-50-

 

पिछले इक्क हफ़ते तों किसे नें वी हसपताल गेड़ा नहीं सी मारिआ। मरीज़ां दी देख भाल लई राम नाथ सी, संगीता सी जां नेहा।

वारदात होई नूं इक्क महीना होण वाला सी। दुख्खां भरे दिनां दा इक्क इक्क पल कई कई युगां जिडा लंमा सी। फेर वी राम नाथ नूं पता नहीं सी लग्गा, कदों दिन चहड़दा अते कदों छिपदा सी।

राम नाथ आपणे आप नूं आलसी सुभाअ दा मंनदा सी। सवेरे लेट उठ्ठणा, हौली हौली नहाउणा धोणा। कंम ’ते लेट जाणा। कदे शहिरों बाहर जाणा पै जाए तां उसनूं पिस्सू पै जांदे सन। जिंना चिर टल सकदा सी, उह घरों बाहर जाण तों टलदा सी। दूसरी थां नां उसनूं नींद आउंदी सी, नां खाण पीण ठीक बैठदा सी। सवेरे उठ्ठदिआं उसनूं कबज़ हो जांदी सी। हफ़ता दवाई खा के मसां पेट थां सिर आउंदा सी।

पिछले इक्क महीने विच्च सभ कुझ्झ उसदे सुभाअ दे उलट होइआ सी। उह दिन रात भंबीरी वांग घुंम रिहा सी। इक्क पल उह हसपताल हुंदा, दूजे थाणे, तीजे कचहिरी अते चौथे कोठी। नां खाण दा ख़िआल सी नां सौण दा। जदों जो मिलिआ, अंदर सुट्ट लिआ, जिथे मौका मिलिआ, अख्ख ला लई।

दो चार रातां नूं छड्ड के राम नाथ दीआं बाकी रातां हसपताल विच्च बीतीआं सन। दोवें मरीज़ जनरल वारड विच्च सन। मरीज़ां दे वारिसां नूं मरीज़ां कोल सौण दी इनहां वारडां विच्च कोई सहूलत नहीं सी। हर मरीज़ दे बिसतरे कोल इक्क ढाई कु फुट्ट लंबा अते पौणा कु फुट्ट चौड़ा बैंच पिआ सी। दिने इह बैंच हाल चाल पुछ्छण आए रिशतेदारां दे कंम आउंदा सी अते रात नूं राम नाथ दे ढूही सिध्धी करन दे।

कदे कोई रिशतेदार रात कटाउण आ जांदा तां राम नाथ हसपताल दे लांघिआं विच्च सुत्ते मरीज़ां दे वारिसां कोल आपणी दरी विछा लैंदा। हसपताल दीआं जगदीआं बत्तीआं, मरीज़ां अते उनहां दे वारिसां दा शोर पहिलां पहिल उस नूं तंग करदा सी। सारी सारी रात उसनूं नींद नहीं सी आउंदी। भुल भुलेखे कदे अख्ख लग्ग जांदी तां कोई नां कोई नरस उसनूं आ झंजोड़दी। कदे वेद नें पासा दिवाउणा हुंदा अते कदे गिल्ले कपड़िआं नूं बदलणा हुंदा। इक्क वार कच्ची नींदो उठ्ठण बाअद उसनूं कदे नींद नहीं सी आउंदी। उस्सल वट्टे लैंदा उह पंकज अते नीरज उपर कुहड़दा रहिंदा। उनहां नूं अंदर कराउण दीआं योजनावां घड़दा रहिंदा।

राम नाथ नें किसे थां पहड़िआ सी। मनुख्ख अंदर अथाह शकतीआं दा सोमा है। लोड़ पैण ’ते इह शकतीआं आपणे आप जाग पैंदीआं हन। जागीआं शकतीआं मनुख्ख तों अजीबो गरीब कारनामे करवा दिंदीआं हन।

इह कथन राम नाथ उपर सच्च साबत हो रिहा सी। इस इक्क महीने विच्च नां उसनूं बुख़ार चहड़िआ सी, नां कबज़ होई सी। नां पौड़ीआं चहड़दे उस दा साह चहड़िआ सी अते नां गोडिआं विच्च दरद होइआ सी। उह टटहीरी वांग भज्जदा फिरदा सी।

पर भरावां दे साथ छड्ड जाण कारन उस अंदरलीआं गैबी शकतीआं जिवें मुड़ सौं गईआं सन। हुण इकल्ले बैठे राम नाथ दा दिल घबराउण लग्गदा सी। आपणे चौपट हो रहे धंदे दा फ़िकर उसनूं वढ्ढ वढ्ढ खा रिहा सी। वकालत विच्च सथापत होण लई राम नाथ नें दस साल सख़त मिहनत कीती सी।

पटवारीआं, सरपंचां, कामरेडां अते सिआसी नेतावां दी मुठ्ठी चापी करके उसने मसां रोटी खाण जोगा कंम रेहड़िआ सी। मुड़ लीह ’ते पैण लई पता नहीं उसनूं किंने साल लगणे सन।

राम नाथ अते संगीता नें मिल के मसां बच्चिआं दे भविख्ख दा मूंह मत्था संवारिआ सी। उसदा बेटा बी.ए.दे आख़री साल विच्च सी। जे नंबर घट्ट रहि गए, उसनूं पंजाब दे किसे लाअ कालज विच्च दाख़ला नहीं सी मिलणा। पंजाब तों बाहर जा के नाले पहड़ाई ख़राब होणी सी नाले खरचा दुग्गणा होणा सी। उस तों छोटी बेटी ऐम.बी.बी.ऐस.विच्च दाख़ल होण दी आस लाई बैठी सी। कालज दी पहड़ाई दे नाल नाल उसनूं कंपीटीशन दी तिआरी लई कई कई थाईं टिऊशन पहड़न जाणा पैंदा सी। सभ तों छोटी बेटी दसवीं कलास विच्च सी। उसदा भविख्ख वी इस जमात विचों प्रापत कीते नंबरां ते निरभर करदा सी। उनहां दे माइआ नगर रहिण कारन तिंनां बच्चिआं दा भविख्ख धुंदला हुंदा जा रिहा सी।

जे किधरे संगीता दी बदली किसे दूर दुराडे पिंड दी हो गई, उनहां दे घर दी सारी विवसथा उत्थल पुत्थल हो जाणी सी।

इकल्ला बैठा राम नाथ जलदी तों जलदी आपणे शहिर मुड़ जाण लई काहला पैण लग्गदा सी।

कुझ्झ दिनां तों दोहां मरीज़ां दी सथिती सथिर बणी होई सी। जे कुझ्झ दिन कोई गड़बड़ नां होई तां उनहां नूं छुट्टी हो सकदी सी।

आस दी इह किरन राम नाथ दे बुझे मन नूं कुझ्झ रुशना रही सी।

पर नीलम दे वारड विच्च पए मरीज़ां दे वारिस राम नाथ तों उलट सोच रहे सन।

नीलम दे दौरे बंद सन, पर बेहोशी काइम सी। जिस तरहां दी उसदी हालत पंदरां दिन पहिलां सी, उसे तरहां दी अज्ज सी। नीलम नें जिंना ठीक होणा सी, हो चुक्की सी। हसपताल रख्खण दा कोई फ़ाइदा नहीं सी। अठ्ठ घंटिआं बाअद उसदी गुलूकोज़ वाली बोतल बदली जांदी सी। नरसां दिन विच्च तिंन वार उस नूं दवाई दिंदीआं सन। इह कंम किसे नरस नूं घर बुला के करवाइआ जा सकदा सी।

इस तरहां दे कई मरीज़ साल साल तों इस वारड विच्च पए सन। डाकटरां नें उना चिर उस नूं छुट्टी नहीं देणी, जिंना चिर उनहां नें मंगणी नहीं। प्राईवेट हसपताल सी। फीसां विचों डाकटरां नरसां नूं हिस्सा मिलदा सी। कोई आपणे रुज़गार विच्च लत्त किउं मारेगा?

इहो सलाह वेद दे हमदरदां दी सी। उसदे जुबाड़े वाली तार खुल्ह गई सी। दरद घट गिआ सी। उह बोलण चालण लग्ग पिआ सी। तरल पदारथ अंदर जाण लग्गा सी। पलस्सतर छे हफ़ते बाअद खुल्हणा सी। लोड़ पई दोबारा लग्ग जाणा सी। पिछले दस बारां दिनां विच्च डाकटरां नें दसो की कीता सी?

डाकटर दिन विच्च इक्क वार आउंदा सी। हाल चाल पुछ्छ के मुड़ जांदा सी।

“किउं हसपताल विच्च वरान हुंदे हो? घर जाओ। कंम संभालो। पंदरां दिनां बाअद ऐकसरे करवा के दिखा जाइआ करो।”

राम नाथ नूं लोकां दी राए ठीक लग्गी। डाकटर उनहां नूं उल्लू बणा रहे सन। मरीज़ छुट्टी दे काबल सन।

छुट्टी राम नाथ दी लोड़ वी सी।

डाकटरां नाल गल्ल कीती। उह आपणी सलाह देण लग्गे।

नीलम दी हालत विच्च तेज़ी नाल सुधार हो रिहा सी। डाकटरां नूं आस सी दो चार दिनां दे अंदर अंदर उह इशारे समझण लग्गेगी। चमचा बुल्हां ’ते लाउण नाल मूंह खोल्हण लग्गेगी। इंना कु सुधार हुंदिआं ही छुट्टी कर दित्ती जावेगी।

हुण छुट्टी कीती गई तां सुधरी हालत विगड़ सकदी सी। इक्क वार होई अणगहिली नीलम दे दिमाग़ नूं हमेशा लई सुंन कर सकदी सी। डाकटर ख़ुद छुट्टी नहीं दे सकदे। उनहां दी सलाह दे उलट मरीज़ नूं लिजाइआ जा सकदा सी।

इहो सलाह वेद दे डाकटर दी सी।

मरीज़ दी उमर ज़िआदा सी। हड्डी बणन विच्च देर लग्ग रही सी। हड्डी कच्ची सी, जोड़ अल्ले सन। घर जा के देख भाल विच्च जे अणगहिली होई तां ज़ख़मां विच्च पस पै सकदी सी। पलेटां खिसक सकदीआं सन। हड्डीआं ग़लत थां जुड़ सकदीआं सन। मरीज़ वार वार अपरेशन कराउण दी सथिती विच्च नहीं सी। छे हफ़ते बाअद सकैन करके इक्क इक्क हड्डी दा जाइज़ा लिआ जाणा सी।

हुण तक सभ अछ्छा सी। इसे तरहां चलदा रिहा तां छे हफ़ते बाअद छुट्टी हो जाणी सी।

घर तक जांदिआं, मंजा बदलदिआं, उठ्ठदिआं बैठदिआं, हड्डीआं नूं ख़तरा ही ख़तरा सी।

डाकटरां दी राए नें राम नाथ दीआं घर जाण दीआं योजनावां मिट्टी विच्च मिला दित्तीआं।

उह मन मसोस के बैठ गिआ।

“किउं काहल करदे हो? जिध्धथे इंने दिन कध्धटे गए, उथे दो चार दिन होर सही। पिछों पछतावांगे। धीअ भैण दा कंम है।”

संगीता नें राम नाथ दा हौसला वधाउण दा यतन कीता।

“होर आपां कर वी की सकदे हां?”

