किसे वी संसथा दे संविधान दे पास अते लागू होण दी मिती, महीना अते साल उसदे शुरू विच्च दरज हुंदा है। समें-समें संविधान विच्च होईआं सोधां दी मिती अते साल वी दरज हुंदा है। पंजाबी साहित अकाडमी, लुधिआणा दे संविधान उपर इस दे लागू होण दी मिती दरज नहीं है। इस लई पक्के तौर 'ते इस दे लागू होण दी मिती बारे कुझ नहीं आखिआ जा सकदा। संविधान दे नियम 3(अ) तों इसदे लागू होण दी मिती अते साल दा अंदाज़ा लगदा है जो कि 01.10.1956 दे लगभग बणदा है।

करीब 57 साल पहिलां बणिआ संविधान आपणे समें दीआं लोड़ां अनुसार सही बणिआ होवेगा। पर पिछ्छों समें दी लोड़ अनुसार समें-समें सोधां नां होण कारन जां सवारथी हित्तां दी प्रापती लई होईआं सोधां कारन, अज्ज-कल्ल्ह संविधान दी भरपूर दुरवरतों होणी शुरू हो गई है। विगड़दी-विगड़दी सथिती इत्थों तक्क निघ्घर चुक्की है कि जे हुण वी पंजाबी साहित, भाशा अते सभ्भिआचार दी रख्खिआ दे फ़िकरमंद बुध्धीजीवीआं वल्लों सही दिशा वल्ल कदम नां पुट्टे गए तां उह दिन दूर नहीं जदों पंजाबी साहित अकाडमी दा प्रबंध पूरी तरहां लोटू किसम दे सिआसी प्रविरतीआं वाले विअकतीआं दे हत्थां विच्च आ जावेगा अते पंजाबी भवन वरगी विशाल/कीमती अते सुंदर इमारत कौडीआं दे भाअ विकणी शुरू हो जावेगी।

संविधान दे पहिले नियम (मनोरथ) तों लै के आख़री नियम (अकाडमी दी संपती) तक्क विच्च घाटां महिसूस कीतीआं जा रहीआं हन। समें दी लोड़ इहनां ऊणताईआं नूं समझ के, संविधान विच्च सोधां कर के, आपणे उदेश तों भटकी अकाडमी नूं सही दिशा वल्ल मोड़न दी है।

संविधान दे कुझ्झ महत्तवपूरन प्रावधानां दी वरतमान सथिती, ऊणताईआं, इहनां दी हो रही दुरवरतों अते लोड़ींदीआं सोधां दा वेरवा इस तरहां है:- अकाडमी दी मैंबरी (नियम 3)

संविधान दे नियम नंबर 3 अनुसार, अकाडमी दे मैंबरां नूं पंज श्रेणीआं विच्च वंडिआ गिआ है। इह श्रेणीआं हन (ओ) 'सरप्रसत', (अ) मोढी मैंबर, (ए ) संसथाई मैंबर, (स) जीवन मैंबर अते (ह) आनरेरी मैंबर।

इहनां पंजां श्रेणीआं विच्चों, दो श्रेणीआं बहुतीआं महत्तवपूरन नहीं रहीआं/हन। इस लई इहनां दा ज़िकर पहिलां करना उचित होवेगा।

1. मोढी मैंबर:- संविधान दे नियम 3(अ) अनुसार, "उह सारे विअकती जिहनां नें 30.09.1956 तक्क 105/- रुपए (समेत पंज रुपए दाखला फीस दे) पेशगी जमहां करवाए" हन अकाडमी दे मोढी मैंबर हन। मिती 30.09.1956 नूं लंघिआं करीब 57 साल हो गए हन। इहनां मोढी मैंबरां दी, अज्ज दे दिन घट्टो-घट्ट उमर 80 साल बणदी है। अकाडमी दी मारच, 2012 विच्च छपी मैंबर सूची अनुसार, उस समें, मोढी मैंबरां दी गिणती केवल 17 सी। हुण इहनां विच्चों दो मैंबर सानूं विछोड़ा दे गए हन। बाकी बचदे 15 मैंबरां विच्चों 6 मैंबरां नाल अकाडमी दा लंबे समें तों कोई राबता नहीं है। पता नहीं इह सतिकारयोग मोढी मैंबर जीवत वी हन जां नहीं। उमर दे पक्क जाण कारन बाकी बचदे 8/9 मैंबरां दी अकाडमी दीआं सरगरमीआं विच्च हिस्सा लैण दी बहुती संभावना/सरीरक शकती नहीं है।

2. आनरेरी मैंबर:- संविधान दे नियम 3(ह) अनुसार उह विअकती जिसदी स्रेशठ साहितक प्रापती होवे जां पबलिक जीवन विच्च विशेश पदवी होवे, आनरेरी मैंबर बण सकदा है। अजिहे विअकती नूं मैंबर बणाउण दी सिफारिश पहिलां अंत्रिंग बोरड करदा है। फेर बहुमत नाल जनरल काऊंसल उसनूं प्रवानगी दिंदी है। धारीवाल अवारड प्रापत कर चुक्के लेखक, जे अकाडमी दे पहिलां ही जीवन मैंबर नां होण तां उहनां नूं आनरेरी मैंबर समझिआ जांदा है।

संविधान दे इसे नियम अनुसार आनरेरी मैंबरां दी गिणती किसे वी समें 11 तों वध्ध नहीं हो सकदी अते "आनरेरी मैंबर नां तां वोट दा अधिकारी होवेगा अते नां ही चोण विच्च हिस्सा लै सकेगा।"

नोट:- अकाडमी दी मारच, 2012 विच्च छपी मैंबरां दी सूची अनुसार, उस समें आनरेरी मैंबरां दी गिणती केवल 9 सी। इहनां विच्चों 8 मैंबर धारीवाल सनमान प्रापत करन कारन आनरेरी मैंबर बणे हन। दो मैंबर विदेशां विच्च रहिंदे हन। इक्क आनरेरी मैंबर बाल लेखक है।

इहनां तत्थां तों सपश्शट है कि इस श्रेणी दे मैंबरां दी दिलचसपी अकाडमी दे कंम-काज विच्च नां-मातर है।

