चेतना की है अते किउं ज़रूरी है, मनुख्खी विकास लई? बहुत ही गंभीर विशा। सिर जोड़ के सोचण दी लोड़। वरना चिंतन विहूणे पंजाबीआं दा मारग-दरशन कौण करेगा?

पंजाबी समाज विच चेतना किंनी कु है अते असीं किथे खड़े हां? असीं किस पासे जा रहे हां। की सानूं साडे सरोकारां, संदरभां अते चेतना दे सच्च दा पता है? की असीं चेतना विहूणे तां नहीं हो गए? बहुत सारे प्रशन मन विच पैदा हुंदे।

चिंतनशील लोक अकसर ही अजेहे संजीदा सरोकार बारे संवाद रचाउण बारे सोचदे कि की अजेहा वरतारा पंजाबीआं दी जीवन-शैली तां नहीं बण गिआ। मैं पंजाबी मां बोली दिवस दे संबंध विच शिकागो विखे यूनीवरसिटी दी इक विदिआरथण नूं मिलिआ जिसदा कहिणा सी कि मैं आपणे परिवार अते समाज तों उकता चुक्की हां किउंकि साडा समाज परतां विच जिउंदा अते मखौटिआं विच विचरदा है। मेरे मापिआं कोल मेरे नाल गल्ल करन दा समां ही नहीं हैं। मैं किस नाल आपणी वेदना सांझी करां? मेरे दोसत सिरफ़ गोरे जमाती ही हन जिनहां नाल मैं गल्लां सांझीआं कर सकदी हां किउंकि गोरे विदिआरथी बहुत ही पारदरशी अते सच्चे हुंदे। कोई नहीं ओहला रख्खदे अते नां ही तुहानूं बलैकमेल करदे। मैं सोचण लग्गा कि इह बच्ची पंजाबी समाज तों इंनी उचाट हो चुक्की है कि इसदा पंजाबी समाज विच परतणा बहुत ही मुहाल होवेगा। दरअसल असीं परवास तां कर लिआ पर असीं इंने चेतंन नहीं होए कि सानूं पता होवे कि विदेश विच साडे बच्चिआं दीआं की चुणौतीआं हन? उनहां नूं समझा के इनहां चुणौतीआं विचों उभरन दा वल किवें सिखाउणा है? असीं तां सिरफ़ वड्डे घरां अते नवें माडल दीआं कारां लैण लई इंने उलझ गए कि परिवार अते बच्चिआं लई साडे कोल समां ही नहीं। इह चेतना दी गुंमशुदगी दा प्रमाण है।

असीं चेतना विहूणे हो, हरी करांती दे भुलेखे विच आ के पंजाब नूं तबाही दे कंढे `ते लिआ खलिआरिआ? ख़ादां ते कीटनाशकां नाल धरती ज़हिरीली हो गई, वातावरण पलीत कर लिआ। झोने सदका पंजाब दा ज़िआदातर हिस्सा धरती हेठले पाणी दे मामले विच डारक ज़ोन विच चला गिआ है। कुदरती सरोत गवा के पंजाब नें की खट्टिआ? बिमार पंजाबीआं नूं हसपताल मिल गए। मरदानगी विहूणे पंजाबीआं दे हिस्से फरटीलिटी सैंटर आ गए। इह साडे हुकमरानां अते चिंतकां दी भविख्खमुखी चेतना दी अणहोंद ही सी कि उनहां सोचिआ ही नां कि हरी क्राती किवें पंजाब दे भविख्ख नूं प्रभावित करेगी? हुकमरानां दी शहि `ते पंजाबी जवानी नूं नशिआं विच डोबिआ गिआ। फिर सिहत अते विदिअ्अक ढांचे नूं अजेहा खोख़ला कीता कि पंजाबी नौजवानां नें आईलैटस तीक ही खुद नूं सीमत कर के विदेशां नूं जाण दा सोचिआ। की हुकमरानां नूं इह अहिसास है कि जवानी दे इस अंनहेवाह प्रवास नाल पंजाब दा सभिआचारक, समाजिक अते विरासती ढांचा किवें प्रभावत होवेगा? कुझ ही सालां तक्क पंजाब, पंजाब नहीं रहेगा। की कदे साडे हुकमरानां नें इस बारे चिंतन कीता ए? कोई फ़िकरमंदी ज़ाहर कीती है?

