ढोल
March 2023
सानूं रहिंदी ए त्रेह तेरी हाणीआं
कदे बूंद इशके दी केर जानीआं
साडे सुक्क गए मलूक पत्त टाहणीआं
जंड झुलसे थलां च बिन पाणीआं
पासा वट्ट के नां लंघीं डुब्ब जाणिआं
सानूं वेख नां तूं वांग बेगानिआं
तेरी पैड़ां दी मिट्टी नूं फ़क्की जाने आं
कदे मुड़ के वी वेख ढोल जानीआं
तेरी दिख्ख करदी ए बे-ईमानीआं
साडे नाळ हर वेळे छेड़ खानीआं
पावीं ढोलणा नां लंमीआं कहाणीआं
लंघ जाण नां वे साडीआं जवानीआं
देर तक्क तारिआं नूं मैं जगाउनी आं
चंन चानणी नूं मल मल नहाउनी आं
रहिंदी सुफ़ने च मिलणे दी आस वे
साडा जोबन रुत्ते दा बणवास वे
सानूं रहिंदी ए त्रेह तेरी हाणीआं
कदे बूंद इशके दी केर जानीआं
साडे सुक्क गए मलूक पत्त टाहणीआं
जंड झुलसे थलां च बिन पाणीआं
******************
झल्ले
किओं तोड़ निभावां रसमां नूं
दुनीआं दीआं पाईआं कसमां नूं
चुणीआं ही नां जो मैं आपे
ओह खाण रवाइतां खसमां नूं
किओं नित्त धिआवां दसमां नूं
जां मत्थे रगड़ां भसमां नूं
सभ ईसा मूसा झाके नें
साधां संतां ते तलिस्समां नूं
उह उत्ते वी उह थल्ले वी
उह अग्गे वी उह पिछ्छे वी
उह माड़ा वी उह चंगा वी
उह सभ कुझ ही उह कुझ वी नहीं
जे बात मैं इहो जिही पा देवां
की पैंदा थोडे पल्ले जी
तरकां बिन जीवन चल्लदा नहीं
धरमां दी बेहूदगी बल्ले जी
रब्ब किहो जिहा पर उपकारी है
जो दरद ते दुख्ख दा वपारी है
पत्ता नां हिल्ले कोई हुकम बिना
वस्स दीन ते हर दम चल्ले जी
इस दुनीआं विच्च हर धरम दीआं
किंनीआं मन घड़ीआं बातां नें
हर इक्क दा रब्ब अवल्ला है
धेले दी अकल नां पल्ले जी
दुनीआं पिछलग्गां दा टोला
पहड़दा नां कोई वी गरंथां नूं
परमाण बिना हर इक्क दाहवा
नहीं दिंदा शोभा संतां नूं
हर बाल जदों पैदा होवे
इक्को ही भाशा विच्च रोवे
पर जिओं जिओं उस दी उमर वधे
ज़ातां धरमां दा पाण चहड़े
तुसीं कहिंदे हो तां कहि लओ जी
गरंथां विच्च रब्ब दी बाणी है
है पहड़ना तां खुद पहड़ लओ जी
विच्च काह तों रख्खे दल्ले जी
तुसीं सौ धरमां तों मुनकर हो
असीं बस इक्क होर तों कल्ले जी
तुसीं ताला मग़ज़ नूं लाइआ ए
पर आंहदे सानूं झल्ले जी
****************
हेज
March 2023
तेरी याद आ के अज्ज फिर
बैठी रही विचारी
तक्कदी रही उह राहवां
चुप्प चाप ग़म दी मारी
जद वी कोई तारा टुट्टदा
मंगदी सी ख़ैर तेरी
मुक्कणी नहीं कदे वी
बिरहण दी बेकरारी
तेरी पैड़ दी ख़ामोशी
सुणदी सी रैण सारी
मायूसीआं दे अंबर
लाउंदी रही उडारी
ज़िंदगी नूं रंग गिआ जो
उलफ़त दी ला किनारी
लभ्भदी रही उह हर दम
लभ्भिआ नां उह ललारी
हर मोड़ ते मिळे फिर
कई प्रेम दे वपारी
सुलगे बुझाए कीकण
वाअदा शिकन चिंगारी
मशकूक होइआ रहिबर
खुद ते वी बेइतबारी