3. 'सरप्रसत':- हर संसथा नूं सेध अते सुचज्जी अगवाई लई सुघड़-सिआणे 'सरप्रसतां' दी लोड़ हुंदी है। उस समें दे संविधान घाड़िआं वल्लों वी इह लोड़ महिसूस कीती गई होवेगी। संसथा दी माइक हालत नूं मज़बूत रख्खण लई अजिहे धनाढ विअकतीआं दी 'सरप्रसती' दी वी ज़रूरत हुंदी है जो सिध्धे तौर 'ते संसथा दीआं गतीविधीआं नाल भावें नां जुड़े होण पर आपणी धन दौलत नाल संसथा दे मनोरथां दी प्रापती लई योगदान पा सकण दे समरत्थ होण। उस समें दे संविधान घाड़िआं वल्लों सुहिरद धनाढ 'सरप्रसतां' दी लोड़ वी महिसूस कीती गई होवेगी। इसे कारन असाहितक विअकतीआं नूं अकाडमी नाल जोड़न लई इस नियम नूं घड़िआ गिआ होवेगा।

अकाडमी दे 'सरप्रसत' मैंबर बणन दा प्रावधान संविधान दे नियम 3(a) विच्च दरज है।

'सरप्रसत मैंबरां' नूं अगांह दो श्रेणीआं विच्च वंडिआ गिआ है। इह श्रेणीआं हेठ लिखे अनुसार हन।

(a) सरप्रसत (इस श्रेणी नूं 'शाहूकार सरप्रसत' दा नां देणा उचित्त होवेगा):-

वरतमान सथिती

1. शाहूकार 'सरप्रसत' बणन दी शरत:- संविधान दे नियम 3(a)(1) अनुसार शाहूकार सरप्रसत बणन लई केवल इको शरत है। उह है 21,000/- रुपए अकाडमी नूं भेटा करना।

2. 'सरप्रसतां' दी गिणती दी सीमा:- कोई नहीं।

3. प्रापत अधिकार:- नियम 3(a)(1) अनुसार "अजिहे विअकती जनरल काउंसिल दे मैंबर होणगे।" जनरल काऊंसल दे मैंबर होण दे नाते इहनां मैंबरां नूं चोण प्रक्रिआ विच्च हिस्सा लैण दा अधिकार प्रापत है।

4. बंदिश:- इस श्रेणी दे 'सरप्रसत' अकाडमी दे अहुदेदार नहीं बण सकदे।

(अ) आनरेरी सरप्रसत:-

वरतमान सथिती:-

आनरेरी मैंबर बणन दीआं शरतां:-

संविधान दे नियम 3(a)(3) अनुसार हेठ लिखीआं शरतां पूरीआं करन वाला विअकती ही 'आनरेरी सरप्रसत' बण सकदा है:-

1. उह विअकती अकाडमी दा पहिलां अहुदेदार रिहा होवे।

2. अहुदेदार वजों निरंतर शलाघायोग सेवा कीती होवे।

3. सेवा नाल अकाडमी दी मानता विच्च वाधा होइआ होवे।

4. आनरेरी सरप्रसत बणाउण दी तजवीज़ जनरल काऊंसिल वल्लों बहुमत नाल प्रवान होवे।

गिणती:- इसे नियम अनुसार इस श्रेणी दे सरप्रसतां दी गिणती पंज तों वध्ध नहीं हो सकदी।

प्रापत अधिकार:- इस श्रेणी दे सरप्रसत नूं 21,000/- रुपए देण तों छोट है। पर जनरल काउंसिल दी मैंबरशिप प्रापत हुंदी है।

(वि) बंदिशां:- आनरेरी सरप्रसत नां चोणां विच्च हिस्सा लै सकदा है अते नां ही अहुदेदार चुणिआ जा सकदा है।

नोट:-अकाडमी दी मारच, 2012 विच्च छपी मैंबर सूची अनुसार, उस समें, सरप्रसतां दी गिणती 150 सी।

4. संसथाई मैंबर:- संविधान दे नियम 3(e) अनुसार "पंजाबी साहित ते सभ्भिआचार नाल जुड़ी कोई संसथा" जां यूनीवरसिटी वी अकाडमी दी मैंबर बण सकदी है। मैंबर बणन दीआं शरतां:-

1. संसथा पंजाब/भारत तों बाहरली होवे।

2. संसथा 50,000/- रुपए यकमुशत जां 15,000/- रुपए सलाना फीस अकाडमी नूं देवे।

गिणती:- कोई सीमा नहीं।

प्रापत अधिकार:- अजिही संसथा नूं अकाडमी दी ऐगज़ैकटिव कमेटी विच्च इक्क मैंबर नामज़द करन दा अधिकार प्रापत है।

(वि) बंदिशां:- कोई नहीं।

नोट:- अकाडमी दी मारच, 2012 विच्च छपी मैंबर सूची अनुसार, उस समें, संसथाई मैंबरां दी गिणती इक्क सी। इस संसथा वल्लों श्री जनमेजा सिंघ जौहल नूं ऐगज़ैकटिव कमेटी दा मैंबर नामज़द कीता होइआ है।

(ह) जीवन मैंबर:- अकाडमी दे असली मैंबर इस श्रेणी विच्च आउंदे हन। संविधान दे नियम 3(स) अनुसार जीवन मैंबर बणन दी घट्टो-घट्ट योगता हेठ लिखे अनुसार है:- जीवन मैंबर बणन दीआं शरतां:-

1. "उस विअकती वल्लों पंजाबी भाशा, साहित अते सभिआचार नूं भरपूर अते अमीर बणाउण लई शलाघायोग हिस्सा पाइआ होवे।"

2. उह पंजाबी दी घट्टो-घट्ट इक्क "महत्तवपूरन मौलिक पुसतक जां खोज-प्रबंध" दा लेखक होवे।

3. उसदी पुसतक दा मिआर पंज मैंबरी कमेटी दी परख 'ते पूरा उतरदा होवे।

4. उह 1100/- रुपए फीस वजों जमहां करवाए।

5. उस ते पहिलां प्रधान जी दी 'मिहरबानी' होवे अते फिर अंत्रिंग बोरड दी।

गिणती:- कोई सीमा नहीं।

प्रापत अधिकार:- जीवन मैंबर अंत्रिंग बोरड अते अकाडमी दा अहुदेदार चुणिआ जा सकदा है। उह अकाडमी वल्लों प्रकाशत पत्तरिका 'आलोचना' दा संपादक बण सकदा है। अकाडमी वल्लों सथापित होर कमेटीआं दा कनवीनर अते मैंबर नामज़द हो सकदा है।

