बैठ के
हार मंन लैण
ते बैठ जाण विच
किंना सुख है
कुझ वी करना नहीं पैंदा
वगदे दरिआ दी
चाल दिसदी है
बुकल विच धड़कदा
दिल सुणदा है
इकबालीआ बिआन
सच्च बोलण लई नां कहि
बहुत औखा है
आरा चलदा है दिल ते
इस सचाई नूं देखणा
इंझ है जिवें तुसीं
आपणे बच्चे दी लाश नूं देखणा होवे
दिल दुखेगा बहुत
जिवें कोई मोरी चों देखे
महिबूब नूं
किसे होर दे बिसतर च
जिवें किसे बच्चे नूं पता लग्गे
कि पिओ
उस दा असली पिओ नहीं है
जां कोई अचानक जाणे
कि पतनी उस दी
काल गरल है
मैं तां फड़न लग्गा सां
सिनेमे दी सकरीन नूं
कोई जोशीला दरशक जिवें
आपणी सीट तों उठ पैंदा है
जां कोई भोला प्रसंशक
रजनीकांत दा
मंदर बणाउंदा है
मैं इस लील्हा नूं
सच्च जाण बैठा सां
मैनूं की जाणा
इह रौशनीआं दा अदभुत्त खेल्ह
मैं ऐवें गंभीर हो गिआ सां
जोग
कि देख के मख्खी निगल जावां
कि बिनां सुंन कीते
अपरेशन करवा लवां
कि वेसवा नाल
विआह करवा लवां
तेरा ऐसा जोग है
मैनूं पता नहीं सी
मैं तां आसणां नूं जोग समझदा सां
ऊणा मन
मन वी कैसा खूह है
जिंना भरां ओना
होर खाली हुंदा है
नां इह चीज़ां नाल भरदा
नां खाहशां नाल
इस नूं भरे बगैर
किवें आवां तेरे कोल
की इस नूं लंघ आवां
टप्प आवां
की इस नूं रहिण देवां
इवें ही
खाली खाली
मेरे ऊणे मन नाल मैनूं
की तूं कबूल कर लवेंगा
तुरना
तुरना सिख्ख रिहा हां फेर
जिवें कंडा कढ्ढे बगैर तुरना होवे
दरद दे थमण दी जिवें
उमीद नां होवे
मंज़िल कोई नां होवे
पर तुरदे जाणा होवे
जिवें कोई वी आपणा नां होवे
ते फेर वी जिऊणा होवे
जिवें किसे दा मन देख लओ
बिनां कपड़िआं दे
ते ऐवें अख्खां फेर लओ
जीवन दी भ्रांती नू देखके
जिवें अणडिठ कर देणा होवे
वापसी तों बाअद
मैं तेरा अकार लभ्भ रिहा सां
तेरा चिहरा पछाण रिहा सां
तैनूं पकड़न तुर पिआ सां
मैं अणजाण नें
पाणी दे फरश ते
पैर धर दित्ता
मैं नहीं सां जाणदा
मुहब्बत ऐनी तरल है
निराकार
जिस च तुसीं
सिरफ डुब्ब सकदे हो
पकड़ नहीं सकदे
नहीं जाणदा सां
मुहब्बत कोई नुकता नहीं
मौजूदगी है
तुसीं डुब्बदे हो जिस विच्च
हौली हौली
ते लीन हो जांदे हो
इह अवसथा
इस अवसथा दा
की बिआन करां
अग्गे जाण तों
डर लगदा है
पिछे मुड़न लई
मन नहीं करदा
सोचदां
पिछे मुड़ जावां
पिछे मुड़न विच
मौज बड़ी है
पर कुझ है
जो मैनूं खिच रिहा है
खिची जा रिहा है
फेर सोचदां
खिच लैण दवां
जोर ला लैण दवां
जद तक्क
तिड़क नहीं जांदा
नंगा मन
तन ढक लवांगा
