2007 विच प्रकाशत मेरी पुसतक ‘कबड्डी कबड्डी कबड्डी’ विच ‘कबड्डी नूं डरग्ग दा जफ्फा’ कांड छपण कारन कई कबड्डी प्रमोटर मेरे नाल नाराज़ होए सन। उनहां दा उलांभा सी कि मैं कबड्डी दा कुमैंटेटर हो के कबड्डी दा ही भांडा भंन रिहा हां। फिर बिल्ली थैलिओं बाहर आ गई अते अनेकां खिडारीआं दे डरग्गी होण दी गुझ्झी गल्ल जग्ग ज़ाहिर हो गई। कैनेडा ते इंगलैंड दे कबड्डी सीज़न-2008 विच खेडे ढाई सौ खिडारीआं विच्चों 119 खिडारी डरग्गी निकले! 2014 विच किताब ‘किस्सा कबड्डी दा’ विच ‘कबड्डी नूं डरग्ग दा कोहड़’ कांड लिखिआ तां सारा हीज पिआज़ ही नंगा हो गिआ।

सिहतमारू सटीरौइडज़ लैण दा इह कोहड़ पंजाब विच्चों लग्गा जित्थे दरजनां कबड्डी अकैडमीआं चल्ल रहीआं हन। उनहां दे तिंन गुट्ट हन। इक नूं अकैडमीआं दी फैडरेशन किहा जांदा है, दूजी नूं अकैडमीआं दी ऐसोसीएशन ते तीजी पंजाब कबड्डी ऐसोसीएशन। तिंने गरुप्प सौ तों वध्ध ‘कबड्डी कप्प’ खेडदे हन पर किते वी डोप टैस्सट नहीं हुंदे। उंज कबड्डी कप्पां दा खरचा दस बारां करोड़ रुपए तों वी वध्ध हो जांदा है। अंदाज़ा है कि कबड्डी दे खिडारी इक करोड़ तों वध्ध रुपए सिहत मारू डरग्गां उत्ते खरचदे हन जिनहां नाल डरग्ग दा धंदा करन वालिआं दे वारे निआरे हुंदे हन।

इउं खुल्ल्हा सी भेत

2006 विच मैं विनीपैग्ग दा टूरनामैंट भुगताअ के टोरांटो मुड़ रिहा सां। उसे जहाज़ विच कबड्डी दे कुझ खिडारी वी सवार सन। जहाज़ चहड़ाउण आए मित्तरां नें उनहां नूं खुआ पिआ के विदा कीता सी। नशे विच गल्लां करदे उह डरग्ग लैण वाले कबड्डी खिडारीआं दे किस्से तोर बैठे। मेरे लई उनहां दीआं गल्लां हैरान करन वालीआं सन। उह विसकी पींदे कही जाण, “असीं तां जी आही माड़ी मोटी पीण दे शुकीन आं। साडे नाल दे खिडारी मझ्झां दा दुध्ध लाहुण ते घोड़िआं नूं भजाउण वाले टीके लाई जांदे आ! कहिंदे आ हुण साडे विच्च घोड़े जिंनी ताकत होगी!”

हवाई सफ़र दौरान उह डरग्ग लैण वाले खिडारीआं दे कारनामे सुणाउंदे आए। मैनूं इह वी कहिंदे आए कि उनहां बारे ज़रूर लिखो पर साडा नां नां लिखिओ। जे साडीआं गल्लां सच्चीआं नां होईआं तां बेशक्क साडा मूंह काला कर दिओ! फिर मैं लेख लिखिआ: कबड्डी नूं डरग्ग दा जफ्फा।

