मैं वैनकूवर तों सांनफरांसिसको जा रिहा सां। वैनकूवर तों पहिलां मैं सिआटल तक्क जाणा सी अते ओथों सांनफरांसिसको लई होर जहाज़ बदलणा सी। हवाई अड्डे दी सारी प्रकिरिआ पार करन उपरंत मैं गेट नंबर ई-6 दे साहमणे पहुंच के कुरसी उत्ते बैठा आपणी फलाईट दी उडीक विच्च सां। हौली-हौली इक्का-दुक्का मुसाफ़िर आउंदे गए अते कुरसीआं उप्पर बैठदे गए। शाम साढे कु अठ्ठ दा वकत होवेगा जदों दरमिआने कद्द दा 22-24 साल दा छींटका जिहा नौजवान मेरे नेड़े आ के बैठ गिआ। आपणा बैग़ मोढे तों उतारदिआं उस नें मेरे कोलों अंगरेज़ी विच्च पुछ्छिआ, "नौं वजे फलाईट है पर अजे तक्क एथे एअरलाईन दा कोई आदमी किओं नहीं आइआ?" मैं भला की दस्सदा! मुसकरा के सिर हिला छड्डिआ।

उस नें दुबारा पुछ्छिआ। "तुसीं वी इसे फलाईट ते जा रहे हो?"

मेरी उस नाल गल्लबात करन विच्च कोई दिलचसपी नहीं सी। मैं 'हां' विच्च सिर हिला के चुप्प कर गिआ।

"रहिंदे कित्थे ओ सरदार जी?", ऐतकीं उस नें बड़ी ठेठ अते मिठ्ठी पंजाबी विच्च पुछ्छिआ तां मेरे आपे दे जिवें बंद मुसाम खुल्ल गए। इह तां कोई आपणा ही पंजाबी भरा सी। मैं खुशी भरी हैरानी नाल उहदे वल्ल झाकण लग्गा।

मैं उसनूं आपणे बारे दस्सण लग्गा।

'जलंधर' दा नाम सुण के उसदीआं अख्खां विच्च लिशक आई। उस नें दुहरा के पुछ्छिआ, "अछ्छा! जलंधर रहिंदे ओ तुसीं?"

साडे दोहां विचकार पिआ आपणा बैग़ उस नें चुक्क के दूजे पासे रख्ख लिआ अते मेरे होर नेड़े हो गिआ।

"मैं पाकिसतान तों आं। साडे वडेरे वी पिछ्छों जलंधर दे नें। ओथे साडा लुहारे दा कंम हुंदा सी। मेरा दादा उह बणाउंदा हुंदा सी जिस नाल असीं फ़सल कट्टदे आं……" उस नें फ़सल कट्टण वांग हत्थ हिलाउंदिआं किहा, "उह …हां……दातरीआं अते खुरपे वी।"

उहनूं वडेरिआं दे कित्ते दा माण सी।

"तुहाडा इसम शरीफ?" मैं पुछ्छिआ तां उहदीआं ख़ुशी विच्च वाछां खिड़ गईआं।

"तुसीं उरदू जाणदे ओ?"

"थोहड़ा थोहड़ा……साडी बड़ी अमीर ज़बान है उरदू।"

उस दा नां राशिद सी अते उह पिछले चार सालां तों फलोरिडा विच्च, पहड़ाई कर रिहा सी। मापे उस दे पाकिसतान विच्च ही सन।

मैं पुछ्छिआ, "अज्ज कल्ल्ह तुसीं कित्थे रहिंदे ओ?"

इक्क सांझ जुड़ जाण दे बावजूद उस नूं अंदरों लग्गदा सी कि मैं पाकिसतान, इक्क अजनबी देश बारे की जाणदा हो सकदा हां! इस लई उह थोहड़ा विसथार नाल समझाउण लग्गा।

"साडे ओधरले पंजाब विच्च इक्क ज़िल्हा है सिआलकोट।"

"हां……हां डा: इकबाल वाला सिआलकोट।"

मैं गुरबख़श सिंघ प्रीतलड़ी वाला सिआलकोट वी कहिणा चाहुंदा सां पर उस नूं की पता होणा सी!

"तुसीं डाकटर इकबाल नूं वी जाणदे ओ?"

"किओं नहीं, उह इस बरे-सगीर दा अज़ीम शाइर होइआ है। साडा आपणा शाइर-ए-मशरिक, पूरब दा शाइर।"

उह खुशी 'च चहिकिआ, "हां…हां ओसे सिआलकोट ज़िल्हे दा इक्क निक्का जिहा शहिर है गुजरात।"

"इह होर होणै। उंज इक्क तां आपणी सोहणी वाला गुजरात वी है पर उह तां झनां दे कंढे 'ते है।" मैं हस्सिआ।

"कमाल है सरदार जी।" उस नें मेरा हत्थ घुट्ट लिआ। उसनूं मेरा गुजरात दी सोहणी बारे जानणा वी चंगा लग्गा। अपणत्त वाली सांझी जाणकारी दी जुड़ी तंद नें अहिसास करवाइआ जिवें असीं इक्को खानदान दे विछड़े चिराग उमरां बाअद मिल पए होईए।