लुको लवांगा
मन नूं किवें ढकां
असमान वल्ल
इस दा मूंह खुल्हा है
सभ कुझ तां दिखदा है
हर खिआल
हर भाव
कच्च दे गिलास विच
पाणी दी तरां
सभ तों लुका लवांगा
इस मन नूं
असमान तों किवें लुकावां
रुक जा हाले
कुझ पीक
अजे होर बाकी है
मन दी जां तन दी
इस नूं निकल लैण दे
तन नूं धुल लैण दे
मन नूं निखर लैण दे
दरद नूं थम लैण दे
किथे बिठावांगा तैनूं
इस दुखदे मन विच
इस गंधले तन विच
इस नूं झाड़ लैण दे
निचोड़ लैण दे
ज़रा कु होर रुक जा
पीक अजे मुक्की नहीं है मन दी
मोड़ दे
दरद इह
वापिस लै लै आपणा
मैनूं मेरा यकीन मोड़दे-
सारीआं दुनिआवी सचाईआं च
शबदां च
चिहरिआं च
ते तेरे विच
मैं दुनीआ नूं फेर
उवें देखणा चाहुंदां
जिवें इह
मेरी बेटी नूं दिसदी है
जिवें रंग फिटण तों पहिलां
कप्पड़ा हुंदा है
जिवें कुआरी नूं यकीन हुंदा है
आपणी पवितरता ते
जिवें दा मां मेरी नूं
मेरे ते यकीन सी
6 फरवरी, 2010
ज़खम
चाहे मिल लै, चाहे विछड़ लै
तूं दुखदे रहिणा है
इह ज़खम
नां फटदा है नां हटदा है
चंगा हुंदा जे मैं
इस मोड़ तों नां लंघदा
मैनूं इह इलम नहीं सी कि
चुक्के कदम
वापिस नहीं हुंदे
कि असमान चों
कुझ डिलीट नहीं हुंदा
मेटण दी कोशिश करदां
इक इक पैड़
हर निशान
पर मिटदा किथे है
सिरफ ढकिआ जा रिहा है
गहिरीआं परतां हेठ
इह वी कैसा नियम है
तूं मिलके वी दुखणा है
ते विछड़के वी
इस बेबसी दा
मैं की करां
सरोदी टप्पे
ऐवें जग्ग दी हसाई है
ऐवें सानूं हौल पिआ
ऐवें अख्ख भर आई है
औखे दिल दे उबाले नें
जिहड़े तेरे शहिर वसण
उह करमां वाले नें
इह धरती संदेशां दी
यारा तैनूं धुप्प नां लग्गे
रहे छां दरवेशां दी
इह पैंडा भारी ए
जीहने साडे लेख लिखे
कोई रब्ब दा लिखारी ए
लग्गे दुआ फकीरां दी
आपां जिहड़े मोड़ मिले
कोई बात लकीरां दी
तेरी याद दा तराना है
लोकां भाणे घुग्ग वसदा
साडा शहिर वीराना है
जो आपणिआं कीती है
कागज़ां ते की लिखीए
जो दिल ते बीती है
इह की रब्ब दा भाणा है
आपे असां रो लैणा,
आपे चुप कर जाणा है
इही जीवन रुख्ख दा है
निंमी निंमी याद वगदी
दिल हौले हौले दुखदा है
इहदा चंद ते टिकाणा है
सिर उतों लंघके गिआ
कोई दरद पुराणा है
तेरी चंन तों दूर गली
तक्क लै धुप्प रंगीए
नैणां चों शाम ढली
की कहिर इशारे दा
बद्दलां ते रंग खिंडिआ
तक्कणी दे मारे दा
नें मिआनां गिआन दीआं
तक्क लिशकोरां तूं
रूहां दी शान दीआं
कुझ दिल तों भारा नहीं
डुब्बीए लहिरां विच
