वकत बड़ी बलवान शैअ है, बदलदे देर नहीं लाउंदा। कदों राणे तों रंक बणा देवे ते कदों भिखारी नूं महिलीं बिठा देवे कुझ नहीं पता लग्गदा। अज्ज दे इस लेख 'च ऐन्न.आर.आई. लोकां दे बदले वकत दीआं कुझ गल्लां करांगे। पर उस तों पहिलां कुझ कु बदले समें दीआं वड्डीआं घटनावां नूं याद कर लईए।
धरमयुध्ध मोरचे 'चों निकली पारटी यानी कि 'श्रोमणी अकाली दल' नें आपणे सो साल दे इतिहास 'च बहुत सारे झख्खड़ां दा साहमणा कीता पर धरम दे नां ते हर बार मुसीबतां दा साहमणा करदी रही। धरम दी दुहाई दे के लोकां नूं मगर लाउंदी रही। पर दो कु साल पहिलां वकत नें इहो जिही करवट्ट लई कि उही धरम सी ते उही उस दे पैरोकार अते उनहां दीआं वोटां नाल जित्त के सत्ता दे सुख भोगी सन। पर बरगाड़ी कांड नें इहो जिहे दिन लिआ दित्ते सन कि हर कोई आपणे आप नूं अकाली कहाउण तों वी डरन लग्ग गिआ सी। जिहड़े पिंडां दे उह राजे सन उनहां पिंडां चों ही मूंह ढक्क के लंघणा पैंदा सी। आप की चल्लणों हट गई सी ते बाप दी वारी आ गई सी। इह वख्खरी गल्ल है कि सानूं मालक नें भुल्लणहार बणाइआ है सो असीं छेती भुल्ल के फेर उनहां दे मगर ही जैकारे लाउण लग्ग पए।
इकल्ले इनसान दीआं उदाहरन नाल तां इत्थे खूह भरिआ जा सकदा है पर जदों वड्डे पध्धर ते लुकाई प्रभावित हुंदी है तां उह ज़िकरयोग हुंदीआं हन। इकल्ले-इकल्लिआं 'च तां सद्दाम हुसैन तों लै के अडवानी तक्क बहुत सारे नाम इत्थे गिणाए जा सकदे हन। इहनां सभ दे हुकमां बिनां कदे पत्ता नहीं सी हिल्लदा पर वकत नें खुड्डी वाड़ दित्ते सभ। गल्ल इत्थे इकल्ले वकत दी वी नहीं कीती जा सकदी! गल्ल इत्थे उनहां पैरोकारां दी वी करनी बणदी है जो रातों-रात अख्खां फेर लैंदे हन।
मुद्दे ते आउंदे हां। भावें दुनीआ भर 'च परवास हुंदा आइआ है पर पंजाबीआं दा परवास नाल कुझ ज़िआदा ही मोह रिहा है। कारन कई हन। किसे दी कोई मजबूरी, किसे दी लालसा ते किसे दा शौक। ते परवासी आपणे आप नूं दिलासा देण लई ते उत्तम बणन लई अकसर इह कहिंदे सुणे जा सकदे हन कि जी असीं तां बाबा नानक जी दे सरापे इनसान हां। उनहां इक्क बार माड़े बंदिआं नूं 'वस्सदे रहो' ते चंगे बंदिआं नूं 'उज्जड़ जाओ' दा हुकम कर दित्ता सी ते हुण असीं दुनीआ 'च चंगिआई खिलार रहे हां। चलो ग़ालिब दे कहिण वांग दिल प्रचाउण नूं इह ख़िआल वी चंगा ही है।