राम नाथ हउका भरन तों सिवा कुझ्झ नहीं सी कर सकदा।

इहो उसने कीता।

 

-51-

 

शतरंज दे खिलाड़ीआं वांग दोहां धिरां नें आपणीआं आपणीआं चालां चलणीआं शुरू कर दित्तीआं। इक्क पासे विउपारक चालां सन, दूजे पासे सिआसी हत्थ कंडे।

पंकज होरे बघेल सिंघ नाल चल्ल रही गल्ल लटकाउण लगे। आपणी जाणे उह पेशगी ज़मानत दे सारे इंतज़ाम कर आए सन। सरकारी वकील नें उनहां दी पिठ्ठ थापड़ी सी। वासूदेवा आपणी हिक्क थापड़ रिहा सी। पेशगी ज़मानत मनज़ूर होण विच्च कोई कसर बाकी नहीं सी।

इक्क वार ज़मानत मनज़ूर हो गई फेर बघेल सिंघ दे रेट ठरे पारे वांग हेठां डिग्गण लग्गणे सन।

बघेल सिंघ सिआसी घाग सी। उह पंकज दे इशारिआं नूं भांप गिआ।

आपणी अड़ी पुगाउण लई हाई कोरट कोलों पेशगी ज़मानत दी दरख़ासत रद्द कराउणी ज़रूरी सी।

अंदरखाते बघेल सिंघ दरख़ासत रद्द कराउण दे इंतज़ाम करन लग्गा।

सभ तों पहिलां उसने विरोधी धिर दे विधाइक नाल गल्ल कीती। बघेल सिंघ हुकमरान पारटी दा विधाइक सी। उह सरकार विरुध नहीं सी चल्ल सकदा।

विरोधी धिर दा विधाइक इक्क प्रैस्स कानफरंस बुला के सरकार ते ताबड़तोड़ हमला करे। पुलिस अते मुलज़मां दी मिली भुगत दे किध्धसे नंगे करे। असल मुलज़मां नूं फड़न अते कटहिरे विच्च खहड़े करन दी मंग रख्खे। मंग नां मंने जाण दी सूरत विच्च लोक हित्त पटीशन राहीं मुकद्दमे दी तफ़तीश नूं सी.बी.आई.हवाले करन, धरने मारन अते मरन वरत दी धमकी देवे। प्रैस्स कानफरंस नूं ज़ोरदार अते सनसनीखेज़ बणाउण लई बघेल सिंघ नें विधाइक नूं कुझ्झ अजिहे सबूत दित्ते, जिनहां नाल पुलिस दे पोल खुल्हदे सन। विधाइक नूं नां धरना मारन दी ज़रूरत पैणी सी, नां हड़ताल करन दी। मुख्ख मंतरी राहीं बाकी मसला उसने आपे नजिठ्ठ लैणा सी।

ख़बरां विच्च रहिणा सिआसी बंदिआं दी मजबूरी सी। अंनहा की भाले, दो अख्खां! भाईचारे नूं खुश करन लई विधाइक झट्ट प्रैस्स कानफरंस बलाउण लई मंन गिआ।

पत्तरकार भरिंडां वांग इकठ्ठे हो गए। सुरख़ीआं लभ्भणा उनहां दी मजबूरी सी।

अगले दिन सणे फ़ोटो ख़बरां छप गईआं।

कुझ्झ दिनां तों ठंडा पिआ मसला फेर भख गिआ।

बघेल सिंघ नें मुख्ख मंतरी दे दफ़तर फ़ोन खड़काए।

“विरोधी धिर दीआं धमकीआं दा लाहा लिआ जावे। पुलिस कपतान दी खिचाई करके मिसल दीआं ख़ामीआं दूर कराईआं जाण। हाई कोरट विचों दरख़ासत रद्द कराउण दी उसदी निजी ज़िंमेवारी लाई जावे।”

इंझ ही होइआ।

उह हौलदार इक्क वार फेर मुअत्तल कीता गिआ, जिहड़ा कचहिरी जाण दी थां मेलू दी डेअरी विच्च जा के शराबी हो गिआ सी। उसनूं चार दिनां बाअद किउं बहाल कीता गिआ? इह सपशटीकरन कपतान तों मंगिआ गिआ।

इंने कु झटके नाल पुलिस हरकत विच्च आ गई। मिसल मुकंमल कराउण लई कपतान दिलचसपी लैण लग्गा।

पहिलां आपणे रीडर राहीं उस नें मिसल ज़िल्हा अटारनी कोल भेजी। उह मिसल नूं घोखे, ख़ामीआं दूर कराए।

ज़िल्हा अटारनी नें इसे तरहां कीता। पंकज होरां विरुध्ध जो कुझ्झ मिसल ’ते लिआंदा जा सकदा सी, लिआंदा। झूठे सच्चे गवाह खहड़े करके उनहां दे बिआन लिखे। किसे नूं साज़श घड़दे अते किसे नूं पंकज नूं ठेकेदार नूं पैसे दिंदे दिखाइआ।

मसले दी गंभीरता नूं समझदे होए ज़िल्हा अटारनी नें मरे सप्प नूं आपणे गलों लाहुणा ठीक समझिआ। मिसल मुकंमल करवा के उसने कपतान नूं मशवरा दित्ता। बहिस किसे ऐडवोकेट जनरल नें करनी सी। उसदी तसल्ली होणी ज़रूरी सी।

“हुण मिसल ऐडवोकेट जनरल कोल लै जावो। बाकी दी कसर उस तों पुछ्छ के दूर करो। मिसल दे नाल किसे ज़िंमेवार अफ़सर नूं भेजो। तुरंत पैर कुझ्झ नहीं होणा।”

कपतान नूं ज़िल्हा अटारनी दा इह मशवरा बहुत कीमती लग्गा। झट्ट इस ‘ते अमल होइआ।

ऐडवोकेट जनरल नाल गल्ल करना रीडर दे वस्स विच्च नहीं सी। इक्क ऐस.पी.दी डिऊटी लाई गई। विचार वटांदरा ऐस.पी.करेगा। इक्क ज़िल्हा अटारनी कपतान दे दफ़तर ताइनात सी। उसनूं बेनती कीती गई। उह वी नाल चलिआ जावे। ज़रूरी नुकते समझावे। वापस आ के नुकस दूर करवावे।

नाल गए अफ़सर ए.जी.दे कंनीं कढ्ढ आउण। मुख्ख मंतरी इस दरख़ासत नूं रद्द कराउण विच्च दिलचसपी रख्खदे सन। इह नां होवे ऐडवोकेट जनरल पहिलां किते अट्टी सट्टी ला लए। उसनूं सावधान कर आउण।

पुलिस नूं कंम ला के बघेल सिंघ ऐडवोकेट जनरल दे दुआले हो गिआ।

मुख्ख मंतरी वल्लों ऐडवोकेट जनरल नूं हदाइत जारी करवाई गई।

ऐडवोकेट जनरल बैंच विच्च बैठे जज्जां नाल निजी संपरक काइम करन।

बैंच दा सीनीअर जज्ज इसे सरकार दा लाइआ होइआ सी। उसनूं बेनती कीती जावे। सरकार दा वक्कार दाअ उप्पर सी। जज्ज नें इह वक्कार बहाल करना सी। जे जज्ज अहिसान फरामोशी करदा नज़र आवे तां ऐडवोकेट जनरल खुफ़ीआ विभाग वल्लों मिली सूचना दा ज़िकर कर देवे। खुफ़ीआ विभाग कोल इह सबूत नहीं सन कि किस राहीं किंनी रकम गई सी, पर सूचना पक्की सी कि कोठी रकम पुज्ज चुक्की सी। सरकार दे नाल नाल जज्ज नूं आपणी इज़्ज़त दा ख़िआल रख्खणा चाहीदा सी।

रहिंदी खूंहदी कसर पुलिस मुखी नें कढ्ढणी सी।

उसने पेशी तों इक्क दिन पहिलां वड्डी प्रैस्स कानफरंस करके प्रैस्स दे नां लिखती नोट जारी करना सी। बाकी रहिंदे तिंनां मुलज़मां दी बिहारों ग्रिफ़तारी दी ख़बर नशर करनी सी। नाल उनहां वल्लों दित्ते इकबालीआ बिआनां दीआं टेपां पत्तरकारां नूं सुणाउणीआं सन। इनहां बिआनां विच्च दोशीआं वल्लों सारी ज़िंमेवारी पंकज होरां सिर महड़नी सी।

पंकज होरां दे कुझ्झ ही सालां विच्च करोड़ां दी जाइदाद इकठ्ठी करन दा कच्चा चिठ्ठा खोल्हिआ जाणा सी। इस जाइदाद दे इकठ्ठे होण दा कारन उनहां दा अंडर वरलड नाल संबंध होणा दस्सिआ जाणा सी। इस जाइदाद दी पड़ताल लई कमिशन दे गठन दी तजवीज़ दा ज़िकर होणा सी।

पुलिस मुखी दा इह बिआन अंगरेज़ी अख़बारां दे पहिले पंने ’ते छपणा सी। जज्ज अंगरेज़ी भाशा दे अख़बार पहड़दे सन। सवेरे उनहां दी पहिली नज़र इसे ख़बर ’ते पैणी सी। इस ख़बर नें जज्जां दे मनां नूं बदल देणा सी।

बघेल सिंघ होर अग्गे दी सोची बैठा सी।

उह पंकज होरां नूं सुपरीम कोरट तक नहीं सी जाण देणा चाहुंदा। दरख़ासत दे खारज हुंदिआं ही पुलिस नें उनहां नूं दबोच लैणा सी।

पुलिस मुखी दी हदाइत उपर इक्क विशेश पुलिस पारटी तिआर कीती गई। इस पारटी नूं मोबाईल फ़ोन, कारां अते हर आधुनिक सहूलत दित्ती गई। दो दिन पहिलां ही इह पारटी पंकज अते नीरज दा परछावें वांग पिछ्छा करन लगी।

पुलिस मुखी दी इस पारटी नूं हदाइत सी। दरख़ासत खारज़ हुंदे ही इस पारटी नूं सूचित कीता जाएगा। मुलज़म चाहे किसे अफ़सर दे घर छुपे होण, चाहे किसे सिआसी नेता दे, बिनां किसे दी परवाह कीते उनहां नूं ग्रिफ़तार कीता जाएगा। ग्रिफ़तारी समें हथो पाई जां खिच धूह करनी पई तां कीती जा सकदी सी।