इथे कोई किनारा नहीं
की कहिणा कागां नूं
दिल दा दुख दस्सीए
खामोश चिरागां नूं
गीत
झीलां वाला देस
गहिरे गहिरे सागर ओहले, झीलां वाला देस
दिल नूं कैसा दरद दे गिआ, झीलां वाला देस
शामां वांगूं जोगण बैठी, अग्ग सुनहिरी बाल
उमर विछा के जोगी बहि गए, भुलके आपणी भाल
चल्ले सी जिहड़े मन दे जंगल, मोढे लै के खेस
झीलां वाला देस
राहां दी इस भाल भाल विच्च, अध्धी लंघी रात
एस जनम विच्च मुक नीं सकणी, तेरी मेरी बात
कई जनम तक्क मिलदे रहिणा, बदल बदल के भेस
झीलां वाला देस
ढोअ दित्ती सी मन दी कुटीआ, भुल के सभ निरवाण
संझ वेले जद मुड़न परिंदे, लभ्भिआ दिल दा हाण
तेरे लई जो जगे नें दीवे, जगदे रहिण हमेश
झीलां वाला देस
दिल दे अंदर चलदा रहिणा, मठ्ठा मठ्ठा राग
छुह तेरी नें झोली पाई, सारी उमर दी जाग
तेरी बाझों थोहड़ी थोहड़ी, सभ दुनीआ परदेस\
झीलां वाला देस
की मिलणी इह, की चौराहा, की समिआं दी चाल
संझ दे वांगूं घुलिआ जावे, तेरा मेरा हाल
नज़रां अग्गे डिग्ग डिग पैंदे, काले काले केस
झीलां वाला देस
खामोश कहाणी
नींदां दे विच्च जागदी, कोई याद पुराणी
शांत तलां दे हेठ जो, खामोश कहाणी
कोई आइआ हत्थ दीवा फड़के
अख्खीआं दे विच्च चानण भरके
पहिली वारी सीना धड़के
सांभ लिआ असीं ओहला करके
अध्धी रात उडीक दी, असां पूरी माणी
शांत तलां दे हेठ जो, खामोश कहाणी
छुट गिआ जो राहां दे विच्च
घुल गिआ उह साहां दे विच्च
खाली जिहीआं निगाहां दे विच्च
खुल्हीआं रहि गईआं बाहां दे विच्च
बंदे दी तकदीर इक्क, अख्खीआं दा पाणी
शांत तलां दे हेठ जो, खामोश कहाणी
इह जीवन जिवें जल दी धारा
दूरों दूरों दिसे किनारा
अंबरां चों कोई करे इशारा
पर हाले नहीं पार उतारा
लहिरां वांगू जागदी, कोई शैअ मरजाणी
शांत तलां दे हेठ जो, खामोश कहाणी
सूरज चहड़दा सूरज लहिंदा
बंदा वी बस्स चलदा रहिंदा
जो चुपां विच्च डुब्ब गिआ है
कुझ्झ नां बोले, कुझ्झ नां कहिंदा
जिस दे अंदर लहि गई, इह उस नें जाणी
शांत तलां दे हेठ जो, खामोश कहाणी
सुत्ते सरवर छेड़
साडी रूह नूं चहड़ी सवेर
नी आके सुत्ते सरवर छेड़
चुंम लै मेरे नक्क दी कुंबल
कंबदे बुल्ह नूं पलक छुहा जा
नज़म दे सारे झाड़दे अख्खर
इस अंदरली रिशम दिखा जा
सानूं लिआ तड़फां नें घेर
नी आके सुत्ते सरवर छेड़
पोटिआं विच्चों झरे रौसनी
सुत्ता सुत्ता जिसम जगा लै
आ उतरिआ ठुमक ठुमक नीं
मेरे सुच्चे मन विच्च नहा लै
नां इह तीरथ होणा फेर