तेरी याद भटके इक्कण
बिन देव जिओं पुजारी
*************
फ़िराक
March 2023
साथों नहीं हुण जा होणा वे तैथों हत्थ छुडा के
गुत्थम गुत्था होईआं खुशीआं ग़म तकसीम करा के
साथों नहीं हुण जा होणा वे तैथों हत्थ छुडा के
लंमीआं लंमीआं रातां तेरीआं मिठ्ठीआं मिठ्ठीआं बातां
खेरूं खेरूं कर सौगातां तैथों सभ वंडवा के
साथों नहीं हुण जा होणा वे तैथों हत्थ छुडा के
ज़िंदगी दी जिस पैळी आपां रळ मिळ पध्धरे लाए
तक्किआ नहीं फेर जाणा साथों विच्च किआरे पा के
साथों नहीं हुण जा होणा वे तैथों हत्थ छुडा के
पिआर मुहब्बत दे जो आपां बाग़ बग़ीचे लाए
गेड़ दोमाहले चावां ते रीझां दे पाणी पा के
साथों नहीं हुण जा होणा वे तैथों हत्थ छुडा के
सारी ज़िंदगी तेरे आळे दुआळे फिरदे लंघ गई
रहि जाणा की मेरे पल्ले रुखसत तैथों पा के
साथों नहीं हुण जा होणा वे तैथों हत्थ छुडा के
उमरां दा इह लंमा पैंडा वी मुक्क जाणा इक्क दिन
कित्थे लै के जावां मिठ्ठीआं यादां गंढ बनहा के
साथों नहीं हुण जा होणा वे तैथों हत्थ छुडा के
वाजों तेरे नैणीं रड़के हर सरघी दा वेळा
तूंहीओं सानूं दे जा चुंमण ज़हिर नाग़ दा पा के
साथों नहीं हुण जा होणा वे तैथों हत्थ छुडा के
************************
कशश
February 2023
जिस घड़ी नज़र मेरी अकस तेरा छोह गई
खिच्च तेरी चाह दी वजूद मेरा मोह गई
बण उमंग मौज मेरी टोर दे विच आ गई
हर खुशी सतरंग बण के अंबरां ते छा गई
देर तक्क खुशबू तेरी मेरा चित्त रही टुंबदी
फिर खिआलां विच्च तेरी आगोश मैं पघरा गई
सुणी नां देखी मुड़ कोई अरशां तों उत्तरी मैं बहार
तेज तेरे रूप दे विच्च हर कली मुसका गई
सहिरा बुझे नां जिस तरां तेह कदे वी आब दी
ज़िंदगी गुज़र गई तलब मिटी नां पिआर दी
इशक नूं सौगात जद इतबार दी तूं दे गिआ
दीन दुनीआ नाळ मेरा वासता ही नां रिहा
*************************
हूक
February 2023
हाए नी हाए मां मेरीए
किहड़े किहड़िआं ग़मां नूं सुणावां
अधने अधूरे ख़ाब दे
रिशते दा की नाम धरावां
आहां दे ठारे होए पिंडिआं
किहड़े चावां दा मैं ताप चहड़ावां
हंझूआं दी भिज्जी रूह नूं
किहड़े सिविआं ‘च सुक्कणे पावां
लेखां दी काळी बोळी कोठड़ी
किहड़े पांडूआं दा लेप करावां
चंदरी कुलहिणी रात नूं
किहड़ी महड़ी दे दीवे दी लो लावां
लंघदी ख़िज़ां पुछ्छदी
किहड़ी पंचमी दा दिन मैं मनावां
अधनी अधूरी आरज़ू
किहड़ी आस दे तड़ागीआं बनहावां
बाग़ लाए पितरां सभे
किहड़े गुलशन विच्च खिड़ जावां
रंग दे बाज़ार दस्स नी
किहड़ी वेदी ते चहड़ां मिट जावां
*******************
तांघ
January 2023
की सुणावां यार मेरे ज़िंदगी दी दासतान
बिन तेरे मकसद नां कोई बे वजहा सारा जहान
तेरीआं ख़ामोशीआं नें गुलिसतान कीता वीरान