विउपारक चालां सिआसी चालां अग्गे मात खा गईआं।

पंकज होरां नूं इंझ ग्रिफ़तार करन दी योजना बण रही सी, इसदा ख़िआल पंकज होरां नूं की आउणा सी, तेज़ तरार वासूदेवा नूं वी नहीं सी आइआ।

वासूदेवा नूं दरख़ासत मनज़ूर होण दी सौ फीसदी आस सी। ख़ुदा नां खासता जे दरख़ासत नां मनज़ूर हो गई तां उसने झट्ट पट्ट दरख़ासत सुपरीम कोरट लाउण दा इंतज़ाम कर रख्खिआ सी। उथों दे वकीलां वल्लों मसौदा तिआर सी। पंकज दे दिल्ली पुज्जदिआं ही उसदे दसतख़त हो जाणे सन अते दरख़ासत दाइर हो जाणी सी।

दरख़ासत ’ते बहिस सवेरे होई सी। फैसला बाअद दुपहिर होणा सी।

पहिलां वासूदेवा नूं दरख़ासत खारज़ होण दी ख़बर मिली। अगले ही पल पंकज दे ग्रिफ़तार होण दी। पुलिस नें उसनूं दिल्ली दे राह विच्च दबोच लिआ सी।

वासूदेवा नूं आपणी ग़लती दा अहिसास होइआ। उसनूं आपणे आप ‘ते इंना भरोसा नहीं सी करना चाहीदा। उसनूं मुलज़मां नूं शरे आम घुंमण नहीं सी देणा चाहीदा। लुक छिप के दिल्ली जाण दा मशवरा देणा चाहीदा सी।

पर हुण चिड़ीआं दे खेत चुग्ग जाण बाअद पछताउण दा कोई फ़ाइदा नहीं सी।

 

-52-

 

नीरज नूं पुलिस इल्ल वांग झपट के लै जाएगी, इह किसे दे चित चेते नहीं सी।

विने दी फैकटरी तों फ़ोन आइआ सी। पुलिस दो जिपसीआं विच्च आई सी। नीरज नूं धक्के नाल इक्क काले शीशिआं वाली कार विच्च सुट्ट के लै गई सी। फैकटरी दे मैनेज़र नें बहुत मिंनत कीती। दस्सिआ जावे पुलिस किस सटाफ़ दी सी। पर पुलिस नें कोई उघ्घ सुघ्घ नहीं सी दित्ती।

नीरज दी पतनी नें झट्ट चारे पासे फ़ोन खड़का दित्ते। सारे रिशतेदारां, दोसतां मित्तरां नूं कोठी पहुंचण दी बेनती कीती।

पंकज दी पतनी नें मोबाइल राहीं पंकज नाल संपरक कीता। घंटी वज्जी पर फ़ोन नहीं चल्लिआ। दूजी वार फ़ोन मिलाइआ। टेप वज्जण लग्गी। “फ़ोन बंद है।”

नीलू दा दिल धड़कन लग्गा। पंकज दे फ़ोन उपर घर दा फ़ोन नंबर आ चुक्का सी। उस नूं पता लग चुक्का सी फ़ोन घरों आइआ सी। फेर उसने फ़ोन सुणन दी थां बंद किउं कर दित्ता? लगदा सी उह किसे संकट विच्च सी।

किधरे उसनूं वी ग्रिफ़तार नां कर लिआ होवे? नीलू दे अंदरों अवाज़ आई।

शक्क दूर करन लई नीलू नें पंकज नाल गए दोसतां दे फ़ोन मिलाए। सभ फ़ोन इको रट्ट ला रहे सन। फ़ोन रेंज तों बाहर सन।

सारे जणे गए तां कित्थे? नीलू नूं हत्थां पैरां दी पै गई।

सुनेहा मिलदे ही दोसत मित्तर कोठी पुज्जण लगे। कोठी अग्गे गड्डीआं दी भीड़ जुड़ गई। आ रहे हमाइतीआं दे हत्थां विच्च आपणे आपणे फ़ोन सन।

हर कोई आपणे आपणे वाकिफ़ नाल संपरक काइम करके सथिती तों जाणू होण दी कोशिश करन लग्गा।

‘धीर कंसटरकशन कंपनी’ दा मालक देवराज धीर डी.आई.जी.दा लंगोटीआ यार सी। उह नें आउंदिआं ही उसदी कोठी फ़ोन कीता। जवाब मिलिआ साहिब शहिरों बाहर सन। धीर नें रीडर नाल गल्ल कीती। नीरज नूं किस पुलिस नें फड़िआ सी? हुण उह किथे सी? उसने सवालां दी झड़ी लाई।

रीडर नूं पता सी धीर अते डी.आई.जी.पग्ग वट्ट भरा सन। साहिब नें कदे धीर नूं किसे कंमों नांह नहीं सी कीती। उस वल्लों रीडर नूं हदाइत सी।

साहिब दी ग़ैर हाज़री विच्च धीर नूं कदे लोड़ पए तां साहिब दा नां लै के उसदा कंम करवा दित्ता जावे।

रीडर नें सहुं खाधी। उस नूं कुझ्झ पता नहीं सी। उनहां दे दफ़तर वल्लों नीरज नूं फड़न दी कोई हदाइत जारी नहीं सी होई। नां उसदी ग्रिफ़तारी संबंधी डी.आई.जी.दफ़तर नूं किसे पासिउं सूचना मिली सी।

डाकटर चावला नें पुलिस कपतान नूं फ़ोन कीता। उह कपतान दा दोसत वी सी अते फैमली डाकटर वी। कपतान दे सारे रोगां दा उस नूं पता सी।

उह हम राज़ सन। इक्क दूजे दीआं कमज़ोरीआं नूं जाणदे सन। चावला कपतान दे उनहां मित्तरां विचों इक्क सी जिसनूं कपतान दे गुपत मोबाईल फ़ोन नंबर दा पता सी। कपतान दा इह फ़ोन बैड्ड रूम विच्च वी खुल्हा रहिंदा सी अते बाथ रूम विच्च वी।

अज्ज पहिली वार सी, जदों इह फ़ोन वी बंद पए होण दा संकेत दे रिहा सी।

इह शुभ शगन नहीं सी। अफ़सरां दा इस तरहां टलना ख़तरे दा सूचक सी। मतलब साफ़ सी। केस उनहां दे हत्थों निकल चुक्का सी। उह मदद करन तों असमरत्थ सन। डरदे मूंह लको रहे सन।

हमाइतीआं दी गिणती तेज़ी नाल वधण लग्गी। हर पंज मिंटां विच्च दस हमाइती कोठी पुज्जण लगे। बाहरले रिशतेदारां दे वापसी फ़ोन आउण लग्गे।

कोई माइआ नगर वल्ल चल्ल पिआ सी अते कोई बाहर पुज्ज गिआ सी।

नीरज दी ग्रिफ़तारी दी ख़बर सुण के सिंगला वी कोठी आ गिआ। उसदे साइलां नूं उसदी सहाइता दी ज़रूरत पै सकदी सी।

“इह की होइऐ?” सिंगले दे कोठी वड़दिआं ही हमाइतीआं दा झुरमट कानूंनी सथिती जानण लई उस दुआले जुड़ गिआ।

“मेरा खिआल है हाई कोरटों आपणी दरख़ासत रद्द हो गई। पुलिस नें फौरी कारवाई करके नीरज नूं फड़ लिआ।”

“पक्का पता किस तरहां लग्गे?”

“आपणे वकील नूं चंडीगहड़ फ़ोन करो।”

घर दे किसे मैंबर नूं नां वकील दे नां दा पता सी, नां फ़ोन नंबर दा।

उह बाहर की करदे सन इसदा ज़िकर कदे घर नहीं सन करदे। वकील दा नां अते फ़ोन नंबर किथों पता कीता जाए?

सिंगले नूं आपणी ग़लती दा अहिसास होइआ। उनहां दा वकील वासूदेवा सी। वकील करन जांदे समें उह उनहां दे नाल गिआ सी। वासूदेवा दा कारड सिंगले दी जेब विच्च सी।

सिंगले नें वासूदेवा नूं फ़ोन कीता।

सिंगले दा अंदाज़ा ठीक निकलिआ। ज़मानत दी अरज़ी खारज़ हो चुक्की सी। अपील करन पंकज दिल्ली जा रिहा सी। पुलिस उनहां दा पिछ्छा कर रही सी। रसते विच्च सणे दोसत उसनूं दबोच लिआ गिआ सी। वासूदेवा नूं पंकज दे इक्क दोसत दा फ़ोन आइआ सी। इस तों पहिलां कि वासूदेवा पूरी सूचना प्रापत करदा दोसत दा फ़ोन कट्ट गिआ। पिछों नां उधरों फ़ोन आइआ, नां वासूदेवा दा फ़ोन मिलिआ। वासूदेवा दा विचार सी पुलिस नें उनहां दे फ़ोन फड़ लए सन।

“हुण किथे हो सकदा है पंकज?” डाकटर चावला नें कानूंनी नज़रीए तों सिंगले नूं पुछ्छिआ।

“दो सथितीआं हो सकदीआं हन। पहिली इह कि पंकज नूं जिस मैजिसटरेट दी हद्द विच्च फड़िआ गिआ है, उस अग्गे पेश करन। राहदारी हिरासत हासल करन। पर इंझ पुलिस नें करना नहीं। हो सकदा है, उनहां नें पंकज नूं इक्क दो दिन ठहिर के पेश करना होवे। पेश करन तों पहिलां किसे उच्च अधिकारी अग्गे पेश करना होवे। वैसे नब्बे फ़ीसदी इह संभावना है कि उस नूं माइआ नगर लिआंदा जाएगा। मिसल दा घर पूरा करके दोहां भरावां नूं अदालत विच्च पेश कीता जावेगा।”

इस दौरान पंकज दा सहुरा लाला परमा नंद समेत आपणे साथीआं दे नाल कोठी पुज्ज पिआ। उह नोटां नाल भरे दो अटैची केस नाल लिआइआ सी।

आउंदिआं ही सभ तों पहिलां उस नें उह अटैची केस आपणी धी दे हवाले कीते: “फ़िकर नां कर धीए। मैं पैसा पाणी वांग बहा दिआंगा। सरकार हिला दिआंगा। देखीं आथण नूं प्राहुणे घर आ जाणगे।”

सभ तों पहिलां लाला जी नें अख्खां भरी खहड़ी आपणी धी नूं हिक्क नाल ला के संभालिआ। फेर नीलू दा सिर पलोसिआ।