इउं शुरू होइआ सी डोप टैस्सट

1960 विच रोम दीआं ओलंपिक खेडां दौरान डरग्ग लैण वाले इक साईकल सवार दी मौत हो गई सी। अंतरराशटरी ओलंपिक कमेटी नें इस दा गंभीर नोटिस लिआ ते मैडीकल कमिशन बणाइआ जिस नें पड़ताल कर के उनहां दवाईआं दी सूची जारी कीती जो खिडारीआं लई घातक हन। उह दवाईआं खिडारीआं लई वरजित कीतीआं गईआं। उदों तों डोप टैस्सट कीते जांदे हन जिनहां नाल वरजित दवाईआं लैण वाले खिडारी पछाणे जांदे हन ते उनहां उत्ते खेड मुकाबलिआं विच भाग लैण दी पाबंदी ला दित्ती जांदी है। उनहां दे जित्ते होए मैडल वापस लै लए जांदे ते खेड रिकारडां विच्चों उनहां दा नां मेट दित्ता जांदा है। कैनेडा दे दौड़ाक बैन्न जौहनसन, अमरीका दी दौड़ाक मेरीअन जोनज़, आइरलैंड दी मीशेल समित्थ ते होर कई चोटी दे खिडारी डरग्ग लैण दी सज़ा भुगतदे रहे हन। उडण परी मेरीअन जोनज़ नूं तां जेल्ह वी जाणा पिआ सी।

सिओल दीआं ओलंपिक खेडां विच्चों तिंन गोलड मैडल जित्तण वाली दौड़ाक फलोरैंस ग्रिफत जाएनर डरग्ग ’ते लग्गी होई सी। डोप टैस्सट तों पहिलां उह अजिही दवाई लै लैंदी सी जिस नाल डोप टैस्सट विच फड़ी नहीं सी जांदी। उह डोप टैस्सट करन वालिआं नूं तां धोखा दिंदी रही पर मौत नें धोखा नां खाधा। मौत नें उस नूं चाली साल दी उमर तों पहिलां ही दबोच लिआ। मैडल तां उस नें बड़े जित्ते ते बल्ले बल्ले वी बड़ी कराई पर जिंनी बुरी तरहां उह मरी, उहदा दुख्ख उही जाणदी सी।

डरग्ग दे टीके, कैपसूल ते पाऊडर

कबड्डी दे जिहड़े खिडारी मैच जित्तण दे मूड विच वेखा वेखी नशे दे टीके लुआई, कैपसूल लई ते पाऊडर पीई जांदे हन उनहां नूं पता उदों लग्गेगा जदों निपुंसक हो गए। जिहड़े ऐनाबौलिक सटेरौइडज़ दसां दिनां विच वीह पौंड भार वधाउंदे नें उनहां दी फूक निकलण लग्गिआं वी दस दिन नहीं लग्गदे। ‘सपीड पाऊडर’ गिणती दीआं कबड्डीआं ही सपीड नाल पुआउंदा है, जो मगरों हिल्लण जोगा वी नहीं छड्डदा। भेती बंदे चिहरा वेख ई बुझ्झ लैंदे हन कि जुआन डरग्ग ’ते लग्ग चुक्का है!

ऐनाबौलिक सटेरौइडज़ दा इक हारमोन टैस्सटोसटैरौन है। ताकत देण वाले इस हारमोन दे कई दुरप्रभाव हन। इस नाल मस्सल वध सकदे हन, मरदाना शकती घट सकदी है अते अंडकोश सपरम पैदा करनों जवाब दे सकदे हन। किसे दे गंज पै सकदा है, किसे दे वाल वध सकदे ते किसे दे झड़ सकदे हन। मूंह ’ते फिणसीआं ते जिगर दा कैंसर हो सकदा है। माड़ा कलैसटरोल वध सकदा है, बंदा गुस्सेखोरा ते धक्कड़ बण सकदा है। उह गुंम सुंम ते डरग्ग दा ग़ुलाम वी हो सकदा है। टीके दी सूई नाल लाग दी बिमारी लग्ग सकदी है, एडज़ ते हैपीटाईटस हो सकदी है। मरद लई वड्डा मिहणा है नामरद हो जाणा। कई खिडारी कप्प जित्तदे-जित्तदे पतनीआं हार बैठे हन!