मंज़िलां हुण लापता ते टुर गिआ मेरा कारवां
हर सुबह हुण दिन चहड़े नूं की मुबारक मैं दवां
दोश छुपे सूरजां दा मैं घटा नूं की कहां
वकत जो रोकिआं नां रुकदा सिख्ख गिआ हुण ठहिरना
दिन पहाड़ां जेड लंमे रात दा नां खातमा
हर कोई हुण जाच दिंदा मोह एना किओं करां
तेरीआं यादां दे बाझों वी मुकंमल है जहान
आदतां जो तेरीआं हुण बण गईआं नें मेरीआं
किहड़ीआं महिफ़ूज़ रख्खां किहड़ीआं रुख़सत करां
रात तां गुज़र गई पर ख़ाब बरकरार है
हमसफ़र नहीं कोई हुण नां कोई इकरार है
राह टुरदे ही रहे कोई नां राज़दार है
तेरे बगैर ज़िंदगी नां आर है नां पार है
की सुणावां यार मेरे ज़िंदगी दी दासतान
हर लमहा जदीद है पर कुझ नहीं है हुण नवां
किहड़े अलफाज़ां दे विच्च हुण बेकरारी नूं कहां
तेरीआं ख़ामोशीआं दा मैं हुंगारा की दवां
***********************
सौ वरहे दा झख्खड़
December 2022
की सुणावां यार मेरे धरत दी मैं दासतान
बिन किसे मकसद दे खज्जळ हो रिहा सारा जहान
बदहवासी भटकदा है रौशनी विच्च वरतमान
सच्च तों परमाण मंगदा झूठ नूं करदा सलाम
रोज़ी रोटी गुरबतां दा ख़लक ते चल्ले वदान
अलफ़ नंगा राज दे दरबार बैठा सूझवान
दरद दा कारण जो लभ्भदा टुर गिआ सी जंगळां
तिआग दा ओही मसीहा दीन दा ढावे मकान
देश ते संविधान ते जिस नूं नां भोरा वी गुमान
हर किसे नूं दे रिहा है देश भगती दा गिआन
छल कपट ही नीत जिसदी दहिशतां दा है नज़ाम
मकरिआं दी जुंडळी खुद नूं कहावे सत्तिआवान
वेच दित्ता हर किसे नें दीन ते अपणा ईमान
दौलतां नूं बंनह लाई बैठा हर पासे शैतान
वादीआं सभ खुशक होईआं बूंद नूं तरसे जहान
खस्सड़ां दे नाअरिआं तों अक्किआ किरती किसान
धरत दा किओं वध्ध रिहा है तेज एना तापमान
छोटे मोटे सोध नाल बदल जाणा है जहान
दान पुंन भिख्ख है सभ औकड़ां दा समाधान
पूंजी वजहा है इसदी नां आखदा उह बे ईमान
ज़िंदगी दे रफ्फड़ां दा इक्क है कारन पछाण
निज्ज दी दौलत नूं करना मुढ्ढ तों पैणा तमाम
टिक टिकाअ विच्च ठल्लिआ इह सौ वरहे दा है तूफ़ान
तरकशां नूं चुक्क ते हुण चाहड़ चिल्ला तूं कमान
**************************
झूठ
December 2022
बेपरवाहीआं दा गहिणा बस्स शाहां ते ही सजदा ए
कोई मसत मलंग दस्स की जाणे भुख्खा ढिड्ड कीकण रज्जदा ए
जिस ख़लकत ते रोज़ी रोटी दा नित्त वदान पिआ चल्लदा ए
उस ख़लकत नूं विहलड़ हर दम कोई वैर नसीब दा दस्सदा ए
जो लेखां दे गुण गाउंदे नें सभ भंबल भूसे पाउंदे नें
उह दीन दी गुरबत दा दोशी ओहदे करमां नूं ठहिराउंदे नें
खुद बहि के पुशपक दे विच्च नित्त जो सुरग दे दौरे लाओंदे नें
किवें थोड़े विच्च निरबाह करीए दूजे नूं सबक सिखाउंदे नें