लाला जी दा सांढू हुणे हुणे सैशन जज्ज रिटाइर होइआ सी। उह चंडीगहड़ रहिंदा सी। उसनूं फ़ोन खड़का दित्ता गिआ सी। उह पुज्जण वाला सी। उसदे आउंदे ही कानूंनी कारवाई शुरू हो जाणी सी।

नीरज दे सहुरे अंबाले सन। सहुरा सरदारी लाल इनकम टैकस कमिशनर सी। उसदी पोसटिंग कलकत्ते सी। उस नाल संपरक हो चुक्का सी। उह हवाईकंपनीआं नाल संपरक कर रिहा सी। सीट मिलदे ही उसने माइआ नगर लई उड्ड पैणा सी।

माइआ नगर दा इनकम टैकस कमिशनर महिता उसदा बैच मेट सी।

सरदारी लाल नें उसनूं फ़ोन कर दित्ता सी। महिते नें आपणे तौर ’ते यतन आरंभ कर दित्ते सन। पुलिस वांग इनकम टैकस वालिआं तों सारी दुनीआं डरदी सी। उसनूं जलदी ही कोई सुराग़ मिलण दी संभावना सी।

शाम तक्क रिशतेदार तां दिल्ली दख्खण तों पुज्ज गए, पर भरावां दी उघ्घसु ् घ नां निकली। मंतरी, पुलिस मुख्खी, कपतान, डाकटर। जिथे जिसदा हत्थ पैंदा सी, पा के देख लिआ। पर किधरों कोई हुंगारा नहीं सी मिलिआ।

जदों घुंडी खुल्हण ’ते आई तां इक्क मामूली विअकती कोलों खुल्ह गई।

सिंगले दा मुनशी किसे कंम ज़िल्हा अटारनी दे दफ़तर गिआ सी। रीडर तों पता लग्गा, साहिब नीलों रैसट हाऊस विच्च बैठा मिसल तिआर करवा रिहा सी। किहड़ी मिसल? इस बारे रीडर नें आप ही दस्स दित्ता।

पंकज अते नीरज नूं ग्रिफ़तार कर लिआ गिआ सी। पुलिस रिमांड हासल करन लई दरख़ासत तिआर कीती जा रही सी। कोई कानूंनी कमी नां रहि जाए, इस लई कपतान ज़िल्हा अटारनी नूं नाल लई बैठा सी।

कोठी विच्च सैंकड़े बंदिआं दा इकठ्ठ हो चुक्का सी। कावां रौली पई होई सी। हर कोई आपणी सलाह दे रिहा सी। हर कोई आपणा रोहब पा रिहा सी।

कोई अफ़सरी दा अते कोई पैसे दा।

सिंगला मिली सूचना सांझी करे तां किस नाल?

इंने विच्च गल्ल फैल गई। सैशन जज्ज साहिब आ गए। सारा हजूम उनहां दुआले हो गिआ। तरहां तरहां दे सवाल होण लग्गे।

किशोरी लाल नूं जिउं ही थोहड़ी जिही विहल मिली, सिंगले नें झट्ट उस नाल राबता काइम कीता। आपणी जाण पहिचाण करवा के मिली सूचना दा आदानप्रदान कीता।

“मिसल तिआर हो रही है” इह ख़बर सुणके किशोरी लाल नूं राहत महिसूस होई। मतलब साफ़ सी। देर सवेर उनहां नूं अदालत विच्च पेश कीता जाणा सी।

गंभीर विचार वटांदरे लई किशोरी लाल, सिंगले अते परमानंद नूं इक्क पासे लै गिआ।

“हनेरा होण वाला है। तुहाडा की विचार है। पुलिस हुण उनहां नूं मैजिसटरेट अग्गे पेश करेगी?”

किशोरी लाल पैंती साल इहो कंम करदा रिहा सी। उसनूं सिंगले नालों कई गुणा वध्ध तजरबा सी। पर आपणे केस बारे उस तों सही अंदाज़ा नहीं सी लग्ग रिहा।

“संभव कुझ्झ वी है। पर अजिहा होणा नहीं चाहीदा। अज्ज उह ग्रिफ़तारी पाउणगे। कल्ल्ह नूं पेश करनगे। मैनूं इंझ जापदा है। नां किसे मैजिसटरेट नें रात नूं कोई कारवाई करनी है। तुहानूं अरोड़े मैजिसटरेट वाला किस्सा पता ही होणै।”

सिंगला इह सिट्टा अरोड़ा मैजिसटरेट नाल वापरी घटना दे आधार ’ते कढ्ढ रिहा सी।

अरोड़े मैजिसटरेट नें पंकज वरगे इक्क अमीरज़ादे दी ज़मानत रात दे बारां वजे मनज़ूर कर लई सी। दूजी धिर नें उसदी शिकाइत कर दित्ती। रात नूं कचहिरी लाउण दी आफ़त किउं आई सी, इस दे सबूत दे दित्ते। जज्ज नूं आपणा पख्ख पूरण लई कोई राह नां लभ्भा। नौकरीउं छुट्टी हो गई।

“मतलब सवेरे पेश करनगे।” किशोरी लाल नें अंदाज़ा लाइआ।

इस विच्च पंकज होरां दी बिहतरी सी।

किशोरी लाल होरां नें बहुत इंतज़ाम करने सन। इनहां कंमां लई उनहां नूं खुल्हा समां मिल जाणा सी।

सभ तों पहिलां उनहां नें मैजिसटरेट तक पहुंच करनी सी। दोशीआं दा पुलिस रिमांड नां दित्ता जावे। सरकारी वकील नूं मिलणा सी। उह आपणी सुर मध्धम रख्खे। डाकटरां नाल संपरक करना सी। पुलिस रिमांड मिल गिआ तां मुलज़मां नूं बिमार घोशित करके हसपताल दाख़ल कर लैण। जेल्ह सुपरडैंट नूं मिलणा सी। उस तों बी कलास लैणी सी। जेल्ह दे डाकटर दा कोई लिहाजी लभ्भणा सी। जेल्ह दे हसपताल विच्च बैड्ड खाली रखवाउणे सन। बहुत फरंटां ’ते कंम करना सी।

किशोरी लाल होरां दा विचार वटांदरा चल्ल ही रिहा सी कि महिता साहिब दा फ़ोन आ गिआ। उसदा कपतान नाल संपरक हो चुक्का सी। मुंडे ठीक सन।

किसे नें किसे नूं कुझ्झ नहीं सी आखिआ। चंडीगहड़ों आई इक्क विशेश पुलिस पारटी नें उनहां नूं ग्रिफ़तार कीता सी। मुलज़म मुकामी पुलिस दे हवाले करके उह पारटी जा चुक्की सी। पुछ्छ गिछ्छ अते लिखा पहड़ी लगभग मुकंमल सी। घंटे कु बाअद उनहां नूं सी.आई.ए.सटाफ़ लै आंदा जाएगा।

कपतान नें महिते नूं भरोसा दिवाइआ सी। मुंडिआं नूं रात नूं रैसट हाऊस विच्च रख्खिआ जाएगा। कोई तकलीफ़ नहीं होण दित्ती जाएगी।

अदालत विच्च उनहां नूं कल्ल्ह पेश कीता जाएगा।

इह ख़बर सुण के सभ दे साह विच्च साह आइआ।

 

-53-

 

बघेल सिंघ आपणी कोठी बैठा सारी सथिती ’ते नज़र रख्ख रिहा सी।

पंकज होरा दे सैंकड़े हमाइती माइआ नगर पुज्ज चुक्के सन। उनहां विचों कुझ्झ सिआसी बंदे सन, कुझ्झ अफ़सर अते कुझ्झ धनाढ। हर कोई आपणा रसूख़ पूरी तहि दिली नाल वरत रिहा सी।

बघेल सिंघ नूं सूचना मिली। इक्क आई.ए.ऐस.अधिकारी नें होम सैकटरी कोलों ज़िल्हा अटारनी नूं फ़ोन करवाइआ सी। ज़िल्हा अटारनी नें सिफारश दा पूरा मुल्ल पाइआ सी। उसने उस इलाका मैजिसटरेट दे पेश होण वाले सरकारी वकील नूं आपणी कोठी बुला के सख़त ताड़ना कीती सी।

“बहिस इस ढंग नाल होवे कि जज्ज नूं लग्गे कि तफ़तीश मुकंमल है। मुलज़मां दा पुलिस हिरासत विच्च जाणा फज़ूल है।”

इक्क रिटाइर सैशन जज्ज अते दो मैजिसटरेट विने दे साले दे कारख़ाने बैठे सन। रातीं उह तिंने माइआ नगर दे मैजिसटरेट नूं कलब्ब विच्च मिलणगे।

शुगल मेले दे नाल नाल सिफारश होएगी। दोशीआं दा पुलिस रिमांड नहीं देणा।

इह ज़ोर पाइआ जाएगा।

सिहत विभाग दे डाइरैकटर वल्लों सिवल सरजन नूं फ़ोन आ चुक्का सी।

डाकटरी मुलाहजे समें उह आपणे दफ़तर मौजूद रहे। मुआइने बाअद दोहां दोशीआं नूं किसे गंभीर बिमारी दा शिकार ऐलान के उनहां नूं तुरंत डाकटरी सहाइता दी सिफारश कीती जावे। ख़तरनाक सथिती दस्स के उनहां नूं हसपताल दाख़ल कर लिआ जावे।

सिवल हसपताल दे दिल दे रोगां दा माहिर डाकटर महिरा, डाकटर चावला दा दोसत सी। डा.महिरे नें डा.चावले नूं सौ फीसदी कंम होण दा यकीन दिवाइआ सी। अजिहा कंम उह कंनटीन दे ठेकेदार दे आखे कर दिंदे सन।

उह ते शहिर दा नामी डाकटर सी।

बघेल सिंघ दी सूचना अनुसार इक्क सिफारशी जेल्ह दा चक्कर वी ला आइआ सी। किसे कारन सिवल हसपताल विच्च दाख़ल होण दी योजना सिरे नां चहड़े तां मुंडिआं नूं जेल्ह विचले हसपताल विच्च दाख़ल कराउणा सी। डाकटर नें पहिलां पए मरीज़ां नूं छुट्टी करके दो बैड्ड खाली करवा लए सन। मुंडिआं दे सवागत लई उह तिआर सी।

बघेल सिंघ नूं सूहीआं नें इह वी दस्सिआ कि सिफारशां फोकीआं नहीं सन हो रहीआं। रुतबे मुताबक बंद लिफाफ़े अते तोहफ़े वी पुज्ज रहे सन।

सभ तों भैड़ी ख़बर इह सी कि मुलज़मां नाल शाही महिमानां वाला सलूक हो रिहा सी। संगीन जुरम करन वाले दोशीआं नूं हवालात दी थां रैसट हाऊस विच्च ठहिराइआ गिआ सी। अफ़सरां नें उनहां नूं आपणे नाल खाणा खवाइआ सी अते पैण लई गध्धदिआं वाले बिसतरे दित्ते सन।

