पंजाबीआं नूं संसार दे वधीआ किसान अते जवान समझिआ जांदा है। गुरू नानक साहिब दे उपदेशां अनुसार उह किरत करनी, वंड छकणा अते नाम जपण विच्च विशवास रख्खदे सन। पर पता नहीं किस दी नज़र लग्ग गई कि पंजाबी हुण हौली हौली इनहां गुणा नूं तिआग किसे होर ही राह वल्ल तुर रहे हन। पंजाब विच्च भ्रिशटाचार, मिलावट अते बेईमानी पैर पसार रहे हन। दुध्ध, लस्सी, पीण वाले नशिआं वल्ल मुख्ख मोड़ रहे हन। हुण जिहड़ी नवीं बिमारी संसार नूं आपणी लपेट विच्च लै रही है, उस विच्च वी पंजाबी मोहरी हो रहे हन। इस नवीं बिमारी, जिस नूं साईबर कराईम आखिआ जांदा है, पंजाब विच्च वी पैर पसार रही है। मैनूं इह लिखण लई मजबूर इस करके होणा पिआ कि कुझ दिन पहिलां ही साडे गुआंढी परिवार नूं 17 लख्ख दा चूना लग्ग गिआ है। उनहां दा बेटा कैनेडा विच्च है। उस दिन मां घर विच्च इकल्ली ही सी। उह पहड़ी लिखी अते अधिआपक है। बेटे दी आवाज़ बणा के किसे नें उस नूं फोन कीता ते आपणी बुरी हालत बिआन करदे होए जलदी पैसे भेजण दी बेनती कीती। इत्थों तक आखिआ कि जेकर अज्ज पैसे नां पहुंचे तां उस नूं जेल्ह वी हो सकदी है। आपणा बैंक अते खाता वी दस्स दित्ता, जित्थे पैसे भेजणे सन। मां विचारी घबरा गई। बैंक विच्च जा के आपणीआं ऐफ्फ डीआं तुड़वा के बिनां सोचे समझे पैसे भेज दित्ते। रात नूं बेटे दा फोन आइआ तां मां नें पुछ्छिआ बेटा पैसे मिल गए ते तेरी मुसीबत टल गई है। बेटा हैरान सी, उस पुछ्छिआ, “किहड़ी मुसीबत, किहड़े पैसे?”

मां नें सारी विथिआ सुणाई तां उस नूं पता लग्गा कि उह ठग्गे गए हन।

कुझ दिन पहिलां मेरे नाल वी कुझ अजिहा ही होइआ। इह कहाणी नहीं सगों आप बीती है। मैनूं सवेरे कोई 10 कु वजे फोन आइआ। मैं फोन चुक्किआ ते अग्गों अवाज़ आई, “डा. रणजीत सिंघ जी बोल रहे हन?”

मैं सोचिआ मेरा कोई पाठक होवेगा। दिन विच्च अजिहे कई फोन आउंदे हन। मेरे हां कहिण ते उह आखण लग्गा, “डा. साहिब मैं तुहाडा बहुत पुराणा पाठक हां, वैसे तुहाडा बेटा कित्थे कंम करदा है।”

मैनूं जापिआ मेरा कोई जाणू होवेगा, इस करके मैथों दस्सिआ गिआ। इत्थे इह दस्सणा वी उचित होवेगा कि उह ठेठ पंजाबी बोल रिहा सी। उस अग्गों दस्सिआ कि मैं दिल्ली पुलिस तों बोल रिहा हां, तुहाडा बेटा इक्क गंभीर केस विच्च फस गिआ है। जदों मैं पुछ्छिआ कि किहड़े केस विच्च फस गिआ है तां उसने दस्सिआ, “उह आपणे दफतर जा रिहा सी, राह विच्च किसे नें उस तों लिफट मंगी तां तुहाडे बेटे नें आपणी गड्डी विच्च बिठा लिआ। असीं नाके ’ते जदों कार दी तलाशी लई तां उस बंदे कोलों नशे दीआं पुड़ीआं मिलीआं। असीं उस नूं ग्रिफतार कर लिआ। पर किउंकि उह तुहाडे बेटे दी गड्डी विच्च सी, इस करके उस नूं वी ग्रिफतार करना पिआ। मैं तुहानूं इस करके फोन कीता कि तुसीं शरीफ आदमी हो, समाज विच्च तुहाडी इज़्ज़त है ते तुहाडा बेटा वी चंगे अहुदे उत्ते है। जेकर उस नूं सज़ा हो गई तां ज़िंदगी बरबाद हो जावेगी।”

मैं आखिआ, “बेटे नाल मेरी गल्ल कराउ।”

उस आखिआ, “लवो करो।”

फोन ’ते कोई रोंदा होइआ आख रिहा सी, “डैडी, मैनूं बचा लवो ते उच्ची-उच्ची रोण लग्ग पिआ। मैं उस नूं तसल्ली दित्ती कि तूं फ़िकर नां कर तैनूं कुझ नहीं होण दिंदा।”

मैं फ़ोन करन वाले नूं पुछ्छिआ कि हुण की कीता जावे, उह आखणा लग्गा, साडा साहिब परे खहड़ा है, मैं उस नाल गल्ल करदां पर तुसीं फोन बंद नहीं करना। दो कु मिंट पिछ्छों उह मुड़ आखण लग्गा, “मैं साहिब नूं बड़ी मुशकिल नाल मनाइआ, चार लख्ख मंग रिहा है।”

मैं आखिआ, “मेरे कोल इंने पैसे तां नहीं हन।”

उह कहिंदा, “तुसीं की देवोगे?”