दरअसल चेतना तां वकत दे बदलदे सरोकारां अनुसार आपणी सोच, सुपने साधनां अते संभावनावां नूं तरजीह बणा के आपणे हक्क विच भुगताउणा हुंदा। समें दे बदलण नाल बहुत कुझ बदल जांदा है। पुराणी सोच अते धारनावां नाल नवीआं चुणौतीआं दा साहमणा नहीं कीता जा सकदा।

चेतंन होण लई ज़रूरी हुंदा कि पता होवे कि साडे आले-दुआले की वापर रिहा? किउं वापर रिहा? कौण वरता रिहा? इसदा की प्रभाव पवेगा अते इस वरतारे नाल आउण वालीआं पीहड़ीआं किवें प्रभावत होणगीआं अते साडीआं अगलीआं नसलां दा भविख्ख की होवेगा? चौगिरदे अते समाज विच की उथल-पुथल होवेगी?

दरअसल मनुख्ख दा किसे वरतारे नूं देखणा, समझणा, परतां फरोलणा अते इसदे माड़े अते चंगे प्रभावां दी निरख-परख कर के, आपणी जीवन-शैली नूं उसारू रंगत देणी, चेतंन होण दी निशानी हुंदा।

चेतना दे बहुत सारे रूप हन जिवें कि-

1. सवै-चेतना: जिवें सरीरक, मानसिक, बौधिक अते भावनातमिक चेतना।

2. परिवारक चेतना: परिवार की है? सबंधां दी की अहिमीअत ते लोड़ अते इनहां ‘च पारदरशता किवें आवे? इसदी सदीवता की हुंदी?

3. समाजिक चेतना: समाजिक उसारी विच इक विअकती दी की भूमिका है? असीं समाज नूं की दे रहे हां? की देणा चाहीदा? कित्थे खड़ा है साडा समाज? उधड़ रहे समाजिक ताणे-बाणे लई कौण, किंना कु कसूरवार अते असीं ख़ुद किंने कु ज़िंमेवार?

4. धारमिक चेतना: की असीं धरम नूं मंनदे हां जां धरम दी मंनदे हां? की असीं ‘गली असी चंगीआ आचारी बुरीआह’ तां नहीं? धारमिक बाणे विच अधारमिकता तां नहीं? धारमिक अडंबर नें किंना कु नुकसान कीता? धारमिक प्रदूशण, चेतना नूं किवें प्रभावित कर रिहा?

5. राजसी चेतना: राजीनतक तौर `ते असीं किंने कु संजीदा हां? की असीं राजनीतीवानां दीआं चलाकीआं दे शिकार तां नहीं। सानूं राजनीतक लोकां वलों कुरसी दे पावे किवें बणाइआ जा रिहा? किवें असीं राजीनतक प्रकिरिआ विच उसारू भूमिका निभा सकदे हां?

6. वातावरणी चेतना: हवा, पाणी, धरती, अवाज़, रौशनी, रेडीओऐकटिव ते ईऐम तरंगां दे प्रदूशण प्रती असीं किंने कु सुचेत हां? की सानूं पता है कि असीं ज़हिरीली फिज़ा विच साह लैंदे, ज़हिरां खा रहे हां?

चेतना दा पैदा होणा कोई जादू नहीं। इह तां मनुख्खी वरतारा है अते इक दम पैदा नहीं हुंदा। इह जां तां तुहनूं विरसे विच मिलदा, जां आला-दुआला चेतंन करदा, जां गिआन (डिगरीआं, गिआन नहीं हुंदीआं अते पर गिआन ज़रूर डिगरीआं हुंदा।) राहीं चेतंन हुंदे, अते जां कुझ कु रोल-माडलां दे पैरोकार बण के वी चेतंन हुंदे।