नी आ के सुत्ते सरवर छेड़
मन दे चाअ नें पंछी पंछी
तन होइआ है कणीआं कणीआं
धुर डूंघे तक्क चहड़े नें तारे
तिप्प तिप्प मुक्कीआं रातां घणीआं
हुण किउं छुहां विच्च देर
नी आ के सुत्ते सरवर छेड़
सरघी भिज्जे अंबरों उतरन
पंछीआं वांगूं रंग दीआं लहिरां
डूंघे तलां तों हिल्लगे पाणी
कच्चिआं अंदर किंझ मैं ठहिरां
देवां छल्लां वांग बखेर
नी आके सुत्ते सरवर छेड़
तारिआं दा हार
कोई दे गिआ मैनूं तारिआं दा हार
नां इनहां दी गिणती होई,
नां इनहां नें टुटणा कोई
नां इनहां दा भार
सिर उंते पीरां दा पहिरा
अख्खीआं दे विच्च चानण गहिरा
दिल दी सुरंग हनेरी अंदर
इक्क चमकदा नूरी चिहरा
मैं वारी जोगण नार
कोई दे गिआ मैनूं तारिआं दा हार
इंझ आइआ जिवें चंन आउंदा है
अंबीआं ते जिवें रंग आउंदा है
मैं जावां उहदे झोली अड्डके
जिउं साधू कोई मंग आउंदा है
मेरा अंबरां दा सरदार
कोई दे गिआ मैनूं तारिआं दा हार
मैं भुल्ली दी उस नें जाणी
वरह गिआ रहिमत दा पाणी
हंझूआं नाल मल मल धोई
करमां दी मैली कहाणी
गिआ इक्क झलक नाल मार
कोई दे गिआ मैनूं तारिआं दा हार
की दस्सणा मैं की कहिणा है
तूं बोलीं मैं चुप रहिणा है
नां जाणा मैं पाप पुंन की
कदमां दे विच्च डिग्ग पैणा है
मैं बद्दलां दे विच्चकार
कोई दे गिआ मैनूं तारिआं दा हार
वर दे दे
वर दे दे मेरे विजोग नूं
मैं की करांगा जोग नूं
इह भटकणा है गिआनां दी
इह थिड़कणा है धिआनां दी
मैनूं रस्सी उते तोरीं नां
वर दे दईं मेरे भोग नूं
मैं की करांगा जोग नूं
वर दे दे
इह तड़फ, इह जो सेक है
इस सेक दा जो भेत है
तूं ही जाणदैं, तूं कबूल लईं
मेरी पीड़ ते मेरे सोग नूं
मैं की करांगा जोग नूं
वर दे दे
ऐवें मन नूं किते अराम नहीं
इस दरद दा कोई नाम नहीं
बांह पकड़ लै, आपे जाण लै
मेरी मरज़ नूं , मेरे रोग नूं
मैं की करांगा जोग नूं
खैर इशक दी तेरा करम है
इही भेत है इही मरहम है
मैं हैरान हां, मैं हां देखदा
इस मेल नूं, संजोग नूं
मैं की करांगा जोग नूं
इह जो मन है, इही भार है
जिवें पाणी दा अकार है
नां इह झल्लदा नां इह मंनदा
किसे वरजणा, किसे रोक नूं
मैं की करांगा जोग नूं
असमान बोलिआ
असमान बोलिआ
सुबहो शाम बोलिआ
असीं बैठ के चुबारे
तेरा नाम बोलिआ
तूं बुझारतां जो पाईआं
सानूं बुझणीआं नां आईआं
असीं जाणीआं नां रमज़ां
जो पैगाम बोलिआ
तूं ही जाणे तूं की शैअ हैं
साडे भाणे दिल दी लैअ हैं
असीं वाज दिल विच्च मारी
भगवान बोलिआ
