्डा अहंकार इंना हुंदा है, कि अनेक पाप करके वी अनेक ज़ुलम करदे वी नहीं थक्कदा, इस वासते या तां कुछ मनुख्ख दे समूह इस करके गोल इकठ्ठे हो जांदे हन कि इकठ्ठे मिलके मारीए ते खाईए,इह तां बघिआड़ां दा गोल होया उनां दा आपे विच्च इकठ्ठा हो जाणा इक हैवानी पेशा होया। इहो जहिआं जरवाणिआं दीआं कौमां दा आपो विच्च सुलह करनी ते एकता करनी किसी तरां सोहणी चीज नहीं, भाव उपर आखर निबेड़े हन। पर जे बघिआड़ां दे साहमणे निरबल मां भैण, इसत्री, बच्चे खतरे विच्च होण ते उस वेले वेदांत दीआं गिआन अख्खां खोहलके अख्ख मीट लैणी कि इह सभ मिथया है, या किसी उच्चे खिआल दी बाल दी खाल लाह के कहिणा कि भाई हत्थ नहीं उठाणा, आप मर जाओ इनहां मसूम ज़िंदगीआं नूं मार दिओ पर बघिआड़ां दे गोल उप्पर हत्थ नहीं उठाणा है, इह निरोल ते सोलां आने काइरता है।जिस तरां मुलकगीरी ते मास खाण दा लालच बघिआड़ां नूं इकठ्ठा करदा है, उसी तरां इहो जिहे बिपता दे वेले मनुख्ख दे समूहां नूं आपणे वतन दा पिआर इक मुठ्ठ कर दिंदा है ते जिहड़ा कंम, इक नहीं कर सकदा, उह सभ मिल के साध लैंदे हन। जिस तरां उनहां बघिआड़ां नूं चलाण वाली ताकत उनहां दे ज़ुलम करन दी भुख्ख है, तिवें इनहां नूं चलाण, वाली निरोल इक मनुख्खी अणख है, जो आपणे बेआसरे परीवार नूं आसरा दिंदी है ते उनहां दे डूंघे पिआर विच्च ते इक आहला जोश विच्च आपणी जान उप्पर खेड जांदी है। इउं जान दे देणा जान दी सब थीं वड्डी रछ्छा है॥

पर की ज़ुलम करन दी भुख्ख वासते ज़ालमां दा इकठ्ठा हो दूजिआं दे मुलक ते घर सांभण ते लुट्टण दे राजसी इकठ्ठ, ते की अग्गों वतन पर परवाने वांग शहीद हो जाण वाले पिआर दे कुठ्ठे लोकी-दोवें तद ही मुमकिन हन-जद जीवन दीआं तैहां विच्च दुख, दरद दी असलीअत विच्च कोई रहिंदा होवे, इनां ज़ालमां दीआं कड़ीआं चटान वरगीआं सुरतां वी खंडा पकड़ के बड़े विकाश विच्च आउंदीआं हन, जीवन खेत विच्च इक तरां दी खेड करदीआं हन, दुख सहिंदीआं हन, मौत झागदीआं हन, सभ कुछ आपणे सिरड़ उप्पर वार दिंदीआं हन, इक औगण करके अनेक गुणां नूं आपणे विच्च लिआउंदीआं हन अर उस औगण दा पिछ्छा अनेक नेकीआं नूं साध के करी जांदीआं हन, उनां दा वी इस करके इक पासे दा मनुख्खी आचरण पैदा हो जांदा है, ते जेहड़े उनहां दा गरीब निमाणा जिहा मुकाबला कर दूसरिआं नूं सुख देण लई आप दुख्ख झागदे हन या जान दे दिंदे हन, उह वी खेत्र विच इक आलीशान आदरशक जीवन ते आचार दीआं जोतां जगांदे हन। पर जेहड़े जीवन दीआं डूंघीआं तैहां दे दुख्खां थीं कतरांदे हन ते सतह दी खा ते खुश रहि दी खुदगरज़ी विच्च रहिंदे हन ते किसी जीवन दे मुशकल नूं हल्ल करन विच्च नहीं लग्गदे पहिनण ते खाण ते विशे भोगां दिआं गुलछरिआं विच्च दिन ते रात बितीत करदे हन ते दुख, साधन, पीड़ा, मुशकल नूं देख आपणी जान बचाण दी करदे हन, नां उनां नूं मां नाल, नां भैण नाल, नां इसत्री नाल डूंघा पिआर हो सकदा है ते नां जीवन दी कमाल सादगी-जिहड़ी सच्चे पिआर नाल जिंद जान पाण हो के रहिंदी है-दा कुछ पता लग्ग सकदा है, उह लोकी नेकी दे आचरण ते बदी दे आचरण दोहां थीं खाली लोथां हुंदीआं हन । इहो जिहे लोकां विच्च नां ज़ुलम, नां पिआर लई जान वार देण दी बीरता आ सकदी है, जींदा ज़ालम चंगा, जींदा दुशमन चंगा, पर खुदगरज़ी विच लिबड़िआ, आपणी चंम खुशीआं विच्च गलतान आदमी इक लाश है॥

