इह गल्ल बहुत सारे लोक कहिंदे सुणे हन कि पंजाब दी सरकार चलाउंदे समें आम आदमी पारटी दे आपणे अंदर उहो जिहे बथेरे ऐब आण वड़े हन, जिनहां विरुध्ध लड़न दा नाअरा लाउण ते वाअदा करन पिछ्छों इस नूं राज दी सत्ता नसीब होई सी। जदों जनता जनारधन विच्चों इहो जिही कोई आवाज़ आउंदी है तां इस नूं सुणना अते आपणे आप नूं सिध्धे राह लिआउणा जां फिर इसदे सिट्टे भुगतण लई तिआर होणा संबंधत धिर दा कंम हुंदा है। असीं इस बारे किहा वी तां समझाउण वाली तूती दी आवाज़ नगारखाने विच्च किसे नें सुणनी नहीं अते रही आम लोकां दी गल्ल, उनहां नूं दस्सण दे यतन करन दी इस लई लोड़ नहीं कि उह किसे दे दस्सण तों वध्ध आपणे हड्डीं हंढाए तजरबे तों सिख्ख सकदे हन। पंजाब दी सरकार जिद्दां चलदी है, इस नूं ठीक जां गलत कहिण उत्ते खपण दी थां देखण वाली गल्ल है कि जदों किसे राज विच्च इह हालात बण जाण, उदों आम लोक उत्थे सरकार चला रही धिर वल्ल वेखणा छड्ड के विरोधी धिर वल्ल देखण लगदे हन, पर विरोध दी धिर वी तां कोई साहमणे होणी चाहीदी है। इत्थे उह वी किते रड़कदी नहीं।

पिछले दिनीं जदों लुधिआणा पछ्छमी विधान सभा हलके दी उप चोण हो रही सी तां इक्क विदवान बंदे नें सानूं दस्सिआ कि लोक उत्थे आम कर के सरकार दे खिलाफ हन अते इह सीट आम आदमी पारटी दे पल्ले नमोशी पा सकदी है। मैं उस नूं किहा कि तेरी राए अध्धी ठीक है ते अध्धी नहीं। नतीजा सरकार दे खिलाफ नहीं जाणा, सीट उसने इस लई जित्त लैणी है कि जिहड़ी धिर नाल मुकाबला है, उनहां दा घर पाटा होइआ है ते इकठ्ठे होण बिनां जित्त नहीं सकदे। उसदी राए सी कि भारती जनता पारटी आपणा वोट अधार आखरी दिनां विच्च कांगरस दे पख्ख विच्च भुगता देवेगी तां कि राज सभा सीट खाली नां हो जावे अते इस खाली थां तों अरविंद केजरीवाल राज सभा मैंबर नां बण सके। वोटां पैण तों इक्क दिन पहिलां मैं उहनूं किहा कि भाजपा आपणी नीती बदल चुक्की है, किउंकि उस नूं समझ पै गई है कि कांगरस जित्तण दे मूड विच्च जदों नहीं तां आपणीआं वोटां आपणे बंदे नूं इस लई पाईआं जाण कि अगली चोण दा पड़ुल्ल बंनहण विच्च कुझ मदद मिल सकेगी। जिहड़ी गल्ल मैं उस वकत उस लेखक नूं आखी सी, उहो अज्ज आपणे पाठकां नूं कहिण लग्गा हां।