हुण देखणा है कि पंजाबी समाज कित्थे खहड़ा है? असीं तां उह कुझ हां जिहड़ा समाज विच हो रिहा है किउंकि असीं समाज दा ही तां हिस्सा हां।

याद रहे कि चिंता तों चिंतन पैदा हुंदा, चिंतन तों चाहत पैदा हुंदी ते फिर चेतना पैदा हुंदी। इस चेतना विचों ही फिर चेतंन सोच पैदा हुंदी, सुपने पैदा हुंदे, संभावनावां उतपंन हुंदीआं, साधन पैदा हुंदे अते फिर इही संभावनावां दा सच्च, नरोए ते चेतंन विरसे दी अधारशिला बणदा।

माणमत्ते अते चिंतनशील विरसे दे मालक उह लोक हुंदे जिनहां नें आपणीआं कीरतीआं, किरिआशीलता, करमयोगता ते कारनामिआं राहीं नाम कमाइआ हुंदा।

चिंतनशील लोक समिआं दा सभ तों वड्डा माण हुंदे अते वकत उनहां `ते नाज़ करदा।

पंजाबी विरासत अते चेतना तां बहुत ही अमीर सी पर असीं गरीब पंजाबीआं नें इसनूं बहुत ही हीणी अते निरबल बणा दित्ता है।

चेतनता गुंम हुंदी तां मनुख्ख आपे नूं भुला दिंदा अते ख़ुद तों गवाचे विअकती नूं आपणा सिरनावां वी याद नहीं रहिंदा। अजेहा पंजाबीआं नाल वापर रिहा है। इह पंजाब अते विदेशां विच आम वरतारा है। परवासी चेतना दी अणहोंद दा अंदाज़ा इस गल्ल तों लगा सकदे हां कि असीं विदेशां विच राजसी रुतबे तां हासल कर लए पर कोई वी सांझा ‘लौबीइंग’ गरुप्प नहीं बणा सके जिस राहीं विदेश विच पंजाबीआं दे मसलिआं नूं विचारिआ जावे।

चेतना तीक पहुंचण दे चार पड़ाअ हन जिनहां दी सानूं सोझी होणी चाहीदी है। सच्च इह है कि भावुकता विचों बौधिकता पैदा हुंदी, बौधिकता विचों चिंता पैदा हुंदी, चिंता विचों चिंतन पैदा हुंदा अते फिर चिंतन विचों चेतना पैदा हुंदी। इस लई पंजाबीआं लई बहुत ज़रूरी है कि उह भावुकता दे नाल नाल, बौधिक विकास दे नाल ही सरीरक ते मानसिक विकास करन, फ़िकर करन, चिंतन करन अते फिर चेतना दे मारगी बणन। पंजाबीआं दी फ़ितरत नूं बदलण दी लोड़ है अते इह सिरफ़ चेतना राहीं ही बदली जा सकदी है।

पंजाबी समाज विच चेतना पैदा करन वासते सानूं हर पध्धर `ते चिंतन करन दी लोड़ है तां ही असीं पंजाबी कमिऊनिटी नूं चेतन कर के अजोके समें दा हाणी बणा सकदे हां।

चेतना पैदा करन लई ज़रूरी है कि असीं धरम नाल जुड़ीए। गुरू गरंथ साहिब विच मनुख्ख लई हर किसम दी चेतना है। सिरफ़ सानूं चिंतन करन दी आदत होणी चाहीदी है। धरम दरअसल जीवन जाच हुंदा है अते इस संदरभ विच असीं धरम दे पैरोकार बणांगे तां बहुत कुझ हासल कर सकांगे।

पंजाबीआं लई अख्खर नाल जुड़ना ज़रूरी। तां ही असीं साहित नाल जुड़ सकांगे जिस विचों सानूं समाजिक वरतारिआं अते होण वालीआं संभावत भविख्खमुखी तबदीलीआं दी जाणकारी मिलेगी। सानूं घरां विच बीअर बार दी थां बुक्क शैलफ़ां बणाउण दी लोड़ है। पर जिहड़ा समाज आपणी मां बोली बारे वी फ़िकरमंद नां होवे उस विच चेतना बारे चिंता पैदा होणी वी वड्डा प्रशन आ?