कबड्डी दे खिडारीआं नूं टीकिआं ’ते लाउण विच्च कई नीम हकीमां नें लख्खां रुपईए बणाए हन। मस्सल बणाउण दे टीके प्रचलत करन वाला इक भलवान ख़ुद चल्ल वसिआ है। मीफैंटरमाईन टीके दा नां ही ‘मौके’ दा टीका पक्क गिआ है। कबड्डी दीआं कुझ कथित अकैडमीआं विच्च कबड्डी दी कोचिंग नालों टीके लाउण दी कोचिंग वध्ध मिलदी है! कई कोचां नें इहदा नां‘सपलीमैंट डाईट’ रख्खिआ है। चोरां नूं फड़न नाल मावां वी फड़नीआं चाहीदीआं हन जिहड़ीआं चोरां नूं जनम दिंदीआं हन। जित्थों इह डरग्गां सपलाई हुंदीआं हन, उत्थे वी छापे मारने चाहीदे हन।

कबड्डी खिडारीआ दे डोप टैस्सट

जदों कबड्डी नूं लग्गे डरग्ग दे कोहड़ नूं वार वार कबड्डी फैडरेशनां दे धिआन विच लिआंदा तां मते पास कीते गए कि कैनेडा ते इंगलैंड विच 2007 दा कबड्डी सीज़न डोप टैस्सट करा के ही खिडाइआ जावेगा। पर उहदे उत्ते अमल नां कीता गिआ। बहुते कलब्बां नें वोट पा दित्ती कि डोप टैस्सट कराउणे रहिण दिओ किउंकि खिडारी मसां कैनेडा/इंगलैंड सद्दे नें! इस खुल्ल्ह दा फाइदा उठाउंदिआं जिनहां खिडारीआं नें डरदिआं टीके लाउणे छड्ड दित्ते सन उह दुबारा लाउण लग्ग पए ते पिछ्छे तारां खड़का दित्तीआं पई इत्थे तां हरी झंडी ऐ! आउण वाले माल मत्ता लई आउण किउंकि कैनेडा विच्च मिलदा नहीं जां बहुत महिंगा मिलदा है। जदों माल मत्ते नाल लैस इक खिडारी वैनकूवर हवाई अड्डे ’ते फड़िआ गिआ तां कबड्डी फैडरेशनां दीआं वी अख्खां खुल्ल्ह गईआं। कबड्डी कलब्बां नूं फंड देण वाले वी कलब्बां नूं कहिण लग्ग पए कि कबड्डी टूरनामैंट कराउण दी थां साथों डोप टैस्सट कराउण दा ही फंड लै लवो पर कबड्डी नूं डरग्ग मुकत करो।

कबड्डी सीज़न 2008 तों पहिलां उनटारीओ, बी. सी. ते यू. के. दीआं कबड्डी फैडरेशनां नें फिर मते पकाए पई ऐतकीं हर हालत विच खिडारीआं दे डोप टैस्सट कीते जाणगे। खिडारी समझदे रहे कि पिछले साल वांग डरावा ही है। इह टैस्सट काफी महिंगे सन फिर वी कबड्डी फैडरेशनां नें करवा लए। शाबाशे उनहां फैडरेशनां दे जिनहां नें कबड्डी नूं डरग्ग मुकत करन दा बीड़ा चुक्किआ।

2008 विच कैनेडा विच्च साढे तिंन सौ ते इंगलैंड विच ढाई सौ डोप टैस्सट कीते गए। टैस्सटां ’ते खरचा तां बहुत हो गिआ पर उंना फिर वी नहीं होइआ जिंना खिडारी डरग्गां उत्ते खरचदे सन। डोप टैस्सट करने सौखा कारज नहीं सी। इह तसल्ली वाली गल्ल सी कि 8 अगसत 2008 दी मीटिंग विच उनटारीओ, बी. सी., यू. के. ते पंजाब दीआं कबड्डी फैडरेशनां नें सरब संमती नाल फैसला कीता कि डोप टैस्सट विच डरग्गी साबत होए किसे वी खिडारी नूं किसे वी देश विच कोई कलब्ब कबड्डी नहीं खिडाएगा। पर इस फैसले नूं अमली रूप विच लागू नां कीता गिआ।