कई जनम दी पुराणी
इह कैद दी कहाणी
बैहके नहिर दे किनारे
बलराम बोलिआ
अजे रसतिआं विच्च गुंम हां
हाले कच्चे हां गुंम सुंम हां
जिनहां बुल्हिआं नूं मिलिआ
सरेआम बोलिआ
तेरा राही
तेरे अधखुल्हे जिहे दर ते
कोई रुक गिआ राही
तूं इक्क हुंगारा भरिआ सी
थाएं मुक्क गिआ राही
तेरा राही
कोई गहिरे नैणां वाली
उहदी चाल है काहली काहली
उहदी उमर गमां नें पाली
जिहड़ी जनमां पिछ्छों भाली
उहदे हासिआं विच्चदीआं पीड़ां तेæ
बस लुट्ट गिआ राही
तेरा राही
कोई मूक सुनेहा आइआ
जिहने सुत्ता दरद जगाइआ
उहनूं फड़के सीने लाइआ
असां दिल दे विच्च लुकाइआ
उह पत्थरां वरगी चुप्प वाला
ऐवें फुट्ट पिआ राही
तेरा राही
साडा दिल सी खाली खाली
जिवें कल्ल मकल्ली टाहली
असीं रूह बद्दलां वल्ल कर ली
फेर रज्ज के झोली भर ली
जिहदा दिल कंढिआ विच्च वसदा सी
भर टुट्ट गिआ राही
तेरा राही
इह सागर मूंह नूं ला लै
इहनूं अंम्रित बूंद बणा लै
इह अध सुत्ता जिहा पाणी
इहनूं धरती वांग समा लै
तेरे मन विच पोह दी बुक्कल जिउं
इह लुक गिआ राही
तेरा राही तेरा राही
वापसी
कोई गुंमिआ राही घर आ गिआ है
भुलिआ सिरनावां याद आ गिआ है
हर दिशा विच्च, हर नगर विच देखदा
मैं पता नहीं की पिआ सां देखदा
जद टिकाइआ सीस तेरे कदम ते
गुंमिआ कोई खिआल वापस आ गिआ है
कोई गुंमिआ राही घर आ गिआ है
की पता किस किस दे अंदर देखिआ है
गुरदुआरा, मसजिद मंदर देखिआ है
दिल दे खूह विच्च दूर इक्क छोटा जिहा
टिमकणा इक्क तारा नज़र आ गिआ है
कोई गुंमिआ राही घर आ गिआ है
चिहरिआं विच्च गुंमिआ चिहरा कोई
तारिआं पिछे जिउं विहड़ा कोई
मन दे बदल हट गए जद नज़र चों
साहमणे कोई नूर दा दर आ गिआ है
कोई गुंमिआ राही घर आ गिआ है
यातरी हन तीरथां नूं नाहुण चल्ले
सिरां उते धरत ते अकाश थल्ले
खहड़ गए जद देखिआ, हैरान होए
पैरां थल्ले किधरों सर आ गिआ है
कोई गुंमिआ राही घर आ गिआ है
भुल्लिआ सिरनावां याद आ गिआ है
जोगी
नज़रां ते तिलक गिआ जो,
काहदा मैं जोगी
मन दी मैं पीड़ निचोड़ां,
करमां दा भोगी
मन चों जो उडण परिंदे
सुत्तिआं वी सौण नां दिंदे
ज़बतां दीआं कंधां तोड़न
चावां दे घोड़े छिंदे
आपे मैं तन महिकावां
आपे मन सोगी
नज़रां ते तिलक गिआ जो
काहदा मैं जोगी
नज़रां नां लभ्भणों हटीआं
हाले नां जूनां कट्टीआं
सिर ते मंडराउंदीआं रहिंदीआं
यादां जो खट्टीआं खट्टीआं
तन नूं मैं चंदन लावां
मन मेरा रोगी
नज़रां ते तिलक गिआ जो
काहदा मैं जोगी