(वि) बंदिशां:- कोई नहीं।

मैंबरी संबंधी नियमां विचलीआं ऊणताईआं

1. 'सरप्रसत' बणन दी इक्को-इक्क शरत 21,000/- रुपए देणा है। जिस विअकती नें कदे काइदे नूं हत्थ तक्क नां लाइआ होवे जां कलम नूं छूहिआ तक नां होवे, आपणे पैसे दे ज़ोर 'ते सिध्धा अकाडमी दा 'सरप्रसत' वरगा महत्तवपूरन पद प्रापत कर सकदा है।

2. आनरेरी 'सरप्रसतां' अते आनरेरी मैंबरां दी वध्धो-वध्ध गिणती निशचित है (जो कि नां-मातर है) जदों कि 'सरप्रसतां' दी गिणती उपर कोई पाबंदी नहीं।

3. शाहूकार 'सरप्रसत' अकाडमी दे भावें अहुदेदार तां नहीं बण सकदे पर उह अकाडमी दीआं वख्ख-वख्ख कमेटीआं दे कनवीनर अते मैंबर बण के आपणी मनमरज़ी करन दा हक्क रख्खदे हन।

4. 'संसथाई मैंबर' दी परिभाशा बहुत विशाल है। नियम 3(a)(e)(2) अनुसार "पंजाबी साहित ते सभ्भिआचार नाल जुड़ी होई कोई संसथा" अकाडमी दी मैंबर बण सकदी है। इस परिभाशा अनुसार पंजाबी पुसतकां छापदे प्रकाशक आदि वी अकाडमी दे मैंबर बण सकदे हन। 15,000/- रुपए सलाना चंदा दे के अकाडमी दा मैंबर बणन वाली शरत वी बहुत नरम है। 50,000/- रुपए यकमुशत देण वाली शरत वी, अकाडमी दी ऐगज़ैकटिव नूं शाहूकार संसथावां दे नुमाइंदिआं नाल भरे जाण दा राह खोल्हदी है।

5. केवल इक्क मौलिक पुसतक जां खोज-प्रबंध दा लेखक जीवन मैंबर बण सकदा है। वोटां दी दौड़ विच्च, कोई असाहितक विअकती वी इक्क 50/60 पंनिआं दी किताब किसे मित्तर पिआरे तों लिखवा सकदा है अते आपणे किसे ऐम.फिल. दी डिगरी दे खोज कारज नूं पुसतक रूप दे के इह शरत पूरी कर सकदा है।

6. जे प्रधान दी अख्ख किसे उच कोटी दे साहितकार नाल गहिरी होवे तां उह उस साहितकार दी मैंबरी 'च रोड़ा अटका सकदा है।

7. अकाडमी दा मैंबर बणदिआं ही, मैंबर नूं वोट पाउण दा अधिकार प्रापत हो जांदा है।

8. मैंबरां दी भरती हर समें हो सकदी है। चोण लड़न दा मन बणाउंदे ही अहुदेदारी दा उमीदवार धड़ा-धड़ वोटां बणाउणीआं शुरू कर सकदा है। आख़री दिन तक्क मैंबरां दी भरती जारी रहि सकदी है।

इहनां नियमां दी दुरवरतों अते होर दुरवरतों दी संभावना

1. 'सरप्रसत' वाले लचकदार नियम दी खुॅ्ॅल्ह के दुरवरतों हो रही है। मारच, 2012 विच्च छपी अकाडमी दी मैंबर सूची अनुसार 'सरप्रसतां' दी गिणती 150 सी। गहु नाल वाचण 'ते मैनूं इहनां विच्चों इक्क वी 'सरप्रसत' अजिहा नहीं मिलिआ जिहड़ा कि 'आनरेरी सरप्रसतां' दी श्रेणी विच्च आउंदा होवे। उलटा कई सरप्रसत अजिहे नज़र आए जो अकाडमी दे फाऊंडर मैंबरां दे पोते-पोतीआं दी उमर नालों वी छोटे हन। इहनां विच्चों बहुते 'सरप्रसतां' 'च अजिही कोई विशेशता नहीं है जिहड़ी उहनां नूं अकाडमी दे अंतरराशटरी पध्धर दे साहितकारां/अरथ-शासतरीआं, जिवें कि डा. स.स. जौहल, डा. दलीप कौर टिवाणा, स. जसवंत सिंघ कंवल, डा. सुरजीत पातर आदि दा 'सरप्रसत' बणन दा अधिकार देवे। वोट बैंक वधाउण दी लालसा कारन 'सरप्रसतां' दी वध रही गिणती नाल इक्क पासे 'सरप्रसत' वरगे सतिकारयोग पद दा अनादर हो रिहा है, दूजे पासे सतिकारयोग मैंबरां दा अपमान।

2. अकाडमी दे अहुदेदार बण के, सरकारे दरबारे पहुंच बणाउण अते अकाडमी दे अहुदेदारां लई राखवीआं 'नुमाइंदगीआं' 'ते काबज़ हो के आपणे चहेतिआं नूं इनाम सनमान अते होर सहूलतां उपलब्बध कराउण दे इछ्छुक, 'अमीर उमीदवार' आपणीआं जेबां विच्चों पैसे खरच के 'सरप्रसत' वाले नियम दी दुरवरतों करके, आपणीआं वोटां दी गिणती वधाउण विच्च कामयाब हो रहे हन।

3. 'संसथाई मैंबर', वोटां दी दौड़ दे इस युग्ग विच्च, ससते भाअ ही अकाडमी दे प्रबंधकी ढांचे 'ते काबज़ हो के, अकाडमी दी सत्ता अते विशाल/कीमती इमारत उपर काबज़ हो सकदे हन। केवल 15,000/- रुपए भर के, कोई वी संसथा अकाडमी दा मैंबर बण के, आपणा नुमाइंदा ऐगज़ैकटिव कमेटी विच्च नामज़द करके, ऐगज़ैकटिव कमेटी कोलों मनमरज़ी दे फैसले करवा सकदी है। जे 10/15 अजिहीआं संसथावां इकठ्ठीआं हो जाण अते अकाडमी दे मैंबर बण के आपणे 10/15 नुमाइंदे ऐगज़ैकटिव कमेटी विच्च नामज़द करवा लैण तां ऐगज़ैकटिव कमेटी दे फैसले करन दी ताकत, चुणे होए नुमाइंदिआं दे हत्थों निकल के, इहनां संसथाई मैंबरां दे हत्थां विच्च आ सकदी है। अजिहीआं संसथावां अकाडमी दे बुक्क बाज़ार (जिसदी इक्क दुकान दी कीमत, अज्ज-कल्ल्ह दे बाज़ारी भाअ अनुसार, इक्क करोड़ रुपए दे लगभग है) 'ते कबज़ा करके लेखकां/पाठकां/मैंबरां नूं लाअन विच्च धुप्प सेकण जां पिप्पल हेठ बैठ के झुरन लई मजबूर कर सकदीआं हन।