इह दो वेळे दा टुक्कर वी कित्थे सरबत्त नूं सरदा ए
मालक दा निआज़ वी तां पहिलों रज्जिआं दा ढिड्ड ही भरदा ए
जो बैठे नें सभ कुझ सांभी बलीदान दा गिआन पए वंडदे नें
झूठां दीआं नज़मां लिखदे नें ते सच्च नूं छिक्के टंगदे नें
इह दुनीआं दो धड़िआं दे विच्च तदबीरां नें ही खंडी है
हर औकड़ दा इक्को कारन जो पाई बांदर वंडी है
जद तक्क किरती दी उपजां ‘ते अधिकारां दी पाबंदी है
तद तक्क मुकती हर मानव दी विच्च काळ कोठड़ी बंदी है
*********************************
दंदईआ
November 2022
नीं काह तों फिरें भांबड़ बणी
नां मच्च के तूं कल्ली बुझ जीं
वे तूं ही ज़रा बच के रहीं
उमर तेरी तील्हीआं दी खेड दी नहीं
रोकिआं नां रुके लक्क दा हुलारा
अग्ग लाउणा तेरी अख्ख दा इशारा
सुक्की पैळी विच्च अग्ग दा अंगारा
पट्टिआ नां जावे जट्ट कोई विचारा
नीं रूप ज़रा सांभ के रख्खी
दंदईआ दंदईआ दंदईआ लड़ गिआ
ज़हिर तन बदन सारे चहड़ गिआ
दंदईआ दंदईआ दंदईआ लड़ गिआ
मर नां जावां वे किते मैं
नीं आजा लग्गी सौण दी झड़ी
सुक्की खहड़ी नां किते रहि जीं
वे बच मैं वी तपदी तवी
ऐवें किते नां खिल्ल बण जीं
नाग़ वळ खांदी गुत्त दा नज़ारा
मारे मत्त मुंडिआं दी करे अवारा
चिट्टी कुड़ती दे नाळ पीळा गरारा
भिज्जिआ बदामी रंग दिसदा सारा
खुर नां जावीं नीं किते तूं
दंदईआ दंदईआ दंदईआ लड़ गिआ
ज़हिर तन बदन सारे चहड़ गिआ
दंदईआ दंदईआ दंदईआ लड़ गिआ
मर नां जावां वे किते मैं
नीं तेरी मेरी इक्क जिंदड़ी
बणन दे खिचड़ी
वे आजा आ के अंग लग्ग जा
बण के तूं चिच्चड़ी
रोम रोम चहड़ गिआ चाअ कुआरा
दूर दूर रहिणा हुण नहीं गवारा
अत्थरी जवानी कर दी इशारा
कोसे साहां दी टकोर कर दे यारा
ठर नां जावां वे किते मैं
दंदईआ दंदईआ दंदईआ लड़ गिआ
ज़हिर तन बदन सारे चहड़ गिआ
दंदईआ दंदईआ दंदईआ लड़ गिआ
मर नां जावां वे किते मैं
******************
दुबिधा
तरकालां नूं लंमीआं किओं हुंदीआं नें छावां माए
उमरां दा इह राज़ तां कोई आ मैनूं समझाए
चित्त दी गहिराई दे विच्चों कीकण निक्कळे हाए
तनहाई दे विच्च ही किओं हुण तिस दी याद सताए
पत्तझड़ विच्च किओं रुख्खां नूं ओड़क दा जोबन आए
शीत लहिर किओं सभ कासे नूं हूंझा ला टुर जाए
ढळदे सूरज नूं जावे नां कीकण कोई मनाए
आथण नूं किओं कल्ला छड्ड जांदे नें सभ दे साए
सोचां विच्च जो सिरजां किओं आकार पकड़ नां आए
बीत गिआ जो मन नूं कीकण कोई आख भुलाए
विसरे वकत नूं किंना वी कोई हाकां मार बुलाए
यादां दे दरिआवां हहड़िआ वापस किओं नां आए
मेरे अंदर वस्सी तेरी महिक नां काह तों जाए
त्रिशणा मिरग दी बुझे नां कसतूरी कौण थिआए
जीवन दे दसतूर नें काह तों ऐने वहिशी माए
बिन तेरे वी हस्सदे टप्पदे नें हुण तेरे जाए