किसे वी लोकतंतर लई बहुत ज़रूरी समझिआ जांदा है कि उत्थे विरोधी धिर मज़बूत अते प्रभाव पाउण जोगी अकल दी मालक होवे ते इहो गल्ल इस वेले पंजाब विच्च दिसदी नहीं। अज्ज दी घड़ी पंजाब विच्च मुख्ख विरोधी धिर विधान सभा विच्च वी अते जनतक मैदान विच्च वी कांगरस पारटी है, पर इस पारटी दी पंजाब दी लीडरशिप्प वी हरिआणे वालिआं तों वख्खरी नहीं निकलदी जापदी। हरिआणे विच्च जित्तण दी हालत बणन दे बाअद पिछले साल इह इस लई हार गए सन कि आपो आपणी सीट जित्तण दी बजाए हर उस लीडर दी सीट हराउण दे कंम लग्ग गए सन, जिहड़ा सरकार बणाउण जां बण गई तां चलाउण दे वकत राह दा रोड़ा बण सकदा सी। पंजाब विच्च इसे चुसती नें 2007 अते फिर 2012 विच्च कांगरस नूं जित्तण नेड़े पुज्ज के वी जित्तण नहीं सी दित्ता। जिहड़ा कुझ पंजाब दे कांगरसीआं नें बीते दिनीं लुधिआणे दे इक्क हलके दी उप चोण विच्च कीता है, उनहां दा उमीदवार आपणी पारटी दे सूबा प्रधान अते लुधिआणे दे जित्ते होए लोक सभा मैंबर अमरिंदर सिंघ राजा वड़िंग नाल बहिण नूं तिआर नहीं सी ते विधान सभा विच्च विरोधी धिर दे आगू प्रताप सिंघ बाजवा नाल वी। चोण हार जाण पिछ्छों वी नां कांगरस दी हाई कमान इनहां नूं इकठ्ठे कर सकण विच्च सफल होई अते नां इक्क साल लंघण मगरों वी हरिआणा विधान सभा विच्च आपणी पारटी वल्लों विरोधी धिर दे आगू दी चोण करन जोगी होई है। राज करदी भारती जनता पारटी हरिआणे विच्च इनहां दा मज़ाक उडाउंदी ते कहिंदी है कि जिहड़े लोक विरोधी धिर दा आगू चुणन दी सहिमती नहीं कर सकदे, राज दी की सेवा करनगे, इसे लई इस राज दे लोक इनहां नूं मूंह नहीं लाउंदे। पंजाब दे कांगरसीआं बारे वी भविख्ख विच्च आम लोक जदों इहो कहिण लग्ग पए तां अगली चोण कामयाबी नाल इह किद्दां लड़ लैणगे?

जिहड़ा अकाली दल विरोध दी दूसरी धिर हुंदा सी, आपणे नवें प्रधान दी अगवाई हेठ पछड़ गिआ है ते अजे होर गोते खाण वाले राह पिआ फिरदा है। प्रधान तों अवाज़ार होए आगूआं दी ढाणी इकठ्ठे हो के स्री अकाल तखत साहिब बेनती करन पहुंच गई तां लोक समझदे सन कि हालात मोड़ा कट्ट लैणगे, पर इसदा असर सिरफ इंना होइआ कि उत्थों फैसला करन वाले सिंघ साहिबान विच्चों इक्क जणा उह रुतबा गुआ बैठा ते इनहां दे इक्क धड़े दी प्रधानगी करन आ गिआ, होर कोई खास गल्ल होई ही नहीं। अकालीआं दा इतिहास दस्सदा है कि जदों इह इकठ्ठे होए, उदों वी इकल्ले जित्तण जोगे इह कदे नहीं सन होए, संत हरचंद सिंघ लौंगोवाल दे कतल दे बाअद दी सथिती नें इक्क वार ज़रूर जिता दित्ता सी अते अग्गों वी अकाली आगूआं दी इहो जिही कोशिश नहीं जापदी कि इकठ्ठे होणा है। इक्क धड़ा आपणा अधार गुआ चुक्का है, पर इस पारटी दीआं सारीआं जाइदादां दा कबज़ा उस धड़े कोल होण कर के बाकी सारिआं नूं माइक कमज़ोरी कारन टुट्टे दिल नाल पिछ्छे परतदे देखण दे सुपने लैंदा है। दूसरा धड़ा जनतक वहीर आपणे नाल जुड़दी होण दे सुपने लैंदा होइआ माइआधारी धड़े नूं आपणे विहड़े वड़दा देखण दी उडीक विच्च है। इह उडीक अकालीआं दे जिस वी धड़े जां जिस वी आगू दी होवे, लोकां नूं इस नाल मतलब नहीं, उह अकाली एके दी उडीक करन दी थां जिहड़ी वी कोई धिर बदल बण सकदी होई, उसदे नाल जुड़ना शुरू कर देणगे ते इह गल्लां चल्लण लग्ग पईआं हन कि इनहां दोवां धड़िआं दा काडर हौली-हौली नवें राह लभ्भण लग्ग पिआ है।