4. चुणे होए जां प्रधान वल्लों नामज़द अंत्रिंग बोरड दी मिआद तां केवल दो साल है पर इहनां संसथाई मैंबरां दे नामज़द मैंबरां दी मिआद जीवन भर लई है।

लोड़ींदीआं सोधां:-

1. शाहूकार सरप्रसतां दी गिणती घटाई जावे। इहनां दी गिणती कुल्ल मैंबरां दी गिणती दी इक्क फीसदी तों वध्ध नां होवे।

2. सरप्रसत बणन दी घट्टो-घट्ट राशी पंज लख्ख (5,00,000/-) रुपए होवे।

3. सरप्रसत बणन दी इक्को-इक्क शरत धनाढ होणा नां हो के सरव स्रेशठ विअकती होणा वी होवे।

4. शाहूकार सरप्रसत दी मनज़ूरी वी जनरल काउंसल कोलों बहुमत नाल प्रापत करनी लाज़मी होवे।

5. शाहूकार सरप्रसत नूं अकाडमी दीआं चोणां विच्च हिस्सा लैण दी इजाज़त नां होवे। अजिहे सरप्रसत नूं अकाडमी दी किसे कमेटी आदि दा मैंबर वी नां बणाइआ जावे।

6. यूनीवरसिटीआं जां होर सरकारी विभागां नूं छड्ड के जे कोई निरोल निज्जी संसथा अकाडमी दा मैंबर बणना चाहुंदी होवे तां उसदी मैंबरशिप फीस घट्टो-घट्ट यकमुशत इक्क लख्ख (1,00,000/-) रुपए होवे। अजिही संसथा नूं सिध्धा ऐगज़ैकटिव कमेटी विच्च मैंबर नामज़द करन दा अधिकार नां होवे। संसथा नूं इक्क साधारन मैंबर वाले अधिकार ही प्रापत होण।

7. आनरेरी सरप्रसत/मैंबरां दी गिणती वधाई जावे अते उहनां नूं वोट दा अधिकार वी दित्ता जावे।

8. जे आनरेरी मैंबर/सरप्रसत साहितकार वी होवे तां उस नूं अहुदेदार दी चोण लड़न दा अधिकार वी प्रापत होवे।

9. जीवन मैंबर केवल उस विअकती नूं बणाइआ जावे जो मैंबर बणन तों, घट्टो-घट्ट पंज साल पहिलां तों लगातार साहित सिरजणा करदा आ रिहा होवे अते उस दीआं महत्तवपूरन पत्तरकावां विच्च रचनावां प्रकाशत हुंदीआं रहीआं होण। ऐम.फिल. आदि दे खोज-प्रबंध दे पुसतक रूप विच्च प्रकाशित खोज-कारज नूं 'साहितक सिरजणा' सवीकार नां कीता जावे।

10. नवें बणे मैंबर नूं वोट पाउण दा अधिकार, मैंबरशिप मनज़ूर होण दे घट्टो-घट्ट इक्क साल बाअद दित्ता जावे।

जनरल काऊंसल दे कारज अते इकत्तरतावां

जनरल काऊंसल वल्लों कीते जाण वाले महत्तवपूरन कंम

संविधान दे नियम 8 अनुसार अकाडमी दी जनरल काऊंसल वल्लों हेठ लिखे महत्तवपूरन कारज कीते जांदे हन।

1. सलाना बजट दी प्रवानगी

2. आडीटरां दी नियुकती

3. अगले साल कीते जाण वाले प्रोग्रामां अते योजनावां दी प्रवानगी

4. आनरेरी मैंबरां अते आनरेरी सरप्रसतां दे नामां नूं प्रवानगी

5. संविधान दे नियमां विच्च तरमीम दी प्रवानगी

6. उघे लेखकां नूं प्रदान कीती जाण वाली फ़ैलोशिप नूं प्रवानगी

नोट:- नियम 8(क) अते 8(ख) अनुसार, संविधान विच्च सोध अते फ़ैलोशिप लई "जनरल काऊंसल दी इकत्तरता विच्च हाज़र मैंबरां दी दो-तिहाई गिणती' दी प्रवानगी" ज़रूरी है।

जनरल काऊंसल दीआं इकत्तरतावां:-

वरतमान सथिती:- संविधान दे नियम 9 अनुसार जनरल काऊंसल दी इक्क साल विच्च घट्टो-घट्ट इक्क इकत्तरता होणी ज़रूरी है। जे वध्ध इकत्तरतावां दी लोड़ पवे तां अंत्रिंग बोरड दे मैंबरां/सधारन मैंबरां दी निशचित गिणती दी मंग 'ते विशेश इकत्तरता बुलाई जा सकदी है।

जनरल काऊंसल दीआं इकत्तरतावां संबंधी नियमां दीआं ऊणताईआं:- इस समें अकाडमी दे मैंबरां दी गिणती 1700 तों वध्ध है। अकाडमी दे कंम-काज दा घेरा वी विशाल होइआ है। अहुदेदारां दी कारगुज़ारी दी घोख पड़ताल दी अग्गे नालों वध्ध ज़रूरत है। इक्क साल बाअद इक्क इजलास आपणे मनोरथ दी प्रापती लई थोहड़ा है।

इहनां नियमां दी दुरवरतों अते होर दुरवरतों दी संभावना:-

1. पहिला इजलास:- पिछली रिवाइत अनुसार, इजलास शुरू होण तों पहिलां अंत्रिंग बोरड दी मीटिंग रख्ख लई जांदी है। पेश कीते जाण वाले बजट, अगांह कीते जाण वाले प्रोग्रामां अते योजनावां, अते जनरल सकत्तर दी रिपोरट नूं अंत्रिंग बोरड वल्लों प्रवानगी दित्ती जाणी हुंदी है। तेज़ी नाल कंम निपटाए जाण दे बावजूद वी अंत्रिंग बोरड दी मीटिंग दो-ढाई घंटे खा जांदी है। नतीजन इजलास बारां/साढे बारां वजे शुरू हुंदा है। करीब दो घंटे दा समां उपचारिकतावां निभाउण अते जनरल सकत्तर वल्लों आपणी रिपोरट पहड़न ते खरच हो जांदा है। दो/ढाई वज्ज जांदे हन। बाहरों आए मैंबरां नूं घर मुड़न दी काहल पै जांदी है। पहिले बुलारे तों ही 'गल्ल जलदी मुकाउण' दी रट शुरू हो जांदी है। गंभीर मुद्दे उठाउण वाले मैंबर नूं आपणी दलील खुल्ह के पेश करन दा मौका ही नहीं मिलदा। इस तरहां इजलास बिनां आपणीआं संविधानिक ज़िंमेवारीआं निभाए समापत हो जांदा है।