जहाज़ विच्च सवार होण लई आवाज़ पई। निक्का जिहा जहाज़ सी। साडीआं मिंनी बस्सां जिड्डा। मैं गिणीआं। सारीआं बाई सवारीआं सन। एअर होसटैस्स नें किहा, "सीट नंबर दा फ़िकर नां करो। जित्थे दिल करदा है बैठ जावो।"

राशिद इस जहाज़ ते सिआटल तक्क जा रिहा सी। मसां अध्धे घंटे दा सफ़र। असीं इस थोहड़े समें नूं लेखे लाउणा चाहुंदे सां। नेड़े-नेड़े बैठ गए।

मैं उस नुं दस्सिआ कि मैं पंजाबी दा लेखक वी हां अते पंजाबी दा अधिआपक वी। इह वी दस्सिआ कि असीं इध्धरले पंजाब विच्च बाबा फ़रीद, शाह हुसैन, बुल्ल्हे शाह अते वारिस नूं वी पहड़ाउंदे हां।

इक्क इक्क गल्ल उस लई रहस्स वांग ख़ुल्ल्ह रही सी। उसदे मूंहों अचनचेत निकलिआ, "सरदार जी! इक्क हिसाब नाल आपणा तल्हा-मूळ तां इक्क ही होइआ फ़िर?"

मैं कुझ्झ पाकिसतानी लेखकां दे नां गिणाउणे शुरू कर दित्ते। अहिमद नदीम कासमी, फख़र ज़मां, अशफ़ाक अहिमद, इलिआस घुंमण। उस नुं जापिआ जिवें साडा रिशता परत-दर-परत खुल्ल्हदा अते निख्खरदा आ रिहा है।

"मेरे इक्क अंकल वी लिखदे हन पंजाबी 'च, शरीफ़ कुंजाही।"

"मैं सुणिआ वी होइआ है अते पहड़िआ वी।"

उस नें चाअ नाल इक्क होर रिशते दे अंकल दा नाम लिआ।

"अनवर मसऊद, तनज़ीआ लिखण वाला।"

मैं उस नुं लाहौर टी: वी: तों सुणिआ होइआ सी। जदों मैं उसनूं अनवर मसऊद दी उस नज़म बारे दस्सिआ जिस विच्च इक्क चौधरी आपणे नौकर नूं सबज़ी चाहड़ण लई आखदा है अते नौकर चौधरी दी इछ्छा मुताबिक कदी भिंडी अते कदी बैंगण दी तारीफ़ करदा है अते चौधरी दी राए बदली जाण के उहनां ही सबज़ीआं दे विरुध्ध बोलदा है।"

"तुसीं तां पोतड़िआं दे जाणू लग्गदे हो?"

उह मेरे हत्थ ते हत्थ मार के हस्सिआ। फ़िर बड़ी गंभीर मुदरा 'च बोलिआ।

"साडी दादी दी इक्क सहेली हुंदी सी, जलंधर विच्च, कुलवंत कौर। जदों बैठेगी, उहदीआं गल्लां छुह लवेगी। असीं कहिंदे हां, "अंमा! बड़ी वार सुणी है इह कहाणी, पर उस लई सदा नवीं हुंदी है। सानूं पता हुंदा है। उस नें अग्गों की बोलणा है, किहड़ी तरतीब विच्च बोलणा है। उह आखेगी, "कुलवंत ते मैं……बच्चे उहदे मूंहों बोल खोह लैणगे, "धरम दीआं भैणां सां।" उह फ़िर आखेगी, "साडी इक्क दूजे दी……" असीं आखांगे, "जान विच्च जान सी" दादी दीआं अख्ख चमक उठ्ठणगीआं, "हां! जान विच्च जान सी, साह विच्च साह सन, जदों मेरा निकाह होइआ, ……ते फ़िर अंमां चल्ल सो चल्ल।"

गल्लां करदा-करदा राशिद इक्क पल लई रुकिआ अते मैनूं पुछ्छण लग्गिआ जिवें मैं जाणी-जाण होवां।

"भला कुलवंत कौर जिऊंदी होवेगी?"

मैं किहा, "हां जिऊंदी है।"

इस तों पहिलां कि उह होर ज़िआदा हैरान होवे मैं आखिआ, "कुलवंत कौर उह मुहब्बत है जो दोहां मुलकां दे आम लोकां दे मनां विच्च हेठां करके इक्क दूजे लई महिकदी पई है भावें उस दे उत्ते बारूद दी बोअ दी लंमी तहि विछी पई है।"

सिआटल आइआ तां मेरे तों विछड़न लग्गा लंमा साह लै के राशिद बोलिआ, "अछ्छा संधू साहिब।"

मैं उस दा हत्थ मोह नाल घुट्टिआ।

"अछ्छा! राशिद मीआं।"

जहाज़ बदल के जदों मैं सानफरांसिसको लई रवाना होइआ तां राशिद मेरे अंग संग विचर रिहा लग्गा।