मौजूदा सथिती विच्च जे कोई धिर हौली-हौली आपणे पैर अग्गे वधण दा दाअवा ज़ोर नाल करदी है तां उह भाजपा है। जनतक अधार वाले कई आगू उस पासे जाण दीआं खबरां आ रहीआं हन जां अचानक इद्दां होण दा प्रभाव बणाइआ गिआ होवे, पर इक्क खेतर तों इह हुंदा साफ दिस रिहा है। इक्क यूनीवरसिटी दे वाईस चांसलर दी वीडीओ पिछले दिनीं पंजाब दे लोकां विच्च वाइरल होई है, जिस विच्च उह आर ऐस्स ऐस्स दे मुखी साहमणे इस तरहां बोल रिहा है, जिवें किसे विभाग दे वड्डे अफसर मोहरे कोई छोटा अधिकारी आपणे ज़िंमे लग्गे कंमां बारे कीते-अणकीते दी रिपोरट पेश करदा है। बड़े लोक हैरान होए सन कि इह की हो रिहा है, पर असीं हैरान नहीं होए, किउंकि इह वीडीओ बाहर जदों हाले नहीं आई सी, उदों वी सानूं पता सी अते इस नालों बड़ा कुझ वध्ध पता सी। इह बुध्धीजीवी लोक जिस पारटी दा प्रभाव वधदा देखदे हन, बहुता कर के उसे नाल जुड़न लगदे हन अते इहो जिहा तजरबा साडे पंजाब दे लोकां नूं कई वार हो चुक्का है। अज्ज तों पंजाह कु साल पहिलां तक जदों खब्बे पख्खी धिरां ताकत वाली हैसीअत हुंदीआं सन, उदों इध्धर वी बुध्धीमान लोक इद्दां ही जुड़िआ करदे सन। बहुत सारे विदवान कहे जांदे जां सच्चमुच्च दे विदवान, पर मौकप्रसाती दी योगता वाले लोक उभ्भरदी जां उभ्भर सकदी हर किसे धिर नाल जुड़ सकदे हन ते अज्जकल्ल्ह इद्दां दे लोक भाजपा नाल जुड़ जाण विच्च चमकदा भविख्ख देखदे हन। वाईस चांसलर दी वीडीओ आउण पिछ्छों बहुत सारे जाणकारां नें सानूं कई होरनां बारे वी इद्दां दी जाणकारी भेजण दी खेचल कीती अते कहिंदे हन कि इस पख्खों बाकाइदा गिणी-मिथी सरगरमी चल्ल रही है कि विद्दिअक अदारिआं विच्च इद्दां दी हालत बण जावे कि उत्थों निकलदे मैरिट वाले लोक इस पासे तुरे जाण अते होरनां दी बांह वी फड़ी लिआउण।

सानूं उह दौर याद है, जदों पंजाब विच्च वी अते इस देश विच्च वी खब्बे पख्खीआं दे प्रभाव हेठ बहुत सारे दूसरे लोक समाजवादी सोच अते प्रचार वाले अदारे अते संसथावां बणा लैंदे सन अते खब्बे पख्खी आगू बड़े खुश होइआ करदे सन। इस सथिती नूं संभालण दी थां उस वेले दो वड्डीआं खब्बीआं पारटीआं दे आगू इक्क दूसरे नूं नीवां विखाउण अते इह साबत करन रुझ्झे रहे कि असली खब्बी धिर उहो हन, दूसरी पारटी कोल ठोस प्रोगराम कोई नहीं ते नीतीआं वी डंग-टपाऊ हन। पंजाब दे मुलाज़मां विच्च जदों वी किसे मसले लई जनतक प्रोगराम दा वकत हुंदा जां किसे अदारे दी जनतक चोण हुंदी तां सभ ताकत इक्क दूसरे विरुध्ध झोक दित्ती जांदी अते नतीजा इह निकलदा कि दोवां धिरां दा काडर भविख्ख विच्च वी कदे इकठ्ठे होण दी आस रख्खण दी थां इक्क दूसरे दे पक्के शरीक दा विहार करन लग्ग पैंदा सी। इनहां धिरां दी इस खहिबड़ दौरान इनहां दे उलट पहुंच दीआं सारीआं धिरां वकती तौर उत्ते इकठ्ठीआं हो जांदीआं सन ते फिर उनहां दी इस वकती एकता विच्चों हौली-हौली इक्क धिर जिहड़ी मज़बूत हुंदी गई, अज्ज उह इस सोच तक पहुंच गई है कि पंजाब विच्च अगली वार नहीं तां अगलेरी वार सत्ता हासल करनी ही करनी है। इहो जिही सोच लई उह हर दाअ वरतण लग्गे हन तां कोई इस नूं गलत नहीं कहि सकदा, किउंकि इहो तां राजनीती है।

इहो तां राजनीती है, भविख्ख दी उह राजनीती, जिस बारे पंजाब विच्च इस वेले राज करदी धिर वी सोचण योग नहीं ते जिहड़ी पारटी अज्ज दे दिन तक जनतक अधार पख्खों ते विधान सभा दी विरोधी धिर वजों इह कुझ कर सकदी है, उसदे आगू वी इह सोचणा नहीं चाहुंदे। भविख्ख अचानक सट्ट मारन दी थां अगेते संकेत दिंदा हुंदा है अते इस वकत वी उह संकेत देई जांदा है, जे कोई समझणा चाहे तां।