शबदां दा रंग चहड़ाइआ
रूह अंदर रस नां आइआ
ऐवें मैं छेड़ बैठिआ
रब्ब जी इह तेरी माइआ
मेरे चों निकली गंगा
मेरे विच्च खो गी
नज़रां ते तिलक गिआ जो
काहदा मैं जोगी
मन दी मैं पीड़ निचोड़ां
करमां दा भोगी
बंदा खुदा वरगा
मिलिआ जो ढलदी शाम नूं, बंदा खुदा वरगा
कदमां च उसदे मिटण लई, लूं लूं दुआ करदा
मैं रोकिआ, मैं अटकिआ, मैं मन आपणे नूं वरजिआ
जो पिघलीआं उहदे सेक नाल, नदीआं दा की करदा
मै किस जिगर नाल सिर ते ढोंदा, इस उमर दा भार
जे आपे साजे उस खुदा लई, इंझ नां मरदा
जे पलटके नां देखदा तसवीर ज़िंदगी दी मैं
हर कदम ते हर मोड़ ते, मैं मौत तो डरदा
पाणी खहड़े ते देखिआ जद रौशनी दा नाच
जे अख्ख नां भरदा तां दस्सो, होर की करदा
पाणीआं नूं
(मां दी याद विच )
सागरां वल्ल जाण दे हुण पाणीआं नूं
पौणां अंदर घुल गए सभ प्राणीआं नूं
तूं जिनहां मावां दे दर तों आशना है
इह उनहां दे मिटण दी कोई दासतां है
देख लै अकाश वल्ल दीदार कर लै
तुर गईआं मावां दीआं सभ ढाणीआं नूं
सागरां वल्ल जाण दे हुण पाणीआं नूं
तूं नां उस दे सबर दा कोई भेत जाणे
चानणी दे सागरां नूं रेत जाणे
वेखदीआं अंबरां विच्च बैठके जो
सादीआं, सुच्चे सिदक दीआं राणीआं नूं
सागरां वल्ल जाण दे हुण पाणीआं नूं
तुर गईआं सीने च लै के दरद किंने
पुतरां दे दिल वी देखो सरद किंने
हौली हौली धात वांगू पिघलदे नें
थोहड़ा थोहड़ा दस्सदे कुझ्झ हाणीआं नूं
सागरां वल्ल जाण दे हुण पाणीआं नूं
तिड़कीआं कंधां रसोईआं थिंदीआं नें
छड्डिआं संसार सीसां दिंदीआं नें
बच्चिआं दे नावें करके तुर गईआं जो
सुखीआं सुखां ते पहड़ीआं बाणीआं नूं
सागरां वल्ल जाण दे हुण पाणीआं नूं
पीरां दीआं थावां
विच्च कालीआं बोलीआं रातां दे
रख्ख लिआ दुआवां नें
साडे सिर ते छावां रख्खीआं
पीरां दीआं थावां नें
असीं कल्ल मुकल्ले राही
सानूं गम दी समझ नां आई
साडे नाल नाल रही चलदी
कोई भटकण दी परछाईं
सानूं भीड़ां विच्चों कढ्ढ लिआ
खामोश सदावां नें
साडे सिर ते छावां रख्खीआं
बिन शहिर तेरे दी फेरी
सभ जीवन घुंमणघेरी
असीं आपणीआं पैड़ां ढूंढदिआं
नें बहुत लगाई देरी
सानूं भटकदिआं नूं लभ्भ लिआ
गुंमे होए राहां नें
साडे सिर ते छावां रख्खीआं
डाढी पिआस उमर दी सारी
इह ज़िंदगी भारी भारी
जिहड़ा सदीआं पिछ्छों मिलिआ
असां उसदे सिर तों वारी
सानूं दुनीआ लुट्ट सकी नां
लुट्ट लिआ अदावां नें
साडे सिर ते छावां रख्खीआं
कंम आईआं नां तदबीरां