सभ तों अहिम है कि विशव पध्धर `ते पंजाबीआं दा थिंक टैंक होणा चाहीदा है। फिर वख्ख वख्ख गरुप्प होण जिसदे मैंबर वख्ख-वख्ख खेतरां विच नामणा खट्ट चुक्के माहिर होण अते जिहड़े वख्खो वख्खरे खेतरां विच जाण वालिआं लई चेतना दे कैंप लाउण भावें इह बिज़नस होवे, अकादमिक, धारमिक जां कोई प्रोफैशनल खेतर होवे।

फिकर तों फिकरमंदी ते फिर चेतना दा सफ़र तां घर तों शुरू करना पवेगा। सभ तों ज़रूरी हुंदा है बदलदे हालात दे पै रहे प्रभावां बारे मापिआं दा चेतंन होणा अते चेतना दा जाग आपणे बच्चिआं विच लाउणा।

इक विअकती लई चेतंन होण वासते आपणे अंदर उतरना, खुद दे रू-ब-रू होणा अते आपणीआं कमीआं, कुताहीआं, कमीनगीआं ते खामीआं दी पछाण करना अते फिर खतम कर के, नवीं ऊरजा अते हौंसले, हठ्ठ अते हिंमत नूं हाणी बणाउणा ज़रूरी हुंदा। कुझ वी असंभव नहीं हुंदा सिरफ़ शुरूआत दी लोड़ हुंदी है।

इक गल्ल तां सच्ची है कि साडे बजुरग साडे नालों ज़िआदा चेतन अते ज़िंदगी दी संपूरन किताब सन। उनहां कोल डिगरीआं नहीं सन पर पूरन गिआन सी। मेरे बाप नें अनपहड़ हुंदिआं यूनीवरसिटी तीक पहड़ाइआ। उसदी सीमत साधनां विच जीवन-जाच सबर, सुखन अते सिरड़ कमाल दा सी। कदे हार नहीं मंनी। हहड़ां नाल फसलां मारीआं जाण `ते वी कदे खुदकुशी नहीं सी कीती। सदा चहड़दी कला विच रहिंदे। इमानदारी बारे उनहां दा तरक कमाल दा सी कि किसे दे चोरी पठ्ठे नां वढ्ढो, तुहानूं गुरदुआरे, मस्सिआ जां सत्तसंग `ते जाण दी लोड़ नहीं पवेगी। मेरे प्रैप विचों फेल्ह होण `ते बाप नें हल्लाशेरी दिंदिआं किहा सी कि कोई नां अगले साल पास हो जाईं। रूड़ी पवा ला अते कल्ल नूं दुबारा कालज विच दाखल हो जा। अज्ज कल्ल्ह तां बच्चे दे घट्ट नंबर आउण `ते मापे, बच्चिआं दी जान कढ्ढ लैंदे नें। अते कई वार बच्चे खुदकुशी वी कर लैंदे। इह चेतना साडे मापिआं नें अचेत रूप विच साडे मनां विच धरी जो हर मोड़ `ते मारग दरशन कर रही ए।

अफसोस नाल कहिणा पैंदा कि हुण मापिआं कोल आपणे बच्चिआं दी सार लैण दा समां ही नहीं। बच्चे किस कोलों रहिनुमाई प्रापत करन। मेरी वड्डी बेटी बी.डी.ऐस. विच दाख़ल होई तां मैं उस नूं हर हफ़ते चिठ्ठी लिखदा सां कि नवें माहौल विच किहड़ीआं चुणौतीआं हो सकदीआं, इनहां दा किवें साहमणा करना अते इस विचों किवें उभरना है? मेरीआं चिठ्ठीआं मेरी बेटी तों पहिलां ही उस दीआं सहेलीआं पहड़ लैंदीआं सन। मैनूं लग्गा कि जीवन विच कंम आउण वालीआं सलाहुतां बारे बच्चिआं नूं जाणकारी होणी चाहीदी है जिसदी बहुत घाट है। मैं इनहां चिठ्ठीआं दे अधार `ते अजीत अख़बार विच मिडल लेख लिखे जिनहां दा हुंगारा कमाल दा सी। मेरी पहिली पुसतक ‘रंगां दा दरिआ’ इनहां चिठ्ठीआं दा विसथार ही सी अते मैं कविता तों वारतक वल्ल नूं मुड़िआ सां। की मापिआं कोल इंनी कु विहल है कि उह आपणे बच्चिआं नूं सुचज्जी सेध देण लई कुझ समां कढ्ढ सकण?