2. दूजा इजलास:- पिछली रवाइत अनुसार दूसरा इजलास चोणां वाले दिन रख्ख लिआ जांदा है। पहिले इजलास वालीआं घाटां विच्च इक्क होर घाट जुड़ जांदी है। चोण होण कारन सधारन मैंबरां अते चोण लड़ रहे उमीदवारां दा धिआन जनरल काऊंसल दी कारवाई वल्ल घट्ट चोणां वल्ल वध्ध हुंदा है। इह इजलास वी बिनां कोई महत्तवपूरन ज़ुंमेवारी निभाए, उपचारिकता दी भेंट चहड़ जांदा है।

(वि) लोड़ींदीआं सोधां:-

1. जनरल काऊंसल दे इक्क साल विच घट्टो-घट्ट दो इजलास लाज़मी होणे चाहीदे हन।

2. अंत्रिंग बोरड वल्लों आपणे फैसले इजलास तों घट्टो-घट्ट 15 दिन पहिलां करके, संविधान दी लोड़ अनुसार, जनरल इजलास दा एजंडा मैंबरां नूं घट्टो-घट्ट इक्क हफता पहिलां पुज्जदा करना चाहीदा है।

3. इजलास ठीक 10 वजे शुरू हो जाणा चाहीदा है। भावपूरत मुद्दे उठा रहे मैंबर उप्पर समें दी पाबंदी नहीं होणी चाहीदी। जे बहिस दे लंबे होण दी संभावना होवे तां इजलास नूं देर शाम तक्क चलाइआ जाणा चाहीदा है।

जनरल काऊंसल दीआं इकत्तरतावां दा कोरम:-

वरतमान सथिती:- संविधान दे नियम 13 अनुसार जनरल काऊंसल दी इकत्तरता लई "कोरम कुल्ल मैंबरां दा 1/10" होणा चाहीदा है।

जे कोरम घट्ट होवे तां मीटिंग उठा के कुझ समें बाअद मुड़ बुलाई जा सकदी है। मुड़ बुलाई मीटिंग विच्च मैंबरां दी हाज़री दी घट्टो-घट्ट गिणती दी कोई शरत नहीं है।

इस नियम दीआं ऊणताईआं:- मैंबरां दी निशचित गिणती पूरी नां होण कारन, मीटिंग नूं बरखासत करके दुबारा मीटिंग बुलाउण दा नियम 'बड़ा घातक' है। अजिहे नियम उहनां संसथावां दे संविधानां विच्च दरज हुंदे हन, जिनहां नें संसथावां नूं डिकटेटराना ढंग नाल चलाउणा हुंदा है।

इस नियम दी दुरवरतों अते होर दुरवरतों दी संभावना:- इस नियम दी दुरवरतों करके केवल 3, 4 जां 5 मैंबरां दी हाज़री वाली जनरल काऊंसल दी इकत्तरता वी आपणे 'संविधानिक फ़रज़' निभाअ सकदी है। अजिही जनरल काऊंसल बजट पास कर सकदी है, आउण वाले समें विच्च कीते जाण वाले कंमां नूं, आनरेरी मैंबरां/सरप्रसतां दे नांवां नूं प्रवानगी दे सकदी है।

संविधान दे नियम 8(क) अनुसार संविधान विच्च सोध करन लई "जनरल काऊंसल दी इकत्तरता विच्च हाज़र मैंबरां दी दो-तिहाई गिणती" दी ही ज़रूरत है। नियम 13 दी दुरवरतों करके केवल 3 मैंबरां दी हाज़री वाली जनरल काऊंसल दे दो मैंबरां दी सहिमती नाल वी संविधान दीआं धज्जीआं उडा सकदी है। पहिले संविधान नूं रद्द करके, नवें संविधान नूं लागू करके कोई अहुद्देदार, 'कुझ वी कर सकण' दी ताकत हासल कर सकदा है।

लोड़ींदीआं सोधां:-

1. मीटिंग नूं बरखासत करके दुबारा मीटिंग बुलाए जाण दा नियम रद्द कीता जाणा चाहीदा है। जनरल काऊंसल दी इकत्तरता निशचित कोरम पूरा होण बाअद ही शुरू होणी चाहीदी है। इजलास दे समापत होण तक्क निशचित गिणती पूरी रहिणी चाहीदी है।

2. जदों कोई अहिम फैसला करन लई वोटां पवाए जाण दी लोड़ पवे तां 'कोरम अनुसार हाज़र मैंबरां दे बहुमत' नाल ही फैसला लिआ जाणा लाज़मी होणा चाहीदा है नां कि 'इजलास विच्च हाज़र' मैंबरां दे बहुमत नाल।

इस नियम नूं होर सपश्शट करन लई हेठां उदाहरण दित्ती जा रही है।

उदाहरन:- जे किसे इकत्तरता समें अकाडमी दे कुल्ल मैंबरां दी कुल्ल गिणती 1700 होवे तां कोरम दी शरत अनुसार, इकत्तरता समें हाज़र मैंबरां दी गिणती घट्टो-घट्ट 170 होणी ज़रूरी है। हो सकदा है इकत्तरता शुरू होण समें गिणती 170 होवे पर कुझ समें बाअद गिणती घट्ट के 85 रहि जावे। अजिही सथिती विच्च, बहुमत 170 मैंबरां दे हिसाब नाल गिणिआ जाणा चाहीदा है नां कि हाज़र 85 मैंबरां दे हिसाब नाल। फैसले दे हक्क विच्च घट्टो-घट्ट 86 मैंबर होण नां कि 43.