साडे मत्थे दीआं लकीरां
इह तंदां सभ सुलझाईआं
साडे सादे जिहे फकीरां
इह किस रसते ते तोर लिआ
हत्थ दे खुदावां नें
साडे सिर ते छावां रख्खीआं
सौं जा
सौं जा याद पुराणीए
जाह मुड़ जाह मरजाणीए
कंढिआं दा कोई वस नां चल्ले
आपणी राहे पाणी चल्ले
चुप चुपीते दिल नें कल्ले
बेबसीआं नें दर नें मल्ले
फट्टी वांगूं मिट जावें जे
दिल ते लिखी कहाणीए
सौं जां
इह मेरे राहां दी गाथा
थिड़क गए साहां दी गाथा
विछड़ गईआं बाहां दी गाथा
चुप होईआं धाहां दी गाथा
दिल दे अंदर गूंजदी
चुप जिही कोई बाणीए
सौं जा
इह अंबर खंभां तों भारी
इक्क पंछी दी मरी उडारी
उलटी पै गई मेरी वारी
लुक लुक रोवे याद वीचारी
मन दे अंदर घुल जो गिआ
किंझ ऐसा गम छाणीए
सौं जा
माला वांगू उमर परोई
साहो साही गिणती होई
तेरा मेरा वस नां कोई
सभ राहां दा मालक सोई
इह कल्लां सानूं धुर तों मिलीआं
आ इनहां नूं माणीए
सौं जा
तेरा शहिर
मेरे दिल विच्च आ गिआ
कुड़ीए तेरा शहिर
हौली हौली खा गिआ
पिंड नूं तेरा शहिर
तिप्प तिप्प करके चो गिआ
की वगदे ते ज़ोर नीं
की दा की कुझ्झ हो गिआ
मेरे मन दा मोर नीं
घुल घुल जावे शामां वांगूं
मिट मिट जावे पैड़
कुड़ीए तेरा शहिर
बूहे रहे उडीकदे
मैं बद्दलां पिछ्छे आ गिआ
सारी पीड़ उडीक दी
मीहां विच्च भुला गिआ
मां दे हत्थीं पाथीआं नें
असमानां ते गहिर
कुड़ीए तेरा शहिर
छूंहदा छूंहदा नदी नूं
मैं लहिर इक्क हो गिआ
तेरी अख्ख विच्च देखदा
अथरू बणके चो गिआ
तूं वी पाणी, मैं वी पाणी
की डुब्बण की तैर
कुड़ीए तेरा शहिर
ढले दिहाड़े याद दे
दूर बनेरे हो गए
जिहड़े दिन सी ढूंढदे
दिल दे जंगलीं खो गए
बलदे बुझदे तारिआं वांगूं
अख्खरां दे हत्थ पैर
कुड़ीए तेरा शहिर
हौली हौली खा गिआ
पिंड नूं तेरा शहिर
मेरे दिल विच्च आ गिआ
कुड़ीए तेरा शहिर
बोल
दिने रातीं याद वांगूं जगे दीविआ
हुण सौं जा तूं
धीमा धीमा मेरे वांग वगे नदीए
तेरा की टिकाणा
किवें लंघां गहिरी गहिरी मौत दी नदी
लै के दिल भारा
खत्तिआं चों दूर दूर अंबरां दे वल्ल
कोई जाण पैड़ां
अख्खां दीआं बंनीआं ते किवें रोक लां
इह उबाल दिला
उड जा बनेरे तों उदास पंछीआ
मेरी खबर लै जा
आस ते उदासी दीआं दो नदीआं
विच दिल तैरे
अख्खीआं नूं गहिरा गहिरा रंग दे गिआ
कोई जाण वाला
नदी विच वार वार छल्ल उठदी
जिवें याद आए
किंने किंने जनमां दे बाअद मिलदा
कोई दरद गहिरा
हंसां वांगूं धरती तों चुगण देवते
दिल दरद वाले