कौम दी कौम तद ही लाशां बण जांदी है जद आदरश दी तीब्रता, ज़िंदगी दे दुख्ख ते दरद दीआं डूंघिआईआं दी सादगी नूं लोकी छड्ड देण॥

फरांस विच्च जद बादशाहां नें महिलां नूं आपणी ऐश दे साधन बणा लिआ ते चम-खुशीआं विच्च दिन रात, शराब ते नाच विच बितान लग्गे, तां इक भांबड़ मचिआ सी, ते उह वी तां मचिआ सी, कि मुलखईए विच्च कोई आपणे भुख्खे मरदे बाल बच्चे दी अणख बाकी सी ते जिस मुलक विच्च राजा तां इउं चंम-खुशीआं दा गाहक होवे ते लोकी सदीआं दे गलत फिलसफे नाल मर चुक्के होण, ओथे भांबड़ किस तरां मचण जे उत्थे बालण नहीं रिहा, ते ऐसे देशां विच्च जद सुरति विच्चों मनुख्खता दा भाव ही उठ्ठ गिआ होवे देश दा पिआर किस तरां प्रदीपत रहि सकदा है?

देश दे पिआर नूं जगाण लई जरूरी है, कि घर दे जीवन दी नींह ज़िंदगी दीआं डूंघीआं तहिआं उपर जावे ॥

जनानी मरद नूं मास दा सोहणा बुत्त समझ के नां पिआरे, ते नां मरद जनानी नूं मास दा सोहणा बुत्त समझ के पिआरे, किउंकि पिआर दी तीब्रता तां सोहणे कोझे नूं कित्थे देखदी है? रब्ब दीआं बणाईआं बणतां हन, जो संजोगां सेती मिल गिआ, रब्ब नें मिलाया है, ते साथी चंम-खुशी दा नां होवे, साथी इक दूजे दे दुख्ख दा होवे । जिंदगी इक सांझी दुख ते दरद है ते उस दरद विच्च इक खत्रा है, इक दूजे दी बांह फड़नी है, इस दरद विच्च इक दूजे पासों सानूं सुख दी की आस हो सकदी है ? मिल बैठण दी घड़ी दी घड़ी खुशी इक अचंभा है, इत्थे तां दरदीण, दरद पीण, दुख सहिण, ते इक दूजे दी बांह पकड़ना ही सच्च है, चम-खुशीआं तां कूड़ हन। सो दरद दीआं डूंघिआईआं विच्च , जा के घर नूं वतन सारा ते वतन सारा घर जे बणाईए, तद मौके सिर समें पाके कदी उह आचरण आ सक्कदा है, जिहड़ा देश नूं पिआर करन वाले जापानीआं या फरांसीसीआं या अंग्रेज़ां विच्च दिस्सदा है, इस वासते देश दे पिआर लई ज़रूरी है, कि असी आपणे पहिनण खाण, चंम-खुशी खुदगरजी तों उठ्ठके जीवन दे दुख ते दरद दी तहि विच्च जीवीए। गलां न होवण, सच्चा दरद होवे, जे साडी मां भैण नूं दुख्ख होवे तद साडे दिल नूं कुछ होवे, ते जे उनहां उप्पर कोई बिपता आवे तद असी नां होणा सहिज सुभा चुणीए, साडी चोण सहिज सुभा कुरबानी दी होवे, मरण विच्च सुख दिस्से, जीण विच्च दुख्ख

'मित्र पिआरे नूं हाल मुरीदां दा कहिणा॥

तुधु बिनु रोगु रजाईआं दा ओढण

नाग निवासा दा रहिणा॥

सूल सुराही खंजरु पिआला

बिंगु कसाईआं दा सहिणा ॥

यारड़े दा सानूं सत्थर चंगा

भठ्ठ खेड़िआं दा रहिणा' ॥

इह दुख्ख, दरद, मौत, नाल तीब्र ते सहिज-सुभा लाग होवे ते सुख थीं उपरामता होवे॥

"दुख दारू सुख रोग भइआ" विच्च साहिबान दा इशारा है, कि जीवन दी रौ उस चंचल चंम-खुशी दे पिआज़ी तैहां विच्च नहीं, असल जीवन तां इनहां उच्च ते तीब्र दुखां विच्च है॥