चेतना दी लहिर पैदा करन लई ख़ुद नूं चेतंन होणा पैंदा है। बाबा सेवा सिंघ जी कोल कोई डिगरी नहीं पर उह चेतना दा चिराग हन। उह वातावरण नूं बचाउण लई दरखत लगा के हवा दे लंगर लगा रहे हन। विद्दिआ दा चानण वंडण लई वख्ख वख्ख अदारे बिहतरीन विद्दिआ प्रदान कर रहे। पीऐमटी/सीईटी अदारे विचों हर साल बहुत सारे विदिआरथी मैडीकल/इंजनीअरिंग कालजां, ते आईआईटी विच जा रहे हन। उनहां वलों चलाए जा रहे हाकी कलब्ब दे खिडारी हुण तां इंडीआ दी कौमी टीम विच खेड रहे हन। कुड़ीआं दी पंजाब पुलीस, बीऐसऐफ, दिल्ली पुलीस जां सीआरपीऐफ विच भरती लई फरी ट्रेनिंग दित्ती जांदी है अते हुण तीक 700 दे करीब लड़कीआं इनहां अदारिआं विच कांसटेबल, सब इंसपैकटर जां इंसपैकटर वजों सेवावां निभा रहीआं हन अते परिवारां लई माण बण रहीआं हन। ऐनडीए दी तिआरी लई वख्खरा अदारा है अते अदारे दे विदिआरथी ऐनडीए विच सिध्धे जा रहे हन जो आउण वाले समिआं विच फौज विच वड्डे अहुदिआं `ते पहुंचणगे। अजेहे अफसर मन विच सिख्खी प्रंपरावां अते मूल भावनावां नूं जीवन विच ज़रूर अपनाउणगे। सिवल सरविशज दी तिआरी लई इक होर अदारा आपणीआं सेवावां दे रिहा। धारमिक ख़ेतर विच जाण वालिआं लई धारमिक अदारा उच्च कोटी दा योगदान पा रिहा है। की कोई होर संसथा अजेहीआं बहु-विधावी कोशिशां कर के आम लोकां विच चेतना पैदा करन दा भविख्खमुखी कारज कर रही है? अरबां दे बजट वाली साडी श्रोमणी कमेटी की कर रही है? पंजाबीआं नूं लंगरां दी बजाए गिआन दे लंगरां वल्ल तवज्जों देण दी लोड़ है।

इह वी चेते होणा चाहीदा कि चेतन लोक आपणे पुरख़िआं दीआं गुंम गईआं कबरां वी भाल लैंदे हन जद कि चेतना तों विहूणे लोक आपणी विरासत नूं दफ़न करन लई काहले हुंदे हन।

सानूं याद रख्खणा चाहीदा है कि चिंता तों चिंतन अते फिर चेतना तीक दा सफ़र बिखड़ा तां है पर असंभव बिलकुल नहीं। सिरफ़ खड़े लोक ही हारे हुंदे जद कि तुरन वाले कदे हारदे नहीं हुंदे।

आस है कि पंजाबी ज़रूर चेतंन होणगे कि किवें उनहां नवीआं चुणौतीआं नाल खहिंदिआं, आढा लाउंदिआं, आपणे जीवन नूं नवें अरथ देणे हन जिस नाल उह समाज नूं नवीं नरोई दिख्ख देण दे योग हो सकण जिवें उह पहिलां दिंदे आए हन।

वैसे वी पंजाबीआं नें कदे हार तां मंनीं ही नहीं। फिर इह सफ़र उनहां दे सिरड़ अते जिद्द साहवें की अरथ रख्खदा है? आस है कि पंजाबी चेतंन ज़रूर होणगे।