जे पंकज होरां नूं इसे तरहां सहूलतां मिलदीआं रहीआं अते सभ कुझ्झ उनहां दी योजना अनुसार हो गिआ, फेर बघेल सिंघ नूं पौंड किथों मिलणे सन।

उसनूं चक्की पुठ्ठी घुंमाउणी चाहीदी सी।

पंकज होरां दी खिचाई पिछ्छे बघेल सिंघ दा हत्थ सी, इह हुण कोई लुकीछिपी गल्ल नहीं सी। मुख्ख मंतरी दी कोठीउं कपतान नूं कई वार फ़ोन आ चुक्का सी। बघेल सिंघ जो चाहे, उसनूं मुख्ख मंतरी दा हुकम समझ के पूरा कीता जावे।

पिछली वार सिआसी सकत्तर कपतान नूं भज्ज के पिआ सी: “वार वार फ़ोन करन दी नौबत किउं आ रही है? हुण कोताही होई तां फ़ोन दी थां बदली दा हुकम आएगा।”

नवीआं मिलीआं ताकतां तहित उह कपतान नाल रोहब नाल गल्ल कर सकदा सी। सभ तों पहिलां उसे दी खिचाई होणी चाहीदी सी।

अध्धा घंटा बघेल सिंघ फ़ोन घुंमाउंदा रिहा। कपतान किथे है? कोई पता नां लग्गा। हर थां तों इको उतर मिलदा रिहा। साहिब ख़ास कंम विच्च रुझे होए सन।

अक्क थक्क के बघेल सिंघ नूं सी.ऐम.हाऊस दा सहारा लैणा पिआ। कपतान नूं कहो बघेल सिंघ नाल गल्ल करे।

सी.ऐम.हाऊस दे हुकमां दी पालना होई। झट्ट कपतान दा फ़ोन आ गिआ।

पहिलां बघेल सिंघ नें कपतान दी लाह पा कीती।

“कोई माड़ी घटना वापर जावे तां लोक तुहाडे नाल किथे संपरक करन?

तुसीं लुक के दारू पीण बैठ जांदे हो! मुलज़म हिक्कां ताण के वारदातां करदे फिरदे हन।”

सौरी आख के कपतान नें सपशटीकरण दित्ता। उह पंकज होरां दी मिसल तिआर करवा रिहा सी। सिफारशां आ रहीआं सन। इस लई उसदा फ़ोन बंद सी।

बघेल सिंघ जिस नुकते ’ते गल्ल करना चाहुंदा सी, उह उसने आप छोह लिआ। बघेल सिंघ दी समस्सिआ आसान हो गई।

“सिफ़ारशां तुसीं मंन वी लईआं। रैसट हाऊस विच्च बैठ के उनहां नाल विसकी पी रहे हो। उनहां नाल आम दोशीआं वाला विवहार किउं नहीं करदे?

किउं उनहां नूं थाणे दे हवालात विच्च बंद नहीं करदे? कानूंन सभ लई बराबर है। इह सिआसी कैदी वी नहीं। कतल, डकैती दे मुलज़म नें। इनहां नूं हवालात दी हवा लग्गी तां चार होर अमीरां नूं कंन होणगे। नहीं उलटा सिगनल जाएगा।

साडी सरकार दी बदनामी हो रही है। अमीरां दी हामी होण दा धब्बा लग्ग रिहा है। उनहां नूं थां सिर करो।”

“लिखा पहड़ी हो रही सी। पुछ्छ गिछ्छ हो रही सी। कुझ्झ सकिउरटी पख्खों उनहां नूं रैसट हाऊस रख्खिआ सी। सवेर हुंदिआं ही हवालात विच्च तुंन दिआंगे।”

“सकिउरटी नूं ख़तरा खहड़ा करन वाले उह किहड़ा पंजवड़ गरुप दे अतिवादी नें बई थाणे ’ते हमला करवा देणगे। सकिउरटी नूं कोई ख़तरा नहीं। सवेर दे सूरज दे दरशन उनहां नूं हवालात विच्च होणे चाहीदे हन।”

“इसे तरहां होएगा।”

“इक गल्ल होर। कल्ल्ह नूं उनहां नूं जहाज़ां वरगीआं काले शीशिआं वालीआं गड्डीआं विच्च बिठा के कचहिरी नां लै के जाणा। तोर के तां भावें नां लिआउणा पर सरकारी गड्डीआं विच्च ज़रूर लिआउणा। हत्थकड़ी ला के। लोकां नूं अमीरज़ादिआं दीआं करतूतां दा पता तां लगे। पुलिस रिमांड पूरा लैणा। मैनूं पता लध्धगिआ है उह सरकारी वकीलां अते जज्जां नूं मिलदे फिरदे हन। तुसीं किसे दी परवाह नहीं करनी। उनहां अफ़सरां नूं मैं आपे देख लवांगा।”

बाकी अफ़सरां नूं किस तरहां नत्थ पाई जाए? कपतान तों भरोसा लै के बघेल सिंघ इह सोचण लग्गा।

 

-54-

 

मुकद्दमेबाज़ी विच्च मैजिसटरेट, ज़िल्हा अटारनी जां सिवल सरजन वरगे अफ़सरां दी ज़रूरत पैंदी है, इह बघेल सिंघ नें कदे सोचिआ वी नहीं सी।

इनहां विचों किसे वी अफ़सर नाल उसदी जाण पहिचाण नहीं सी।

असल विच्च उसनूं अफ़सरां नाल जाण पहिचाण बणाउण दा मौका ही नहीं सी मिलिआ।

उह पहिली वार विधाइक बणिआ सी। टिकट उसनूं जथेदार दे कोटे विचों मिली सी। जथेदार दी सिफ़ारश ’ते पंज विधाइक मंतरी बणे सन। उनहां विचों तिंन नवें सन।

बघेल सिंघ नूं नवीं मिली ताकत दा नशा सी। पहिले साल उह हवा विच्च उड्डदा रिहा। उसदा सारा ज़ोर थाणे, तहिसीलों कंम कराउण ’ते लग्गा रिहा। इस तों उपर वी अफ़सर हन। जदों उसनूं अहिसास होण लग्गा, जथेदार दा मुख्ख मंतरी नाल मूंह मोटा हो गिआ।

मुख्ख मंतरी दे इशारे ’ते डिपटी कमिशनर अते पुलिस कपतान नें तां मूंह दूजे पासे करना ही सी, तहिसीलदार तक सलाम करनों हट गए सन। माइआ नगर दे लोक दूर अंदेश हन। झट्ट मौका ताड़ गए। बघेल सिंघ दी कोठी कां पैण लगे। महीने विच्च मसां पंज सत्त दरख़ासतां सिफारश लई आउंदीआं सन।

बेशरमी धार के उह तुरिआ फिरदा सी, पर हज्ज कोई नहीं सी।

अजिहे हलातां विच्च अफ़सरां नाल बणे तां किस तरहां? कंम नां करन ’ते किसे अफ़सर नूं दबकाइआ जाए तां किस किल्ले दे ज़ोर ’ते?

आह बटेरा पता नहीं किथों पैर हेठ आ गिआ। इस बटेरे कारन मुख्ख मंतरी उस उपर मिहरबान हो गिआ सी। केंदर तक दीआं सिफारशां ठुकरा के उह उस नाल चटान वांग अड़िआ खहड़ा सी। कदे कदे बघेल सिंघ नूं मुख्खमंतरी दी नीअत ’ते शक्क हुंदा सी। किधरे उह बघेल सिंघ नूं माइआ जाल विच्च ते नहीं सी फसा रिहा? किधरे उस दे सिआसी भविख नूं तबाह करन दे मनसूबे ते नहीं सी घड़ रिहा? पर हुण उसदी लड़ाई जिस मोड़ उपर पुज्ज चुक्की सी उथों पिछ्छे नहीं सी हटिआ जा सकदा। जो होएगा, देखिआ जाएगा, सोच के उह अग्गे तों अग्गे कदम पुट्टदा जा रिहा सी।

अमीरज़ादिआं दे खंभ कुतरणा इंना आसान नहीं सी, जिंना बघेल सिंघ समझ रिहा सी।

पंकज दे समरथक सारे माइआ नगर विच्च जाल वांग फैल गए सन। हर अफ़सर तक पहुंच कर गए सन। पर बघेल सिंघ इनहां विचों किसे वी अफ़सर नाल सिध्धी गल्ल नहीं सी कर सकदा। उह उसदा आखा मंनण जां नां मंनण, कोई गरंटी नहीं सी।

उनहां दे कंन मुख्ख मंतरी कोलों ही खिचवाए जा सकदे सन।

बघेल सिंघ नें थाणिउं पता कीता। पता लग्गा मुलज़म बाअद दुपहिर अदालत विच्च पेश कीते जाणे सन।

दुपिहर होण तक बहुत समां सी। चंडीगहड़ उसने डेढ घंटे विच्च पुज्ज जाणा सी। सारे कंम करवा के मुलज़मां दे पेश होण तक उसने वापस आ जाणा सी।

सिआसी सकत्तर नूं दफ़तर पुज्जदिआं ही बघेल सिंघ नें दबोच लिआ।

“जे मुलज़मां दी सकीम सिरे चहड़ गई तां मेरी इज़्ज़त मिट्टी विच्च मिल जाएगी। नां सानूं दुआनी मिलेगी। मुलज़मां दा इक्क दो दिन हवालात विच्च सड़ना ज़रूरी है।”

बघेल सिंघ नें सिआसी सकत्तर नूं समझाइआ।

बघेल सिंघ जिस जिस अफ़सर दा नां लैंदा गिआ, सिआसी सकत्तर उसे नूं फ़ोन करदा गिआ।

अग्गों हुंगारा ठीक मिलण लगा।

सिवल सरजन धड़ल्लेदार अफ़सर सी। उह मुख्ख मंतरी दे इलाके दा सी।

मुख्ख मंतरी दी कलम नाल उह माइआ नगर लग्गा सी। सिआसी सकत्तर नाल वी उसदे निजी सबंध सन।

सिवल सरजन उपर जो दबाअ पिआ सी, उसदा उसने खुलासा कीता: “पहिलां साडे डाइरैकटर दा फ़ोन आइआ सी। फेर सिहत मंतरी दा आ गिआ। सिफारश चालू नहीं सी। मंतरी जी नें ख़ुद गल्ल कीती सी अते हुकम दित्ता सी। दोशी उनहां दे रिशतेदार सन। हर हीले उनहां दी मदद होणी चाहीदी सी। हुण तुसीं आपणी सिफारश बारे दस्सो। जे हुकम मुख्ख मंतरी वल्लों है, फेर मैनूं मंतरी दी कोई परवाह नहीं। जे कंम तुहाडा है फेर उस नज़रीए तों सोचीए।”

“मैं आपणे तौर ’ते कुझ्झ नहीं आख रिहा। मुख्ख मंतरी साहिब दा हुकम सुणा रिहा हां। कुझ्झ देर इंतज़ार करो। मैं मुख्ख मंतरी साहिब तों सिहत मंतरी नूं फ़ोन कराउंदा हां। तुहानूं सिहत मंतरी दा फ़ोन आएगा। उह आखेगा कारवाई सच्च दे आधार ’ते होवे। किसे धिर दा पख्ख नां पूरिआ जावे। फेर ठीक है?”