डोप टैस्सटां विच जिनहां खिडारीआं दा सैंपल इक वार पाज़ेटिव आइआ उनहां नूं इक हज़ार डालर जुरमाना ते इक साल लई किते वी कबड्डी खेडण तों बैन कीता गिआ सी। बैन मुक्कण तों बाअद दुबारा खेडण लग्गे ते दूजी वार पाज़ेटिव आए खिडारी नूं कबड्डी दे मैदान विच्चों जीवन भर लई बैन करन दा फैसला कीता गिआ सी। फैसला होइआ सी कि जिहड़े कलब्ब, अकैडमीआं, ऐसोसीएशनां जां फैडरेशनां बैन होए खिडारीआं नूं बैन दौरान खिडाउणगीआं उनहां दा कोई वी खिडारी इंगलैंड जां कैनेडा विच नहीं सद्दिआ जावेगा। जे कोई होर मुलक उनहां नूं सद्ददा है तां उत्थे इंगलैंड ते कैनेडा दीआं फैडरेशनां वल्लों कोई खिडारी नहीं भेजिआ जावेगा।

खेडां दा मंतव

खेडां जुआनां दे जुस्से तकड़े ते नरोए बणाउण, चंगीआं आदतां पाउण, लड़ाईआं झगड़िआं तों बचाउण, वधीआ इनसान बणाउण, सरीरां विच्च पैदा हो रही वाधू ऊरजा दा सही निकास करन, मिलवरतण ते उसारू मुकाबले दी भावना उपजाउण, सिहतमंद मनोरंजन करन अते ऐकसेलैंस भाव खेड नूं सिखर ’ते पुचाउण ते दरसाउण लई हुंदीआं हन। खेडां खिडारीआं नूं नसि਼आं ’ते ला के कप्प जित्तण लई नहीं हुंदीआं। 2008-9 विच बाकाइदा डोप टैस्सट होण कारन डरग्ग दे कोहड़ नूं काफी ठल्ल्ह पै गई सी। 2010 विच पछ्छमी मुलकां दा कबड्डी सीज़न खेडण लई इक हज़ार तों वी वध्ध पंजाबी खिडारी हवाई जहाज़ां ’ते चहड़े सन।

वरलड कप्पां विच डोप टैस्सट

2010 विच पंजाब दे पहिले कबड्डी वरलड कप्प समें डोप टैस्सट कीते तां 23 खिडारी टराइलां समें ते 9 खिडारी टूरनामैंट दौरान पाज़ेटिव पाए गए। पंजाब दे दूजे कबड्डी वरलड कप्प-2011 लई भारती टीम दी चोण करन वेले 51 खिडारीआं दे डोप टैस्सट कीते गए जिनहां विच्चों 20 खिडारी पाज़ेटिव निकले। कप्प दौरान हर मैच पिछ्छों दोहां टीमां दे दो दो खिडारीआं दे सैंपल लए जांदे रहे ते दो दिनां बाअद नतीजा नशर कीता जांदा रिहा। दूजे विशव कप्प विच कुल 311 डोप टैसट कीते गए जिनहां उत्ते 47 लख्ख रुपए खरच होए। कप्प दौरान 52 ते टराइलां दौरान 20 खिडारी जोड़ के कुल 72 खिडारी डरग्गी निकले। उनहां विच इंगलैंड दे 10, कैनेडा 8, अमरीका 8, सपेन 7, आसट्रेलीआ 6, इटली 6, नारवे 3, भारत 1, पाकिसतान 1, जरमनी 1 अते अरजनटीना दा वी 1 खिडारी सी। टराइलां दौरान भारत दे 20 खिडारी डरग्गी निकले सन जिनहां विच 1 जोड़ के कुल 21 बणदे सन! इनहां विच सभ तों वध्ध खिडारी भारत दे ही सन।

कबड्डी वरलड कप्पां विच 2010 तों 14 तक डोप टैसट तां कीते जांदे रहे पर डोपी खिडारीआं नूं ख़ास सज़ा नां दित्ती गई। 2015 दा वरलड कप्प गुरू ग्रंथ साहिब दी बेअदबी दीआं घटनावां कारन मुलतवी करना पिआ। 2016 विच नां दा ही कबड्डी वरलड कप्प करवाइआ तां चोणां साहमणे वेखदिआं डोप टैसट कीते ही नां गए। डर सी कि पहिलां ही अधूरा कप्प शाइद सिरे ही नां चहड़े!