किहा हासू-हीणा कूड़ जिहा सच्च मंनिआ जांदा है ते लोकी समझदे हन, कि कौमी गीत ते देश पिआर दे टप्पे बणा के ते गाउण नाल इस देश विच्च इक वतन दा पिआर उपजेगा। जद ओहो इहो जिहे गीत बनाउण वाले चंम-तैह उप्पर सिसक रहे हन।जद उनां नूं चंम थीं तल्ले या उप्पर कोई सच्च होर दिस्सदा ही नहीं। गीत जिहड़े जिंद पांदे हन, उह इस तरां तुक बंदी दी वाक रचना तां नहीं हुंदे, ओह तां जींदे लोकां दे तीब्र वचन हुंदे हन, जिहड़े लग्गे बाणां वांग दिलां नूं घाइल करदे जांदे हन। जींदा ओह है, जिहड़ा चंम-जीवन लई मर चुक्का होवे, जित्थे जिहड़ी कोई सादगी रही सही सी, उह वी छड्ड के घर बाहर थीं निकल चंम ही चंम दी कूड़ नूं सच्च समझ चुक्के हन। उनहां नूं की देश भगती ते कौण सिखा रिहा है? देश भगती दा बीज वी दिलां नूं चीर के अंदर जा पैंदा है ते सदीआं उसदे उग्गण नूं लग्गदीआं हन। सदीआं वधण नूं ते सदीआं ही मुड़ उखेड़ण नूं लगदीआं हन। नां सौखा पिआर पैंदा है, नां सौखा निरमूल हुंदा है। कहिंदे हन, फरांसीसी चंम-सच्च नूं मंनदे हन, पर इह कथन गलत है, जे चंम सच्च नूं मंनदे तद पिछले महान युध्ध विच्च इंने छेती भोग बिलास दे बिसत्रिआं थीं उठ्ठके की तीवीं, की मरद, मौत दा मूंह नां चुंमदे, चंम मतवाले तां बिसत्रिआं विच्च ही लेटे रहिंदे ते पराए पुत आके उथे ही कोह सुट्टदे, ते जे इह सच्च है, कि फरांसीसी चंम-सच्च नूं हुण मंनदे हन, तद सदीआं दा पलिआ देश पिआर सदीआं विच्च ही जा के मरेगा। सो जे ओह चंम सच्च मंन बैठे हन, तद उह पुराणा बाप दादे दा खजाना खा रहे हन, मुक्कण विच्च समां लग्गेगा। इउं जिनहां फातह कौमां नें ओह सदीआं दे खजाने जमा कीते हन ओह तां चंम-सच्च नूं ही कुछ सदीआं मंन के जी सकदीआं हन, पर जिहड़ीआं मफतूह कौमां सदीआं थीं दीवालीए हो चुकीआं हन, ओह जद चंम-सच्च ते आ बैठण ते आपणी जहड़ां नूं नंगा करके हवा ते धूप लवाण, ओह अज वी मोए ते कल्ल्ह वी। की साडे देस विच्च इह फोकापन नहीं आ रिहा?

हिंदुसतान विच्च इस वासते दरद, दुख्ख ते साधन ते ततिखया विच्च दरद भरे रहिण दी लोड़ है, सिरफ इस अंश विच्च खद्दर पहिनण दी सादगी, ते होर तरां दीआं ततिखया जे निरे मखौल नां होण, जीवण दी डूंघिआईआं वल इक मोड़ा है। ते देश दी भगती दा बीज तां सदीआं लैके उग्गेगा, पर घर दे जीवण नूं डूंघा ते सादा कर, खाण पीण पहिनण विच दुख सहीए। पिआर शकलां नकलां पुशाकां शराबां मज़ाखां नाल नां पाईए, पिआर नूं धरत विच्च डूंघे बेमलूम दब्बीए॥

मिहनत, किरत करीए, आपा कंम विच्च इना मारीए कि चंम-द्रिशटी रहे ही नांह॥

जिंदगी उनहां दी है, जो ज़िंदगी नूं वार सक्कदे, हन, चंम सच्च नूं मंनण वाले सदा खवार हुंदे हन। चंम सोच वाले चंम-खुदी शराब विच्च गड़ूंद मोए कदी सच्चा पिआर, आपणे आप दा, की आपणे पिआरिआं दा, की रब्ब दा, की देश दा, प्रतीत कर सक्कदे हन? कदी नहीं इनहां पासों किसी आशा ते आदरश दी पूरती दी उमैद करनी निसफल है, वेला है कि सभ हिंदुसतान दे वासी चंम-सच्च थीं उदास हो के ते चंम-खुशी नूं मंद भाग वांग छड्डण दी खो पाण लग्गण, मते कुदरत दे खेत्र विच्च मुड़ गुंम हो जाण नाल, मते दरद दे डूंघे सच्च दा इनहां नूं भी मुड़ अनुभव होवे ते जीवन घर दे सुच्चे ते सादे पिआरां उप्पर मुड़ आ जावे ते इंना सच्चा घर होवे, कि उहदी रछिआ लई वतन दा सुफना कदी सानूं आण लग्गे !!