“फेर गोली किसदी अते गहिणे किसदे? मैं बिमार मुलज़मां नूं घोड़े चहड़े दिखा देवांगा।”

सिवल सरजन वल्लों बेफ़िकर हो के उह ज़िल्हा अटारनी नूं फ़ोन घुमाउण लग्गे।

ज़िल्हा अटारनी विच्च सिवल सरजन वाली जुअरत नहीं सी। उसनूं फ़ोन होम सैकटरी दा आइआ सी। ज़िल्हा अटारनी उसदा मतहित सी। सिफारश ठोकवीं सी। उस नें आखिआ सी मुलज़मां दी पुलिस हिरासत दा मतलब होम सैकटरी दी पुलिस हिरासत सी। कंम करवा के होम सैकटरी नूं उसने रिपोरट करनी सी।

मुख्ख मंतरी दे सिआसी सकत्तर दा फ़ोन सुण के ज़िल्हा अटारनी दी जान दो पुड़ां विचकार फस गई। इक्क पासे होम सैकटरी। जे उसदा कंम नां होइआ, उसने ज़िल्हा अटारनी नूं गुरदासपुर भेज देणा सी। मसां मसां उह माइआ नगर आइआ सी। इथे नोटां दी बारश हुंदी सी। उथे खुशकी ही खुशकी सी।

दूजे पासे ख़ुद मुख्ख मंतरी सी। होम सैकटरी दे वी उपर दी। सिफारश इथों वी ठोकवीं हो रही सी। मुख्ख मंतरी दा अहुदा तां वड्डा सी ही इधरों सिफारश वी मुदई धिर दी हो रही सी। मुदई धिर दा पख्ख पूरना उसदी डिऊटी सी।

इक्क वार ज़िल्हा अटारनी दे मन विच्च आइआ, उह सिआसी सकत्तर कोल सारी सथिती सपश्शट कर देवे।

मुख्ख मंतरी नें जे होम सैकटरी नूं ताड़ दित्ता? होम सैकटरी नें वध्ध गुस्से होणा सी। आखणा सी कंम करदा जां नां, पर मुख्ख मंतरी कोल उसदी शिकाइत तां नां करदा।

इह सोच के उह दड़ वट्ट गिआ।

हुकमां दी तामील करन दा वाअदा ही उचित हल्ल सी। इहो उसने कीता।

“हर हाल विच्च दोशीआं दा रिमांड मिलेगा। मैं हुणे सैशन जज्ज साहिब नूं मिलदा हां। उनहां तों मैजिसटरेट नूं अखवाउंदा हां।”

इंना कु होम वरक करके बघेल सिंघ नतीजिआं दी उडीक करन लग्गा।

 

-55-

 

ज़िल्हा अटारनी सोचां विच्च पिआ होइआ सी। उह किस मोरी निकले? उसनूं समझ नहीं सी आ रही।

मुलज़म धिर हर सबंधत अफ़सर तक पहुंच कर चुक्की सी। पहुंच बड़े सुचज्जे ढंग नाल कीती गई सी। उसे अफ़सर कोलों अखवाइआ गिआ सी, जिसदे हत्थ विच्च उसदी नबज़ सी। जज्जां नूं किसे मंतरी जां सैकटरी दी परवाह नहीं सी।

उनहां नें उहो करना सी जिहड़ा उनहां दे अफ़सरां नें आखणा सी। किसे नें किसे जज्ज दी झेप विच्च आ के जे पुलिस रिमांड दी मंग ठुकरा दित्ती तां ज़िल्हा अटारनी नूं लैणे दे देणे पै जाणे सन।

“इस अफ़सर दा निआं पालिका नाल राबता नहीं है” इह दोश लगा के उसदी इथों छुट्टी हो जाणी सी।

सोचदे सोचदे उसनूं इक्क राह लभ्भा। उसनूं सैशन जज्ज कोल जा के मन दी भड़ास कढ्ढणी चाहीदी सी। इंझ सप्प वी मर जाणा सी अते लाठी वी बच रहिणी सी। उह सहुं खा के आखण जोगा हो जाणा सी। उसने सैशन जज्ज तक पहुंच कीती सी। मुलज़म उस तों उपर दी सिफारश करवा गए तां उह की करे।

फेर उह डरिआ। मुलज़म धिर नें सैशन जज्ज तक वी पहुंच कीती सी। ज़िल्हा अटारनी वांग सैशन जज्ज वी कड़िकी विच्च फसिआ होएगा। आपणी जान छुडाउण लई जे किधरे उसने मुलज़म धिर कोल ज़िल्हा अटारनी दे आउण बारे ज़िकर कर दित्ता तां मुलज़मां नें जुत्ती लाह लैणी सी। नाले पैसे लै लए, नाले उलट सिफारशां कर रिहा सी।

“सैशन जज्ज वड्डा अफ़सर है। उह इंना कच्चा नहीं कि अफ़सरां दीआं चुगलीआं करदा फिरे।”

मन नूं समझा के ज़िल्हा अटारनी सैशन जज्ज दी कोठी जा वड़िआ।

सैशन जज्ज वी इसे दुबिधा विच्च सी। उसनूं हुण तक हाई कोरट दे दो जज्जां दे फ़ोन आ चुक्के सन। हैरानी दी गल्ल इह सी कि उनहां विचों इक्क उह जज्ज सी जिस नें ख़ुद उनहां दी पेशगी ज़मानत दी दरख़ासत रद्द कीती सी। जदों उह हाथी जिडी कुरसी ’ते बैठ के मुलज़मां दी मदद नहीं सी कर सकिआ तां कीड़ीआं तों की आस कर रिहा सी?

इलाका मैजिसटरेट हुणे हुणे आपणा दुखड़ा रो के गिआ सी। उह नवां भरती होइआ सी। उसनूं लालच वी दित्ता जा रिहा सी अते मलवीं जिही जीभ नाल धमकी वी। उह सैशन जज्ज तों अगवाई लैण आइआ सी।

सैशन जज्ज ख़ुद डोलिआ बैठा सी। उह ज़िल्हा अटारनी दा हौसला किस तरहां वधाए?

सोच सोच के सैशन जज्ज नें ज़िल्हा अटारनी नूं सलाह दित्ती।

“तुसीं ख़ुद मिसल दी घोख पड़ताल करो। कमी पेशी नज़र आउंदी होवे, उह दूर कराओ। पुलिस रिमांड दी दरख़ासत आप लिखवाओ। पुलिस रिमांड दा ठोस आधार तिआर कराओ। ख़ुद बहिस करो। कुझ्झ यतन मैं करांगा। आपां सारे इस मुसीबत विचों निकलण दा यतन करांगे।”

सैशन जज्ज दीआं बाकी गल्लां ठीक सन। ख़ुद बहिस करन दे सुझाअ नें उसनूं कड़िकी विच्च फसा दित्ता। इस तरहां करन नाल ज़िल्हा अटारली नूं हर हाल विच्च मार पैणी सी। पुलिस रिमांड मिलिआ होम सैकटरी नें नराज़ होणा सी। अड्डीआं चुक चुक बहिस करन दी की ज़रूरत सी?

पुलिस रिमांड नां मिलिआ तां बघेल सिंघ नें दुआले हो जाणा सी।

उह ख़ुद बहिस करन दा जोख़म नहीं उठाएगा। संबंधत सरकारी वकील नूं ही कचहिरी भेजेगा। कोई नीम खीम होई तां उसे नूं बली दा बक्करा बणाएगा।

सैशन जज्ज कोल सिफ़ारश करन दा आपणा फरज़ निभाअ के ज़िल्हा अटारनी आपणे दफ़तर आ बैठा।

उह आउण वाले भैड़े समें लई आपणे आप नूं तिआर करन लग्गा।

 

-56-

 

सूरज दी पहिली किरन दे नाल ही बघेल सिंघ दी मिहनत दे नतीजे आउण लगे।

मूंह हनेरे पुलिस नें दोहां भरावां नूं रैसट हाऊस विचों लिआ के हवालात विच्च बंद कर दित्ता।

हवालात दा सवाद चंगी तरहां चखाउण लई पंज छे मंगतिआं अते दो तिंन चोरां नूं उनहां नाल डक्क दित्ता।

हवालातीआं दे मैले कपड़िआं अते सरीरां विचों बू आ रही सी। इंझ जापदा सी जिवें कां खाधा कोई कुत्ता हवालात विच्च बंद कर दित्ता गिआ होवे।

मंगते वार वार ज़रदा ला रहे सन अते हवालात दे अंदर ही थुक्क रहे सन।

ओक नाल पीण कारन घड़े दा पाणी थां थां डुध्धल्हिआ पिआ सी। उस डुल्हे पाणी उपर बैठीआं मख्खीआं नें माहौल होर घिणाउणा बणा दित्ता सी।

हवालात दा इक्क दरवाज़ा थाणे दे मुख्ख दरवाज़े वल्ल खुल्हदा सी। थाणे अंदर जांदे हर विअकती दी नज़र हवालातीआं उपर पैंदी सी। हवालातीआं नूं मूंह लुकाउण तक दी सहूलत नहीं सी। कोई किंना कु चिर मूंह ’ते हत्थ रख्खी आपणी शनाख़त छुपाई रख्खे!

दोवें भरा तरले लै रहे सन। उनहां नूं हवालात विचों कढ्ढिआ जावे। उनहां नूं घर फ़ोन करन दित्ता जावे।

कोई उनहां दी गल्ल सुणन नूं तिआर नहीं सी। थाणे विच्च दो पुलिस मुलाज़म हाज़र सन। इक्क सी रात दा मुनशी अते दूसरा सी संतरी। हवालात दी चाबी दोहां विचों किसे कोल नहीं सी। उह दोशीआं दी कोई मदद नहीं सन कर सकदे।

संतरी नूं चाह फड़ाउण आए नौकर नूं सेठां ’ते रहिम आ गिआ। चुप्पके जिहे उसने उनहां तों फ़ोन नंबर लिआ अते दुकान ’ते आ के उनहां दे घर फ़ोन खड़का दित्ता।

ख़बर सुणदिआं ही गुस्से विच्च भड़के उनहां दे हमाइती थाणे वल्ल दौड़ पए।

रातीं रिशतेदार सभ तरहां दे इंतज़ाम करके आए सन। हुण पुलिस नूं किहड़ी मार पै गई सी?