जनरल काऊंसल दी विशेश इकत्तरता दी मंग:-

वरतमान सथिती:- संविधान दे नियम 9 अनुसार जे जनरल काऊंसल दी विशेश इकत्तरता बुलाए जाण दी लोड़ पवे तां जनरल काऊंसल दे घट्टो-घट्ट 25 प्रतीशत मैंबरां नूं इस संबंधी लिखती मंग पत्तर देणा पवेगा।

इस नियम दीआं ऊणताईआं:- इस समें अकाडमी दे मैंबरां दी गिणती लगभग 1700 है। इस तरहां विशेश इकत्तरता बुलाए जाण दी 'मंग घट्टो-घट्ट 425 मैंबरां वल्लों लिखती तौर 'ते दित्ती जाणी ज़रूरी है।

अकाडमी दे मैंबर केवल पंजाब जां भारत विच्च ही नहीं, सगों विशव भर विच्च फैले होए हन। अकाडमी दे 25 प्रतीशत (जाणी के 425) मैंबरां नाल संपरक करना अते फेर उहनां दे लिखती मंग पत्तर उपर दसतख़त कराउणे किंने मुशकिल होणगे, उस मुशकिल नूं 'सरप्रसत मैंबरां' दी उदाहरन लै के समझिआ जा सकदा है। 'सरप्रसतां' दी 150 दी गिणती विच्चों 72 मैंबर विदेशां विच्च रहिंदे हन अते 14मैंबर बंबई, कलकत्ता आदि वरगे पंजाबों बाहरले दूर-दुराडे शहिरां विच्च। पंजाब विच्च केवल 64 मैंबर रहिंदे हन। विशेश इकत्तरता लई इहनां 150 विच्चों, 25 प्रतीशत दे हिसाब नाल, घट्टो-घट्ट 37 मैंबरां दे दसतखत कराउणे पैणगे। विदेशां अते पंजाबों बाहर वसदे 86(72+14) मैंबरां दे दसतखत कराउणे असंभव हन। पंजाब विच्च वसदे 64 मैंबरां विच्चों ही 37 मैंबरां दे दसतखत कराउणे पैणगे। इह गिणती 'सरप्रसत' मैंबरां दी कुल्ल गिणती दी 58 फीसदी बणदी है। इह अनुपात जे सारे मैंबरां ते लागू कीता जावे तां इजलास बुलाउण लई पंजाब विच्च वसदे घट्टो-घट्ट 50 फीसदी मैंबरां दे दसतखत कराउण दी ज़रूरत होवेगी जो कि मुशकिल ही नहीं, असंभव है।

इस नियम दी दुरवरतों:- इह नियम इंना सखत है कि जनरल इजलास दी विशेश इकत्तरता बुलाई ही नहीं जा सकदी। इस नियम दी दुरवरतों करके अहुदेदार घट्टो-घट्ट इक्क साल लई मनमरज़ी कर सकदे हन।

लोड़ींदीआं सोधां:-

जे जनरल काऊंसल दी इकत्तरता नूं संविधानिक ठहिराउण लई अकाडमी दे कुल्ल मैंबरां दे 1/10 फीसदी मैंबरां दा कोरम हाज़र होणा जाइज़ है तां विशेश इकत्तरता बुलाउण लई इस तों ढाई गुणा वध्ध गिणती दी शरत तरकहीण ही नहीं, संविधान नूं डिकटेटरशिप वाली लीह 'ते पाउण वाली वी है।

इस नियम नूं तुरंत सोध के जनरल काऊंसल दे केवल 100 मैंबरां नूं विशेश इकत्तरता बुलाउण दा हक्क देणा चाहीदा है।

अकाडमी दे प्रधान वल्लों अहुदेदारां अते अंत्रिंग बोरड दे मैंबरां दीआं नामज़दगीआं

वरतमान सथिती:-

संविधान दे नियम 4(a) अते (अ) अनुसार अकाडमी दे 8 अहुदेदारां दी चोण हुंदी है। इहनां विच्चों इक्क प्रधान, इक्क सीनीअर मीत प्रधान, पंज मीत प्रधान अते इक्क जनरल सकत्तर हुंदा है। अंतिंरग बोरड दे 15 मैंबर चुणे जांदे हन। इहनां 15 मैंबरां विच्चों 2 मैंबरां नूं सकत्तर चुण लिआ जांदा है। इस तरहां अहुदेदारां दी गिणती वध के 10 हो जांदी है अते अंत्रिंग बोरड दे मैंबरां दी गिणती घट्ट के 13रहि जांदी है। चुणे होए अहुदेदारां अते अंत्रिंग बोरड दे मैंबरां दी कुल्ल गिणती 23 बण जांदी है।

1. संविधान दे नियम 4(अ)(5)(e) अनुसार प्रधान (सीनीअर मीत प्रधान ते जनरल सकत्तर दी सलाह नाल) तिंन सकत्तर नामज़द कर सकदा है। इहनां तिंनां विच्चों दो सकत्तर अंत्रिंग बोरड दे चुणे होए मैंबरां विच्चों होणे ज़रूरी हन। इक्क सकत्तर बाहरों लिआ जा सकदा है।

2. संविधान दे नियम 4(अ)(5)(स) अनुसार प्रधान (इस अधिकार दी वरतों करदे समें प्रधान नूं किसे होर अहुदेदार दी सलाह लैण दी ज़रूरत नहीं है) पंज मैंबर ऐगज़ैकटिव कमेटी लई नामज़द कर सकदा है। संविधान अनुसार नामज़द विअकती "पंजाबी भाशा, साहित ते सभिआचार नाल जुड़ीआं प्रमुख्ख शखसीअतां विच्चों" होणा चाहीदा है।

3. संविधान दे नियम 4(अ)(1) अनुसार पंज मीत प्रधानां विच्चों इक्क प्रधान अते इक्क अंत्रिंग बोरड दा मैंबर पंजाब अते चंडीगड़ तों बाहरला होणा चाहीदा है। इसे तरहां अंत्रिंग बोरड दे 15 मैंबरां विच्चों दो इसतरी मैंबरां दा होणा वी ज़रूरी है। किसे कारन जे इहनां अहुदिआं लई कोई वी बाहरला विअकती जां इसतरी चोण नां लड़े तां संविधान दे इसे नियम अनुसार, प्रधान इहनां अहुदिआं लई वी नामज़दगीआं कर सकदा है। अजिही विशेश सथिती विच्च चुणे होए मैंबरां दी गिणती घट्ट के (23-4) 19 रहि जांदी है।

नामज़द मैंबरां दे अधिकार:- नामज़द अहुदेदारां अते मैंबरां नूं अंत्रिंग बोरड विच्च लए जाण वाले फैसलिआं लई पैण वालीआं वोटां विच्च वोट पाउण दा अधिकार है। नामज़द मैंबर, अंत्रिंग बोरड वल्लों बणाईआं जाण वालीआं कमेटीआं दे मैंबर अते अहुदेदार वी नियुकत हो सकदे हन।