पंजाबीआं दे परवास दीआं पैड़ां हुण तां सदीआं पुराणीआं हो चुक्कीआं हन। कोई वेला सी जदों समुंदरां राहीं परवास हुंदा सी ते जिहनां दा कोई जीअ परवास कर जांदा सी उस टब्बर नूं पिंड 'च तरस दी नज़र नाल देखिआ जांदा सी ते अकसर किहा जांदा सी कि भाई इहनां दे हड्डा नूं तां विछोड़े दा रोग लग्गिआ। किउंकि इक्क बार गिआ बंदा जां तां मुड़दा ही नहीं सी जां फेर सालां-बध्धी मोड़ा पैंदा। इतिहास दस्सदा है के जदों कोई परवासी पिंड 'च आउंदा तां सारे पिंड नूं विआह जिंना चाअ हुंदा। रात-रात भर उस दे किस्से सुणन लई पिंड इक जुट्ट हो के बहिंदा। फेर थोहड़ा जिहा वकत बदलिआ। परवासी हवा राहीं आउण जाण लग्ग पए। पंजी-सत्ती साली पिंड गेड़ा मारन लग्ग पए। जदों कदे प्रवासी पिंड आउंदा तां जित्थे मुंडे खुंढे कोह-काफ़ दीआं परीआं दीआं गल्लां सुणदे, उत्थे बज़ुरग वी मुछ्छां थाणी हस्सदे। किउंकि उदों तक्क पछ्छमी संसार नूं बेशरमी नाल रहिण वाले ही मंनिआ जांदा सी। पर कुल मिला के प्रवासी दी कदर हुंदी सी।
फेर युग्ग बदलिआ। परवास करन वालिआं दी गिणती 'च वाधा होइआ। जदों किसे नें बाहरों आउणा हुंदा तां पिंड 'चों सिफ़ारिशां आउण लग्ग जांदीआं कि इस बार मैं जहाज़ चहड़ा के आऊ जा लै के आऊ। जहाज़ां दे अड्डिआं ते मेले लग्गदे। जाणा इक नें हुंदा ते सारा कुड़म कबीला जहाज़ चहड़ाउण आ जांदा।
अग्गे वधण तों पहिलां गल्ल सुफ़निआं दी वी कर लईए। हर इनसान दे सुफ़ने हुंदे हन जो उह उठ्ठदा-बहिंदा हर वकत लैंदा। जदों कोई परवास वाला हूला फक्कण दी सोचदा तां उस दे इकल्ले जागदिआं ही नहीं सुत्तिआं वी सुफ़ने 'च प्रदेस ही दिसदा। चलो कईआं दे इह सुफ़ने साकार हो जांदे हन। फेर समें दा पहीआ उलटा घुंमदा उसे इनसान दे सुफ़ने बदल जांदे हन। उह परवास नूं पूरन नहीं अपणाउंदा उस दे दिल दिमाग़ 'च उस दा पिंड उस दे आपणे आ के अटक जांदे हन। फेर उस दा इक्को सुफ़ना हुंदा है कि बस्स दब्ब के मिहनत करनी है कुझ कु वरहे ते बस्स फेर पिंड जा के रहिणा आपणिआं 'च ते पिंड नूं वी बाहरले मुलक वरगा बणा लैणा है। बस्स फेर की, जागदा ही आपणे पिछलीआं दी बिहतरी लई ताणा-बाणा बुणदा रहिंदा है ते रात नूं सुफ़ने 'च पिंड दीआं गलीआं 'च भटकदा फिरदा। जदों थोहड़ा जिहा वी पैरां सिर हुंदा तां कदे पिंड 'च कोई कैंप लगवाउंदा, कदे कोई खेड मेला करवाउंदा ते कदे पिंड 'च लाइबरेरी खोल्हदा।
पंजाब ते आईआं सारीआं हनेरीआं नूं पड़चोल के देख लवो प्रवासी तन मन धन नाल मूहरे हो के खलोए हन। भावें लोक उस नूं फुकरा वी कहि दिंदे वी उत्थे दिहाड़ी करदा ते इत्थे शाहूकार बणदा फिरदा। पर फेर वी उह रुकदा नहीं। इस दे बदले प्रवासीआं नूं की मिलदा? आपणीआं पिता पुरखी जाइदादां नूं बचाउण दा वी फ़िकर दिन रात खांदा। जिहड़े चार दिन उह आपणे मुलक आउंदा उनहां दिनां 'च हर कोई उस नूं ए.टी.ऐम्म. मशीन ही समझदा, वी जदों मरज़ी कारड घसा लवो। बहुते आपणे इस लई पासा वट्ट लैंदे हन कि उनहां दे जुआकां नूं बाहर सैट्ट नहीं करदा। सरकारी दफ़तरां ते बाज़ारां च सोने दे आंडे देण वाली मुरग़ी समझिआ जांदा। नेतावां नें तां हुण शरेआम कहिणा शुरू कर दित्ता कि बाहरलीआं भेडां यानी ऐन्न.आर.आई. दे फेर उन्न लाहुण वाली हो गई है। पर उह फेर वी इक प्रवासी आपणे नालों वध्ध आपणिआं बारे सोचदा।