मैं आखिआ, “मैं तां दो लख्ख ही दे सकदा हां।”

उह कहिण लग्गा, “मैं कोशिश करदा हां ...।”

थोहड़ी देर पिछ्छों आखण लग्गा, “मैं बड़ी मुशकिल नाल मनाइआ। तुसीं इंझ करो मैं तुहानूं बैंक अते खाता नंबर दस्सदा हां, हुणे पैसे भेज देवो। पर फोन बंद नहीं करना। तुसीं फ़ोन बंद कर दित्ता तां साहिब नें चलाण कर देणा, फिर मैं कुझ नहीं कर सकदा।”

उसने दवारका दे इक्क बैंक दा नंबर लिखवाइआ ते खाता धारक कोई औरत सी। खुशकिसमती समझो, मैनूं मोबाइल राहीं पैसे भेजणे नहीं आउंदे सी। मैं आखिआ, “कुझ समां लग्गेगा मैं आपणे बैंक जाके पैसे भेजदा हां।”

उह आखण लग्गा, “इंनी देर साहिब नें उडीक नहीं करनी, पैसे हुणे भेजो नहीं तां चलाण भरिआ जावेगा।” मैं बेनती कीती, मैनूं फ़ोन राहीं पैसे भेजणे नहीं आउंदे, मेरी मजबूरी है। उह आखण लग्गा कि गवांढी राहीं भिजवा देवो। मेरी मजबूरी सी। उह नां मंनिआ ते मैनूं शक्क हो गिआ, मैं आख बैठा, “जिस तरहां तुसीं कर रहे हो मैनूं तां फराड लगदा है।”

इह सुण उस फोन बंद कर दित्ता। उदों ही मैं आपणे बेटे नूं फोन मिलाइआ। जदों उस दस्सिआ कि उह तां आपणे दफतर विच्च है ते अजिही कोई घटना नहीं होई तां मैं शुकर कीता कि मैं आपणे आप नूं कोसदा हुंदा सां कि मैनूं मोबाइल राहीं पेमैंट करनी नहीं आउंदी, सिख्खणी चाहीदी है पर उस दिन पेमैंट करनी नां आउणी मेरे लई वरदान बण गई।

कुझ दिन पहिलां रात दे दस कु वजे वटसअप ’ते फोन आइआ। मेरे हैलो आखण ते दूजे पासिउं इक विअकती बोलिआ, “मामा जी सति स्री अकाल, मैं कैनेडा तों बोल रिहा हां। पछाणिआ मैनूं?”

मैं आखिआ, “कोशिश कर रिहां पर याद नहीं आ रिहा।”

उहने किहा, “कोशिश करो।”

मेरी इक्क दूर दी भैण दे बच्चे उत्थे रहिंदे हन। मैं सोचिआ, उही होणगे।

“मैं कुलवंत बोल रिहां। ... मामा जी तुसीं पछाण लिआ।”

“मिलिआं बहुत साल हो गए, इस उमर विच्च कित्थे याद रहिंदा।”

“उह होर मामा जी, मामी जी ठीक हन?”

मैं, “बिलकुल ठीक हन।”

“मामा जी, मेरा इक्क कंम करो ...।”

“दस की करना?”

“मैं तुहानूं कुझ पैसे भेजणे हन आपणा बैंक दा नंबर भेजो।”

“मैनूं किउं भेजणे हन आपणे घरदिआं नूं भेज।”

“नहीं, मैं उनहां नूं नहीं भेजणे, मैं अगले महीने आउणा ते तुहाडे तों लै लवांगा।”

“नहीं बई, मैं बुढ्ढे बारे इस झंजट नहीं पैणा। नाले मैनूं हुण खाता नंबर वी ज़ुबानी याद नहीं है।”

“पलीज़ मामा जी, इंझ नां करो। मैनूं तुहाडे नाल बहुत लगाव है।”

“मेरी मजबूरी है। इस वेले रात नूं मैं पास बुक्क कित्थों लभ्भदा फिरांगा।”

“अछ्छा मामा जी मैनूं तां तुहाडे ’ते बहुत उमीद सी।”

“मेरी मजबूरी है बेटा, सति स्री अकाल।”

शाइद मैं नंबर दस वी दिंदा पर कोशिश करन ’ते वी मैनूं आपणा खाता नंबर याद नहीं रहिंदा किउंकि हुण काफी लंबे नंबर हो गए हन। इत्थे वी मेरी याददाशत दी कमज़ोरी मेरी सहाइक बणी।

पर पंजाबीआं दा इस पासे तुरना बहुत ही बुरा है। दुनीआं दा शाइद ही कोई अजिहा भैड़ होवेगा जिस नूं साडी नवीं पीहड़ी नहीं अपणा रही। विदेश तों नित्त खबरां मिलदीआं हन, जिनहां तों पंजाबी मुंडिआं अते कुड़ीआं वल्लों नशा तसकरी, गुंडागरदी अते गलत कंम करन बारे जाणकारी प्रापत हुंदी है। जित्थे पंजाबी विदेशां विच्च विउपार, खेती, पहड़ाई अते राजनीती विच्च मल्लां मार रहे हन, उत्थे कुझ बंदिआं दे गलत कारनामे कौम नूं बदनाम करदे हन।

* *