इहनां नियमां दीआं ऊणताईआं:- प्रधान नूं वड्डी गिणती विच्च नामज़दगीआं दा अधिकार देण वाला इह नियम इक्क पासे लोकतंतरिक प्रणाली दा मूंह चिड़ाउण वाला है अते दूजे पासे प्रधान नूं डिकटेटर बणाउण वाला। इस नियम दी दुरवरतों दे ख़तरे नूं, सथिती नूं दो श्रेणीआं विच्च वंड के समझिआ जा सकदा है।

सथिती (a):- जे पंजाबों बाहर अते इसतरी मैंबर चोण नां लड़न तां चुणे होए अहुदेदारां अते अंत्रिंग बोरड दे कुल्ल मैंबरां दी गिणती 19 रहि जांदी है। इस सथिती विच्च प्रधान नूं दो अहुदेदार (इक्क मीत प्रधान अते इक्क सकत्तर) अते 8 मैंबर (दो इसतरी मैंबर, इक्क पंजाबों बाहरला मैंबर अते पंज दूसरे मैंबर) नामज़द करन दा अधिकार प्रापत हो जांदा है। इस सथिती विच्च अंत्रिंग बोरड दे कुल्ल 29 मैंबरां विच्चों 10 मैंबर नामज़द होए होणगे।

सथिती (अ):- जे पंजाबों बाहर अते इसतरी मैंबर चोण लड़ वी लैण तां वी प्रधान इक्क सकत्तर अते पंज अंत्रिंग बोरड दे मैंबर नामज़द करदा है। इस तरहां 29 मैंबरां विच्चों छे मैंबर नामज़द होए मैंबर होणगे।

इस नियम दी दुरवरतों अते होर दुरवरतों दी संभावना:- प्रधान वल्लों अकसर संविधान विच्च दरज हदाइत नूं नज़र अंदाज करके, आपणे वोट बैंक नूं धिआन विच्च रख्ख के, नामज़दगीआं कीतीआं जांदीआं हन। गलत नामज़दगीआं हेठ लिखे भिआनक कढ्ढदीआं/कढ्ढ सकदीआं हन।

1. चुणे होए अहुद्देदारां/अंत्रिंग बोरड दे मैंबरां दी महत्तता दा नां-मातर हो जाणा

सथिती नूं चंगी तरहां समझण लई हेठ लिखीआं उदाहरनां दा सहारा लिआ जा सकदा है।

उदाहरनां:-

(a) उप्पर दरज सथिती (a) विच्च प्रधान कोल 29 विच्चों 10 मैंबर नामज़द करन दा अधिकार हुंदा है। चुणे होए 19 मैंबरां विच्चों प्रधान दी विरोधी धिर कोल जे चुणे होए मैंबरां दी 14 जिड्डी वड्डी गिणती वी होवे तां वी प्रधान आपणी मरज़ी दे 10 मैंबर नामज़द करके आपणी पारटी दी गिणती (5 तों वधा के 15) कर सकदा है अते बहुमत हासल कर सकदा है। इस नियम दी दुरवरतों करके केवल 26 प्रतीशत वोटां हासिल करन वाली प्रधान दी धिर, 74 फीसदी वोटां प्रापत करके जित्तण वाली विरोधी धिर नूं अलप मत्त विच्च पहुंचा सकदी है।

(अ) उपर दरज सथिती (अ) विच्च प्रधान कोल 29 मैंबरां विच्चों 6 मैंबर नामज़द करन दा अधिकार हुंदा है। चुणे होए 23 मैंबरां विच्चों प्रधान दी विरोधी धिर जे 60 फीसदी वोटां हासिल करके 14 मैंबर जिता लवे तां वी प्रधान दी केवल 40 फीसदी वोटां हासल करन वाली धिर 6 नामज़द मैंबरां दे बलबूते 'ते अंत्रिंग बोरड विच्च बहुमत हासिल कर सकदी है।

2. जनरल सकत्तर दी महत्तता दा नां-मातर हो जाणा

जनरल सकत्तर दा अहुदा प्रधान जिंना ही महत्तवपूरन है। जे जनरल सकत्तर प्रधान दी हां विच्च हां मिलाउण वाला नां होवे तां प्रधान इस नियम दी दुरवरतों करके आपणी मरज़ी दे तिंन सकत्तर नियुकत करके, जनरल सकत्तर दे अहुदे नूं ज़ीरो बणा सकदा है। अंत्रिंग बोरड दे चुणे मैंबरां नूं छड्ड के बाहरले किसे कठपुतली विअकती नूं सकत्तर नामज़द करके, अकाडमी दे दफ़तरी कंम-काज नूं आपणे हत्थ विच्च लै के प्रधान तानाशाही वरत सकदा है।

लोड़ींदीआं सोधां:-

1. प्रधान दी ग़ैरहाज़री विच्च कंम चलाउण लई जां प्रधान दी सहाइता लई इक्क सीनीअर मीत प्रधान अते पंज मीत प्रधान चुणे जांदे हन। जनरल सकत्तर दी सहाइता लई तिंन सकत्तरां दी नियुकती दा वी संविधान विच्च प्रबंध है। फ़रक सिरफ़ इंना है कि सीनीअर मीत प्रधान अते मीत प्रधान चोण लड़ के इह अहुदा प्रापत करदे हन जदों कि तिंने सकत्तर प्रधान नामज़द करदा है। इह नियुकतीआं अलोकतंतरिक हन। सीनीअर मीत प्रधान अते मीत प्रधानां वांग सकत्तरां दी वी चोण होणी चाहीदी है।

2. सकत्तरां विच्च कंम वंडण दा अधिकार केवल जनरल सकत्तर कोल होणा चाहीदा है।

3. जनरल काऊंसल वल्लों कीती चोण दा सनमान करदे होए, अंत्रिंग बोरड विच्च लए जाण वाले फैसलिआं समें जे वोटिंग दी ज़रूरत पवे तां वोट दा अधिकार केवल चुणे होए मैंबरां नूं ही होणा चाहीदा है। नामज़द मैंबरां नूं वोट दा अधिकार नहीं होणा चाहीदा।

4. नामज़द मैंबर नूं अंत्रिंग बोरड वल्लों बणाई जाण वाली किसे कमेटी दा कनवीनर जां मैंबर नियुकत करन 'ते पाबंदी होणी चाहीदी है।