संतरी नूं अफ़सरां दी सख़त हदाइत सी। बिनां मुख्ख अफ़सर दी इजाज़त दे किसे नूं थाणे अंदर नां जाण दित्ता जावे।

कुझ्झ देर संतरी आपणी डिऊटी ईमानदारी नाल निभाउंदा रिहा। हर आए मुलाकाती नूं निमरता सहित थाणे दे बाहर इंतज़ार करन दी बेनती करदा रिहा।

हौली हौली सथिती संतरी दे वसों बाहर होण लग्गी। जिस रुतबे दे लोक मुलज़मां नूं मिलण आ रहे सन, उनहां नूं बहुती देर रोकणा संतरी दे वस्स विच्च नहीं सी।

संतरी नूं दोहीं पासीं ख़तरा महिसूस होण लग्गा। जे किसे साबका जज्ज जां चेअरमैन नूं उसने थाणे नां वड़न दित्ता तां उस नें संतरी नूं मुअत्तल करवा देणा सी। जे अंदर जाण दित्ता तां अफ़सरां नें उसदी पेटी लाह लैणी सी।

अफ़सरां नूं उह कई वार सूचित कर चुक्का सी, “हालात काबू करो।” “बस आए” आख के अफ़सर जान छुडाउंदे आ रहे सन।

मन करड़ा करके संतरी नें कंटरोल रूम नूं फ़ोन कीता। “थाणे दे बाहर वड्डी भीड़ जमहां हो गई है। थाणे उपर हमला होण दा ख़तरा है। मैं इकल्ला हालात काबू नहीं कर सकदा। होर फोरस भेजो।”

कंटरोल रूम नें झट्ट वाइरलैसां खड़का दित्तीआं।

झट्ट मुख्ख अफ़सर थाणे आ बैठा। गेट उप्पर सुरख्खिआ वधा दित्ती गई।

चार बंदूकां वाले संतरी थाणे दे बाहर गशत करन लग्गे।

मुख्ख अफ़सर हमाइतीआं नूं टालदा रिहा। कानूंन सभ लई बराबर सी।

उह दोशीआं नूं हवालात विचों बाहर नहीं सी कढ्ढ सकदा।

उसने इक्क रिआइत कीती। वकील नूं दोशीआं नाल मिला दित्ता।

सिंगले कोल मुलज़मां नाल करन लई कोई गल्ल नहीं सी। उह कुझ्झ घंटिआं लई सबर करन दी सलाह दे के बाहर आ गिआ।

बाहरलिआं नूं दस्सण लई सिंगले कोल बहुता कुझ्झ नहीं सी।

“हाले मुंडे ठीक हन। कुझ्झ घबराहट ज़रूर है। जे उह किवें नां किवें हवालात विचों बाहर आ जाण, फेर कोई दिक्कत नहीं।”

उपरों किसे अफ़सर नें मुख्ख अफ़सर नूं ताड़िआ: “मुलाकातीआं नूं किउं रोकिआ जा रिहा है? इक्क इक्क करके मिलण दित्ता जावे।”

आस दे उलट हमाइतीआं नूं मिल के नीरज होरां नूं राहत घट्ट अते घबराहट वध्ध महिसूस होण लग्गी।

उनहां दे चिहरे मुरझा गए। उबासीआं आउण लग्गीआं। उनहां दे गले सुक्क रहे सन। दिल ज़ोर ज़ोर दी धड़क रहे सन। लत्तां बाहां दरद कर रहीआं सन।

दो कु वार सुक्के वत्त आ चुक्के सन। पंकज दा सिर फट रिहा सी। नीरज दा पिंडा भख रिहा सी।

उह मूंहों कुझ्झ नहीं सन बोल रहे।

पर उनहां दीआं अख्खां लेल्हड़ीआं कढ्ढ कढ्ढ आख रहीआं सन: “सानूं हर कीमत ’ते इथों कढ्ढो!”

 

-57-

 

तपदे रेगसथान विच्च पहिली वार ठंडी हवा दा बुल्ला आइआ सी।

माता जी नें आपणे हत्थीं सहियोग संसथा विच्च नेहा दी पहिली थां बहाल कीती सी।

युवा शकती नें संसथा दे प्रबंधकां नूं आपणी ग़लती दा अहिसास करवाइआ सी। मजबूरन प्रबंधकां नूं मामला अमरीका बैठे माता जी दे धिआन विच्च लिआउणा पिआ सी। माता जी नें प्रबंधकां नूं झाड़ां पाईआं सन। माता जी दे आदेश ते संचालक नूं हसपताल आ के नेहा तों मुआफ़ी मंगणी पई सी।

पिछली बैठक विच्च नेहा अते उसदे परिवार लई समूहिक प्रारथना होई सी।

अगली समूहिक बैठक विच्च शामल होण लई नेहा नूं माता जी वल्लों बुलावा आइआ सी। सारे सहियोगीआं दे साहमणे माता जी नें नेहा नाल फ़ोन ’ते गल्ल करनी सी अते उसनूं अशीरवाद देणा सी।

माता जी किसे सहियोगी नाल फ़ोन ’ते गल्ल करन, इह संसथा दे इतिहास विच्च पहिली वार होणा सी। इस अनूठे प्रशाद नें नेहा नूं फुल्ल वांग टहिका दित्ता। नेहा दे सारे गिले शिकवे दूर हो गए। उस नूं महिसूस होइआ जिवें उसदी कुंडलणी मां दा मुड़ उथान होण लग्गा सी। पहिलां वाली अधिआतम शकती मुड़ उस अंदर परवाहित होण लग्गी सी।

माता जी नें नेहा नूं फ़ोन ’ते उपदेश दित्ता। उह रब्ब दी रज़ा विच्च रहे।

विधी दा लिखिआ अवतार ख़ुद नहीं टालदे। इह भाणा इंझ ही वरतणा सी।

नेहा कमल लई हंझू नां वहाए। उह माता जी दे चरनां विच्च सुरख्खिअत सी।

नेहा धिआन विच्च मन लगाए। माता पिता दी सेवा करे। भविख्ख विच्च सभ ठीक होण वाला सी।

नवें जोश नाल भरी नेहा आशरम विचों सिध्धी आपणी कोठी गई। आपणे पूजा सथान नूं उसने आपणे हत्थीं साफ़ कीता। माता जी दी फ़ोटो ’ते पई धूड़ नूं झाड़िआ।

अगले दिन माता जी दे बोल सच्चे सिध्ध होणे शुरू हो गए।

हाई कोरट नें पंकज अते नीरज दी पेशगी ज़मानत दी दरख़ासत रद्द कर दित्ती।

हुण उह थाणे दी हवालात विच्च सड़ रहे सन।

 

-58-

 

आम तौर ’ते मुलज़मां नूं बारां साढे बारां वजे हवालातों कढ्ढ लिआ जांदा सी। पर जदों नीरज होरां नूं ढाई वजे तक हवालातों बाहर नां कढ्ढिआ गिआ तां बाहर खहड़े समरथकां नूं हत्थां पैरां दी पै गई। इह देरी आउण वाले भैड़े समें दी सूचक सी।

रातीं नीरज होरां दे समरथकां नूं कपतान नें भरोसा दिवाइआ सी। मुलज़मां नूं बाइज़्ज़त कचहिरी लिजाइआ जाएगा।

ढाई वजे मुलाज़मां नूं थाणिउं बाहर आउंदे देख के कुझ्झ काले शीशिआं वालीआं गड्डीआं थाणे दे गेट अग्गे लग्गण दा यतन करन लग्गीआं। उनहां दी डिऊटी पंकज होरां नूं कचहिरी लिजाण दी लग्गी सी।

पर इक्क वी गड्डी नूं गेट अग्गे रुकण दी इजाज़त नां मिली। कारां दी थां सरकारी फोर वीलर लिआंदा गिआ। मुदई धिर ज़ोर पा रही सी। मुलज़मां नूं तोर के कचहिरी लिजाइआ जावे। पर पुलिस निरपख्ख सी। नां उनहां नूं तोर के कचहिरी लिजाइआ जाएगा नां कारां विच्च। साधारन मुलज़मां वांग उह सरकारी गड्डी विच्च कचहिरी जाणगे।

कमानों निकले तीर वांग मिंटी सकिंटी मुलज़मां वाली गड्डी अध्धखों ओहले हो गई।

थाणे तों कचहिरी दा रसता दो किलोमीटर तों वध्ध नहीं सी। रसते विच्च नां कोई बत्तीआं वाला चौक सी, नां भीड़ भड़क्का। गड्डी नूं थाणिउं निकलिआं घंटा हो गिआ सी। गड्डी रुकी तां किथे?

कचहिरी दे बाहर खहड़े समरथकां नूं चिंता होण लग्गी।

कुट्ट मार करके पुछ्छ गिछ्छ करन लई पुलिस किते उनहां नूं सटाफ़ तां नहीं लै गई? हैरान प्रेशान होए दोसत बुरे दे घर तक सोचण लग्गे।

हाले पहिली पहेली हल्ल नहीं सी होई। सिंगले नें नवीं मुसीबत दा बिगल वजा दित्ता।

इलाका मैजिसटरेट अध्धे दिन दी छुट्टी चला गिआ सी। डिऊटी मैजिसटरेट सवेर तों छुट्टी ’ते सी। सैशन जज्ज किसे मैजिसटरेट नूं डिऊटी मैजिसटरेट नियुकत करेगा। फेर दोशीआं नूं अदालत लिआंदा जाएगा।

मुलज़मां दी मिहनत ’ते पाणी फिर गिआ सी। उनहां नें दोहां मैजिसटरेटां तक पहुंच कीती सी। दोहें मैजिसटरेट पिठ्ठ दिखा देणगे, इह किसे दे चितचेते नहीं सी।

पता नहीं किस मैजिसटरेट दी डिऊटी लग्गे? पता नहीं किस सरकारी वकील नाल मत्था लगे? झट्ट पट्ट उनहां तक्क पहुंच किस तरहां होएगी? सिंगले नूं इहो चिंता सता रही सी।

लग्गदा सी इह डरामा किसे सोची समझी साज़िश तहित हो रिहा सी। नवें डिऊटी मैजिसटरेट दा नां जाण बुझ के गुपत रख्खिआ जा रिहा सी। धिरां नूं नवें मैजिसटरेट दा नां उदों ही पता लग्गणा सी, जदों दोशी कचहिरी जा खड़े।