इह लेख लिखण दा कारन ताज़ा महांमारी करोना तों बाअद परवासीआं प्रती बदलिआ नज़रीआ है। कल्ल्ह इह सोशल मीडीआ ते इक वीडीओ देख रिहा सी जिस विच इक गुरू घर 'चों बाबा जी सूचना बोल रहे सन कि भाई जे कोई प्रवासी लभ्भदा तां उस नूं फड़ के थाणे दे आओ। नहीं तां उह सारे पिंड नूं लाग ला देवेगा। असीं बिलकुल मंनदे हां कि इह बिमारी इक दूजे मुलक तों सफ़र करके फैल रही है। पर इस लई इकल्ले परवासी ही दोशी किउं? जेकर इकल्ले भारत दी गल्ल कीती जावे तां हज़ारां 'च उह लोक तुहानूं मिल जाणगे जो बाहरले मुलकां नाल वपार करदे हन ते अकसर हर महीने सफ़र करदे हन। ख़ास कर चाईना तों मुड़न वालिआं दी वड्डी गिणती है। सो उह वपारी वी दोशी गारदानो। दूजी गल्ल जदों कोई परवासी आउंदा ते उस नूं चैक्क करन दा फ़रज़ सरकार दा बणदा। चलो हुण तां इक बार सभ रोक दित्ता है ते कोई परवासी आ ही नहीं रिहा। जो आए होए नें जेकर उनहां प्रती नफ़रत दा नज़रीआ छड्ड के उनहां नूं चैक्क करवाउण 'च साथ दित्ता जावे तां की चंगा नहीं होवेगा? माफ़ी चाहुंदा कि मुक्कदी गल्ल इह है कि इक परवासी दी सोच वी इक मरासी वाली हुंदी है ते उह सदा ही ख़ुशीआं ते भला ही लोचदा आपणे गरां खेड़े दा।
इत्थे इक गल्ल ग़ौर करन वाली है कि दुनीआ 'च ऐसा कोई इनसान नहीं जो चाहेगा कि उह इहो जिही बिमारी फैलण दा ज़रीआं बणे। जिवें शुरू 'च किहा सी कि वकत बलवान है। इस दुनीआ 'च कुझ वी सथाई नहीं है। इह बुरा दौर वी गुज़र जावेगा। सिआणप इसे 'च है कि इक दूजे ते दोश लाउणा छड्ड इक्क दूजे दा सहियोग कीता जावे। बदले वकत दी अजीब खेड है कि कोई ज़माना सी घर बैठे विहलड़ नूं समाज दा दुशमण मंनिआ जांदा सी ते कंम वाले नूं समाज दा मित्तर पर इस ख़ास बिमारी 'च तां अजीब गल्ल है कि जिहड़ा बंदा कुझ वी नहीं करदा ते चुप्प कर के घर बैठा उह समाज दा सहियोगी ते जो बंदा कंम कर रिहा ते टिक्क के नहीं बैठा उह समाज दा दुशमण। जांदे-जांदे मुद्दे तों हट्ट के पर हालतां ते ढुकदी गल्ल, जिस बारे साडे मित्तर 'सपन मनचंदा' वल्लों लिखे इह चार शबदां बारे विचार करना बणदा।
"पुलिस दी कुट्ट सभ तों ख़तरनाक नहीं हुंदी। सभ तों ख़तरनाक है उह वीडीओ जो तुसीं सुआद लै के शेअर करदे हो ते पुलिस हत्थों होए ज़लील नूं होर ज़लील करदे हो। राशन 'लभ्भण' गए बाप दी घीसीआं ते छित्तर खांदे दी वीडीओ देख के पुत्त दा, धी दा शरम नाल मरना करोना नाल मरन तों वध्ध ख़तरनाक है। करोना इक वार मारेगा। पर मोबाईलां विच्च सेव हो चुक्कीआं इह वीडीउज़ "नासूर" बणनगीआं। जो रोज़ मारनगीआं। बंदे बणो शरम करो।"