5. नामज़दगीआं दा अधिकार प्रधान दी थां, समुच्चे अंत्रिंग बोरड नूं होणा चाहीदा है।

होर प्रावधान:-

(a) अहुदेदारां/अंत्रिंग बोरड मैंबरां दीआं निरंतर वारीआं दी गिणती:-

वरतमान सथिती:- संविधान दे नियम 4(a)(2) अनुसार कोई वी चुणिआ होइआ अहुदेदार, इक्क अहुदे ते निरंतर तिंन वारीआं तक्क टिकिआ रहि सकदा है। इस तरहां, इक्क वारी छड्ड के, फेर तिंन वारीआं लई उस अहुदे 'ते चुंिणआ हो सकदा है।

अंत्रिंग बोरड दे मैंबर ते अजिही कोई शरत नहीं है, मतलब इह कि कोई विअकती उमर भर लई अंत्रिंग बोरड दा मैंबर बणिआ रहि सकदा है।

इस नियम दीआं ऊणताईआं:- लगातार 6 साल लई अहुदेदार बणे रहिण दी लालसा, अहुदेदारां नूं अकाडमी दे मनोरथां दी प्रापती लई कंम करन दी थां आपणे वोट बैंक नूं पक्का करन वल्ल रुचित रख्खदी है।

इस नियम दी दुरवरतों अते होर दुरवरतों दी संभावाना:- अहुदेदारीआं दे सवाद नूं चखदे रहिण लई, अहुदेदार आपणे अते आपणे कट्टड़ समरथकां दे पुत्तर/पुत्तरीआं, पती/पतनीआं, शागिरदां नूं अकाडमी दे 'सरप्रसत मैंबर' बणा रहे हन। नतीजन प्रतिशठत चिंतक, बुध्धीजीवी अते साहितकार अणगौलिआ महिसूस करके अकाडमी तों किनारा कर रहे हन। अकाडमी विच्च सनअतकारां अते सरमाएदारां दा बोलबाला वध्ध रिहा है।

अंत्रिंग बोरड दे कई मैंबर 10-10 टरमां तों आपणे अहुद्दिआं नाल चिंबड़े होए हन। नवें मैंबरां नूं आपणी कुशलता दिखाउण दा मौका नहीं मिलदा।

लोड़ींदीआं सोधां:-

1. चुणिआ होइआ अहुदेदार, इक्क अहुदे ते दो वार तों वध्ध नियुकत नहीं रहिणा चाहीदा। दोहां नियुकतीआं विचकार घट्टो-घट्ट इक्क वारी (दो साल) दा अंतर होणा चाहीदा है।

2. इहो शरत अंत्रिंग बोरड दे मैंबरां उपर वी लागू होणी चाहीदी है।

(अ) पंजाबों बाहरले अहुदेदार/अंत्रिंग बोरड दे मैंबर दी चोण:-

वरतमान सथिती:- संविधान दे नियम 4(अ)(1) अनुसार अकाडमी लई चुणे जाण वाले पंज मीत प्रधानां विच्चों इक्क मीत प्रधान अते अंत्रिंग बोरड दे पंदरां मैंबरां विच्चों इक्क मैंबर पंजाब अते चंडीगहड़ तों बाहर दा रहिण वाला होणा चाहीदा है।

इस नियम दी ऊणताई:- इस नियम विच्च इह सपश्शट नहीं है कि चोण लड़न वाला उमीदवार कदों तों पंजाब तों बाहर रहि रिहा होवे।

इस नियम दी दुरवरतों अते होर दुरवरतों दी संभावना:- नियम दे असपश्शट होण कारन, केवल कुझ अरसा पहिलां ही असथाई तौर 'ते पंजाबों बाहर जा के वसे जां नौकरी लग्गे विअकती, इहनां अहुदिआं 'ते सरब-संमती नाल जां नां मातर दा विरोध सहि के, अहुदेदार/मैंबर बणदे आ रहे हन। सच्चमुच्च पंजाबों बाहर वसदे विअकतीआं नूं इस रिआइत दा लाभ उठाउण दा मौका ही नहीं मिलदा।

लोड़ींदीआं सोधां:-

1. पंजाबों बाहर चुणे जाण वाले मीत प्रधान अते मैंबर 'ते इह शरत होवे कि उह पंजाब तों बाहर जंमिआ पलिआ अते चोण समें वी पंजाबों बाहर ही रहि रिहा होवे।

2. जे इह शरत संभव नहीं तां घट्टो-घट्ट पंजाबों बाहरला मैंबर 20/25 साल तों पक्के तौर 'ते पंजाब तों बाहर रहिंदा होवे। उसदा पंजाब विच्च कोई होर कारोबार जां आपणी पक्की रिहाइश नां होवे।

3. विदेशां विच्च जां पंजाबों बाहर वसदे मैंबरां नूं वी, किसे आधुनिक तकनीक दा प्रयोग करके, वोट पाउण दा अधिकार दित्ता जाणा चाहीदा है।

समें दी मंग

इस दसतावेज़ नूं आधार बणा के अकाडमी दे मैंबरां विचकार सुहिरदता अते गंभीरता नाल मंथन होणा चाहीदा है। नियम 8(क) विचले प्रावधान दी वरतों करके, इस विशेश मंतव लई जनरल काऊंलस दी इकत्तरता बुला के, सरब-संमती नाल बणी राए अनुसार सोधां करके, पंजाबी साहित्त अकाडमी नूं तबाही वल्ल जाण तों रोकणा चाहीदा है।

---------------------------------------------------

विशेश नोट-

कानूंन दा सहारा लै के सटेट ते साधन संपंन लोकां वल्लो सताए साधारन लोकां दीआं कानूंनी समस्सिआवां नूं सुलझाउण लई, हरीश राए ढांडा अते मित्तर सैन मीत वल्लो विकटम वैलफेअर सुसाइटी दा गठन कीता गिआ है, इस संसथा वल्लो लेखकां अते साहितक पत्तरकावां दे संपादकां नूं साहितक सिरजणा सबंधी दरपेश कानूंनी औकड़ां नूं सुलझाउण लई मुफत कानूंनी सहाइता दित्ती जाइआ करेगी लोड़ पैण ते साहितकार इहनां कानूंनदानां नाल हेठ लिखे फोन/पते ते संपरक कर सकदे हन :

333, लाइरज चैबर कंपलैकस-1 2036, कोरट कंपलैकस लुधिआणा, फोन : 98141-86702 , फोन : 98556-31777