कबड्डी कलब्बां ते फैडरेशनां दा रोल

कबड्डी कलब्बां, कबड्डी फैडरेशनां ते कबड्डी टूरनामैंट कराउण वालिआं नूं चाहीदा सी कि जिंने समें लई डरग्गी खिडारीआं दे खेडण उत्ते पाबंदी सी उंना समां उनहां नूं खिडाइआ नां जांदा अते सुधरन दा मौका दित्ता जांदा। पर अजिहा नहीं होइआ। कबड्डी दीआं कुझ पैरलल फैडरेशनां अजिहीआं बण गईआं जो डोप टैस्सट करा के डरग्गी खिडारीआं नूं आपणे हत्थों नहीं सन गुआउणा चाहुंदीआं। डरग्ग दे वपारी वी नहीं सी चाहुंदे कि डरग्ग दा कारोबार बंद होवे। उनहां दी चांदी इसे विच सी। जिहड़े ‘कबड्डी प्रमोटर’ डरग्गी खिडारीआं नूं आपणे टूरनामैंटां विच खिडाउंदे हन उह डालरां नाल खिडारीआं दा भला करन दी थां उनहां दा बुरा ही करदे हन जो उनहां नूं बाअद विच पता लग्गेगा। कबड्डी विच डरग्ग दी आमद नें हुण चंगी सोच वाले लोकां दा कबड्डी तों मोह भंग कर दित्ता है। हुण कबड्डी टूरनामैंट वेखण लई उंने दरशक नहीं जुड़दे जिंने पहिलां जुड़दे सन। जिहड़े थोहड़े बहुते जुड़दे वी हन उनहां विच्चों वी कबड्डी प्रेमी घट्ट हुंदे हन ते तमाशबीन वध्ध।

वीज़ा ही गोलड मैडल

पंजाब दे कबड्डी खिडारीआं नूं सभ तों वड्डी ख़ुशी ओदों हुंदी है जदों उनहां नूं विदेश जाण दे वीज़े मिल जाण। उह वीज़े नूं ही कबड्डी दा गोलड मैडल समझदे हन। बहुते खिडारी सिरफ़ इस लई कबड्डी खेडदे हन कि किसे दिन उह विदेश जाण दा वीज़ा लै सकणगे। कई अखंड पाठ सुख्ख लैंदे हन कि वीज़ा मिल गिआ तां पुंन दान वी करांगे। दुआबे विच इक ऐसा गुरदुआरा है जित्थे मंनत वजों हवाई जहाज़ां दे खिडौणे चहड़ाए जांदे सन। हुण उत्थे खिडौणे रख्खण दी थां नहीं बची!

कबड्डी हुण लख्खां करोड़ां दा कारोबार बण चुक्की है। कबड्डी दी मंडी विच डरग्गी खिडारी वी बोली लुआ जांदे हन। सिरे दा डरग्गी खिडारी टोरांटो, वैनकूवर, कैलगरी, ऐडमंटन दे टूरनामैंट खेड के इको सीज़न विच 50 हज़ार डालर भोट रिहा है। कैनेडा कप्प ते अमरीका कप्प खेडण दे वीह पच्ची हज़ार डालर वख्खरे। डरग्ग नां लैण वाले खरे खिडारी बिट बिट वेखदे रहि जांदे हन। कबड्डी दे नां ’ते विचे असली ते विचे नकली खिडारी वीज़े लै के विदेशां विच्च पक्के वसनीक बण बैठे हन। कबड्डी विच्चों ट्रैवल एजंट वी चंगीआं चुंगां कढ्ढदे हन।