सैशन जज्ज वल्लों कीती जा रही देरी दा पुलिस नें फ़ाइदा उठा लिआ।

सुपरीम कोरट दीआं नवीआं हदाइतां आईआं सन। ग्रिफ़तारी दे फौरन बाअद दोशीआं दा डाकटरी मुलाहज़ा करवाइआ जावे। इनहां हदाइतां दी पालणा लई दोशीआं नूं सरकारी हसपताल लिजाइआ गिआ। सिवल सरजन दी देख रेख विच्च डाकटरां दा बोरड बणाइआ गिआ। दोशीआं दी हर पख्खों जांच होई। डाकटरां नें इक्क सुर हो के सरटीफिकेट जारी कीता। दोवें दोशी सरीरक अते मानसिक दोहां पख्खां तों रिशट पुशट सन। उनहां दे सरीरां उपर किसे सट्ट दा कोई निशान नहीं सी।

हुण दोशीआं नूं अदालत विच्च पेश करन विच्च कोई दिक्कत नहीं सी।

दोशीआं दे कचहिरी पुज्जदिआं ही सैशन जज्ज नें चीफ़ जुडीशीअल मैजिसटरेटां नूं डिऊटी मैजिसटरेट नियुकत कर दित्ता। उह मैजिसटरेट विचों सभ तों सीनीअर सी अते इह मामला सीनीअर मैजिसटरेट दे विचारन वाला सी।

दोहां धिरां वल्लों घंटा घंटा बहिस होई। मैजिसटरेट कंनां विच्च तेल पाई बहिस सुणदा रिहा।

फेर वारी मैजिसटरेट दी आई: “बहुत तफ़तीश होणी बाकी है। साज़िश दी तैअ तक जाण लई पुलिस नूं खुल्हा समां चाहीदा है। पुलिस सत्त दिनां तक उनहां कोलों पुछ्छ गिछ्छ कर सकदी है।”

दोशीआं दा मैडीकल पुलिस पहिलां ही करवा चुक्की सी। डाकटरी रिपोरट अनुसार उह चहड़दी कला विच्च सन। नवें मैडीकल दी कोई ज़रूरत नहीं सी।

इनहां दलीलां दे आधार ’ते डाकटरी मुआइने दी दरख़ासत खारज कीती गई।

 

-59-

 

सत्त दिनां दे पुलिस रिमांड दा मतलब सी, पूरे सत्त दिन हवालात नां दे इस नरक विच्च रहिणा।

हवालात विचले सत्त घंटे उनहां नूं सत्त युग्गां जिडे लग्गे सन। उस समें उनहां दे मनां विच्च आस दी जोत जग्गदी सी। बाहर बैठे उनहां दे रिशतेदार किसे वी समें उनहां नूं आज़ाद करवा सकदे सन। नक्क बंद करके, साह घुट्ट के उनहां पीड़ सहि लई सी। हुण इस हवालात विच्च उनहां तों सत्त मिंट नहीं सन कट्टे जा सकदे।

अदालतों बाहर निकलदे ही दोहां भरावां दे सबर दे कड़ पाट गए। यारां दोसतां नूं उह बनाउटी मुसकराहट होठां ’ते लिआ के मिलदे रहे। पर जदों सहुरे अग्गे होए, उह उनहां दे गल लग के भुबां मार के रो पए।

परमा नंद अते सरदारी लाल नूं आपणे आप नूं संभालदिआं कुझ्झ पल लग्ग गए। उनहां नें आपणे मन पत्थर वांग करड़े कीते। जे उह हिंमत हार गए तां प्राहुणिआं दी धीर कौण बंनहाएगा?

इस तों पहिलां कि फोटो ग्राफ़र रोंदे मुलज़मां दीआं फोटोआं खिच्चदे, कमिशनर नें दोहां दे चिहरे, इसे मकसद लई लिआंदे तोलीए नाल ढक्क दित्ते।

दूसरे पासिउं दोशीआं नूं फाहे लाउण दे नाअरे गूंजण लग्गे।

सथिती विगड़दी देख के पुलिस नें मुलज़मां नूं हमाइतीआं विचों कढ्ढिआ अते जिपसी विच्च बिठा के तित्तर हो गई।

कमिशनर नूं समझ नहीं सी आ रही। किसे वी अफ़सर नें उनहां दी सिफारश किउं नहीं सी मंनी?

वेद होरां विच्च इंना दम नहीं सी। वेद हसपताल पिआ सी। राम नाथ बाहरला बंदा सी। माइआ नगर विचों उह इंना समरथन नहीं सी जुटा सकदा।

इस कारवाई पिछे कोई तीसरी धिर कंम कर रही सी। इस तीसरी धिर नूं जाणे बिनां मसला हल्ल नहीं सी हो सकदा।

कमिशनर अज्ज ही माइआ नगर आइआ सी। परमा नंद कल्ल्ह दा इथे बैठा सी। उस नूं हलातां दी वधेरे जाणकारी होणी चाहीदी सी।

परमा नंद नूं लै के कमिशनर अनैकसी विच्च जा बैठा।

परमा नंद दी सथिती कमिशनर वाली ही सी। सारी उमर विच्च उसनूं इंनी नमोशी पहिलां कदे नहीं सी होई।

दोहां रिशतेदारां दी इक्क नुकते ’ते राए सांझी सी। इस साज़िश पिछ्छे कोई वड्डी ताकत कंम कर रही सी। इह ताकत किसे विरोधी विउपारी दी हो सकदी सी जां पैसे बटोरन वाले किसे बलैक मेलर दी। कोई विउपारी छोटी मोटी रंजश कढ्ढण लई इड्डा वड्डा हंगामा खहड़ा नहीं कर सकदा। इह चाल किसे बलैकमेलर दी सी।

“इह बलैक मेलर कौण सी?”

कुझ्झ देर दोवें रिशतेदार सोच दे घोड़े दुड़ाउंदे रहे। जदों कुझ्झ हत्थ नां लग्गा, उह सिर सुट्ट के बैठ गए।

“सिर सुट्टण वाली किहड़ी गल्ल है? चल्ल के प्राहुणिआं नूं पुछ्छ लैंदे हां।

उनहां नूं सभ पता होएगा।”

मसला सुलझाउण लई उह थाणे नूं तुर पए।

बघेल सिंघ वाली कहाणी तों बिनां पंकज होरां नूं कुझ्झ पता नहीं सी। होर किसे नाल नां उनहां दी कोई नराज़गी सी, नां कदे किसे नें उनहां नूं कोई धमकी दित्ती सी।

“इह अग्ग बघेल सिंघ दी लाई होई है।”

कहाणी सुणदिआं ही कमिशनर नें पहेली सुलझा लई।

इक्क करोड़ दा मामला सी। इह किस तरहां यकीनी बणाइआ जाए कि बघेल सिंघ दे चुप्प हुंदिआं ही अग्ग मठ्ठी पै जाएगी।

“आपां आपणे सिफारशीआं कोल चल्लदे हां। कोई तां दस्सेगा किस नें उसदे हत्थ बंनहे हन?”

परमा नंद दे मोटे दिमाग़ नें बरीक गल्ल कीती।

सभ सिफारशीआं नें इको नां लिआ। मुख्ख मंतरी।

मुख्ख मंतरी! पर उसनूं उंगल कौण ला रिहा सी?

इस सवाल दा जवाब कपतान नें दित्ता।

“बघेल सिंघ नूं नत्थ पाओ। बाकी आपे गठ्ठे जाणगे।”

कपतान नें इक्क होर मदद कीती। बघेल सिंघ नाल उनहां दी मुलाकात तैअ करवा दित्ती।

दोहां समधीआं नूं इस आई मुसीबत दी ख़बर अचानक मिली सी। भज्जे आउंदे उह घर विच्च जिंनी नकदी पई सी, चुक्क लिआए सन। फेर वी कमिशनर दे बरीफ़ केस विच्च दस लख्ख सी अते परमा नंद कोल पंदरां।

गल्ल बात शुरू करन लई इंनी रकम काफ़ी सी। लोड़ पैण ’ते उह घंटे दे अंदर अंदर कई करोड़ इकठ्ठा कर सकदे सन।

दोहां रिशतेदारां नें हत्थ मिलाए, आपणीआं धीआं दे सुहागां लई उह इकल्ला इकल्ला इक्क करोड़ ख़रच सकदा सी। उह इक्क अते इक्क गिआरां हो गए सन। उह पैसा पाणी वांग वहा सकदे सन।

बघेल सिंघ नाल हत्थ मिलाउण तों पहिलां किशोरी लाल नूं नाल लिआ गिआ। मामला कानूंनी सी। उनहां दी सलाह दी ज़रूरत पै सकदी सी।

सैशन जज्ज दी राए अनुसार कानूंनी कारवाई नें कई पड़ावां थाईं लंघणा सी। कंम नूं तिंन हिध्धसिआं विच्च वंड लैणा चाहीदा सी। तीह लख्ख दी पहिली किशत अज्ज दित्ती जा सकदी सी। इस किशत दे इवज विच्च बघेल सिंघ नें कस्सीआं वागां ढिल्लीआं करनीआं सन। नतीजे वजों मुंडिआं नूं डाकटरां दी सलाह ’ते हवालातों कढ्ढ के हसपताल पहुंचाइआ जाणा सी।

दूसरा पड़ाअ दोहां भरावां नूं उच्च पध्धरी पड़ताल बाअद बे कसूर साबत होण ’ते पूरा होणा सी। दोशीआं दे बे कसूर होण दी रिपोरट अदालत पुज्जदिआं ही दूजी किशत दा भुगताण होणा चाहीदा सी।

तीजी किशत बाकी दोशीआं दे बरी होण ’ते बणदी सी। उना चिर सज़ा होण दी तलवार सदा उनहां दे सिर ’ते लटकदी रहिणी सी।

पहिलीआं दो शरतां बघेल सिंघ नूं मनज़ूर सन। तीजी उपर सखत इतराज़ सी।

उनहां दी सरकार दे गिणवें महीने बाकी सन। चोणां बाअद पता नहीं किस पारटी दी सरकार बनणी सी। सरकार बदलण बाअद किसे नें वाअदे नहीं निभाउणे, इह सभ नूं पता सी। अजिहे मुकद्दमे सालां बध्धी चलदे हन। मुख्खमंतरी इंनी लंबी उडीक नहीं सी कर सकदा।

शरतां विच्च थोहड़ी बहुत रद्दो बदल होई।

पहिली किशत तीह दी थां चाली दी होणी सी।

दूजी किशत दोशीआं दी शरत मुताबक उनहां दे बे कसूर साबत हुंदिआं लई जाणी सी।

वैसे मुख्ख मंतरी दा कंम इथे ख़तम हो जांदा सी। अदालती कारवाई दोशीआं नें आप देखणी सी, पर कोई सरकारी वकील जां कोई पुलिस अफ़सर अड़िक्का नां लावे इस लई तीजी किशत दा भुगताण दोशीआं दे बाहर आउण तक रोकिआ गिआ।

मरदे की नां करदे! कमिशनर नें सभ शरतां मनज़ूर कर लईआं।

उनहां दे जवाई बाहर आउणे चाहीदे सन। उह हर कीमत चुकाउण लई तिआर सन।