जदों पछ्छमी मुलकां दा कबड्डी सीज़न शुरू होणा हुंदा है तां नाल ही कबड्डी वीज़िआं दी रुत्त आ जांदी है। सपांसर लभ्भे जांदे नें, राहदारीआं मंगाईआं जांदीआं जन ते विदेशां दे सिआसी नेतावां तों सिफ़ारशी चिठ्ठीआं पुआईआं जांदीआं हन। कई कहिंदे कहाउंदे खिडारीआं नूं वी वीज़े नहीं मिलदे पर जाअली खिडारी दाअ ला जांदे नें। खज्जल खुआरी लई कई कबड्डी खिडारी ख़ुद ही ज़िंमेवार हुंदे हन। कोई खिडारी पासपोरट नाल ही छेड़खानी कर बहिंदा है। जिस पासपोरट उत्ते वीज़ा नां मिलिआ होवे, उह झूठी मूठी गुआ छड्डदा है ते आपणे नां दा इक अध्धा अख्खर बदल के ते जनम सथान पिंड दी थां नानकिआं दा भर के दूजा पासपोरट बणा लैंदा है। पहिली फोटो पग्ग वाली होवे तां दूजी सिर मुंने दी लग्ग जांदी है। करदा कोई है, भुगतणीआं किसे होर नूं पैंदीआं हन!

डरग्ग दे कोहड़ दा इलाज

कबड्डी विच डरग्ग दे कोहड़ दा इलाज करना बेशक्क सौखा नहीं पर जे सारे कबड्डी प्रेमी तहई्ईआ कर लैण तां इह औखा वी नहीं। कबड्डी लई फंड देण वाले मुढ्ढली शरत इह रख्खण कि साडा पैसा खरे खिडारीआं ’ते लग्गे नां कि डरग्गी खिडारीआं ’ते लग्ग के उनहां दा सत्तिआनासस करे। दरशक वी खरे खिडारीआं दी खेड वेखण नां कि डरग्गी खिडारीआं दी। जे कोई डरग्गी खिडारीआं नूं खिडाउण दी हिमाकत करे तां दरशक उहनूं हूट करन तां कि होरनां नूं सबक मिले। इनामां नाल हौसला खरे खिडारीआं दा वधाइआ जावे नां कि डरग्गी खिडारीआं दा। लच्चर गाइकी ते डरग्गी कबड्डी तदे बंद हो सकदी है जे लोक ख़ुद साथ देण। जे पुराणे खिडारी डरग्गां तों बिनां सालां-बध्धी वधीआ कबड्डी खेडदे रहे तां नवें खिडारी किउं नहीं खेड सकदे?

विदेशां दीआं कबड्डी फैडरेशनां पंजाब तों केवल उनहां खिडारीआं नूं सद्दण जिहड़े वीज़ा अरज़ी नाल कुझ दिन पहिलां मानता प्रापत एजंसी तों डोप टैस्सट करवाए दा सरटीफिकेट लाउण। सद्दे गए खिडारीआं नूं ऐट रैंडम डोप टैस्सट दा वी डर होवे। कबड्डी नूं डरग्ग दी मार तों बचाउण लई नेकनीअती दी लोड़ है, डरामेबाज़ी दी नहीं। ऐवें जाअली डोप टैस्सट कराउण दा डरामा रच के कबड्डी प्रेमीआं ते खरे खिडारीआं दीआं अख्खां विच घट्टा नहीं पाउणा चाहीदा। डरग्ग टैस्सट दी फीस 40 डालर है ते डोप टैस्सट दी 200 डालर। कबड्डी टूरनामैंटां नूं फंड देण वाले डोप टैस्सट सपांसर करन लई नितरन। कबड्डी दा नाअरा होणा चाहीदा है:

खरे खिडारी ज़िंदाबाद! डरग्गी खिडारी मुरदाबाद!